 |
رواية بيت الخبازه الجزء الثاني الفصل التاسع والعشرون بقلم زهرة الرمان
فضل
عمي أنت ذاك اليوم كلت اليه ولبشار إلي يلم نفسه واشوفه يشتغل ازوجه وساعده إني هسه اجيتك بمكانه أبوي ومن كلت على بنت عمو رشيد صحيح هيث بنت عمي بس إني فطومه اقرب اليه لعقلي
1
عمار
بس فضل فاطمه أكبر منك أنت منتبه لهلموضوع لو عبالك ضخم وهي مدحدحه كلت إني اكبر
وثانيا هي ارمله هذا واجبي انبهك
فضل
ملاحضتين وإني اعرفهن ادري هي أكبر مني وارمله بس إني كتلك هي اقرب وحده تفهمني وتعرفني
عمار
زين أنت فاتح وياها موضوع ؟؟؟؟
فضل
ولا ملمح والله عمو
عمار
جيد وإلا جان تغير الحجي
فضل
لأ عمو ماكدر احجي وياها إلا انت يصير عندك علم بس كون تقبل
عمار
خوش حجي نسألها ونشوف
استبرق
لج فهميني لمح او حجه شئ
فطومه
لااااا جايه من الدوام وأبوي خلاني اتزقنب باللكمه فتح الموضوع على الغدا
استبرق
أي وشنو جاوبتي
فطومه
غصيت والتمن وصل لزاخو
استبرق
ما تبطلين من هالكمزه ثول وبعددين
فطومه
شبعدين أمي غمتني شايفه هيج ام بلا
أبوي خصمها كال اخذي وقتج وفضل خوش زلمه ويريدج ويعتمد عليه وتركنه وطلع
وبكل الدنيا بدياناتها وقومياتها الأم تساعد الام بنتها أن تتجاوز المحن وتعزز ثقتها بنفسها وتحسسها هي ثمينه
إني أمي أول كلمه نطقتها
سرى
احمدي ربج اكو أحد دك بابج ورادج هذا وكتنه بدون كلشي متروس أرامل ومطلقات شتردين يجيج عزوبي
لأ والله منا وهيج لو مطلك لو عنده كوكش جهال وتربينهم او اكرع وكرشه لخشمه
فضل ع الأقل عاش ببيتنه ونعرفه ونعرف كل شيناته
وابن عمج غير ابن العم منو يستر على بناتهم
2
فطومه
يمه إني هيج واكعه من عيونج لو لهلدرجه متريديني
سرى
اليوم فضل يطلبج للزواج باجر محد يدك الباب عليج
فطومه
عفيه دكه الباب إلي خايفه عليها يمه
استبرق
وبعدين
فطومه
انطاني أبوي فتره افكر وأمي تحجي بالموضوع بالغده والعشه والريوك ومن نريد نام اقبلي اقبلي
استبرق
المهم أنتي شنو احساسج أو تقبلج للموضوع
فطومه
إني اشوفه اصغر مني استبرق وهالشي كلش زاعجني شنو أخذ واحد اصغر مني وثانيا ما ادري اشوفها مو حلوه وحده تأخذ كرايبها مو بتفكيري أخذ كرايب من قبل
استبرق
إذا على العمر فسبحان الله عمو موفق تزوج خاله انعام وهي أكبر منه وبنت عمه ونجحت علاقتهم وخاله جانت الله يرحمها تسولف اكول غاغا غتحبه صارت بشكل مو طبيعي
يعني لاتحكمين ما العمر نظرتج لفضل تحسيه رجال صاحب مسؤلية لو ماينشد بيه الضهر
فطومه
ماعرف استبرق إني متخربط احساسي بس الحمد لله فضل صاير مايجي أكثر وقته يم عمه عزيزه يروح ونوبات من يجي تااي الليل وكبل ينام ماشوفه
استبرق
يريدج تأخذين قرار بدون ضغط
فديت أخوي
1
فطومه
خرب بليس ناسيه أنتي اخته
استبرق
أي اخته وانفذ عليج خبث الحموات إذا تمشين عوج
فطومه
بعدنني مموافقه
استبرق
فطيم واعرفج ماطول بقيتي تسألين وتسولفين بالموضوع معناها موافقه لو ما موافقه جان طنگرتي وسديتي الموضوع
يلا يلا لتخلين أخوي هواية ينتظر
فطومه
جا هلبت أمي هيج فاهمتني اسمع منها بس الكلمه إلي تسد النفس
استبرق
غلقت التلفون وياها وبيني وبين نفسي فرحت فطومه تصير الها حياه جديده
وخاصه اذا فضل هم تتغير حياته للافضل
الروتين الحياتي نفسه اليزيد فقط حرصي على اخواني وعمو موفق أولى أولوياتي صرت اتحذر من أي شخص ما اثق بأحد يحب لوجه الله
التوكيل السواه إليه عمو موفق بموجبه دزيت على المحاميه كرايب خاله
ووصيتها تسوي بوصيه عمو موفق
لأن راد هذا الببيت باسمي بوقت من الأوقات بس بعدها ردت يعدل باملاكه
وي المحاميه راد البيت يبقى مينباع لأن كل الذكريات بيه ويعتبره عمو موفق بيت ابوه وبيت طفولته وشبابه وبيه زوجاته يعني يعنيله هواية انطاني وكاله بالتصرف
أما المزرعه هي ورث مابين عمو موفق وبين اخوه أبو رامي رغم منطي حصته لرامي لكن اعرف عمو موفق كان بنيته من يرجع رامي ينطي المزرعه
صار البيوت ل علي وهبه
ودزيت على صفا إذا إلي وهبه الها
إني وصفا عدنه كاع مهر أمي غيره ما أخذ من املاكهم
وذهب أمي قسمته بيني وبين هبه وصفا
لأن خاله انعام مخليه باسم علي وهبه هم املاك
بس إني وصفا منريد من املاك بيت السيد
اليوم عندي مراجعة لعمو موفق اخذته وخليت شيرين بالييت يم هبه وعلي
طلعنه نمشي وعمو موفق اليوم ابد ميدري بالدنيا كلساع يندار عليه يسألني شوكت نوصل لتكريت ياتكريت عمو
جان يخدم بالعسكرية بتكريت
1
موفق
اهلج صدك شالو
استبرق
أي عمو كلهم شالو
موفق
أنتي نرمين المسيحيه
استبرق
لأ عمو إني استبرق بت خديجه ام اولادك هبه وعلي بقى يسأل واجاوب بدون ملل او ضجر استوعب يحجي كلشي بس ارد بواقعنه
ماريدك عمو تنسانه
دخلت للطبيب وانطاه علاجات تساعد الغده وأيضا علاج يخلي يهدا
ونصحني أسوي وياه تمارين تساعده ع الكلام بدون تلكا
رجعنه بعد ما اخذته لأماكن جان يتردد عليها
احاول اساعده هذا كلام الطبيب كال حاليأ صار تكدرين تاخذينه ع أماكن جان يروحلها شرط هاي الأماكن عنده بيها ذكريات سعيده مو حزينه
افترينه هوايه ورجعنه احسه مرتاح
نام وخليت هبه وعلي بفراشهم
واخذت بوصيه الطبيب
بليلتها بديت ابحث بالفيس على المواقع إلي وصاني بيه الطبيب بديت ادخل
وأسأل بتعليقات وابحث عن هواية أمور تساعدني على التلكا مال النطق
وابحث عن مركز يساعد بحاله عمو
بعض المواقع مخلين رابط للتيلكرم نزلت تليكرام جنت ما منزله هذا البرنامج
+
بقيت أيام اتعلم على مركز بالتليكرام وهواي مشاركين ويساعدون بعضهم اكادميين واكو عدهم مرضى واكتب وأسأل بكروبات
لمده شهرين صارت عندي معارف بنات هواية يكتبون حالات و إلي تشابه حاله عمو موفق أو أكثر أو اقل وبعضهم بالخارج واكو حتى داخلين عرب
هالشي سوا حافز عندي ولهو اليه بصراحه
صرنا نسولف ونكتب بس بحدود وفقط الأكاديميين اجاوبهم
والفيس كذلك
وحتى صارت عنديغع تواصل مع طبيبه وبديت اسولفله عن تطورات حاله عمو موفق عمو موفق يوم زين ويوم لأ بس هواية نفعه العلاج والارشادات إلي سويتهن
من يجون كرايب عمو موفق صرت اتحاشاهم ام يزن أكثر من مرة حجتلي عن عقيل بس إني حياتي مو مال اخلي دائرة مشاكل بسبب ام ياس وبنتها وبعد تقريبا سنه مجايه نضال اجت لاخوها عمو موفق
وكعدت قبل لأ يكعد عمو من نومه الضهر
رحت وصيتها
بلا زحمه عليج أي ذكريات تحزن لأ تذكرينه بيهن لأن حالته الصحية مو تمام
واسالي فيض بنتج هي بنفس المستشفى إلي أخذ عمو موفق الهه
نضال
جايه اشوف اخوي لأ احجي بذكريات تحزن ولا عندي طاقه احجي بالراحوا كالتلي فيض خالي ا الصحيه مو زينه اجيت اشوفه
استبررق
أعتذر خاله بس هاي توصيات الطبيب وإني اوصي أي أحد يجي
تفضلي
خليت ماعون كليجه وجاي وطلعت
نضال
عگب الاخو يا موفق منهو يسأل وگلبي بعطاب الضنه تچوه يبن امي لالي اخت واگبل الها ولا اخوي الاولي واذب حملي عليه منو الج يروحي
استبرق
اسمعها تنعى بصوت ناصي وحتى تبجي يصوت ناصي ما كعدته
إني بالمطبخ وشيرين يمي كاعده وبالي يمها خاف تزعجه
اجه مسج للماسنجر
ما فتحته بالي يم عمو موفق
شويه وسمعته يصيح وينج استبرق
ركضت
موفق
بنياتي جيبي غدا لخالنج نضال
نضال
والله متغديه اجيت اشوفك
استبرق
شنو رايج تاكلين وي عمو موفق تواكلينه ما متغدي
نضال جيبي غداه إني اوكله
استبرق
اخذت أكل عمو وبدت توكله وإني گلبي ما يطمن إلا ابقى اراقب
بس الضاهر مجرد تشوفه
فتحت التلفون
مسج على الماسنجر
مو اصدقاء
بطلبات المراسله باسم شخص اسم تعبيري مستعار
ما اهتميت
ولا فتحته
بقيت يومين أو ثلاث ايام
أكو شخص طلب عنوان طبيب غدد وكذا
إني كتبت بتعليق اسم الطبيب وگلت ببغداد
اجاني على العام رد على التعليق
راسلت حضرتج لكن ما جاوبتي
عرفت نفسه الشخص إلي مراسلني فتحت المسج
يسأل عن طبيب غدد
جاوبته بتعليقات على العام بعد ماكو داعي ارجع اعيد الجواب
قربت تبدي سنه 2019 واتصلت فطومه
فطومه
طلبت من أبوي اكعد وي فضل وكعدنه لأن جانت عندي تساؤلات وهم شروط
استبررق
وشنو صار
فطومه
صدمني فضل باجوبته أن هو مايحس اكو فرق عمر بينه وذكرني بأمور إني مجنت اتذكرهن واكد هالااشياء تاكدله إني إني قريبه لعقله وبينه تشابه ويعرف حتى بستلط أمي عليه هواي سوالف إني كلت شروطي وهو شرط هم شرط أن نكعد ببيت وحدنه مو مثل ما راد أبوي نبقى وياهم فضل يريد يأجر وحدنه قريب على أهلي
استبرق
جيد يعني اتفقتوا ألف الحمد لله
وشقررتوا شوكت خطوبه مهر زواج
فطومه
كلشي مؤجل لحد دوره سنه عمو حامد الله يرحمه
استبرق
خير أن شاء الله ألف مبروك مرت أخوي
صارت سنه 2019 ومستمره اتواصل وي صفا واتابعها وجهالها يمي نفس الشئ
الى أن قشعم انقل وصار دوامه يومي الحمد لله خفت المسؤليه عني وهو يساعدهه صار حتى بالطبخ
أما شيرين هواية تساعدني بعمو والبيت
هبه وعلي مستقر وضعهم الدراسي وزينين
إني اندمج نوبات بالبرامج
وعندي بنات نسولف ونحجي يهواي مواضيع
اليوم دزتلي مسح بنيه اسمها مستعار
اعرفها عدها امها مريضه بنفس مرض خاله انعام الله يرحمها واكللها عن علاجها والأشياء الزينه الها بس ما كلتلها توفت ماريد اهبط معنوياتها
بقينه نسولف وهي جانت حابه تحجي عن حياتها
اسيل
إني هواية استفاديت من النصائح إلي تعرفيهن بس الاعرفه أنتي عندج مريض كسل الغده الدرقيه إلي مسببه نسبان وفقدان الذاكرة والنطق
يعني هو صاير عنده هم سرطان الغده
. استبرق
لالا اسيل
بس عمي عدهم وراثه وعمتي هي إلي عدها سرطان الغده
اسيل
وأنتي تراعينهم
استبرق
يعني عندي إلي يعتني بيهم
اسيل
ممكن نتواصل اتصال إني حيل حبيتج والله عبالك اعرفج من زمان
استبررق
الزمن علمني ما اثق ولا انطي جرعه أمان لأحد
أن شاء الله اسيل عيوني بس اضبط وقتي حالياً عندي التزام
صفا
هو اتصال قابل راح شسوي وأنتي كلتي البنيه ساعدتيها لأن حالتها مثل حاله خاله انعام الله يرحمها
وبعمرج أو أصغر منج شكو قابل اتصلي عليها وسولفي وياها
استبرق
دزيتلها من يكون عندج وقت نتصل
ورا ساعه تقريبا جاوبت واتصلت
سلام وكلام واخذنه الحديث لهواي مواضيع بحيااتنه
وهي واضح جدا مثقفه ومحترمه عرفت هي مدرسه وعدها اخ واحد مدرس رياضيات ثنينهم يدارون امهم بس اخوها
يدرس بمعهد دروس تقويه
وعدها اخت اكبر منهم تجيهم كل أسبوع تساعد اسيل بالبيت واتطبخلهم
ترددت اسالها متزوجه أنتي اولا وكأن سمعت صوت أفكاري
اسيل
تزوجت قبل ست سنوات قبل اكتشاف مرض أمي
والحمد لله انفصلت بعد عناء ومشاكل قبل سنه
استبرق
اها الحمد لله على كل حال
اسيل
ماسالتيني سبب طلاكي إني حابه اجاوبج
أول ما خطبني كتله كلشي اسامح إلا تضم عليه وتكول جذبه بيضه ما اسامح اليجذب عليه ورا سنتين زواج اكتشفت عنده علاقات وعلاقات مو بس كلام وبس لأ جان يخوني وشلون عرفت خايني وي بنيه عندي علاقه بيها مجرد معرفه وبصدفه ومتدري زوجي شوفتني صورته
جانت صدمه عمري تمرضت أخوي رجعلي حفي من عيونه مربع بالبداية يستهزا لان اخ واحد عندي وأبوي ميت
يتوقع بالكثره
استبرق
هواية بقبنه وحده تتصل على الثانيه زادت وقوت علاقتي بيها
اعلمها طبخات واتنجح وتفرح ودزلي صور الاكلات التسويهن
اكلج اسيل محد عندج بالبيت يطبخلج
اسيل
عندي احد يطبخ الاكلات بنفس يخبل
أخذ منج الوصفه ويطبقونها
استبرق ما أخذني فضول اسأل منو بس هي من النوع تحب تحجيلي كلشي
اسيل
شوفي حبب إني وأخوي عايشين وحدنه مع الوالده ثنينه ماعدنه حظ بالزواج أخوي يخطب ثلاث مرات وتخرب وكعد وسكت صدكنه من يمنه السبب تعلمنه على حياتنه وحدنه تصدكين صرنه ننزعج من تجي اختي حنان وجهالها رغم ما بقى عدها جهال كلهم كبار بس منتحمل
استبرق
صرنا بشكل يومي نسولف ونبقى ننكت ونتنمر من نلكا مثلا تعليقات مال شباب يزحفون على البنات فصرنه من نشوف واحد يكتل نفسه بالتعليقات. سوينه كلمه سر بينه إني واسيل
تگلي
الخط انمسح ونبقى نضحك
ورا فتره تحددت خطوبه فطومه بدون أي حفله او أي شيء لأن عمو حامد صار تسع أشهر توفى كالو بس خطوبه ومهر وورا دوره السنه يتزوجون
بقيت على تواصل وي فطومه وتفاصيل خطوبتها وكذا ايام وماكو اسيل دزيت أكثر من مرة ماكو قلقت عليها اتصلت مترد بقيت عشر ايام ماكو اسيل خفت اتصلت اليوم بليل كلت عسى ولعله ترد
اجاني صوت رجال
تفضلي اختي
استبرق
عفواً اخي اتصل على اسيل وماكو
امير
أهلا بيج أختي اسيل وي الوالده حالتها الصحية موزينه وتلفونها قبل لأ تتخربط الوالده انكسر تستخدم فقط تلفون مو ذكي حابه انطبج رقمها
استبرق
سلامتها الوالده ألف سلامه
ياريت دزلي الرقم تشكرت منه ودز الرقم
اتصلت عليها لأ إني انتبهت شلون مفتوح حساب اسيل على الماسنجر بينما كال تلفونها مكسور ولا هي بحال تسأل شلون اخذت رقمها بقيت وياها تسولف عن حاله أمها وعرفت راح يطلعونها بعد كم يوم
بعد ما طلعت من المستشفى وكم يوم على اتصال برصيد
يلا صلحت التلفون واتصلت
اسيل
وأخيرا اتصلت عليج لأن صلحت تلفوني
استبرق
بقينه بشكل يومي نسولف إني وآسيل
ادق التفاصيل تسولفلي عنها
وإني تركيزي ع امها لأن حالتها مثل حاله خاله انعام بس مو وراثه
بكل هاي السنه إلي عرفت بيها اسيل ما يوم طلبت تشوفني ولا إني حيل تشبه عقليتي بس عرفت عنوان بيتي وإني كذلك لأن كلتلها في حال انكسر التلفون أو صار طارى شلون نبقى وحده متعرف اخبار الثانيه
صارت شيرين تعرف اسيل وصفا وفطومه
سنه 2019مرت بهدوء وماكو أي شئ ياذي إلا ذكريات الراحلين بدورات السنه
وعمو نوعاً ما زين حالته الصحية مستقره
حتى من ينسى نوبات يبقى تعلقه بهبه وعلي وهالشي لاحضناه إني وشيرين أن هو فاقد الذاكرة بس هبه وعلي مخليهم حواليه يسألهم منو أنت منو أنتي علمتهم شلون يتعاملون وياه وخليتهم قريبين عليه
دارت سنه عمو حامد ووراها بشهر حددو
فطومه وفضل موعد زواجهم
وشما احمد بعمو عمار قليل ماخذ من فضل فلوسه ومخلي من عنده فلوس ل فطومه ومشترياهم بيت ما قابل بمهر وجهاز وذهب كله بدل لأ تاجر اشتري بيت صغير وكلشي وراه يتعوض راتبك على راتبها تعيشون افضل من الشكليات مو ضروريه صادفت عطله نص السنه وواخذنه حتى شيرين ويانه عمو موفق وقشعم وصفا وجهالهم وهبه وعلي
حضرنه زواج فضل وفطومه وجان صحيح بس الأهل ما عزمو ولا سوو حفله
من وصلنه بس المقربين متواجدين بس كميه الراحه والفرحه اصارت فطومه رغم متوتره وعمو عمار ما قبل حتى هلهوله بلبيت بس الكل جان فرحان لفضل وفطومه
بقينه هناك يومين ورجعنه
+
علي هاي الايام يلعب بتلفوني يطلع لعبه
كلتلهم اشتريلكم ايباد إذا تنجحون هاي السنه
بس معارك هبه وعلي ع تلفوني
صار كم يوم اسيل ما حاجين كلما اكول هسه ياخذني الوقت وما اتصل بالماسنجر
اجيت للتلفون لكيت التلفون ماياخذ شحن وراح يخلص شحن
ثاني يوم كلت انطي لقشعم يصلحه
اخذت الشريحه وخليته بتلفون قديم عندي
أتصلت على اسيل
مرتين دك وما جاوبت بثالث مره اجاني صوتها بس تعبانه
شبيج اسيل
أسيل
أمي استبرق كلش مو زينه
استبرق
وبچت
بقيت اصبر عليها
وشهرين بقت هي اداري بيها وتعبت وياها وسولفت هي واخوها امير متناوبين عليها
خلصت الامتحانات وصارت عطله أخير السنه ونسمع بالأخبار عن مرض الكورونا ببلدان الصين وغيره
بس اكو إلي يكذبه واكو إلي يعتبره تصعيد سياسي
بس عن بيتنه جانت أول سنه هادئه نسبيا
من إخواني لعمو موفق إلي گرايبه قلت جياتهم تأقلمو على مرضه سمعت عقيل مرجع كوثر شلون وليش مسالت رغم علاقتي طيبه ب ام يزن بس ما سمعت للاخير كل الموضوع وحمدت رب العالمين ما قبلت ب عقيل وبعدين يرجع لزوجته وإني اصير السبير
صفا واولادها يجوني واشوفهم واشوف صفا مرتاحه وقشعم حيل مداريها ومعتني بالاولاد
السنه هبه أول متوسط وعلي سادس واهتمامي بيهم اختلف وصار أكثر وقتي ادرسهم واتابعهم
اسيل من قللت اتصالاتها بسبب حاله امها نصحتني شيرين
شيرين
فرغي نفسج يوم وروحي شوفيها مو شرط بالبيت حتى لو بمكان عام
استبرق
هي امها مريضه ماريد أحرجها واخليها تطلع علمودي
شيرين
اذن روحيلهله
استبرق
اخذت قشعم وياي مهما كان ماعرفهم
دكينه الباب
طلع طفل عمره تقريباً 11سنه
حبيبي وين اسيل
=هسه اصيح خاله اسيل
استبرق
شويه واجت اسيل ما شايفتني ولا شايفتها
بس خمنت هي اسيل
اسيل
تفضلي رايدتني
استبرق
شلون الخط انمسح
سحبتني
اسيل
استتتتبررررق يمه فدوه فدوه أبد ابد مو يم خيالي ولج توقعتج غير شكل
تعالي تعالي اليوم حماتج تحبج حنان مسويه دولمه وجابت اولادها وجايه نتغدى
استبرق
اسفه اجيت بوقت الغدا
اسيل.
ولج ياغدا الساعه ب٤بس لمن اجه امير من المعهد
استبرق
دخلت وقشعم كال اروح لو انتضرج برا
لأ قشعم روح وإني اتصل عليك إذا ماتصير زحمه عليك أبو تميم
دخلت للبيت بيتهم طرازه كلشي بيه قديم بس عبالك جديد ومرتب البيت بصاله سرير لوالده اسيل وحواليها اولاد حتان اخت اسيل
اعمارهم بين مراهقين واصغر واحد زيد إلي طلعلنه عمره 11 الباقين اكبر منه بنات وولد خمسه عددهم تلكتنه اخت اسيل الچبيره سلمت عليها وعلى والده اسيل
وكعدت يمها كبيره وتعبانه خطيه تذكرت آخر أيام خاله انعام
وانقهرت
تغديت وياهم الشباب راحوا بالاستقبال يم امير وزوج حنان
وإني وي البنات تغدينه وجان جو ييتهم كلش هادى وحلو
تعرفت على اسيل
جنت متوقعتج ضخمه وطويله طلعتي چنچ فطومه
أسيل
هذا السر الوحيد الضامته عليج إني قزمه
استبرق
يعني إني وياج رقم عشره من نوكف سوه ههه
جابت البوم صور هواية امها وابوها وعرفت ابوها اصم مايسمع من الطفوله ومحد طلع عليه وحب امها وتزوجته بتحدي اهلها امها من محافظة وابوها من بغداد
قصه حبهم حلوه وبيها اكشن
لأن ابوها اصم وما قبلو اهلها وتحدت اهلها لدرجه كايليلها لاتتطلكين ولا ترجعينه إذا ما صفت حيانج
ا
اسيل
أبوي دلل أمي دلال وكل مرضها من فراكه
وحبهم وتفاهمهم خلا بينه حنيه وتواصل أخوي واكفلنه وحنان صارتلنه أم كله بسبب تفاهم اهلي
استبرق
اتفرج على الصور وحسيت صحيح عبالك اسيل اعرفها من زمان بديت اسولفلها مقتطفات عن حياتي
بس متعرف كلشي عنه تعرف صارت فطومه وصفا وهبه وعلي بس حياتي لأ
اجو زوج حنان وامير سلموا عليه
زوج حنان بالاربعين مواليده ببدايه او منتصف السبعينات
وامير هيح مبين 85/87 واضح من شكله
سلموا وراحوا وبقيت ربع ساعه واتصلت على قشعم يجي ياخذني بقت تلح اسيل احنه ناخذج لاتخابرين أبو تميم
بس إني ماحبيت اكلفهم
واجه قشعم وطلعنه
بعد هاي الزيارة صارت علاقتي أقوى ومقرره اعزم أسيل بس هي دوم مشغوله لان ادرس وامها
هاي السنه الدراسيه هبه تفوقت وفرحتنه كلش وحتى علي لحد امتحاناته هو مسيطر واحنه متوترين وياه لأن وزاري
بس الحمد لله طلع معدل حبيبي نصف التسعينات والكل كالو خلي بمدارس المتميزين
بس اسيل قنعتني برأيها
اسيل
إني أشوف هيج تضغطين عليه خلي يتميز بمدارس عادية افضل مابيها افضليه بشي
+
استبرق
قنعتني بوجه نضرها
وهو جان هم ماراغب عمو موفق فرحته ب علي متنوصف صار يبجي ويكول علي مهندس بإذن الله
بدت مرحلة جديدة هي انتشار مرض الكورونا الي زاد الخوف منه من صارت وفيات تدريجيا زادت الاصابات وبدينه نأخذ احتياطاتنا من المرض إلي اول اصابه بالعراق بسبب طالب ايراني بالعراق حامل الفيروس وبده يزيد وسمعنه فلان انصاب أول مرة مچنه نعير اهميه وخوف بس من ماتو وسجلت اصابات ماتو
بدينه نشتري المعقمات نشتري الكمامات
واليوم اتصلت اسيل
امها مصابه وهي أول اصابه من النعرفهم وناقليها للمستشفى
بقيت وياها على اتصال لحد ما بقت اسبوع وتوفت
ورحت الهم رغم الكل كال لاترحين بس اسيل محتاجه أحد يوكف وياها.اول ما وصلت ماخذينها من المستشفى گوه لأن يخافون انتشار الوباء وسوو فاتحه بجامع للرجال وعدم تلامس مخلين بباب البيت للنساء معقم وسله نفايات تخلي الكمامه الجاي بيها وينطون كمامه جديده وقفازات نايلون
يلا تدخل
دخلت وعازيت اسيل والناس الموجودون بالنسبه للفواتح قليلين بسبب المرض واكثرهم يكولون فلان انصاب وفلان انصاب
اسيل
روحي استبرق عندج بالبيت كبار السن
وتنصابين
رجعت
وزاد الوضع سوء
بس ردت اسيل اتواصل وياها بالتلفون
اكتبلها وأعرف متكدر تسولف اتصال نكتب واواسيها على فراق امها تدريجياً سولفتلها عن حياتي من أمي تزوجت عمو موفق ومن ماتت أمي ومن ماتت خاله انعام
جنتي دائما تساليني
أسيل
ليش ماكو قيس بحياتج
إني بلا قيس مالتي طلع خاين
استبرق
كل قيس دخل حياتي ما كدر يبقى وياي بسبب حياتي وسولفتلها عن حياتي أحاول انسيها همها وفقد امها
بقت تحجي
اسيل
يعني خالتج مثل أمي
استبرق
مو كلش خالتي وعمو موفق وراثه امج صدفه انصابت عدها الغده وترا الحاله النفسيه الها دور بخربطه الغدد وكلتي ورا والدج امج مرتاحت
صارت تسأل عن كل حياتنه بدقه الاشياء الجانت متعرف عنهن
اليوم كالت اجي
اسيل
أريد
اشوف عمج موفق على وصفج مثقف وحبوب وحنون
حبيته يجوز اتزوجه هههه
استبرق
لأ اسووو ميصير هبه بالشقه من جانت صغيره نكول نزوج عمو موفق تبقى تبجي تكول إني اتزوج بابا هههه
اسيل
يمه البنوتات حبيبات ابوهن حبيت اشوفه
غلقت التلفون وي استبرق
واجيت اسوي أكل أعرف امير كلشي مماكل
اجاني اشعار من كوكل هل أنت واسم الايميل حدث تسجيل دخول لحسابك منو هذا داخل لحسابي سويت كلا واجيت بيدي أكل دخلت لأمير
اكلك امير هذا تلفوني ماعرف منو فاتح الايميل مالتي
أمير
لأ تخافين إني جنت فاتحه قبل من تلفونج انكسر حتى لايروحن البرامج
اسيل
وأنت فاتح برامجي يمك
أمير
مو كلهن
اسيل
شنو مفتوح يمك
أمير
بس الفيس و الماسنجر جنت خايف عليج خاف طليقج سنان الحقير يضغط عليج
حتى أدخل
أسيل
وهالشي طبيعي تشوفه تتدخل بخصوصياتي وتفتح برامجي وتشوف مراسالاني مع صديقاتي افرض اكو اسرار صور شلون
أمير.
وإني مراهق اباوع على اشياء تخصج أنتي وصديقاتج افهمي إني جان هدفي حمايتج فقط بدون ما افكر ماجنتي تدرين شلون سنان يتصرف بخبث واجبي اتابع واراقب تصرفاته مو تصرفاتج أخاف منه عليج مو أخاف منج لأن أعرف اخلاقج
أسيل
مع ذلك مااا يصير تفتح برامجي حتى لوجنت خايف عليه
أمير
لعلمج روحي روحي للمحضورين شوفي كم حساب سوه وإني حميتج ولا عبالج هو حضرج من أنتي ردتي تنطي فرصة ثانية لأ اسيل اصحي هذا ثعلب رادج تصدكينه مريض يريد ميحس هو إلي انعاف وربج مجان رجعلج وانما يريدج تخضعيله ويتركج ما اسمحله يتلاعب بيج
وخلص وخلصنه منه
اسيل
وصار كل هاي الفتره مفتوح حسابي عندك تحضر وتجاوب
أمير
مااا وصلت لمنظقه خصوصيتج ابد بس وحده جاوبتها وبصراحه لأن عرفت قلقه عليج
أسيل
منو
أمير
استبررق
أسيل
وهسه شنو موقفي من صديقتي من تعرف كل خصوصياتها وحياتها إلي كتبتهن عنها أنت قاريهن
أمير
موقفها إذا أنتي كلتيلها
بس اني بصراحه عندي رأي آخر
اسيل
احجي ياخوي الواثقه بيك
أمير
إني معجب باستبرق
اسيل
شنووو
أمير
أي والله جاي احجي جد بدون أي لف ودوران عاجبتني البنيه وعرفت كلشي عنها بسببج وإني اعترفلها إذا تردين إني شفت كل كلامها وخليها تقرر
أسيل
تريدني اخسر صديقتي بسبب تصرفك
شكولللها لأ أنت ماعرف شبيك
أمير ليش تخسرينها إني مستعد ابرر لاستبرق اسبابي
أسيل
أنت متعرف استبرق
بعدك استبرق متحب أحد يعرف حياتها بسهوله إلا إلي تطمان اله تماماً وبهيج موضوع راح افقد ثقتها ماكدر ماااكدر اجازف بعلاقتي باستبرق
أمير
إني إلي بواجهه الموضوع خليني وكأن متدرين
اسيل
مستحيل الما اقبله على نفسي ما اقبله على صديقتي
أمير
ترا إني صح كلشي عرفت عن حياتها لكن هذا السبب الرئيسي ليخليني اتمسك واريدها بزمنه ضاع الحابل بالنابل وإني صاحب تجارب مريره وما أعرف حضي ميكعد وي النسوان وعمري جاي يركض واستبرق شفتها بكل احوالها من خلال كلامها وياج لذلك شفت بيها الانسانه إلي اريد أكمل حياتي وياها
أسيل
أنت مو قاري كل كلامنه
اعتقد ماقريت هي رفضت ابن عمها وغيره وغيره لأن ماتكدر تترك عمها واخوانها بهاي الحاله شلون ترتبط بيها
أمير
يحلها الف حلال بس الاهم هي توافق بأول خطوه
اسيل
إني ما اشارك بغش صديقتي
أمير
أنتي أختي شبيج
اسيل
إذا متاكد من مشاعرك دز حنان تكلمها وإني اساعد فقط انطي رقمها لحنان
أمير
واذا سالتج ليش ما أنتي كلمتيها
اسيل
اكوللها لأن أمير حب كلشي بالأصول واختنه هي الجبيره ولذاك الوقت مااا احجي وي استبرق إلا اتاكد مابقى حسابي مفتوح يمك
أمير
والله حذفت كل حساباتج
ألو
الو أهلا استبرق إني حنان أخت اسيل
استبرق
أهلا حنان شلونج أنتي والاولاد
حنان
كلنا بخير حابه اسولف وياج ممكن تعرفين ممنوع الزيارات والتقارب حبيت نحجي
استبرق
تفضلي
حنان
بصراحه اخوي امير اكيد تعرفي يريد يتقدم بطلب ايدج
ياترى استبرق تقبل بأمير ؟؟؟
