رواية مصير مجهول الفصل الخامس
محمود : عرفت انك مش بنت عاديه ولا ولاد ناس عادين بردو .. انتى من صغرك نجمه فى سما عاليه عارفه كدا
شمس هزت راسها بمعنى اه
محمود : خليكى وحافظى دا .. ربنا حافظ عليكى وبيديكى الفرصه بين ايدك اتمسكى بيها لازم تعدى من ازمتك وانتى قويه مش لاقى سبب لعدم كلامك .. بس الضعف فى زمنا دا هو الموت .. الغدر مش عايز الضعيف عايزا التحدى والعند الا يكسره .. بردو النصاب مش عايز الساذج الا على نياته لان دا فريسته عايز الا يشغل دماغه عليه ويديلو فوق دماغه لان فى القانون بتاعنا الا احنا دراسناه فى ماده بتقول القانون لا يحمى المغفلين او بمعنى اصح الطيبين الا بيأمنو للناس بسهوله وبيحبو من غير مقابل ... كل الا فهمته ان مليكا مامتك أمنت وسلمت نفسها وحياتها لشويه خونه ودا كان غلط من الاول .. هدو بيتكم وحياتكم واستغلو ضعفك وقتلو فيكى البراءه والطفوله وسابوكى لكوابيس وضلمه انتى مش عايزا تخرجى منها .. فاهمنى يا شموسه والا بكلم نفسى انا عارف ان كلامى كبير على سنك بس انتى غصب عنك كبرتى قبل اوانك فالازم تفوقى
شمس بصت له باصه عمره ما ها يناسها ابدا بمعنى انها عدت مرحلة الكلام ووصل لها كل دا بالفعل عملى شافته وعاشته مسكت ايد محمود بضعف شديد وعيونها دمعت : انا محتاجه ابقى قويه معاكو .. بحس بالامان مع على لو أكتشفو الحقيقه ها يقتلونى انتو مش فاهمين حاجه ولا عارفين حاجه ماما اتقتلت وكانت ضحيه ليا انا فداتنى بنفسها
محمود : طيب فهمينى .. ساعات بحسك كبيره قوووى فى السن مش طفله عاديه نفسى أفهمك ... على نفسه احتار معاكى برغم حبك له مش عايزا تتكلمى ولا تقولى ايه الا حصل وليه والدتك قبل وافتها كتبت ثروه بالضخامه دى بأسمك لوحدك .. حتى والدك برغم انه عايش كاتب كل حاجه بأسمك والوحيد الا واثق فيه هو سالم برغم كرهك انتى له
شمس رجعت لاخر السرير وبصت لتحت : انا بحب على وخايفه عليه ... مامى كنت بحبها ولما قولت لها قتلوها بعدين ها تفهمو ارجوك يا محمود سيبنى عايزا ابقى لوحدى
محمود دماغه لفت أكتر والحيره مليت دماغه اتنهد جااامد وقبل ما يقوم : انا عارف ومتاكد انك قويه وها تتخطى دا كله ولحد ما نفهم وبعد ما نفهم ها نفضل جمبك وما تخافيش علينا .. احنا اتعلمنا واتربينا واحنا متمرمغين فى التراب والهم والمكايد وابتسم سبيها على ربك وقلب صعيدى احنا جدها وجدود وعلى بالذات ما يتخافش عليه لانه ما بيخافش على حاجه فى الدنيا دلوج غيرك انتى وخرج من الاوضه هو كمان ... مر الوقت سريعا .. وشمس جهزت للسفر خلاص واستسلمت لكل الظروف المحيطه بيها برغم الغموض الا هى فرضته على الكل إلا سالم اللى فهم وعرف كل حاجه ... بيعدى الوقت ببطئ شديد على الكل نازله من فوق بثقه شديده عكس ماكانت وسالم واقف تحت وجمبه مجدى الدكتور الا ها يسافر معاها ... ومحمود وعلى
على بيقرب منها شاورت بإيديها تبعده .. وقربت من سالم فى تحدى واضح فى كلامها ونظرة كره باينه
شمس : عارف انهارده عيد ميلادى ... بس العيد بقى عيدين ليا .. عيدى ال13 سنه .. والعيد التانى وانا خارجه من عندك من هنا اوعى تفتكر انى ممكن أنسى كل الا عملته فى مامى او ها اعديه بالساهل الطفله الا قدامك دى عرفت وبتبص لعلى ان ملهاش ضهر ولا لها حد فى الدنيا غير ربنا
على بصدمه : شمس انتى بتقولى ايه وبيشاور على نفسه انا
شمس : انت اتخليت عنى وبعتنى لدا وبتشاور على سالم .. لما قريت الورقه الا بابا كاتبهولك .. فضلت الموت على انى اجيلك برجلى وتبقى انت حمايتى .. وبصت لعلى انت سمعت كلامه وصدقته
سالم بتحدى أكبر : مش هو الا باعك ابوكى .. انتى كلك بقيتى ملك لسالم المنياوى املاكك حياتك يا شمس يا بنت مليكا وبيقرب عليها بوشه وانتى عارفه يعنى ايه مليكا
شمس : عمرى ما ها اكون ملك لحد ... ها ارجع ولحد ما ارجع انسو كلكم شمس الا تعرفوها الطفله الساذجه الا ما تعرفش حاجه او انتو فاهمين كدا .. لانكم ها تقابلو وحش ها ياكلكم كلكم وبتشاور على سالم انت فى اول قايمة انتقامى
سالم قعد على روكبه قدامها ودا ادهش الجميع وضحك بسخريه : مستنى يا طفلتى العزيزه على أحر من الجمر .. مستنى يا مليكا بس اوعى تنسى وعدك
شمس بتحدى أكبر قربت عليه : مش ها انسى يا سالم ومليكا ها ترجع تنتقم منكم وتدمركم كلكم .. ومشيت بالخطوه السريعه وفى حاله من الذهول للكل مش مستوعبين دى شمس الا بتخاف من خيالها .. طب ازاى وليه .. ماعدا سالم الا باين على وشه فرحه غير طبيعيه وبصوت فزع الكل
سالم : مجدى اتحرك وراها
مجدى بيشاور على الفراغ ومتنح : مين دى لايمكن تبقى 13 سنه
سالم زقه عشان يفوقه من صدمته : بقولك وراها .. وفعلا خرج جرى ورا شمس
على بخنقه وعصبيه : ياله يا محمود خلاص ملناش لازمه
محمود : ياله
سالم : عندك انت وهو .. سايبه والا ايه انتو فاكرين بعد الا انت عرفتوه ممكن تخرجو على رجليكم من هنا ناقص كمان نوصلكم ونقول شرفتونا
على ضحك بصوت عالى : تعرف ان دلوقتى حسيت ان شمس عندها حق وشكلى سلمتها بإيدى .. اترجتنى وقالتلى خدنى من هنا الراجل دا بيكرهنا وحاول يقتل ماما بس قولت يمكن فى غلط فى الموضوع .. بس بعد المشهد الا حصل من شويه صدقت كل كلمه قالتها .. معقول قتلتو طفولتها بالسهوله دى وحولتوها لانسان كل تفكيره رايح للانتقام منكم كلكم ..شمس لو جرالها حاجه انا الا ها اقتلك بإيدى
سالم ضحك بإستهزاء : وهاتعرف منين انه جرالها حاجه او لاء وبيشاور بايده لفوق وبيهزها خلاص ها تطير وشمس مش ها يبقى لها وجود تانى
على قرب عليه : دا بعدك .. ها تفضل شمس وها تتعالج وترجع و ها اعرف كل حاجه عنها وها اخرج انا ومحمود ومش ها تقدر تلمس شعره واحده مننا .. عارف ليه .. فاكرنى حمار وعلى نياتى يا باشا .. انا محسوب على الدوله دلوقتى محامى .. لا وايه مش اى محامى انا الاول على دفعتى يعنى القانون كله هنا وبيشاور على راسه .. متخرج بقالى سنه بس عارف فى خلال السنه دى جالى كام قضيه برغم فقرى وعشان هما ناس أفقر منى فا اتعابى اعتبرتها عند ربنا وبفضل الله مفيش قضيه واحده خسرتها يعنى من الاخر انا مش سهل ولا ضعيف زى ما انت متخيل واركن المحماه على جمب اتمرمغت واتعاملت مع طوب الارض واعرف ناس يجيبو التايهه الفقر عمره ما كان ضعف بالعكس ساعات هو بيبقى نقطة قوتك
سالم بتأكيد وبيهز راسه : عارف .. عارف .. وعرفت عملت ايه وأمنت نفسك ازاى فى الفتره دى وسايبك بمزاجى وقرب عليه يا ساذج
محمود : لا يا باشا دى حاجه تفوتنا انك عرفت بردو ما احنا عارفين انك عارف ودا كان بمزاجنا عشان نوصلك رساله واحده وبيشاور على نفسه احنا مش بيهمنا العمر واحد والرب واحد
سالم : طيب احنا دلوقتى بنلعب على المكشوف النسخ الا انت خدتها من الاوراق والكارت المومرى تأمن بيها نفسك هى فى أمان ودا انا متاكد منه . وانت عارف ومتاكد لو عايز اقتلك دلوقتى ها اقتلك وطظ فى كلامك دا كله با الا وراك .. وقرارى مش ها ارجع فيه ابدا .. وبحركه من ايده كان الحرس ملى الفيلا ومسكو على ومحمود وفى لحظات كانو أختفو بيهم من المكان كله
*******************
مر اكثر من 7 سنوات على جميع الاوضاع .. على ومحمود أختفو تماما ونظرا ان ملهمش حد فا الموضوع مش ملفت للنظر او مهم وجودهم او لاء فا محدش سئل هما فين او جرالهم ايه او بيعملو ايه حاليا
***
اما شمس فا اول علاج مرت بيه كان علاج نفسى وخلصته وبدأت تعالج التشوهات الا فى جسمها وتخرج من عمليه يا دوب تخف تبتدى فى غيرها وطول الوقت على مش بيروح عن بالها ابدا .. كل ما تحس انها ها تضعف تفتكر كلامه وافعاله ومقاومته لظروفه الصعبه جدا جدا شافته بيشتغل كل حاجه وبرغم ظروفه بيساعد اى حد اليأس مش موجود فى قاموسه .. بيحوش ومش حارم نفسه من حاجه فى نفس الوقت وبيعيش ببساطه .. عايز يعيش حياه كريمه وبس .. كانت بتتمنى عيلتها تدوم ودا فى وقت قصير عوضها عن العيله والامان الا فقدته وحشها قوووى برغم زعلها منه هو ووالدها ووالدتها الا يوميا معاها فى احلامها .. افتكرت كلامه الا دايما يقول لها اتمسكى بربنا فى اصعب ظروفك وفى احلى الظروف بردو عشان هو الحمايه وهو القوى على كل قوى وبتحاول تتخطى كل الالم وبتستقوى بربنا طول الوقت ... وكل الا فى دماغها امتى ترجع عشان تنتقم .. شعرها بقى طويل جدا ووشها اتغيرت ملامحه تماما بقت اجمل بكتير وبتهتم بدراستها برغم معانتها مع العلاج ومجدى طول الوقت معاها هو وبنته الا قاعده معاها وبتدرس نفس دراستها ويسافر ويرجع لهم تانى
..........
اما فريده قلبت الدنيا على شمس وعلى الشاب الا كان معاها وحاولت تعرف عنه اى حاجه معرفتش ابدا .. لا فى اثر للعشه ولا اى شئ وكانه وهم وأختفى وبتجبر كامل دايما يصور فديوهات لايف يعرف الناس انه بخير وهو بنفسه بيباشر اعماله مع فريده الا تقريبا سيطرت على كل حاجه وان شمس بخير وحابه يكون لها حياتها الخاصه بعيد عن الشهره والاضواء ... اكثر من 7 سنين كذب وسالم ساكت وهادى تماما مش بياخد اى موقف ليه وعشان ايه ما نعرفش
*******
فريده لابسه فستان سهره وداخله لحازم الاوضه
حازم : راحه فين فى الوقت دا
فريده : اول مره تسألنى راحه فين وجايه منين
حازم : لا اسألك يا فريده لاخر مره ها اقولك تعالى نرجع لأصلنا وسيبك من دا كله استفدتى ايه انتى هما طلعو اذكى منك وكتبو كل حاجه بأسم شمس وشمس انتى خسرتيها ومش تحت ايدك زى كامل والله اعلم هى فين .. طلعى كامل من حبسه يمكن يسامحك
فريده بعصبيه : انت مجنون .. اياك فاكر حتى لو خرجت كامل وشمس رجعت هما ها يسيبونا .. تانى يومها يا بشمهندس الناس ها تقوم تعزى فينا وبتخبطه على صدره اعقل وارجع لعقلك عشان خلاص مفيش مفر اللعبه من الاول مش لعبتنا وهما ما يهمش ثروة ولا فلوس .. وسابته وخرجت راحت لكامل فى الاوضه قعدت بنرفزه قدامه وهو بيبص لها .. وبيتكلم عادى بس ضعيف وهزيل
كامل بإستهزاء : جايه تدينى الحقنه والا فى تصوير جديد
فريده : ليه يا كامل .. كنت قدامك وبحبك وعايزاك ونطرت ايديها فى الهوا بعصبيه .. قولى ليه
كامل بزعل : وانا محبتش غيرها ولا ها أحب ... ولو اعرف انك ها تحطيها فى دماغك ويوصل بيكى الحقاره انك تقتليها .. كنت قتلتك بايديا دول او قطعت رجلك وماتدكيش فرصه تدخلى وسطنا .. دمرتى عيلتى وحياتى كلها
فريده : بأمارة ايه ياراجل ما انت اتجوزتنى بعد ما ماتت
كامل بنبره حاده : اتقتلت .. وانا المغفل الا سمعت كلامك وصدقت فديو لها من الا انتى بتعمليهم ليا وبتقولى لو جرالى حاجه اتجوز فريده عشان تحافظ على شمس .. كنت فاكر انى بعمل الا هى عايزاه
فريده بغل وحقد : فيها ايه زياده عنى وبتخبطه فى كتفه .. قولى احلى منى كدب .. انا احلى بكتير
كامل : مين ضحك عليكى وقالك ان الحلاوه كل حاجه .. بس بالعكس هى احلى فى كل حاجه .. شكلها .. روحها الطيبه وحبها للكل ... حبها ليا ولبيتها .. بتخاف تأذى حد بتموت من الخوف . مخلوق رقيق انتى بعيده كل البعد عنه .. والاهم من دا كانت بتخدم الناس كلها
فريده بسخافه : بتدايقنى صح .. طيب هى دفعت تمن دا كله وانا خدت مكانها فى كل حاجه .. فين الاوراق يا كامل الا تخص مليكا
كامل : بعينك انتى والا باعتينك يا فريده ووعد منى كل الا وصلت له مليكا يظهر للنور والناس كلها ها تعرف حقيقتكم
فريده : مع شمس
كامل : حتى لو مع شمس ها تجبيها منين
فريده رجعت بضهرها على الكرسى لورا .. وبتتكلم براحه شديده واستفزاز فى كلامها واضح .. هو انا مقولتلكش وقربت بوشها عليه مره واحده .. ان شمس بخ زى مليكا من زمااااااان
كامل قلبه اتقبض : انتى كدابه بنتى بخير انا حاسس انها بخير
فريده طلعت تليفونها وجابت فديو لشمس وهى مربوطه وبتترمى فى الميه .. بص كدا كنت خايفه عليك .. اعمل ايه فى قلبى الطيب دا شوفت بنتك وهى بتتمرجح فى الهوا ههههههههه
كامل بعياط وبيحاول يقوم وعايز يمسك فريده : انتى مجرمه .. دى طفله .. معقول قلبك بالسواد دا .. طيب احنا عملنا فيكى ايه .. دا مليكا حبيتك وغرفت من خيرها وبقت تديلك .. تعملى كدا فيها وفى ولادها وفيا .. وبعياط يقطع القلب .. ليه يا فريده .. وبصوت مؤلم اه يارب ارحم ضعفى يارب وبأستسلام .. اقتلينى يا مجرمه
فريده قامت من مكانها : بعينك .. اسيبك تعيط بقى وارجعلك وقت تانى .. دى اخرة الا يقول لفريده لاء .. سامحت مرتين بس التالته لاء يا كامل وعلى قد حبى ليك ها ادمرك واخليك تتمنى الموت زيهم كل ثانيه .. خرجت بسرعه وقفلت الباب راحت تسهر وبتشرب وتشرب .. وترقص بجنون غير طبيعى
راضى : كفايه يا فريده ياله نروح
فريده زقته بقوتها وبتتطوح : ابعد عنى روح لوحدك سيبنى انا عايزا اشرب وانسى قرفكم والغبى اخويا الا عايز يوقعنا كلنا والحيوان الا اسمه كامل وبصوتها كله لسا بيحبها يا راضى بعد السنين دى كلها ماهى غارت
راضى مسكها غصب عنها وبيطلعها برا المكان لانها بدئت تتكلم وخدها فى العربيه وركبها وهى لسا معاها قزازة الخمره : وبتشاور بصباعها وبعيون مفتوحه بالعافيه وبتضحك : خايف عليا يا راضى
راضى : كلنا فى مركب واحده لو غرقتى انتى ها نغرق معاكى
فريده بتطوح راسها وبتبص من شباك العربيه وراضى بيسوق العربيه : كنت عارفه ان كلكم كلاب ملكوش سعر وبتشاور على نفسها حتى انا ..ماعدا حد واحد بس مليكا وبتقول بتقل الهبله
راضى : ايه الا فكرك بيها
فريده : انت فاكر انى نيستها .. انا قابلت ناس طيبه كتير بس بطيبه الغبيه دى وبتعلى صوتها ما شوفتش . ياله اهى دفعت التمن وبترفع ايديها الاتنين بقزازة الخمره بس السبب ايه حبت تخدم الناس فا دا كان عقابها عارف لو كانت انانيه كانت عاشت وبصوت مخمور جدا .. بس هى مش انانيه ... احنا انا وبتشاور على راضى وانت وفرنكو والا ورا فرنكو ... حتى جوزها الا المفروض بيعشقها اتجوزنى بعد ما خلاص بخ وراحت الغبيه لو كانت سمعت الكلام .. مش كان زمانها فى وسط ولادها .. تخيل يا راضى كانت حامل فى توأم وفاضل لهم شهر واحد ويشرفو يعنى شمس الا أغبى من امها كان ها يبقى عندها أخين غيرها والدين شفت الحظ كان عندها راجل بيحبها وفلوس متلتله وبتلف بايدها فى الهوا و كمان اولاد ... ايه الدنيا دى تدى لواحد كل حاجه وتاخد من واحد كل حاجه
راضى بيزق فيها جااامد ومش منتبه للطريق : فوقى وبطلى تخريف قولنا الخمره لا ومره واحده اتفاحئ بعمود نور دخل فيه وفقدو الوعى الاتنين .. بعد فتره قصيره راضى فاق وماشى بتقل وبيطلع على الطريق بعد ما حاول يفوق فريده او يتصل على حد بس المكان مفهوش شبكه .. ماسك راسه وماشى وهى بتنزف .. فضل يشاور لعربيات كتير فين وفين على ما عربيه وقفت ..
راضى بتعب : ممكن ناخد مراتى من العربيه اصلنا عملنا حادثه
الراجل : ممكن طبعا وراح معاه لمكان عربية فريده لقو العربيه فاضه .. قعد يلف فى المكان كتير بس مش لاقيها ابدا .. ابدا .. رجع الفيلا بمنظره الا يخض
حازم بخضه : فين فريده حصل لها حاجه
راضى : هى مش هنا
حازم بنفى وخوف على اخته مهما حصل منها أخته : لا مش هنا حصل ايه انطق
راضى : قص كل ما حدث لحازم ... بس ومش لاقيها اختفت
حازم دخل لبس بسرعه وخد راضى وفضلو يلفو على المستشفيات ومفيش اى فايده فص ملح وداب قلبو الدنيا بس بخ راحت فين ولمين ما يعرفوش ؟!
حازم رجع وقاعد بتعب بيفكر ممكن يكون جرالها ايه .. الدنيا بتلف بيه
راضى : ها نعمل ايه يا باشا
حازم : انت تخرص خالص وغور من وشى .. قام دخل لكامل وخد الاكل الا حضره عبده .. قعد قدامه وكامل مستنى الحقنه .. بس حازم اتعامل معاه بأداميه وهو مش قادر يبص فى عيونه .. اكله وغيرله وغيرله ملاية السرير ونضف له المكان الا شبه مهجور
كامل بعياط : ارجوك يا حازم انا عارف انك غير اختك .. بنتى قتلوها هى كمان .. ارجوك قولى والا هى بتخوفنى شمس قتلوها
حازم مسد عليه : هما فعلا حاولو يقتولها بس الكلام دا من 7 سنين و ربنا نجاها منهم ما تقلقش عليها شمس دايما محظوظه
كامل بفرحه : بجد .. انت بتتكلم بجد .. طيب هى فين بتعمل ايه
حازم : للاسف انا ماعرفش هى فين واطمن هما كمان ما يعرفوش وقالبين الدنيا عليها عشان يوصلو لها .. وبهمس بس وعد عليا يا كامل بيه لو لقتها والله لاحميها منهم انا مش ساكت وقاعد فى الفيلا عشان احميك وعشان اعرف مكان شمس وعلى فكره انا بحطلك فى الاكل الا بيدخلك فيتامنات وادويه تبطل مفعول الحقن الا اختى بتديهالك ما تقلقش ها تقوم وتخرج بس قاوم
كامل بالهفه : طيب ادينى التليفون ارجوك
حازم : لا يمكن انت شايف الاوضه كلها كاميرات . كدا بتضحى بيا وبنفسك ولسا ها يقوم كامل مسكه من ايده وعيونه بتنزل دموع كتير
كامل : شمس كانت بتحبك قوووى وعرفت هى بتحبك وبتثق فيك ليه .. واتكلم بهمس شديد وبيحط ايده عند شافيفه بحيث ان الكاميرا ما تلقطش حركة شافيفه وبعدها حازم خرج مخنوق كل يوم الدنيا بتتعقد عن الاول وبعد الا كامل قالهوله قبل ما يخرج حس ان الحمل تقل جدا لدرجة ميتحملهاش بشررر وفى نفس الوقت حس بأمل يمكن فعلا يشوف شمس بس وهى عروسه كبيره
