رواية عشقي الابدي الفصل الرابع بقلم سلمي عبد الجليل
صحيت م النوم الساعه 5 ونص عملت الروتين بتاعي ودخلت المطبخ لقيت ماما بتعمل الفطار بوست ايديها ودماغها وبعديها فطرنا ودخلت لبست دريس لاڤندر و خمار اوف وايت ف لاڤندر وخرحت لقيت بابا مستنيني تحت ومعاه السواق الي هيوصلني وعربيتي الي هو اشتراها روحت بوست ايديه ودماغه وحضنته
شهد: تعبت نفسك ليه ي حبيبي والله انا كويسه وبعدين انت كدا محسسني ان الولد دا هيفضل واقفلي كل يوم
احمد: ي حبيبتي تعبك راحه وبعدين كله عشان ابقي متطمن عليكي والله وبعدين انتي ناسيه اني وعدتك انك لو دخلتي طب هجبلك عربيه واديني جبتهالك اهوو
روحت وقتها حضنته انا فعلا كنت نسيت وعده ليا بس هو منساش
شهد: انا بحبك اوي ي بابا بجد انت اب مفيش منك اتنين
باس جبيني وقالي: انتي الي فريده من نوعك ومميزه ومفيش منك اتنين ي روح قلبي
بوست ايديه وركبت العربيه مع السواق ووصلني الجامعه دخلت لقيت فاطمه مستنياني
فاطمه: ايه ي بنتي اتاخرتي كدا ليه
حكيتلها كل الي حصل لقيتها بتباركلي وبتقولي: مبارك ي روح قلبي عقبال م يجبلك طياره بعد تخرجك ان شاء الله انتي تستاهلي الدنيا وكل حاجه غاليه ومميزه ي شوشو
شهد: حبيبه قلبي تسلميلي يارب انتي الي تستاهلي كل خير ي حبيبتي
وطلعنا المدرج بتاعنا حضرنا المحاضرات الي كانت علينا لحد م جت محاضره دكتور يوسف
يوسف: السلام عليكم ورحمه الله وبركاته
كلنا ردينا السلام وبعدين قعد يشرح وياريته م شرح
يوسف: انسه فاطمه حسن الدمرداش
فاطمه قامت: نعم ي دكتور
يوسف: تقدري تقولي انا كنت بقول ايه دلوقتي
قاطمه ف سرها: منك لله ي شيخ انت ليه عرفت اسمي ومنك لله ي اسد كان لازم تيجي م هو مكنش عارفني اقول ايه دلوقتي اقول اني كنت سرحانه ولا انيل ايه يلا ربنا يستر
يوسف: مش بتردي ليه ي انسه فاطمه
فاطمه: بص حضرتك انا مكنتش مركزه ف الحته دي بس والله انا كنت مركزه م الاول مش عارفه سرحت ليه
يوسف: طب اتفضلي اقعدي ومتتكررش تاني
فاطمه قعدت من سكات
ــــــــــــــــــــــــــــــــــــــــــــــــــــــــــــــــــــــــــــــــــــــ
عند فهد ف كليه الهندسه
فهد: عمرو احنا هنخرج كلنا يوم الحمعه انا واسد ويوسف كمان وانت هنتجمع كلنا
عمرو بفرحه: بجد يوسف جااي دا واحشني اوي بس انت شوفته فين
فهد حكاله الي حصل وعمرو فرح انه عرف ان يوسف لسه ف البلد وهيقابله تاني واتدايق جدا من خالد والي عمله
عمرو: وانت هتعمل ايه مع الزفت خالد دا
فهد: مش هعمل اي حاجه هو اخد جذاته ف الاول لو عمل حاجه تاني مش هيشوف غير القبر
عمرو ف سره لمعرفته لصاحبه الي لايمكن يسيب حقه: ربنا يستر
فهد: مش يلا بقا بما اننا خلصنا يلا عشان الحق اروح الشركه طلعوا وعمرو روح و فهد راح الشركه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ف الشركه..
فهد راح ع مكتبه وبعدين سمع صوت زعيق بره جاامد خرج بسرعه لانه سمع ان الي بيزعق هو اسد
اسد: يعني ايه اسيب الورق ف المكتب وانزل شويه اجي ملاقيهوش انتي مش عارفه الصفقه دي مهمه قد ايه ي سمرر
سمر بخووف: والله ي فندم مش عارفه محدش دخل المكتب خاالص انا جيت لاقيت حضرتك فيه وبعد م حضرتك نزلت تجيب حاجاتك م العربيه وطلعت لقيت حضرتك خارج م الاوضه وبتزعق
اسد: يعني انا روحت اجيب حاجات م العربيه وانتي بقا المفروض تبقي موجوده هنا كنتي فيين بقا وانا تحتتت
سمرر خافت لانها حست انه شك فيها: دخلت اعمل لحضرتك القهوه حتي حضرتك جيت وانا كنت هناا
فهد: اهدي ي اسد شوف الكاميرات
اسد بتذكر: الكاميرات صح ازاي راحت عني دي وراح جري هو وفهد ع الغرفه الي موجود فيها تسجيلات الكاميرات وقعد يدور ف الكاميرات لقي فيه جزء مشوش منهاا ولما شاف الوقت عرف انه نفس الوقت الي كان فيه تحت معني كدا ان دا حد مستقصده وحد م الشركه بيساعده
فهد: طب م تشوف الكاميرات المخفيه
اسد: ماشي كلم حد عشان ييجي يسطب البرنامج بتاعها ونشوفه
فهد راح كلم واحد وجابه ودخلوا المكتب وساعه م ظبط كل حاجه عرفوا ان سمر هي الي اخدت الورق وادته لحد كان مستنيها ف اوضه القهوه
اسد: اخرج دلوقتي ولو حد سألك قول ان مفيش حاجه والكاميرات لسه معطله ماشي
العامل: ماشي
فهد: هتعمل ايه
اسد: ولا حاجه اتاكد بس مين الي عمل كدا وليلتهم سوده بعدها بقا اذا كانت سمر ولا العمال الي كانو موجودين ف اوضه التسجيل ليلتهم هتبقي سوده
سمر واقفه بره مرعوبه: الووو ايوه ي باشا
...: ها عملتي ايه حد كشفك
سمر: لا بس هو اكيد شك فيا نظراته كلها كانت مسلطه عليا انا
....: متخافيش دا غبي اصلاا ومش هيعرف حاجه وفلوسك هتكون عندك بالليل
سمر وهي بتحاول توطي صوتها ولا تعلم ان فيه حد بيسمعها اصلا: نعم فلوس ايه ي ابو فلوس انا اتفاقي اني اتجوز ابنك زي م انا متفقه معاك
....: ماشي ان شاء الله ربنا يسهل
سمر: التساهيل علي الل.... قاطعها خروج فهد واسد من مكتب اسد
بصولها هما الاتنين والله لو النظرات دي كانت اشخاص كانت دلوقتي مقتوله
سمر نزلت الفون من ايديها وقالت: حضرتك ماشي ي فندم
اسد: ايوه ويلا عشان الوقت اتاخر عشان تلحقي تروحي
سمر ارتاحت لما حست انه مسمعهاش: تمام ولمت حاجتها ونزلتت
وبعدين فهد واسد كل واحد نزل عربيته وروح بيته
ـــــــــــــــــــــــــــــــــــــــــــــــــــــــــــــــ
ف البيت عند شهد
كانت نايمه بعد م جت م الجامعه وصحت ع صوت والدتها وهي بتصحيها صحت واتوضت وصلت وطلعت اتغدت معاهم وهنا ع السفره
فهد: ايه ي بنتي مالك متنحه كدا ومش بتاكلي هي الكليه لاحسه عقلك للدرجادي
شهد ساكته ومش بترد وبتفتكر الي حصل
فلااش بااااك
فاطمه: الحمدلله اخيرا خلصنااا محاضرات انهارده كانت كتيره اوي
شهد: عندك حق والله انا مش قادره دا انا لو كنت بحارب مكنتش هبقي كدا
فاطمه: تمام يلا الحق اروح لاسد عشان نروح سوا
شهد: تروحي فين انا هروحك معايا هنيجي انا وعمو منصور السواق نروحك
فاطمه: ي بنتي والله انا مش بحب اركب عربيات اساسا دا انا بركب مع اسد بالعافيه عندك عربيتي ف البيت عندنا مش ببصلها حتي بحب امشي اكتر
شهد: خلاص ي توتي انهارده اوصلك وبعدين يبقي يحلها حلال واتصلت ع عم منصور عشان ييجي ياخدها لانه هو راكن ف البر التاني ووقفت هي وفاطمه بعيد عن الجامعه شويه عشان يركبوا اول م ييجي ع طول وفجاه لقت واحد بيمسكها من ايديهاا وبيشدها وبيقول: المره الي فاتت اخوكي انقذك مني لكن المره دي مستحيل وشهد عماله تصرخ وفاطمه عماله تضربه بالشنطه وتصرخ هي كمان لحد م فيه ناس جم خلصوهم منه وعم منصور كان وصل لعندهم واخدهم وراحوا بيت فاطمه لحد م شهد هديت شويه وبعدين روحت دخلت نامت ع طول
بااااااك
فاقت من سرحانها ع هزت سلوي ليها
سلوي: مالك ي حبيبتي قلقتيني عليكي جيتي دخلتي ع اوضتك ع طول وصحيتي وفضلتي سرحانه وساكته بردو فيه ايه ريحيني
شهد عماله تعيط و خلاص لحد م اخيرا نطقت وقالت: مفيش حاجه بس شوفت قطه وبنتها التريلا خبطتهم وماتو ف من ساعتها وانا متدايقه
ارتاحوا شويه بعد م شهد قالت كدا هما عارفين ان هي رقيقه وبتنهار من اقل حاجت ف كلهم عذروها وحاولوا يخرجوها م المود هي هديت شويه وبعدين قامت غسلت وشها وقعدوا شويه وبعدين العشا اذنت احمد وفهد نزلوا صلوا ف المسجد وهي مامتها صلوا ف البيت وبعد م خلصوا قاموا عملوا الشاي وجهزوا قعده البلكونه زي كل يوم وبعدين فهد جه هو و احمد ودخلوا وقعدوا يضحكوا ويلعبوا كوتشينه وبنك الحظ وبعدين فهد جاله تليفون قام يرد وبعدين شهد سمعت تليفونها ان في مسدج جتلها لقتها من نفس الرقم ندهت ع فهد الي لقته لسه بيتكلم ف قفل التليفون و قعدت جنب مامتها وفهد جنب باباها وقراتها بصوت عالي
شهد: مش موته قطه هي الي تخليكي تزعلي كدا دموعك غاليه عليا اوي انا بحبك واكتر حاجه بتدايقني هي دموعك انا ممكن اموت لو شوفت دموعك نفسي تعيطي ف حضني انا مش ف حضن صاحبتك وع فكره موته القطه دي مدخلتش دماغي بس انتي مكذبتيش فيه فعلا قطه وبنتها ماتو قدام الجامعه بس السبب الاساسي انا عارفه كويس المهم مشوفش دموعك دي تاني فاهمه "
شهد تنحت معقول يكون بيراقبهااا معقول يكون عارف سر تحركاتها للدرجه دي طب هو ازاي عرق الي حصل واصلا محدش عارفه غير فاطمه وانااا ازاااي انا دماغي هتفرقع
كلهم فضلو ساكتين مش بيتكلمواا نهائي لحد م قطع الصمت دا صوت احمد: فيه ايه ي شهد ايه الي هو بيقوله دا وبعدين ايه الي حصل غير القطه يخليكي عامله كدا شهد سكتت مرضتش تتكلم
سلوي: خلااص ي احمد بكره الجمعه وهي لما تصحي براحتها تبقي تحكيلنا خلااص
شهد: انا هدخل انام دا يوم نحس اساسا تصبحوا ع خير
كلهم: وانتي من اهل الخير
فهد طلع شقته واحمد وسلوي نامو تاني يوم شهد صحيت الساعه 10 الصبح صلت الضحي وبعدين قرات الاذكار ولقت مسدج مبعوته محتوي المسدج "صباح النور ع اجمل عيون اموت واعرف حماتي جابت القمر دا منين انتي قمري وقلبي وعنيا وروحي اسف للي قولته امبارح بس اتعصبت جدا لفكره ان فيه راجل مسك ايدك غير باباكي وانا مستقبلا ان شاءلله بس اوعدك ان الحيوان دا هو الي حكم ع نفسه ليلته هتبقي سوده شبهه المهم عيون الغزال بتوع قلبي دول ميبكوش ابدا يلا باي اكيد زهقتي من قرائه الرساله بس احب اقول اني ب ح ب ك"
ضحكت ع عبطه الظاهر اني مش لوحدي الي عبيطه يلا اما اشوف الناس الي بره دول صحيوا ولا لا
