رواية مصير مجهول الفصل العاشر
شمس رجعت بعد المكالمه لخالد
خالد : شايفك كدا بتستعدى تمشى
شمس : ايه يا كابتن عجبتك القاعده هنا.. انا ها اموت واخد شاور وانت
خالد بتاكيد : بعد الا عملتيه فيا أكيد شعورى زيك
بالظبط .. وبيسقف بايده ياله يا شباب
هبه جايه عليهم وماسكه ضهرها وبتعرج : اه .. اتكسرت خلاص مابقتش ناقعه تانى
شمس بأبتسامه : يا حبيبتى يا هبوووش .. معقول يا قلبى كل دا حصلك
كريم بتريقه : بتتعب والله .. انا مش عارف انتو اصحاب ازاى 😂😂
سعيد : عندها لياقه تودى اللمان
شمس وخالد : 😂😂
هبه : الله .. الله .. انا حاسه انكو بتتريقو عليا
كريم وسعيد بنفى : ابدا
هبه بجديه : بحسب كنت واريتكو
كريم : انا نفسى تنفذى تهديد واحد
سعيد خبطه على كتفه : طب قول نصه
شمس بشر مصطنع وحركه فجائيه بضربه لكريم وسعيد فى نفس الوقت : تحبو تشوفو تانى
كريم وسعيد : لا لا كفايه مالها هبه
هبه بتكبر : عشان تعرفو قيمتى وتبوسو ايديكم وش وضهر
شمس : ها نقضيها كلام قدامى انا عايزا اروح
خالد جهز العربيه وركبهم .. وهو ركب هو وسعيد وكريم مع بعض .
.
شمس : اربطى حزام الامان
هبه : ايه ناويه تعملى ايه
شمس : ها نخلع منهم
هبه بتقلب وشها : ايه الالفاظ البلدى دى
شمس : اربطى يا هبوووش واخرسى
هبه : ربنا يستر منك .. انا مش قادره اعيش أكشن تانى كفايه الا عملته انهارده
شمس طلعت بالعربيه بسرعه رهيبه وخالد بيلحقها .. عدت من اشاره ولفت مره واحده لشارع جانبى .. وخالد وراها بيحاول يحصلها بس فى لحظات كانت اختفت من قدامه
خالد بيضرب الدريكسون جااامد : ها تتعبنا المتهوره دى
كريم : احنا وقعتنا سودا مع سالم
سعيد : حاول تلحقها او تشوف راحت فين
خالد تليفونه رن ورد : انتى بتهربى منى ليه
شمس : معلش بقى يا كابتن سماح المره دى اصلى مش واخده على الخنقه
خالد : انتى بتضرى نفسك وبتضرينا معاكى
شمس : وعد منى مفيش اى ضرر المهم روح خد شاور وعيشو حياتكم وما تقلقوش علينا ها اخلص مشوار ضرورى وها تلاقينى قدامك
خالد : انسه شمس .. كانت قفلت الخط
كريم : ايه
خالد بعصبيه : محدش يتكلم معايا
****************
فريده بتعب : راضى ابعد عنى
راضى : لازم نعرف اخوكى اختفى ازاى ومين الا بيخونا هنا
فريده : شوف رجالتك اكيد الخاين منهم وبتفرد ايديها اصل مفيش غيرهم .. يعنى حتى ما ينفعش عبده الطباخ راجل كبير مكركب ومفهوش نفس واحنا فى اى تحرك بنعبده عن الفيلا تماما . لو عملنا ايه لازم نتاكد انه مش موجود
راضى بجنون : فرنكو مش ناوى على خيررر
فريده : يعمل الا يعمله مفيش ابحاث ولا اى شئ ظهر بقالنا 10 سنين ما يغور بقى عايزين ايه تانى
راضى : دول لو قعدو 100 سنه لازم يوصلو للهما عايزينه
فريده بتاكيد : ودا الفرق بينا وبينهم .. حتى لو بيغلطو وبيقتلو وعندهم هدف لايمكن يتخلو عنه خصوصا لو دا ها يرفع منهم حتى لو على حسابنا كلنا يا راضى .. مليكا تستحق لقب ملكة جمال القلوب الطيبه والهادفه
راضى تنح : نعم ياختى
فريده هزت راسها بمعنى اه : ايه بتقول اكيد فريده اتجننت .. هى كانت ها تخدم الغنى والفقير وما اتراجعتش ولا استسلمت برغم التهديد والاطفال الا فى بطنها .. قالت الناس اولى وحبت تخدمهم وتخدم بلدها لان دا ها يعود على العالم كله .. بس اكيد ما تعرفش ان التمن كبير .. فيها ايه لو احنا الا حافظنا على الا زيها ... فيها ايه يا راضى لو البحث العلمى فى بلدنا خد حقه والعلماء خدو حقهم .. فيها ايه لو المخترعين خدو فرصتهم جوا فى بلدهم .. دول اكتر ناس لازم نهتم بيهم يا راضى .. دول الا بيرفعو اى بلد لفوووق ... عشان كدا الغرب الا بنفتخر بيه وبنفخ فيه بياخدهم ويقدملهم الدعم وكل المطلوب ولو فى يوم قالووو لاء بينتهووو للابد .. الغرب قام بمجهودنا احنا وبعلمنا احنا .. عارف يا راضى مشهد الغرب والعرب دا بيفكرنى با إيه .. بالفيلم الكبير الا بيدخل اى سيمنا بينجح وبيحقق ايراد كبيررر جدا بس الا فى الوش الممثلين .. والا خدو الشهره هما الممثلين والعمل الحقيقى لو مش وراه تاليف وتخطيط ناجح عمر الممثل دا ما كان نجح .. فا احنا العرب الا بنخطط وهما كا غرب بيمثلووو وصدقو نفسهم ولمو هما الايرادات وبيرمو للى زينا الفتافيت وبيعلبو بينا طول الوقت وبيجندو دا لحسابهم ودا لحاسبهم المهم يهدوها على دماغنا .. وبتبصلو بتعب انت فاهم حاجه
راضى هز راسه بنفى ؛ لا
فريده : هو دا المطلوب منك كا عربى تفضل مش فاهم وتايه ويوم ما تفهم وتبقى ابو العوريف تفهم الا هما عايزينه بردو ... وقامت وسابته وطلعت على فوووق .. لسا ها تقعد لقت تليفونها رن وردت بالهفه : انت فين يا برنس
البرنس : سافرت لاهلى وانتى عارفه يا ديده غصب عنى لازم اقفل التليفون
فريده بصوت عالى : انا قولتلك ايه .. على الاقل عرفنى
البرنس : كدا يا ديده .. انتى واحشنى ومقدرتش حتى ما اتكلمش رغم ان حازم طلب منى ابعد عنك
فريده بزعل على كل حاجه : انت ليه ظهرت فى حياتى دلوقتى .. ليه كان نفسى تظهر قبل كدا بكتيررر ..
البرنس : مالك يا فريده
فريده بتمسح دموعها : مفيش بس ارجوك اوعى ترجع دلوقتى لما احب اشوفك او اقابلك ها اكلمك او ابعتلك رساله
البرنس : هو جوزك رجع
فريده بأرتباك : اه رجع ياله لازم اقفل دلوقتى
البرنس : ماشى يا حبيبتى طمنينى عليكى وها استنى مكلمتك
فريده : طيب يا قلبى مع السلامه وقفلت وريحت على السرير وانكمشت على بعضها وبقت خايفه من كل حاجه بعد ما كل حاجه كانت بتخاف منها وعدم وجود اخوها مأثر فيها بشكل كبير
******************
شمس وصلت فى مكان تقريبا كدا فاضى تماما . مفيش فيه غيررر مخزن كبير جدا ماتجبوش اوله من اخره .. رنت على الرقم .. وبعد وقت بسيط كان باب المخزن اتفتح وهى دخلت بالعربيه قربت من استراحه معموله جوا المخزن ونزلت جررررى
كان فى واحد واقف بيستقبلها شالها فى حضنه وفضل يلف بيها كتيرر جدا .. نزلها براحه وهى بين ايديه ومسك وشها
على بأبتسامه : وحشتينى
شمس بنفس الابتسامه : انت أكتر وعيونها بتلمع بالدموع .. هو عامل ايه
على : اوعى تقلقى من يوم واحد بقى زى الفل وبيتحرك .. ها يتغذى كويس ويرجع لشبابه من تانى ابوكى لسا صغير ويستحمل اكتر من كدا
شمس بنفس الدموع الا نازله وكانها خدت افراج : وحازم جراله حاجه
على ضحك جااامد : زى القرد وقارف محمود وابوكى جوا ما تقلقيش عليهم
شمس ضمته تاااانى جااامد : مش عارفه انت لو مش فى حياتى كنت عملت ايه
على : ها تعملى كتيرر .. انتى قويه ومش سهل تتكسرى
شمس بتهز راسها بنفى وبوجع كبير والم هد حياتها كلها : اصلا انا اتكسرت ميت حته . وانت بتصلح كل حته فيا اتكسرت .. بتلم الا باقى منى ومن عيلتى برغم ظروفك والمرمطه الا شوفتها على ايدى
على : بالعكس .. انتى لو اتكسرتى عمرى ما اشوفك واقفه قدامى دلوقتى وبتكلمينى كدا .. وقرب من ودنها وبهمس .. جواكى قوه عجيبه لا بتتحنى لظروف ولا بتتكسر قدامها
هبه قربت عليهم وبعلو صوتها : وبعدين فى العشق الممنوع دا
شمس مسحت دموعها وضحكت : هبوووش ارحمينى
هبه : ارحمينى انتى وقعدينى وأكلينى اه اناتعبانه يا شمس
على بيضحك وبيغمز لشمس : خلاص بقى فى اووش غيرى
هبه بصوت عالى : مش وقتك ياعلى . تعبانه بقولك دخلونى فى اى حته جسمى مكسر
على بيبص لشمس : ندخل لابوكى لانه نفسه يشوفك وهو الا خلانى جبتك هنا عايز يطمن عليكى بنفسه
شمس بخوف : مش قادره اشوفه ياعلى وهو كدا .. وعيطت تااانى .. مش قادره
على : ارجوكى ياشمس اجمدى .. لازم يشوفك وانتى بأحسن حااال .. وماسكها .. ياله .. ياله ودخلو على جوا
شمس وقفت مصدومه منهاره من جواهااا .. كل يوم الغل بيكبر للناس دى أكتر وأكتر .. دموعها واقفه فى عيونها ومتحجره وبتجز على سنانها .. ابوها كامل عزت نايم على كنبه هزيل جدا وضعيف اد ولد صغير مش راجل عنده 48 سنه
كامل باصص لها وبيبعيط بضعف وبيمد ايده لها .. شمس جريت دخلت فى حضنه وصوت اهاتهم الاتنين يوجع أى حد .. شمس بتحضنه جااامد وبتبوس كل حته فيه بجنون وبتاخد نفس طويل وحاطه راسها على كتفه وقاعده على روكبها
شمس بعياط : اه يا بابا .. اه .. بقالى كام سنه بتمنى ابقى فى حضنك تااانى واجيب حقك وحق مليكا واخواتى الا ملحقوش يشوفو الدنيا
كامل بعياط : انا السبب .. انا الا مقدرتش أحميكو ولا احافظ عليكو
شمس بنفى : اوعى تقول كدا .. انا السبب وانا الا ها اصلح كل الا عملته معاكو ومسكته من وشه دا وعد ولازم اوفى وعدى وبعدين انتبهت لحازم الا قاعد مكسور وراسه وعيونه موجهه للارض ووشه كله جروح بصدره ..باست راس ابوها وايده وطبطت عليه وبنظره فهمته ان حازم مش ها يستحمل الكلام دا ..قربت على حازم وبترفع راسه يبصلها
حازم بعيون مكسوره وقلب مجروح مدمر بيبعد وشه وبيدارى دموعه
شمس بأبتسامه : شمس بتحب مين
حازم بكسره : خلاص مبقاش ينفع شمس تحب حازم
شمس : شمس طول عمرها من يوم ما شافت حازم وهى بتحبه .. يبقى حازم بيحب مين
حازم بوجع وشدها حضنها غصب عنه : حازم بيحب شمس بس ماقدرش يحميها
وكلهم واقفين دموعهم بتغلبهم .. ماعدا واحد الا نسى دا كله وراح فرق ما بينهم 😂😂
على : اهدى ياعم الحنين كدا بدال ما كمل عليك وابعتك جثه لراضى الا مش طايقك اصلى ها ابتدى ابقى زيه
حازم ابتسم هو وشمس : على فكره حاطتنى فى دماغه مش عارف ليه
شمس مسكت ايد على بتملك : عشان نيته سودا مايعرفش انك مش اكتر من اخ
على بصوت عالى ضحك الكل : لا اخ ولا اخت يا شمس يابنت أم شمس .. وبيبص لكامل جو النحنحه دا ياعم كامل قول لبنتك تبطله من دلوقتى انا راجل بيجرى فى عروقه افاعى لو بخت سمها فيه وبيشاور على حازم انا مش مسئول
كلهم : 😂😂😂
حازم : لا اطمن ياعم .. طول عمرى شايف نفسى اخ لها مش أكتر وحتى لو بحبها مش هاينفع اختى سدت كل الطرق بينهم
شمس : الا طريق واحد هو انى بعتبرك اخويا ومش ها انسى كل الا عملته عشانى لحد دلوقتى
كامل : انت حاجه واختك حاجه ومش عارف دى اختك ازاى لايمكن تبقى اختك
هبه قاعده جمب كامل : اونكل انت مش جعان
كلهم : 😂😂
كامل : اكيد انتى هبه .. لسا زى ما انتى
هبه رفعت ايديها وضمته : حمدالله على السلامه يا اونكل اخيرا خدت بالك انى هنا
كامل : ما تاخذنيش يابنتى .. الود ودى اقوم افرح الدنيا كلها بوجودكم جمبى من تانى
هبه : ها نفرح يا عمو وفرع لوز بنتك ها تخلصنا منهم .. اسكت ياعمو مش بتطير فى الهوا بتعمل حركات بهلوانيه
كامل بأبتسامه : ايوا كدا عايزك جااامده وبعدين محمود وعلى جابو الاكل وبدئو كلهم يأكلو مع بعض .. ومحمود لازق لهبه 😂😂
محمود : خدى الحته دى كمان شكلك هفاتنه
هبه مدت ايديها خدتها : جدا مش عايزا اقولك انا بعمل مجهود جبااار مع كريم وسعيد
محمود : ماتسيبك من العنف وخليكى زى ما انتى دكتوره رقيقه وبهمس وجميله
هبه بأبتسامه : والله كريم وسعيد بيقولو كدا
محمود قلب صعيدى وعلى صوته بزهق : اباااه مين دول عاد ..
على : 😂😂😂 ارجوكى ماتعصبهوش
هبه تنحت : عاد ازاى يعنى
محمود : كل كلمه سعيد وابصر ايه كريم عاد دى واجعه مربربه ياولاد
هبه بصوت عالى شويه وكلهم سايحين على نفسهم : انا ما اسمحلكش .. ازاى تقولى مبربنه .. وبتشاور على نفسها انا مبربنه ومبرقه انا ياشمس
محمود بيهز ايديه : مبربنه كيف يعنى
هبه : الا انت قولت عليها انا دى
محمود : أمربربه .. مش كيف ما بتجولى انتى وبيشوح بايده
هبه : ممكن تكلمنى عدل
على : هو لما بيتعصب بيقلب 😂😂
هبه : ليه تقلب دى اخلاق قلابين بقى
محمود : ابتغلطى عاد .. ماعاش ولا كان الا يغلط فى سيد الرجاله كلتها
هبه : انت الا بتغلط وبتقولى عاد ومبربنه بتاعتك انت راجل قلاب
محمود دماغه قفلت : عربيه نجل إياااك .. ابااااه عليكى انتى .. صحيح صدج الا جال عليكى هبووش وبيعمل حركة القطه بصوابعه بتهبشى بالواحد كيف الجطط
شمس : محمود ارحمنا انت وهبه
حازم بيشاور على نفسه : خليه يرحمنى انا كمان ارجوكى
شمس : قومو بقى خلينا نشوف ها نعمل ايه بلاش لعب عيال .. وبعدين بصت لمحمود اوعى تكون قابلت فريده تانى
محمود بنفى : لا ملتزم بكل الا بنتفق عليه
حازم : انتى ناويه تعملى ايه مع فريده ياشمس
شمس : الا كان لازم يتعمل من زمان يا حازم ايه لسا بتخاف عليها
حازم بكسره : غصب عنى اختى الا ربتنى
شمس بهجوم : بعد كل الا عملته .. دا حتى انت مسلمتش من اذيتها .. ازاى يعنى
على : اهدى ياشمس مش كدا
حازم : سبيها طيب تاخد جزائها من ربنا بلاش انتى .. خليها على الحديده يمكن تفوق على الاقل و تندم
شمس بغل : انا ها اكسر قلبها وها ادمرها زى ما دمرتنا .. وانت يا حازم بلاش واوعى العواطف تتحكم فيك لو لسا باقى عليا اختك مش غلطت دى اشتركت فى قتل واحده المفروض اختها وكمان طفلين فاضل لهم شهر واحد يخرجو للنور .. يعنى تلاته وانا يا حازم تحب افكرك كنت بتنزل ليا البدروم كام مره عشان تهربنى وماعرفتش .. نزلت كام مره عشان تشوف لسا فيا الروح والا لاء .. نزلت كام مره عشان تحاوم تداوى جروحى الا مكنش لها حصر .. تحب انا اقولك راضى ضربك كام مره بسببى وهى وقفت تتفرج عليك
حازم بعياط : غصب عنى مش هاين عليا برغم كل الا هى عملته انسى انها اختى ودمى من دمها
كامل قرب عليه وضمه جاااامد وبيمسح دموعه وساعتها حازم رفع راسه وبصله بترجى وعيط أكتر واكتر لدرجه ان شمس عيطت على عياطه
على شد شمس على جمب : حبيبى ممكن تهدى شويه وتحاولى تسيطرى على كلامك قدام حازم
شمس بعياط : مش قادره ياعلى .. مش قادره كان نفسى مايقربش لها ولا يعرفها .. انا عذراه والله بس مجرد اسمها بحس انى عايزا امسكها واقطعها بسنانى
على : عارف كل دا وفاهمه بس على الاقل افهمى واعرفى ان حازم استحمل الا محدش يستحمله عشانك .. صحيح سكت بس كان مجبر زيه زى ابوكى .. ودى اخته فى الاول والاخر .. وحشه حلوه ... طيبه مجرمه .. اخته وتمسه وربته
شمس هزت راسها بتأكيد وبتمسح دموعها وابتسمت : انت الوحيد الا من حقه يهدينى ويقنعنى بأى حاجه
على بتكبر مزيف وبيشاور على نفسه : انا أصلا جااامد
شمس ضربته وقلبت وشها : على
على : على لو فضلتى واقفه قدامه كدا كتيررر ها يشيلك على كتفه زى زمان ويجرى من هنا ويخطفك للابد
شمس ابتسمت تااانى : ها تقدر تشيلنى .. زمان كنت صغيره دلوقتى شمس كبرت
على : ها تفضلى فى عيون علي .. على طول صغيره انتى بس تبقى فى بيتى وانا اوريكى وبيخبطها فى كتفها .. مش بقولك جااامد
شمس بكسوف وشدته : طيب ياله عشان لازم نبتدى من بكرا قبل ما يهربو او يفكرو يعملو حاجه تانيه ودخلت هى وعلى وبدئو يتكلمو كلهم على كل حاجه وناوين يعملو ايه
****************
خالد : يا باشا اسمعنى .. والله انا ما بفارقها زى ما انت طلبت وماعرفش انها ها تعمل كدا
سالم : يعنى ايه ما تعرفش .. شغلك دا والا شغلى
خالد بأسف : انا ولسا ما كملش واتخطف من ايده التليفون
شمس : باشا .. ايه سعتك المفروض انه يترجاك عشان تصدقه
سالم : وبعدين معاكى .. واخرة العند الا انتى فيه هاتموتى
شمس بتضحك : مفيش حد بيموت ناقص عمر وحتى لو جرالى انا ببرئك من ذنبى ومسئوليتى الا مليكا حملتهالك
سالم : افهم من كدا
شمس : انا قولتلك ما تضغطش عليا وسيبنى براحتى .. وخرج خالد وكريم وسعيد برا اللعبه .. حراسه ماشى .. اكتر من كدا لاء .. اسيبك انا بقى اصلى لازم اخد شاور واناااام وبايديها رمت التليفون لخالد ودخلت الشقه هى وهبه .
. وخالد رد على سالم
سالم : ها اقطع راقبتك يا خالد انت وكريم وسعيد لو اتكررت تانى
خالد بتاكيد : والله ما ها تتكرر وسالم قفل
*****************
انتهى اليوم بأنتصار جديد لشمس وهزيمه فى قاموووس كل خاين بايع الود والعهد .. ما نامتش عيونهم ساعتين على بعض
************
فريده نازله لابسه ومجهزه نفسها : جهز الرجاله عشان نروح الشركه
راضى : انتى ها تروحى الشركه
فريده : لازم كل شئ يبان طبيعى جدا
راضى : احنا لازم نهرب
فريده : هانروح منهم فين
راضى : فى اى حته ان شاالله تحت الارض
فريده : طيب ياله قدامى وخلى الرجاله كلها تأمنا ياله وبدئو يتحركووو لحد ما وصلو قدام الشركه .. لحد ما وصلو الشركه وفريده نزلت .. ايه ما تنزل
راضى : اطلعى انتى وانا ها اروح اجيب اربع رجاله تانين غير دول عشان نتأمن كويس
فريده : تمام .. متتأخرش
راضى : لا مش ها اتاخر وشاور للرجاله الا معاها تركب العربيات تااانى ويلفووو .. مشيووو مسافه كبيررره ودخلو مكان مقطوع تماما وفجأه ظهرت قدامهم كذا عربيه وبدء يحصل بينهم مناوشات
راضى بخوف وصوت عالى : اهرب منهم يا اسلام
اسلام : وباقى الرجاله يا راضى ها نسيبهم . مين دول
راضى بجنون وزق اسلام وقعه بعد ما فتح الباب وبيسوق هوو .. وطلع سلاحه وبيضرب بالنار على العربيات الا وراه ومره واحده فرمل لما لقى كذا عربيه قدامه قافلين الطريق .. وباقى الرجاله الا معاه كلهم اتمكسو واتقغلت فى وشه كل الطرق .. فضل قاعد فى العربيه وبيشوف سلاحه خلاص مفيش طلقه واحده معاه لان اسلام معاه كل حاجه وبعدين رفع راسه لما لقى بنوته نازله من عربيتها بثقه وجمبها اتنين وتنح لما لقى ان البرنس واحد من الاتنين دول .. بتقرب عليه وقلبه وانفاسه من شدة الخوف ها يتوقفو وهو ها ينهار
راضى نزل وبيبص للبرنس : يعنى انت الخاين الا بعتنا كلنا
محمود : يا راجل قول كلام يتعقل .. هو كل خاين فاكر الناس زيه واداله ضربه فى بطنه واتنين مسكو راضى
راضى بيشد نفسه جااامد وبصوت عالى : انتووو مين وعايزين منى ايه
شمس قربت عليه وبصوت هادى عكس الا جواها : حساب بسيط ها نصفيه انا وانت وضمت صوباعين على بعض .. صغنن جدا لدرجه انك مش ها تحس بحاجه خالص وفى اللحظه دى .. على قرب ورش على وشه مخدر وبدء يغيب عن الوعى
شمس بضحكه : مش بقولك مش ها تحس بحاجه وشاورت بايديها وكلهم ركبووو بعد ما كتفو الرجاله الا مع راضى وسابو المكان تماما مشيوو مسافه كبيره جدا وصلو لمكان فيه بحر وفى عز الشتا دخلو الشاليه الا يخص عيلة شمس كلهم مع بعض ..
الرجاله الا مع راضى دخلوهم اوضه وقفلو عليهم .. اما راضى فا فى اوضه فاضيه لوحده بعد ما دخلوه بالعنف لانه كان فاق .. قاعد ودماغه بتودى وتجيب معقول البرنس تبع فرنكو وهو دا الا بيتجسس عليهم ... لالا لا لا ... يبقى هو الا هرب كامل وتبع سالم .. بردو لا .. لان الطريقه الا اتهربت بيها كامل نفس الطريقه الا اتهربت بيها حازم والبرنس ماكنش موجود .. طيب مين البنت الا معاه وحساب ايه الا بينى وبينها .. خلاص بينه وبين الجنون شعره واحده ... دخلت البنت لوحدها وقفلو الباب عليهم ومعاها كرسى
راضى : انتى مين وحساب ايه الا بينى وبينك
شمس قعدت على الكرسى قدامه وحطت رجل على رجل .. تفتكر يا راضى انت مامعملتش حاجه تتحاسب عليها
راضى هز راسه با اه : عملت وكتير .. قولى انتى بقى ايه وعملت فيكى ايه عشان نجيب من الاخر .. لان مش راضى الا يتحبس الحبسه دى .. انا ممكن اكسر الاوضه فوق دماغك واخرج
شمس قامت ومسكت الكرسى وبقوه عكس شكلها تماما .. ضربت راضى فى بطنه ورجله بالكرسى لحد ما الكرسى اتكسر فى ايديها ..وبتحدى بتشاور بايديها ياله قوووم كسر الاوضه فى دماغى
راضى اتعدل بعد ما كان بيتوجع وبغل وصوت عالى بيجرى على شمس ... شمس وسعت بسرعه من طريقه وادته بالرجل لبسته فى الحيطه .. قام تانى وبدء يتواجه معاها
راضى بضحكه مستفزه : لا تنفعى بس مش معايا بردو
شمس هزت كتفها وبترفع ايديها الاتنين : ها نشوف يا راضى ... وفى اللحظه دى هجم على شمس وقعها فى الارض وماسكها من راقبتها وهى بتحاول تفك ايده وبرجلها ادته ضربه قويه جدا تحت الحزام
راضى : اه وبعد عنها وشمس قااامت وبدئت تضربه برجلها جااامد فى بطنه وصدره ورجله ومابتقربش عند وشه ... وطت ومسكته من قفااااه
شمس بنهجه وبتمسح عرقها بايديها وبالايد التانيه ماسكه راضى : قوووم يا كلب
راضى ووشه احمر جدا من الوجع وماسك بطنه : اه .. وبصوت عالى انتى مين وعايزا ايه منى
شمس بتلف حواليه وبصوت يشبه الفحيح : انا الضلمه الا فى حياتك .. انا الكابوس الا مش ها ينتهى غير بموتك .. وبحركه فجائيه منها لفت فى الهوا وادته ضربه برجلها اليمين وكملت اللفه وضربه قووويه بالشمال وقعته على الارض ... ووطت راسها .. انا الاعصار يا راضى
راضى اتعدل بوشه وبيبص فى ملامحها جااامد ولمحات مرت قدام عيونه .. البدروان بنوته صغيره ضعيفه بيعذب فيها هو ورجالته مليكا .. شمس .. هى شمس .. دى عيون شمس ودى البصه الا بصتهاله يوم ما رماها فى الميه .. النظره الا رشقت جوا قلبه واتحفرت فى ذاكرته وطول الوقت مش بيناسها وفهم وعرف مش بينساها ليه .. عشان اللحظه دى دلوقتى
شمس ابتسمت : اكيد عرفتنى
راضى : شمس بنت مليكا ايوا انتى شمس
شمس : بنت الخنجر الا ها يقتلكم واحد واحد وينتقم ويتلذذ بأنتقامه
راضى : احنا مقتلناش امك .. وتعذيبك كان اوامر بعد ما اكتشفو انك شوفتى وعرفتى كل حاجه
شمس مسكته بعنف من ضلعه الا بيتألم منه وبتضغط عليه بقوتها : مين وبتتواصلو معاهم ازاى
راضى موطى راسه بضعف ووشه بقى شبه الجمر والعرق بينقط على الارض ومبرق عيونه : ماينفعش اقول . ها يقتولنا
شمس : انا ها اقتلك حالا .. لو مقولتش الا عندك
راضى : لايمكن .. ومش ها تقدرى تقتلينى
شمس نيمته على الارضه وداست بروكبها على صدره جاامد وخنقته
راضى : اعاااا .. اهااااا .. وزقها وقعها وبيكح جااامد وموطى راسه فى الارض
شمس اتعدلت فى لمح البصر وقامت وداست على راسه : انطق يا خسيس
راضى : مش ها اتكلم .. مش ها اتكلم
شمس : بصوت عالى يبقى اخد حقى بس مظبوط وبالعدل قوووم وبتشده من هدومه وهو بيتعدل بضعف واول ما قربت من الباب فتحوه على طول مسكته زقته ورمته على الارض
على : ها تعملى ايه
شمس : خالد جهزت اللنش والحبل
خالد : كله تمام
على : دلوقتى يا شمس
شمس بغل : لازم يجرب ظلام الميه ورعبها وازاى بيتمنى ياخد نفس ومش قااادر لانه حتى فى الموت مربوط ومتكتف
محمود : بحالته دى ها يموت
شمس : كلب وراح .. ايه يا محمود فاكر لما قولتلى القانون لا يحمى المغفلين او بمعنى اصح الطيبين ... القانون ماقدرش يجيب حق مليكا ولا بنتها ولا جوزها ماتعبش نفسه ودور ورا شويه كلاب سعرانه كل همها الوحيد الفلوس وادت راضى برجلها فى جمبه جااامد وقعته بعد ما اتعدل شويه ... يبقى نجيب احنا حقنا وما ادتش حد فرصه انه يتكلم وبتشد راضى على برا ... خالد وسعيد وكريم ربطوه فى اللنش ولسا كريم وخالد وسعيد ها يركبو وقفوتهم
شمس : انتو دلوقتى معايا على الحلوه والمره زى ما اتفقت معاكم وبتبص لخالد ووفيت بوعدى انى مش ها اهرب منك تانى فى مقابل انك تتطمن سالم مش اكتر ومن غير كلمه عن الا بعمله .. بس اللحظه دى تخصنى لوحدى
خالد : وانتى عارفه انى دراعك اليمن من اللحظه الا سالم بيه قالى دى فى حمايتك
شمس : يبقى تسمع كلامى وركبت على اللنش
على ميل راسه ورفع ايده وطلع على اللنش : والا يخصك يخصنى انا كمان ولو فى اى اعتراض انتى مش ها تتحركى من هنا .. كان كلامه كله ثقه وقوه .. دايما بتكون حاجز لشمس عن اى تحرك ما يعجبهوش
شمس باعتراض : على
على : مش عايز اى اعتراض وبدء على يتحرك باللنش
راضى مربوط ايد ورجل ولسعة الميه وضلامها وانفاسه الا مش قادر ياخدها او بيتمنى ياخدها ... شاف شمس قدامه وهى مربوطه وبتترمى فى الميه وبتقاوم وبتحاول تقب وتغطس تااانى .. نظرتها وجبروت اللحظه .. داق طعم الموت الحقيقى .. الموت البطئ الا بيدوقوه للناس بسهوله واستهتار ونسيو هما ان لهم وقتهم وكما تدين تدان
على بيلف جوا الميه وشمس راحت سحبت الحبل وعلى هدى شويه وبعدين وقف طلعت راس راضى من الميه وهووو شهق جااامد وبيكح
شمس : خدت نفسك ... شوفت انا عندى قلب مش زيك .. وزقته تااانى برجلها جوا الميه وهو بيرفع ايده المربوطه وبيستنجد وبيقولها ارحمينى
شمس : وانت كنت رحمت حد فينا ... يرحمك ربنا .. وعلى بدء يتحرك تااانى
على : شمس كفايه كدا ممكن يموت
شمس : وايه يعنى
على : لا تبقى قتالة قتله ومجرمه لاء .. كل الا بنعمله دا عشان نجيب راس الافعى مش نقتل لانهم ببساطه مش ها يتكلمو غير وهما فعلا بيدقو طعم الموت .. واهو يبقى خدتى جزء من حقك
شمس : على انا عايزا انتقم منهم كلهم .. وبصوت عالى انت وعدتنى
على وقف اللنش وراح سحب راضى واتاكد انه عايش وبدء يدوس على صدره جااادمد وراضى بيتوجع وبدء يكح ويرجع .. سابه ورجع لشمس
على : الانتقام الوحيد مش من دول لانهم بأختصار لعبه .. الانتقام الوحيد ان البحث دا يخرج للنور اللى مليكا دفعت تمنه انتى ما تتنازليش عنه وتخشى دايرة انتقام وغل اخرتها وحشه .. ومسك وشها يهديها وبيمسح دموعها الا بتهد قوتها : انا بحبك ومحتاجك جمبى مش ها اقولك اتنازلت لان ماكنش عندى حاجه اتنازل عنها بس اشترايتك
شمس قاطعته وبدموع رهيبه توجع القلوب : انت اتنازلت عن الامان فى مقابل حمايتى .. ومفيش اهم ولا أغلى من الامان فى الدنيااا ... الا عنده حصن ياعلى وما يتحصنش بيه ويمسك فيه بايده وسنانه يبقى غبى ومتخلف
على ضمهااا جااامد : وها افضل غبى ومتخلف لحد ما نرجع الحصن دا سوا ومع بعض ..وها ارد عليكى بنفس منطقك .. الحياه من غير قلبك مش عايز اعيشها
شمس ضمته جااامد وعيطت اكتر .. اتحولت للطفله شمس رجعت تانى تحس بنفس الاحساس لما كان بيشلها على كتفه ويمشى مسافات من غير ما يزهق .. بتحس بالامان الا كانت دايما تحسه فى حضنه فى عز كوابيسها .. وعلى بدء يسيطر عليها ورجع لقى حاله من الهرج وضرب نااار وفى الا بيجرى يمين وشمال
