رواية عشقي الابدي الفصل الرابع عشر بقلم سلمي عبد الجليل
عند فهد وشهد..
شهد صحت قبل فهد فضلت تبصله وتتأمله وهو نايم او هو عامل نفسه نايم وقالت: ياااه انا مش مصدقه انك معايا دلوقتي مش مصدقه ان امبارح كان فرحنا انا حاسه اني بحلم لا انا مش بحلم انت قدامي اهوو انت حقيقه وانا حقيقه وحبنا لبض اكبر واهم حقيقه وباست جبينه وجات تقوم شدها وقعت ع صدره
شهد بخضه: ايه دا انت صاحي من امتي
فهد: من اقول يااااه
شهد بخجل: سيبني عشان الحق اخد دش وانزل
فهد: عايزاني بعد م سمعت الكلام الحلو دا كله اسيبك تنزلي كدا عادي
شهد: عايز ايه انجز
فهد: انجززز!!! طب بعد الكلمه دي مفيش نزوول
شهد: خلااص قول بقا عايز ايه
فهد شاور ع فمه
شهد بكسووف: اتلم ي فهد ويلا سيبني
فهد بعند: مش هتقومي غير لما تنفذي الطلب
شهد: طب بص سيبني وانا هنفذ
فهد صدقهاا وسابها: ماشي يلا
شهد باسته من خده وقامت تجري ودخلت الحماام
فهد من بره: ماشي ي شهد اديني واقفلك اهوو شوفي هتطلعي ازاي
شهد ف سرها: ايه الزوج المشمحترم دا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عند عمرو وفاطمه...
عمرو صحي قبلها وخدها ف حضنه وهي صحت
عمرو: صباح النور ع اجمل عيون ف الكون
فاطمه: صباح الخير ي حبيبي نمت كويس
عمرو: حد يبقي نايم جنب القمر ومينامش كويس
فاطمه بكسوف: ربنا يخليك ليا ي حبيبي
عمرو: ويخليكي لياا ي عمري وبطلي تتكسفي بقااا
فاطمه: حاضر يلاا هاخد دش
عمرو: ماشي. يحبيبي
وفاطمه خدت دش وبعدها عمرو قام خد دش ونزلوا تحت
ف الاسفل...
كانت صفاء و سلوي بيعملوا الفطار وفيروز وحنان بيجهزوا السفره لانها كانت كبيره جدااا
نزل عمروو وفاطمه وساعه م نزلوا حنان زغرطت سلوي وصفاء طلعوا ع الصوت والرجاله طلعوا م المكتب وكذلك ليلي وعلا نزلوا م الاوض بتاعهم
صفاء: صباحيه مباركه ي حبايبي
فاطمه: الله يبارك فيكي ي طنط
حنان: طنط ايه انتي تقوليلي ماما من هنا ورايح ولا ايه ي صفاء
صفاء: طبعا ي حبيبتي دي خلااص بقت بنتك انتي كمان
فاطمه: حاضر ي ماما وحضنتهاا وحنان حضنت عمروو وقعدوا كلهم
اسد: اومال فهد وشهد فين
ليلي: تلاقيهم لسه نايمين يصحوا براحتهم بقاا
يوسف: لا صحوهم عشان يفطرو ونقضي اليوم من اوله
علا: خلاص يلا ي ليلي نطلع نصحيهم
ليلي: ماشي وطلعوا
فوق عندهم..
شهد واقفه ف الحمام
شهد: ي فهد الله يهديك طلعني انا عايزه اخرج انا بقالي ساعه مخلصه وعايزه اطلع
فهد: م انتي مش هتنفذي طلبي لو طلعتي ف خليكي ف الحمام احسن
شهد: ي حبيبي انت لسه م خدتش دش هنتاخر وزمانهم بيتنمروا علينا
فهد: لا انا خدت دش ف الحمام الي بره وكانو لسه متجمعوش يعني نزولنا متوقف عليكي ي بيبي
شهد: طب انا هطلع اهوو وامشي انت وانا هاجي وراك
فهد بمكر: حاضر ووقف ف جنب
هي طلعت وبصت ملقتوش اتنهدت براحه وفجاه حضنها من ضهراها
شهد بخضه: اعععع خضيتني ي فهد
فهد: انتي مفكره اني هسيب حقي تبقي بتحلمي
شهد: طب يلا ننزل وخد حقك بعدين
فهد: لا مليش دعوه ولسه بيلفها ليه عشان يبقي وشها ف وشه سمعوا الباب خبط
فهد: يادي اليوم الي مش معدي
شهد ضحكت بانتصار وراحت ناحيه الباب وفتحته
شهد: ايه دا انتو طالعين لينا بنفسكوا
علا: ايوه انتو اتاخرتوا ف قولنا نطلع بقاا اوعا نكون جينا ف وقت مش مناسب ولا حاجه
فهد من ورا شهد: ااه وقت مش مناسب جداا
شهد برقتله ورجعت بصتلهم تاني وقالت: انتو عارفينه بيحب يهزر يلا ي حبيبي عشان ننزل لسه هيتكلم شهد شدته ونزلوا
ف الاسفل...
سلوي زغرطت ساعه م شافتهم نازلين وقامت حضنت شهد وفهد وباركتلهم وقعدوا يفطروا
ع السفره...
اسد بمكر: اتاخرتوا ليه دا عمرو وفاطمه نزلوا من بدري
فهد: براحتي قاعد انا ومراتي حد ليه شوق ف حاجه
يوسف: براحتك ي برنس انشالله تقعدوا العمر كله فووق كل داا وشهد هتعيط م الكسوف
فهد مسك ايد شهد لما حس انها اتكسف وقام وقال: هنطلع نفطر ع البحر يلا ي شوشو وراح جاب صنيه وحط عليها الاكل وطلع بره ع التربيزه الي ع الشط
فهد: اوعي تتكسفي او تتحرجي ي شهد انا دايما حبي ليكي هيزيد وعمره م هيقل وهعبر عن حبي قدام اي حد ايا كان مين والجزم الي جوه دول قاصدين يكسوفني بس انا مش بتكسف ولا هتكسف اعبر عن حبي ليكي وغمز وهاخد حقي وقت تاني
شهد ضحكت وقالت: انت فعلا بتحبني من 10 سنين زي م عمرو قال
فهد: انا بحبك من يوم م اتولدتي اي نعم كنت صغير بس كنت بحب الاعبك اوي يوم عيد ميلادك وانتي عندك 3 سنين حوشت مصروفي وجبت ليكي هديه وكانت اول هديه ومن بعدها وانا بجيبلك كنت بجب اقعد معاكي دايما لحد م وصلت للاعدادي عرفت اني فعلاا بحبك وعرفت حقيقه مشاعري تجاهك زمان كنا اطفال ف كنت مفكر ان دا حب اخوي ف اننا نكون مع بعض ودايما مع بعض ف لعبنا وهزارنا ولاني انا وانتي مكنش عندنا اخوات ف كنت بقول عادي احنا اخوات بس بعدها ادركت انك حياتي وصلت ثانوي وانتي بقيتي حلمي الاساسي وساعه م دخلت كليتي اتفقت مع عمي اني هتجوزك اول م اتخرج واهو حققت حلمي
شهد كل دا بتسمع وعينيها بتدمع وساكته مش بتتكلم فهد مسح دموعها وقال: عنيكي دي متدمعش ابداا انا بمووت لما بشوفهم بيدمعوا وعارف بتفكري ف ايه هتبقي كويسه والله ي شهد صدقيني وابتسم وقال انا حطيتلك العلاج ف العصير زي كل مره
شهد ضحكت وقالت: م انا عرفت حطيتها ليه بقا من ورايا
فهد: مش عاارف اتعودت ع كدا بقاا يلا ناكل ي حبيبي.. اه شوفتي المسدج الي اتبعتت م العاشق الولهان دا بيحبك اوي
شهد: لا مشوفتهاش استني وطلعت فونها وفتحته ولقت مسدج"صباح الخير ع قمري وقلبي وعشقي لازم تبقي قويه انا بضعف لما بشوفك ضعيفه ولازم احنا الاتنين نبقي اقوياء عشان نواجه كل حاجه بحبك ي عشقي "
كتبتله "وانا مرضاش ابدا ان عاشقي الولهان يبقي ضعيف اوعدك اني مش هضعف وهواجه تعبي وهبقي كويسه باذن الله بحبك"
وبصت لفهد وضحكت وقعدوا يفطروا
شويه وكل الي جوه راحولهم ع الشط
اسد: فضلت تقول بطلوا رومانسيه فيه سناجل لحد م دلوقتي محدش عارف يوصل لرومانسيتك ياعم
فهد: اهو قرك دا الي جايبنا ورا
يوسف: متخفش مش هيحوق فيك
فهد: هو انا بس الي اتجوزت م عمرو هناك اهو اتنمروا براحتكوا
عمرو: يعني انا ساكت من ساعه م جيت وانت تصلتهم عليا
اسد: لا انت محترم من ساعه م نزلت الصراحه ف عفونا عنك
عمرو: حبيب قلبي ي اسوود
يوسف: ايه رايكوا ننزل الميه يلا ونعمل تحدي مين هيفضل تحت الميه فتره اطول
كلهم: اشطااا
وفعلا طلعوا غيروا ونزلوا كل واحد لابس شورت من بتوع البحر وتيشرت ونزلوا البحر والبنات شغلوا التايمر
عمرو ويوسف خسروا وفهد واسد طلعوا مع بعض بعد م التايمر وقف وهما الي فازوا
اسد: يلاا ي سكر انت وهو هتعزمونا ع ايه
يوسف: نعم!! نعزم ايه
فهد: م انتو الي خسرتوا وفيه عقابين العقاب الاول هو انكوا تعزمونا كلنا ع اكل والتاني ان هما يطبخوا لنا وناكل وانتو تغسلوا مكان الاكل
عمروو بسرعه: لالا خلاص هنعزمكوا وبص ليوسف وقال: نصيبنا كدا ع طول ي ابني
كلهم ضحكوا ويوسف وعمرو وفهد واسد طلعوا خدوا دش ونزلوا قعدوا ع البحر كل واحد جنب مراته وبعدين شهد قامت
شهد: كنت عايزه اقولكوا ع حاجه بس ارجوا انكو تدعموني
سلوي: خير ي حبيبتي
شهد كانت عارفه من فهد ان الي عارفين بس هما صحابه واحمد باباها والباقيين لا فقالت: ماما انتي عارفه ان ثقتي ف ربنا كبيره وعارفه كمان اني قويه واقدر اواجه اي حاجه
سلوي: ايوه ي حبيبتي طبعا
شهد: انا عرفت امبارح من فهد اني عندي كانسر ف الدم وانه لسه ف المرحله الاولي وانه عرف دا يوم م اغمى عليا ف الببت والدكتوره جت وحكتلهم الي حصل وبعد كدا قالت وانا مش زعلاانه خالص انا عارفه ان دا اختبار من ربنا ليا عشان يعرف ثقتي وايماني بيه اد ايه ف انا قررت اني اخد جلسات الكيماوي اول م نرجع وبما ان معايا العلاج الي الدكتوره كتباه و ضحكت وقالت وابوحميد وفهد بيحطهولي فالعصير ف عادي هعدي بيه الايام دي ولما نرجع القاهره هاخد جلسات الكيماوي عشان ابقي كويسه
كل دا كانت شهد بتقول وهي دموعها بتنزل بس لازم تبقي متماسكه مسحت دموعها وقربت من مامتها وقالت: متقلقيش ي حبيبتي اكيد ربنا له حكمه ف كدا وبعدين دا نصيبي ي ماما وهقاوم وهاخد العلاج وهستحمل اي حاجه عشان ابقي كويسه ومسحت دموع سلوي وقالت ولا انتي مش واثقه ف قوه بنتك ي سوسو
سلوي حضنتها وفضلت تعيط وهنا كل الموجودين عيطوا
سلوي: ربنا يقويكي ي حبيبتي ويشفيكي يارب وتقومي بالسلامه
شهد: ويخليكي ليا ي حبيبتي اوعدك اني هاخد علاجي بانتظام وعمري م هيأس واكيد ربنا رايد ليا الخير ولا ايه
سلوي: اكيد ي حبيبتي اهم حاجه تواظبي ع العلاج كويس واهو فهد معاكي انا كدا هبقي مطمنه
شهد: وجودكوا كلكوا معايا هو الي مطمني ربنا يخليكوا ليا وسابت مامتها وراحت حضنت احمد وقالت: انت اعظم اب واخ وصديق وكل حاجه ف الدنيا انت عظيم اوي ي بابا رينا ميحرمنيش منك يارب
احمد مسح دموعه وقال: وميحرمنيش منك ي حبيبتي
شهد سابته و راحت لفاطمه الي كانت حاضنه عمرو وعماله تعيط وعمرو عمال يطبطب عليهاا ودموعه نازله كمان
شهد: اول مره متعيطيش ف حضني عمرو هياخدك مني ولا ايه فاطمه خرجت من حضن عمرو وحضنت شهد وفضلت تعيط وشهد تطبطب عليها
فاطمه بعياط: تعبتي اوي ي شهد يارب اشفيها انا مقدرش اعيش من غيرها لحظه واحده اكيد انت هتشفيهااا دي اختي وصاحبتي وكل حاجه ف حياتي ف اللحظه دي شهد عيطت هي كمان
شهد: خلااص ي فاطمه بالله عليكي اهدي انا اكيد هبقي كويسه والمؤمن مصاب ولا ايه وع فكره انا لو شوفت حد بيعيط هرفض اخد العلاج فاطمه خرجت من حضنها ومسحت دموعها بسرعه وقالت: مش هعيط والله م عدت هعيط بس اوعي تقولي انك مش هتاخدي العلاج
شهد: ايوه كدا مشوفش دموعك تاني والا هغير راي
فاطمه: لا اوعي تغيري رايك وانا معدتش هعيط تاني ولا حد هيعيط وبصتلهم كلهم وقالت: يلا كله يمسح دموعه محدش هيعيط شهد هتبقي كويسه اياك اشوف حد بيعيط
كله مسح دموعه وفاطمه حضنت شهد تاني بس المره دي بدون م تعيط
شهد راحت لعلا الي حضنتها جامد وقالتلها: انا ثقتي ف ربنا كبيره لدرجه ان قلبي بيقولي انك هتبقي كويسه ي شوشو
شهد: انا هبقي كويسه بوجودكوا وتشجيعكوا ودعمكوا ليااا ربنا يديمكوا ف حياتي
وراحت ل ليلي حضنتها هي كمان وليلي قالت: لازم تخفي اومال مين الي هيربي فهد وسماا غير خالتهم
شهد: ادعولي انتو بس وانا اوعدكوا اني هاخد علاجي بانتظام وربنا يعدي الايام الجايه ع خير
ليلي: يارب ي حبيبتي
شهد راحت حضنت صفاء وفيروز وحنان الي دعولهاا بالشفاء وبعدها راحت لفهد (البرنس بتاعنااا حبيب قلبي الي مصبرني ع الروايه😅😂)
شهد: الصراحه مش عارفه من غير وحودك ف حياتي كنت هعمل ايه انت وبابا دايما كنتوا بتدعمووني وبتغفلوني وبتحطولي العلاج ف العصير كل دا وانا مش عارفه حاجه ودا عشان انتو كنتوا خايفين عليا انتو اعظم راجلين انا عرفتهم ف حياتي كلها انت كنت سبب اساسي ليا ف دخولي كليه الطب كنت وجهتي الاساسيه اساسا كنت حلمي والي اكتشفته اني انا كنت حلمك انت كمان وحققنا حلمنا وبقينا مع بعض وهحاول ع قد م اقدر افضل معاك بدونك مكنتش هقدر اتخطي المرحله دي بس انت السبب الاساسي ف اني هاخد العلاااج انت وماما وبابا متقدروش تعيشوا نت غيري ولا انا اقدر اعيش من غيركم ولا من غير اي حد م الموجودين ف انا هاخد العلااج ي فهد عشان افضل معاك يا عاشقي الولهان وحضنته
قعدوا شويه ع البحر وبعدها عمرو ويوسف طلبوا الاكل وفهد راح حط الحبايه ف العصير وجابه لشهد
شهد: هتفضل تحطه من ورايا كدا كتير
فهد: لحد م تخفي هفضل احطه من وراكي وقعد جنبها ع الكرسي وفضل ماسك ايديها وبعدها فتح فونه بعتلها مسدج شهد فتحت الفون لقتها من العاشق الولهان "هفضل ادعي ربنا انه يشفيكي لحد م يشفيكي وعمري م هيأس ابدا وانتي كمان اوعي تيأسي ربنا بيحبك عشان كدا بيختبرك وانا وانتي هنعدي الاختبار وهننجح فيه ان شاءلله"
شهد كتبتله "طول م انت معايا هعدي اي اختبار واي حاجه ف الدنياا"
وبصتله وابتسمت
الاكل جه وهما رصوا الترابيزات جنب بعضها ورصوا الكراسي وقعدوا اتغدوا وبعدهاا عملوا شاي وقعدوا يشربوا والشباب طلبوا انهم يتمشوا شويه وبالفعل خرجوا مع بعض كل واحد ماسك ايد مراته وسايبين الاطفال معاهم ف البيت قعدوا يتمشوا شويه وبعدها اسد اتكلم
اسد: فاكرين يوم م طلعنا ع الكورنيش قولنا كل واحد يقول الي جواه
شهد: متفكرنيش دا كان اسوء يوم
فهد: م انا قولتلك انك انتي المقصوده
شهد: بس انا وانت يومها نمنا معيطين وانا عيني ورمت ودماغي صدعت
فهد: بس انهارده هتختلف
شهد بغباء: ازاي
فهد طلع ع صخره م الي ع البحر وقال بصوت جهووري: بحببببببببببببك وخد نفسه وقال بعشقكك ي كل حياتي يارب قومها بالسلامه انا مقدرش اعيش من غيرهااا يارب اشفيها يارب مقدرش اشوفها بتتألم وانا قاعد كدا مش عارف اعمل ايه عشان متتألمش يارب متكسرنيش بيها زي م كسرتني قبل كدا بابويا وامي يارب تبقي كويسه (كل دا طبعا وهو بيعيط وكل الي موجودين بيعيطوا وانا كمان بعيط)
ف اللحظه دي شهد طلعت هي كماان بسرعه ع الصخره وقالت بصوت عالي: يارب انا راضيه والله راضيه ومش معترضه بس اتقبل دعواته واشفيني ياررب انا هستحمل اي ألم واي تعب مقابل اني ابقي كويسه وهو ميبقاش حزين ف عدم وجودي يارب اقبل دعواته
فهد ف الوقت دا حضنها وفضلوا يعيطوا (هو الراجل دا مش قايلها م تعيطش تاني)
وبعدها مسح دموعها ونزلوا من ع الصخره لقوا الموجودين بيعيطوا هما كمان
شهد: متعيطووش بقاا المفروض تدعموني مش تعيطوا ولا عايزيني اغير رايي ومش اخد العلااج
كلهم مسحوا دموعهم وابتسموا ف ثانيه
فهد مسك ايد شهد وقال: مش يلاا ولا ايه
كلهم: يلا
وكل واحد مسك ايد مراته وكملوا مشي وبعدها رجعوا و معاهم تسالي
قعدوا ع الشط (اه نسيت اقولكوا دا شط خااص بيهم هما والبيت الي قاعدين فيه ببطل ع البحر ع طول)
شهد: انا جهزت التسالي اهو يلا نلعب
فاطمه: هنلعب ايه
فهد: الصراحه
كلهم: اشطاا
قعدوا كلهم وجهزوا نفسهم للعبه وفهد لف الازازه وجت ع عمرو وعلا
علا: امتي حبيت فاطمه
عمرو بحب: يوم م شوفتها ف الشركه عند اسد
فلاااش باااك
عمرو طالع مكتب اسد وفاطمه نازله وخبطت فيه
فاطمه: مش تحاسب ي بني ادم انت
عمرو مش بيرد
فاطمه حركت ايديها قدام وشه وقالت: انت عبيط ولا ايه اعتذر
عمرو فاق: هااا
فاطمه: هاا ايه والله شكلك عبيط وسابته ومشت عمرو فضل متنح وبعدها وفاق وطلع مكتب اسد
اسد: اهلاا انت شرفت
عنرو: اسكت والنبي ي اسد انا مش ف وعيي دلوقتي
اسد: ليه ي ابني
عمرو: هو فيه ملااك بييقي ع الارض ي ابني
اسد: ملاك!!!
عمرو: اه والله بنت ف منتهي الجمال ولابسه خمار وما شاءلله ايه الجمال دا
اسد: وعنيها خضره ولابسه خمار بينك
عمرو باستغراب: ايوه انت عارفها ولا ايه
اسد بعصبيه: دي اختي فاطمه ي حيواان
عمرو بسرحان: الله فاطمه اسمها حلو اوي (واااد غبي 😂)
اسد ضربه بوكس وقال: اسمها ايه ي اخوياا
عمرو: ااه انا قولت ايه
اسد: قولت ايه قولت ان اختي اسمها حلو وملااك
عمرو بغباء: وانا اعرفها منين عشان اقول عليها كدا
اسد زقه ع الكرسي وقال: انت متخلف يلااا البنت الي انت قابلتها ع السلم دي تبقي اختي ي غبي
عمرو: اختتك!!! وقال ف سره: ي ليلتك السوده ي عمرو جاي تتغزل ف اخته قدامه طب اعمل ايه الجري نص الجدعنه صح يبقي اجري لاا مش هينفع ياني الاسد هيقتلني ربنا يستر
اسد: اه اختيي ي حيوان وانت ازا تبص لبنت اساسا انت مش عارف ان دا حرام ي زفت
عمرو حكاله الي حصل وان الامر حصل صدفه
اسد: مهما كان متتغزلش ف اي بنت غير مراتك بس
عمرو: م هي هتبقي مراتي
اسد اتعصب وقال: وانا مش هوافق
عمرو: وتكسر قلبي
اسد: واكسرك انت شخصياا
عمرو: طب احب اقولك اني حبيت اختك تمام وهتجوزها وهاجي اتقدم يوم تخرجي وسابه ومشي واسد قعد يضحك ع هبل صاحبه
بااااك
عمرو: بس ي ستي ودا كان اجمل يوم ف حياتي كله والي عرفته انها هي كمان حبتني من اليوم دا
فاطمه: يومها مبطلتش تفكير فيك وكنت كل م افتكر الي حصل أضحك ومكنتش اعرف وقتها انك سيبت خطيبتك لاني كنت عارفه انك خاطب من اسد لما كان بيحكي عن صحابه ودا قبل م تنفصل عندها يوم م جيت الفيلا عند ابوحميد عرفت يومها انك انفصلت عنها وكنت فرحانه وفرحت اكتر لما قولت انك بتحب واحده من ساعه م شوفتها لما سألتك قولتلي بصي ف المرايا كنت طايره م الفرحه وقتهاا
عمرو: انا عشقتك مش حبيتك بس
كل الكلام دا كان بيتقال وشهد وعلا وليلي عاملين ايديهم زي الجيتار وبيعزفوا عليها ويوسف وفهد واسد ماسكين نفسهم عن الضحك بالعافيه
اسد رقق صوته وقال: وايه كمان ي بيبي
ف اللحظه دي كلهم انفجروا ضحك
عمرو: دا انتو عيال رخمه
فهد: بس ي عسل.. ولف الازازه وجت ع شهد وليلي
ليلي: حبيتي فهد امتي
شهد: من وانا طفله انا مكنش عندي اخوات وهو كمان مكنش عنده اخوات ف كنا دايما بنلعب مع بعض ولما كبرت شويه كان عمي ومرات عمي اتوفوا وهو عاش معانا ف دا خلاني اتعلق بيه اكتر لحد م وصلت الاعدادي وحبيته جدا وعرفت ان دا مكنش حب اخوي ولا تعود لا انا بحبه ف وجوده بيبقي قلبي هيرقص م الفرحه دقاات قلبي الي مش بتبقي منتظمه وهو موجود كل دا كان بيحصلي لما بيكون هو موجود عرفت قد ايه انا بحبه
فهد: وانا مش بحبك انا بعشقك انتي ادماني ي شهد
كلهم صققوا وقالوا: الله الله وضحكوا
وكملوا السهره وبعدهاا كل واحد طلع اوضته
عند فاطمه وعمرو...
عمرو: العيال الي تحت دول عيال رخمه
فاطمه: ليه بس كداا دا عساسيل
عمرو قرب منها وقال: ااه لما هما عساسيل انا ابقي ايه
فاطمه: انت قمري ي عموور
عمرو قرب منها لحد م لزقت ف الحيطه وقال: وايه كمان ي قلبي
فاطمه بتوتر: هااا
عمرو: ها ايه بس بقولك وايه كمان
فاطمه: بص انا عايزه ادخل اخد دش اصل الحو حرر اوي وانا معدتش قادره
عمرو ضحك وقال: اه م انا واخد بالي وسابها ومشي وهي اخيرا اتنفست ودخلت الحمام
عند فهد وفاطمه...
فهد حط العلاج ف العصير وراح لشهد لقاها خارجه م الحمام كانت بتاخد دش اداها العصير وهي ابتسمت وخدته شربته
فهد: انا سكت الصبح بس دلوقتي هاخد حقي
شهد شرقت وهي بتشرب وقعدت تكح وهو جاب ميه عشان تشربهاا
فهد: مالك ي حبيبي فيه ايه
شهد: انت ايه ي فهد م قولنا خلااص
فهد: م هو الي انتي متعرفيهوش عني هو اني مش بسيب حقي وهاخدها يعني هاخدهاا
وضحكوا هما الاتنين
