رواية مصير مجهول الفصل الثالث عشر
فريده قايمه بتعب شديد وارهاق وبتفتح الباب بردو مقفول عليها ... بتخبط وبصوت مبحوح .. افتحولى ارجوك يا عم عبده وبصوت اعلى ورهبه شديده .. ماحدش سامعنى .. انا فى الاوضه افتحولى انا هناااا يا حازم انت فين ليه سايبنى لوحدى ارجوكم وتزق فى الباب جاامد وبتحاول تفتحه مفيش فايده .. جريت على الشباك مقفول وفى حاجه مضلمه عليه من برا بتزقه جااامد مقفول بتحاول تكسر القزاز ما بيتكسرش قعدت فى الارض وضمت رجلها على صدرها وبتعيط جااامد وبصوت ضعيف .. حازم سيبت أختك لوحدها ليه انا عمرى ما سيبتك يا حبيبى وانتفضت مره واحده لما النور قطع تااانى جريت على الباب بتقل وبتخبط مفيش فايده برغم ان الدنيااا نهار بس عند فريده ليل مظلم يشبه كتيررر من حقدها وكرهها لناس حبتها وامنت لها بدأت تشوف خيالات كتيررر قدامها صوت اقدام هى حافظاها وعارفه مين بتقدم اكتر والخوف بيتملك منها أكتر ..
فريده بصوت طالع بالعافيه : مين هنا .. مين وبتتنقل بنظرها بس مش شايفه حد .. وبجنون انتى عايزا ايه منى .. انا ماعملتش فيكى حاجه .. مليكا ردى عليا انا معملتش فيكى حاجه
مليكا : خنتى ثقتى فيكى يا فريده .. خنتى الاخوه والمحبه الا كنت دايما بحسهم فى وجودك
فريده بنفى : لا يا مليكا انا حبيتك بس كرهت التفاخر والحب والحياه الا انتى عياشها وانا محرومه منها .. انا اتظلمت كتير يا مليكا .. اتخانت برغم حبى لهم ولناس كتير
مليكا : ايه ذنبى معاكى غير انى الوحيده الا عمرى ما خنتك ووثقت فيكى
فريده : ذنبك انك محبوبه وعايشه حياتك كل حاجه متاحه عندك .. اخوكى بيخاف من الهوا الطاير عليكى .. جوزك بيموت الف مره فى بعدك بنتك عامله زى ضلك .. من حبى لحياتك اتمنتها غلطت .. اه غلطت بس غصب عنى مين منا مش ضعيف
مليكا : وشمس كان ايه ذنبها تدفع فاتوره غلطى وثقتى فيكى .. وكامل .. ضميرك ما صحيش ليه فى كل مره بتأذيهم ماقولتيش لنفسك مره واحده ما يستهلوش منى كدا .. نسيتى الاخلاق والقيم والحب والانسانيه فى معاملتك ليهم وجريتى ورا مصالح زايفه وطمع
فريده بعياط : والله مجبوره .. انتى اتجبرتى على موتك .. هما جبرونى وبردو ماقدرتش اعذب حد فيهم .. كامل بس لما رفضنى كنت بضايقه بالمعامله والكلام ... شمس رفضت كل الا بيتعمل فيها بس مجبوره ابقى كدا قوليلى اعمل ايه هما الا حطونى فى دايرة الشيطان
مليكا : انتى الا دخلتى دايرة الشيطان برجلك ملكيش عذر عندى وها تدفعى تمن لكل اخطائك .. ها تدفعى تمن انتى الا اختارتيه بايدك بسبب طمعك وجشعك .. ها انتقم منك يا فريده .. ها انتقم منك
فريده بصويت وجنون بتحرك ايديها بعنف : لا ابعدى عنى .. ابعدى عنى وبتجرى زى المجنونه الحقونى خرجونى من هنا خرجونى .. عبده .. ياعبده وكانها معزوله فى كوخ بعيد عن كل البشر لا حد سامعها ولا حاسين بيها
فضلت فريده على الحال دا يومين وكل يوم تسمع مليكا وهى بتتوعد لها .. لحد ما نفذت كل قوتها واستسلمت تماما .. واصبحت أقرب ما يكون للجنون
عبده فتح الاوضه لقائها مرميه فى الارض مش قادره تقوم فتح النور غمضت عيونها بسرعه جدا وبتفتحها ببطئ .. لقت قدامها بنوته .. رفعت عيونها وملامح وشها اتقلبت
شمس بنفس صوت فريده وبفستانها ووقفتها : ديده وحشتينى .. ايه مالك خايفه منى وبتشاور على نفسها انا حبيبتك يا ديده
فريده اتعدلت بقوه : شمس لا انتى مليكا
شمس ضحكت بنفس رقة أمها : الا انتى شايفه عايزانى مليكا وبتشاور على نفسها انا مليكا الهبله الا على نياتها معاكى وبتحبك .. عايزنى شمس واتقلب وشها لجمر وصوتها بنبره تخوووف انا قضاكى يا فريده وماضيكى الاسود .. انا الحقد ..الكره .. الدمار .. الخيانه
فريده قامت من مكانها شمس زقتها بقوه وقعتها اتنطرت لحد السرير وفريده بوجع مسكت ضهرها وعيونها متعلقه بشخص جديد عليها .. شمس لهيبها بيطول كل إلا غدر ... شمس مختلفه عليها تماما
شمس : شوفتى العذاب الا اتعذبته كله على ايدك انا ها اعيشك فيه طول ما انا عايشه وبصوت عالى ورفعت ايديها وكله بالقانون ومش ها اخد فيكى يوم واحد سجن
فريده : ارجوكى ياشمس
شمس بنبره حاده : اخرسى .. اوعى تجيبى اسمى على لسانك وبعصبيه شديده شوفى كام مره اترجيتك واتعلقت بأمل زايف .. اخرتها خدو الامر منك انى انتهى للابد .. وبتميل راسها وما انتهتش يا فريده ورجعتلك بعد السنين دى كلها .. قربت عليها وفريده بترجع لحد ما لزقت فى السرير وعملالك مفاجأه كمان .. الحاجه الوحيده الا مليكا حسبتها صح فى حياتها وقدرت تدراى عليها .. احب اعرفك بشمس الجديده وقامت وقفت .. انا يا ديده شمس كامل عزت صاحبة البحث مش مليكا .. والا معاها البحث انا .. والا عاشت طول حياتها بتتعلم من مامتها لحد ما اتفوقت عليها ...و لاول مره يخافو من الناس وخصوصا الا زيك وخبو عن الدنيا كلها ان ليا يد حتى فى وجود البحث الا انتو قالبين عليه الدنيا
فريده تنحت وراجعت كل الاحداث فى دماغها كانت طول الوقت مستغربه من وجود شمس فى كل مكان فيه مليكا حتى فى سافريتها العلميه وابتسمت : يعنى مليكا طلعت ما بتثقش فيا
شمس : كدابه يا فريده .. انتى عارفه انها وثقت فيكى لابعد الحدود بس انا كنت خط احمر عند الجميع .. اصدمك يا فريده عشان اعرفك مليكا وصل بيها الطيبه والهبل لفين .. كانت عارفه انك بتحبى جوزها وماقدرتش تبعد عنك وطول الوقت بتقنع نفسها انك ها تفوقى وكانت غلطانه .. وبعدين اقنعت نفسها انك طوء النجاه لعيلتها من بعدها عشان فاكره ان الا يحب ما يكرهش ويغل ويحقد .. ما تعرفش ان الطوق الا لفته على رقبتنا مش طوق نجاه .. طوق الموت وكان السبب انتى شفتى اخرة الثقه
فريده عيطت تااانى حاسه بالحسره والندم بس بعد ايه وبضعف : انتى بتضحكى عليا مليكا لايمكن كانت تعرف انى بحب كامل
شمس بتأكيد : تعرف كل حاجه وراحت قعدت على الكرسى .. فاكره يوم ما راحتلك المكتب وعرفتك انها حامل
فريده تنحت اكتر ايه الا عرف شمس : ايوا
شمس : اتكشفتى قدامها اتعريتى يا فريده وتصرفات والدى تجاهك كشفتك أكتر
فلااااش باك
*********
مليكا رجعت البيت تدور على شمس ملهاش اثر دماغها راحت على طول للمعمل .. نزلت للمعمل تحت
(((تصوير لشكل المعمل .))). المعمل تحت خالص عن طريق ابواب سريه محدش يعرف عنها اى حاجه غير شمس وكامل ومليكا .. وبابه من اوضه اللعب الا تخص شمس .. معمل كبير جدا وبيطل على جنينه قدامه كبيره جدا والجنينه دى منفصله عن الفيلا بسور تانى خالص بحيث يبان انها مش تبع الفيلا ..
شمس واقفه مندمجه فى تحليل العشب والمواد الا ممكن يستفادو بيها منه فى تطوير المسكنات
مليكا : شموسه مش قولتلك اوعى تنزلى غير فى وجودى
شمس بأبتسامه : يا مامى مش قادره استنى .. انا اكتشف اكتشاف هايل وبدأت تتكلم مع مليكا ومليكا بتشوف بنفسها وتتاكد وتساعد شمس .. وبعد فتره خرجت فى جنينة المعمل وقعدت وشمس راحت ناحية تلاجه قريبه من قعدتهم وجابت منها جاتو وعصير وراحت لمليكا وقعدت قدامها .. مالك يامامى
مليكا : مش عارفه يا شموسه حاسه انى مخنوقه
شمس بأستغراب : من ايه
مليكا : قصت لشمس كل الا حصل .. بس يا شموسه ايه رايك
شمس : مش عارفه يا مامى اكيد ديده مدايقه من حاجه تانيه
مليكا بطبيه : صح يا شموستى وخدتها فى حضنها وبتأكلها بايديها كانها طفله صغيره .. شموسه لازم اقولك حاجه وتفهميها كويس .. مش لازم مخلوق يعرف عنك اى حاجه او إنك شغوفه با الأبحاث العلميه .. لان دا خطر عليكى
شمس : ولا اونكل سالم وديده
مليكا : ولا أى حد ياقلبى .. لحد ما تكبرى وتفرضى نفسك وتثبتى وجودك .. وانا عمرى ما ها اخد نجاحك ابدا او انسبه لنفسى .. بس فى الوقت الحالى مجبوره اعمل كدا لو نجحتى فى تحقيق هدفك والنتايج دى طلعت صح لايمكن ها انسبه ليكى دلوقتى بس فى يوم من الايام الناس كلها ها تعرف انك انتى صاحبة الانجاز دا
شمس : ليه يا مامى خايفه كدا
مليكا : لما تكبرى ها تفهمى .. هو مش خوف اكتر من انى بحافظ عليكى ياقلبى ... وتمر الايام والشهور وفعلا مليكا اتاكدت من تصرفات فريده وتهرب كامل منها انها بتحبه .. قبل ما تسجل الفديو لفريده انها تتجوز كامل شمس دخلت عليها وكانت منهاره وبتعيط جااامد
شمس بعياط : مامى انتى تعبانه .. مالك
مليكا بتقول اه بوجع وحطا ايديها على بطنها بخوووف وعيونها متعلقه بشمس .. ضمتها جااامد لحضنها وبتشم ريحتها تشبع منها
مليكا : شمس خلى بالك على نفسك .. واوعى حد يعرف سرك
شمس بعياط وحاضنه بطن مامتها الكبيره جدا قدامها : ارجوكى يا مامى فهمينى مالك .. ياله نرجع بلدنا .. من ساعة ما جيتى هنا وانتى بتعيطى
مليكا بعياط أكتر : ها نرجع يا قلبى ... وبصوت ضعيف .. شموسه ها اطلب منك طلب صغير
شمس بالهفه : قولى يامامى
مليكا : حبى ديده قوووى حتى لو اتجوزت بابى
شمس تنحت : ازاى يا مامى انتى متجوزه بابى . ازاى ديده تتجوزه .. لايمكن انا بحبك انتى وعايزاكى انتى .. ليه بتعملى كدا وعيطت اكتر
مليكا بتمسح دموع شمس : معلش يا قلبى ممكن يحصل كدا .. ديده بتحبنى وبتحبك قوووى وها تحافظ عليكى زى ما انا بحافظ عليكى
شمس : ما احنا بنحبها هى مالها ومال بابى تتجوزه ليه
مليكا : عشان بتحب بابى وها تخاف عليكو
شمس بصت لمليكا بصه بألف معنى : كلامك غريب ومش عايزا اسمعه
مليكا : بكرا تفهمينى وضمتها تااانى بس انا جمبك مش ها اسيبك ولا هااتخلى عنك ابدا طول ما انا عايشه ورفعت راسها لفوووق بوجع بتحاول تكتم دموعها وتخرس كل اهات اوجاعها مش قادره .. كل يوم تهديدات تخوف ومدايقات وقررت انها ترجع .. بس للاسف ايد الغدر والخسه وناس بلا شرف ولا اخلاق اتمكنو منها وقضو على مليكا بس ماقضوش على حلمها ابدا الا كل يوم بيفرض نفسه وبيقوى اكتر واكتر بوجود شمس
***********
بااااااك
*****
فريده بحزن نزلت راسها فى الارض وسكتت
شمس مسكتها بعنف : قووومى قدامى
فريده بخوف : ايه ها تقتلينى يا شمس .. ارجوكى ابوووس ايدك وبتوطى على ايد شمس الا قوتها كبيره اكتر بكتير من مقاومة فريده
شمس زقت وشها وشدتها بغل .. وبتنزلها تحت ومجرجراها على السلم .. تعالى شوفى عملتى فينا ايه .. لازم تعيشى جوا البدروم الا حبستينى فيه وحبستى اخوكى يا مجرمه
فريده : اه .. ارجوكى سيبينى .. ارجوكى .. واول ما نزلت تحت لقت حازم جاااى جرى عليها وبيمسكها وهى اتمسكت بيه
حازم بعياط على منظر اخته : شمس لو بتحبينى ها تسمحيها .. شمس
شمس بغل : انت تسكت خالص .. دى حيا لازم نتخلص منها وزقت حازم وعلى جمبه بيحاول يهديه
حازم مسك علي جااامد : انت الوحيد الا بتأثر عليها ارجوك خليها تسيبها والله ها اخدها وها اتنازل لكم عن كل حاجه وابعد بيها عن هنا ورمى راسه على صدر على الا واقف تايه هو كمان وبيعيط بألم على اخته وجعته قوووى برغم كل الا عملته ..
على بيمسد عليه : اهدى يا حازم
حازم بصريخ فيه وبيضربه : اختى ها تموت وتقولى اهدى .. خليها تخرجها
على : قولتلك بلاش تيجى .. مش ها تموت وها تخرجها بس انت اهدى عشان شمس ماتعندش اكتر
شمس نزلت البدروم ومعاها فريده ودخلت جواه ورمتها بعنف
فريده : اه .. خلاص يا شمس مش ها اعمل كدا تانى والله صدقينى ... طيب ابعتيلى حازم .. ارجوكى .. خليه يجى جمبى ويسامحنى
شمس : يسامحك .. انتى تستاهلى ان حد يسامحك
فريده : اه هووو .. استاهل منه .. اصلى عملت كتير علشانه .. اتحرمت عشانه ..ماحبتش قده فى الدنياا دا ابنى يا شمس وبتبرق جاامد وبترفع ايديها . ابنى الا شيلته يوم ما اتولد على ايدى دى وربيته وسهرت عليه .. بحبه قووى والله بحبه
شمس بغيظ : والبرنس يا فريده الا حبتيه على ابويا .. حبتيه وانتى متجوزه .. بتحبيه بردو زى حازم
فريده تنحت وسكتت وعيونها جت على باب البدروم الا ظهر عليها شخص فريده اتعلقت بيه وحبته من قلبها بجد ووثقت فيه وحست معاه بالراحه ورفعت صوبعها وبتتكلم بتقل : انت .. وبتشاور على شمس هى
شمس بضحكه ووطت بوشها على فريده : معايااا .. علقتك بيه وخليتك تحبيه اكتر من نفسك .. فهمته انتى بتحبى ايه وبتكرهى ايه ومكنته منك عارفه ليه عشان اعرفك احساسى واحساس مليكا وكامل يعنى ايه تحبى شخص ويغدر بيكى وفى الاخر يطلع ندل حسى بقى بالوجوع والالم الا كنا بنحس بيه منك وفاكراه انه حاجه بسيطه وسهله .. دوقى طعم الخيانه واتلذذى بيها زى ما كنتى بتتلذذى بواجعنا يا فريده
فريده بجنون وضحك هستيرى وعياط وكل حاجه فى لحظه واحده : انتى كدابه .. البرنس بيحبنى صح .. تعالا سيبك منها دى بتكرهنى .. اوعى تصدقها
محمود : للاسف يا فريده هى صح وانا مش البرنس زى ما فهمتك او شهرتى البرنس .. لا انا محمود الا طول الوقت مع شمس من يوم ما غدرتى بيها ورامتيها فى الميه ورامتى وراها اى قلب ممكن يشفق عليكى فى يوم من الايام
فريده بصووويت جااامد : لا .. كلكم كدابين .. ايوا كدابين . ودخلت فى صدمه عصبيه شديده جدا .. شمس سابتها وخرجت وامرت عبده يقفل عليها
حازم اول ما شاف شمس وعلى ماسك فيه مش عايز يسيبه : ها تخسرينى يا شمس للابد .. كفايه كره وغل دا مش حل . فرقتى ايه عنها . بقيتى اسوء منهم كلهم
شمس قعدت بتعب : عمرى ما ابقى زيهم او اسوء منهم يا حازم
حازم : كدا انتى بتختارى طريقهم .. طريق الشيطان والانتقام والحقد
شمس عيطت جااامد : لا . دا حقى الا ضاع .. حق مليكا ...
حازم فك نفسه من على واترمى تحت رجلها : ابوس رجلك سبيها ابوس رجلك ياشمس
شمس عدلته : اوعى يا حازم انت حاجه كبيره مش انت الا توطى
حازم بعياط قطع قلبها : اختى .. هى دنيتى
شمس مسحت دموعه وابتسمت : وانا ها احرر دنيتك وها اسامحها عشانك انت .. اذا كان سامحت راضى مش ها اسامح فريده
حازم ضمهااا جاامد .. وعلى واقف مكانه ما اتحركش بص للناحيه التانيه وحاسس ان الدور عليه بس يا ترى ها تسامحه هو كمان والا لاء ..
شمس ناولت مفتاح البدروم لحازم .. وحازم خده بفرحه ونزل جرى لاخته الا اتصدم من وضعها وجنونها
حازم : ياله يا فريده شمس سامحتك
فريده بتضحك : كدابين .. كدابين .. تعالى ياله نهرب انا وانت .. اوعى تخليهم يمسكونا تانى . ياله
حازم قومها وخدها فى حضنه جااامد يحسسها بالامان .. انا جمبك ما تقلقيش مهما عملتى مش ها اسيبك
فريده : ها نهرب اصلى بحبك قووى ياله . وطلعت وهى مش شايفه حد ولا باصه على حد وحازم خرج بيها على طول بيطلع مفاتيح العربيه نتشتها منه وركبت بسرعه
حازم : انزلى انا الا ها اسوق
فريده : لا انا ها اهرب بسرعه من هنا .. ودورت العربيه وحازم بيحاول يفتح الباب هى قفلته بيلف يركب جمبها طلعت بسرعه وملحقش يركب والامن فتح البوابه بسرعه قبل ما تدخل فيها وحازم بيجرى وراها وكلهم طلعو على صوته ..
على ركب العربيه وركب حازم ومشى بسرعه مسافه كبيره واتفاجئو بالعربيه داخله فى سور والسور وقع على العربيه وفريده جوا العربيه
حازم نزل بالهفه وحزن .. بيحاول يطلعها وعلى معاه وناس تانيه ساعدتهم .. وفعلا طلعوها .. بس حالتها وحشه جدا خدوها فى العربيه وطلعو على المستشفى
**********
هبه : بابى انا مش مقتنعه با الا بتعملوه .. انت ايه بقيت شبه اونكل سالم فى كل تصرفاته ليه
مجدى : هبه محدش جبر علي انه يمضى على العقد .. الصح ان شمس تكون على علم با الا علي عمله هو ومحمود
هبه : شمس مش ها تبعد عن عنه ابدا ... مضى او لاء .. اونكل سالم هو الا نفذ كل خطة انتقامها والا لاء مش ها يفرق معاها .. فاكر لما قعدنا واتكلم قبل ما تسفارنى اقعد مع شمس قولتلى ايه .. فاكر .. قولتلى ان عدم وجود علي فى حياتها قتلها من جديد .. وظهوره لها ورجوعه رجع لها الحياه من تانى .. ليه عايزين تحطموها سبوها تعيش
مجدى : شمس دلوقتى قويه والبركه فى سالم .. سالم بيعتبر شمس زى مليكا وأكتر .. ساب شغله وحياته ومتفرغ لحمايتها وبس .. اظن هو كدا بيعمل الصح
هبه بزعل : انتو بتغلطو فى حقها وهى عمرها ما ها تسامحكم كلكم .. ولو كرهت على ها تكرهكم وتكره الناس للابد .. انت مش شايفها بتنتقم بغل ازاى .. عندها استعداد تموت عشان تاخد حقها .. تخيل بقى لما تبص حواليها وتلاقى نفسها لوحدها ومش عارفه تاخد حقها من مين والا مين
مجدى : انتى مكبره الموضوع .. خلاص هى دلوقتى حاجه تانيه خالص .. بقولك ايه
هبه : نعم
مجدى بتحذير : اوعى تكونى بتحبى الولد الا أسمه محمود
هبه : افرد بحبه ايه المانع وهو محامى ناجح جدا وشاطر
مجدى بعصبيه : بعد الا حكتهولك .. انتى مجنونه
هبه : اصلا انا مش مقتنعه بولا كلمه .. سورى يعنى الافعال غيرر.. بعد اذنك يا بابى وقامت وسابت مجدى شايط وبتحاول تكلم شمس وفين وفين على ما شمس ردت : ايه يابنتى ما بترديش ليه
شمس : هبه انا مش فايقه دلوقتى فى حاجه مهمه والا اقفل
هبه : انتى روحتى لفريده
شمس : فريده فى المستشفى بين الحيا والموت وانا مع حازم
هبه بشهقه : عملتى ايه يا شمس قتلتيها .. بقيتى مجرمه
شمس : يووواه يا هبه .. قتلت مين انتى كمان عملت حادثه .. مش انا ما تقلقيش عليا لسا فى قلبى رحمه
هبه بتاخد نفسها وحطت ايديها على صدرها : الحمد لله
شمس : فى ايه بقى
هبه : كنت عايزا اكلم محمود وتليفونه مقفول
شمس ابتسمت غصب عنها : طبتى يا هبه وبتقلد محمود .. دا وجت حب اباااه عليكى انتى
هبه ابتسمت : والله وحشنى خناقاته بالصعيدى .. بس لا يا شمس لا
شمس : هو ايه إلا .. لا يا شمس لا .. جرصك تعبان اياااك أهبوووش
هبه : 😂😂 الله انتى بقيتى لذيذه قوووى بصى كنت عايزاه فى موضوع خاااص انتى ملكيش فيه
شمس : وحياة طنط
هبه : اه وربنا عايزاه اصل هو حكالى على حاجه تخصه وقالى اسألو فيها وحلفنى ما قولش لحد .. فا لازم اكلمه عشان انا سألتله
شمس : بصى انا ها اقفل معاكى عشان فعلا مش رايقه لدلعك .. ومحمود وعلى اختفووو مش عارفه راحو فين اصلا
هبه بقلق : طيب ها اقفل انا .. وقفلت وبتفكر .. معقول يكون كلام بابها صح وبتدعى ما يكنش على ساب شمس وها يختفى على طول هو ومحمود بعد ما سالم قرر المواجهه بينهم .. وخلاص شمس خلصت من كل الا قلقوها فى حياتها ووالدها سفرته برا مصر يتعالج .. وفرنكو تم القبض عليه فور نزوله البلد وبيتحقق معاه
.................
كل يوم احداث جديده وكشف المستور بين الجميع .. وفى الحلقات الجايه ها نعرف ازاى على رجع لشمس وكمل معاها و خطة خروج كامل من الفيلا هو حازم كانت ازاى وايه الا بين على وسالم ممكن يخلى شمس تكرهه ودور عبده الطباخ الحقيقى فى مصير مجهول
