رواية عذاب رعد (3) معركة عشق الحيتان الفصل الحادي عشر
همس خافت من عنف فهد و غضبه و رجعت لوراء وقعدت في جنب ولمت نفسها حواليها
وبتبص لفهد اللي عايز يولع فيها و بدموع... علي فكرة انت قاسي اوي يافهوده عشان عمال تزعقلي و تبهدلني قدامهم وده كله عشان انا مش عايزاك تطلقني عشان انا بحبك و مقدرش اعيش من غيرك
و بدموع اكتر... قولي إنت بتحبني زي ما انا بحبك ولا لاء ارجوك قولي انك بتحبني و متقدرش تعيش من غيري
فهد ساكت و مش بيرد و علي نفس غضبه منها و همس قررت السؤال تاني و هو مازال علي سكوتة
ولما رعد و يامن وابراهيم لقوه ساكت وهمس مصممة علي سؤالها بصوا له برجاء عشان يقولها حتي لو بالكذب بس الفهد هيفضل طول عمره فهد وميهموش حد
وقرب منها وبجدية... بس انا مش جايب المأذون عشان يطلقنا انا جايبه عشان يجوزنا لبعض لأن احنا متجوزناش اصلا
همس بدموع وصريخ... لا انت كداب كداب عشان احنا اتجوزنا وانت جايبه عشان يطلقنا
فهد بعنف و نفاذ صبر... تقدري تقوليلي احنا اتجوزنا امتي طالما انتي متاكدة اوي كدا
همس بعدم معرفه... مش عارفة امتي بس انا صحيت من النوم و انا عارفة اننا متجوزين وانك جوزي وحبيبي
فهد بغيظ... يعني ايه اتجوزنا في الحلم ولا ايه ؟؟؟
همس بجدية وتذكير... اه ممكن برده وليه لا
فهد بغضب اكتر... وده من ايه ان شاء الله انتي هتعقلي بقا ولا قسما بالله ما هتجوزك ولو حتي ايه اللي هيحصل انا اعصابي باظت منك و مش قادر استحمل اكتر من كدا يلا قومي بقا
وبيشدها من ايديها و همس شدت ايديها منه بعنف وغضب و بصريخ... انا مش هقوم معاك... لانك انت هتطلقني ... وانت مش هتجوزني علي مزاجك و تطلقني علي مزاجك
فهد قام بعنف وغضب... و بيبص لرعد وابراهيم ويامن واللي خايفين منه ميكملش اللي هو بدأه وفعلا اللي هما خايفين منه حصل
وفهد اتكلم بعنف وغضب اكتر... اظن انا كدا تمام وعملت اللي عليا و زيادة و استحملت فوق طاقتي روحوا بقا شوفوا للمتخلفة دي واحد غيري تطلع تخلفها عليه
ولسة هيمشي ابراهيم مسكه من دراعه و بعنف وغضب... مفيش حد متخلف غيرك واياك تقولها كدا تاني فاهم واتأكد انها لو بعقلها مستحيل توافق بحيوان و حقير زيك إنت
فهد نزل ايده بعنف وغضب اكتر... وانا لولا الظروف اللي فيها أمي وابويا والضغط النفسي اللي أنا فيه بسببهم مستحيل اوافق عليها حتي لو اخر واحدة في العالم وبجدية..و عارف لو دوايا معاها هفضل الموت علي اني اخده من وحدة زيها
ابراهيم لسة هيرد رعد نزلت بسرعة و فصلت بينهم وبجدية... لو سمحتوا اهدوا شوية وخليكم فاكرين انها فترة مؤقته بس و خطوة الجواز دي عشان الناس و كلامهم
فهد لسة هيرد... قاطعها المأذون اللي خلاص جاب أخره من الوقفة والانتظار و بجدية... ممكن تخلصونا بقا يا جماعة عشان ورايا شغل تاني و بسؤال... وبعدين ليه تصرفات العروسة غريبة كدا وبتقول علي الجواز طلاق حد يفهمني انا جاي اجوزهم ولا اطلقهم ولا ايه بالظبط
رعد بصتله وبجدية.. انت جاي تجوزهم ياشيخنا و لو سمحت اديني خمس دقايق بس وكل حاجة هتبقا تمام
المأذون باستسلام... ماشي يا فندم
رعد راحت لهمس اللي مازالت قاعدة علي الارض و بجدية و حنان... ممكن اعرف همس الجميلة قاعدة كدا ليه و زعلانة ليه
همس بعنف... انا مش اسمي همس انا اسمي طعمة وبعدين قاعدة كدا ليه و زعلانة ليه عشان بغلي عايز يطلقني
رعد بمكر... بصي هو مش جاي يطلقك هو جاي يتجوزك لأن جوازكوا اللي انتوا اتجوزتوه في الحلم ده مينفعش لان محدش فينا شافة فلازم احنا كمان نشوفه عشان كدا بعتنا فهد يجيب المأذون عشان يجوزكوا قدامنا كلنا مش يطلقكوا
همس بعد ما سمعت من رعد سكتت شوية و من غير كلام و بتلقائيه جريت علي فهد واتعلقت في رقبته وبحب و فرحة و آسف... انا اسفة يا حبيبي انا آسفة عشان ظلمتك وانك جبت المأذون عشان الكل يعرف بجوازنا حقك عليا يا فهوده حقك عليا يا بغلي حقك عليا
فهد بزهق و هو بيشيل ايديها من علي رقبته...ابعديييي عنيييي... و أولا اسفك مرفوض... و ثانيا انا اسمي فهد مش فهوده... و ثالثا بطلي تقولي بغلي دي عشان مبيقولهاش غير الناس البلدي وغير كدا انا مش عايز اسمع منك لا دي ولا دي ولا أي حاجة خالص و ياريت بقا تحطي نفسك علي الصامت عشان انا جبت اخري منك
همس بتلقائيه و حطت ايديها تاني علي رقبته... طب احط نفسي علي الصامت ازاي يا حبيبي وانا احطها
فهد بعدها تاني وبزهق وعنف... انتي ايه يابت انتي... انتي مبتفهمش ولا ايه... وبعدين ايه البرفان المقرف اللي انتي حطاه ده انتي غبيه فيه حد يحط برفان بالقذارة دى
همس و هي بتشم في نفسها بفخر... مقرف!!! ده اخر منجهه وبعدين ده مش برفان و سكتت وبتبص لفهد اللي اتكلم بزهق... ممكن اعرف بتبصيلي كدا ليه
همس بتلقائيه... عشان تسألني يافهوده وتقولي أمال حطيتي ايه يا طعمتي
فهد بزهق اكتر... وانا اسألك ليه ياست انتي وانا مش عايز أعرف اصلا و لا مهتم وبعدين ايه طعمتي دي انتي مبقاش فيكي عقل خالص
همس بتلقائيه وبعفويه انت مسالتنيش... بس انا هقولك عشان انا عايزة اقولك و مش مهم انت عايز ايه🤭
وبتشم نفسها وبتفاخر👈 دا مش برفان 👈دا فليت من بتاع الدبان ده😲🤭😂😂😂 عارفه انت طبعا ولقيت واحدة بترش منه اخدتها منها و رشيت لي شوية اااااد كدهون منها عشان اعملهالك مفاجأة واعجبك يافهوده ياحلو انت🙆♀️🤭😂😂😂
فهد بزعيق وصوت عالي... لإنه خلاص مبقاش قادر يسمعها ولا يستحملها اكتر من كدا... ماااااااما ماااااما هتخلصيني ولا اضرب نفسي طلقة وارتاح منها ومن اللي انا بسمعه ده🤭🤣🤣🤣
رعد و هي بتحاول تكتم ضحكتها... لا يا حبيبي حالا يلا
و بتبص للمأذون... اتفضل يا شيخنا جوزهم لبعض ولا مستني لما الواد يضرب نفسه بالنار🙆♀️🤭
المأذون بجدية... يلا يا بنتي انا مستني بقالي ساعة عشان كدا... ياريت العريس و أبو العروسة يتفضلوا قدامي هنا
ابراهيم وفهد قعدوا و هما في قمة غضبهم من بعض و بدأ المأذون يكتب الكتاب و بعد ما خلص جابوا اتنين من دكاترة المستشفى يشهدوا علي عقد الجواز و المأذون مشي
وابراهيم بجدية و خوف... علي همسته اللي بتزغرط و فرحانة
وبجدية وبيبص لرعد و يامن... بنتي أمانه في رقبتكوا ارجوكوا خلوا بالكوا منها انا مش هقدر أوصى ده عليها و بيبص لفهد اللي عيونه كلها شر و كره لابراهيم وهمس
وابراهيم كمل بجدية... انا همشي عشان حنين امها هتموت من القلق عليها لازم اروحلها و اشرحلها اللي حصل واتمني انها تستوعبه و تسامحني اني جوزت همس و هي مش موجودة وبعد ما تستوعب اللي حصل لهمس هجيبها و نجي نشوف همس و نطمن عليها بس أرجوكم بنتي دي هي روحي و عقلي و كل حياتي أرجوكم خلوا بالكوا منها وأي حاجه لا قدر الله تحصلها تتصلوا عليا علي طول وانا هاجي وكمان هروح جامعتها اقدم لها علي اجازة مرضي عشان ميفصلوهاش لانها في اخر سنه و حرام تعبها و مجهودها يروحوا علي الارض
يامن بجديه... متقلقش ان شاء الله مش هيحصلها حاجة دي في عنينا و أتأكد انها هتكون وحدة من ولادنا و زيها زيهم بالظبط
وابراهيم بيبص لرعد اللي اتكلمت و بجدية... متقلقيش همس زيها زي دي دي عندي واللي مقبلهوش علي دي دي أكيد مش هقبله علي همس
ابراهيم بجدية و بيبص لفهد اللي واقف جاب اخره و اتكلم... جوازك من بنتي سوري يعني ملكش عليها اي حقوق فاهم
فهد بعنف وغضب....ومين قالك إني عايز اي حقوق من البتاعة دي👈 إللي بترش علي نفسها من الفليت بتاع الدبان وفكراه برفان🤭 و حتي لو هي احسن واحدة في العالم مستحيل هيبصلها لان مش فهد العمري اللي يضعف قدام واحدة حتي لو كانت مين
ابراهيم بجديه وغيظ.... تصدق دي احسن حاجه و الحمد لله انك كدا وقرب من همس عشان يبوس جبينها وهي بعدته عنها
وبجدية... بقولك ايه👈 يا براااااهيم عيييب كدا عشان بغلي فهوده واقف اهوا👈 وانت جاي تتحمرش بيا عيب كدا لاحسن اقوله 👈وهو يبلغ عنك بوليس المؤدبين
ابراهيم بابتسامة وحب وحنان... عيون و قلب برااهيم انتي يا همستي خلي بالك من نفسك ياحبيبتي
✍️✍️وبصوت واطي...☺️😂🙆♀️
👈لو بغلك ده ضربك اضربيه😲🤭
👈و لو شتمك اشتميه😲🤭
👈 ولو هانك هنيه😲🤭
👈 و لو طلب منك حاجة إوعى تنفذيها فاهمة😲🤭
✍️✍️همس بصوت واطي زيه... 👈هو انت بتكلمني بصوت واطي ليه كدا يابرااااهيم🤭🤣🤣🤣
ابراهيم بمكر... عشان عايزه يبقا سر بينا وبس خليه بقا في سرك ماشي
✍️همس بصوت واطي اكتر... 👈ماشي يابرااااهيم ماشي 🤭
ابراهيم ضحك لها و ودعهم و مشي وبعد خروجه
رعد اتكلمت بجدية و حذر و ترقب... فهد خد مراتك يا حبيبي و روحوا الفيلا وخليهم يحضروا لها العشاء وكمان خلي دي دي تديلها هدوم من عندها و حطهم مع هدومك في اوضتك علي ما تبقا تشتري لها هدوم
فهد بعنف وغضب و صوت عالي... 👈أولا دي مش مراتي و لا عمرها هتكون كدا... 👈و ثانيا انا من هنا و رايح مليش علاقة بيها علاقتها بيكوا انتوا وبس.... 👈و ثالثا بقا و ده الأهم واللي هيحصل و المؤكد انها مش هتقرب من أوضتي ولا حتي هتلمحها و الا قسما بالله همشي المرة دي و مش هتشوفوا وشي تاني
يامن جه يتكلم فهد قاطعة بغضب اكتر...لو سمحتوا متضغطوش علي نفسيتي اكتر من كدا لانكوا عارفني كويس و اتفضلي يا ماما روحي البتاعة دي وانا هبات هنا مع بابا
رعد لسة هترد باعتراض يامن قاطعها و بهمس... روحي يا رعد قلبي روحي ياحبيبتي روحي معاها بدل ما يروح معاها و يقتلها ولا يعمل فيها حاجة واحنا مش ناقصين كفايه اللي احنا فيه
رعد بجدية... والله يعملها و ميهمهوش مهو حاول قبل كدا
وبجدية اكتر و بصت لهمس... يلا يا حبيبتي يلا نمشي عشان تاكلي وترتاحي
همس بجدية و رفض و اتعلقت في دراع فهد... لا انا هفضل مع فهودة و نيجي سوا روحي انتي يا امااا رعد
رعد بابتسامة... فهد يا حبيبتي هيبات مع باباه عشان لو عايز حاجة فا يلا بينا احنا
فهد زقها و بزهق... ابعدي بقا عني بريحتك دي و روحي ارمي نفسك في البحر عشان تنضفي
همس بتلقائيه وسؤال... فين يا فهدي البحر ده وانا اروح ارميلك نفسي فيه هااا قولي يلا هو فين
فهد بنفاذ صبر... ياربي غبية و متخلفة و مبتفهمش ده كله في شخصية واحدة يارب ارحمني بقا وبزهق... ارجوكي يا ماما خديها من هنا وامشي بقا ارجوكي
رعد بضحك... حاضر يا حبيبي حاضر يلا بينا يا همستي
همس بجدية... يلا بينا يا امااا رعد بس بعد كدا متقوليش همستي دي عشان انا اسمي طعمة... وبتبص لفهد وبتبعتله بوسة في الهواء وبمشاكسه ... دي ليك يا فهودة ياطعم انت عشان تنام و تحلم بيا عما أجيلك الصبح👈 و هفقشلك بضتين دجاجة🤭 وشوية مش بدوده و اجيلك يا فهوده يا حلو انت🤭🤣🤣🤣
فهد بزهق و غضب... 👈يارب تنام عليكي حيطة يا شيخة و ما يطلع عليكي صبح👈 و يجوا يصحوكي يلاقوكي انتحرتي و لا موتي ولا اي حاجة المهم ماشفش خلقتك دي تاني
همس بتلقائيه...👈 انا لا هنتحر ولا هموت ولا هيحصلي حاجة عشان حبك ليا هيحميني يا فهودة عمري
و قبل فهد ما يرد رعد شدت همس و بضحك...👈يلا يا حبيبتي يلا قبل الواد ما يجيله سكتة قلبيه يروح فيها🤭🙆♀️
وبعد خروجهم يامن بيحاول يكتم ضحكته بس مش قادر
و فهد بغيظ... 👈اضحك اضحك مهو انت متجوز اللواء رعد يهمك بقا ايه اني لبست في المجنونة طعمة هانم
يامن بضحك😂 ومكر... اااالله انت حفظت الاسم اهو شكلها دخلت قلبك بس بصراحة من حقها تسمي نفسها الاسم ده لانها طعمة اوي واسم على مسمي بصحيح
فهد بغيظ اكتر... طب ايه رأيك اطلقها انا و تتجوزها انت علي سياده اللواء رعد؟؟؟
يامن بضحك😂... اولا هي محرمة عليا عشان مرات ابني... و ثانيا انا لغاية لما اموت مفيش وحدة هتبقا علي زمتي غير رعد قلبي و ده وعد مني ليها من أول ما اتجوزنا... و ثالثا بقا وبضحك اكتر🤣... طعمة بتحبك و بتموت فيك👈 وانت مفيش قدامك غير انك تبادلها نفس الشعور ده
فهد بمكر وخبث وبصوت واطي لنفسه... 👈متقلقش دانا هبادلها كل خير بس انت استني و شوف انا هعمل فيها ايه والله لازم اجننها اكتر ماهي مجنونه🌚
****************************معركه عشق الحيتان... ج٣_لعذاب_رعد... بقلمي... دي دي فتحي....صفحتي الشخصية علي الفيس باسم... اللهم أسألك الفردوس لوالدى
✍️✍️عند رعد👇👇
رعد روحت الفيلا هي و همس و عرفتها علي كل الشغالين الموجودين وقالت لهم يحضروا العشاء لهمس علي ما تاخد شاور و طلعت بيها لفوق و اختارت لها اوضة جنب اوضة فهد و مرضتش تدخلها اوضة فهد تحسبا للي فهد هيعمله فيها لو فضلت معاه
وهمس دخلت الاوضة و هي مذبهلة وكل حاجة تشوفها تقرب منها وتقول يا حلاوة يا ولاد دي حاجة اخر منهجه اوي🤭🤣🤣🤣
رعد بجدية و حب... عجبتك اوضتك يا حبيبتي؟؟؟
همس بجدية و فرحة... عجبتني اوي اوي يا اماااا رعد دي فله مع اني كان نفسي انام في اوضة بغلي فهوده
رعد بجدية... ان شاء الله يا حبيبتي هتنامي في اوضه بعد كدا بس هتنامي هنا شوية كدا عشان أعصابه تعبانة يلا روحي خدي شاور علي ما اجيبلك هدوم من بتاعة دي دي لغاية لما اشتريلك هدوم خاصه بيكي انتي
همس بطاعة... ماشي يا اماااا رعد ماشي👈 بس عايزة أسألك سؤال و مكسوفة والله و منحرجة منك اوي🤭
رعد بضحك😂 وحب... لا يا حبيبتي اسألي براحتك من غير انحراج
همس بسؤال... هو ايه الشاور ده اللي هاخده وهعمل بيه ايه يااااما رعد 🤔🤔🤔
رعد وهي مسخسة علي روحها من الضحك🤣... الشاور ده يا حبيبتي يعني تستحمي
همس بفرحة... يا حلاوة يا ولاد و كمان هستحمي ليه هو العيد بكرة ولا ايه يا اماااا رعد🤭😂
رعد بضحك اكتر😂... لا يا حبيبتي مش بكرة ولا حاجة خدي بس شاور وانزلي عشان نتعشا مع بعض
و رعد اخدتها و دخلتها الحمام و راحت تجيب لها هدوم من اوضة دي دي اللي حابسة نفسها من ساعة اللي حصل لها
و رعد خبطت بس دي دي مردتش و خبطت تاني و ندهت عليها و دي دي قامت فتحت لها لانها كانت قافلة الباب بالمفتاح من جواه
ورعد أول ما شافتها اتخضت من شكلها و شكل عيونها الوارمة من كتر العياط و دي دي راحت علي سريرها و لسة هتشد الغطاء عليها وتنام
رعد قربت منها وبخوف عليها وجدية و شدت الغطاء... مالك يا حبيبتي مالك يا دي دي في ايه وايه إللي حصل
دي دي بحزن تداريه... ولا حاجة يا ماما انا تعبانة شوية بس و عايزه انام
رعد بجدية اكتر... اكيد الزفت مالك هو اللي مزعلك صح والله لاروحله و اعلمه الادب واكسرله دماغه نصين لان مش بنت اللواء رعد احمد الوديدي اللي حد يزعلها ويعمل فيها كدا مهما كان
ولسة قايمة عشان تروح لمالك... دي دي قامت و شدتها من ايديها وبدموع... والله يا ماما مفيش حاجة ارجوكي اهدي
رعد بغيظ و عنف... مفيش حاجة ازاي و عنيكي عاملة كدا وكمية الحزن إللي انا شيفاها علي وشك دي ايه... تقدري تقوليلي هااا تقدري تقولي وبلاش تكدبي عليا و تدافعي عنه لانه باين اوي في عنيكي وانا اقدر افهم اللي قدامي سواء كان صادق ولا كداب ها هتقوليلي اية إللي حصل ولا اروحلة واعرف منه كل حاجة واكسرلك دماغه
دي دي رمت نفسها في حضن رعد وبدموع و شهقات... صدقيني يا ماما مفيش حاجة كل الحكايه انك كنتي وحشاني اوي وبس
رعد شددت من ضمتها ليها و لحظات و خرجتها من حضنها و مسكت وشها و بجدية و حب و حنان...ده مش مبرر يادي دي لاني مغبتش عنك كتير عشان اوحشك كدا فقوليلي ياحبيبتي مالك عمل فيكي ايه عشان انتي مبتزعليش غير منه هو
دي دي بدموع و هروب... مفيش حاجه يا ماما كل الحكاية إن مالك عايزنا نتجوز قريب وانا مش عايزة أبعد عنك وكمان خايفة من قرب الفرح
رعد بعنف وغضب... ازاي هو يكلمك في حاجة زي دي المفروض يكلمني انا و باباكي
دي دي بدفاع عنه... والله يا ماما لسة مكلمني آخر مره كنا مع بعض فيها وقالي انه هيخلي اونكل ياسين يكلمك انتي وبابا
رعد بسؤال... آخر مرة دي امتي؟؟
دي دي بتلقائيه... لما كنا في الشركة و لما كنا بره
رعد بجدية... بره فين انتي خرجتي معاه من غير ما انا أو باباكي نعرف ؟؟
دي دي بتفكير بعد ما عرفت و اتأكدت ان مالك ضحك عليها و قالها انه استأذن من مامتها وهو معملش كدا وبهروب وكدب... بره الشركة وهو بيوصلني بعربيته للبيت انتي عارفة انه بيحب يوصلني عشان بيخاف عليا
رعد بعدم تصديق... هحاول اصدق لغاية لما اعرف مالك ده ناوي علي ايه و ساعتها مش هرحمه أبدا والله فاهمة
دي دي لسة هترد قاطعها صوت همس اللي اخدت شاور و حست ان رعد اتاخرت عليها ولبست بورنس و طلعت من الحمام و شت ملاية سرير عليها وقلعت البرنس لأنه كان قصير ولفت نفسها في الملايه اعتقادنا منها انها كدا حشمة هههههههههه🤭🤣🤣🤣
ودي دي استغربت بعد ما سمعت همس وهي بتقول يا امااا رعد ياامااارعد انتي فين انتي نستيني ولا ايه
رعد بتذكر... يا خبر نسيت البنت وبجدية ل دي دي... هاتي طقم من بتوعك بسرعة عشان اديهولها
دي دي بجدية و عدم فهم... تديه لمين انا مش فاهمة حاجة
رعد بجدية... هبقا افهمك بعدين اديني بسرعة
وفعلا دي دي اديت لرعد طقم و خرجت لهمس لقيتها واقفة في الطرقة ولافة نفسها في الملاية
و رعد شافتها من هنا و سخسخت علي روحها من هنا🤭🤣🤣🤣
و دي دي خرجت وراء رعد عشان تشوف دي مين واول لما شافتها سخسخت علي روحها هي كمان
وهمس قربت منهم و بغيظ... ممكن اعرف ياااااما رعد انتي👈 و عروسة المولد اللي واقفة معاكي دي بتضحكوا علي ايه كدا🤭
رعد بضحك🤣 اكتر و بتبص ل دي دي... عروسة المولد حلوة دي هههههههههه🤭🤣🤣
دي دي بضحك... مين دي يا ماما
رعد بجدية مابين ضحكها... هبقا افهمك و مدت ايديها بالهدوم لهمس و بحب... خدي يا حبيبتي البسي دول و الشغالة هتجيبلك العشاء
همس بجدية... ماشي يا اااما رعد إللهي يسترك ربنا دنيا وأخره زي ما سترتيلي جسمي اللي هيموت من البرد ده 🤭
رعد بضحك😂... معلش يا حبيبتي اتأخرت عليكي ادخلي يلا البسي
همس... ماشي ياااما رعد ماشي و استعجلوا الناس إللي تحت دول يجبولي الاكل لأني لو جوعت اكتر من كدا ممكن اكلكوا انتوا شخصيا
رعد بضحك🤣... لا وعلي ايه خمس دقايق والاكل هيكون عندك🤭
همس بجدية... ماشي ياااما اما اشوف و اخدت الهدوم و مشيت
ودي دي شدت ايد رعد ودخلتها اوضتها و بجدية... ماما احكيلي علي اللي حصل ومين دي
****************************
✍️عند كنزي و اسر👇👇
تاني يوم... كنزي صحت وقررت انها تروح بيتها بعد الشغل لانها مش متحملة وجودها جنب أسر طول الوقت كدا و هي حتي مش قادره تقرب منه و ده منتهي العذاب بالنسبالها
وراحوا الجهاز وبعد ماخلصوا شغلهم كنزي طلبت من أسر انه يروحها بيتها وهو اعترض بس هي صممت و هو وافق و خرجوا من الجهاز
وكنزي ركبت العربية مع أسر و لسة هيمشوا جت لارا من جنب الباب اللي أسر قاعد عنده
و بدلع... انا خلصت شغل انا كمان ممكن بقا يا اسورة تاخدني في طريقك توديني البيوتي سنتر بتاع مامتي لان عربيتي بتتصلح
كنزي قبل ما أسر يرد كانت هي ردت بعنف وغيظ... روحي يا حبيبتي خديلك تاكس إحنا مش فاضين للمشاوير بتاعتك و الكلام الفارغ ده
أسر بستفزاز لكنزي... ليه كدا بس يا خالتو دي أخت صاحبي برضه بس مش زي اختي انا 😂
كنزي بصتله بعنف و بغضب.. اسر انت هتسكت ولا اطلع مسدسي وافرغه في دماغك وارتاح منك خالص
اسر بضحك😂... مستحيل اهون عليكي ياخالتو تعملي فيه كدا مستحيل... وبص لارا وبضحك اركبي يلا قبل ماتفرغ مسدسها في دماغك انتي🤭
لارا بضحك تداريه🤭... اه هركب اهوا و فعلا ركبت معاهم العربية... و فضلت تهزر هي و أسر طول الطريق و كنزي متغاظة منها و نفسها تفتح باب العربية و ترميها و ترتاح منها
وبعد وقت ليس بكثير... وصلوا مكان البيوتي سنتر و كان فيه مول كبير و فيه جزء للسيدات و جزء للرجال
ولارا نزلت من العربية و بدلع... عارف يا اسور البيوتي سنتر بتاع مامي ده فيه قسم للرجال يجنن ايه رأيك تيجي تشوفه يمكن يعجبك حاجه فيه
اسر بمكر... نفسي والله بس خايف خالتووو تزعل ولا حاجة عشان هسيبها في العربية لوحدها
كنزي بغيظ منه.... لا انزل يا روح خالتو يا نوغة وانا هدخل معاك ولا سيادتك عندك مانع ومش عايزني ادخل
اسر بمكر وخبث... انا عندي مانع انا... طب انشالله انشك في قلبي لو كان عندي اي مانع من وجودك معايه ياخالتووو🤭
لارا بدلع ومكر... سلامه قلبك يااسور من الشكه ياحبيبي
اسر باستفزاز لمشاعر كنزي... تسلميلي ياقلب اسور انتي
كنزي بعنف وغضب وغيره... انا بقول يلا ندخل بدل ماافرغ المسدس ده في دماغكم انتم الاتنين وارتاح من غتتكم اللي ملهاش اللي من آخر دي 🤭
اسر بضحك😂... لا وعلي ايه ياخالتووو الطيب احسن... وفعلا نزلوا ودخلوا البيوتي سنتر
وكنزي أول ما دخلت البيوتي سنتر انبهرت لان لقيته فخم جدا و لانها أول مرة تدخل بيوتي سنتر اصلا
وهي علي شرودها في منظره وجماله كان اسر اختفي هو ولارا من جنبها
و بصت عليهم ولما مالقتهمش اتجننت ودورت عليهم كتير في البيوتي سنتر بس ملقتهمش واستغبت نفسها انها بدل ماتدور عليه كانت رنت علي اسر من الاول تشوفه هو فين وفعلا رنت عليه وقالها انه بيجيب حاجه هو و لارا وتقعد تستناه وهو هجيلها كمان شويه وفعلا اقعدت بس هتموت من كتر الغيظ والغيره من لارا اللي واخده حبيبها منها بكل بجاحه وسايبه قلبها مولع نار من غيرته علي حبيبها
و كنزي استنت اسر كتير ولما غاب قررت تمشي ولسه هتمشي وهي في فمه غضبها لقيت الميكرفون بينادي علي اسم كنزي صبري الأنصاري انها فازت بيوم كامل في البيوتي سنتر تعمل فيه كل إللي هي عايزاه مجانا
و كنزي سمعت واتفاجات من ده بس اتجاهلته ولسه هتخرج من البيوتي سنتر... إيمي مامت لارا قربت عليها و بترحيب... نورتينا يافندم شكلك أول مرة تيجي عندنا ومبروك عليكي الجايزة
كنزي بجديه... حضرتك اكيد غلطانين لاني انا مقدمتش في حاجه عشان اكسب الجايزه دي
ايمي بمكر... فعلا انتي مقدمتش بس المقدم اسر ابن اخت حضرتك قدملك في المسابقه وحضرتك اللي كسبتي
كنزي لسه هترد وتفهمها بس ايمي مدتهاش فرصة و ده طبعا بالاتفاق مع أسر و لارا عشان يغيروا من شكل كنزي و تحس بانوثتها اللي هي مخبيها ورا مظهر الرجاله ده
وايمي اخدت كنزي اللي فكرت انها فرصه لها وجتلها من السماء علي الاقل اسر يشوفها بمظرها الجديد لما يجي وكمان تثبتله انها احلي من لارا بتاعته دي... وفعلا راحت مع ايمي اللي سلمتها لمكيرا عندها و طلبت منها تعمل لها برنامج تغير شامل((نيو لوك))
و فعلا الماكيرا اخدتها و عملت لها تغير شامل... وكنزي لما بصت لنفسها في المراية معرفتش نفسها وجبولها كمان فستان من اختيار اسر كان في منتهي الجمال و الروعة زاد من جمالها
وكنزي كانت زي المغيبة مستسلمة ليهم لان جواها رغبه بتدفعها لاستلام ده و عايزة تشوف انوثتها في مظهرها الجديد ده وكمان تشوف رد فعلا حبيبها اسر لما يشوفها كدا
وبعد ما خلصوا النيولوك لكنزي بقت زي السندريلا و كنزي شكرتهم بس مش عارفة ازاي هتخرج كدا و هتروح ازاي و هي كدا ونفسها اسر يشوفها بشكلها الجديد ده... بس كسوفها منعها انها تتصل علي اسر وتشوفه هو فين او بمعني اصح يجيلها عشان يشوفها كدا
ومكنش في حل قدامها غير انها تخرج وتركب تاكسي وتروح بيتها
وخرجت و هي بتتمني الارض تنشق و تبلعها من احراجها
ولسه هتشاور لتاكسي لقيت أسر واقف قدام العربية ومربع ايديه حوالين صدره... واول ما شافها تنح من منظرها و جمالها و رقتها اللي ظهرت بعد ما غيرت من شكلها و لبسها
وكنزي شافت نظرات أسر ليها و مقدرتش تتحمل نظراته اكتر من كدا وشاورت لتاكسي بسرعه و ركبت فيه
و أسر جري وراها و بضحك😂.... استني يا مجنونة استني رايحة فين انا عايزاك استني🤭
بس كنزي امرت سواق التاكسي انه يمشي ومايقفش
وأسر ركب عربيتة و ساق باقصي سرعته و لحق التاكسي إللي كنزي كانت راكبة فيه...ووقف بالعربيه قدام التاكسي بالعرض
و سواق التاكسي فرمل و بزعيق... انت يا بني أدم انت حد يقف بالطريقة الغبيه دي
أسر بص له بصة كفيلة تخرسه للأبد و راح ناحيه كنزي و بجدية... انزلي يا كنزي يلا عشان هتركبي معايا يلا
كنزي بتوتر و مش بتبص لأسر... لا يا أسر مش هنزل انا هروح البيت
أسر من غير كلام شالها من التاكسي و سط صرخاتها و بتضربه علي صدره عشان ينزلها و هو اتجاهل اللي هي بتعمله وركبها عربيته
وسواق التاكسي بسوال... انت يا جدع إنت واخد البنت و رايح فين انا هبلغ عنك البوليس
أسر بمكر.... واحد وواخد خالته حد ليه اعتراض في ده
سواق التاكسي باستغراب... خالتك ازاي وهي عامله زي العصفوره وانت زي الشحط كدا
أسر بغضب وتهديد... عارف لو مركبتش التاكسي بتاعك واختفيت من قدامي في خلال دقيقه واحده اقسم بالله لاكون مكسره علي دماغك انت فاهم ولا لا
سواق التاكسي بخوف من كلام اسر وغضبه... لالا مفهاش ولا وعلي قولك واحد وخالته وانا مالي انا وركب التاكسي بتاعته ومشي
واسر ركب العربيه و ساق من غير اي كلام
وكنزي بسؤال .... أسر إنت رايح فين ده مش طريق الفيلا بتاعتنا لوسمحت روحني انا مش هينفع اروح اي مكان بمنظري ده
أسر ساكت ومش بيرد و باصص للطريق قدامه و كنزي عمالة تكلمه و هو مازال علي سكوته وهي كمان سكتت لغايه لما تشوف اخرتها معاه ايه
وأسر كمل في طريقة لغايه لما وصل و بجدية لكنزي... انزلي
كنزي بسؤال واستغرب ... انزل اروح فين انت جايبنا هنا ليه أصلا
أسر بمكر... عايز اوريكي المكان اللي هكمل فيه حياتي مع حبيبتي بعد مانتجوز و عايز اعرف رأيك فيه ايه
كنزي بصتله بحزن و اتكلمت بوجع... حبيبتك؟؟؟ انت لحقت حبيتها يا أسر و كمان هتتجوزها؟؟؟
أسر بمكر... طبعا بحبها ومش من دلوقتي لاني بحبها من زمان اوي من و هي طفلة صغيرة بتلعب قدامي و انا بحبها بعشقها
كنزي طبعا فاكرة انه بيتكلم علي لارا لانه قالها انها أخت صاحبه و انه كان بيروح عندهم من زمان ...و بصت لأسر بحزن و مشيت معاه من غير كلام
وأسر مسكها من ايديها و دخلها معاه مرسي اليخوت و راح بيها ناحية الياخت بتاعه
وكنزي انبهرت بجمال المكان و الهدوء اللي فيه و اليخت كمان كان جميل جدا و كان مكتوب عليه
💗 ((عشقي المستحيل)) 💗
وكنزي بصت لأسر و بسؤال ووجع... مين عشقك المستحيل ده يا أسر
أسر بمكر...لالا خلاص مبقاش مستحيل ياخالتوو و خلاص حلمي هيتحقق و حبيبتي اللي بعشقها من زمان اوي وكنت فاكرها عشقي المستحيل خلاص هتبقا مراتي وملكي طول العمر و مش هسيبها تروح مني حتي لو هخدها و أروح بيها اخر العالم
و شد ايديها و دخلها اليخت اللي كان من جوة الديكور بتاعه علي شكل قاع البحر و اللي يدخله يحس انه في حلم جميل من المناظر الطبيعية الجميلة و الاثاث اللي علي شكل قواقع و صخور بحرية جميلة
وكنزي بصت للمكان بقلب مكسور و حزين كان نفسها تكون هي اللي أسر بيتكلم عنها و تعيش معاه في المكان الجميل ده
واسر اتكلم بمكر وخبث.... ايه رأيك يا خالتووو في المكان ده اتمني يكون عجبك
كنزي بحزن تدارية... حلو اوي يا أسر ده ولا في الاحلام
اسر وهو مازال ماسك ايديها ودخل بيها مكان في اليخت كله اضاءة خافتة و شغل فيه موسيقي هادية
و أتكلم بهدوء وحب وعشق ... انا عامل المكان ده عشان ارقص فيه سلو مع حبيبتي كنت باجي هنا لوحدي و أتخيل اليوم إللي حبيبتي هتكون معايا فيه بس انا النهاردة انا مش لوحدي لاني معايا خالتي حبيبتي اللي هتحقق لي حلمي و ترقص معايا
كنزي برفض ووجع... لا انا مش هرقص معاك يااسر لاني مبعرفش اعمل الحاجات دي و مش معني انك شايفني شكلي متغير وده بسببك يبقا ده يغير حاجة من شخصيتي
أسر قرب منها و برجاء وعشق وهمس... و حياتي عندك ياكنزي عايز اجرب انا بعرف ارقص ولا لاء عشان يوم فرحي ميبقاش شكلي وحش مع عروستي وحبيبتي
كنزي فيه حرب بين عقلها و قلبها عقلها عمال ينبها ان اللي قلبها عايزه ده غلط وكدا هتكشف نفسها قدام اسر بس قلبها مش مديله اي فرصة للانتصار عليه
و أسر لاحظ ترددها و مدهاش فرصة للتردد اكتر من كدا و اخدها و راح مكان الرقص وشدها لحضنه جامد ولف ايديه حوالين وسطها... وكنزي اول مااسر لمسها كدا جسمها كله ارتعش و بدوا يرقصوا مع بعض
و كنزي بسؤال ووجع... بتحبها يااسر بتحبها ؟؟؟
أسر مش بيرد لانه باصص في عيون كنزي و بيشاور بدماغه بمعني آه
وكنزي بسؤال ووجع اكتر... هتتجوزها يااسر هتتجوزها ؟؟
أسر علي نفس وضعه و بيشاور بدماغه بمعني اه
و كنزي قلبها خلاص مبقاش قادر يتحمل اكتر من كدا لانها لحظة كمان و هتعترف لأسر بالحقيقة و تصرخ باعلي صوت و تقوله انا مش خالتك مش خالتك... لانك انت حبيبي و عشقي و حب عمري وحبيبي اللي عمري ما شفت راجل غيره ولا تخيلت نفسي ملك اي راجل في الدنيا غيره
عشان كدا حرمت علي نفسي كل حاجة في الدنيا و حرمت نفسي حتي من إني احس اني بنت او احس بانوثتي و حرمت عل نفسي حتي احساسي بنفسي و بمشاعري وكل ده عشانك انت يااسر يانبض قلب كنزي انت
وسابت أسر و جريت و أسر جري وراها و مسكها من ايديها... رايحة فين يا كنزي وسيباني
كنزي بحزن... سبني يا أسر سبني اروح عشان انا تعبانة ولو علي رأيي في المكان ده هو جميل اوي و ربنا يسعدك مع حبيبتك لارا
أسر بعنف وغضب بعد ماجاب اخره منها لانها ورغم كل اللي عمله معاها مش راضيه تقوله الحقيقه وتعترفله بمشاعرها اللي هي كبتئهها جواها... وبصوت عالي وبجنون... ربنا يسعدني؟؟؟ انتي مصدقة نفسك و مصدقة ان في سعادة من غيرك انتي
كنزي بدهشه وتوتر بتداريه... أسر انت بتقول ايه
أسر بغضب وجنون اكتر... مش انا اللي المفروض اقول ياكنزي لانك انتي اللي عندك كلام كتير و لازم اعرفه منك و دلوقتي
كنزي بهروب... كلام ايه انا معنديش اي كلام اقوله سبني اروح يا أسر سبني
أسر مسكها من ايديها وبغضب... مش هتروحي يا كنزي غير لما تقولي اللي المفروض تقوليه من زمان و انتي مخبياه عني
كنزي بهروب اكتر و توتر... انا معنديش حاجة اقولها يااسر معنديش
اسر بمكر وغضب... بقا كدا ياكنزي طيب تعالي هوريكي اخر حاجه و نمشي
كنزي باستلام.. ماشي بس دي اخر حاجه ونمشي بعدها
اسر تجاهل كلامها و دخلها اوضة نوم ديكوراتها نفس نظام اليخت و كلها ازاز و باين منها قاع البحر و الاسماك و الشعب المرجانية
وكنزي بصت للاوضة بستغراب... ايه ده انت جايبني هنا ليه
أسر بمكر وخبث... جايبك هنا لانك مش هتخرجي من الاوضه دي غير لما اعرف اللي انا عايز اعرفه منك
و في لحظة كان قافل عليها الباب بالمفتاح وسط اندهاش كنزي اللي مش مصدقة اللي اسر بيعمله
وبتهديد وغضب وجنون... هتقوليلي اللي عندك ومخبياه جواكي والا انا هنسي كل حاجه وهثبت ملكيتي عليكي قولا وفعلا.
*************************
✍️✍️عند حنين و ابراهيم 👇ونختم معاهم👇
ابراهيم رجع لحنين و حاول يكون هادي عشان حنين تستوعب جواز همس و كمان يحكيلها اللي حصل واللي خلاه يوافق علي كدا و وصل في وقت متأخر من الليل و لاقا حنين لسة صاحية و علي سجادة الصلاة بتصلي و تدعي لبنتها ودموعها علي خدها
وبعد ما خلصت ابراهيم قرب عليها ولاقا عيونها ورمة وحمرا من كتر العياط... قلبه وجعه اوي عليها و علي منظرها
وقرب منها اكتر و مسك وشها و حنين بتبص وراه و بسؤال و خوف و توتر و دموع... فين بنتي فين همس مجتش معاك ليه هااا بنتي حصلها ايه انطق حصلها ايه انت قولت هتجبها معاك مجبتهاش معاك ليه هااا رد عليه بنتي مجتش معاك ليه
ابراهيم بحب وعشق... ممكن حنين روحي تهدأ عشان اقدر افهمها كل حاجة
حنين بعنف وغضب و بعدت ايده عنها و بهجوم.... بنتي فين هااا مخبي عليا ايه وبغضب و عدم دراية...ماهي اصلها مش بنتك و متهمكش في حاجة حتي لو حصلها ايه
ابراهيم اتصدم لما سمع كلمة مش بنتك و بحزن و وجع... يااااه يا حنين بعد العمر ده كله وبعد الحب اللي انا حبيتهولها ده كله جاية تقوليلي الكلمة دي دلوقتي بعد السنين دي كلها
وبحزن اكتر ووجع...بس هي بنتي غصب عن الدنيا كلها لأني انا اللي حبيتها يمكن اكتر من ابوها الحقيقي... و يمكن اكتر من ولادي الحقيقين كمان و مفيش حد أبدا ليه الحق يتهمني اتهام زي ده ولا يقول انها مش بنتي حتي لو كنتي انتي
وبحزن ووجع اكتر... علي العموم بنتك كويسة.. وبحذر... و اتجوزت كمان
حنين بعدم استيعاب ودهشة... اتجوزت انت بتقول ايه انت اكيد اتجننت اتجننت ؟؟
ابراهيم بجدية... بقولك انها اتجوز....ولسة مكملش الكلمه
و حنين👈 ضربته بالقلم و بعنف وغضب وبهجوم وعدم درايه... تجوزها وانا مش موجودة ازاي... أنا امها امها فاهمه يعني ايه امها... ازاي تعمل حاجة زي دي وانا اخر من يعلم ازاي
وبهجوم اكتر... بس انت هتفضل طول عمرك أناني و لعلمك بقا انا و مروان ابوها الحقيقي بس اللي من حقنا نقرر حاجة زي دي و مروان ابوها مات يبقا انا اللي اقرر مش انت أبدا
وبجنون واتهام وعدم درايه... انت ليه دايما أناني كدا... وليه دايما بتاخد حق مش حقك ليه... وهتبطل أنانيه امتي... وهتبطل تاخد حق مش حقك امتي هااا... يعني انا كنت هموت من القلق والخوف عليها وانت بتجوزها
وبجنون اكتر... رد عليا ساكت ليه رد عليا.
