رواية مصير مجهول الفصل الحادي عشر
شمس وهى على اللنش سحبت راضى لجوا وربطته كويس جدا لما شافت فى حركه مريبه بتحصل .. وعلى نزل منه وربطه وجهز سلاحه الا معاه وشمس كذلك .. داخلين ورا بعض ببطئ وبيشوفو ضرب النار جاااى منين ..
على بيركز فى حد بيخرج وبيضرب نااار .. وقرب عليه وبضهر المسدس ضربه على راسه وقعه وشمس دخلت جرررى لجوا لقت الا بيشدها جااامد
محمود : شمس خدى بالك العيال فكت نفسها
شمس بعصبيه : ايه الا فكهم وجابو سلاح منين
محمود : الواد الا راضى وقعه من العربيه كان معاه سلاح ومخبيه .. خليكى هنا وانا ها اروح لخالد
شمس : تفتكر ها افضل هنا وسابت محمود ودخلت على جوووا وقفت فى ضهر خااالد وبدئو يهجمو على العيال
محمود داخل وراها وبيبرطم : ابااااه يا ولاد كيف على يتجوزها دى .. لو جفل معاها عاتخرشمه وتجيب أجله 😂😂😂
شمس هجمت على واحد وهو اسلام السواق الا كان مع راضى ضربت ايده برجلها طيرت السلاح منه وعلى بعد ما كتف الواد الا برا جرى عليها وبيمسك اسلام
شمس : على سيب الواد دا وخلص مع خالد فى خمسه غيره
على : متاكده
شمس بتاكيد وبدأت تضرب اسلام بوحشيه : ايوا روح انت اسلام وقع فى الارض دايخ
شمس : قوم يالا وبتديله بالرجل فى وشه
اسلام مسك وشه : اه خلاص خلاص ها اقوم .. وفعلا قااام وهو بيقوم مسك رجل شمس وقعها وبيجرى مدت رجلها كعبلته وقعته وفقد الوعى .. قامت جابت حبل بسرعه وربطته جااامد
كريم امسك الواد يا سعيد كويس
سعيد : ماسكه روح انت هات الحبل وبدئو يسيطرو على الموقف كله وربطوهم كويس وقفلو عليهم ... وكلهم قعدو بتعب وفى اصابات خفيفه الا فى وشه والا فى دراعه ...
على ضرب على راسه : راضى زمانه مات من البرد برا
شمس : 😂😂 قوم هاته
على بتعب : والله ما قادر قوم انت يا خالد
خالد : الحال من بعضه قوم يا كريم
كريم : محدش يقولى قوم انا كلت علقه محترمه
سعيد : مش مكسوف وانت بتقول كدا
كريم بنفى بيهز راسه : لا مش مكسوف ما انت واخد نفس العلقه .. طب قوم انت
سعيد ؛ اذا كان انت بنفسك قولت واخد نفس العلقه يبقى وبيشاور
محمود بيشاور على نفسه : مفيش غيرى ... وانا ها اقوم اجيبه وقام جاب راضى الا جسمه متلج وشفايفه زارقه .. وراماه قدامهم
شمس : داخله الاوضه دى
محمود تنح : ليه دى هاينام على السرير ويبرطع فيها
شمس : ايوا داخله وفكه ونيمه على السرير ودفيه
محمود : احضر له الرضعه بالمره واهزه لحد ما ينام
شمس : محمود انا عايزاه فايق وهادى ورايق .. فا اسمع الكلام انا لازم اسافر بكرا .. تليفونه وحاجته فين
خالد : كله معايا متقلقيش
شمس : تمام كدا ... ياله يا محمود انا قولت سيبو الرجاله قولتو كفايه احنا
محمود قام ونفذ كلام شمس بالحرف .. وشمس وعلى دخلو وراه .. وبعد وقت كبير .. راضى بدء يفوووق لما حس بالدفى وبيبص حواليه واستغرب جدا هما ليه جايبينه الاوضه دى وبيعملو كدا ليه
على بيضحك : ايه مالك اوعى تاخد على كدا
شمس : راضى ياخد زى ما هو عايز ياعلى وبتميل راسها لراضى والا ايه
راضى : هاتعملى ايه تانى
شمس : يا راجل يا ظالم انا عملت اولانى .. بس لو مش عايزنى اعمل اثبتلى انك انت وفريده ايدكم بريئه من دم مليكا .. ورفعت صباعها كانها افتكرت حاجه .. واه نوقع الا وراكم وبيستخدمكو زى العرايس .. ودا شرطى لو انت موافق قول ديل لو مش موافق قول نوووديل ونكمل اللعبه للاخر
راضى : سيبينى افكر
شمس : مفيش وقت للتفكير ورفعت ايديها بتهديد غير مباااشر وبصوت عالى رعب راضى .. ياله قدامك بالظبط من 1 ل10
1..2..3..4...5...6...7..8..9
راضى بلهفه : موافق بس انتى قولتى ها تسبينى
على ابتسم وبص لشمس وغمز لها وقعد قدام راضى : طبعا انت ذاكراتك فولازيه والا ها تقولى خسعتك ومش فاكر ومش عارف
راضى : لا فاكر كل حاجه بس انا عطشان وجعان
شمس مسكت كوباية ميه وكبت الميه الا فيها على الارض وسابت بوء واحد بس وبأبتسامه
شمس : خد يا راضى كدا كفايه قوووى اكل لا انسى مش دلوووقتى
راضى شرب بوء الميه وكان ريقه ناشف بطريقه غريبه لدرجه انه بيتكلم بالعافيه وبترجى : كمان انا عطشان
شمس ضحكت جااامد : يا راجل شارب ميه مالحه اد كدا عايز ايه تااانى ... لا بعينك ... طلعت حقنه من جيبها وقربت على راضى وبتعبيها .. فاكر يا راضى الحقنه دى ها تخليك ريلاكس وتتكلم براحتك خالص
راضى عيونه مع الحقنه وعلى مسك دراعه وشمس ادتهاله
راضى : انا مش حاسس بجسمى .. كله مخدل
شمس : انت فاكر ايه ماهى دى نفس الحقنه الا بتديها لسيدك وتاااج راسك كامل عزت .. بس قولى بقى من الاول .. ايه الا حصل وعرفتو الناس دى منين وليه فريده غدرت بمليكا بعد اربع سنين مع بعض فى البيت كا اصحاب والشغل
راضى بصلها وبدء الاحداث ترجع لورا تلقائى ويفتكر كل الا حصل ويحكى عليه
**************
فريده بعد ما فقدت الامل ان راضى يرجع .. رجعت الفيلا وكل الا جه فى دماغها انه هرب وسابها لوحدها تواجه مصيرها المجهول واخرة غدرها
عبده : حمدالله على السلامه يا ست فريده اجهزلك الغدا
فريده بإرهاق : مين الا له نفس يا عبده
عبده : معلش يابنتى ديقه وهاتعدى
فريده : تفتكر ها تعدى .. تفتكر .. انا ها اطلع انام شويه ولو راضى وصل صحينى
عبده : حاضر يا هانم وسابها ودخل المطبخ ..
وفريده طلعت اوضتها دخلت خدت شاور وخلصت وخرجت وهى خارجه الدنيا ضلمت ضلام دامس .. بدء جسمها يترعش وتحس بالخوف من المجهول قربت عل الباب وبتفتحه ما بيتفتحش تخبط محدش بيرد عليها .. رجعت لورا فى خوف ورهبه وقعدت على السرير وفضلت ترجع بضهرها ونامت وانكمشت وبدئت تعيط .. غمضت عنيها جااامد تهرب من الضلمه والخوف بس لا مفيش فايده مهما هربت دا مصير ومجهول بيلاحقها .. حق ولازم يرجع فى يوم من الايام لأصحابه مهما هربو منه ..بدأت تفتكر الا مضى
فلااااش باااك
***********
فريده بعد ما عملت كل المحاولات عشان تلفت نظر كامل او تشده لها فشلت واستسلمت واختارت انها ما تخسرش المنصب والفلوس والعيشه الا هى اتنقلت لها .. وفى يوم من الايام بعد رجوع مليكا من السفر بشهر و اكتر .. مليكا راحت الشركه ودخلت لفريده .. قربت عليها بأبتسامتها الجميله وبصوت فرحان جدا
مليكا : ديده يا حبيبتى وبتبوسها
فريده بحب ظاهرى : ملوكا .. نورتى انا قولت انتى مش جايه
مليكا : زهقت يا ديده من قاعدة البيت ومش عارفه كامل بقاله فتره ماله
فريده بالهفه بتحاول تسيطر عليها : ماله يا قلبى انا حاسه انه مش طبيعى
مليكا قعدت وبتشبه الاطفال فى نرفزتها : مش عارفه يا ديده خايف عليا خوووف غير طبيعى وطول الوقت ماسك فيا زى الطفل بالظبط ..
فريده بخيبه أمل ونبرة حقد : وايه الا زعلك بقى .. الراجل بيحبك عايزا ايه تانى
مليكا : هو من يوم ما شافنى وهو بيحبنى بس عمره ما كان كدا معااايا بقيت احس انه اخويا سالم التانى فى خوفه ولهفته عليا ومش عايزنى اخرج ولا اروح ولا اجى .. وخصوصا بعد ما عرف وابتسمت انى حامل
فريده بصدمه : ايه حامل
مليكا بأستغراب : ايه يا ديده انتى اتصدمتى كدا ليه
فريده بأبتسامه مزيفه عكس النار الا جواها : ابدا يا حبيبتى .. بس استغربت انك خبتى عليا .. دا انا حبيبتك واتمنالك الخير
مليكا : ابدا والله يا قلبى مش مخبيه ولا حاجه بس عمايل كامل الا مجننانى ونستنى
فريده : مبررروك ... كدا بقى لازم بوسه كمان وقامت باستها بغل وقعدت تااانى .. حامل من امتى بقى
مليكا : من ساعة ما رجعت من السفر شهر ونص يعنى وكمان توأم وبتضم رجليها وايديها جااامد .. انا فرحانه قوووى يا ديده
فريده : كمان توأم .. يابخت شمس ها تبقى محظوظه .. ومبروك ياقلبى
مليكا : عقبالك يافريده نفسى اشوفك مع عريسك وعندك اطفال كتيررر يااااه وما تتخيليش ها اكون فرحانه اد ايه واطفالك بيقولو ليا يا خالتو مليكا نفسى اسمعها
فريده : كان نفسى اسمعهالك وافرحك اكتر بس ياله لسا النصيب ماجاااش . المهم حافظى على البيبيهات وماتزعليش كامل بقى
مليكا بأبتسامه وفرح : ماقدرش ازعل قلبى .. ياله اسيبك انا دلوقتى وخرجت
فريده بتترقص بايديها وبتعوج بوئها وبتريقه : ماقدرش ازعل قلبى .. وبغل وشر جاتك وجع فى قلبك انتى وهو .. ماشى يا كامل تصدق مش ها اسيبك لها تتمتع بكل دا لوحدها .. انا من حقى احب واتحب دا ظلم هى كل حاجه عندها وانا لاء .. بحبك مفيش اكتر من انى بحبك ليه منشف دماغك .. فيها ايه زياده عنى .. وفضلت تكلم نفسها وتتعصب على العاملين وبهدلت الدنيا فى اليوم دا .. وكل الايام بتمر شبه بعض عندها .. عدى خمس شهور على حمل مليكا وبقت فى نص الشهر السادس .. وفريده الغل بيكبر جواها اكتر واكتر خصوصا بعد ما عرفت ان مليكا ها تسافر عشان تكمل البحث الا بتعمله وتناقشه برا مصر وحب كامل بيزيد وتمسكه بيها يوم عن يوم عدى شهر كمان وكامل رجع بمليكا وشمس وفى حاله غريبه وتوتر من طبيعى راحت لمليكا الفيلا عشان تفهم مالها وقعدو فى الجنيه واتاكدت ان كامل مش موجود .. وكانت مليكا بتعيط
فريده : اهدى عشان الا فى بطنك وفهمينى فى ايه
مليكا : سالم اتجنن كل شويه يجى يبهدلنى ويمشى
فريده : ليه وكامل فين من دا كله
مليكا : انتى عارفه انى شغاله على بحث اليومين دول
فريده : عارفه
مليكا : فى ناااس بتهددنى انى الغى البحث نهائى والا يقتلونى
فريده بشهقه : معقول .. ليه طيب فيه ايه البحث دا عشان يقتلوكى
مليكا : انا اكتشفت عشب متوفر جدا جدا جدا ... ممكن ناخد منه اقوووى انواع المسكن والمخدر الا بيستخدم فى العمليات الجراحيه وبعد العمليااات بدون اى اثار جانبيه عشان اكيد انتى عارفه ان المسكانت بيبقى لها اثار جانبيه ضاره جدا بالجهاز الهضمى عمتا وكتر استخدامها بيأثر على الكبد .. فا العشب دا ها يعمل تحول كبيررر فى العلاج غير ان التكلفه العلاجيه اثناء العمليات وبعدها ها تبقى قليله جدا .. لانه رخيص ومتوفر وغير كدا تأثيره اقوووى فى تسكين اى الم مهما ان كان
فريده : طيب دى حاجه عظيمه .. ايه بقى الناس دى بتهددك ليه
مليكا : عظيمه للزيى وزيك والناس الا هلكت من العلاج واسعاره واسعار العمليات .. انما دول مافيا الادويه احنا كدا بنخسرهم فلوس لا تحصى ولا تعد .. دول الا بيتحكمو فينا وفى مرضنا وألامنا وبيزوده مش بيقللو منه .. الواحد عشان يعالج حاجه يبوظ حاجه تانيه ويفضل فى دايرة المرض الا هما عايزنا نبقى فيها ... فهمتى
فريده : يا ولاد ال..... طيب وكامل رايه ايه
مليكا بزهق : انا اقنعته بالعافيه بس سالم لما عرف اتجنن عليا
فريده : خلاص يا مليكا انتى مش قدهم سيبك من البحث دا يعنى كمان برا مصر وبيحاربو الا زيك ازاى
مليكا : هما الناس الوحيده الا لازم الاستفاده تعم عليهم هما وبس ويكون فيها ارباح مش خساره واكتشاف ينقلهم .. فريده انا مؤمنه با الا بعمله وبرغم تهديدهم ليا ها اسافر وها اناقش البحث
فريده : خلاص يا قلبى ولا يهمك ..بس التهديد كان فين وازاى
مليكا : فى المستشفى الا اشتغلت فيها هناااك لقيت معامله كدا مش تمام ومدايقات كتيررر وبدئت التهديدات منهم تبقى صريحه.... وكامل رجع بيا غصب عنى .. بس لازم اسافر واكمل شغلى والبحث
فريده : اقنعيه براحه وان شاء الله يوافق
مليكا بخوف : لو جرالى حاجه خلى بالك على شمس وعلى كامل
فريده بعكس الا جواها : اوعى تقولى كدا
مليكا : ارجوكى يا فريده انا مش بثق فى حد غيرك .. ارجوكى
فريده بدات تحس بالخوف : خلاص يا مليكا ها ترجعى بالسلامه او ما تروحيش خالص
مليكا : لا لازم اروح دى خدمه للناس كلها يا فريده البحث العلمى من اهم الحاجات الا بتسهل عليكى وعلى غيرك الحياه ... بيطلع دول لفوووق وبينزل دول لتحت .. تخيلى يا فريده لو العلم عندنا هنا رجع له قيمته واهتمنا بيه كما يجب ها يحصل كتيررر .. انتى عارفه كام واحد بيسافر برا عشان اختراع او بحث علمى له وهما بيوفرو كل المتاح عشان يكسبوه ويستفيدو بعلمه والتطوير وللاسف ما بيرجعوش بلدهم تااانى رغم ان بذرة العلم الاولى من هنا .. انا ها ارجع وارفع راس بلدى لفوووق وها افيدها يا فريده وكمان ها اصرف على البحث العلمى وتطويره هنا فى البلد وها اقدم الدعم على قد ما اقدر
فريده : وهما يسيبوكى لو عملتى كدا ... احنا لو اتقدمنا خطوه بنلاقى الف بيهد تباعهم وفى ناس مننا بتساعدهم
مليكا : للاسف عندك حق .. بس ها نحاول نقوم ببلدنا ونعدى بيها بر الامان
فريده : اتمنى يا مليكا اتمنى .. تعرفى ان حازم زيك شغوف بالعلم والتعليم وبرغم حالتنا الماديه إلا انه كمل فى الكليه الا هو بيتمانها وكل سنه بيتحسن لحد ما اتخرح السنه الا فاتت ودايما يقول انا ها اعمل تحول كبيررر فى شكل المعمار فى مصر .. ها ارجع الحضاره من جديد .. تفتكرى ها يعرف لوحده
اهووو كلام
مليكا بنفى : لا مش كلام هو مش لوحده يا فريده ... لو فى الف فاشل من غير انتماء وعندهم استعداد يبيبعو فى قصادهم واحد زى حازم برقبة الالف وكتير كمان يعنى فى امل .. بصى حواليكى برغم الهبل الا بيحصل وتكسير فى الدوله ليل ونهار بس فى ناااس بشتغل ومش فاضيه لدا كله .. فى ناس بتتعلم وعايزا تعدى وتستفيد .. فى دكتور واقف على رجله فى عمليه ومعاااه خمسه سته مساعدين لمده 9 ساعات او اكتر عشان ينقذ واحد بس .. تخيلى يا فريده لو ها ننقذ بلد بحالها ونرحمها من الدق الا نازل على دماغها ليل ونهار وضرب من هنا ومن هنا ... تخيلى لو قفلنا بوقنا واشتغلنا بضميررر وقفلنااا باب ما بيجبش غير الخراب وهو القيل والقال ونسدها فى وش الا عايز يحشر مناخيره فى حياتنا وبلدنا .. تفتكرى يا فريده انا ها اسافر برا وغيرى وغيرى عشان اختراع او بحث
لا طبعا
فريده : انتى عاطفيه وبتفكرى بقلبك .. الواقع غيررر .. الجيل الا ممكن يستحمل ويتعلم غيرر... الجيل الا عنده انتماء بردو غيرر .. فوقى يا مليكا احنا عندنا شباب زى الورد بيختار الموت فى البحر عشان يهرب على ايطاليا .. برغم انه دافع 20 و30 الف لتمن موته يعنى ما تقوليش فقير او مش قادر يجيب القرش .. الا قدر يجيب 30 الف جنيه عشان يختار طريق الموت كان يقدر يختار طريق تااانى ينجى بيه ويكبر فلوسه .. حلم السفر والفلوس والرفاهيه انا منى واحده كنت طول الوقت بحلم بيه يا مليكا وبعترض على حالى وعلى حياتى وبقول اشمعنا دا واشمعنا دا واحنا المطحونين فين .. فين حقنا ما تبصليش كدا .. ايوا دا كان تفكيرى
مليكا بتعب : مهما اتكلمنا وفضلنا كل واحد يقنع التانى بوجهة نظره عمرنا ما نتفق ابدا .. ياريت نختلف فى الرأى ونتجمع على حب الوطن .. اذا ارتفع الوطن ارتفع الجميع واذا سقط الوطن سقط الجميع
فريده بضحكه : اتمنى يا حبيبتى ..
.. وبعدين خدت قعدتها معاها .. ومشيت ومليكا بعد اسبوع وبرغم حملها وتعبها سافرت وقبل ما تناقش البحث بأسبوع واحد بعتت فديو لفريده بتطلب منها لو جرالها حاجه تتجوز كامل وتحافظ على شمس لانها حاسه انهم مش ها يسيبوها .. وفعلا قتلو مليكا فى المستشفى الا شغاله فيها فى لندن ورجع كامل وشمس فى حال غير بعد وقت كبيررر جدا وتعثر فى الاجراءات واخفاء لجرميتهم البشعه فى حق مليكا.. وكتير زى مليكااا بيسعو دايما للافضل وخدمة المجتمع والناس .. فضل الموضوع مستمر .. وبدئو يدور ورا مليكا لانهم ماقدروش يحصلو على البحث الا هى عملته ابدا ... وصلو لفريده وهى راحه الشركه وراضى معاها جالها تليفون
فريده بتبص : رقم دولى دا مين ان شاء الله
راضى : ردى وانتى تعرفى مين
فريده : الووو وضمت حواجبها لما لقت الا بيتكلم بيتكلم بطريقه غريبه وعربى مكسر .. مين
مجهول : انتى فريده
فريده : ايوا انا مين وعايز ايه
مجهول : اريد انا اعرض عليكى عرض مبهر وغير قابل للرفض
فريده بأستغراب : يعنى ايه غير قابل للرفض وانت مين
مجهول : نحن من نتحكم بيكم جميعا .. وكما قتلنا مليكا نقدر ان نقتلك انتى ايضا لو رفضتى العرض الذى سوف اقدمه لكى
فريده قلبها بيدق جااامد وبدأت تخاف وبنبره عاليه : انت مين يا حيوان وعايز ايه
مجهول : لا تعبثى معنا وانتى لا تعرفى شئ .. مليكا سجلت فديو تطلب منكى الزواج بزوجها كامل والحفاظ على ابنتها شمس
فريده وشها احمر وصوتها طلع بالعافيه : عرفت منين
مجهول : نحن نعرف كل شئ .. المطلوب منكى تنفيذ ما قالته ماليكا والسيطره على ابنتها شمس وتسليم البحث لنا كامل .. وفى المقابل سوف تحصلى على مبلغ كبيررر جدا .. واذا رفضتى
فريده : ايه ها تعمل ايه
مجهول : سوف اقضى عليكى وعلى اخيكى .. ونفس العرض مقدم لراضى الذى هو بجانبك الان لانك تضعى فيه ثقه كبيره
فريده تنحت وبصت لراضى : انت عرفت منين
مجهول : نحن كا ظلكم نعرف عنكم كل شئ
فريده : سيبنى افكر
مجهول : خذى وقتك واعرفى ان اى يتحرك سوف تدفعين الثمن كبيررر .. وقفل وراضى سألها وحكتاله
راضى بقلق : الناس دى ما بتهزرش .. هاتعملى ايه واديكى شوفتى مليكا والا حصل لها
فريده بخوف : مش عارفه .. مش عارفه
راضى : ادام فيها مبلغ حلووو وكمان ها تتجوزى كامل ليه لاء .. البحث دا يعنى ها يستفيدو منه بإيه دلوقتى
فريده بتفكير : تفتكر يا راضى .. وكمان انا ماعرفش فين البحث
راضى : ها ندور عليه ونرميهلهم و انتى مش ها تضرى حد بالعكس انتى ها يتفتح لك كل ابواب الشهره والمجد لمجرد انك هل تتجوزى كامل عزت وتربى شمس بنت مليكا
فريده بدء الطمع يملى دماغها من اول وجديد وتفكر بمنطق الانانيه .. وفعلا وافقت على العرض
****************
سالم : عملت الا طلبته منك
مجهول : كله تم زى ما أمرت
سالم : تمام قوووى كدا .. خلاص كلنا ها نكشف
ورقنا قدام شمس لازم تفهم وتعرف كل حاجه
