رواية عذاب رعد (3) معركة عشق الحيتان الفصل السابع والعشرون بقلم ديدي فتحي
✍️✍️و هي مازالت سايقة و سرحانة ما اخدتش بالها انها دخلت في الطريق المخالف و عربيتها بقت عكس العربيات و فاقت من شرودها علي خبطها في عربية تانيه و مش مستوعبة اللي حصل ده انها تدخل في طريق مخالف و كمان عربيتها تخبط في عربيه تانيه
👈👈ولسة هتنزل تشوف فيه ايه... كان الشخص اللي في العربية التانية اللي خبطتها كان نزل و فتح باب عربية رعد و شدها من دراعها بعنف وغضب
👈 و الشخص أول ما شافها وبغضب وزعيق... يخربيت ماطنك وكمان حرمة اه ماهي أصل البلاوي متجيش غير منكوا عااد و بالذات انتوا يا حريم مصر... وبغضب اكتر... انا عارف انه مشوار مقندل بقندال و انا غلطان إني ادليت من الصعيد مخصوص و ادليت مصر عشان اشتري معدات جديدة لزراعة الارض حدانا واتقابل مع وليه خرفانه زيك انتي يابرغوته زمانك
👈و بيبص لرعد اللي واقفة مذبهلة من اللي هي شيفاه و بغضب... ايه ياحرمة انتي البسة أكلت لسانك ولا ايه
👈رعد بدموع و رعشة في صوتها و جسمها و رعشة في قلبها وبدموع وانين... يااااامن حبيبي يامن
👈👈الشخص بغضب وتعنيف و استغراب... يامن مين يا جالوس الطين انتي👈 انا سبع الليل الدهشوري يا ولية ياواكله ناسك انتي.
👈رعد قربت منه و بدموع و عشق... و بتملس بايدها علي وشه.. وبحب ودموع... انا كنت عارفة و قلبي حاسس يا حبيبي انك لسة عايش آه يا حبيبي آه لو تعرف حصلي ايه في غيابك عني قلب اتكسر ميت حته لما شوفتهم بيرموك من على الوادي
ولسة هترمي نفسها في حضنه سبع الليل بعدها عنه و بغضب... إنجري يا حرمة من جدامي انجري و ايه عااد قلة الحيا اللي انتي فيها دي و ايه التحسيس و التلزيق اللي انتي بتعمليه ده انتي مخبوله مش إكدييه
رعد بدموع و حب... ايه اللي حصلك ياحبيبي دانا رعد قلبك
سبع الليل بغضب اكتر... بقولك ايه يا واكلة ناسك انتي قسما بالله لو ما بعدتي عن طريقي في يومك الملخبط ده عااد لاكون طاخك عيارين في دماغك اللاسعة دي
رعد بذهول... انت بتقول ايه انت أكيد مش في وعيك
سبع الليل بعنف...أباااااي ياولاد انتي هتبعدي عني في ليلتك اللي مش فايته دي ولا ايه كفاية العربية اللي انتي طيرتي وشها دي يا بنت الفرطوس انتي انا همشي لأن باين عليكي ولية خرفانه وعقلك مفوت... واحمدي ربنا ياواكله ناسك انك مخبطيش واد فرفور من بتوع اليومين دول كان زمانه مات من الخضة
ولسة هيسيبها و يمشي رعد مسكت ايديه و بدموع و حزن ورجاء ... ارجوك يا يامن متعملش فيا كدا ارجوك ده انا مصدقت لقيتك ياحبيبي
سبع الليل بزهق و جدية.. هتجولي زفت الطين يامن تاني يا واكله ناسك انتي روحي دوري على زفت الطين بتاعك ده بعيد عني بدل ما افرغ فيكي العيارين واخلص منك
و لسة هيمشى رعد شدته تاني من ايديه و بجدية و حب... طب ممكن تاخدني اشتغل معاك اي حاجه ؟؟؟
سبع الليل بتريقة...وحرمة مزة زيك اقصد و حرمة زيك هتشتغل ايه معايه ؟؟؟
رعد بجديه وتصميم ... انا ممكن اشتغل أي حاجه وكل حاجه معاك المهم اكون قريبة منك
سبع الليل بزهق... بجولك ايه يا حرمة انتي متعرفيش حدانا في الصعيد ان الحرمة مينفعش تشتغل مع الراجل و شغلها بيكون مع الحريم اللي في الدوار و بس
رعد بجدية و امل... وانا موافقة اشتغل معاهم
سبع الليل بنفاذ صبر ... حتي لو جولتلك انك هتشتغلي خدامة معاهم في الدوار؟ و بتريقة... بس شكلك مش وش بهدله أبدا
رعد بجدية و تحدي... خدني بس معاك و جربني وأنا هعجبك إن شاء الله
سبع الليل بعنف... أخدك معايا فين ياخرفانه خدك المولا عز و جل يا واكله ناسك انا هديكي العنوان وانتى تتدلي لوحدك حدانا
ولسة هيسيبها رعد مسكت دراعه و هو بزهق... انا هخلعلك دراعي اللي عاجبك ده و كل شوية تتشعبطي فيه عااد
رعد بحزن... ارجوك خدني معاك لأحسن اتوه في الطريق و معرفش اوصلك تاني
سبع الليل باستسلام وجاب اخره... تعالي يا برغوته عشان انا جبت أخرى منك عارفة البراغيت انتي مش اكدييه؟؟؟
رعد بابتسامة و استغراب... لا معرفهاش
سبع الليل بخبث...انا هجولك انتي عاملة زي البرغوت لما يلزق في الواحد و بيقفش فيه و ميسبهوش ابدا اهو انتي عاملة زيه أكدييه
رعد بصتله بحب و عشق... وانا راضية بأي حاجة منك يا سبع ليلي انت
سبع الليل بغيظ... ايه يا حرمة قله الحيا اللي انتي فيها دي اتحشمي عااد بدل مااطخ العيارين اللي نفسي اطخهملك من لما وعيت علي خلقتك دي
رعد بمكر وحب... حاضر هتحشم يلا بينا
سبع الليل بيبص لعربيه رعد وبتريقه... و العربيه دي مش هتوديها لاصحابها عااد؟؟؟
رعد بجدية و حب... مش مهم اوديها المهم أروح معاك
سبع الليل بجدية... يلا يختي وانا مالي عااد يكش يبلغوا عنك و يمسكوكي يدوكي علقة موت لغايه لما يبانلك صاحب وتجولي حقي برجبتي يارتني سمعت حديدك ياسبع الليل
رعد قربت منه بعشق و اشتياق... ماهو صاحبي و حبيبي واقف جنبي اهو وبعدين اهون عليك تخليهم يضربوني اهون عليك ياسبعي انت؟؟؟
سبع الليل بدهشة و استغراب... عليا الطلاق انتي حرمة مبتختشيش و صماويل دماغك مفوته علي الاخر و لو متحشمتيش انا مش هشغلك في الدوار حدانا انا مش ناقص قلة حيا عندي واعيه للكلام يا برغوته انتي واعيه للكلام ولا اعيده تاني عشان جالوس الطين اللي جدامي تفهمه كويس
رعد بمشاكسة... اه واعية اوي يا سبع ليلي تحب احلفلك؟
سبع الليل بجدية... ياريت عشان اتوكد انك متعلميش حاجه اكديه ولا اكديه
رعد بحب و عشق... وحياتك عندي يا سبعي هنفذ كل اللي انت تجولي عليه هااا ايه رايك في تجولي دي وشويه شويه وهتكلم زيك بالظبط بس انت استني وشوف
سبع الليل بغضب... لا انتي حالتك ميئوس منها وملهاش حل عااد غوري جدامي ياواكله ناسك غوري
وسبع الليل أخد رعد و ركبها معاه العربية و راحوا علي الصعيد
********************************
👈عند دي دي في قسم الشرطة👇👇
اللواء صبري و فهد و اعتماد كانوا وصلوا و لقوا دي دي قاعدة و لامة هدومها حواليها
وفهد جري عليها و أخدها في حضنه و دي دي عيطت بهستريا وشهقاتها عليت... و فهد مازال حضنها وبحزن و جدية... صدقيني ياحبيبتي هاخدلك حقك من إللي عمل فيكي كدا متخافيش لأني عارف دي دي اختي ايه و ماشيه علي ايه و عمرها ما اتعديت حدود الغلط أبدا
و خرجها من حضنه و قلع الجاكيت بتاعه و لبسهولها و قرب من الظابط و بجدية و عنف... انا عايز اعرف ايه اللي حصل و ازاي تاخدوا اخت المقدم فهد العمري كدا هي سايبه ولا ايه؟؟
الظابط بجدية و أسف... انا أسف يا فندم بس جالنا بلاغ من مجهول بيقول فيه ان مالك السيوفي اتقتل في شقته علي أيد دي دي العمري و احنا فورنا انتقلنا لمكان الجريمة
فهد لسة هيرد قاطعه دخول بوسي و ياسين و مازن و بوسي قربت من دي دي و عايزة تضربها و فهد حمي اخته ووقف هو قدام بوسي
و بوسي بصريخ و عنف...عايزه تقتلي ابني يا بنت رعد عايزه تقتلي ابني حسبي الله ونعم الوكيل فيكي ربنا يوجع قلبك زي ما وجعتي قلبي علي ابني و بصريخ و هستيريا... سيبوني اموتها زي ما كانت عايزه تموته سيبوني اموتها و عايزة توصلها تاني باي طريقه
بس فهد منعها بقوة و بوسي من كتر صريخها و من اللي حصل لأبنها وقعت و أغمي عليها
و مازن شالها وخرج بيها واخدها في عربيته راح بيها المستشفي
و ياسين قرب من الظابط وبحزن و وجع... ابني فين دلوقتي يا حضرة الظابط
الظابط بجدية... احنا نقلناه المستشفى و دخلوه العمليات و هو حاليا في العنايه المركزه و فيه فريق بيفحصوا الشقة كويس عشان لو في اي دليل فيها
ياسين بص لدي دي بحزن و وجع و دي دي بدموع و حزن... اوعي تفتكر يا ياسو أن انا اللي عملت في مالك كدا انا...
ياسين بمقاطعة و عنف... مش عايز اسمع منك حاجه ابدا كفاية ان القطة اللي انا ربيتها أول ما يطلعلها ضوافر تخربش ابني انا و ياريتها خربشته و بس دي كانت عايزه تقتله بدم بارد و سابها و خرج
و دي دي قعدت مكانها بدموع و بتبص لفهد... والله يا فهد مش انا اللي عملت كدا والله مش انا
فهد بجدية و هدوء... طب احكيلي يا حبيبتي ايه اللي حصل و مين إللي عمل في مالك كدا طالما مش انتي اللي حاولتي تقتليه
دي دي بدموع و حزن... انا هقولك علي كل حاجة
وحكيت له كل اللي حصل من أول ما اتطلقت من أدم لغايه لما الشرطة اخدتها من شقه مالك و بدموع و وجع... والله هي دي الحقيقة يا فهد والله مكدبتش عليك في حاجة أبدا
فهد بجدية وحب و حزن علي اخته وإللي هي فيه... انا مصدقك يا قلب فهد و اوعدك اني هوصل للكلب ده مهما حصل
وبجدية اكتر... بس تعرفي غلطتك الوحيدة في الموضوع ده انك فضلتي تضغطي علي رجولة أدم لغاية لما طلقك مع انه اكتر واحد بيحبك و مالك ده كان مجرد وهم و عمره ما حبك أبدا
دي دي بدموع و رمت نفسها في حضن فهد... للأسف ده اللي عرفته يافهد بس عرفته متأخر اوي بعد ما ضيعت كل حاجة بأيديا و جريت ورا اللي كسر و حطم قلبي وحياتي وسبت اللي كان بتمنالي الرضى عشان ارضى عنه وعن اللي هو بيعمله بس انا كنت مغيبه وبصرتي معميه
و بدموع اكتر و شهقات... يارتني ما كنت طلبت من أدم الطلاق يارتني مكنت طلبته منه علي الاقل مكنتش هتجرح ولا اتوجع كدا ولا اوصل للي انا فيه ده دلوقتي
فهد بجدية و حب... ان شاء الله يا حبيبتي تظهر برائتك و ترجعوا لبعض بس المهم انك تنضفي قلبك من اي حاجة كانت لمالك جواكي و تبدأي مع أدم من اول و جديد
دي دي بدموع... و تفتكر بعد كل إللي انا عملته فيه ده هيسامحني؟؟؟
فهد بحب و توهان وبيفتكر همس... ايوة يا حبيبتي هيسامحك لأن اللي بيحب بيسامح و بجدية... انا هسيبك عشان اعمل خطتي و أوصل للكلب ده وبعد كدا هجيلك تاني ان شاء الله ياحبيبتي
و لسة هيسيبها دي دي شدته من ايديه و بدموع... ماما فين يا فهد ماما فين و لسه مجتش ليه انا عارفة انها زعلانه مني اوي بس ارجوك قولها تسامحني و تجيلي لانها وحشاني اوي و وحشني حضنها اوي ومحتاجلها فوق ماتتخيل ارجوك يافهد خليها تجيلي ارجوك
فهد بجدية و حب... متقلقيش يا حبيبتي هي هتجيلك دلوقتي لان زمانها علي وصول اطمني يا حبيبتي اطمني
وبص للظابط و طلب منه انه يخلي دي دي في اوضة لوحدها و مينزلهاش الحجز مع المجرمين
و الظابط وافق بكل احترام و طاعة لإنها مش أي حد دي بنت اللواء رعد احمد الوديدي
وفهد سابها و خرج و بعد وقت ليس بكثير الظابط أمر الشاويش اللي علي الباب ياخد دي دي لمكتب قريب منه و هي خرجت بقلب حزين و مفطور
👈👈لان هي اللي غلطانة وكل الحق عليها و حبها عماها عن الحقيقة الواضحة اوي إللي كانت قدامها طول الوقت ده و هي حقيقة مالك السيوفي و بدل ما تحافظ علي النعمة اللي في أيديها فرطت فيها و باعت الغالي بالرخيص و دي كانت نتيجة اختيارها فمتلومش غير نفسها وبس نفسها وبس
و هي ماشية في الطرقة و الشاويش ماسكها قابلت أدم!!!!
👈 اللي سمع الخبر و قلبه اتكسر ميت حته علي حبيبه عمره وبرغم اللي دي دي عملته فيه وقالتهوله بس ما يقدرش يتخلى عنها ابدا لان حبها بيجري في دمه
ودي دي رفعت عيونها ليه و دموعها مغرقه وشها وعيونها فيها كلام كثير واهم كلمه فيهم انها بتطلب من ادم ان هو يسامحها
وادم عيونه كلها حزن ووجع وكسره معقوله هي كانت فرحانه عشان طلقتها عشان تروح لمالك و ترخص نفسها ليه كده معقوله راحت ترمي نفسها في احضانه اللي هي حرمتها عليه مع اني انا كنت جوزها معقوله و عيونه ونظراته اتغيرت لنظرات اتهام وغضب
ودي دي فهمت نظراته و بدموع ووجع... ارجوك متجيش هنا تاني لاني مجرمه و اجرمت في حق نفسي وفي حق اقرب الناس ليا وفي حق اللي بيحبوني وفعلا انا بعت الغالي بالرخيص وبدموع اكثر ارجوك ابقي سامحني لو كنت استحق السماح منك
و مشيت من غير كلام وادم كمان ما تكلمش معاها ولا حتي كلمه واحده و غمض عيونه وقلبه موجوع وحزين على حزن و كسره نفس حبيبته
و لنفسه رجعها ليك يا ادم وانسى اللي حصل وخصوصا ان مالك بأن علي حقيقته وسابلك المجال مفتوح ولا تسيبها لان مالك هيفضل طول عمره في قلبها ودي دي عمرها ما هتنساه وهتفضل فاكراه وفاكره حبها له وانا هفضل انجرح واتعذب في حبها
ولنفسه وبسرعه... لالا مش هرجعها ليه لان انا افضل انجرح من دلوقتي بدل الجرح ما يكبر اكثر واكثر ويبقى أضعاف واضعاف... وبص ورفع عيونه ودعا من قلبه يا رب ساعدني ودلني على الطريق الصح اللي انا امشي فيه... يا رب مش عايز اخسر دي دي... و مش عايز اخسر كرامتي ورجولي اكتر من كده يا رب ساعدني يا رب ساعدني و ووجهني علي الطريق الصح
***************************معركه عشق الحيتان ج٣ لعذاب رعد... بقلمي ملكه القلوب #دي_دي_فتحي
صفحتي الشخصية علي الفيس باسم... أللهم أسألك الفردوس لوالدى
✍️✍️عند بسنت👇👇
مازن لسه هيشيل الظرف ويشوف الصور والميموري لاقا بوسي بتصرخ وساب الظرف من ايديه ونزل بسرعه علي صرخها
بسنت نزلت وراه بس ملحقتهمش ورجعت تاني الاوضه و اخدت الظرف و فتحته بدموع و وجع و شافت صورها و مش باين مين اللي معاها في الصورة لان صقز شوش علي صورته بالفوتوشوب و خلي وش بسنت بس هو إللي ظاهر
والصور كانت في أوضاع قذرة و باين اوي انها مش متفبركة و بصت للميموري اللي مع الصور و حطيته في تليفونها و شافت كذا فيديو معمول بنفس الطريقة هي اللي ظاهره في الفيديو وصقر لا
و الفيديوهات دي صقر صورها لها وهي معاه لما كان واهمها انه متجوزها عرفي
👈👈وكمان لقيت فيديو بصوت صقر بس مغير صوته و بيقول لمازن إن الفيديوهات دي لمراتك بسنت المصونة و معاية اكتر منهم يعني تقدر تقول انها عشيقتي
وللأسف ضحكت عليك و وقعتك في شباكها و هي في الحقيقة واحدة شمال من بتوع التلات ورقات بدليل الصور اللي معاك دي و كمان الفيديوهات اللي علي الميموري ولو عايز اثبات لكلامي ده واجه مراتك بالصور والفديوهات وهي مستحيل هتنكر ده أبدا
بسنت غمضت عيونها بوجع و حزن و دموعها نازلة مش بتوقف معقول الانسان الوحيد إللي حبته في حياتها يكون بالقذارة والحقاره دي معقوله و ليه يعمل فيها كدا و عايز يحطم حياتها بالشكل ده ليه
ومازالت دموعها نازلة قررت قرار و قالت انه أنسب قرار علي الاقل متجرحش مازن و كمان ميكرهاش لما يشوف الفيديوهات و الصور دي وهو مسيره يعرف بيها مكنش النهاردة يبقا بكره بس بعد مايكون طلقها... واتاكدت ان انسب حل هو انها تطلب الطلاق من مازن وحرمانها منه بعد ماكانت خلاص هعتبره جوزها مش صديقها لانها فعلا حست بالأمان اللي هي اتحرمته منه معاه بس خلاص لازم يطلقها وتكمل حياتها في عذاب ووجع.
*******************************
👈عند رعد و سبع الليل الدهشوري 👇👇
سبع الليل اخد رعد و سافر بيها الصعيد و رعد اصرت عليه انهم يروحوا بالعربية عشان يكون في وقت قدامها تعرف فيه ايه اللي حصله غيره كدا ولا هي اللي اخطلط عليها الامر ولا ايه
وفعلا سبع الليل وافق رغم عنه و هو ساق بس حس بعد فتره انه تعب من كتر السواقة لأن الطريق طويل و بغيظ لرعد اللي مسهمة و بتبصله بحب و عشق و اشتياق و هو بغيظ... اللهي يجيلك و يحط عليكي يا بعيدة انا ايه اللي خلاني اوافق علي اكدييه
رعد بصوت واطي... لأنك عمرك ما رفضتلي طلب
سبع الليل بزهق... بتجولي ايه يا ولية يا خرفانة انتي
رعد بجدية و حب... بقول لو تعبت من السواقة ريح شوية وانا اسوق بدالك
سبع الليل بغيظ اكتر... ايوة يا واكله ناسك تريحني عشان تلبسينا في مصيبة تانية مش كفاية لبستي في عربيتي وانا لبست فيكي و بعدين معندناش حريم بتسوق عربيات في الصعيد
رعد بحب و جدية اكتر... علي فكرة الصعيد اتطور جدا و غير كدا احنا لسة قدامنا كتير عما نوصل الصعيد فخليني اريحك شويه
سبع الليل بمكر... تعالي اما اشوف الرجولة اللي قتلاكي دي يكش افرح فيكي وانتي مسخسخة علي روحك من التعب و تجوليلي حقي برجبتي وتعاله انت كمل ياسبع الليل
رعد بجدية و قوة... مش رعد اللي تقول كدا و بتقرب منه و هو سايق و بهمس دانا حتي رعد في كل حاجة ولا ايه رايك انت يا سبعي
سبع الليل بغيظ و وقف العربية... عليكي و علي سبعك في يوم واحد و بمكر اكتر... تعالي يلا يا واكلة ناسك انتي اما اشوف اخرك فين
وفعلا بدلوا الاماكن و رعد هي اللي ساقت و ساقت مسافة كبيرة اوي من غير تعب يمكن ضعف المسافه اللي ساقها سبع الليل
سبع الليل بستغراب... بجولك ايه يا برغوتة انتي
رعد بصتله بحب... جول يا قلب و عقل البرغوتة
سبع الليل... الا هي البعيدة جبلة و مش حاسة بأي تعب عااد
رعد بحب و عشق... لا أبدا مش حاسة باي تعب لاني معاك بنسي اي تعب و بنسي نفسي و بنسي الدنيا كلها
سبع الليل بغيظ... طب اوعي يا واكله ناسك تنسي الدركسيون و تلبسينا في أي عربية
رعد بابتسامة... متخافش يا حبيبي ده انا افديك بروحي والله
سبع الليل بتريقة... يختي اتلهي كنتي فديتي نفسك الأول لما لبستي نفسك في عربيتي
👈👈رعد لسة هترد قاطعها انسداد الطريق و لقيت رجاله واقفه و كانوا مش اقل من عشر رجالة و واضح عليهم انهم قطاع طريق و بيقفوا العربية و رعد اضطريت تقف
و سبع الليل بجدية و غضب... وقفتي العربية ليه يا عدوة نفسك انتي ناوية علي هلاكك ولا ايه
رعد بجدية و هدوء... خايف عليا ؟؟؟
سبع الليل بجدية... مش حكاية خوف يختي بس دول مبيفرقوش الحرمة من الراجل و ممكن....
رعد بمقاطعة و حب و عشق... طول ما انا معاك و جنبك و بين أيديك أقدر اواجه الدنيا كلها مش شوية تيران زي دول اقدر افعصهم برجلي في لحظه
سبع الليل لسة هيرد... قاطعه قطاع الطرق اللي فتحوا باب العربية بكل وحشية و شدوا رعد و سبع الليل اللي اتكلم بعنف وغضب... محدش ليه صالح بالحرمة دي و اللي انتوا عايزينه مني انا اعملوه ده لو قدرتوا تعملوا معاية حاجة لأن انا سبع الليل الدهشوري عارفين يعني إيه... يعني الليل نفسه بسواده وظلامه بيخاف مني
واحد منهم اتكلم و هو بيبص لرعد برغبة ووقاحه... طب انت و عرفتنا علي نفسك طيب و الحرمه الجامدة دي مش هتعرفنا علي نفسها ولا ايه
و بيقرب من رعد و برغبة متوحشة... قوليلي يا فرسة انا احلى و بيبص لسبع الليل و لا خيالك ده أحلي
رعد في لحظة كانت ضرباه بالبوكس في وشه و لسة واحد بيقرب عليها عشان يضربها سبع الليل ضربه
وبعنف وغضب... جولتلك ملكش صالح عااد بالحرمة دي و اللي انتوا عايزينه اعملوه معايا ليه مبتسمعوش الكلام عاااد ياشويه بهايم
باقي الرجالة قربوا منهم بشراسة و وحشية و ضربوا في رعد و سبع الليل بعنف وغضب
👈👈ولأن الرعد دايما و أبدا بيثبت وجوده و قوة رعده في كل مكان قدرت تتغلب علي اللي كانوا بيضربوها بكل سهولة
و قربت من اللي كانوا بيضربوا سبع الليل و هو بيضربهم بعنف و شراسة
و مسكت اللي كان عايز يعرف هي مين و اذا كان هو الاحلي و لا سبعها الاحلي و شدته و لفت ايديها حوالين رقبته و بهمس غاضب... انت كنت عايز تعرف انا مين وأنا هعرفك دلوقتي لانها تعتبر اخر معرفة ليك في الدنيا انا اللواء رعد احمد الوديدي عارف يعني ايه اللواء رعد احمد الوديدي يعني #الوحش_المقنع يا حيوان و مفيش وجه مقارنة بينك و بين سبعها يا غبي
و في لحظة كانت كسراله رقبته وقعته علي الارض جثة هامدة
وسبع الليل كان ضرب اللي كانوا بيشتبكوا معاه بشراسة و وحشية و قرب منها و بستغراب... يخربيت مطنك يا برغوته انتي ضربتيهم كييف اكدييه
رعد بمكر و خبث... ما انا قولتلك قربك مني بيقويني يا سبعي و بمكر و خبث بتحط ايديها علي شفايفها اللي كانت مجروحة اثر الاشتباكات و بمكر و تمثيل... آه آه دي بتوجعني اوي يرضيك كدا ياسبعي يرضيك
سبع الليل بغيظ... هي ايه يختي اللي بتوجعك
رعد و هي مازالت حاطة ايديها علي شفايفها... دي هنا و بتقرب منه اوي و هو بغيظ اكتر و بيبص لقطاع الطرق اللي مرمين علي الارض عبارة عن جثث
و بغيظ اكتر... يعني يختي فوتي في الحديد و كسرتي عظم الدورف دول و في الاخر بتشتكي من جرح صغير جد أكديه
رعد بمكر و همس و حب و اشتياق و بتقرب منه اكتر و اكتر... آه بيوجعني اوي لأن محدش كان يقدر يجرح شفايفي دي غير شفايفك انت و بس و انت الوحيد اللي كنت بتداويها بشفايفك هااا هتداويني ولا هتسيب شفايفي توجعني كدا
سبع الليل بغيظ اكتر... عليا الطلاق انتي حرمة مجنونة وخرفانه وبعدين شفايف ايه و كلام فاضي ايه يا جالوس الطين انتي
و لسة هيبعد عنها رعد رمت نفسها في حضنه ولسة هتلف ايديها حوالين سبع الليل زقها ووقعها علي الارض وبعنف وغضب... عارفة أنا ممكن اطخك عيارين دلوقيت عشان انتي حرمة قليله الرباية نوصل الصعيد بس وانا هخلي اي حد من الغفر حدايا يرجعك مصر تاني و تبعدي عني بقلة حياكي دي
رعد قامت و بدموع... لا انا مش هرجع و مش هروح في اي مكان غير وانت معايا لأنك يامن جوزي و حبيبي و أبو ولادي
سبع الليل بجدية و غضب.... يامن مين يا خرفانة انتي انا جولتلك مرة و مليون انا سبع الليل الدهشوري و عمري ما شوفتك يا واكله ناسك انتي يبقي هكون ليا عيال منك ازاي هااااا في الحلم ولا ايه عااد
رعد بدموع... انت اكيد فاقد الذاكرة يا حبيبي من رميتهم ليك من الوادي في اخر عملية قومنا بيها فاكر يا حبيبي لما كنا في الجزيرة و قولتلك انا قلبي مش مرتاحة العمليه دي فاكر
سبع الليل بغضب اكتر وزعيق.... فاقد الذاكرة مين يا مخبولة انتي و معاكي فين انا بجالي اكتر من 45 سنه في الصعيد وفي دواري و عمري ما شوفتك يبقا انتي مراتي ازاي هااا
امال اللي معايا دي مين و نص دسته العيال اللي معايا منها دول ايه عارفة انا معايا منها ٦ اشطح يسدوا عين الشمش
رعد بدموع... انت بتقول ايه انت متجوز و عندك ٦ عيال امتي ده و حصل ازاي دي كل الحكاية كام يوم أكيد دي خطة او في حاجة غلط في الموضوع ده
سبع الليل بزهق و غضب اكتر.... كام يوم ايه يا واكلة ناسك بصي عشان انا جبت اخري منك انا اسمي سبع الليل الدهشوري و مراتي اسمها نوسة و حدايا منها ٦ بغلة زي ماجولتلك و اصغر واحد فيهم عنده عشرين سنه و جوزك اللي انتي بتدوري عليه ده اكيد مش انا روحي دوري عليه بعيد عني لإنه يخلق من الشبه اربعين
وانا هسيبلك عربيتي تروحي بيها لأن اللي تسوق المسافه دي كلياتها و كمان تدافع عن نفسها و تضرب التيران دول تبجا زي البسة بسبع ترواح و سهل عليها ترجع لوحدها وابجا كدا عملت اللي عليا معاكي
و لسة هيمشي و يسيبها رعد مسكت ايده و بدموع... انت هتمشي و تسبني تاني يا يامن هتمشي و تسبني
سبع الليل بغضب و صوت عالي... يامن يامن جرفتيني من الاسم الملغبط ده انا مش زفت مش زفت ده انتي فعلا حرمة خرفانة عااد و سابها و مشي
و رعد قعدت علي الارض علي ركبتها و دموعها نازلة زي الشلال معقوله تسيب الدنيا كلها و جاية تجري ورا سراب معقولة ده مش يامن معقولة
و محستش باللي قرب منها و قرصها في رجليها و هي علي الارض لانهم كانوا في طريق مقطوع قريب من الصحراء
و رعد أتألمت من القرصة و بصت للي قرصها لقيته تعبان و بصتله بابتسامة و تعب... طول عمري التعابين هي إللي بتخاف مني بس في الاخر واحد منهم أتجرأ و قرصني عشان ينهي حياة #الوحش_المقنع ياااا مبسوطة اوي ان نهايتي جت علي الاقل هروح لحبيبي
و نامت علي الارض بتعب و دموعها نزلت... سامحيني يا
دي دي سامحيني موقفتش جنبك ياحبيبتي و جريت وراء سراب بس أنا متاكدة ان فهد هيقف جنبك و يساعدك و أنت يا فهد اكيد حب همس ليك هيرجهالك تاني
👈👈و بصوت متقطع وخافت... الحمد لله اول مرة احس بالراحة و احس ان عذاب رعد هينتهي لما هي تنتهي من الدنيا👈 أول مرة أعرف ان عذاب رعد هينتهي لما تموت
👈و غمضت عيونها و هي علي وشها ابتسامة رضا انها رايحة لحبيبها و عشيقها وجوزها يامن.
