رواية مصير مجهول الفصل الثاني عشر
فريده لسا غارقنه فى الضلمه والماضى مش قادره تطلع منه كل حاجه بتهاجمها بشراسه .. وعدم وجود حازم تعبها اكتر واكتر ...
فلاااش باااك
**********
كامل فى الفيلا حالته حاله وشمس انطفت مره واحده وساكته ما بتتكلمش .. وفريده كل يوم عندهم بتهتم بيهم وعايزا تطلع الفديو بس مش قادره فى الوقت الحالى لان رد فعل كامل مش ها يبقى لطيف .. حازم كل يوم بيحاول يخرج شمس من حالتها او يفهم مالها . بس دايما الجواب عندها الصمت والانكماش .. عدى شهرين والوضع زى ماهو من غير اى تغير وفريده بتحاول تقرب من كامل
فريده : عم عبده كامل خرح من اوضته
عبده بيهز راسه بنفى : لا يا ست فريده
فريده : طيب جهزت الغدا
عبده : ايوا جاااهز ومستنى شموسه
فريده : هى فين شمس
عبده : راحت مع البشمهندس حازم .. بيعمل معاها محاوله يمكن ترجع شمس زى ما كانت
فريده : غلبت معاها والله ياعم عبده
عبده : عارف يابنتى
فريده : طيب جهز صنية الاكل وانا ها اطلع له بنفسى يمكن يرضى ياكل
عبده : حاضر يا ست فريده وراح جهز الصنيه وفريده خدتها وطلعت لكامل .. شكله كئيب ومربى دقنه وعيونه حزينه .. مليانه حزن والم مليكا كانت كل حاجه فى حياته ومش عايز غيرها .. دخلت بشوش وقعدت جمبه وحطت الصنيه قدامها على السرير
فريده بتمسد على كتفه وبهمس : وبعدين معاك يا كامل .. ها تفضل كدا لازم تخرج وتعيش حياتك عشان شمس .. شمس صغيره على الهم والحزن دا
كامل لف وشه لفريده
كامل : انتى زعلانه عليها
فريده بزعل مصطنع : هو معنى انى بحبك يبقى بكرهه وبتمنى لها الا حصل .. للدرجه دى يا كامل شايفنى وحشه
كامل : تفسرى ايه قربك منى وكأن الساحه فضيتلك
فريده : دا كان طلب مليكا واترجتنى كمان .. هو عشان ما بتكلمش تظلمنى وبتعيط
كامل : فريده ارجوكى ابعدى عنى .. انا مش ها اقدر اكون لحد غيرها .. وياستى كتر خيرك على تعبك معانا
فريده بعصبيه : انت ايه للدرجه دى شايفنى راميه نفسى عليك .. انا غلطانه يا كامل فى حبى ليك كنت غبيه وعقلت خلاص وانت ما تفرقش معايا . بس يفرق مع مراتك وحبيبتك مليكا .. وعلى فكره دى وصيتها .. وبعصبيه اكتر .. فين تليفونك وشدته من جمبه لقته مفتوح على فديوهات لكامل ومليكا مع بعض .. فتحت الشير وبعتت الفديو الا مليكا بتترجى فيه فريده تتجوز كامل وتخلى بالها من بنتها .. وبتترجى كامل بردو .. ورمت التليفون على رجله .. اتفضل شوف الفديو دا براحتك .. اما انا وقامت ها امشى وها اخرج من حياتك خالص كنت بحاول اريحها بس انت بقى الا حاطت فى دماغك انى ها اموت عليك .. بالاذن وسابت كامل ونزلت
.. وكامل فتح الفديو واتصدم من طلب مليكا وعيطها والترجى لكامل كتيررر انه يتجوز فريده ويعوض شمس بعدم وجودها وفريده ملحقتش تخرج من الفيلا او كانت بتتعمد كدا لقت كامل وراها وبيشدها على اوضة المكتب
فريده بتنطر ايديها : سيب ايدى يا كامل . عايز ايه تانى
كامل : هى بعتت ليكى دا امتى وازاى ماعرفتنيش فى الوقت دا
فريده : اعرفك با ايه اذا كان انت كنت معاها هناااك وكل ما اتصل عليك تكنسل عليا ومش عايز ترد .. كنت خايفه عليها وانت فاكر انى ها اتصل أحب فيك .. حاولت اكلمها واقنعها ترجع وتسيبها من البحث دا بس ما سمعتش الكلام . كل الا فى دماغها الشهره واد ايه العالم كله ها يتكلم عليها
كامل بعصبيه : اتجننتى انتى . مليكا مش محتاجه شهره ولا الكلام الفارغ الا بتقوليه فاهمه
فريده : اهووو هاجم وبس عمتا امسح الفديو وانسانى وخرجت على برا قابلت شمس وحازم فى وشها
حازم بأبتسامه ماسك شمس : ايه يا ديده مالك
فريده بتتصنع الابتسامه : ابدا يا حبيبى .. شموسه حبيبة ديده عامله ايه دلوقتى
شمس : الحمد لله يا ديده انا بحبك قوووى عشان مامى كانت بتحبك
فريده قعدت على روكبها وبتتعمد تعمل كدا لان كامل واقف وراها : يا حبيبتى انا كمان بعشق شموسه .. بس معلش ها اغيب عليكى شويه
شمس بتذمر : حتى انتى كمان ها تسيبينى يا ديده زى مامى وعيطت وحازم حضنها جااامد
حازم : دموعك غاليه قوووى عشان خاطرى لو بتحبى حازم ماتعيطيش
فريده بتأثر مزيف : لا ياقلبى خلاص مش ها اسيبك وها افضل جمبك على طول
شمس حضنتها جااامد : ارجوكى اوعى تسبيبنى خليكى جمبى
فريده شالتها وراحت اوضتها وخدتها فى حضنها ونامت جمبها زى ما كانت مليكا بتعمل .. وشمس نامت وهى ماسكه فيها .. وكامل المشهد كله بيوجعه .. معقول ها يتجوز على مليكا بالسهوله دى .. فضل اسبوع وفريده بتضغط بشمس عليه لحد ما قرر ينفذ وصية مليكا .. ويتجوزها بس القرار الا خده والا صدم فريده وزود كرهها لمليكا ان الجواز طلع على الورق وبس ..
سالم هاجم كامل وضربه بوحشيه قدام فريده وشمس لما عرف انه اتجوز فريده والامور بدأت تتأزم بينهم وشمس تكرهه أكتر واكتر ماتعرفش ان بداية الجحيم هو دخول فريده بشكل رسمى فى حياتهم
بدأت فريده وراضى يدورو على البحث فى كل حاجه تخص مليكا بس ملوش اى أثر وفرنكو كشف نفسه قدام فريده وراضى وبدء التعامل بينهم يبقى سهل كل يوم بيمر فرنكو بيضغط على راضى وفريده اكتر واكتر
فريده فى اوضه المكتب وراضى معاها وبتكلم فرنكو
فرنكو : كيف اختفى هذا البحث .. اكيد زوجها على علم بمكانه
فريده : ها نعمل ايه قولتلك اول ما اعرف مكانه اكيد ها ابلغك هو مايلزمنيش ومش ها استفيد منه بحاجه
راضى زق فريده مره واحده وبيقول لها : هشششش
لمح شمس وهى بتقفل الباب براحه وطلع يجرى وراها يتاكد .. وفريده قفلت التليفون وراحت ورا راضى ...
شمس دخلت اوضتها وجابت التليفون وبتبعت رساله لكامل وكتبت فيها كل الا سمعته واتعمدت تكتب الرساله عشان محدش يسمعها .. دخل عليها راضى وفريده مره واحده
فريده : شموسه يا حبيبتى كنتى بتدورى على حاجه
شمس بقلق وتوتر وبتدارى التليفون : لا يا ديديه
فريده : اه شموسه ممكن تليفونك اعمل مكالمه اصل تليفونى مش لاقياااه
شمس بإرتباك : ماعرفش فين التليفون
فريده شاورت على ايديها : جمبك اهووو .. مستخبى الوحش وخطفت التليفون وقرت الرساله واتصدمت ان كل حاجه شمس سمعتها .. بصت لراضى وخدت التليفون وخرجت وقفلت على شمس
راضى : ايه فى ايه
فريده بقلق : شمس كشفتنا وها تودينا فى داهيه بص الرساله الا باعتها لكامل
راضى : حباية منوم قبل ما ابوها يرجع
فريده : ياسلام .. وكل يوم ها تاخد منوم والا نعمل ايه نهددها
راضى : لا فى حقنه ها تمنعها عن الكلام وتخليها تايهه ونقول لابوها الحاله رجعت لها تانى
فريده : فكره بردو .. روح جهز كل حاجه قبل وصول كامل
راضى : تمام
******************
بااااك
فريده استسلمت ونامت مكانها وطول نومها تتفزز وتتحرك وتتكلم وكانها بتحارب
***********
شمس : هااا وبعدين يا راضى
راضى : بس لحد ما انتى عرفتى الحقيقه من مكالمة التليفون الا بينا وبين فرنكو وبدئت رحلة تعذبيك وتعذيب كامل بيه .. بس بردو دا ماكنش بايدينا دى كانت اوامر من فرنكو وفريده رفضت لانها فاقت بس بعد ما جت رجلها
شمس ضحكن بصوت عالى : فاقت .. كل الكره والحقد الا شوفته منها وفاقت ازاى وأمتى
راضى : لما حازم اكتشف الموضوع وواجه فريده بخيانتها فى حق مليكا وحقك وحق كامل .. انتى عارفه ان حازم اصيل وطالع زى والدتك بالظبط مؤمن ان فى رساله لازم يقدمها حتى لو على حساب نفسه .. على الاقل يعمل تغير فى الشئ الا صبح تقليدى وعادى
شمس هزت راسها با اه : تعرف ان حازم دا هو الحاجه النضيفه الا شوفتها فيكو كلكو
راضى ضحك باستفزاز وبيدايق على الا قاعد مستمع : وبيحبك وبيتمنى قربك
على بتحذير : فوووق بدال ما اخزق عنيك الاتنين وما تلعبش لعبه انت مش قدها ..
شمس بتاكيد : واحنا يا راضى بنحبه وها يفضل قريب على طول مننا .. بص حوار فريده وضميرها دا انا مش مصداقه ممكن اصدق انكو فعلا ملكوش يد فى قتل مليكا وانى ربطت بين الكلام الا سمعته وقتلها فا اتخدتو بذنبها .. بس دا ما يمنعش انكو قتلتو ودمرتو بيت وعيله وخنتو العيش والملح .. فريده الا كانت عامله صاحبه ومحبه طلعت حقوده وحسوده وبتستكتر النعمه الا فى ايد غيرها .. والغلط هنا كله على مليكا أم قلب طيب الا بتتكلم بصفو النيه والا قدامها نيته مليانه سواد .. الا فى ايده نعمه سواء الحب او الفلوس وغيره ويفضل يتفاخر بيهم ويحكى ويتحاكى عن كل كبيره وصغيره ما يزعلش لما يلاقى مليون فريده حواليه وحياته الجميله الهاديه بتدمر لانه خلق حسود وحقود جمبه طول الوقت
راضى : اهوو انتى فهمتى الا فيها وجبتى من الاخر انا وفريده نفوس ضعيفه ودايما مش راضين ومتمردين على الا فى ايدينا .. فا لما الاقى عندك كل حاجه وانا ماعنديش حاجه اكيد ها ابص لك
على : كويس انك فاهم انت من انهى عجينه لان مش كل فقير او محروم زباله زيكم .. فى منهم عنيهم مليانه لقمه بملح بتشبعهم والاصل فيهم متأصل لاكنوز العالم تفرق عندهم ولا ضغوط تأثر عليهم
راضى : دنيا يا باشا وفيها على كل لون
شمس طلعت تليفون راضى : خد اتصل على فرنكو وبلغه انك لقيت البحث وطمعت فى الليله كلها لوحدك وعايز تقابله
راضى : بعد ما انفذ ها تسبينى
شمس : بعد ما يتقبض على فرنكو ها اسامح فى حقى ومش ها اجيب سيرتك ودا قمة التسامح معاك بس انت بقى اخرج من بلاويك لوحدك .. ورغم انى عارفه ومتاكده ان الا ورا فرنكو مفيش اى حد ها يقدر يجبهم .. بس اهووو يبقى علمنا عليهم زى ما بيقولو
راضى : وانا راضى يا ست الكل .. اعدلنى يا باشا وخلي راسى عدله .. وافتحى التليفون والرمز بتاعه ##### .. هاتى الاسماء ها تلاقى اسم عمتى دوسى عليه ها يتفتح ها تلاقى متسجل فيه رقمين هو الرقم التانى .. اتصلى بقى
شمس : لو فى غدر قسما بالله ما ها تخرج عايش من هنا
راضى : خلاص مفيش وقت للغدر ولا اللعب .. اتصلى فديو ووجهى الكاميرا عند وشى واعملى تسجيل للمكالمه من القايمه الا فى الجمب .. وشمس نفذت الامر .. وعلى مسك التليفون وفعلا راضى بيتكلم مع فرنكو
فرانكو : ما الامر .. هل يوجد جديد
راضى بابتسامه فرح مزيفه : طبعا والا ماكنتش كلمتك .. خلاص البحث معايا
فرنكو بفرحه : حقا .. واين فريده
راضى : انا لقيته لوحدى والفلوس بردو المفروض ليا لوحدى
فرنكو : لا يهم .. خذ ما تشاء ..ولكن ابعث لى نسخه لأتاكد من صدق كلامك
راضى بص على ورقه شمس كتبتها وبيرد عليه : لا يا حبيبى مفيش نسخه ها تتبعت .. ممكن ابعت لك منه جزء ياكد كلامى بس بشرط انت الا ها تنزل مصر تسلمنى الفلوس وتستلم كل ما يخص البحث والنسخ الا معايا انا مش ها اروح فى حته
فرنكو : اوكى موافق على العرض راضى . المهم افوز بذلك البحث واقضى عليه للابد
راضى : نتفق على كل حاجه .. ها ابعتلك حالا بعد ما اقفل معاك وانت حدد اليوم الا هاتنزل فيه وتسلمنى وتستلم
فرنكو : لا تقلق راضى .. ابعت كما قلت وسوف احدد الوقت والمكان بعد ان اتاكد انك لا تلعب بى
راضى : تمام وقفل وفعلا بعتو جزء بسيط جدا من البحث وبيتفقو ها يوقعو فرنكو ازاى فى المقابله ويبعتو الا يطمنه وياكد ان راضى صح
على هو وشمس خرجو من عند راضى برا المكان خالص راحو اللنش وكان الوقت بعد الفجر وبدء النهار يشقشق ركبو مع بعض ودخلو بيه جوا الميه خالص ... على وقف اللنش راح قعد جمب شمس الا قاعده سرحانه
على بأبتسامه وبيلف وشها : الجميل سرحان فى ايه
شمس بصتله بصه طويله : حاسه انى قادره اتنفس يا على من جديد الحجر جزء كبير منه اكسر ووقع اتفتت ميت حته قدام عينى
على : البركه فى ربنا ثم اصرارك وعزيمتك وبرغم كل الظروف بقيتى دكتوره شاطره ومتميزه وبتعرفى تاخدى حقك
شمس وعيونها بتلمع بالحب : بحبك ياعلوووشى
على قرب عليها ولسا ها يقرب من شافيفها وبهمس : وعلوشى بيعشقك ومش عارف ها يستحمل لحد أمتى ومره واحده شمس زقته وقعته فى الميه وبتضحك بصوت عالى جدا
على قب على وش الميه وخد نفسه : يا مجنونه الميه تلج .. على رأى محمود انا لو زعلتك ها تخرشمينى وطلع من الميه و البرد مع الميه رعش جسمه
شمس : هههههههه اجمد يا بطل وخليك مؤدب
على برعشه : ايوا ماله الادب خصوصا معاكى .. بس بقولك ايه اوعى تنسى انك تربيت ايدى وتدريبى يعنى اتقى شرى
شمس بدلع : بجد يا علوووشى
على : علوشك ها يجيلو برد ها يلبد فى جتته والبركه فيكى
شمس : 😂😂 يلبد .. يعنى ايه يلبد
على : يلزق بغرا .. لسا مفهمتيش اللغه بردو .. ولف ورجع تانى ... وبعد وقت من وصول الرجاله الا ها تأمن على راضى ورجالته كلهم رجعو القاهره مع بعض .. وصل شمس لكامل وهو محمود مشيووو لوحدهم
***********
سالم : اهلا .. اهلا بالرجاله .. اخيرا شوفت وشك
على : انت عايزنى اسيبها
سالم : ودى تيجى وبيبص لمجدى .. تيجى يا مجدى
مجدى بيهز راسه بنفى : لا ما تجيش خليك جمبها انت الا جبته لنفسك
محمود : كيف يعنى الراجل عمل ايه غلط دلوج
سالم بيضحك : البيه بيعاكس بنتك وعايز يعيش دور الحبيب
مجدى تنح : نعم
محمود : لا يا باشا انا صعيدى ولا ليا فى المعاكسه ولا الكلام الفارغ
سالم شغل شاشه كبيره ومحمود بيتكلم مع هبه على الاكل : ودا كان ايه معكاسه بالصعيدى
مجدى : كدا يا محمود .. دا اتفقنا
محمود باندفاع : ماهو بتك بسكوته
مجدى : ولد
محمود : حاجه كدا تتحب على طول
مجدى : يخربيتك وقام مسك فيه وعلى مبتسم وسالم وبيمسك الضحكه بالعافيه
محمود : اهدى ياعمى
مجدى : عمك مين يا اخويا .. ملكش دعوه بهبه فاهم بنتى على نياتها وماتعرفش حتى ترد على حد عايز تضحك عليها
محمود بزهق : بتك كيف الجطط عا تخرمش الواحد وتضحك على بلد
مجدى : انا بنتى زى القطط وبتخربش والله عال
محمود : بص اجده ومن الاخر عا تجوزهلى والمها فى بيتى معززه مكرمه بدال كريم وسعيد الا جرفانى بيهم وما صدقت
😂😂
مجدى بيشهق جااامد ومبرق
محمود : ايه عاتغرق عاد
كلهم ضحكو ماعدا مجدى الا طار وراه ..
على : هااا ف ايه بقى خلى عم عبده كلمنى وجابنى على ملى وشى
سالم : فى ان شمس لازم تعرف كل حاجه بما انك عايش دور الحبيب انت وصاحبك ودا كان برا الاتفاق
على بخنقه : انت عايز تدمرها
سالم : بالعكس هى كدا ها تفوق وتبقى اقوووى من الاول بكتير يا حضرة المحامى المحترم .. واوعى تنسى انى انا الا عملتك انت وصاحبك
على بترجى : ارجوك بلاااش .. وانسى اى حاجه انت شايف ابتسامتها بدئت ترجع لها من تانى
سالم بتحذير : مش هاتعرف تمثل عليااا دور المحب .. ولازم تعرف بردو ان كل التنفيذ كان بايدى وانتو مش اكتر من ناس بتساعد وبس .. كله ها يتكشف وكل واحد يعرف حجمه ودوره ايه .. ومهما عملت شمس لابنى وبس وبصوت عالى فاهم
على بصوت أعلى : انت ايه للدرجه دى كلنا لعبه فى ايدك انا مش ها اسيبها
سالم : لا مش لعبه كله بمزاجك وباتفاق بينا وفى ورق وشهووود .. اولهم مجدى وعم عبده الطباخ الا سهل دخلكم الفيلا وقدرتو تنفذو خطة شمس فى خروج ابوها مره وحازم المره التانيه ... ولولا عبده ضرب راضى على راسه كان زمانك جمب حازم فى البدروم
على : عارف لو عملت ايه .. شمس لا يمكن تبيعنى .. شمس ما بتثقش فى حد فى الدنيا دى كلها غيرى انا .. ريح نفسك
سالم بتحدى : ها نشوف .. واوعدك انى اهد الثقه دى للابد مش ها اسيب واحد زيك يضحك على شمس بمجرد ما شمس تنتقم من فريده كل اوراقنا من ساعة ما سافرت لحد دلوقتى ها تتكشف قدامها
