رواية عشقي الابدي الفصل الثالث عشر بقلم سلمي عبد الجليل
يوم تخرج فهد...
شهد: ايه رأيك ي سوسو
سلوي: قمر ي حبيبتي
شهد كانت لابسه دريس بينك ولابسه خمار اوف وايت
فهد نزل من اوضته وكان لابس بدله بيج عشان المناقشة وكان زي القمر
شهد صقفت بطريقه مسرحيه اول م شافته وقالت: البشمهندس بتاعنا وصل ي ولاااد وضحكت
احمد: قمر ي حبيبي هتبقي اجمد واحلي معيد
فهد: م عشان انا شبهك ي ابوحميد
سلوي بضحك: مفيش حد شبهه لو سمحت
وضحكوا كلهم
فهد: يلا هكلم اسد عشان اشوفه جهز ولا لاا ورن ع اسد وقاله انهم خلاص قربوا يوصلوا وكذلك عمرو و چو
وصلوا كلهم ف نفس الوقت واسد كان لابس تيشرت ابيض ف اسود ع بنطلون اسود وليلي لابسه دريس بيبي بلو وخمار اوف وايت وفاطمه لابسه دريس بينك زي شهد وخمار اوف وايت وعمرو لابس بدله سوده و چو لابس تيشرت ابيض ع بنطلون اسود وعلا لابسه دريس ابيض ف بينك والخمار بينك
عمرو اول م شاف فاطمه تنح شويه وبعدين بعد عنيه عنها واستغفر ربنا
احمد: ماشاء الله ي حبايبي ربنا يحفظكوا يارب
كلهم: يارب
فهد: مش يلا بقا هنتاخر
كلهم: يلا
احمد وفهد وشهد وسلوي مع بعض
چو ومامته وبنته وعلا مع بعض
عمرو ومامته حنان مع بعض وباباه محمود
وحسن وصفاء ركبوا مع بعض
واسد وليلي وفاطمه مع بعض
وصلوا المكان الي عمرو وفهد وبقيت التيم هيناقشوا فيه
عمرو : اهدى ي فهد هتعدي ان شاء الله
فهد : قلقان اوي ي عمرو
شهد : اي ي فهود اهدى وبعدين انت اشطر مهندس ف الدنيا
احمد : اهدي ي ابني متقلقش كلنا بدعيلك هتعدي ي حبيبي
فهد: يا مسهل انا هدخل بق
فهد وعمرو اتقابلوو مع بقيت التيم بتاعهم (عماد وحسن و محمود ) ودخلوا سوا قعدوا ساعتين وبعدها خرجوا اول م خرجوا فهد جري ع احمد وحضنه
احمد بحب : عملت اي ي حبيبي طمني
فهد بفرحه : ااحمدلله عدت ع خير يلا عشان نتصور تعالو
الكل بارك لفهد وقعدوا يتصورا
شهد : اي الجمال دا ي فهودي لا مهندس مهندس يعني
فهد بضحك : اقل حاجه عندنا
سلوى : ربنا يحفظك ي حبيبي
فهد: الحمدلله اخيرا حققت حلمي ياااه بعد تعب السنين دي كلها الحمدلله لسه حلمي الاساسي ويلاا عشان احققه
احمد: يلا
شهد: ع فين
فهد: انا وعدتكوا اني هعترف لقمري انهارده بحبي وهتبقي مراتي وانا قد كلمتي
شهد وهي حابسه دموعها: بس انا مش قادره عايزه اروح
احمد: ي حبيبتي اما نروح هناك ابقي نامي براحتك
شهد: لاعايزه اروح ي بابا
فاطمه: خلااص ي ابوحميد هاخدها ونروح
اسد: لا محدش هيروح الكل لازم يكون موجود
شهد: طب ممكن اروح انا مش قادرة اجي
فهد: وتسيبي اخوكي ف يوم زي دا بدون اخته (فهد عارف انه كدا بيستفزها وهيخليها تيجي)
شهد: خلااص هاجي مقدرش اسيب اخويا لوحده طبعا
فهد ابتسم بسمه انتصار وقال: اشطاا يلا وسبق هو وعمرو ف عربيه عمرو ويوسف خد حنان والده عمرو ف عربيتهم احمد اخد محمرد معاه ف عربيته وقعد قدام معاه وفضلوا ماشيين لحد م وصلوا السخنه وكانت شهد نامت وكذلك ليلي وفاطمه وعلاا ف اللحظه قدروا ينفذوا المخطط وخبوا عين شهد بقماشه لونها اسود وكذلك فاطمه واسد نزل فاطمه واحمد نزل شهد والاتنين ابتسموا لبعض احمد فضل يفوق ف شهد لحد م صحت وهي مش شايفه حاجه
شهد: فيه ايه ايه الي ع عيني داا
احمد غير صوته وقال: انتي اتخطفتي لازم تفضلي واقفه ساكته واياكي تحاولي تشيلي القماشه من ع عنيكي ابداا فاهمه ولا لا
شهد: حاضر والله مش هعمل حاجه بس قولي فين اهلي وازاي اتخطفت
احمد سابها ومشي وهي فضلت تكلم نفسها
ع مسافه قليله من شهد اسد فوق فاطمه وهي كذلك مش شايفه قدامها وعمل نفس الي احمد عمله مع شهد وفضلوا هما الاتنين واقفين وعلا وليلي بيصوروا وفجاه القماشه السوده الي ع عين شهد اتشالت وكذلك فاطمه فتحوا عنيهم
عند شهد.
لقت فهد راكع ع رجليه وف ايديه علبه وفيها خاتم
فهد: تقبلي تكوني اميرتي ورفيقه دربي وروحي
شهد ساكته ودموعها بتنزل لوحدها
فهد: عارف اني صدمتك بس كان لازم اعمل كدا عشان تكوني ليااا واتاكد من حبك ليا يوم م سوسو سالتني ع اسم حبيبتي قولت قمر لانك انتي فعلا قمر انتي قمري ي شهد كنت عارف انك بتتعذبي وانا كنت بتعذب اكتر منك بس اعمل ايه كان لازم اعمل كدا عشان احقق احلامي كلها مع بعض اول حلم انك تكوني ليا والتاني اني اجيب امتياز وابقي معيد فكرت كتير عشان الاتنين يبقوا مع بعض ملقتش غير يوم تخرحي عشان تبقي مناسبه حلوه ودايما نفتكرها لما سالتيني امبارح بكتب ايه قولتلك اني بكتب الكلمه الي هقولها يوم تخرجي بس الحقيقي اني كنت بحاول ارتب الي هيحصل واشوف هقولك اي وافاجئك ازاي مع ان كل حاجه كانت مترتبه بس حسيت اني لازم اعمل احلى واحلى عشانك وعشان اشوف فرحتك هاا قولتي ايه تقبلي تكوني رفيقه دربي
شهد: لاارد
فهد: تقبلي تكوني رفيقة رحلة حياتي
شهد بصت لسلوي واحمد الي بيقولولها اه وقالت: موافقه ي رفيق دربي وخدت الخاتم م العلبه وحطته ف ايديها وابتسمت
عند فاطمه....
فتحت عنيها لقت عمرو راكع ع رجليه تنحت وقالت: ايه الي بيحصل داا
عمرو: انا اتفقت مع اخوكي اني اتقدم يوم تخرجي وكنت هاجي اتقدم فعلا ف البيت بس فهد قالي ع الفكره دي واننا نفاجئك انتي وشهد وقولتله خلااص ماشي وقلت لاسد وهو وافق وانا بحبك ي فاطمه وكلهم عارفين دا ف بدون مقدمات تقبلي تقضي بقيت حياتك معايا وتكوني مراتي
فاطمه فضلت ساكته ودموعها بتنزل ومش مصدقه نفسهاا وفضلت تبص حواليها عشان تتاكد ان الي بيحصل دا حقيقه مش حلم وبعدين بصت لاسد وحسن الي هزوا دماغهم بالموافقه
فاطمه: موافقه وضحكت واخدت الخاتم ولبسته وهو قام وراح ناحيه فهد
عمرو: ي قلبي انت استحملت كتير اوي عشر سنين ي حبيبي
فهد بصله بغيظ وقال: منك لله غور يلاا من وشي
عمرو وهو بيستوعب الي قاله من شويه: اسف وربنا م خدت بالي انا ماشي يلا عشان المأذوون
فاطمه وشهد: مأذون !!
فهد: اه مأذوون انا متفق مع ابوحميد ع كل حاجه وع فكره هننقل الطابق بتاعنا الي ف الفيلا وهنعيش فيه ومش هستحمل تبعدي عني اكتر من كدا فاهمه ويلا عشان المأذون
ومشي هو وشهد وفاطمه بصت لعمرو
همرو: بتبصيلي كدا ليه ايوه مأذون وهنتجوز ي فاطمه انا من يوم م شوفتك وانتي جننتيني بقيت بشوفك ف اي حته اروحها حتي لو انتي مش موجوده فيها ومش هقدر استني لما تتخرجي او فتره اطول من كدا ف احنا هنتجوز ونعيش ف شقتي وهساعدك ف المذاكره متقلقيش
فاطمه: وافرض انا مش عايزه اتجوز دلوقتي ونقضيها خطوبه وخلااص
عمرو: نعم ي اختي دا ع جثتي يلا ي سكر كداا عشان نروح للمأذون وراحوا هما كمان للمأذون
فهد: يلا ي شيخنا ابتدي وفعلا الشيخ بدا ف عقد قران شهد وفهد وقيلت اجمل جمله وهي"بارك الله لكما وبارك عليكما وجمع بينكما في خير "ف اللحظه دي فهد قام حضن شهد ولف بيهاا ووقفوا جنب بعض على م تم عقد قران فاطمه وعمرو بردو عمرو حضن فاطمه ولف بيها ووقفوا جنب بعض
محمود: ربنا يسعدك ي حبيبي انا اسف ع كل الي حصل انا كنت اناني بس خلااص ي حبيبي انت لقيت نصك التاني ربنا يخليكوا لبعض ي حبيبي
عمرو باس ايديه وجبينه وقال: ويخليك لينا ي حبيبي انا والله عارف انك بتحبني وبتعمل كل حاجه عشان مصلحتي بس كل الي حصل دا قدر ونصيب والحمدلله بقيت دلوقتي مع نصي التاني زي م حضرتك قولت
حنان: ربنا يهنيكوا ببعض ي حبايبي
سلوي راحت حضنت شهد وباركتلها وباركت لفهد وكذلك احمد وبارك لفهد
وفهد سلم ع صحابه وعمرو كذلك
ليلي: يلا بقي عشان نجهز العرايس
فاذمه وشهد: عرايس
علا بضحك: اه ويلا وهتفهموا كل حاجه
وطلعوا ف البيت الي كان موجود هناك
وعلا وليلي حكوا كل حاجه
فلااش باااك
فهد: ابوحميد انا هتقدم ل شهد يوم تخرجي وعمرو هيتقدم لفاطمه بس عايزين حاجه تبقي تنيمهم ف العربيه عشان ميحسوش بحاجه
اسد: هنجيب عصير ونحط فيه منوم ونخلي علا وليلي يعملوا نفسهم نايمين هما كماان
فهد: حلو اوي وانا هسبق انا وعمرو عشان نجهز كل حاجه ف البيت ونجيب الفساتين كمان ونجيب الماذون
ليلي: طب ليه كدا م تقوللهم
فهد: وتبقي مفاجأة ازاي اعملوا بس زي م قولتلكوا والخطه هتمشي تمام
بااااااك
شهد: اه ي جزم وسايبيني كدا انا وفاطمه وازاي استحملتوا تشوفوني وانا هموت وهو بيتكلم ع قمره
علا: والله غصب عننا وبعدين احنا عرفنا الحوار كله امبارح وحلفونا منقولش حاجه عشان تبقي مفاجأه
فاطمه: و اي مفاجأة دا انا حاسه نفسي بحلم
ليلي بحب: لا ي حبيبتي انتي ف حقيقه مش ف حلم ويلا عشان نجهزكوا
كلهم: يلاا
وفعلا لبسو وكانو زي القمر وحطوا ميك اب خفيف وقبل م ينزلوا شهد لقت مسدج بيتبعت فتحت فونها لقت محتواهاا "قولتلك مش هتكوني غير ليا ازاي تعملي كداا ان مكنتيش ليا مش هتكوني لغيري"
ورتهم المسدج وليلي قالتلها ردي وقوليله انا دلوقتي ع زمه راجل احترم نفسك ومعدتش تبعت
شهد: مش هينفع اخون ثقه فهد من اول يوم ليا كداا عيب وحراام
علا: انتي صح بس مش هيسكت غير لو قولتي كدا وبعدين فهد كان قايلنا من ضمن الخطه لو الواد دا بعت حاجه نرد عليه
شهد: بجد امري لله وانا هقول لفهد ع الي حصل
شهد كتبتله لوسمحت احترم نفسك انا خلاص بقيت ع زمه رااجل دلوقتي ف احترم نفسك ومعدتش تيعتلي مسدجات تاني
بعت مسدح وكان محتواها"لو عايزه تنهي الموضوع انزليلي انا ف جنينه البيت الي تحت "
شهد: يااني هعمل ايه
علا: بصي انزلي واحنا هنروح نندهلهم وييجوا يمسكوه
فاطمه: فكره حلوه اوي يلا انزلي
شهد: انتو متاكدين م الي بتقولوه دا
ليلي: متقلقيش ي حبيبتي يلاا انزلي
شهد نزلت بفستان الفرح بتاعها وكانت ف غايه الجمال نزلت وراحت عند الجنينه ولقت مسدج وصلت"بصي قدامك "شهد فضلت باصه قدامها لكن مش عارفه تتحقق من وش الي جاي عليها ووساعه م قرب
فهد: ايه ي حبيبتي كنتي متوقعه حد تاني ولا ايه
شهد: ايوه ي فهد الحمدلله انك جيت الواد الرخم الي بيبعت دا بعتلي وقالي انزلي انت اكيد البنات جم قاللولك الحمدلله خليك واقف جنبي بق لحد م ييجي
فهد : طب رني عليه كدا
شهد : فاكى لما انت رنيت عليه وقولت انه رقم وهمي مش هيرن
فهد : لا حربي تاني
شهد : حاضر
ورنت عليه لقت موبايل فهد بيرن بصتله بصدمه وفهد فتح المكالمه وقال : ايوه انا العاشق الولهان ي عشقي الأبدي كل دا عشان كنت بحبك مكنتش هقدر افضل ساكت كان لازم اعبر عن حبي بأي طريقه وكنت مستاذن من ابوحميد وسوسو عشان كدا كانوا دايما بيضحكوا لما توريهم الرسايل وبالنسبه لاقناعهم ليكي فوق انك تردي ف دا بأمر مني عشان ينزلوكي ليا واكون اول حد يشوفك
شهد: اه ي جزم يالي فووق ليلتهم فل معايا بس انت ازاي عرفت وقتها بالي حصلي يوم م خالد كان عايز يخطفني وعملتله ايه دا الودا يعيني يوم م اتخبطت فيه كان هيموت م الرعب
فلاااش بااك
شهد وفاطمه يوم م راحوا يشتروا الدريسات زي بعض
شهد ماشيه واتخبطت ف حد
شهد: مش تحاسب ي استاذ
خالد: انتي الي المفرووض تحاسبي انتي عاام.... ولسه هيكمل اتخرس ساعه م شافهااا وقال انا اسف والله اسف اوعي تقوليله حااجه بالله عليكي والله اسف مخدتش بالي انا اتخبطت فيكي بالغلط وطلع يجري
فاطمه: هو اتهبل ولا ايه
شهد: وانا ايش عرفني يلا ي بنتي
بااااك
فهد ضحك وقال: بالنسبه لعرفت يومها ازاي ف انا كنت معين حد يراقبك دايماا ويشوف تحركاتك عشان ابقى مطمن عليكي واليوم الي هو حاول يخطفك فيه دا الشخص الي خليته يراقبك هو الي خلصك منه اساسا وبعدها عرفت المكان الي دايما بيقعد فيه روحتله
فللاااش باااك
خالد: ايه دا منور ي برنس ايه الي جايبك كباريه اومال اخلااق ايه بقاا
فهد اداله بوكس ف وشه وقال: دا عشان بصتلها وكسرله ايديه وقال: ودي عشان اتمدت عليها ومسكتها
وقام مديله بوكس كمان وقال: ودا تنبيه ليك عشان لو فكرت تقرب ليها تاني وسابه ومشي
بااااك
شهد: يعيني وانا اقول الواد كاان هيمووت كدا ليه ساعه م شافني
فهد: انتي ماسه غاليه اوي ي شهد والي يحاول يقرب بس منك اقتله
شهد: للدرجه دي بتحبني ي فهد
فهد: انا مش بس بحبك دا انا بعشقك ي عشقي الابدي وعشقي الاول والاخير
شهد بضحك: كدا اتاكدت انك العاشق الولهااان
ع فكره الرقم الي بعتلك بيه داا رقم حقيقي وسجليه العاشق الولهاان عشان هفضل ابعتلك رسايل كدا لاخر يوم ف عمري ي عمري وحضنهاا وهي اتوترت وقالت: اومال الاندال دول منزلوش ليه
قهد: انا الي قايلهم ينزلوكي واياك حد ينزل معاكي او بعدك ع طول وهما دلوقتي هينزلو اهو عشان الفرح هيبدا يلا اقفي ع السلم وانا همشي بقاا
شهد: البدله عليك حلوه اوي
قهد: هغير راي واقضي الليله هناا انتي بتتدلعي ف اوقات غلط
شهد بضحك: براحتي وسابته وشالت فستانها وجرت راحت ع السلم وهو راح لعمرو
فاطمه نزلت وحسن جه خدها من ايديها هو واسد وكذلك احمد خد شهد من ايديها وطلعوا والدنيا كانت ضلمه جدا وفجاه النور اشتغل وكانت الحفله ع شط البحر زي م كانت شهد بتتمني وانوار متعلقه ع الخشب الي هما محاوطين بيه المكان وترابيزات مزينه وموجود كوشه كبيره ليهم هما الاتنين و الحفله بدأت واحمد راح حط الدوا لشهد ف العصير وخده واداهلوها هي وفهد وعمرو وفاطمه وشربوه وبعدها فهد قاام ومسك المايك وقال انا انهارده حققت حلمين من احلاامي ولسالي حلم واتمني ربناا يحققهولي واحب اقول ان اناا شريك اسد ف شركته انا كنت منتظر الوقت المناسب ومفيش افضل م الوقت دااا
الكل باركله وبعدين قضوا الليله مع بعض وبعدها كل واحد طلع ع اوضته
عند فاطمه وعمروو....
صلوا مع بعض و سبح ع ايديها وبعدين حط ايديه ع دماغها وقال دعاء الزواج
فاطمه: ربنا يخليك ليا ي عمرو انت كنت حلم بعيد واتحقق
عمرو: انتي الي كنتي امنيه وحلم ورغبه وإراده و اخيرا ربنا حققهالي
فاطمه: كنت عايزه اقولك حاجه عشان نبقي ع نوور من اولهاا
عمرو: عارف ي حبيبتي متقلقيش مش هفتح موضوع الاطفال نهائي غير بعد م تخلصي دراستك
فاطمه حضنته جامد وقالت: ربنا يخليك ليا يارب وميحرمنيش منك ابداا انا بحبك اوي ي عمرو
عمرو: وانا بعشقك ي قلب عمرو
نسيبهم بقا ونروح للثنائي الاخر
عند فهد وشهد....
صلوا وسبح ع ايديها وحط ايديه ع راسها وقال دعاء الزواج وبعدها حضنها وفضل حاضنها ومش راضي يسيبها
شهد: ايه ي فهد انا مش هطير والله
فهد: مش عايزك تروحي ف حته دا خلااص بقاا مكانك ي شهد اوعي تبعدي عني ابدا
شهد بخوف عليه: مش هبعد والله فيه ايه
فهد: انتي عارفه ان ربنا عمره م بيعمل لينا حاجه وحشه او هتضرنا صح
شهد: صح
فهد: واكيد عارفه ان اي حاجه ربنا بيعملهالنا بتبقي فيها خير لنا حتي لو هتتعبنا شويه صح
شهد بقلق: صح فيه ايه ي فهد
فهد: اوعديني انك هتفهمي الموضووع وتتقبليه ي شهد
شهد: اوعدك بس قولي فيه ايه انا قلبي وجعني
فهد مسح دموعه الي خانته ونزلت واتنهد بصوت عالي وقال: شهد فاكره يوم م اغمي عليكي فيه
شهد: ايوه
فهد: يومهاا الدكتوره طلعت وقالتلنا انها شاكه انك عندك كانسر ف الدم وحكالها الي حصل كله وبعدها انا وعمي اتفقنا نقسم العلاج بينا و يفضل معانا دايماا ف اي وقت وف اي مكان وكنا دايما بنحطه ف العصير والدكتوره قالت ان لازم تروحي تعملي الجلسات بتاع الكيماوي باسرع وقت عشان تخفي بسرعه
شهد بعياط: وكل دا وانتو مخبيين عليا
فهد: كنت عايز اقولك بدل المره الف ومكنتش بقدر كنت بضعف لحد م لقيت فكره وقلتها لعمي
فلااش باااك
فهد: انا عندي فكره
احمد: ايه هيااا
فهد: مش انا كدا كدا هتجوز شهد يوم تخرجي
احمد: ايوه
فهد: خلاص محلوله اهي اليوم دا هخليه مميز هنعمله ف السخنه و الفرح هيتعمل ع الشط زي م هي كانت بتحلم وهعملها كل حاجه نفسها فيها وهصارحها لما نطلع اوضتنا
احمد بحزن: يوم فرحها
فهد: ايوه يعمي مفيش حل غير كدا ومش هقدر اقولها قبل فرحنا عشان هتعيط ومش هقدر اشوفها بتعيط وماخدهاش ف حضني انا اسف ع الي بقوله بس فعلاا مش هقدر ولاازم تعرف يوم فرحنا عشان تحس اني معاها دايما ي عمي واني دايما هكون معاها وعمري م هسيبها وانا احب اني ابدا حياتي بدون م اكون مخبي عليها حاجه
احمد: ماشي ي ابني ريما يقدم الي فيه الخير
فهد: يارب
بااااك
شهد: وليه فضلت معايا وانت عارف ان ممكن اموت ف اي لحظه
فهد ف اللحظه دي عيط وحط ايديه ع فمها وقال: اوعي اسمع الكلمه دي تاني انتي هتبقي كويسه انا قلبي بيقولي كدا وانا قلبي عمري م كدب عليا وثقتي ف ربنا ان ميخذلنيش عمرها م هتقل
شهد: عشان كدا يوم م كنا ع البحر كنت بتدعي ان ربنا يشفيني وميكسركش ووقتها عيط وانا كنت مفكره انها حبيبتك هي الي تعبانه وروحت فضلت اعيط
قهد: انا كنت بتعذب عذااب ي شهد اوله اني مش عارف اصارحك بحبي والتاني انك تعبتي وانا مش هقدر اعيش لو حصلك اي حاجه
شهد: للدرجه دي بتحبني ي فهد
فهد ضمها لحضنه اكتر وقال: انا تخطيت مستوي الحب انا بعشقك قولتلك انك ادمان انا مش عارف اتخلص منه ولا هقدر اتخلص منه
شهد مسحت دموعها ومسحت دموعه وقالت: وانا مستعده اروح جلسات الكيماوي عشانك وعشان نعيش مع بعض
فهد طلعها من حضنه وبصلها بفرحه ممزوجه بصدمه وقال: بجدد
شهد: اه بجد عشان مش هقدر اشوفك بتتعذب عشاني وانا اقعد كداا
فهد حضنها تاني وقال: ربنا يخليكي ليا ي حبيبتي وربنا يشفيكي يارب ويقومك بالسلامه
شهد: يارب. يحبيبي بس بقولك
فهد: ايه ي قلبي
شهد: مش هتبقي بابا ولا انا ماما الا بعد م اخلص دراستي
قهد: وانا موافق ي حبيبه قلبي
شهد: طب يلا مش هنام ولا ايه
فهد: طبعا ي حبيبتي وشالها من الارض وناموا ع السرير
