رواية مصير مجهول الفصل الرابع
فريده دخلت اوضه وماسكه ايد الشاب وقفلت عليهم انا كام مره ها افهمك انك لازم تبقى جمبى اليومين دول .. الاغبيا اكتشفو ان البنت لسا عايشه وكل شئ ها يروح من ايدينا انت فاهم يا حازم
حازم رمى نفسه على السرير : يواه بقى كل يوم نفس الاسطوانه .. انا زهقت احنا ايه الا دخلنا اللعبه القذره دى من الاول .. ليه تعملى فيا وفى نفسك كدا
فريده : الا دخلنا الفلوس الا انت بتتمرمغ فيها وكل يوم سهر وشرب وبنات
حازم بصوت عالى جدا ونرفزه : فلوس ما احنا كنا عايشين هو مين الا علمنى السهر مش انتى .. مين الا كان بيرمى البنات تحت رجلى مش انتى .. دلوقتى جايه تحاسبينى اطلعى برا وسيبينى اطلعى برا مش عايز اشوف وشك والبنات الا بتتكلمى عليهم دول اخرى معاهم كاااس لانى مش عايز ابقى اوسخ من كدا
فريده بتحذير : انا اخر مره ها اكلمك بالذوق بعد كدا ها اخلى راضى يتصرف معاك
حازم بضحكه سخريه ؛ راضى الا بيدخل اخر الليل معاكى نفس الاوضه وبينام على نفس السرير .. روحى يا شيخه بلا قرف
فريده بصوت عالى : ولد انت نسيت نفسك .. انت عارف هو بيبقى معايا ليه اكيد انت اتجننت . مين الا ممكن يكلم فرنكو غيره معايا وبتخبطه على دماغه .. دماغك دى ايه ما بتفهمش ولا مقدر كل الا عملته عشانك
حازم بصوت عالى وبيسقف : براااافووو ياست الحسن والجمال والشرف والاسطوانه الا مش بنخلص منها ... اصل احسن من الشرف مفيش اطلعى برا عشان انام .. ولما اقوم انا تحت امرك وامر راضى عشان يتصرف معايا ايه رايك وبيشاور على نفسه انا ولد مطيع اهووو وبيبص لها بقرف برا
فريده طلعت برا وقفلت عليه الباب
حازم حط ايده تحت راسه ورجع بذاكرته لورا من خمس سنين
فلااااش بااااك
**********
طالع على سلم بيتهم القديم وبيجرى وبينادى وهو بيضحك ومبسوط : فريده .. فريده انا نجحت يا فريده
فريده قابلته وبتضحك ومبسوطه هى كمان خبطته على كتفه : شد حيلك يا بطل عايزين النجاح دا كل سنه وترفع راسنا
حازم : اهى عدت سنه وانزاحت يا ديده .. انزاحت بس بقولك ايه انا لازم اشتغل الكليه عايزا مصاريف اد الجبل
فريده مسكته من خدوده : ولا يكون عندك فكره وبتفرد ايديها فى الهوا انت وانا خلاص ها نبقى من نجوم المجتمع قريب وبغل واضح فى كلامها وها تتفتح لنا كل الابواب وها ندوس على رقبة الكل
حازم : ايه الشر دا يا فريده مالك كدا يا اختى اتحولتى اهدى .. ثم كمان نجوم ايه وابواب ايه الا ها تتفتح مش فاهم
فريده مسكته من دقنه : انت لسا صغير .. بكرا تفهم كل حاجه .. عايزاك تطلع الاول على دفعتك كل سنه مش تنجح وبس .. عايزا املى بوئى بكلمه المهندس حازم جه .. المهندس حازم راح
حازم : فهمينى الاول انتى ناويه على ايه وايه الكلام الا بتقوليه دا .. افهم الاول
فريده بنظره شيطانيه وضحكه خبيثه : بكرا تفهم لا تقلق يا عزيزى وبتزقه ياله ادخل خد شاور وغير هدومك عشان ها نسهر برا وعايزاك تتفرج و تتعلم وانت ساكت فاهم
حازم ابتسم : ادام فيها خروج وسهر عنيه ثوانى واكون جاهز قدامك
فريده : خد البدله دى عشان تلبسها .. والجزمه دى كمان يا سيدى
حازم بفرحه : ايه دا كله .. ايه دا كله شكلك داخله على منعطف تاريخى يا ديده يا جامد طول عمرك بتقعى واقفه
فريده بثقه : طبعا يابنى عندك شك فى قدراتى
حازم ماسك البدله وبيبص لها : لا طبعا ازاى بعد دا كله اشك فى قدراتك .. مجنون انا .. ودخل وجهز نفسه واتفاجئ بأخته لابسه فستان ها ياكل من جسمها حته واخر شياكه ونزل واتفاجئ أكتر بالعربيه الفاخمه الا واقفه قدام البيت قرب على اخته منين دا كله
فريده بتبص له وبهمس : قولنا ايه . اتفرج واتعلم وانت ساكت
حازم بيشاور على بوئه انه خلاص قفله ... وصلو فيلا فخمه جدا جدا وعالم فى عالم لوحدها .. ملهمش علاقه بالناس اللى يعرفهم وبيشفهم .. من برا كل حاجه بتبرق وبتلمع قدام عيونه منظر يخطف العيون ويشد القلوب والعقول لشهواتها بدء يتفرج على الكل من بعيد لبعيد ماشى جمب اخته وفجأه خبط فى بنوته ملكة جمال خطفته من لمعة الحفله لبريق تانى خالص
شمس بأبتسامه جميله : سورى يا اونكل
حازم شالها وباسها : السورى دى انا الا اقولها لقمر الحلفه كلها .. اسمك ايه
شمس بأبتسامه : ممكن تنزلنى عشان عيب يا اونكل .. وبعدين نتعرف
حازم ضحك بصوته كله ونزلها : اهو يا اميره الحلفه ومد ايده انا حازم وفى تانيه هندسه وحضرتك
شمس مدت ايديها : انا شمس كامل عزت
حازم رفع حاجب : كل دا
شمس بطفوليه وفخر : اه .. وكمان مامى مليكا
حازم : وفين مامى بقى
شمس بتشاور بايديها واقفه مع طنط ديده الا كانت معاك
حازم لف وشه واتصدم اكتر واكتر : جميله رقيقه ضحكتها تخطف العقول وواقف جمبها راجل واضح انه جوزها وشكله مركزه كبير واخته واقفه بتتكلم معاهم بثقه وبتضحك وكانها منهم .. مسك ايد شمس وقرب عليهم .. وفريده عرفته عليهم ورحبو بيه جدا
مليكا : ما اتوقعتش ان ليكى أخ كبير كدا يا ديده .. معقول شكلك أصغر منه
فريده بضحكه : لا انا لسا صغيره وها أفضل طول العمر صغيره هو اصغر او اكبر منى .. انا بردو الصغيره
حازم : اصل أختى من المعمرين يا جماعه .. بس انتى ضحكتى عليا وبيبص لفريده
كامل : البنيه واقفه قدامنا مالحقتش تعمل فيك حاجه
حازم : لا ياباشا اسمحلى .. اختى ضحكت عليا
فريده بتقرصه فى ايده وبتضحك ضحكه صفرا
حازم بصوت عالى : لا يافريده ملكيش حق يبقى عيد ميلاد شمس الشموس وما أجبش هديه معايا يقولو عليا ايه دلوقتى
فريده : دى تفوتنى بردو .. ومسكت شمس من دقنها شمس دى قلبى .. انا لا اتجوزت ولا خلفت وحسيت انها بنتى بعشقها .. صح ياقلبى
شمس بأبتسامه : صح يا ديده
مليكا مسكتها من كتفها : انتى جميله قوووى يا ديده وانا بحبك جدا .. عمر ما كان ليا اصحاب ولا اخوات .. كلهم زى ما انتى شايفه كدا مجرد مصالح .. انتى لاء اخت وصديقه
فريده بتأثر مزيف : اسألى حازم كنت طايره عشان ابقى جمبك .. بقيت بحب اى مكان انتى تكونى فيه عشان انا زيك بالظبط
كامل : ايه يابنات .. ها تقلبوها دراما . ياله اتبسطو بوقتكو .. الرقص بدء .. ممكم يا جميلتى
مليكا : ممكن ترقص مع ديده الاول
كامل مد ايده لفريده : ممكن طبعا وبنظره بريئه تقبلى
فريده بضحكه واحراج مزيف : مش ها اقدر اكسف قلبى وبتبص لمليكا وبتبعت بوسه فى الهوا لها
حازم بيبص لشمس : ممكن اخطف مامى
شمس بتتمايل : ممكن يا اونكل حازم .. وانا ها اقعد هناك
مليكا شالتها وحضنتها جاااامد وقربت على ودنها : بحبك يا شموسه اكتر من نفسى
شمس قربت على ودن مامتها : وانا كمان يامامى
مليكا بضحكه : ياله روحى ..وحازم مد ايده .. ومليكا قبلت بإحراج وعشان ما تزعلش فريده .. لانها ما بترقصش مع اى حد غير كامل
حازم بفرحه : شكلك بتحبى شمس جدا
مليكا بأبتسامه ولامعه فى عيونها : اكتر مما تتخيل .. بنوته جميله فى كل حاجه
حازم : انا مبسوط قوووى انى اتعرفت عليكو وسعيد جدا
مليكا : احنا اسعدك بوجودك انت وديده فى حياتنا .. تعرف انى بعتربها أختى من لحمى ودمى . سنه كامله وهى معايا على الحلوه والمره
حازم : فريده خدومه جدا بس ملهاش حظ مع حد
مليكا : هى ليه مش عايزا تتجوز يا حازم وكل ما أسئلها تتهرب من الرد على السؤال
حازم : حبت مرتين .. والاتنين خانوها فا كرهتنا كلنا
مليكا بزعل على فريده : مين يخون الملاك دا
كامل مسك ايد مليكا وبيسلم فريده لحازم : تسمحلى
حازم بتاكيد : طبعا .. اتفضل .. وبيرقص مع فريده
كامل بغيره : من أمتى بتقبلى ارقص مع غيرك وانتى ترقصى مع غيرى
مليكا : عشان فريده مش اى حد يا كمولتى . دى استئمنها على حياتى
كامل : للدرجه دى
مليكا : وأكتر .. اما حازم انا احرجت منه ومن فريده .. سامحنى
كامل : هى المره دى وبس فاهمه
فريده : اكيد يا كموله .. انا حاسه انى مصدعه
كامل : انتى مش سامعه الوش .. انا ما بحبش اعمل حفالات ولا اروحها بسبب كدا
مليكا : بتبص على شمس كله يهون عشان خاطر حبيبتى
وخلصو الرقص وقعدو مع بعض على ترابيزه واحده
فريده : شوفتى ماقدرش يكمل الرقصه معايا وخطفك
كامل بأعتراض : لا ماعندكيش حق يا فريده المفروض انك عارفه انى صعب اشوفها مع اى حد غيرى
حازم بإحراج : مش قصدى ولسا ما كملش
كامل مسك ايده : انت زى اخويا الصغير وغير كدا فريده كانت مخبياك عننا وماتعرفش طبعى فا سماح المره دى
فريده بضحكه : طبعك صعب قوووى يا كامل خصوصا مع مليكا
كامل ضم مليكا : كله الا مليكا
حازم : اختى عليها حاجات غريبه .. يعنى شكلك على علاقه بيهم من فتره كبيره مش تعرفينى طبعهم والا اجى اعك الدنيا
مليكا : علاقتنا ببعض بقالها سنه .. كنت فى مطعم مستنيه كامل .. وواحد دايقنى وكان بيعاكسنى وفريده ضربته العلقه التمام وهى ماتعرفنيش من ساعتها وانا مقدرش استغنى عنها
فريده ضحكت بصوت عالى : انا مش عارفه جبت الجراءه دى منين لقيت نفسى ماسكه جزمتى و بالكعب نازله فيه ضرب هريته ووشه كله ماكنش باين من الدم
حازم : معقول كرهك للرجاله يعمل فيكى كدا
كامل ضحك : لا اصبر لما روحت القسم عشان اطلعها هى ومليكا لقيت فريده بتكمل على ظابط القسم وماسكين فى بعض ومليكا منهاره
كلهم فضلو يضحكووو جااامد حتى شمس
شمس : مامى بتخاف انا ها اطلع زى ديده مش بخاف
فريده بتعمل حركه العضلات بايديها : ايوا كدا سيبك من العالم الخوافه دى
حازم بأعتراض : لا شموسه كيوت سيبك من ديده وخليكى فى مامى
فريده ضربته بهزار : قصدك ايه يعنى
حازم بنبره جاده وبيبص لها : قصدى ترجعى فريده الا بتحب الحياه والكل مش عايزك تعيشى دور مش دورك
كامل : ايوا يا فريده حازم عنده حق شكلك ما يقولش كدا ابدا .. انتى كلك انوثه وجميله ليه عنيفه وعصبيه
فريده بجديه : عشات كتير قوووى يا كامل .. اولهم الخيانه بتعلمك تكون انت مش انت
مليكا : اقلبو السيره دى بقى هى شايفه انها صح خلاص ما تضغطوش عليها .. وبمناسبة عيد ميلاد شموسه .. انا قررت ان فريده مش ها تبقى صحبتى وبس لا قررت انها تمسك فرع شركتى الا هنا فى القاهره
فريده بفرحه : معقول يا مليكا .. بس انا مش قدها
مليكا : لا انتى قدها ونص
حازم : وشى عليكى حلو
فريده حضنت مليكا وباستها : شكرا يا قلبى
مليكا : انتى شاطره فى ادارة الاعمال وتستحقى
وفضلو وقت كبير واحتفلو بشمس وروحو فى وقت متاخر جدا
*************
باااك
حازم بياخد نفس بصوت عالى وطلع من تحت المخده صوره لشمس وخدها فى حضنه ودموعه نزلت .. ياريتنى ما عرفتكم ولا شوفتو وشنا ولا خيانة أختى ليكم ونام .. او بيهرب من كل حاجه .. برغم رفضه الا انه سكت على كل حاجه ودا حوله لانسان بشع مع نفسه وبيتعامل مع كل حاجه بإستهتار واهمال كبير .. ما اوتقعش ابدا ان أخته تتحالف مع الشيطان .. لا هى بقت الشيطان بنفسه غمض عيونه يهرب زى كل يوم .. بس اخرتها ايه مبقاش عارف يتصرف ازاى كل ما يغمض عيونه تظهر شمس ببرائتها فى منامه وبنظرات بتقتله .. واخيرا راح فى النوم وطول نومه يتفزز ويصرخ بدون صوووت .. اتعدل بشهقه وبيبص حواليه .. وطى راسه وبيدعك فى صدره فى حاجه بتألمه جااامد .. طول ما هو نايم صريخ شمس ما فارقوش ابدا شمس اتحولت لكابوس بيتطارده قام من مكانه وقلع الهدوم الا لابسها دخل الحمام وخد شاور ولبس بجامته .. لقى المصليه قدامه على الكرسى شدها وفضل يصلى .. من خمس سنين من ساعة ما الدنيا والفلوس لهته وهو مركعهاش .. وهو بيصلى فضل يعيط كتير قوووى وموطى راسه خجلان من نفسه ومن الا عملوه فضل يناجى ربنا ويدعى ويستغفر ويوعد انه ها يعمل المستحيل عشان ينقذ ما يمكن انقاذه .. رجع على السرير من تانى وخد صورة شمس فى حضنه ونام .. لاول مره ينام ويرتاح ..
*******************
مر اسبوع كامل على الجميع .. وسالم بيجهز لسفر شمس فى الكتمان وبيغير كل ما يخصها .. وعلى لسا جمبها هو ومحمود مش بيفرقوها ... وفريده طول الوقت بتضغط على كامل وحبساه وبتعذبه هى وراضى .. وحازم قالب الدنيا على شمس
***************
سالم : اطلع اقعد مع شمس عشان ها تسافر انهارده باليل .. وفهمها انها لازم تبقى هاديه وتسمع الكلام
على طلع على فوق ومعاه محمود خبط على الباب وبعدين دخل لقى شمس قاعده على السرير بتكلم دبدوب كبير ونايمه فى حضنه .. قرب عليها
على بأبتسامه : ممكن العب معاكو
شمس بتشد الدبوب ومسكت راسه ووقفت وراه وبتهزه كانه هو الا بيتكلم ومرفعه صوتها : علووووشى كنت فين وسيبتنى وسيبت شموسه لوحدها
على ضحك : كنت بجيب دول لشموسه حبيبتى وطلع شيكولاته من جيبه .. دبدوبى أكلت شموسه طيب فى غيابى والا سيبتها انت كمان
دبدوب : علوشى احنا مش بناكل من غيرك
محمود : اجده وانى اخرج منيها خلاص
دبدوب : وانت كمان يا حمودى
محمود : يا وجعه مربربه .. عايطخونى عيارين لو سمعو حمودى عنا بالصعيد
على : 😂😂😂 حبيب قلبى يا حمودى .. يابنى انت لا بتتكلم صعيدى ولا مصرى واقف فى النص محتار مش فهمينلك لغه ولا دلع
محمود رفع ايده وبيضحك : كله الا الدلع يا ولد عمى وبعدين بص لشمس وبيضحك حمودى حمودى انا اطول شمس الشموس هى الا تدلعنى عاد
على بيضربه بهزار : ايوا كدا يا قفل
شمس : انت ها تسافرو معايا صح
على كشر وشه هو ومحمود وسكتو تماما
شمس : ايه ها تسيبونى
قعدو على السرير جمبها
على بيشاور على نفسه : مش انتى بتثقى فيا
شمس بصاله وعيونها مليانه دموع : ها تسيبنى
على : عمرى ما ها اسيبك .. ها تسافرى تتعالجى وها اكلمك على طول لحد ما ترجعى .. بصى يا شمس جسمك ها يبقى مشوه لو فضلتى كدا من غير علاج
شمس بعياط وبتنطر ايديها فى الهوا : مليش دعوه مش عايزا اتعالج . انا عايزاك انت .. عالجنى انت
على بصوت رايح وبيعافر مع نفسه : ياريتنى اقدر يا شمس .. انتى عارفه انى فقير ومش ها اقدر اعالجك .. بس سالم باشا ها يساعدك بابكى الا طلب منه مش انتى بتحبى بابكى وواثقه فى اختياره
شمس مسكت فى محمود : محمود انا بكره اونكل سالم بكرهه .. هو وحش كلهم وحشين قول لعلى ما يسيبنيش لهم
محمود : ليه يا شمس دا راجل طيب
شمس بتهز راسها بنفى : لا يا محمود لا .. دا بيكره مامى . وقال لها انتى ها تموتى وتموتى جوزك وزعق فيها قدامى وقدام بابى وكان بيبص لهم بنظرات وحشه
على انتبه للكلام : ليه قالهم كدا هو يقرب لكم والا صديق
شمس لاول مره تخرج عن الصمت : وبإنكار لأى صله بينهم هو بالنسبه ليا اونكل وبس فاهم ياعلى
على بضحك وبيحط ايده على وشها : خلاص ما بقتش علوشى .. كدا انتى زعلانه منى
شمس زقة ايد على : ايوا زعلانه عشان بتتخلى عنى اونكل سالم بيكرهنا .. عمره ما حبنا ابدا فى مره نزلت على صوت بابى وهو بيزعق .. لقيت اونكل سالم عايز يقتل مامى وبابى ماسك فيه
على بصدمه وتعجب : ليه وايه السبب
شمس : مش عارفه بس الحرس دخل الفيلا ومسكو اونكل سالم وماما قعدت تعيط وكانت حاضنه بابى
على : والحرس عمل ايه فى اونكل سالم
شمس : بابى طردهم برا الفيلا .. ودخل هو وانكل سالم المكتب
محمود بيبص لعلى وبعدين كلم شمس : مامى دخلت معاهم المكتب والا سابتهم لوحدهم
شمس بعياط : مامى اول ما شافتنى بزعق له خدتنى فى حضنها وطلعتنى اوضتى افتكرت انى نمت ونزلت تانى وانا نزلت وراها .. لقتها دخلت لاونكل سالم وبابى وقفلت وراها .. روحت فتحت الباب حته صغيره خوفت لاونكل سالم يقتل مامى او بابى .. لقتهم التلاته قاعدين بيتكلمو وفتحو اللاب ومركزين فيه
محمود : وبعدين يا شمس كانو بيتكلمو فى ايه
شمس : مش عارفه انا تعبت وهما بيتكلمو بصوت واطى فا طلعت اوضتى
على بص لها : مش ها تقوليلى مين الا عذبك كدا ..
شمس : خليك معايا وها اقولك على كل حاجه .. لو سافرتونى مش ها اقولك حاجه
على : ارجوكى يا شمس ساعدينى وساعدى نفسك
شمس بعند : لا .. لا .. ها تسافر معايا والا لاء
على بص لها وسكت وبعد شويه انسحب ونزل على تحت
شمس بعياط اترمت فى حضن محمود : قوله يا محمود ما يتخلاش عنى ..
محمود بيمسد عليها واتنهد : انا عارف انك لسا صغيره بس أكيد فاهمه وواعيه لكل حاجه .. اسمعينى يا شمس كويس قوووى .. الا عرفته كتير ولسا أكتر
