 |
رواية بيت الخبازه الجزء الثاني الفصل الثامن والعشرون بقلم زهرة الرمان
عاصره ايدي حيل واغمض معقولة اكو مشاعر نتوقع راحت بعدها نعرف هاي المشاعر مثل مكتبه وبيها كتب مغلقه وجائز متروكه وعليها غبار
مجرد أحد يقرأ العنوان يتذكر حتى الشعور بكل سطر من كنا نقرأه
لكن السحر الأول يتحول إلى مشاعر مختلفه اللهفه مختلفه نصير ندارك الاندفاع نخلي حدود على حروفنا ننظر بحذر
غمضت وكأن بهذا البيت اني هنااك سيف من خيط وجهي من انضربت
بهاي الغرفه ياما ساعدني سيف ياما والياما اسولف بگلبي فززني كلام فطومه
فطومه
معقوله جايب كل عائلته
كلشي ما سمعنا عنه من تزوج لليوم
واجه اليوم شتتوقعين
استبرق
ماريد اتوقع فات الاوان
كعدت يم عمه عزيزه وسرى
بعده أول الصبح البنات من الكرايب يشيلن بالفراش وإيمان وبناتها كاعدات بالصاله
سرى
شو تأخرتن
فطومه
يمه صار ساعه ونص من طلعت الشمس شلقصه
استبرق
بقيت اتصفح بوجوه الموجودين معقول زوجه سيف وياه بس هاي الثواني خلتني افقد أي كلام سكتت
فطومه
عمه هاي منوو
عزيزه
هاي ودق بت سيف مساعه وصلو
استبرق
التفتت على كلمه عمه عزيزه من كالت بنت سيف
طفله عمرها 3/4سنين
شكلها واضح تشبه امها لأن ماتشبه سيف أبد
شويه واجت زوجه عمو رشيد وياها وحده ماعرفها
فطومه
مامه هاي منوو
سرئ
المربيه مال ودق
فطومه
وامها وعنده بعد اطفال
سرى
لأ بس ودق وامها مسافره لغير ولايه وبس سيف والمربيه جايين
استبرق
اسمع وعيوني على الطفله
زادت اليوم الفاتحه والناس كثرو وهوسه الفاتحه
طلعت للمطبخ
المربيه مال ودق ماخذتها وطالعين شفتهم وسيف وياهم
رجعت ماحبيت يشوفني
بقينه بيومها لليل ناس تروح وناس تجي بس بعد ما شفت لأ المربيه ولا ودق ولا حتى سيف
خابرت على عمو عمار اروح لبيتهم خلي الولد يجيبون السياره
طلعنه إني وفطومه
فطومه
عندج برستو ل رأسي يوجعني
استبرق
نمشي برا
من اوصل للسيارة انطيج اخذي مي وياج
وصلنه للسياره فضل عنده السويج اشر اصعدي
هو يوصلنه صعدت ادور على البراستول
وسمعت باب الوراي انفتح صعد احد توقعت واحد من ولد عمو عمار
يلا فضل امشي الناس هوسه يم الجادر
فضل
أي صار
استبرق
التفتت اريد انطي لفطومه العلاج صار بوجهي. سيف
سيف
سلمت ما سمعتي شلونج استبرق
استبرق
انحبست انفاسي
أهلا سيف
فطومه
مندمجه وي الچكمچه أبو ودق سلم عليج وغمزتلها
استبرق
خزرت فطومه
رايح لبيت عمو عمار
سيف
لأ لبيت رشيد هناك بنتي ومربيتها
شمروني بطريقكم
استبرق
صار وراي هو طبيعي يسولف وي فطومه
فطومه
شعجب ما اجت ام ودق نتعرف عليها
سيف
حاليا هي هسه فتره يلا ترجع مو مثل نسوانه هنا تون على جهالها وشلون نام وما مغطيتهم ومعشيتهم عدها دراسه تخصص
وماكدر افرض عليها ماتكمل دراستها وطموحها
خلينه مربيه الها بس إني عراقي اخليها على المربيه وداعتج إلا اخليها حتى لهجتها من ولايتنه هههه
فطومه ووالله وكفوو ابن عمي يعني بعد كم سنه تجي توكفلي وتحجي مثلنه
زين سيف ليش انقطعت من تزوجت للان مسمعنا اخبارك
سيف
لأ جنت اتواصل وي ميثم وادز علاجات لامي وأبوي بس إني مريت بفتره هم شغل اشتغل وادرس بحيث ما الحك انام وصارت ودق وإني عندي دراسة خليت مسؤليتهه على امها شويه بس لأن ثنينه نشتغل خلينه هاي مربيه عربيه اختاريتها قريبه على وضعنه عراقيه امها و ابوها سوري هناك لكيتها والحمد لله طلعت خوش مره ومساعدتنه بودق
هنا هنا فضولي
وعلى اتفاقنن تكمل دراسه وإني اساعدك بالي گتلك عليه
مع السلامه اشوفكم على خير
استبرق
نزل لبيت عمو رشيد التفتت
شنو وعدك سيف
فضل
گال اكدر اسحبك إلا إذا تكمل كليه وتطلع من الاوائل
استبرق
وصلته لبيت عمو عمار
ودخلت للفراش كبل فطومه لأن مصدعه
وفضل جوه هو وحسوني إني تمددت واتكات على الحايط واسترجع كل كلمه وحركه وتصرف
صارت عنده بنيه وعائله
طبعاً استبرق شتردين مثلا يبقى
مو كم مره توسل بيج ورجع علمودج
بس إني شبديه مثلا غير جانت الضروف
هاي هيه ضروفج وهو خوما يبقى معطل حياته بسبب ضروفج
لازم الحياه تستمر وخيرج بين أن يرجع علمودج وما قبلتي
وإني صاحبه بخت ارجعه ويهدم كل إلي سواه بسنين علمود يتزوجني ووره ما يتزوجتي يبقى كم سنه يكره حياته بوضع العراق المامستقر
لاتلومين لعد كلمن أخذ نصيبه وسيف بالنسبه الج نصيب ما صار
لو موافقه وتاركه اهلي منو لعمو موفق منو لاخواني منو لصفا إلي لهسه اطبخيلها وتساعدينها بابنها تعتبر هم تحتاج عنايه والحمد لله قشعم زين الها
زين ليش عاملني ببرود وما كأن جان يحبني
ليش تردين يعاملج بغير معامله وهو عنده بعد زوجه شنو هالانانيه اششش استبرق
الطبيعي يعاملج بحدود فقط رابطه الدم وخلص شتردين يبجي ويكلج بعدني احبج او تزوجت وبعدني احبج اسكتي استبرق
ليلتها ما كدرت انام شئ اثكل من قوتي جذم على گلبي
شعور مجاي افهمه حاقده على سيف لو
متندمه لو لأن جانت عندي مشاعر اتجاهه
يعني لو متزوج بالعراق وقريب على حياتي يمكن هذا إلي إني بيه حالياً جان وكف حياتي العاطفه نوبات تأذي إذا تتصادم مع واقع منكدر نغيره لصالح عاطفتنه
همزين لعد رب العالمين بعرف هيج يصير بيه وخلاه يتزوج ويبعد مني حتى ما احس هذا الإحساس اليوم
إذن أذان الفجر صليت وبدلت
كعدت فطومه
إني راجعه لبغداد قبل الازدحام
فطومه
ليش ما تبقين اليوم
استبرق
ماكدر بالي يم عمو موفق والجهال
هاي الفلوس كل ضرف كاتبه اسم عليه خلي عمه سرى تنطي الكل
بعدين نتواصل
فطومه
خل اسويلج على الأقل ريوك
+
استبرق
والله ما اشتهي
قبل شويه شربت كهوه ولازم اطلع
فطومه
أنتي زينه استبرق
. استبرق
زينه حبيبتي
فطوم
اشو وجهج اليوم احسه حتى وارم
استبرق
من يتغير مكاني ماكدر انام يلا بوسه
طلعت حسوني وفضل نايمين بالصاله
طلعت الشمس بوجهي هسه تريد تطلع
مشيت وكل شارع بيه اليه ذكرى من طفولتي لحد ما طلعت وإني دموعي بعيوني وهاي إني اليوم شبيج استبرق تبچين ليش دموعي تنزل بدون صوت
معقوله لهدرجه تحبين سيف
لأ لأ ما احبه بس لأن جنت محرومه من الاهتمام وهو أول إنسان اهتم بيه وعرف شنو أحب وأكره هو أول إنسان ما اذاني ساعدني
إني جنت لساني طويل وياما جنت اسمعه كلام عمره ما رد بكلمه مو حلوه
لهذا هيج إنسان من يتركنه نفتقد شخص يوكفلنه بدون مصلحه أو مقابل
مسحت دموعي
الله يوفقك ابو ودق كافي استبرق
وصلت للبيت اسمع شيرين تسولف بالتلفون وتبجي
هاا شيرين خير
شيرين
هله استبرق جبر الله مصابكم
استبرق
الحمدلله على كل حال شكوو تبجين ومنو جان يحجي وياج
شيرين
أخوي
استبرق
شبيه
شيرين
خليها بعدين ارتاحي جايه أنتي من سفر
استبرق
عمو موفق شلونه والجهال
شيرين
زينين البارحه جانو كرايبهم كلهم هنا جابو عشاهم وتعشو يمه
استبرق
منو
شيرين
رضا واخوانه ووحده اجت اسمها قنديل
استبرق
قنديل جايه جانت بإيران صار سنتين شعجب
دخلت لعمو موفق
موفق
وين بنياتي وينج صار اسبوع
استبرق
حضنته عمو هنه يومين شلون اسبوع
موفق
كل يوم بثلاث ايام عندي
استبررق
حبيبي عمو بعد ما أروح واعيفك
بقه هو وعلي وهبه يتناقشون يريد ياخذهم عمو موفق للمزرعه
وصفا وتميم بعدهم نايمين دخلت صفا مثل وحام امي تنام وتنعس هواية
فتت لغرفتي بدلت دك التلفون
فطومه
شلونج استبرق وصلتي عيوني
استبرق
أي هسه وصلت
فطومه
أمي وعمه عزيزه والبنات بقو يحجون عليه بسببج لأن نطيتهم الضروف
استبرق
هذا واجب ميصير
فطومه
إمي تكلج نردها بزواجج وفرح أن شاء الله
استبرق بگلبي حجيت زواجي يازواج بعد
حبيبتي سلميلي على الكل
بيومها اخذت مسكن ونمت
كعدت على صوت شيرين
شيرين
اكعدي استبرق
اجو ناس لسيد موفق
استبرق
منو الناس
لبست وطلعت ثنين رياجيل ماعرفهم
تفضلوا منو تردون
بس احس واحد شايفته بس وين مجاي اتذكر
رامي
إني رامي ابن اخو موفق
استبرق
أي أي عرفتك أهلا أهلا الحمد لله على السلامه تفضلوا راح يفرح
فتحت غرفة عمو موفق
يمه هبه وعلي
رامي
عمي شلونك
استبرق
بقئ عمو موفق مركز بوجهه بعدين كال رامممي ويشكلن الحروف عنده
حضنوا بعض والرجال الوياه ماعرفه
بقئ بسوال شلونك وشخبارك خليتهم وشيرين هي التضيف
صرت اتحاشئ اي أحد يجي لعمو موفق
بقيت بالمطبخ اجت هبه يمي بابا يريدج
دخلت للغرفه
موفق
تعالي بنياتي
رامي يريدج
استبررق
تفضل
رامي
إني صار اسبوع من اجيت لبغداد قبل هاي المده مجان اعرف بالاحداث الجديدة
استبرق
بقيت ااشرله ماريد عمو موفق يعرف بنفسه مريض
رامي
عمو ميخالف يبقى خالد يمك شويه وإني اروح للمطبخ
موفق
أخذ راحتك ابني هذا بيتك
استبرق
مشيت كدامه وصلنه للمطبخ
رامي
شنو الموضوع
استبررق
الموضوع ماريد عمو موفق يعرف بأنه مريض جزء من علاجه ان نخلي بمستوى هادئ ومنخلي يتعرض للضغوط أو التفكير
رامي
غلللط المفروض المريض يعرف مرضه حتى يساعد الحواليه هاي نضريات عاطفه مالها علاقه بالصحه
استبرق
اخ رامي إلي ما تعرفه هسه يلا وصلنه لمرحله التقليل من اوقات النسيان
مو شي سهل ولا طبيعي تكول لمريض يعاني من النسيان دير بالك لاتنسى لو مثلاً انتبه وتحكم بحركتك ولا تطلع
رامي
استبرق حتى ما ابتعد عن الموضوع الاصلي. عمي موفق مو مجرد عم واخ اب بالنسبه اليه اليد إلي انشتلتني من الغرق وهذا وقت رد الجميل
استبررق
يعني ؟؟؟
رامي
يعني اجه الوقت إلي إني اتحمل مسؤوليه عمي موفق وأنتي مقصرتي
استبررق
افهم لو سمحت رد الجميل شلون يعني
تبقى هنا يمه
رامي
ابقى هنا لأ طبعا عندي حياتي وعائلتي شلون ابقى لكن إني أخذ عمي موفق وياي
استبررق
شنووو تاخذه شلون تاخذه واحنه
رامي
عفواً احنه منو انتم
استبررق
إني واولاده هبه وعلي
رامي
بالنسبه اليه وعذرا
هبه وعلي اوك اخذهم بس حضرتج الاعرفه عندج اخت وعمي موفق امن حياتج أنتي واختج وخلص وإني أولى برعايه عمي
استبرق
مستحيل إني ما افترق من عمو موفق واخواني هبه وعلي
رامي
يعني مثلا عاجبج مثل ذيج المره اتصل على عمي ميعرفني او من يشكل لسانه
هذا أنتي ما واعيه. إني تكلمت مع مختصين وفهمت بعد فترة من تطور حالته ويزيد النسيان وتصير نوبات الهلع عنده او يطلع وما تسيطرين عليه وحدج انتبهي الشي الجاي اكوله مو مجرد كلام انما هاي حالته الصحية إلي اكدولي الأطباء هنآك ولهذا نزلت لبغداد فاتركي العاطفه وإذا صدك تهمج حالته الصحية لازم تايدين كلامي
هناك استبرق
أكو مراكز متخصصه لعمره وحالته ويسووله دفتر صحي ينظموله جدول باكله ومنامه وعلاجه ويوفروله شخص يساعده
استبرق
يعني بين قوسين تاخذه منا وتخلي بمراكز صحيه حت ما يتذكر بعد كلشي ويعاملونه على انه حاله حاله يا استاذ
رامي
إني إلى الآن جاي اتكلم معاج بأسلوب أنتي انسانه صاحبه موقف ومكانه يم عمي موفق
لكن وضع الطبيعي هذا عمي إني دمي ولحمي ومصلحته إني اعرف بيها
وأنتي مهما كعدتي يمه مووو معناها الج الحق بتصرف بعمي
عمي حالياً فاقد الاهليه
استبرق
عمممك
وين جنت من عمك الصدمات توالت عليه وخلته يفقد ماتن زوجاته واخته وابن عمه وصارت وين جنت من تمرض
جنت تريد تحصل الاقامه وتوطن نفسك وتاسس عمل الك وأعرف عمو موفق جان يساعدك مادياً وهالشي طبيعي لأن ابن اخوه
بس إني إلي جنت وياه بايام جان بالايام يقفل على نفسه واوكله كوه إني جنت يمه من لازم اضم ألمي وحزني واساعده واخليه يتجاوز حزنه
وهسه تكول بكل بساطه تريد ترد الجميل
رد الجميل ببيته بوسط اهله وعائلته وذكريات الناس اليحبهم مو تاخذه للغربه ويراعونه ناس ما يوجعهم گلبهم عليه
رامي
الضاهر صعب اوصلج فكره الرعاية هناك وجاي تحجين بعواطف وخواطر وتنسين الكلمه الأساسية الكتلج عنها اريد عمي موفق يرجع مثل قبل واحسن نساعده يستعيد صحته وهلشي ميصير إلا خارج العراق
شنو بالعراق ممكن يقدومونه إذا صاحي يدخل لافضل مستشفى يطلع موبوء
لأ تقنعيني أن العراق ينعاش بيه
العراق بقعه غير مؤهله للعيش البشري
استبررق
اعرض الموضوع على صاحب الشأن وشوف جوايه صح يتلكا بالحروف بس اليوم هو يعرف الحواليه وطبيعي
رامي
هاي أنتي كلتيها اليوم اليوم
وباجر ست استبررق
استبررق
مو قبل شويه جنت اطالب معرفه المريض بمرضه هذا واقع الوضع البلخارج واحنه متخلفين لأن تمشينه عاطفتنه ونضم على المريض مرضه
كول بنظريتكم المتطوره وشوف رده
رامي
لأ تبقين تعقبين على كلامي
مع ذلك رح اكول لعمي موفق
استبرق
مثل قابضه على جمره اسمع دخلت وراه للغرفه وبده يسولف عن الرعايه الصحيه بالخارج وشلون عايش وعمو يسمعله
وبعدها عرض الموضوع
موفق
وووواروح إني
رامي
أنت وأي شخص تريده
موفق
بنياتي شلون هبه وعلي مو بس همه اولادي
إني عندي بنياتي الماعدهن غيري
صفا واستبرق
استبرق
حسيته تنرفز بس يمثل
رامي
عمي عمي اسمعني نروح احنا والبنات هنا ماسسات حياه الهن لابد تتزوج استبرق وصفا تزوجت
موفق
لالالاللللل لأ
استبررق
توتر عمو موفق وشكل بالحروف
رجاءا لاتصغطون عليه خلوه يرتاح
رامي
عمي عمي اسمعني
استبرق
اخ رامي هيج مو زين على عمك
رامي
تعال خالد
يلا
احنه رايحين باجر ارجع
أخذ مستمسكات عمي والاولاد
استبرق
أنت اخذت جواب عمي موفق فرجاءا لاتصغط عليه
تقرب عليه اشوف عيونه خنزرت بس باقيه إني بوگفتي وما مهتمه
رامي
لاتنسين نفسج ست استبرق
استبررق
تقضل تفضل منا منا الباب
طلع وإني أحس اريد املخه
شيرين
قفلت الباب وراهم ورحنه للسيد
موفق
ارررررررييييييد انام
استبرق
عمو عمو اهدأ
موفق
رراااااح ررامي
استبرق
أي عمو
ارتاح باجر يجي يشوفك
طفيت الضوه بس حسيته ميريد يتام يريد نطلع ون
شيرين
نام ؟
استبرق
يجوز يريد يبقى وحده
شيرين
شراح تتصرفين
استبرق
ماعندي غير اشوف رضا وياسين يحجون وياه
شيرين
زين سؤال ولو مو بمحله
استبررق
اسألي شيرين
شيرين
شنو اايمنع اذا طلعتي أنتي واخوانج والسيد وي ابن اخو مو جائز افضل صحيح لصحته
استبرق
اللجنه إلي كشفت ع عمو موفق جان تشخيصهم جدا دقيق والدليل جاي اشوف نتائج كلامهم على عمو موفق
المكان إلي بيه ذكرياته عامل مساعد يخلي منتظم الذاكرة
زيدي عليه وجود ناس جان يألفهم قبل زوال ذاكرته تساعده أيضا مثل اولاد اخته وأصدقائه
وبعد وبعد إني باحثه كثير على موضوع حاله عمو موفق وردت اسفره للخارج إذا يفيده
مستحيل اجازف بعمو موفق لتجربه أو مثل ما سماها رد الجميل
ألو شلونك رضا خويه ممكن تجينه للبيت من تصير عندك فرصة
رضا
بيه وبلاي إني وياسين جايين بليل
استبررق
هله بيكم
اجو بليل وردت عمو موفق نايم حتى احجي وياهم
إني أريد اكللكم رامي اجه اليوم
+
رضا
ادري مر علينه وحجالنه عن الموضوع
استبرق
وانتم شنو رأيكم
رضا
إني سألته كم سؤال وبعدها استنتجت أن خالي هناك راح يبقى تحت رحمه الممرضين بحجه رعاية افضل
استبررق
وهو هذا إلي اكوله هناك يتعاملون وياه على انه حاله عدا إلي كالو الأطباء هنا وتعرفوا لازم ناس يألف وجوههم ومكان متعود عليه وراحه نفسيه شمدرينه هناك شنو ممكن يمر بهذا الوضع الصحي
ياسين
إني كتلك رضا والايام تثبتلك يا رامي جاي علمود فلوس لأن خالي من تمرض كطع يدزله
رضا
وشينطي بعد إلي بقى عد خالي لمرضه وعنده ولد وبنيه بعدهم بأول الطريق
استبرق
هااا هو هذا اليريده ؟؟؟
ياسين
لأ استبرق هذا تخمين لأن خالي جان ينطيني وإني احول لرامي هواية دزله
جان ميگطع إلا هسه من تمرض بعد توقفت الامدادات خمنت ياخذه هو واملاكه حتى لاتحويل ولا شي
رضا ا
أن بعض الضن إثم
رامي يحب خالي موفق
ياسين
إني عاشرت بالسوك بشر انواع واشكال ورامي يحب خالي بس يحب الفلوس أكثر
استبرق
زين سؤال انتم تعرفون هذا الوياه خالد منين ؟
رضا
ماعرفه
ياسين
ولا إني
استبرق
بقينه بنقاش وصلنه ملخص عمو موفق ما يخطي من بيته خطوه وحده
ثاني يوم اجه
رامي
هذا رفضج استبرق تخليني ألجأ لطرق ما ترضيج
استبررق
شنو هالطرق عفواً
رامي
يعني اقدم طلب بوصايه على عمي لأن باثيات
أن عمي فاقد الاهليه ويحتاج الاقرب من الأهل لرعايته
استبرق
تحجر على عمو موفق وتصادر قراراته وتأخذه گوه لوشلون
رامي
هذا اخر كلام اما تنطيني هسه مستمسكات عمي او المحامي موجود
استبرق
اجه ياسين ورضا وعرفنه الجاي وياه محامي
رضا
المشكله مسوي حصر أملاك ولكا خالي باسمه بس المزرعه لسيارات ثنين وبيت باطراف بغداد حاسبهن بالملم ويكلي كل مكان شكد يسوا
ياسين
واذا قدم الطلب يكدر ياخذ خالي ويصير عنده وصايه بتوكيل من المحكمه
استبرق
يعني شنو يأخذ عمو موفق يكدر..
رضا ا
لاشنو فالتو ماكو قانون..
. ياسين
وربكم يصير القانون بجيبه على هذا المحامي الجايبه مخطط عدل
. استبرق
يعني شيريد فهموني
ياسين
مبين يريد فلوس خالي موفق مو حبا بيه
استبرق
اجه رامي وكعد يم عمو موفق وبده حسيته يشدد بلهجته وياه
وعمو يگله ماريد اترك بيتي
لحد ما نطقها رامي
رامي
عمي أنت مريض ومتعرف مصلحتك تحتاج أحد من دمك ولحمك يساعدك
موفق
ممممممااااا
استبرق
عموو عمو اهدأ
تعالي شيرين
حسيت عمو موفق تخربطت كل وضعيته تخبلت
تععااال اطلع وهو مستمر بلا ذره رحمه يحجي
طلعته كوه
أنت شتررريد
رامي
أنتي حقج متمسكه بعمي لأن جايه تصرفين بفلوسه وتسحبين بايرادات املاكه وتوگعين كم دمعه حت تامنين محد يشاركج بفلوس عمي موفق واملاك عمتي انعام إلي صفت ببطنج بأي حق بلله
استبرق
مراح اجاوبك كلمه وحده رامي شكد تريد وتطلع من حياه عمي موفق لأن اعز عليه صحته
رامي
مازال ساومتي معناها تعرفين شكد عمي موفق مهم وخفتي اخذه
استبرق
ضن اليعجبك المهم لأ تقلق راحه عمو موفق وتبقى بتفس صورتك إلي هو راسمها الك
رامي
المزرعه والبيت يصيرن باسمي
فكري إني رايح
ياسين
أكبر غلط السويتي شنو هالمهتلف الي هناك عاش بورث ابوه وخلصه وبده بخالي وفلوسه شلون تنطينه هيج فرصه
استبرق
إذا يبقى بعد كم يوم يموت عمي موفق
متشوفون شلون تخربط
راحوا وبلغوني اماطل وياه وما كلمه
اربع ايام عمو فقد
موفق
منو انتم
شيرين
إني ضيفه يمكم
ياسين
هذا الحجي صدك
استبرق
أي أبو يزن
سجلت المزرعه باسمه وخلص
ياسين
شلون تامنين ميرجع ويطلب
استبرق
مافتني سجلته يم كاتب عدل وصدقته بأن يتنازل نهائي عن أي علاقه بعمي موفق تصور قبل وراح ساعدني قشعم يروح ويجي وياه وخلصنه صدكتي لو عمو موفق هم زين جان انطاهن اله
واحنه عدنه خير من الله اشتري صحه عمو موفق لومو فلوس بأي شكل
استبرق
سنه 2018راح تخلص وبديت أتأمل عمو موفق بده يتحسن بالفعل افضل.
شيرين وياي وصفا قربت ولادتها
بدينه نحضر لولادتها وخوفنه عليها يزيد راجعنه الطبيبه
انطتها موعد إلا قيصريه
رحنه بيوم العمليه
وجنت حيل خايفه على صفا وياي قشعم
بس الحمد لله رب العالمين كملت عمليتها بسرعه
وجابت ولد ثاني
وهالمره محمد
وفرحتنه بسلامه صفا تمت من رجعت للبيت يمنه وعمو موفق حيل فرحان بالطفل
فطومه
اريد تتفرغبن واسولف وياج
استبرق
خير شبيج
فطومه
ماعرف شكلج بس أنتي صديقتي المقربه إلي اثق بيها
وجاي اعاني لأن اخفي
استبرق
الغي لاتبقين تلفين ودورين
فطومه
أبوي وفضل حجو وياي
استبررق
على شنو
فطومه
فضل طلب ايدي من أبوي
استبرق
شنوووو
فطوم
اييي شفتي شيء غريب يخليج تكولين شنوووووو
