 |
رواية بيت الخبازه الجزء الثاني الفصل السادس والعشرون بقلم زهرة الرمان
يعني نفذتي كلامج اني كلت أخذهم وأطلع حتى خالي مايسمع تصرفاتج بالبيت تلحكيني هنا
وانت أخوها الساحلتك وراها مثل صخل ما سألتها شنو لاگيتني أختك بمكان مشبوه وجاي وياها
بالتلفون شگتلج اني أصبري
استبرق
عقيل تلاطش وياهم وعمو يسأل شنوووو كوثر هيج تحجي وياي تخبل اريد اهدأه ما كدرت
اني اصلا دفعت كوثر ولزمها عقيل
طلعهم واني أخذت عمو والجهال وصعدنه تكسي خليت عقيل وياهم بس كتله رايحه ماخذه عمو تعب مكدر يحجي وعمو يريد يهد وي عقيل
خفت عليه يتوتر أكثر ويتخربط
رجعنه للبيت ساعه واجه ياسين سولفتله وعمو يسولف لياسين كوثر دفعتني وتكلي لاتهش ولآ تنش يعني شنوو
ياسين
خالي انت تاج ع روسنه معليك بيها هاي تغار ورعنه
موفق
لازم اكو اليردها شنو تتفرعن
استبرق
بقئ يسولف وشكل لسانه بالأحرف متت قهر سكته بطريقه حلوه ياسين
بقئ يسولف وياه ع الوضع الأمني وسياسه بقى يمنه لوقت متأخر لحد ما نام عمو موفق
ياسين
نجي ونحجي مو وكتها وارجع للبيت لاتصير طفل إلى متى تبقى ماتتحمل مسؤؤليه ولك مره متعرف تقشمرها بكلمتين
عقيل
أبو يزن انت مو شفت أسلوبها وكأن هي بت التجار وإني ابن العبد اليشغل حدقچي بقصر ابوها
كافي شنو وين رايح هذول لاتروحلهم
ندخل على كرايب هاي لاتسلم عليها
هاي عدها عقده تحس نفسها أقل من الناس
ياسين
لك بابا افهم افهم علمها ع طباعك سرك لاتخلي يطلع من بيتك
. عقيل
أي وهذا التلفون إلي شادته بربطه بأذنها اربع وعشرين ساعة تبث اخبار الشرقيه ماتلحكها لامها
وتنكلب طنطل ورا مكالماتها
ياسين
والله كلام أبوي الله يرحمه صحيح المثلك أنت وياسر ماتتزوجون
عقيل
كول إني ماعندي حظ
ياسين.
ماله دخله الحظ
أنت عصبي وما تتحمل مسؤوليه سربوت
استبرق
تركته يسولف ورحت كويت ملابس هبه وعلي
من باب الصاله سمعت استبرق
طلعت
ياسين
إني رايح تحتاجين شي
استبرق
سلامتك
بعد حادثه عقيل وزوجته إني بديت ادور على ممرضه ومواصفات خاصه
ام رحمن رشحت بنيه عمرهة بالاربعين داخله
ممرضه بس مسويه خطأ طبي ومفصوله وتشتغل كلشي تنظف تطبخ كلشي تردين كالت ام رحمن
دزيت عليها كلت ما اخليها تنطي لأ ابره ولاتعلك مغذي
بس اشوف تساعدني بالبيت مامبين عليها العمر زينه ما متزوجه
بيتها قريب تقريبا نفس المنطقه بقت مساله الامانه
أم رحمن كالت اضمنلجياها جانت ببيت أبو سعد ام سعد ثلاث سنوات مقعده وهي تساعدهم
اتصلت على ياسين بلغته يجي يشوفها
اجه هو وقشعم جان موجود
ورضا
اقتنعوا بيها
نتناوب إني وهي بمراقبه عمو موفق بس اكله إني اسوي علاجه إني اتابعه هي أكثر الاوقات بس تلاحض تحركاته أو خلاها تقراله كتب ميحب النظارات
يوم ورا يوم تأقلمت على الوضع بديت اعرف علامات من يبدي ينسى
شيرين البنيه هواية ساعدتتي
عدها خبره مع المرضى
ممتزوجه
يجون بقوا اولاد أخت عمو
صفا تمر هم بس مع ذلك ما أأمن واترك عمو يم أحد
اجه اليوم عقيل بعد شهر من صارت المشكله وي كوثر زوجته
بس بدون كلام كعد يم عمو موفق وبقى وياه لحد ما نام
عمو بيومها مزاجه مو هلكد وهذا أحد أعراض المشاكل البدماغ كال الطبيب تتقلب حالته المزاجيه وعصبي يجوز يصير بعدين بس لحد الان هو بس تعكر بمزاجه وإني مهياه نفسي لكل الأعراض إلي گالها الطبيب
من نام عمو موفق
إني بالمطبخ
صدفت هاي دوام بعد العطله نص السنه
عقيل
استبرق عندج جاي
استبرق
أي هسه اصبلك
عقيل
بكوب جبير مو استكان
استبرق
صبيت جاي وهو برا كاعد بالحديقه
شهر الثالث كسر الوكت
مشمس
الجو زين
عقيل
هاي يوميه هيج صاير خالي
استبرق
لأ هذا التقلب المزاجي گال عنه الطبيب مرحله متوقعه لعمو من يكعد يصير احسن
عقيل
عندج شغل
استبرق
لأ ماعندي تفضل
عقيل
أعتذر نيابه عن السوته كوثر
استبرق
ليش تعتذر نيابه عنها
عقيل
لأن زوجتي
استبرق
على العموم ما اثرت عليه من غلطت وصيحت الضوجني عمو موفق ماريد احد يحسسه بضعفه او بنقص منه
عقيل
هي رعنه
استبرق
بوكتها عمو موفق اهم من الصار بس لو وحدنه جان خليت حد لرعونيتها
ما اسكتلها
عقيل
هي لو باقيه عليها والله زينه بس امها برأسها
استبرق
زينه مو زينه على نفسها عقيل
المهم تعرف حدودها وما تخرب إلي صار كم شهر ابني إني أريد عمو ما ينقهر او يحس بعجز مهما كان الثمن وأي شي يغثه ابعده عن طريقه
عقيل
شتقصدين إني اجيبله مغثه وما مرغوب بيه
. استبرق
أنت مشاكلك مع زوجتك ماتهمني بس اهم شي ما تجي هنا وتخلي كوثر تجي وراك وتسوي مشاكل تضر عمو موفق
عقيل
يعني تقصدين مااجي لخالي
استبرق
ما كلت هيج لاتقولني شي ما گايلتهه
كلت خلي حدود
افصل
ترا إني اسمع مشاكلها وياك هنا من تخابرها
ويم عمو موفق
وهالشي يأثر على نفسيته
من عمو موفق ينسى يبقى ساكت ويسمع ويسوي نفسه نايم يعني يسمع ويريط الأحداث وهذا يتعبه
الاحجي عنه خالك ومريض
عقيل
مفهوم مفهوم
استبرق
قلت جيات عقيل وأعرف زوجته متقبل
اليوم عمو زين طبيعي لدرجه حتى إني أحس عمو بأيام شخصيته القديمه
كعد تريك
موفق
تدرين اليوم شكد بالشهر
استبرق
اعرف اليوم بس ردت اختبر عمو يتذكر لأ عمو ماعرف
موفق
اليوم دوره سنه خديجه
خابري قشعم يجيب ذبيحه وإني راح اخابر معتصم ابن نضال شيف
يطبخلنه واعزم رضا واخوانه ونضال بلكي تجي وكل عوائلهم
استبررق
عمو بتذكرچ يمه بچيت
وعمو ورا صلاه الضهر بقى كاعد على سجاده الصلاه هواي وقرا قرآن
شيرين وياي ومعتصم اجه وطبخ
واجو عوائل اخواته
وانجمعوا
يشوفون عمو موفق والكل يدري بس متحاشين أي حديث زياده
اجت كوثر بس إني اغلي منها
ام يزن وياي تساعدني لحد ما صبينه الغدا والكل تغدا وعمو كلساع وهو كاعد وياهم اروح اشوفه وارجع وهو يشوفني ويكول
هاا بنياتي شبيج اضحك اكله ماكو شي الكل يعرف اني اشوفه
رجعت لملمت الأكل عزلت لاولاد اخو شيرين تأخذ لبيت اخوها اكل ولبيت ام رحمن
إني وشيرين بالمطبخ ودخلوا جهال طلعتهم لأن خفت ينگلبون على الجدوره صاير المطبخ هوسه
وصيت صفا تنتبه للجهال
بس هم جهال تعاركوا حفيد رضا وعلي ع البلي ستيشن
دخلت على الهوسه اريد اسكتهم لأن عمو ميتحمل صاير صوت عالي
لگيت علي مضروب بعينه اخذته بدون كلام للمطبخ خليت على گصتهه فوك عيونه صارت نفخه خليت ثلج واسكت بعلي يهد ويبجي
دخلت مرت ابن رضا تتعذر لعلي هاك روح اشتري تكله
ودخلت صفا
راحت چنه رضا
صفا
تدرين ما صدكت هبه تكول كوثر تكللهم منو يكتل بلا منو البطل وخلتهم يتعاركون
استبرق
إذن انتبهي لاخوانج إني مشغوله يمعوده اطفال همه لاتنفگس عين واحد أنوب بداخلي ما احجي وي كوثر خير شر
للمغرب اكثرهم راحوا
حتى صفا وقشعم مقبلوا يبقون لليل باجر يروح للدوام قشعم رادو يرحون
تعالي هبه يلا قربت الامتحانات اليوم فري ما قريتي
هبه
بطني توجعني ماكدر اقرأ
استبرق
من الحلويات فرصه انجمعوا الجهال وكلساع للمحل
هبه
اريد انام
استبرق
هباوي شبيج
هبه مابيه
استبرق
كالت مابيه وبچت
يمه خيه شبيج تعالي اخذتها لحضني
شبيج
هبه
اسالج بس لاتجذبين
استبرق
اسألي شبيج
هبه
صدك بابه راح يموت وأنتي تتركيته وتروحين
استبرق
لااااشنو هذا الكلام لا خيتي اسم الله اسم الله على بابا
وشلون اعيفج أنتي وعلي إلا إذا اموت
منووو هيج گلج
هبه
هيج سؤال
استبرق
لأ احجي منووو جمانه بت رضا كالتلج باعتبار طفله وبعمرها كلت
هبه
لأ مو هي
استبرق
منووو لعد
هبه
كوثر
استبرق
اياااااا هبه هبه لأ حبيبتي مو صحيح
هبه
لأ صدك أبوي مريض ويموت هي كالت
وأنتي مو اختنه الصدكيه
استبرق
ايا ادبسزز بگلبي
متصدكين بيه
هيه ماكدر اصدك ماكدر
استبرق
كالت ماكدر اصدك وبچت
تجننت هاي مراح تصدك
طلعت من الغرفه
شيرين تريد تروح
وينج شيرين عيوني اريدج تبقين كبال عمو موفق
وعلي يمج هسه ارجع
شيرين
وين رايحه استبرق
استبرق
اروح اخلي هاي الطفله تصدك بيه
تعالي هبه سحبته من أيدها وطلعت ما اندل بالضبط بيت عقيل وين بعد رجعها عزلها نوعاً ما قريب علينه
مشيت افور أتصلت على عقيل
عقيل
أهلا استبرق خير خالي بيه شي
استبرق
لأ اطمأن زين خالك بس ممكن اعرف وين بيتك مو قريب على.......
عقيل
بين الاستغراب والجواب دليتها ببيتي
استبررق
طبكت السيارة شفت عقيل بالباب
ووين زوجتك
عقيل
خير خير
استبرق
جاي أسألك زوجتك وين جاي احجي بهدوء
عقيل
تفضلي جوه
استبرق
دخلت اجت من الغرفه وجها مصدوم
وينج هبه اسمعي
كوثر شنو الخلاج تكولين عمو موفق راح يموت
كوثر
شنووو إني ما كايله
استبرق
لااا كايله هبه هاااي الكالت لو غيرها ما تثقين بكلامي اسمعي جوابها إذا واثقه بكلامها جااوبي كوثر منوووو كلج عمو موفق راح يموت عمو مريض أي بس يموت منو كلج
كوثر مااا كلت يموت
استبرق
يعني ما گايله لهبه
كوثر
شنو جايه هاده عليه تشمرين جذب عليه محاجيه
استبرق.
يعني ما كلتي لهبه استبرق تترككم وتروح
سمعتي هبه كلامها مو صحيح ولهذا نكرت
كوثر
جايبه طفله تشهدينها شنو تخبلتي أنتي هم
. استبرق
جاااوبي على كد كلمتي كولي تعرفين أنتي دكتور كايلج عمو موفق يموت
كوثر
بنتره لااااا
استبرق نزلت لمستوى هبه سمعتي كوثر مسامعه من أي أحد هيج تحجي وإني ما اعيفكم لو اموت صدكتي
هبه
أي
استبرق
هاج اخذي السويج اصعدي وهسه اجي وراج
شوفي
خاف عبالج فوتت سالفه دفعتج وغلطج عليه بالمطعم ضعف لاولج مو ضعف لاجل عمو موفق سكتت بس بالج واياج اسمعج تحجين وي خواني فهمتي وإذا ماتجين سويين فضل شنو من عقل تخوفين طفله
ولو العرگ دساس أمج تهدد بأمي عليمن اطلعين بس إني ما اتهدد بيت عمو موفق بيتي وولده اخواني
وإلي يخدش ولو خدش اخواني اشرحه وربج جربي وشوفي
عقيل
شبيج أنتي مثل العاصفه اهدائي شنو
القصه كالتلج ما. حاجيه شنو قصدج متردين نجي لخالنه
استبرق
اليريد يجي بدون احترامه لايجي
مشيت بسرعه وصعدت السياره بست هبه
صدكتي كوثر كالت مادري
لازم تثقين بيه هبه إني اختج ومحد يكدر يسويلكم أي شيء وإني عايشه
صيري قويه إني بعمرج شحده اليندك بيه
اليگلج شي كليله اختي استبرق وياي
وتعاليلي اخذلج حقج من عيونه اين كان
عقيل
شكم مره كتلج معليج بالعالم معليج بأحد تحجين لطفله تخوفينها ليش شعليج بيهم
كوثر
شوفها شوف شلون صلفه هاي جايه تشوفك تريدك هيج تعصب هذا التسوي غايتها ا تخليك تحجي عليه ميته غيره مبينه
عقيل
بلا ما خجلتي لازمه طفله تكليلها ابوج راح يموت اختج نتركهم
على شنو تغاار على تصرفاتج الغبيه
كم مره كلت يا بت الناس معليج بأحد
استبرق
رجعت للبيت عمو نايم شيرين كاعده يمه روحي حبيبتي ارتاحي بقيت ادرس بهبه وخليتها تنام يمي مطمانه
بعد كم يوم اجت ام يزن وابو يزن سولفتلي شلون كوثر مشتكيتلهم بس محد مشكيها بس رضا مجاوبها
رضا
خلي البنيه اداري خالنه لاتسوين مشاكل وياها
مو صار شكد نروح ليش ما كالت فلان كال لهبه هيج او حجه لو مثل ما تكولين ماتريدنه ندخل لبيت خالي موفق لأن باسمها البيت
ما كشت بوجه احد ولا قصرت بضيافه وحتى من ضاع خالي موفق بقينه نلوم ونحجي ما جاوبت بأن حست هي غلطانه البنيه
كلنه عدنه مشاغل اكعدي ببيتج واسكتي
ام يزن
گاللها لاترحين بعد ما كشت بوجه احد ولا كالت فلان حجه ولا علان كال شمعنئ ارتكبت عليج وسكتها
استبرق
وداعتج متهمني بس هبه طفله وبقت تبجي ماهان عليه احد بعد يضوجها إني ماره بهاي الاشياء ماريد اختي تنحط بنفس الصار بيه
بعد هاي الأيام ماشفت عقيل
شيرين أخذي أي ملابس تعجبج يلا تاخرنه
موفق
وين رايحين
استبرق
لحفله تخرج صفا
موفق
اها تمام
استبرق
لبس قاط ورباط وخليت بمحفضته رقم تلفوني وتلقون صفا
واسمه الكامل وعنوان بيتنه
لبس علي قاط بلون قاط عمو موفق
هبه وإني وشيرين وتميم بدلتله تحضرنه واجه قشعم
أخذ تميم كعد عمو موفق بالصدر التفت على قشعم إني جاي اصعد بالجهال
موفق
منو أنت
قشعم
السايق
استبرق
جان الصبح زين اشو هسه وضعه بده ساعه يتسى وساعه يتذكر شئ من الماضي
وصلنه لكليه صفا
اجواء مفرحه صفا اجت واخذت ايد عمو
صفا
عمو أنت لبسني القبعه
استبرق
عمو شنو نكله يسوي بس وجهه واضح عليه الاستغراب بس احنه نكول بينه هذا الشخص إلي وصلنه لبر أمان هذا إلي سهر وتعب حتى ناخذ شهاده
خلصناها بجي إني وصفا
نتمنى أمي ويانه نتمنى عمو موفق زين بحيله القديم
اخذنه صور هواية وعمو ما ترك أيدي مثل طفل
قشعم بيده تميم وعلي ويهوس الهم وفرحان بصفا ورجعنا
عمو أول ما دخلنه بده يعيط طلعوني حمييير طلعوني اريد الزمه ما كدرت لأ إني ولا شيرين
قشعم وصفا راحوا لبيتهم
يربي عمو شجرالك
شيرين أخذي هبه وعلي اصعدي لهيهم
شيرين
خاف ياذيج
استبرق
لالا راحوا
اطلع اطلع من السجن
موفق
ليييش اضربوني هااا
استبرق
سحب الرباط شمره والستره يشمر بيده وانضرب بحافه الكنتور حيل ركضت ايده توجعه كعد مثل الطفل يبجي
إني بجيت أكثر منه سحبت الابره وضربته بقى متكا شويه وانوب غفا
گابلته وبقيت ابجي
شيرين
تعالي استبرق
الجهال نامو
وسيد موفق نام بدلي وارتاحي
بدلت واجيت للمطبخ احنه أصلا تعشينه برا اجينه متأخرين ومحتفلين بصفا
سويت جاي
شيرين
اليوم ابات هنا بيت أخوي راحوا للكوت لاهلها
جان اخر يوم امتحانات الابتدائيه
استبرق
شربين جاي
شيرين
إني اصبلي
استبرق
من اخوج وزوجته جانو يرحون للكوت تبقين وحدج ؟؟
شيرين
بضحكه استهزاء ليش شنو يفرق استبرق وجودهم او عدمه
استبرق
زين ولو سؤال فضولي شنو الخطا الطبي السويتي وانفصلتي
شيرين
بزمن قبل ٢٠٠٣
جنت منرضه بمستشفى.....حكومي
بفترتها أمي مشلوله ومحد الها هذا أخوي عسكري واختي الثانيه متزوجه أكبر مني
إني إلي ملتهيه بأمي جان تلفون ارضي اتصلوا عليه للمستشفى كالت جيرانه اامن أمي يمها كالت تخربطت تعالي إني مخليه رقم المستشفى يمها
اكو مره جبيره عدها ابره تفتر وراي ضربتها غلط
اجاني ضبط واحضار بيوم ما أمي توفت لأن من رحت لكيت أمي تجالع ماتت صار مجلس تحقيق عليه والناس أهل المراه رفعوا عليه فضيه ضربت امهم ابره غلط وصار برجلها شلل هو مو شلل انما ضربه صارت على العصب انفصلت وانطيت كل الذهب العند أمي وعندي والمشتغلته كله سديت فصلهم وانفصلت وبقيت يم اخوي اشتغل كلشي صرت حتى اساعده تزوج وبقى معتمد عليه وليومج البيت ورث بينه إني وهوه
استبرق
متندمه ؟؟؟
شيرين إذا على رعاية أمي مو اي احد الله يرزقه بر بوالديه
وإذا قصدج على عملي إني اكول درس علمني افصل كلشي ينعطاله لازم حقه وتبقى اراده الله فوق الكل
بس بشأن حياتي متندمه هواية
استبرق
شلون
شيرين
لأن ماتزوجت لأن اخذتني الدنيا واشتغل وما انتبهت تسرب العمر من ايدي لأ طفل لأ زوج لابيت
استبرق
بعطله أخير السنه اجه عمو عمار وجاب كل عائلته فرحني بجيتهم زارو وطلعنه وجانت أحلى زياره النه منهم
فضل حسيته متغير صاير اثگل من قبل واهدأه
وحتى سؤاله عليه حسيته بيه حنيه مثل حنان أبوي قبل
فطومه عقده استشهاد زوجها بقت ملازمه الها بس الدوام فاده
تمر الأيام وحاله عمو موفق احس تتحسن بعد ما اخذنا إني وقشعم كال الطبيب افضل مما جنت اتوقع واكدت للطبيب مايحتاج نسفره وجان كل الأطباء رأيهم ما يغير الأطباء هناك بشي
شكد صارلج ماجايه شكوو
ام يزن
لوما طلعنه نسجل زيوني مدرسه وفحص وكذا جان هم ما طلعت
استبرق
شكوو ليش
ام يزن
عقيل طلك مرته ويوميه مشكله والمصيبه هاي الطلاك لثالث مره وهو جان قاصد يطلكها حتى محد يرجعها إله
استبرق
ام يزن اسمحيلي شنو مغصوب
أم يزن
أخاف اكلج وما تصدكين وربج رضا أي
استبرق
وشغاصبه
ام يزن
امها تجي لرضا وتبقى تعد وتصف يكسر بتي وبشبابها ومطلكه اوووووو كم مره يطردون عقيل بسببها
اكول سبحان الله الرحم الشال باجي انعام الله يرحمها نفسه رحم الشال ام ياس
حتى اولادها تحاربهم ماعرف خربت بيت بتها بتدخلها وماتقنع وعلمت بتها لا تعرف القناعه وتتدخل بحياه الناس
استبرق
لاحول ولا قوة الا بالله بس سؤال همه صار هواية متزوجين شعجب ما عدهم اطفال
ام يزن
والله اشك عقيل مسويله حيله ميريد جهال مره زل لسانه وعدل الكلمه عرفته ميريد جهال
استبرق
بعد ما سمعت عقيل طلگ زوجته صحيح إني اكره تصرفاتها بس هم انقهرت بيت يخرب
وعقيل ما شفناه بعد
بس ام يزن تكول روحه بالسفر يتونس ويرجع
اليوم شيرين عدها معامله ما اجت اخذت اجازه
قشعم
حضري هبه وعلي اخذهم للالعاب ماتجون أنتي والسيد تغيرون جو
استبرق
لأ قشعم عمو موفق اليوم رجليه يوجعنه خليتله زيت الزيتون وفركته وبعده موجوع
روحو انتوا
مر أخذ هبه وعلي وياهم مشتري سياره قشعم وماخذ حتى اخوانه
غسلت رجلين عمو موفق
ونشفتهن
طلعتله ملابس غير ملابسه بدلتله
فاتحه كنتوره جنت ما افتح خانه ملابس الغيارات الداخليه بيس اغسلهن واصفطهن
بس ما مباوعه بالكنتور
ع ارضيه الكنتور شفت صور ودفاتر
تمدد عمو يباوع على التلفزيون ويگلب
وإني صايره وراه صوره لامي وعمو موفق لازم ايدها مبينه بالامام الكاظم ماخذين صوره من ذولي المصورين
عيوني انملت دموع
سحبت ورقه وكعت ا
خصله شعر يااايمه هاي ضفيره أمي
شميتها وبچيت بشهكه انتبهت صوتي عله تقربت عمو نايم اخذت كلنكس وغطيت حلكي بقيت ابجي واگلب صوره بيها إني وصفا ومروه وأمي وبيبي سنيه صوره بعرس ابن ام رحمن
دفتر مروه اقلاامها
خط أمي كعدت بالكاع بديت اقرأ كتابات أمي عمو موفق محتفظ بيهن
أمي إلي توصي عمو موفق بينه توصي عمو عمار بينه
شلون خايفه من ام ياس مهددتها وعمو سولفها الها مره من طردهن على الورث
مدنگه وابجي حسيت عطر بالغرفه رفعت راسي
عقيل
شدخلك
عقيل
ابوابكم كلها مفتوحه ترا
استبرق
تذكرت هبه ماعرف شنست ومن رجعت ما سديت الباب بقيت يم عمو موفق
عقيل
شلونج استبرق
استبرق
الحمد لله
عقيل
ليش تبجين
استبرق
صور وذكريات وكعن بيدي ورجعني لايام
عقيل
الله يكون بالعون
استبرق
الحمد لله على السلامه
عقيل.
الله يسلمج بس على شنو الحمد لله على السلامه
استبرق
مو كالو مسافر
عقيل
ياا سفر جنت خاتل كلتلهم سافرت
استبرق
بسبب الصار
عقيل
هواية أسباب ردت اختفي
استبرق
وهسه فاد اختفاءك شي
عقيل
رجعني لنفس النقطه
استبرق
اذن الاختفاء مو حل
عقيل
برأيج اغير الخطه
استبرق
هسه أنت جنت مختفي جوعان لولا
عقيل
تصدكين من البارحه مماكل ولا أدري جوعان أولا
استبرق
هسه اجيبلك أكل
رحت للمطبخ سويتله اكل واجيت لكيته غافي على سرير علي
رجعت الأكل وخليت كرسي كبال عمو موفق وبعدني اكلب بدفتر امي
عقيل
شنو ما صدكتي رجعتي تبجين
استبررق
خليت ايدي على گلبي كمزتني
عقيل
هو هيج اليبجي ويكمز
استبرق
شنو
عقيل
اكلج الأكل الأكل اكلتي شمرتي للبزازين
استبرق
لأ غطيته هسه اجيبه
عقيل
يلا غطيتيه تلكينه هم نام جيبي
استبرق
ياكل وإني يم عمو موفق وهو يمي
عقيل
أخاف اكلج تفضلي وياي بسم الله
وتاكلبن الأكل وتخليني
استبرق
بالعافيه ماريد
خلص الأكل وكعد
عقيل
استبرق
استبررق
ها
عقيل
اريد اكلج سبب الاختفاء
استبرق
كول
عقيل
أنتي
