رواية مصير مجهول الفصل الرابع عشر
تمر الايااام بسلام وهدوء وغرابه فى نفس الوقت .. غاب الغيوووم والظلام واخيرا ظهر النور بأشاعة شمس صافيه ومبهجه فى حياة شمس ولكن اختفى أجمل جزء تتمنى انا تعيش معه .. ليه اختفى وفين.. تعالووو نشوف
************
شمس بعد ما خرجت من المشتشفى وبتلبس نضارة الشمس
حازم : شمس استنى خدى نسيتى الموبيل بتاعك ... مالك كدا بقالك فتره مش عجابنى
شمس بقلق : مش عارفه يا حازم على ومحمود اتشقت الارض وبلعتهم راحو فين الله أعلم
حازم بقلق : ممكن يكون وقبل ما يكمل
شمس : لا طبعا خلاص الموضوع اتقفل وبعد حبس فرنكو يوم ما يفكرو فى حاجه ها يخلصو عليا على طول
حازم بالهفه : بعد الشر .. احممم .. طيب ممكن يكون سافر بلدهم
شمس : سافرت وسألت بنفسى مش موجود هناك حتى المكان الا كان عايش فيه روحت ومفيش اثر حتى للعشه ولا محمود فى بلدهم
حازم : ما تقلقيش عليه هو ومحمود قرود ها يرجعو ها يروحو فين يعنى .. المهم انا بشكرك على وقفتك جمبى وجمب فريده
شمس : كلها لله يا حازم مش لينا .. وكمان انت تستاهل كل خيررر .. اما فريده الصراحه لا بقيت احبها ولا اكرها .. وبينى وبينك انت صح لو كنت سيبت نفسى للانتقام .. اكيد ها ابقى ابشع منهم بمراحل فا كفايه كدا عليا
حازم : يعنى خلاص ها تبطلى شر
شمس ضحكت بصوت عالى : ربنا تاب علينا يا باشا وبقى عندنا سلام داخلى والحمد لله
حازم : كل كلامك وطريقتك هى طريقه وكلام على
شمس بنظرة جميله وصافيه : على اصلا روحى والامل الا اتولد جوايا من جديد وبتهز راسها .. هو فرحه وبسمه عيد
حازم ضحك اكتر منها : فرحه وبسمه وعيد .. اه على الحب لما يبهدل الجميل
شمس : خفيف .. هو بالنسبه ليا الفرحه الا بفرحها .. والبسمه الا بتطلع من القلب .. والعيد الا بيجمع بين دا كله وبينه
حازم : يا سيدى .. ياسيدى .. فينك يا علوووشى ويا بختك.. ها اشوفك امتى تانى
شمس : ها اظبط ظروفى الاسبوع دا .. واول الاسبوع الجاى ها تلاقينى عندك ان شاء الله
حازم : ها استناكى انتى عارفه بتخنق من قاعده المستشفيات وانتى بتيجى تهونى عليا شويه
شمس : اوكى .. باااى
حازم : سلاااام
شمس ركبت عربيتها وروحت على الشقه لانها مش عايزا ترجع الفيلا غير بوجود كامل وعلى فى حياتها .. ومحمود بتعتبره اخ شهم جدا .. رمت نفسها على الكنبه
هبه خارجه من المطبخ وماسكه كابشه فى ايديها : اخيرا شرفتى .. هو انا ارجع من المستشفى اقف اعمل الاكل .. وانتى بقى مره فى الجيم ومره عند حازم .. وبصوت عالى .. انا زهقت
شمس : مالك أهبوووش
هبه : هبوووش اتخنقت من كل حاجه
شمس : ومين سمعك وبمكر .. هبووش انتى مخبيه عليا حاجه كدا والا كدا .. والا كدا شوفى كدا
هبه بإرتباك : انا .. ابدا .. ابدا ... ابدا
شمس بغمزه وجريت عليها مسكتها من كتفها : طب فين على ومحمود
هبه : هااا .. محمود
شمس بتهز راسها بأه : اووود اه .. فين محمود ادم ما بتسمعيش غير اسمه 😂😂
شمس : وربنا ما اعرف .. سابنى ومشى وانا الا كنت مستحملاه ومستحمله مخه المقفل
شمس شهقت جااامد وبهزار : هو ضحك عليكى .. سلمتى نفسك يا هبوووش وبتضربها على ضهرها
هبه : اه .. ابعدى بايدك الا زى المرزبه دى .. مش انا يا هانم الا تعمل كدا صحيح حاول يتغرر بيا كتيررر .. ما تعديش بس انا وبتعلى صوتها وبترفع ايديها بالكبشه فى وشه شمس وشمس رجعت براسها قاومته مش انا يا ماما .. مش انا
شمس : انتى .. تلاقيكى اتجوزتيه اصلا وبتزقها .. اوعى يا شيخه
هبه بعياط مصطنع : هو فين وربنا لاتجوزه بس يرجع اسبوعين لا حس ولا خبر محامى الجطط .. جاته جطه لما تلهفه وتكون انا 😂😂
شمس بزعل : يارب يكونو بخير ومش مهم اى حاجه تانيه وتليفونها رن وردت : الووو الله يسلمك يا اونكل سالم
سالم : عايز اشوفك انهارده ممكن انتى وهبه
شمس : اوكى مفيش مشكله .. بس فى حاجه
سالم : بخصوص على
شمس اتنفضت من مكانها : جراله حاجه
سالم : لا انا ما اعرفش عنه حاجه بس فى حاجه لازم تعرفيها الساعه 6 تكونى عندى وقفل
هبه بقلق : ايه فى ايه
شمس : قصت لها كل المكالمه
هبه : يا نهار ابيض الاكل .. وهربت من قدام شمس . وشمس قامت وراها لانها متاكده انها عارفه حاجه ومخبيه
*************
على قاعد هو ومحمود مع بعض فى شقه اوضه وصاله ولابسين جلاليب
على جمبه ازازتين ميه شاربهم وماسك التالته بيشربها
محمود بعصبيه : كفايه إجده صحتك عاتضيع .. جاعد بجالك ساعه بولو لوء .. بولو لوء .. بولو لوء
على بنفس العصبيه : هو انا بسكر .. انا بشرب ميه .. ميه
محمود : مش اجده يا ولد عمى .. اشرب كوبايه تنين .. إتلاته .. ليه يا على تشرب على بوج واحد تلت جزازيز .. الميه ببلاش اياااك 😂😂😂
على زقه من جمبه وقعه : ما انت السبب فى ام الجبنه القديمه الا هريت بطنى بيها .. و عاملى الهولله دى عشان تلت ازايز ميه يا حودا الا ربع
محمود وهو بيضحك : حودا الا ربع كيف يعنى .. ثم كمان البركه فيك عاد خليتنا على الحديده وزلتنى لعم البجره بجال الغبره الا عندينا تحت .. كل شويه انزل اجيبلك قزايز ميه معدنيه .. مالها الترومبه دى ميه ..وبيشاور على القزايز ودى ميه
على : يلا دا انا شربت منها يوم واحد جالى هرش
محمود : هرش من الميه ليه ميه متبرغته اياااك .. جالك هرش فى خيالك المريض جوم يا أخى اعمل اى شغله وانت زى جلتك
على بعصبيه : ابعد عنى يا محمود .. انت بتزهقنى ليه
محمود : هبوووش يا على وحشتنى جوى جوى جوى ... لهطة الجشطه حد يبعد عنيها إجده
على بزعل : اعمل ايه يعنى مش ها اقدر اواجه شمس واحط عينى فى عنيها
محمود : ومين سمعك .. بس
على : ولا بس .. ولا ما بسش .. قوم غور من هنا .. هو مش العيد الكبير قرب
محمود تنح : كيف يعنى جرب .. لسا عليه 6 شهور
على بينطر ايده : يبقى قرب .. انزل هات لنا جدى ندبحه على العيد عشان انا جعان .. وتيجى يوم الواقفه 😂😂😂
محمود : يا راجل اعجل .. ها تفضل جعان لحد العيد ما ياجى
على : ايه انا وبطنى حورين .. اتفضل ياله وبيزق محمود خرجه وقفل الباب .. عدى ساعتين ومحمود ما حاولش يدخل ولا رجع لدرجه ان على خاف يكون زعل ومشى .. طلع يبص عليه برا .. لقاااه جااى من بعيد وفى ايده حبل وماشى على وقف قدامه
على بيضحك : ايه الحبل دا يلا .. انت جبت جدى بجد يخربيت الجنان
محمود : جبتلك جدى انما ايه وبيبوس ايده .. وسع اجده وبيشد الحبل وعلى وقع عل الارض من كتر الضحك
على : 😂😂😂😂 بطه .. جايب بطه للعيد يا جاحد وكمان رابطها وبيشاور عليها والهانم عامله فيها جدى
محمود : انا فكرت وجولت يا واد يا محمود لو جبنا جدى ها يجرفنا ويديج علينا عيشتنا .. لجيت البطه الحلوه المبطبطه دى مع خالتى ستوته جولت اجبها تسد بيها جوعك يمكن تنجطنا بسوكاتك
على : 😂😂 خالتك مين
محمود : ستوته .. بالك ستوته دى بميه راجل تديها كلمه تديلك بونيه تجيب أجلك يابعيد .. وسع كدا جاتك الجرف .وبيشد البطه ودخل بيها على البيت
وعلى وراه
على : ايه واقف تبصلى كدا ليه
محمود : اياااك فاكر انى ها انضفها واطبخها لوحدى
على : امال انت فاكر ايه .. ثم كمان انت صدقت انها جدى بجد والا ايه دى بطه
محمود : جدامى ياعلى بدال ما اجتلك واشرب من دمك واتاويك
على : حصلت تتاوينى يا محمود
محمود بيهز راسه : ايوا عا اتويك لانى جرفت منك خنجتنى يا على خنجتنى
على بصوت عالى : يبقى انت الا جبته الا نفسك وشد البطه شالها ورايح على البلكونه
محمود بصريخ : لا يا ولد عمى .. دى نعمة ربنا عاتهون عليك احنا اولى بيها من الغريب البط كيف الفلوس ياعلى بيطير لغيرك مايرجعش جيبك 😂😂
على ماسك البطه فى البلكونه : اه اتمسكن دلوقتى .. وبيبصله بنص عين مين الا ها يعملها
محمود : انى الهى تتنجط يابعيط .. هات البطه دى
واحده ست كبيره جارتهم
الست : مالكم يا ويلدى
على بمسكنه : البطه يا حجه مجننانا ومش عارفين نعملها
الست : هات يابنى وانا اخلى بتى تعملها واجبهالكم تأكلوها بالهنا
محمود : لا كتر خيرك يا أما .. مانجدرش نتعبك ويانا عاد
الست : ولا تعب ولا حاجه .. هات يابنى .. وعلى ناولها البطه ودخل وهو بيضحك
محمود : يخربيت عجلك
على بتكبر : انا محامى بيشغل مخه .. انت محامى مشغل بطنك
محمود : هو ممكن شمس تصدج كلام سالم يا على
على : مش عارف يا محمود .. انا تعبان الله يسترك اقفل السيره دى انا تعبااان ليه مصمم تدايقنى
محمود : عشان انا تعبان اكتر منك ارجوك خلينا نرجع .. وحشتنى هبه وشغلى الا اتعرفت فيه هناك كنا حاجه
على : اه من سالم ومن عمايله فينا . اه ورجع بذاكراته لورا
فلاااش باااك
