رواية عشقي الابدي الفصل الخامس عشر
قضوا اسبوع ف السخنه وبعدين رجعوا القاهره عشان شغل فهد واسد واحمد
فهد اتنقل الطابق الي فووق ف الڤيلا الي هو بتاعه لما يتجوز ونقل هدومه وهدوم شهد كمان هناك
اول يوم ف القاهره....
شهد صحت الساعه 9 الصبح خدت دش واتوضت وطلعت لقت فهد صحي راح باس جبينها ودخل هو كمان ياخد دش واتوضي وطلع وصلوا الضحي وسبح ع ايديها وقرؤا الاذكار ونزلوا ف الدور الي تحت
ف الاسفل...
سلوي: صباح الخير ي حبايبي
فهد وشهد: صباح النور ي سوسو
شهد: اومال ابوحميد فين
حمد وهو طالع من المطبخ: ابوحميد هنا اهوو بيعملك العصير وغمزلها وضحك
فهد: وانا الي كنت فاكرك نسيت وكنت هعمله انا
احمد: مقدرش انساها وكمل وقال: يلا ي حبايبي عشان تفطروا
وقعدوا ع السفره يفطروا
سلوي: هتروحي امتي يحبيبتي عشان تعملي الجلسات
شهد: بكره ان شاءلله فهد هياخد اجازه وهنروح
احمد: ان شاءلله هتخفي ي حبيبتي وهتقوميلنا بالف سلامه
شهد: يارب
فهد: انا كلمت الدكتوره وقالت اننا هنتقابل بكره بعد الظهر ان شاءلله ف المستشفي وهي هتشوف حالتك
شهد: ان شاءلله ي حبيبي
وكملوا فطارهم وفهد راح الشركه واحمد راح شركته وسلوي وشهد قعدوا يتكلموا مع بعض
عند عمرو وفاطمه
فاطمه صحت م النوم لقت عمرو نايم صاحي جنبها وعمال يبصلهاا
فاطمه: يااه الواحد مش مصدق انه بيصحي كل يوم ع وش القمر دا يجدعاان
عمرو: انا الي مش مصدق انك معايا اساسا بقيت بقلق كتير واطمن انك موجوده جنبي ولا لاا وانام تاني
فاطمه: ي حبيبي والله انا معااك اهوو ويلا وسع كدا بقاا عشان اقوم ادخل الحمام
عمرو: وإن موسعتش
فاطمه: يبقي هتقوم كدا وباسته من خده وقامت دخلت الحمام
عمرو: الله يخرب عقلك هتجنيني اكتر م انا مجنون
فاطمه خرجت م الحمام وهو دخل خد دش هو كمان واتوضي وطلع وصلوا الضحي مع بعض وسبح ع ايديها وباس جبينها وقاموا هما الاتنين نزلوا تحت
حنان: صباح الخير
فاطمه وعمرو: صباح النور
عمرو: اومال فين بابا
حنان: بابا راح الشركه من شويه
عمرو: طب يلا يدوبك الحق افطر واروحله وقعد فطر هو وفاطمه وقبل م يمشي فاطمه وقفته
فاطمه: عمرو ينفع اروح لشهد وهاخد طنط معايا مش هسيبها لوحدها هناا
عمرو بصي لوالدته وقال: هتروحي معاها ي ماما
حنان: ماشي ي حبيبي واهو اقعد مع سلوي نسلي بعض
عمرو: ماشي ي حبيبتي كلميها عرفيها واجهزوا يلا وانا اوصلكوا
فاطمه كلمت شهد وبعدها طلعت لبست ونزلت وحنان كانت لبست وعمرو خدهم وصلهم للڤيلا بتاع شهد ودخلوا شهد فتحت الباب وساعه م شافه فاطمه حضنتها
شهد: وحشتيني
فاطمه: ي بكاشه دا انا سيباكي لسه امبارح
شهد: بس والله وحشتيني.. ازيك ي طنط
حنان: الحمدلله بخير ي حبيبتي
شهد: طب اتفضلوا ادخلوا ودخلتهم وسلوي سلمت ع حنان وفاطمه وبعدها شهد استاذنت وخدت فاطمه وطلعوا ف الجنينه
فاطمه: هتروحي امتي للدكتوره
شهد: بكره ان شاءلله بعد الظهر
فاطمه: اجي معاكي؟
شهد: مش عارفه هينفع ولا لا لان فهد هييجي معايا نكشف الاول ومش عارفه هاخد اول جلسه ولا ايه
فاطمه: خلاص ي حبيبتي هبقى اجي استناكي هنا لحد م تيجي
شهد: ايه رايك لو نتجمع كلنا بكره واجي من عند الدكتوره الاقيكوا هناا
فاطمه: اشطاا وان شاءلله تيجي مبسوطه ي حبيبتي
شهد: يارب... انا هقول لسوسو وابوحميد عشان يعرفوا وهبقي اكلم الباقيين انا وفهد ونعزمهم والمره دي تدوقوا طبخي
فاطمه: بتعرفي تطبخي انتي كمان
شهد: اه اتعلمت الطبخ لما ماما وقعت واتجبست ف انا الي كنت بطبخ ف اتعلمت وانتي بقا اتعلمتي ازاي
فاطمه: ماما سافرت هي وبابا السعوديه وكنت انا واسد بس الي ف البيت ف كنت بجيب فيديوهات من ع النت واتعلمت وبقيت بطبخ كويس جداا
شهد: اشطاا يبقي الطبخ عليكي بكره لاني مش عارفه هتاخر ولا لاا وانا اما اجي هعمل حلوياات
فاطمه: اشطاا انا وليلي وعلا هنطبخ وانتي يبقي عليكي الحلويات
شهد: اشطااا... خايفه اوي من مقابله بكره بتمني من ربنا اني اكون لسه ف المرحله الاول
فاطمه قربت منها وحضنتها وطبطبت عليها وقالت: ان شاءلله هتبقي كويسه ي حبيبتي متقلقيش
شهد: يارب
فضلوا قاعدين مع بعض لحد م العصر اذن وحنان وفاطمه استاذنو ومشيو وشهد وسلوي صلوا العصر ودخلوا يعملوا الغدا والمغرب اذن وصلوا وبعدها الباب بتاع الڤيلا اتفتح وكان احمد طلع خد دش وغير هدومه ونزل وبعدها بشويه الباب اتفتح وكان فهد شهد جرت عليه حضنته وهو بادلها الحضن
فهد: الي محببني ف الجواز اولا وجودك ثانيا حضنك ليا ساعه م بدخل دي من تاني يوم جوازنا وانتي بتعمليها واوعي تبطليها
شهد: مستحيل ابطلهاا اقولك ع سر
قهد: قولي
شهد: انت متخيل ان دا كان حلمي انك تكون جوزي وساعه م تيجي وتدخل احضنك حتي لو كنت نزلت تجيب حاجه وطلعت تاني
فهد: والحلم اتحقق اهوو ي حلمي
شهد: ع فكره العاشق الولهان بعتلي رساله حلوه اويي الصبح
فهد: ويا تري بعت ايه اصل العاشق الولهاان دا رومانسي اوي وبيحب عشقه اوي اوي
شهد: بعتلي وقالي "صباح للخير والهنا والياسمين وكل حاجه حلوه ف الكون بحمد ربنا كل يوم ع وجودك ف حياتي كوني قويه عشاني انا ي عشقي"
فهد: الواد العاشق دا بيقول حكم واشعار والله وانتي رديتي قولتي ايه
شهد: بعتله"صباح الهنا ي قلبي انت سبب اني ابقي قويه اساسا ووجودك هو ال مصبرني وبحمد ربنا كل يوم ع وجودك معايا "
فهد: بقيتي بتقولي اشعار انتي كمان
سلوي: هتفضلوا حاضنين بعض كتير يلاا ي فهد اطلع خد شاور وانزل عشان نتغدي
شهد: سوسو دي بتبوظ الدنياا
فهد بضحك: بتيحي ف اوقات غلط يلا يدوبك اخد شاور وانزل
شهد خرجت من حضنه وقالت: ماشي ي حبيبي
فهد طلع خد شاور وغير هدومه ونزل وقعدوا يتغدوا
عند عمرو وفاطمه
عمرو رجع م الشغل هو ومحمود محمود دخل شقته وعمرو طلع شقته فتح الباب لقي فاطنه قايمه من ع الكنبه تجري وحضنته
فاطمه: وحشتني اوييي اتاخرت كدا ليه
عمرو: الشغل انهارده كان فيه شويه ملفات عايزه تخلص ومينفعش اسيبهاا
فاطمه: طب متتاخرش تاني
عمرو: عيوني ي قلبي يلاا هدخل اخد دش واطلع الاقي الاكل ع السفره عشان همووت م الجوع
فاطمه: هو احنا مش هنتغدي تحت احنا عملنا الاكل تحت
عمرو: عادي ي حبيبتي تحت وفوق واحد يلا انزلي انتي جهزي الاكل مع ماما وانا مش هتأخر
فاطمه: ماشي ي حبيبي ونزلت تحت هي كمان وبعدها بشويه عمرو نزل وقعدوا يفطرور
عند فهد وشهد
خلصوا اكل وفهد راح جاب العصير لشهد وهي شربته وضحكت وبعدها طلعوا قعدوا ف الجنينه
شهد: فاطمه كانت هنا انهارده وقالت انها هتيجي تستناني هنا بكره بعد م اجي من عند الدكتوره لان انا قولتلها ان هي مش هينفع تيجي لان همشف لسه وحكت الي حصل
فهد: ماشي ي حبيبتي انا هكلم اسد ويوسف وعمرو واقولهم
شهد: ماشي ي حبيبي
وبالفعل فهد رن عليهم واتفق معاهم ع انهم ييجوا الڤيلا وهما وافقواا
فهد: يعني هناكل من ايد البنات بكره
شهد: اه وانا الي هعمل الحلويات
فهد: الحلويات تعمل الحلويات
احمد: وكنت بتتريق علياا لما بدلع مرات عمك
فهد: اسفين ي معلم وضحك
سلوي: ربنا يخليكوا لبعض ي حبايبي ويشفيكي ي شهد ي بنتي يارب
كلهم: يارب
قضوا السهره ف الجنينه وبعدها طلعوا ناموا
تاني يوم
شهد صحت بدري ودخلت خدت شاور وطلعت لقت فهد صحي هو كمان باس جبينها ودخل هو كمان ياخد شاور شهد سرحت شعرها وبتمسك الموبايل لقت رساله من العاشق الولهاان ابتسمت وقالت ف نفسها: هو لحق دا لسه صاحي يلا اما اقراها الواحد نفسه بتتفتح لما بشوفه ولما بقرا رسايله
محتوي المسدج"اولاا.. صباح الخير ي قلبي الواحد مش مصدق انه بينام وبيصحي وانتي جنبه
ثانيا... انهارده يوووم مهم جدا ونتمني انه يبقي كويس وان شاءلله هيبقي كويس الي بطلبه من قمري هو حاجه وااحده بس اهدي تماسكي وثقي ف ربنا وعمره م هيخذلك
ثالثا بقا ودا الاهم... بحبك ي قلبي"
شهد ابتسمت وكتبتله "اولاا... صباح النور ي عيوني
ثانياا.. طول م انت جنبي عمري م هخاف وهفضل دايما متماسكه وقويه وثقتي ف ربنا عمرها م هتقل وانت وماما وبابا اساسا قوتي ف مستحيل ابقي ضعيفه
ثالثا بقاا ودا الاهم بعشقك ي حبيبي"
وابتسمت وقفلت فونها ولبست الاسدال وفهد طلع وصلوا هما الاتنين الضحي وسبح ع ايديها وباس جبينها وبعدها نزلوا هما الاتنين تحت
ع الفطارر....
سلوي: لاازم تبقي متماسكه ي شهد وقويه ي حبيبتي ولازم تواجهي اي حاجه عشانا وعشان فهد
شهد: انتو سبب قوتي ولازم اواجه عشانكوا اي حاجه
احمد: هي دي بنتي القويه وربنا عمره م هيخذلنا ابداا ولا يرد دعواتنا
فهد: يارب
وكملوا فطار وقعدوا شويه وبعدها الظهر اذن احمد وفهد راحوا صلوا ف المسجد وشهد وسلوي صلوا ف البيت وشهد طلعت عشان تلبس وقبل م تلبس الباب اتفتح وعرفت انه فهد طلعت تحري وحضنته وعيطت
فهد: مالك ي حبيبي فيه ايه حاجه حصلت
شهد بعياط: خايفه اوي ي فهد تكون حالتي اتاخرت والعلاج مينفعش
فهد: اوعي تقولي كدا ي شهد ان شاءلله هتبقي كويسه وبعديم العلاج انتي كنتي بتاخديه بانتظام اكيد هتبقي كويسه ومسح دموعها انا مش قولت الدموع دي مشوفهاش تاني
شهد خرجت من حضنه وقالت: فهد هو انا لو متت هتتجوز بعد م امووت
فهد شدهاا لحضنه تاني وعيونه دمعت وقال: اوعي اسمع كلمه مووت دي تاني ع لسانك فاهمه ربنا هيشفيكي وهتبقي كويسه ان شاءلله
شهد: يعني انت بتحبني ومش هتسيبني عشان تعبي
فهد: انتي عبيطه ي شهد انا بعشقك مش بحبك بس انتي روحي وقلبي وعقلي وكل حاجه ف حياااتي ي شهدد.. ويلا بقاا عشان هنتاخر
شهد:ماشي مش هتاخر ومسحت دموعها ودخلت الاوضه عشان تلبس
فهد لنفسه: اااااه يارب يارب اشفيها انا مش هقدر اعيش من غيرها يارب كن معاها ومعايا واشفيها يارب
ــــــــــــــــــــــــــــــــــــــــــــــــــــــــــــــــــــــــــــــــــــــ
عند اسد
اسد: ي حبيبتي يلاا هنتاخر ولازم نشوفها قبل م تروح للدكتوره عشان تحس اننا كلنا جنبهاا
ليلي: م انا بلبس اهو وبعدين شيل فهد انت مش شايفه بيعيط
اسد: بقالك ساعه بتلبسي ي ليلي دا انا لبّست سما وفهد عشان منتاخرش ولبست وانتي لسه
ليلي: خلاص خلصت اهوو يلاا
اسد: يلاا
وكل واحد شال طفل ونزلوا
اسد: بابا انت جاهز انت وماما
حسن: اه ي حبيبي يلا
وطلعوا ركبوا العربيه و مشوا
ــــــــــــــــــــــــــــــــــــــــــــــــــــــــــــــــــــــــــــــــــــــ
عند عمرو وفاطمه
عمرو: ي فاطمه اهدي ي حبيبتي هتتماسكي ازاي قدامها كدا لازم نقويها مش نضعفهاا
فاطمه بعياط: مش قادره ومش هقدر اشوفها تعبانه وبتتعذب كدا
عمرو طبطب عليها وقال: ي حبيبتي دا اختبار من ربنا ليها وليهم ولينا كمان عشان يشوف ثقتنا فيه عامله ازاي وندعي ليهاا بالشفاء وهي هتبقي كويسه ي حبيبتي
فاطمه خرجت من حضنه ومسحت دموعها وقالت: يعني هي هتبقي كويسه متاكد
عنرو: اه ي حبيبتي ربنا معاها قبلنا كلنا يبقى اكيد هتبقي كويسه
فاطمه: طب يلا عشان الحق اشوفها قبل م تمشي
عمرو: يلاا عشان احنا اتاخرنا لابسين بقالنا ساعه وبردو نتاخر
فاطمه: ماشي يلا بس عشان منتاخرش
عمرو نزل لقي مامته جهزت وباباه كالعاده ف الشغل خدها ونزلوا ركبوا العربيه ومشوا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ف ڤيلا احمد
اسد وعمر وصلوا ودخلوا سلموا ع احمد وسلوي وفضلوا قاعدين لحد م فهد وشهد نزلوا
شهد: ايه دا حيتوا بدري يعني
اسد: اكيد طبعاا لازم اطمن ع اختي قبل م تمشي
ليلي: ي بنتي دا واخد اجاازه مخصوص دا انتي طلعت غاليه اويي بقاا
شهد: شكرا جداا ي اسد بجد تعبت نفسك ليه
اسد: انا من يوم م انقذتك م الواد الي كان بيرخم عليكي وقولتلك انك بقيتي اختي ودا فعلا حقيقي وبقيتي اختي فعلاا بل يمكن اعز كمان وبص لفاطمه وقال: ولا ايه ي توتي
فاطمه: طبعاا دي توامي اصللا
شهد: حبيبه قلبي ي بطوط
ونزلت سلمت عليهم كلهم وكلهم بيدعولها بالشفاء والي يطمنها ويقولها انها هتبقي ان شاءلله كويسه وبعدها هي مشت وفاطمه وليلي وعلا وسلوي قعدوا يعيطوا والرجاله تهدي فيهم (عيله عيووطه 😂😂)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عند الدكتوره
الدكتوره: اهلا اهلا ي مدام شهد عامله ايه
شهد: الحمدلله بخير
الدكتوره: يارب دايما
فهد: شهد عرفت كل حاجه انا قولتلها كل حاجه وهي مستعده تاخد الجلسات ان شاءلله
الدكتوره: الحمدلله دي اهم خطوه والحمدلله عدت بسلاام انا هحتاح تحليل بس عشان اشوف الحاله عامله ايه دلوقتي
شهذ: اسمه ايه وانا هعمله حالا
الدكتوره كتبت اسمه وشهد راحت عملت التحليل وطلبوه مستعجل ونزلوا شويه قعدوا ف كافيه وفهد طلبلها عصير فراوله وهي شربته وقعدت شويه وبعدهاا المركز اتصل وقال ان النتيجه طلعت فهد راح خد نتيجه التحليل وراح للدكتوره
الدكتوره: الحمدلله الحاله بقت احسن بكتير لولا العلاج الي ادتهولها مكانتش بقت كدا الحمدالله
فهد بفرحه: يعني هي كويسه
الدكتوره: ايوه الحمدلله هي هتاخد بس كام جلسه كيماوي عشان تقضي ع المرض خاالص
فهد مكنش عاارف يعمل ايه م الفرحه سجد حمد ربنا وشكره وقام قعد تاني ع الكرسي
فهد: اسف ع الي حصل بس انا كنت خايف جدا تطلع النتيجه مش كويسه
الدكتوره: لا ولا يهمك ربنا يخليهالك يارب و الحمدلله النتيجه طلعت كويسه اهي
شهد: يعني انا ممكن اخف
الدكتوره: اكيد طبعا ان شاءلله بس انتي هتروحي كام جلسه كيماوي عشان تخفي خاالص
شهد: حاضر انا مستعده اعمل اي حاجه بس ابقي كويسه
الدكتوره: ان شاءلله هتبقي كويسه
فهد: هتبدا امتي جلسات الكيماوي ي دكتوره
الدكتوره: ان شاء الله بعد بكره تيجي هنا وانا الي هعملها الجلسات
فهد: شكرا جدا لحضرتك
الدكتوره: العفو دا واجبي ربنا يشفيها
فهد: يارب عن اذنك وسابها ومشي وهو طاير م الفرحه
ساعه م نزل خد شهد وراحوا ع الكورنيش ونزلوا وساعه م نزلوا فهد حضنها ودموعه نزلت وهي كمان عيطت
فهد: الحمدلله الحمدلله انا مش مصدق نفسي
شهد: لازم نصدق ربنا استجاب لدعانا
فهد بعد عنها وشاور ع المكان الي هما واقفين فيه وقال: المكان دا اول مكان دعيت فيه ليكي بالشفاء يوم م كنا بنتمشي وقعدناا هناا ودا بردو المكان الي هحمد فيه ربنا انك هتبقي كويسه وراح وقف مكان م كان واقف يوم م دعا ليها بالشفاا وقال بصوووت جهوري: شكراااااا شكرااا ياررب شكررااا يارب تمم شفااها ع خيرر وقام رايح حاضن شهد وبعدها ركبوا العربيه وروحوا
ف الڤيلا
الباب اتفتح فجاه كلهم قاموا وقفوا وهي دخلت وهي فرحانه وراحت تجري وحضنت امها وقالت: الحمدلله يا ماما الدكتوره قالت اني هبقي كويسه وهاخد بس كام جلسه كيماوي وهبقي كويسه
سلوي عيطت وقالت: الحمدلله ي حبيبتي ربنا استجاب لدعانا
شهد خرجت من حضن سلوي وباست ايديها وجبينها وراحت لاحمد الي كان مبتسم ودموعه عماله تنزل ولقته فاتح دراعه ليها حضنته وعيطت وقالت: شكراا ليك ي بابا انت وفهد سبب وصولي للمرحله دي الدكتوره قالت لولا العلاج الي كنت بتحطهولي ف العصير دا كان زماني تعبانه اكتر
احمد: انا لو طولت اجيب قطعه م السما ليكي وتبقي كويسه هعمل داا انا معنديش غيرك ي حبيبتي
شهد: ربنا يخليك ليا ي حبيبي ويديمك ف حياتي وخرجت من حضنه وباست ايديه وجبينه وراحت حضنت فاطمه الي فضلت تعيط
شهد: ي بنتي الحمدلله انا كويسه اهو
فاطمه: الحمدلله الحمدلله شكرا يارب شكراا انك استجبت لدعاايا وبقت كويسه شكراً
شهد: الحمدلله لولا دعاكوا ليا ووجودكوا معايا مكنتش بقيت كويسه
فاطمه: الحمدلله ي حبيبتي
فاطمه خرجت من حضنها راحت حضنت ليلي
ليلي: الحمدلله انك بقيتي كويسه دا انا كنت هتجنن
شهد: الحمدلله وبعدين لازم ابقي كويسه اومال مين الي هيربي سما وفهد
ليلي: انتي طبعاا ي قلبي
شهد خرجت من حضنها راحت حضنت علا
علا: دي اكيد دعوه فيروز استاجبت الحمدلله ي حبيبيتي انك بقيت كويسه احنا كنا هنمووت م الرعب
شهد: ي حبييبه قلبي ي روزاا وبعدين بعد الشر عليكوا انا كويسه اهوو الحمدلله
علا: يارب دايما ي حبيبتي تبقي كويسه
شهد خرجت من حضنها وراحت شالت فيروز
فيروز: انت هتبقي كويثه(كويسه) ي ثوثو (شوشو)
شهد: طول م انتي موجوده ف حياتي لازم ابقي كويسه ي حبيبه قلبي وباستها وبعدها نزلتها وراحت حضنت فيروز وحناان
اسد: الحمدلله انك بقيتي كويسه ربنا استجاب لدعواتنا
يوسف: احنا مبطلنااش دعاا ليكي من يوم م عرفنا من فهد ربنا يحفظك ويقومك بالسلامه يارب
عمرو: يارب تبقي كويسه دايمااا ي شهد انا اعتبرتك اختي من يوم م عرفتك ربنا يقومك بالسلامه ويشفيكي يارب
شهد: يارب بجد شكرا ليكوا ولدعواتكوا وربنا يعلم اني بعتبركم اخواتي انا اه معنديش اخوات من دمي بس فهد دايما كان اخويا وبعدها انتو بقيتوا اخواتي واحسن اخوات ف الدنياا
فهد: طب هما اخواتك وقولنا ماشي انما انا اخوكي دا الي هو ازاي
شهد راحت لعنده وقالت: انت اخويا وابويا وصاحبي وحبيبي وجوزي وكل حياتي
فهد حضنهاا وقال: وانتي عشقي وروحي وقلبي واني وابويا واختي وصاحبتي وحبيبتي وبنتي وكل حاجه ف حياتي
كلهم صقفوا
وبعدها قضوا اليووم مع بعض وشهد عملت الحلوياات وكلوهاا وبعدها مشيووا وفهد طلع الجناح بتاعه
ساعه م دخلوا فهد حضن شهد وقال: مش قادر اصدق مش قادر عقلي مش راضي يستوعب انك خلااص هتبقي كويسه الحمدلله ارب الحمدلله
شهد: دا بسبب وجودك معايا انت وبابا لولاكوا مكنتش وصلت لكدا
فهد: ولو كان بايدي حاجه تخليكي تخفي ع طول مكنتش سكت والله
شهد: يلا الحمدلله اني بقيت كويسه
فهد: الحمدلله لازم تستعدي لبعد بكره كويس ي شهد وتبقي قويه انا هبقي معاكي متقلقيش
شهد: وجودك معايا هينسيني اي حاجه
فهد: ربنا يخليكي ليا ويشفيكي يارب
شهد: يارب
واتوضوا وصلوا القيام وسبح ع ايديها وقرؤا وردهم وناموا
وعدي اليومين بسلام ع ابطالنا وانهارده اول يوم ف الجلسات لشهد
