رواية عشقي الابدي الفصل السادس عشر
اول يوم ف جلسات شهد..
ف ڤيلا اسد
اسد: السلام عليكم
يوسف: وعليكم السلام ورحمه الله وبركاته
اسد: انا رنيت عليك عشان اقولك يلا اجهزوا عشان نروح لشهد ونفاجئها وعشان تحس اننا كلنا معاها
يوسف: والله فكره حلوه انت كلمت عمرو
اسد: اه كلمته من شويه وهو قالي ماشي وبيجهزوا اهوو
يوسف: خلااص مش هتاخر يلا مع السلامه
اسد قفل مع يوسف وراح لابوه وامه
اسد: ماما هتيجي معانا انتي وبابا عند شهد انهارده اول يوم ف جلساتهاا
صفاء: اكيد ي ابني هنروح امتي
اسد: يدوبك تلبسوا ونمشي
صفاء: ماشي يابني
وسابهم وراح. ل ليلي
اسد: يلاا جهزتي
ليلي بصتله ودموعها ف عنيها وقالت: هي شهد اكيد هتخف خاالص ي اسد صحح هي هتبقي كويسه
اسد راحلها وقعد جنبها وحضنها وقال: اكيد ي حبيبتي هتبقي كويسه ربنا معاها وكمان كلنا معاها ودعواتنا ليها اكيد ربنا هيستجيب ويشفيها
ليلي: يارب اشفيها يارب
اسد: يارب يلاا. ي حبيبتي انا هقوم البس والبس فهد وسماا ع ما تكوني لبستي
ليلي: ماشي ي حبيبي وقامت عشان تلبس وهو قعد يلبس اولاده
ــــــــــــــــــــــــــــــــــــــــــــــــــــــــــــــــــــــــــــــــــــــ
عند عمرو وفاطمه...
عمرو: ي حبيبتي بطلي عياط بقاا حراام عليكي لازم تكوني متماسكه صدقيني اكيد هتبقي كويسه مش الدكتوره قالتلها انها حالتها مستقره ييقي فيه ايه بقااا
فاطمه بعياط: م هو ممكن بعد الشر العلاج ميجيبش نتيجه و تتعب اكتر
عمرو دمع هو كمان: ي حبيبتي وليه نتخيل الاسوء ليه منقولش ان ان شاءلله هي هتبقي كويسه والعلاج هيجيب نتيجه
فاطمه: يارب اشفيها يارب دي حياتي واختي وصاحبتي يارب لو بتحبني اشفيهااا
عمرو: ان شاءلله هتخف يلا البسي عشان منتاخرش وانا هنزل اقول لماما تجهز
فاطمه: ماشي
عمرو مسح دموعها وباس جبينها ونزل لمامته قالها وطلع هو كمان عشان يلبس
ــــــــــــــــــــــــــــــــــــــــــــــــــــــــــــــــــــــــــــــــــــــ
عند چو وعلاا..
يوسف: علاا لازم تكومي متماسكه قدامها دا اهم شئ
علا: حاضر والله هحاول بس انا مش بقدر اشوفها كدا انا عارفه انها هتموت من جواها بس بتبتسم قدامنا عشان متقلقناش
يوسف: شوفتي هي كمان اهي بتتمالك نفسها وبتبقي متماسكه يبقي احنا لازم نكون متماسكين
علا: ايوه لازم اكوون متماسكه بس يارب ابقي هاديه قدامها مش عايزه اتعبها
يوسف: ان شاءلله هتبقي كويسه وكلنا هنفرح يلا بقا عشان منتاخرش لبسي فيروز عما البس واقول لماما هي كمان تجهز
علاا: ماشي ي حبيبي
يوسف باس جبينها و نده ع فيروز وباسها من جبينها وقال: يلا ي روزا عشان نروح لشوشو
فيروز صقفت وقالت: هييه هروح لثاحبتي (صاحبتي) دي وحثتني (وحشتني) اوي
يوسف: ايوه ي حبيبتي يلاا بقا البسي عشان منتاخرش وسابها وراح لمامته وهي كمان بدات تجهز وهو راح عشان يلبس
ــــــــــــــــــــــــــــــــــــــــــــــــــــــــــــــــــــــــــــــــــــــ
عند شهد وفهد
شهد قاعده تقرا المسدجات الي باعتها عاشقها الولهان
"حبيبي لازم يكون قوي اوعي تضعفي عشان انا بضعف لما بشوفك ضعيفه يرضيكي ابقي ضعييف"
"هو انا قولتلك اني بحبك قبل كدا لا تقريبا مقولتش بس اقول دلوقتي بحبك ي قلبي كوني قويه عشاني بحبك ❤"
شهد كتبتله "اكيد هكوون قويه لاني مرضاش اني عشقي يبقي ضعيف
وبحبك ي قلب شهد"
فهد خرج م الحمام لقاها ماسكه فونها وبتبسم
فهد: تصدقي اني ابتديت احب العاشق الولهاان
شهد: لا دا حبيبي انا مستحيل اخلي حد يحبه غيري
فهد: وهو مش هيسمح لحد يحبه غيرك اساسا
شهد بخوف: هو احنا هنروح امتي للدكتوره
فهد لاحظ خوفها مسك ايديها وقعدها ع السرير وقعد جنبهاا وقال: متخافيش من اي حاجه طول م انا جانبك حطي دايما ف دماغك اني هفضل معاكي لاخر نفس فيا
شهد عيطت وقالت: خايفه العلاج ميجيبش نتيجه
فهد حضنهاا وقال: ي حبيبتي اومال لو مكنتيش موجوده والدكتوره بتقول ان حالتك بقت احسن
شهد وشهقاتها بتزيد بسبب العياط: بس ممكن جسمي ميستقبلش العلاج وحالتي تسوء وبعدها بصتله بعنيها الي مليانه دمووع وقالت: وممكن امووت ي فهد
فهد شدد ع حضنها قال بعصبيه و دموعه وخانته ونزلت وقال: قوولت مسمعش الكلمه دي تاني انتي هتخفي وهتبقي كويسه مستحيل يحصل كدا اكيد ربنا مش هيموتني وانا حي بفقدانك مقدرش اعييش لحظه بدوونك لازم تبقي كويسه ورفع دماغه وبص لفوق وقال: يااارب انا معدش لياا غيرها يارب اشفيها يارب لو مش عايز تكسرني اشفيها يارب يارب انا اقدر ع اي حاجه الا خسارتهاا يارب اشفيها يارب وفضلوا يعيطوا شويه وبعدها رفع دماغها بايديه ومسح دموعها وقال: لازم تبقي متماسكه ي شهد ولازم تبقي راضيه ع كل داا و مستعده لاي حاجه عشاان الدكتوره قالت ان العلاج اساسه النفسيه وانتي بالمنظر داا معتقدش ان نفسيتك هتبقي كويسه ف عشان خااطري اهديي
شهد: حااضر والله ههدي وهاخد الجلسات وهاخد علاحي بانتظاام ومش هفوت حاجه بس يارب ييجي بفايده
فهد: ان شاءلله هييجي بفايده ي حبيبيتي
شهد: هنروح للدكتوره امتي
فهد: مش عارف هي قالت ان الجلسه بتاخد وقت ف قالتلي اول م اخلص كل الكشف الي عندي هرن عليك عشان تيجوا بس كانت قايله انها بتخلص كشف ع الساعه 3 نبقي نجهز وننتظر مكالمتها
شهد:ماشي ي حبيبي يلا نصلي الظهر
فهد: يلاا
وقاموا اتوضوا و صلوا وسبح ع ايديها كعادته وقرؤا قران و قرؤا الاذكار و نزلوا
في الاسفل.....
احمد: كل داا بتصلوا الظهر مش كنت تيجي تصلي معايا ف الجامع وخلاص
فهد: شهد قالت انها عايزاني اصلي بيهاا ومقدرش ارفضلها طلب طبعاا
احمد: اكيد طبعاا
شهد: بقولكوا ايه تعالوا نقعد ف الجنينه
كلهم: يلاا
طلعوا الجنينه وشهد خدت فهد وراحت جنب وردتين
شهد: شايف الوردتين دول
فهد: ايوه بس حاسسهم مختلفين كنت دايما بسال نفسي ليه الوردتين دول مختلفين عن باقي الورود الي هنا
شهد: لان انا روحت اشتريت البذور بتاعهم وعرفت من صاحب المحل انه نوع نادر جداا نادراا م بتلاقي منه ف قولت هزرع وردتين واحده ليك وواحده لياا والي عرفته ان الوردتين دول بيتحملوا كل الظرووف البيئيه حر برد عواصف كل داا هي بتستحمله ف زرعتهم بنيه حبي ليك لاني اتحملت كتير واهوو بقيت معايا ولسه بنتحمل وهنفضل نتحمل لاخر نفس فينا
فهد: وي تري بقاا الورد دا اسمه شهد ي وردتي
شهد ضحكت وقالتله: لاا اسمه ورد (التيوليب)
فهد: لا انا هسميه شهد من انهارده
شهد: تعرف ان الورد داا بيرمز للحب الصادق الي بيتحمل الصعااب وبيواجه كل مشاكله زي م ورد التيوليب بيتحمل الظروف البيئيه المختلفه
فهد: م هو انا عشان كدا هسميه شهد عشان انتي اتحملتي كتير اولهم حبك ليااا ثانياا تعبك وداا اهم اختبار ولازم نجتازه
شهد: اكيد طبعاا ي حبيبي انا هواجه كل حااجه عشانك وعشان كل الي بيحبوني
فهد: ايوه كدا هي دي وردتي حبيبه قلبي وحضنها
اسد من وراهم: مش قدامنا كدا عيبب
فهد بصله: انت جييت امتي
اسد بضحك: من اول الحضن احضنها براحتك جوه لكن بلااش هناا عيب
فهد شد شهد لانها كانت خرجت من حضنت وحضنهاا جامد وبص لاسد وقال: احضنهاا ف اي وقت وف اي مكااان و قداام اي حد
ليلي: خدوا راحتكوا هو اسد كداا لازم يغلس
اسد: بقاا انا غلس طب شوفي مين بقاا الي هيجيبلك الرنجه الي بتقلب معدتي عشان تاكليها من وراهم ف الببت وبهربهاا كانها ممنوعات
ليلي حطت ايديها ع بؤه عشان يسكت وقالت: بس انت فضيحه اسكتتت الحمدلله ان عمو وطنط قاعدين مع سوسو وابوحميد
شهد ضحكت وقالت: للدرجه دي بيحبك حصلت يجيبلك رنجه من ورااهم لالالا دا فعلا الحب ولع ف الدره
ليلي: تصدقي انتي اغلس منه بس طبعاا بيحبني ولا يقدر يحب غيري
فهد: ي بنتي دا بيسكتك عشان متعرفيش انه بييقي عنده اجتماعات مع اللبنانيين وبيبقي اجتماع خااص ومبيردااش يدخلني انا شخصياا
ليلي بصتله بشرر: نعممممم!!!! لبنانياات
اسد بتوعد لفهد: منك لله حسابك معايا بعدين
فهد: اشرب عشان تبقي تقطع لحظاتي مع مراتي ربنا معاك ي بيبي وبص النحيه التانيه
اسد: ي حبيبتي والله دا بيضحك عليكي عشاان انا استفزيته بالكلام وبعدين لبنانياات ميين انا حد يملي عيني غيرك
ليلي:وهو هيكذب ليه م هو معاك فالشغل وبيشوفك وانا مش بشووف حاجه
كل داا وشهد ميته م الضحك عليهم
اسد بص لي ليلي وغمز وبعدها كملوا خنااق وسابوهم ومشيووا
اسد: الحمدلله قدرنا نضحكهااا
ليلي: ايوه الحمدلله يارب تفضل تضحك كدا ع طوول انت لو مكنتش غمزتلي انت وفهد مكنتش هفهم حاجه
اسد: م هو انا لما ابتديت اتكلم معاه لقيته غمزلي وفهمت ع طووول وقولت نكمل يمكن تهدي وتضحك شويه
ليلي: الحمدلله عدت ع خير.. اومال فاطمه وعلا مجووش ليه
اسد: زمانهم جايين ولسه مكملوش كلاام ولقوهم فعلاا وصلوا اسد سلم ع عمرو ويوسف والبنات سلموا ع بعض وراحوا عند شهد الي فاطمه ساعه م شافتها حضنتها وفضلت ف حضنها ييجي 10 دقايق
شهد: ايه ي بنتي هو انا هطير
فاطمه: برتااح كداا انت مش عايزاني مرتاحه
شهد: لا طبعاا ي حبيبتي وقعدوا وهي فضلت حضناها وشهد تطبطب عليها وفين وفين ع ما سابتهااا
علاا: عامله ايه ي حبيبتي انهارده
شهد: الحمدلله كويسه اومال فين روزا
علاا: جايه اهيي
فيروز جت وكان فيه حاجه مخباياها ورا ضهرهاا شهد شالتها وباستهاا وفيروز طلعت الي ورا ضهرها وقالت: انا قولت لماما تعملهاا عثانك (عشانك) بث (بس) دي فكرتي انا
شهد حضنتهااا وبصت ف الهديه الي فيروز جايباها وكانت رسمت قلب ومكتوب فيه روزا وشوشو ومكتوب بره القلب بحبك اوي ي شوشو
شهد: الله دي جميله اوي ي روزا انا هعلقهاا ف اوضتي
فيروز بفرحه: بجد ي ثوثو(شوشو) عجبتك انا قولت لماما تكتب ثوثو بالثين(بالشين) عثان (عشان) انا مث (مش) بعرف اقولها ثح(صح)
شهد باستها من خدها وقالت: وهي عحباني حتي لو مكتوبه بالثين ي روزا
وفضلوا قاعدين مع بعض يتكلموا
عند الشباب..
فهد: عايزكوا تتكلفوا بمهمه
اسد: ايه هيااا
فهد: شهد زارعه وردتين اسمهم ورد التيوليب والي عرفته ان الورد داا نادر جداا ف انتو تقلبوا عليه الدنيا و تجيبوا البذور بتاعته
يوسف: وليه يعني اشمعنا الورد داا بالذات
فهد: شهد قاللت ان الورد دا رمز للحب الصادق الي بيتحمل الشدائد لان الورد دا بيتحمل الظرووف البيئيه بكل حالتها وهي بترمز بيه لعلاقتناا
عنرو: انا اعرف واحد بيبيع ورد هبقي اساله وابلغك
فهد: تمام
اسد بحزن: هتروحوا امتي للدكتوره
فهد: الساعه 3 هنجهز عما تكلمنا تقولنا تعالو
اسد: لازم تكون متماسك ي فهد قدامها
فهد: حالتها خطرر ي اسدد حالتهاا خطر
كلهم سكتواا ومحدش اتكلم وفهد حكالهم الي حصلل
فلاااش باااك
لما فهد جاب التحليل للدكتوره ولاحظت توترهم قالت ان الحاله مستقره عشان متقلقهمش ولما شهد طلبت منها التحليل قالتلها لا هنسيبه هنا عشان نبقي نقارن بيه التحاليل الي هنعملهاا كل فتره ونشوف التقدم شهد صدقت ومشيت هي وفهد وانتو عارفين باقي الي حصل لما راحوا الدكتوره رنت عليه بالليل كانت شهد نامت فهد خرج راح البلكونه
الدكتوره: السلام عليكم
فهد: وعليكم السلام ورحمه الله وبركاته
الدكتوره: انا اسفه اني رنيت علي حضرتك ف الوقت داا بس لازم اقولك
فهد بقلق: لا ولا يهمك ي دكتور خير فيه حاجه
الدكتوره: لما جيتولي بالتحليل الصبح وقرأته عرفت ان الكانسر بقاا ف المرحله التانيه مش ف المرحله الاولي ودا بقاا خطر ف لما شوفتكوا متوترين قولت ان الخاله بقت كويسه وانها هتاخد كيماوي عشان نقضي ع المرض خاالص عشان شهد متحسش بحاجه ولما طلبت تاخد التحليل رفضت عشان هي لو قرأته هتعرف ف سيبته عندي وقولت لازم اكلمك اعرفك واقولك ان هي لازم تاخد الكيماوي ف اسرع وقت عشان المرض ميتملكش منها اكتر من كدا وندعي ربنا انه يشفيها
فهد كان ف حاله زهول كان تكه وهيموت ودمووعه عماله تنزل بدون صوت
فهد وهو بيحاول يهدي ونجح ف كدا: يعني نعمل ايه ي دكتوره
الدكتوره: تفضلوا مفهمينها ان حالتها مستقره وتفضلوا دايماا معاها وتساندوها وتدعموها لان اهم حاجه ف العلااج هو العامل النفسي
فهد: تمام ي دكتوره وشكرا ان حضزتك فهمتيني
الدكتوره: العفو دا واجبي ولازم حضرتك كنت تعرف ربنا يشفيهاا
فهد؛ يارب وقفل مع الدكتوره
وفضل يعيط لحد م حس انه هيتخنق قام اتوضي وفضل يصلي ويسجد بالساعات ويدعي ليها بالشفااا
بااااااك
اسد بصدمه: يعني ايه يعني هي ممكن تمووت
فهد ف اللحظه اتعصب وعيط ف نفس الوقت وقال: مستحيل محدش ينطق الكلمه دي تااني اوعوا اسمعهاا من حد
اسد راح عليه حضنه وعيط هو كمان وفضل يهدي فيه ويوسف وعمرو قاعدين دموعهم بتنزل بس بدوون صووت والصدمه مسكتااهم خااالص
فضلوا ف شرودهم داا لحد م اسد اتكلم وقال: الي اتقال هنا داا اوعوا حد يعرفه انتو فاهمين ايااك حد يقول لمراااته حاجه ولا عمي ولا مرات عمي يعرفوا حاجه ي فهد
فهد مسح دموعه وقال: مستحيل انا قولتلكوا عشان عارف ان محدش هيقول لمراته ولا هيقول لعمي ومرات عمي حاجه وكان لازم افضفض انا كنتت هموت لو متكلمتش
عمرو: بعد الشر علييك اوعي تقول كدا احنا كلنا هنفضل جنبهااا
فهد: طب بالمناسبه هتفضلوا جنبها ف كلكوا هتباتو هناا من هنا ورايح هتفضلوا معانا هنااا لحد م شهد تخف كل واحد هينام مع مراته ف اوضه الڤيلا هناا كبيره وكل اوضه فيها حمامهاا يعني متقلقوش
عمرو: وبالنسبه لماما وبابا مش هيوافقوا
اسد: وانا بردوو بصوا هنشوف الموضووع داا
يوسف:انا مش هينفع اسيب امي لوحدها ف البيت
فهد: بصوا اوض الضيوف هنا كتيره يعني انت مراتك ي اسد ف اوضه وكذلك يوسف و بالنسبه لطنط فيرووز هتنام بردوو ف اوضه ليهاا
اسد: ماشي ربنا يسهل ونشووف الموضوع دا بالليل
فهد فوونه رن وكانت الدكتوره
فهد: السلام عليكم
الدكتوره: وعليكم السلام ورحمه الله وبركاته انا هكشف ع اخر حد عندي اهو والدور هيبقي عليكوا بعدهاا
فهد: تمام ي دكتوره مسافه الطريق ونكون عند حضرتك
الدكتوره: تمام عرفتها حاجه
فهد: لاا مقولتلهااش ومش هقولها زي م حضرتك قولتي عشان نفسيتها
الدكتوره: طب الحمدلله واوعي تحسسها بحاجه
قهد: لا مستحيل
الدكتوره: تمام مع السلامه وقفلت
قهد: يلا هروح اندهلها ونطلع نلبس واجي الاقي بذور الورد موجوده وتكونوا ظبطتوا حكاية البيات ديي
كلهم: ماشي
وراح نده لشهد وطلعوا لبسوا ونزلوا
ف الاسفل..
شهد: بالله عليكوا اوعوا حد يعيط عشان انا اصلا مش هستحمل وتكه وهعيط
فاطمه: مفيش حاجة اسمها عيااط يعني لما نعرف انك هتبقي كويسه نعيط وبصتلهم وقالت: الي هشوفه بيعيط هخليه ينضف الڤيلا
كلهم ضحكووا
فهد: احسن عقااب والله يلا ي شهد عشان منتاخرش
شهد: يلاا
ومشيوا وساعه م مشيواا الكل فضل يعيط ويدعيلهاا بالشفاء
ــــــــــــــــــــــــــــــــــــــــــــــــــــــــــــــــــــــــــــــــــــــ
عند الدكتوره..
الدكتوره: اهلاا اهلا مدام شهد ازيك
شهد: الحمدلله بخير
الدكتوره: جاهزه
شهد بصت لفهد: جاهزه
الدكتوره خدتها وقعدتها ع السرير كل دا وهي ماسكه ايد فهد ومش بتسيبها وبعدهاا الدكتوره علقت لها زي محلول كدا ف ايديها شهد كانت هتعيط لانه المهاا بس فهد بصلها وهي سكت
الدكتوره: انتي كلتي كويس الصبح
فهد: ايوه اكلتها كل الاكل الي حضرتك قولتي عليه
الدكتوره: ايوه لازم تاكل كل الاكل الي اكتبه عشان تبقي كويسه ومع الجلساات هتبقي زي الفل
شهد: يارب
الدكتوره سابتهم ورامت قعدت ع المكتب
فهد: حاسه بوجع
شهد: يعني بس مش اوي
فهد: انده للدكتوره
شهد: لا مش بتوجعني اوي وبعدها ضغطت ع ايديه وقالت: طول م ايدك ماسكه ايدي مستحيل احس بتعب
فهد باس ايديها وقال: وعمر ايدي دي م هتسيبك ابدا
وفضلوا قاعدين لحد م شهد خلصت الجلسه والدكتوره جت شالته من من ايديها وحطت منديل عشان الدم وشهد قامت وفهد فاضل ماسك اديها وراحوا ع المكتب
الدكتوره: هتحسي بهبووط شويه ي شهد عشان كدا اول م تروحي تشربي عصاير كتير وتشربي سوائل وتاكلي كويس ي شهد
شهد: حاضر ي دكتور
فهد: في اي حاجه لازم نتبعهاا
الدكتوره: الاكل الصحي يعني متاكلش اكل من بره البيت ودايما تشرب عصاير فريش ومتجهدش نفسهاا كتيير
فهد:تمام الجلسه التانيه امتي
الدكتوره كمان 3 ايام
فهد: ماشي ي دكتور شكرا وفضل ماسك ايد شهد وخرجوا من عند الدكتوره وهو حس انها هبطانه شالها ونزل بيها لحد العربيه وركبهاا وركب هو بعدهاا
فهد: حاسه بحاجه ي شوشو
شهد بتعب: مش قادره حاسه ان هيغمي علياا
فهد: الدكتوره قالت ان داا اثر العلاج وانا هرن عليهم اهوو يجهزوا الاكل والعصاير وطلع تليفوونه ورن ع سلوي تجهز الاكل وقالها انه لازم يكون صحي وفيه خضار و كمان تعمل عصاير فريش عشانها وقفل معاها وبص جنبه لقي شهد راكنه دماغها ع الكرسي ونامت رجعلها الكرسي عشان تعرف تنام ومشي
ف الڤيلا...
فهد وصل ونزل م العربيه وشال شهد ودخل بيها الڤيلا وساعه م دخل كلهم جريوا عليه
احمد بقلق: ف ايه هي مالها
فهد: ششش هي كويسه والله بس الدكتوره قالت انها هتهبط شويه وهي كانت دايخه ونامت وهي كويسه انا هاخدها اطلعهاا تغير هدومها وننزل وانتي ي فاطمه هاتي كوبايه عصير برتقال م الي ماما عملته وتعالي ورايا
فهد طلع ب شهد ع الجناح بتاعه وفاطمه طلعت بالعصير فهد حط شهد ع السرير وصحاها وساعه م صحت فهد نده فاطمة من بره وهي دخلت وادت العصير لشهد شربته وحست انها ارتاحت شويه وساعه م خلصت العصير فاطمه جريت عليها حضنتها ومسكت دموعهاا بصعووبه
شهد: ي بنتي انا كويسه اهووو
فاطمه: انتي حاسه بايه طب تعبانه لسه هبطانه انزل اجيب موبايه عصير كمان
شهد: لا ي حبيبتي والله انا بقيت كيسه
فهد: خلااص ي فاطمه هي كويسه اهي الحمدلله انا هدخل اوضه اللبس اغير هدومي عما تغيري هدومك ي شهد وساعديها ي فاطمه عشان دراعها بيوجعها
فاطمه: ماشي
وفهد دخل اوضه اللبس وفاطمه طلعت لشهد عبايه استقبالل بطرحتها و هي دخلت الحمام غسلت وشها وايديها وفاطمة معاها وطلعوا ولبست العبايه وفاطمه لبستها الطرحه واستنوا فهد عما يطلع
فهد كان لابس ترينج رياضي
فهد: خلصتي. يحبيبتي
شهد: اه لسه مخلصه
فهد: طب يلاا عشان نتغدي ونزلوا كلهم تحت وقعدوا ع السفره وكانت سلوي عامله باميه وجايبه جرجير عشان كل دا خضار زي م فهد قالهاا وعامله عصير برتقال وبرتقال بجزر وعصير لموون وفرواله وحطاهم جنب شهد وكل واحد جنبه كوبايته
شهد: ايه دا ي سوسو كل دي عصاير
سلوي: ولو فيه غيرها كمان كنت عملت والله لاازم تشربيها كلهاا وتاكلي الطبق الباميه كله وتخلصي الجرحير داا بردوو
شهذ: ليه كدا
فهد: الدكتوره قالت ان الاكل يبقي صحي ف قولت لسوسو تعمل اكل فيه خضار عشان كدا
شهد: ربنا يخليكوا لياا يارب وميحرمنيش منكوا
كلهم: ولا يحرمنا منك
فهد: بقولكوا ايه انتو هتباتو هناا كلكوا معانا واوض الضيوف كتيره وفيها حمامها كمان عشان متقلقوش ومتبقوش محروجين
صفاء: بس احنا ي حبييي مش هينفع نسيب الڤيلا وهي مش فيها حد لو اسد هيقعد ماشي بس انا و عمك مش هينفع
حسن: ايوه خليك انت هنا ي اسد وانا و صفاء هنروح
اسد: ماشي الي يريحكوا
محمود: وانا ي ابني مش هينفع اسيب البيت لوحده بردوو ف انا هروح انا و حنان وانت اقعد ي عمرو لو حابب
عنرو: ماشي. يبابا
يوسف: ماما انت مش هينفع اسيبك لوحدك لو هتروحي هنروح لو هتقعدي هنقعد
فيروز: لا ي حبيبي اقعد انت وانا هروح ابات هنااك انا مش باخد راحتي غير هنااك
علا: خلاص ي ماما يبقي هنيجي معاكي
فيروز: لا ي حبايبي اقعدوا هناا وانا هرووح هناك انا مش بعرف انام بره البيت وربنا يعلم ايام السخنه انا كنت بنام ازااي
سلوي: و هو البيت غريب عليكي دي مش اول مره تباتي
فيروز: والله المره الي فاتت م جالي نووم ف انا هروح اناام واول م اصحي هاجي وانت ي يوسف هتقعد هناا مع صحابك متقلقش علياا وكدا كدا طنط فوزيه هتيجي تبات معايا انهارده لان ابنها سافر الصعيد وهييحي كمان شهر ف هنونس بعض متقلقش
يوسف: والله لو مكنتيش قولتي ان طنط فوزيه جايه كنت هاجي انا انام معاكي
فيروز: لا ي حبيبي ربك مسهلهاا
فهد: طب الحمدلله اتغدوا بقاا وكل وااحد فيكوا يروح يجيب لبس ليه عشان البيات هيطوول
اسد: ماشي بس هنروح نجيب اللبس اخر السهره
فهد: ماشي
وكملوا اكل وبعدها خرجوا قعدوا ف الجنينه
عند الشباب...
فهد: عملت ايه جبت البذور
عمرو: اه اهي هتزعها امتي
فهد: بعد م شهد تنام هي بتصلي القيام وتنام وبعدين بتصحي تصلي الفجر وتنام ف انا بعد الفجر هبقي ازرعهاا
يوسف: وهتزرعها فيين
فهد: تحت البلكونه بتاع اوضتنا هعمل زي جنب كدا خااص بالورود دي بس هحاول اداريه لحد م يكبر ويظهر واعملهولها مفاجأة
عمرو: يارب بس هي تخف وتقوم بالسلامه
كلهم: يارب
عند البنات...
فاطمه: والله ابغي اقول لفهد اني هناام معاكي وهو ينام مع عمرو بس استحي
كلهم ضحكوا
شهد: م هو للاسف انا مش بعوف انام غير وهو جنبي
علا: الله الله ع الرومانسيه ربنا يخليكوا لبعض ي حبيبتي
شهذ: يارب ي لولي
ليلي: طب انا عندي فكره
كلهم بصولها باهتمام
وهي كملت وقالت: نخليهم يناموا ف الاستراحه واحنا ننام مع بعض
شهد: م هو للاسف لو انا وافقت هو مش هيوافق لانه مش هينام بعيد عني
فاطمه: قفلتيها ي ستت شهد
شهد: لا والله بس انا فعلا مش بعرف انام غير وهو جنبي ف مش هعرف انام وهو بعيد عني وهو كذلك
ليلي: ماشي هنعديهااا بس انتي بقاا طول اليوم هتبقي بتاعتنا
شهد: عنياا ليكوا ي ليلو
ليلي: يسلمولي عيونك ي قمر
فاطمه: الجلسه الجايه امتي
شهذ: كمان تلات ايام
علا: هتعدي ع خير ي حبيبتي وهتقومي بالسلامه
شهد: يارب
وكملوا قعدتهم مع بعض والساعه بقت 12 اسد وصل مامته وباباه ومحمود ركب هو وصفاء ف عربيته وعمرو مشي وراهم بعربيته ويوسف وصل مامته وكل واحد جاب لبس ليه ولمراته ورجعوا الڤيلا عن احمد فهد قال لكل واحد فيهم ع اوضته وكل واحد دخل اوضته ورتب هدومه وخد دش وصلوا القيام ونامو
عند فهد وشهد..
فهد: اتوضيتي ي حبيبتي
شهد: اه الحمدلله يلاا
فهد صلى بيها كالعاده وبعدها سبح ع ايديها وباس جبينها ورووا ااورد بتاعهم والاذكار وناموا ع السرير
فهد بيحرك ايده ع شعر شهد وبيقول اخيرا بقيتي معايا العيال مكانوش راضيين يسيبوكي تحت حتي تيجي تقعدي معايا
شهد ضحكت وقالت: انت غيران ولا ايه
فهد: الصراحه اه غيراان يعني ايه مرااتي تبقي قدامي عيني كدا ومش عارف اقعد معاها
شهد: اصلهم بينتقموا منك
فهد بصدمه: مني انااا!!! طب ليه
شهد: عشان هما كانوا عايزين ابات معاهم وانت تبات مع صحابك ف قولتلهم اني مش بعرف انام غير وانت جنبي وان انت بردو مش بتنام غير وانا جنبك ف اتغاظوا وقالوا اني بتاعهم من ساعه م اصحي لحد م اطلع هناا
فهد: ومين هيسمحلهم اصلاا بداا
شهد: ي حبيبي م انا معااك اهوو بص فترة الشغل كلكوا مش هتبقوا موجودين ف اكيد هنبقي مع بعض وبعد م تيجوا هبقي بتاعتك اتفقنا
فهد بمرح: اتفقنا
وناموا هما الاتنين وصحوا لما سمعوا اذان الفجر فهد نزل عشان يصلي ف الجامع لقا الرجاله كلهم متجمعين راحوا صلوا ف المسجد ورجعوا وهو طلع سبح ع ايديها وباس جبينها و شالها حطها ع السرير وعمل نفسه نايم جنبهاا لحد م هي غطت ف النوم وهو قام من ع السرير بالراحه ونزل تحت الجنينه وراح المنطقه الي تحت البلكونه بتاع اوضتهم وكان عمرو مستنيه تحت ومعاه زي حوض رخاام وفيه تربه ومحفور ع الرخام
"I will love you forever, my flower ♡"
وتحتها بشويه مكتوب
"always&forever ♡fahd&shahd"
فهد ابتسم اول م شافه لانه اتعمل زي م هو كان عايز بالظبط فهد خده من عمرو وحطه ف مكان مستخبي عشان محدش يشوفه وزرع البذور ورواها بالميه وطلع هو عمرو وكل واحد راح اوضته
تاني يووم..
صحيوا صلوا الضحي وسبح ع ايديها وباس جبينها ونزلوا لقوا الكل قاعد ع الفطار قعدوا يفطروا وبعدها كل واحد راح شغله والبنات فضلوا قاعدين مع بعض لحد وقت الغداا وكانو كلهم رجعوا م الشغل اتغدوا وبعدها حسن وصفاء وفيروز ومحمود وحنان جم وقضوا اليوم مع بعض وبعدها كل واحد فيهم روح والباقيين ناموا
وعدوا ال ٣ ايام علي خير وبسلام ع ابطالنا
