رواية مصير مجهول الفصل السادس
حازم دخل اوضته خلاص اتخنق ومش متحمل الفيلا با الا فيها ..عايز يهرب طيب اخته .. طب شمس وكامل خلاص دماغه بقت عامله زى الجمر الا مش عايز يهدى ولا ينطفى كالعاده وهو على سريره طلع صورة شمس وبيكلمها .. اكيد بقيتى عروسه جميله وضحتك تأثر القلوب زى زمان .. وحشتينى قوووى ووحشنى الكلام والمناغشه معاكى .. فضل على وضعه دا ما حسش بنفسه غير والنهار طلع ومنور الدنيا من حواليه اتحرك بتقل وبيطقطق جسمه وافتكر اخته وخرج بسرعه يشوفها رجعت والا لاء
**************
سالم قاعد مع مجدى : ايه الاخبار
مجدى كله تمام الحمد لله اعتبرها انسانه جديده بين ايدك
سالم بنفى : ما اعتقدش يا مجدى شمس ممكن تعدى الا حصل او تنسى .. هى عكس مليكا تماما وكامل
مجدى : لسا ماعرفتش حاجه عن كامل
سالم : للاسف لاء .. بحاول بقالى كام سنه وكل ما يحسو اننا ها نقلب الدنيا عليهم الاقى فديو لكامل طالع يأكد انه كويس بس هو مش قادر يتعامل مع حد بعد مليكا وتعب شمس .. حتى مراته فريده مقدره دا وواقفه جمبه وهى المسئوله عن كل أعماله .. ولازم تظهر جمبه فى الفديو وحضناه والشغل الا انت عارفه وانا سايبهم بمزاجى لحد ما شمس يشتد عودها وتتأمن صح ونجيب الا ورا ولاد ال.... دول
مجدى : هما لعبوها صح للاسف .. والمشكله ان لا شرطه ولا اى حد ممكن يساعد ومفيش دليل واحد يدين فريده والا وراها
سالم : فى دليل بس للاسف لو اعلنت عنه يبقى بنهى حياة شمس للابد
مجدى : ايه هو
سالم : لما جالى على اول مره وجابلى صور للورق والكارت المومرى .. لقيت مليكا بنفسها مسجله فديو قلب كل الترابيزه
وكامل كاتب فى ورقه صغيره ان كل كلمه صح وهو انضحك عليه ولا أحمى شمس وابعدها لحد ما الموضوع ينتهى ويتنسى
فلاش باااك
*********
سالم خد الكارت من على وفتح كل الا عليه .. لقى صوررر لحاجات كتيررر وتقارير بالانجليزى .. وفديو فتح الفديووو
مليكا ومنظرها يخض وبتعيط وفى رعشه فى كلامها
وبدأت تتكلم
مليكا بعياط بسيط : قبل اى كلام يارب الفديو دا يوصلك يا سالم .. الوحيد الا ها يقدر يحمى بنتى شمس لو جرالى حاجه ربنا ثم انت ... شمس بأملاكها كلها امانه فى رقبتك انت ودا بعلم كامل وهو موافق انا حاسه انى مش طبيعه وفى مجهول بيتطاردنى وبدئو يبانو ومعنى انك بتسمع الكلام دا دلوقتى يعنى خلاص يا سالم وبتعيط جاااامد انا مش موجوده وسطكم .. انت عارف ان شمس من صغرها بتعشق شغلى جدا وبتقرا وبتتعلم كتيررر قوووى .. فى يوم من الايام كنا قاعدين انا وهى و قالتلى يا مامى عايزا اسافر واروح غابات ال..... الموجوده فى ال..... وفعلا عجبتنى الفكره جدا وسافرنا انا وهى بس وكامل أمن سافرنا عشان انت عارف بيخاف علينا جدا ..ووصلنا للمكان كان خيالى فوق الوصف وبدأنا رحلتنا انا وشمس .. شوفنا نباتات غريبه جدا ودا جنن شمس انت عارف حبها للحاجات دى عامل ازاى ... وفضلت تتكلم كتيرر.. وعلى مصدوم من الا بيسمعه هو وسالم الا كان طول الوقت بيهاجم مليكا وفاكر انها السبب والصدمه شلت تفكيره
***************
بااااك
******
سالم : وبدال ما كنا معتقدين ان مليكا هى الا ها تسبب فى موت عيلتها ... طلعت شمس هى السبب واترجتنى فى الفديو ان محدش يعرف اى حاجه حفاظا على شمس .. وكتبت كل املاكها بأسم شمس ودا نيلها أكتر لان الثروه الا بتملكها مليكا كبيره جدا جدا .. فوق ما تتخيل وكمان كامل . تخيل بقى
مجدى بصدمه : سالم انت متخيل انت بتقول ايه .. شمس انا بسافر لها على طول وتقريبا بقينا اصحاب جدا ومش ظاهر عليها حتى فى علاجها النفسى .. معنى كدا بتستغفلنا كلنا وبتوهمنا انها بتتعالج من كوابيسها وخوفها وخلاص اتعالجت .. عارف دا معناه ايه
سالم بتأكيد : عارف كل حاجه .. انا الا يهمنى علاج جسمها لانى عارف ومتاكد ان علاجها النفسى بعيد كل البعد عن الا انتو بتعملوه
مجدى ضحك بأستهزاء : يابنت اللعيبه .. معنى كدا ولسا ما كملش
سالم : معنى كدا انها مستنيه اللحظه الا ترجع فيها وتنتقم مننا كلنا
مجدى : طيب ليه برغم ثقاتها فى على وحبها له الا باين عليها جدا لحد دلوقتى مقالتلوش حاجه وخبت عنه وعلى طلع عارف كل حاجه وبردو خبى عليها
سالم ضحك : مش بقولك ساعات احس انك غبى . هى محمله نفسها مسئوليه كل الا حصل وعندها اعتقاد ان اى حد ها يعرف سرها ها يموت زى امها وها يتعمل فيهم زى ما اتعمل فيها وفى كامل .. ودا قمة الصح وبياكد ان شمس لسا بتفكر وبتخاف على الا حواليها .. اما على كان مستنى يكسب ثقتها ومايقلقهاش ويزود خوفها أكتر ... وبيضحك إلا انا لانها فاهمه انى عرفت كل حاجه ومعايا كل الدلائل لكدا الا هو الورق والكارت الا معاها .. ونزلتلى فى يوم وبصتلى بغل وقالتلى ها اقولك زى ما على بيقول لحد مدايقه وجراله حاجه .. بالشفا مبروك عليك وسابتنى وطلعت
مجدى : حاجه لازم تفهمها ليا .. هى بتكرهك ليه برغم قربك منهم .. و حب مليكا ليك .. حتى الحقيقه ما استئمنتش حد غيرك ليه شمس بتكرهك كدا
سالم اتنهد جااامد ورجع بذاكراته لورا
فلااااش باااك
***********
سالم داخل هجم على مليكا وكامل ومسك مليكا من دراعها جااامد وبصوت يخوف وعصبيه : اكيد انتى اتجننتى .. خلاص مخك دا ايه وقف مبقتيش تفكرى فى حد
كامل بأعتراض : ابعد عنها يا سالم .. سيب ايديها
مليكا بوجع وصريخ نوعا ما : اوعى دراعى . انا عملت ايه .. انا ها اخدمكم كلكم
سالم بيشدها عليه جااامد ومسك فيها أكتر وبخوف مليان غل : انتى مش بتخدمينا .. انتى بتقتلينا يا مليكا عارفه لو جرالك حاجه انا ممكن يحصلى ايه .. فكرى فى بنتك فى جوزك الا بيحبك كل دول ما بتفكريش فيهم
مليكا بصريخ : لا ابعد عنى .. ها اكمل ومش خايفه يا سالم .. وانت بالذات اوعا تقف فى طريقى
كامل بيشدها من سالم وواخدها فى حضنه : اهدى يا سالم ونتكلم بالعقل
سالم بعصبيه ومش واخد باله من شمس الا واقفه على السلم : عايزا تموتى . يبقى اقتلك انا عشان ما اندمش لحظه واحده انى اتاخرت عنك كنتى بتقولى بكرهك .. انا ها اخليكى تكرهينى بجد .. وهجم عليها اقتلك انا يا مليكا واخلص منك
شمس بصريخ ونزلت ضربت سالم وبتعيط : انا بكرهك انا كمان .. اوعى سيب مامى يا متوحش
كامل لقى الحرس داخلين ومسكو سالم : ابعدو يا أغبيه غورو على برا ايه الا دخلكم
مليكا : اهدى يا حبيبتى مفيش حاجه . دا اونكل سالم كان بيهزر معايا وبيحبك
شمس بعياط : انا بكرهه
كامل بيشد سالم : تعالى فى المكتب جوا .. خدى شمس واطلعى فوق يا مليكا
مليكا خدت شمس وطلعت فوووق وفضلت معاها لحد ما افتكرت انها نامت .. ونزلت لهم المكتب .. وشمس نزلت وراها
كامل : اقعد واهدى يا سالم . معقول كل ما تشوف اختك تعمل فيها كدا
سالم بعصبيه وزعل : خايف عليها انتو مش فاهمين ليه .. انتو الا فاضلين ليا من عيلتى ... ليه يا كامل بتجاريها فى الا هى بتعمله ادام فى خطر عليها .. ابعدها عن وجع الدماغ دى الامانه الا انا استئمنتك عليها .. دا فضلت فى بيتى وربيتها ومحدش يعرف ان ليا أخت
مليكا دخلت المكتب وقربت عليه بحب حضنته وعيطو الاتنين فى حضن بعض
مليكا : ما تخافش عليا يا أخويا .. والله بمجرد اعلان الموضوع للكل مش ها يقدرو يعملو اى حاجه كل دا تهديد فى الهوا
سالم ماسكها : مليكا انتى اللى بقيالى من ريحة أمى وطول السنين الا فاتت بحاول احافظ عليكى .. كرهى لامى بعد موت ابويا وجوازها من ابوكى .. اتحول كله لحب بعد رجوعى لحضنها من تانى ما انكرش انى دايقت شويه بس حبيتك
مليكا ابتسمت وضربته فى كتفه : انت رجعت غير لما ماما اطلقت عشان ترضيك وتشوفك
سالم : كنت انانى قوووى فى حبى لأمى وما اتخيلتش اشوفها مع راجل تانى غير ابويا سافرت ورجعت اول ما عرفت انها اطلقت وكنتى انتى عندك 5 سنين ودموعه نزلت واتخنق بس مالحقتش اشبع منها سابتك ليا وانتى 7 سنين ابتسم وسط دموعه كنتى لمضه وبتهونى عليا الوقت كل ما ابص فى وشك احس انى شايف امى .. حبيتك قوووى وخبيتك عن كل الناس كنت بخاف عليكى من الهوا الطاير وما اعلنتش ان ليا أخت غير قبل فرحك على كامل كنت عايز اعمل اى حاجه تكفر عن ذنبى فى حق أمى
مليكا بهدوء وقعدت .. وهنا اتفتحت سنه صغيره لباب المكتب وشمس واقفه : انسى يا حبيبى .. خلاص الا عدى عدى وامى راضيه عنك وبتحبك
انت عارف هى كانت قريبه منى اد ايه ودايما تحكيلى عنك فحرت اسمك وإخوتك جوايا برغم سنى الصغير
سالم بهمس : مهما كان قربك .. انا غلطت فى حقها وحقكو كلكو .. بس انتى لا يا مليكا .. اموت لو جرالك حاجه وبيبص لكامل .. يوم ما كامل اشتغل معايا وعملت تحريات عنه لما عجبنى جوزتهولك عشان يحافظ عليكى
مليكا بأبتسامه وحب : عارفه كل حاجه يا حبيبى وعارفه انك كنت بتخاف عليا من نفسك . وانت الوحيد الا حافظت على ورثى من ابويا وكبرته وما طمعتش فى قرش واحد من فلوسى بالعكس زودتها برغم انك كنت بتدير شريكاتى كلها ومسكت اللاب وفتحته : بص يا سالم .. تعالى شوف اختك وصلت لفين شايف انا عملت انجاز
سالم بزعل : مصممه يا مليكا
كامل : سالم ما تزعلش
مليكا مسكت ايد سالم : متاكده انك ها تقف جمبى
كامل : اكيد يا سالم ها تقدر تحافظ عليها وانا كمان يا راجل روحت فين .. انا رجلى على رجلها برغم شغلى
سالم قام وبدون كلام : سلام وفى اللحظه كانت شمس طلعت بسرعه على فوق لما حست انها تعبت من الواقفه
***********
باااك
سالم بيتنهد أكتر : واتكرر موضوع انى ازعق لمليكا واعنفها حتى قدام شمس ومليكا كانت حساسه جدا وبتعيط كتير ومرتين اغمى عليها . فا شمس شايفنى عدو لها
مجدى : يبقى لازم تسافر لها وتوضح كل الامور
سالم : لا .. انا عايزها كدا مش عايز اوضح لها حاجه
مجدى بإعتراض : ليه يا سالم .. ليه وتسيبها تأذيك وتضرك وانت خالها وبتحبها وبتخاف عليها من الهوا الطاير
سالم بتأكيد : ايوا سيبها .. رجعلى شمس زى ما كانت بجمالها وضحكتها وملكش دعوه
مجدى : وربنا مجنون .. لسا عايز تجوزها ابنك
سالم ضحك وبص لمجدى : بذمتك مش طايقانى ها تتجوز ابنى ازاى .. وكمان البيه لازق بغرا برا مش عايز يرجع
مجدى : ها يرجع .. ها يزهق ويرجع وكمان لو شاف شمس ها يرجع اسمع منى برغم تعذيبهم للبنت بس بعدو عن وشها تماما والحمد لله جسمها كله اتعالج حاجات بسيطه خالص اثارها ها يروح تماما مع الوقت وها تتفاجئ
سالم بص لمجدى : ساعات بحس انك غبى يا مجدى
مجدى بحيره : ليه .. باين عليا
سالم بتأكيد : قوووى يا راجل .. بيصورو فديوهات لشمس وكامل مع بعض قبل ما يتخلصو منها .. والبنت باين على وشها التعب وصدرو الصوره للناس كلها انها تعبانه بعد مامتها زى كامل دلوقتى وأل يعنى ها تسافر برا تتعالج عشان يخلصو عليها ويفضو لكامل فا اكيد مش ها يقربو ناحية وشها .. ويخلصو الموضوع ويكتو هما لا من شاف ولا من درى
مجدى بيهز راسه وبيجز على شافيفه : انت صح
سالم رجع لورا بإندهاش : يا راجل
مجدى ضحك جااامد
سالم : قوم يا مجدى غور من قدامى
مجدى : لا انا جعان يا راجل انت واخدنى مقاوله ومشاوير وسفر حتى بنتى حبيبتى بعدت عننا بسببك .. وكمان مش ها تأكلنى انت فعلا جاحد وبينادى على الخدم
احد الخدم : نعم يا فندم
مجدى : جهز الغدا يا سمير
سمير : جاهز من بدرى يا دكتور مجدى
مجدى قام وبيشد سالم : قوووم يا راجل وسايبنى ونازل لكلك
*************
فريده بتتعدل بتقل وماسكه دماغها وبتفتح عيونها وقفلتها تانى ورجعت تفتحها
فريده : اه دماغى وبتتلفت .. انا فين ورجعت حطت راسها على المخده تانى بتعب وبتبص على المكان الغريب الا هى فيه .. دخل شاب عليها وفى ايده صنيه ومبتسم ..
الشاب : اخيرا فوقتى .. انا قولت جرالك حاجه
فريده بتعب وصوت أجش : انا فين
الشاب : عندى فى البيت .. وحط الصنيه من ايده على الكمود .. الصراحه ماقدرتش اسيبك وامشى امبارح لما لقيتك فى العربيه ومغمى عليكى والعربيه داخله فى عمود حتى السواق مش موجود
فريده بتحاول تفتكر الا حصل مش قادره خالص وبتتعدل قرب عليها الشاب وقعد جمبها ومسك ايديها وحط ايده التانيه على ضهرها وبيقعدها وعدل المخده ورا ضهرها
الشاب : كدا تمام يا قمر
فريده باندهاش : نعم
الشاب : ايه اوعى تقوليلى ان محدش قالك قبل كدا يا قمر دا حتى اقل ما يتقالك
فريده ضحكت بصوت عالى ورجعت بصتاله وبجديه : معاك تليفون
الشاب طلع التليفون من جيبه وفتحه : ااتفضلى
فريده خدت التليفون ولفت راسها باندهاش له وببرود فى الكلام : هو انت ها تفضل لازق فيا كتير .. يعنى لو عجبتك القاعده اقوم انا
الشاب ضحك جااامد وقام بإحراج : مش قصدى فهمتينى غلط
فريده : ولو فهمتك صح مش ها تفرق وبتلف ايديها فى الهوا اصلكو عجينه واحده .. انت هنا لوحدك والا معاك حد
الشاب : انتى تحبى ايه
فريده بجديه وقلبت كلامها تماما : انت ها تهزر
الشاب رفع ايده لفوق : شكلك جد قوووى .. بس عمتا لوحدى وبالهفه ولو عايزا حد معانا اجيب
فريده بتشاور يايدها : اوكى واتصلت على حازم .. الووو
حازم بالهفه : فريده انتى فين
فريده : مش مهم انا فين .. هو ايه الا حصل وراضى كويس والا لاء
حازم : قص لها كل ما حدث ... انتى فين يا فريده عشان اجيلك
فريده : انا مش عايزا اشوف حد .. المهم انا كويسه ولما احس انى مرتاحه ها ارجع .. وقفلت الخط .. رفعت التليفون لفوق بين صوابعها .. خد واقفله
الشاب : خد التليفون وقفله لو عايزاه هو وصاحبه تحت أمرك
فريده ابتسمت : تعالى قومنى والا انت منفوخ على الفاضى
الشاب قرب بثقه وشالها بين ايديه : تحبى تروحى فين
فريده بضحكه عاليه وبتشاور بصباعها : على برا .. عايزا اقعد براحتى وبتبصله بنص عين بس ما تاخدش على كدا
الشاب بغمزه : ولو خدنا احنا ورانا ايه وقعدها على كنبة الانتريه وراح جاب الفطار وبيفطر معاها
فريده بتبصله بصات مش مفهومه : ها اتقل عليك لو فضلت معاك هنا
الشاب : ابدا انتى تنورينى بس مش تعرفينى القمر اسمه ايه
فريده : ديده وانت
الشاب : اسمى البرنس
فريده فضلت تضحك وتضحك والبرنس ضحك على ضحكها
البرنس : ايه هو الاسم بيضحك قوووى كدا
فريده بتشاور عليه من فوووق لتحت وبضحك مقطع : اصله مش لايق عليك ولا على عيشتك دى
البرنس بيقرب عليها جااامد وبهمس قدام وشها : دا انا بعشقه
فريده بتبعد بوشها : توء توء توء .. انت فهمت غلط وبتخبط على وشه انت صغير مش قدى ابعد يابابا
البرنس بيميل راسه : ماشى .. بعدت اهووو انا شكلى استعجلت
فريده بثقه : قوووى .. عندك حاجه نشربها
البرنس : عندى تحبى تشربى ايه
فريده : قهوووه دماغى خلاص شويه وها تعمل بوم
البرنس : سلامتها الف سلامه .. ها اعملك كوبايه
قهوه عمرك ما سمعتى عنها قبل كدا
فريده : ههههههههه اكيد ما سمعتش عنها ولا عنك مش انت الا ها تعملها
البرنس قام وعمل لها قهوه ولنفسه شاااى .. وقعد قدمها وبدأو يشربو مع بعض : ايه رايك
فريده بتشرب بمزاج واضح وبغمزه : طلع عندك حق شكلك ها تطلع قهواجى فى الاخر
البرنس : مالهم ياقمر دا حتى دى الناس الوحيده الا فى البلد الا عندهم مزاااج
فريده بتاخد بوء : قولى بتشتغل ايه
البرنس : قوليلى انتى الاول .. طول الليل قاااعد جمبك وانتى بتخرفى وشكلك كنتى شاربه لما جبتى اخرك
فريده اتعدلت وبصت له وبتوتر ايه قولت ايه
البرنس : مش عارف هو كلام ملخبط .. عماله تقولى مليكا .. شمس .. ها انتقم منك يا كامل . .. ومليكا دى مافرقتش لسانك وبتصرخى كتير
فريده بتوتر اكتر : وقولت ايه تانى
البرنس : ولا اى حاجه بتقولى اسامى وبس .. مين كامل الا انتى عايزا تنتقمى منه
فريده براحه نوعا ما : ابدا جوزى
البرنس بصدمه : جوزك معقول
فريده : مش معقول ليه
البرنس بيضرب على رجله : ابدا .. بس شكله مدايقك
فريده : لا استنى انتى متأثر ليه كدا انت اوفر قوووى
البرنس : كنت فاكرك سنجل وانا سنجل وكدا يعنى مستخسرك مش اكتر اصلك تدخلى القلب من غير استأذان
فريده بتاكيد : ايوا عارفه .. بص بقى عشان شكلك غلابوووى وبتاع بنات
البرنس ببراءه مزيفه : انا دا انا غلبان
فريده : جدا .. انت غلبان جدا زى جوزى الا مفهم الناس كلها انه تعبان يعينى وهو داير على حل شعره مع البنات .. وبتعلى صوتها احنا الا غلابه اه منكم ومن معرفتكم
البرنس : بقى حد يخون القمر دا .. والله عيب
فريده بهمس واغراء فى كلامها : يعنى انت لو مكان جوزى مش ها تخونى يانسنس
البرنس ابتسم ابتسامه عريضه جدا .. لا ها اخونك ولا ها اخون جوزك حتى لو هو خانك
فريده ضمت حواجبها : بمعنى ايه
البرنس : بمعنى انك شايفه نفسك مظلومه وجوزك وحش تكملى معاه ليه .. سبيه وفكرى فى حياتك من جديد فى غيره وبيشاور على نفسه .. مش شرط انا طبعا احنا يادوب لسا بنتعرف .. قصدى عمتا .. عشان لا انتى تبقى خاينه ولا هووو خاين .. للاسف يا ديده انا ما بحبش النوع دا
فريده بأعجاب واختبار فى الكلام : يعنى لو قلتلك انا تحت امرك مش ها توافق
البرنس قااام من قدامها : لا مش ها اوافق برغم انى بتمنى
فريده ريحت ضهرها لورا : يعنى اقعد وانا مطمنه
البرنس : جدا .. اطمنى جدا
**************
مر خمس شهور بعد معرفة فريده بالبرنس الا قضت عنده فى الشقه اسبوع كامل وكل يوم بتعجب بيه فريده عن اليوم الا قبله .. واستمرت علاقتهم ببعض وكبرت جدا .. لدرجة ان فريده ما تقدرش تعدى اليوم من غير ما تشوفه وحازم مدايق جدا من وجوده برغم انه متاكد ان مفيش علاقه بينه وبين فريده .. بس خوف عليه مش اكتر مش عايز يبقى فى ضحايا لاخته من جديد
****************
اشرق شمس يوم مختلف بيطل على الجميع بناسيم هوا جميله ومنعشه .. توجهت العيون لمكان يشبه بالساحه الواسعه او هو حقا ساحه واسعه تهبط عليه الطائرات من جميع بلاد العالم .. هبطت الطائره بالركاب بسلام الاتيه من لندن .. نزلت بكل هدوء وثقه عكس ما بداخلها تماما كانت بالامس الشمس واصبحت اليوم البركان ..
شمس نازله من الطياره وجمبها بنوته تانيه
شمس : ايه يا هبه ناقص تركبى على كتفى
هبه بخوف : يخربيت تفكيرك يا شمس ها تودينا فى داهيه لا بابا يعرف ولا اونكل سالم اننا هنا فى مصر .. انتى عايزاه يقتلنا
شمس : يعمل الا يعمله خايفه احجزلك وارجعى انا مش فارق معايا حاجه
هبه بتزقها براحه فى كتفها : خلاص ما بتصدقى تتقمصى .. قولتلك انا معاكى مش ها اسيبك يانعيش سوا يا نموت سوا
شمس ضحكت بخبث وبتبص لها بنص عين : يبقى ها تموتى يا هبه
هبه بسرعه فى الرد : بجد قولى وربنا .. انتى ناويه على ايه وبعياط مصطنع ها تروحى فى الرجلين يا هبه على ايد المجنونه شمس
شمس : ناويه على كل خيرر وبتمد شافيفها لقدام وبرقه يا هبووووش
هبه بعصبيه وصوت واطى : ها تودى هبوووش فى داهيه زى ما ودتى علوووش فى داهيتين وسلمتيه لخالك الراجل الغامض
شمس بثقه : كله ها يرجع لاصله لا تقلقى ورايا خلينا نخلص .. ودخلو المطار واستلمو الشنط واتحركو على برا .. ركبوو تاكسى ووصلو لشقه بعيده عن اى مكان يخص سالم ومجدى وفريده كلهم .. طلعلو على الشقه وقعدو بتعب
هبه : اه انا جعانه
شمس : خمس دقايق والدليفرى يوصل
هبه : بس انتى حجزتى الشقه دى امتى يا قرده
شمس : النت بيقصر المسافات .. انا ها اقوم اخد شاور واغير
هبه وانا كمان .. وقامووو
شمس خرجت من الحمام لابسه بجامه وقعدت اتكلمت فى التليفون : ايوا انا وصلت رتبت كل الا قولتلك عليه .. طيب تمام .. المبلغ الا اتفقنا عليه ها يوصلك انهارده سلام
هبه : بتكلمى مين
شمس بغموض : مش مهم دلوقتى
هبه : اشمعنا رجعتى دلوقتى وكان ممكن ترجعى قبل كدا
شمس : عشان ابقى تحت رحمة سالم .. دلوقتى هو مش واصى عليا لانى تمت ال21 سنه وانا خلصت كل حاجه ورفعت الوصايه بالتوكيل الا عملته للمحامى .. وكمان ياقطه عشان ابقى حره واصرف الا انا عايزاه
هبه : ربنا يسترك منك ومن تفكيرك
شمس رفعت ايديها لفوووق : يارب قومى افتحى هاتى الاكل وادفعى الحساب
