رواية قلب فى قبضة العدو الفصل الثالث بقلم سوارا
قلب في قبضة العدو
#البارت_الثالث
بيفوق بيلاقي نفسه مربوط وفي ربطة في عيونه...
رامز بزعيق : انا فييييين؟؟؟..في حد هنا؟؟؟
: مش عارفه هما جابوك متربط كده وحطوك !!
رامز بحدة : وانتي ميييين؟؟؟
: مش انتي !! .. احنا !! .. احنا بنات مخطو*فين بقالنا فوق الشهرين !! .. اتخطـ..ـفنا ومحدش بيجيلنا الا عشان يادوب يحطوا حاجات كل شهر عشان ناكل منها !! .. محدش بيجاوبنا محدش بيكلمنا !! .. ولا حتى عارفين احنا اتخطـ..ـفنا ليه !!
.... كان اهونلنا لو مو*تونا ولا سابونا كده في خوف على عيلتنا ورده فعلهم و مصيرهم !!
رامز بتعجب من حديثها : طب هتعرفي تفكيني؟؟؟
: وانا ايش اللي يضمنلي انك مش منهم ومخطو*ف بجد؟؟.. وحتى لو مش منهم انك مش هتئذينا واحنا كلنا بنات؟!!
رامز بثقه و غرور وهو بيقاطعها
: رامز الجارحي .. وحش الداخليات كلها مش داخليه .. مقدم ولولا اني اعتزلت الشغل كان زماني لواء !! .. مجنن الأكبر مني ومحير الأصغر مني وده مش غرور !!
البنت بسخريه : طب يا وحش انت ما تفك نفسك ولا انت وحش فستك؟!!
الكل بيضحك بقوة من حديثها بس كانت الصدمه ليهم وليه لما فك نفسه
رامز بصدمه : هوا انتي؟؟! .. كانت نفسها اللي بيشوفها في احلامه بس الفرق جسمها فيه حرق ووشها باهت وحزين
: هوا في كده بجد انت ازاي فكيت نفسك؟!!
رامز بيستوعب الموقف وبيحمحم وبيكمل بثقه وغرور
: ما انا يستفيد من وقتي في اني اتدرب على حاجات واتعلم !! .. مش زيك انتي وقتك رايح في ازاي؟؟. وايه ده؟؟؟.. والتريقه.. وكلام النسوان!!
وجهها بيحمر من شدة الاحراج وبتمشي من قدامه وهو متابعتها وسرحان فيها وبتقعد في آخر الاوضه بعيد عنهم
رامز بانتباه على نفسه : انت مش جاي علشان ده !! .. ما تنساش اللي انت جاي عشانه !!
.. وبيكمل بجدية : الواضح أن كلكم بنات يجي في الجامعه كده صح؟؟؟
= صح
رامز بهدوء : قولولي بقى انتو في كليه ايه؟؟؟.. وازاي اتخطـ..ـفتو؟؟
بتتقدم واحده منهم بخوف : انا في كليه هندسه .. وكل حاجه بدأت لما رحت الحمام
رامز بتركيز وهو بيطمنها بنبرته : ما تخافيش احكي اللي حصل معاكي
ندى بذعر وهي بتفتكر : كنت خارجه من المحاضره لقيت واحد زميلي دخل الحمام براحه وهو بيلتفت أن محدش شافه.. وكان حمام البنات !! .. فأنا انصدمت فقولت لازم اشوف هوا بيعمل ايه هنا ودخلت وراه .. لقيت واحده من الحمامات اللي موجوده جوه الباب بتاعها مقفول!!... فعرفت انه جواها فدخلت اللي جنبه عشان اقدر اسمعه وو
: انتي ليه مش عايزاني اتقدملك؟؟؟.. ياترى لامتى هنفضل كده ؟!!
= انت ليه مش عايز تفهمني؟؟؟.. قدر ظروفي انا معنديش فلوس اشتري بيهم طرحه حتى !!
: يا بنت الناس قولتلك انا شاريكي بشنطة هدومك انتي بس وافقي وخليني اروح اتقدملك من اعمامك !!
= يوه بقى انت بس زن زن زن معندكش حاجه غير الزن !! .. ايه ده؟؟؟ .. الساعه خمسه وخمس دقايق جات !! .. وقتك خلص معايا !!
سمعت بعدها صوت صرخته وارتطام جسمه بالأرض ندهت عليه بخوف
: أسر.. انـ..نـ.نت انت كويس؟؟؟.. ده صوت ايه ده؟؟!..اللي جوه عندك؟؟.. افتحيلي الباب يا بنت انتي انا عارفه انك جوه!!
مكنش فيه رد بس كنت حاسه بحركه جوه الحمام
: أسر انت كويـ....ملحقتش اكمل كلامي لاني لقيت بركه د*م تحت رجلي جايه من الحمام وقتها فهمت كل حاجه و التفت عشان اجري بس الباب اتفتح واخدت ضر*به على راسي !!
رامز بتدقيق : طب مشوفتيش اللي ضر*بك ؟؟؟ .. ولا اي حاجه تدلنا عليه ؟؟؟
ندى بمحاولة تذكر : مشوفتهاش ساعتها .. بس قبل ما اقع شوفتها في المرايا بتشويش وهي ورايا.. بس مكنتش شايفاها بوضوح !! .. غير انها كانت بنت ولابسه فستان احمر وكنت شامه ريحة حريمي قويه !!
رامز بيلاحظ حاجه وبيسكت
رامز بهدوء مريب : تمام !!.. مفيش حاجه تاني عايزه تقوليها؟؟؟
ندى بتذكر : الا انا افتكرت اني كنت شبه فاقده الوعي .. كنت في مقلب الزباله وفي حد بيحركني !! .. وكنت شايفه من الفتحه اني لسه في الجامعه .. بس مقدرتش اعمل صوت !! .. وغبت عن الوعي ولقيتني هنا !!
رامز بابتسامه خفيه : تمام !! .. في كد تاني عنده حاجه عايز يقولها ؟؟؟
.. وبيبص على البنت اللي قاعده في الزاويه من ساعتها وهو مستغربها ونفسه يعرف ازاي جات وبيشاور عليها
: انتي !!
البنت يتمسك حجر صغير على الارض وبتبدا ترسم بيه حاجه على الحيط وسط استغراب وذهول رامز
رامز بذهول وصدمه وهو بيبص على الرسمه : دي.... يتبع!!
شكرا لزيارتكم عالم روايات سكيرهوم
