رواية مصير مجهول الفصل الثامن
فريده بتهاجمه : انت اكيد اتجننت
راضى : اه اتجننت لاننا ها ندفع رقبتنا تمن عملة اخوكى
حازم ضحك بأستفزاز : ياريتنى انا واقعد اتفرج عليكو وانتو كدا ها تتجننو .. بس للاسف مش انا
فريده بخوف على حازم : اهووو معملش حاجه
راضى بدء يضرب حازم بغباوه وغل : انطق قول فين كامل
فريده : ارجوك يا حازم قوله لو تعرف
حازم زقها رغم انه مربوط : ابعدى عنى غورى مش عايز اشوف وشك
فريده بغل : تصدق انا غلطانه وبصت لراضى شوف شغلك لحد ما يعقل
حازم بصلها بقرف : تصدقى فعلا انا محتاج اعقل من حبك وخوفى عليكى
فريده خرجت برا وبدأت تعيط كل ما تسمع صوت اخوها بيتأوه من الضرب
********
شمس وصلت فيلا سليم ودخلو كلهم مع بعض
سليم : غيرتى رايكم وها تقعدى معايا وبيشاور بايده للحرس يخرجو ..
شمس راحت قعدت وحطت رجل على رجل : لا جايه افهم ليه كنت بتعادى مامى طول الوقت
سالم مد ايده : تعالى
شمس بصت له وبصت لايده وقامت من غير ما تمسكها : أفندم
سالم : ها نطلع فووق والا عندك مانع
شمس : وهبه
هبه : لا ما تشغليش بالك بيا
شمس طلعت مع سالم وعدى اوضته وراح اوضه تانيه جمب اوضته فيها سرير ومكتب .. دخل وانتظر شمس تدخل
شمس : دى اوضه مليكا .. الحبس الانفرادى بتاعها
سالم : عمرى ما حبستها بس حافظت عليها وياريتها فضلت معايا كنت غلطان لما وثقت فى ابوكى .. ادخلى ووفرى هجومك شويه
شمس دخلت وقعدت على السرير وابتسمت لما شافت صور مامتها المتعلقه على الحيطه . قامت من مكانها وقربت من الحيطه وحطت ايديها على الصوره وبتمشى بصوابعها على وش مليكا ودموعها نزلت ... سالم قرب عليها وابتسم
سالم : الصوره دى كانت معايا فى سويسرا ..بنتفسح كان يوم جميل قوووى كله جرى ولعب وضحك
شمس : كانت الضحكه ما بتفارقش وشها .. بس انا قضيت عليها
سالم : لا يا شمس ما تحمليش نفسك المسئوليه .. كتير فهمتها ما تثقش فى حد وتدخله بيتها وتعرفه اسرارها .. ولو فى خطر تبعد عنه .. بس مليكا كانت طيبه وساذجه
شمس : انت السبب فضلت قافل عليها لا بتحتك بالناس ولا تعرف عنهم حاجه ومره واحده رامتها وسط الاضواء والشهره وأعلنت انها صاحبه اكبر شريكات فى الشرق الاوسط وكل الطماعين والوصولين اتلمو حواليها
سالم : كنت فاكر ان كامل ها يقدر يتعامل مع الموقف .. بس هو من حبه فيها كان سايبها تعمل الا هى عايزاه .. يعنى مش قصدى ابدا أضرها . مليكا حته منى وراح عند المكتب وجاب البوم صور كبيررر جدااا ... وكاميرا محتفظ فيها بفديوها كتير بينهم .. تعالى يا شمس وقعدو على السرير . الحاجات دى مليكا حاولت كتير تاخدها بس انا رفضت ان اى حد غيرنا يشوفها ..
شمس مسكت الالبوووم وبدأت تفتحه فيه صور لمليكا لما كان عمرها 7 سنين .. وصور مضحكه جدا مع سالم الا شبه الامهات فى الصور وتقلب تقلب مفيش صوره مليكا مكشره فيها كله ضحك وهزار بينهم .. فتح الكاميرا وبدء يعرض على شاشتها فديوهات لها وشمس مندمجه وبتعيط دموعها بتنزل لوحدها .. وفى فديو لفت نظرها مليكا بتضحك جااامد وبصوت عالى جدا .. بحبك يا سالم وبحب الا يحبك .. وسالم بيضحك وقرب وحضنها جااامد وانا كمان بحبك يا أميره على عرش عيلتنا .. لا الكون كله
سالم اتنهد جااامد : كانت بالنسبه ليا كل حاجه .. بفسحها واخرجها بس معايا وبعيد عن اى حد ممكن يطمع فيها وفى ثروتها دا كان تفكيرى .. طول الوقت خايف تتصدم قساوة المجتمع والناس او واحد يطمع فيها ويدمرها لانها لو حبت ها تحب بجد ومش ها تتحمل الجرح ابدا .. دخلت طب وبقت دكتوره تخديرر متمكنه وشاطره جدا .. وانتى طلعتى زيها وبتحبى مجال عملها جدا لا دايما بتبحث فيه وبتدور على الجديد لان العلم عندها ملوش سقف
... اول ما عرفت ان فى ناس بدأت تهددها اتجننت واتحولت لواحد تانى مش قادر احتوايها او اقول لها انى جمبك .. طول الوقت خايف ومرعوب عليها عايزها تسيب اى حاجه وتشترى نفسها وتشتريكو انتو .. عشان كدا انتى كرهتينى سنه كامله من ساعه ما بدأت تحس بمدايقات وانا على طول ضدها و انتى كونتى صوره فى زهنك وكرهتينى لانك واعيه
شمس قامت من مكانها وسابت كل حاجه وبتمسح دموعها : انا نازله
سالم : سيبينى احميكى واوعدك ها افضل فى ضهرك واجيبلك حقك وحقها انا مش ساكت الموضوع كله اطراف خارجيه انتى ما تقدريش عليها
شمس : بس اقدر على الا ساعدوهم هنا وبتهاجمه تانى تقدر تحمينى بأمارة ايه ان كامل عزت لسا اسير تحت ايديهم
سالم : كنت خايف عليكى ولازم اطمن انك فى امان كان ممكن اطربق الفيلا عليها هى وشوية العيال الا معاها .. بس انتى مش بتتعاملى مع دول
شمس بصوت عالى : خايف .. خايف . خايف .. عملت ايه بخوفك قبل كدا لما ها تعملى دلوقتى .. اطراف خارجيه داخليه .. ما يهمنيش ..ابعد رجالتك عنى ويبقى كدا انت بتحمينى .. لان بالرجاله دى كلها كأنك بتفتح عليا كل العيون وها يبتدى السؤال مين دى وبنت مين .. ولو خايف ما تخافش هما لا يمكن ها يعرفونى
سالم : بطلى عند
شمس : لو عايزنى معاك مش ضدك ابعد رجالتك عنى انا لازم ابقى لوحدى
سالم : ناويه على ايه
شمس بثقه : ارجع كل حاجه زى ما كانت واشيل الزباله لاقرب زبال وانضف الفيلا
سالم بتاكيد : متاكد انك قدها ومره واحده تليفونه رن ورد .. والاندهاش بان على وشه : ازاى يعنى طيب هو فين .. يعنى ايه فص ملح وداب وقفل وبيبص لشمس
شمس : ايه فى ايه
سالم : انتى خرجتى ابوكى من الفيلا .. كلهم قالبين على بعض وكلامهم بياكد ان كامل كان فى الفيلا طول الفتره دى مش مسافر
شمس رفعت اكتافها لفوق وببراءه : ما اعرفش
سالم ؛ شمس فهمينى بتعملى ايه
شمس قربت بثقه : ابدا انا ما اعرفش حاجه حتى انا لسا واصله اكيد بابى هرب لوحده
سالم ابتسم ورفع ايده : انا مستسلم قدام ذكائك
شمس بنفس الابتسامه : لا يا باشا .. اللعب لسا بدرى عليه اسيبك انا تدور على بابى اوكى
سالم : مش اوكى اوى .. روحى اعملى الا انتى عايزاه بس كريم وسعيد وخالد مش ها يسبوكى والباقين ها اديهم الامر يرجعو
شمس مدت ايديها له وسلمت عليه : يبقى اتفقنا يا باشا
سالم سلم عليها : مش ها تقوليلى ولسا ما كملش
شمس : لا مش دلوقتى انا عاطفيه اه بس مش لدرجه انك تكسبنى بكام صوره وفديووو واترمى فى حضنك واقول خالووو حبيبى لسا فى اسئله عندى عايزا لها جواب ومقنع .. بعد اذنك بقى .. ونزلت
ورجعت تانى لشقتها
هبه : عملتى ايه شوقتينى انتو قعدتو كتير قوووى فوووق
شمس : عااادى خففت الحراسه شويه زى ما انتى شايفه
هبه : يعنى ما سماحتيش خالك
شمس هزت راسها بنفى وضحكت : ثبته مش اكتر .. هو متخيل انى خلاص او فاضلى على قربه شويه صغننه ودا عكس الا جوايا .. قامت فتحت الباب وكلمت الشباب . ادخلو تعالو عايزكم بإنكم ضلى
خالد : ليه ها ندخل احنا التلاته
شمس : اه انتو التلاته فيها ايه .. وفعلا دخلو التلاته وبيبصو لبعض .. اقعدو
كريم : هو فى حاجه
شمس بتريقه : لو مفيش حاجه ها ادخلكم ليه .. وبنبره حاده اقعدو .. وبتبص لهم عايزا حد فيكم يدربنى على اللياقه البدنيه والدفاع عن النفس
خالد : اى واحد فينا يقدر يدربك
هبه بفرحه : وانا كمان .. وانا كمان
خالد : احنا تحت امركم تحبى من امتى
شمس : شوف ايه المطلوبه وهاته انهارده ونبتدى من بكرا
خالد : تمام وبيقوم
شمس : اهدى شويه احنا ها نتعشى مع بعض
سعيد : احنا اتعشينا يا هانم وقامووو بعد اذنك وخرجو على برا ..
هبه : ياله قومى بقى اعمليلنا عشا
شمس : قصدك اعملى انتى العشا وسابتها ودخلت الاوضه وقفلت على نفسها
هبه بعصبيه : وربنا دا استغلال .. ايه يا حجه انتى ملكش كبير يلمك .. وراحت على المطبخ وهى بتبرطم
شمس فى الاوضه ريحت ضهرها وافتكرت لما سافرت هى ومليكا وسبب قلبان حياتهم وسرحت بخيالها
فلااااش باااااك
**************
شمس بتجرى بين الغابات وبعلو صوتها : مامى شوفى كدا
مليكا : ايه دا يا شمس
شمس : دا نبات شكله غريب قوووى يا مامى قريت عنه كتيررر وعن فوايده وموجود كتير جدا فى ال.... وال.... وال... الخ
مليكا : طيب ها نستفيد منه بإيه
شمس : نحلل عينه منه فى المعمل بتاعنا الا فى الفيلا ونشوف هو النبات الا كانو بيستخدموه بعض القبائل القديمه جدا فى تخدير مكان الجروح وتسكينه والا لاء لانى شاكه ان هو
مليكا بأهتمام خدت منه كذا واحد وحطته فى شنطه معاها وبياخدو انواع تانيه ويشيلوها بردو .. لحد ما خلصو .. ورجعو ريحو فى الفندق وتانى يوم سافرووو
كامل استقبلهم فى المطار واول ما وصلو البيت حضن شمس وباسها .. عامله ايه يا شقيه
شمس : انا كويسه يا بابى عارف احنا جبنا نباتات كتير جدا
كامل بيرفع حاجبه : جدا جدا
شمس : ايوا حتى اسئل مامى
كامل قرب على مليكا باسها وحضنها جاامد
مليكا : انا تعبانه قوووى يا حبيبى .. السفريه كانت متعبه
كامل شالها : نعمل ايه فى الست شمس الا الابحاث بتاعتك كلت دماغها
شمس : انا نازله المعمل
مليكا وهى متشعلقه فى رقبة كامل : اهدى شويه
شمس : لا يا مامى ها انزل وانتى ابقى تعالى براحتك ... ها ادخل بس اخد شاور وانزل المعمل
كامل : خلاص سبيها
مليكا : لا يا كامل لازم ابقى معاها .. فى مواد خطيره فى المعمل
شمس : على اساس انى اول مره انزل واعمل حاجه .. بعد اذنكم بقى
شمس غيرت ونزلت بشغف غير طبيعى ما يدلش ابدا على طفله فى سنها . من ساعة ما والدها عمل معمل بعيد عن كل الانظار فى البيت من تحت وهى دايما مع مامتها وبتتعلم كل حاجه وبتقرى فى كل حاجه زى مليكا المحبه للعلم والبحث العلمى جدا
*************
بااااك
شمس بتاخد نفس عميق جدا .. وطلعت تليفوها اتصلت على رقم هى حافظاه .. فضلت شويه على ما تم الرد : ما كلمتنيش زى ما اتفقنا
مجهول : لما اخلص ترتيب الا اتفقنا عليه الاول وبعدين اكلمك
شمس : لسا ما مخلصتش
مجهول : لا لسا .. بس احنا داخلين عليه حالا
شمس : تمام لازم اقفل دلوقتى
مجهول : اقفلى وما تتصليش تانى انا ها اتصل
شمس قفلت وابتسمت لما سمعت هبه وهى عماله تزعق برا عشان تفتح لها .. فتحت الباب فجأه وبصوت عالى هبووووش
هبه بخضه حطت ايديها على قلبها : اه قلبى .. انا لو مت معاكى ها اموت من الخضه .. اتفضلى العشا جاهز .. الخدامه الفلبينه بتاعت حضرتك جهزته
شمس : 😂😂😂 مسكتها من خدودها قلبظتى يا هبه والواد ها يغلب معاكى على ما يعلمك حركه واحده من الدفاع عن النفس
هبه : لا ياماما دا انا كلى مرونه .. دا ها يغلب فيكى وفى عميلك السودا قدامى خلينا نتعشى
**************
حازم فقد الوعى بعد ضرب راضى فيه وبدء وشه ينزف وصدره يألمه جااامد من شدة الضرب .. راضى سابه بوضعه دا وخرج برا وعينه جت على فريده الا قاعده تعيط
راضى : ها تفضلى تعيطى وتسبينا نضيع كلنا لازم كامل يبقى تحت ايدينا انهارده
فريده قامت بالهفه وبتجرى تروح لحازم راضى مسك ايديها
فريده : سيبنى يا راضى اطمن على حازم .. انت عملت فيه ايه اوعى تكون قرصت فى الضرب
راضى : بأدبه مش دا طلبك ... ما تدخليش له انهارده تعالى نكلم فرنكو نبلغه
فريده : انت اتجننت .. عايزه يخلص علينا .. فرنكووو حاجز كامل طول الفتره دى عشان ابحاث مليكا ما تخرجش للنور .. عايزنا نقوله كامل هرب والابحاث مانعرفش عنها حاجه
راضى بعصبيه : ها نعمل ايه يعنى وبعدين اتعدل : هو البرنس الواد الا انتى اتلمتى عليه اكيد هو الا عملها
فريده بأعتراض : ازاى يا ذكى .. اذا كان هو ما اتحركش من الفيلا بشهاده الجميع غير لما رجعنا .. وماشى قدمنا .. لابس طاقيه الاخفى وخرجه وكمان هو لا عمره شاف كامل والا يعرفه وفاكر انه برا مصر .. بطل يا راضى واياك تلمس شعره منه
راضى بأستفزاز : يعنى مش خايفه على اخوكى وخايفه على دا
فريده : اخويا اتجنن وعايز يبعنا .. فا بعقله مش اكتر .. انما البرنس مش طرف فى اللعبه .. المقابله بينى وبينه كانت صدفه وملوش مصلحه وما يعرفش اى حاجه
راضى قعد وبدء يتصل على رجالته
بس مفيش اى فايده .. كامل أختفى ومايعرفوش خرج أمتى وأختفى ازاى
فريده : وبعدين ها نفضل متكتفين كدا
راضى : انا خارج وعلى الله تفتحى لحازم وتخرجيه اكيد هو الا ورا خروج كامل ولازم يقولنا وداه فين وسابها وخرج وهى نزلت جرى تشوف حازم واتصدمت من منظره جريت عليه وبتحاول تفوق فيه .. بس ما بيفقش ابدا
فريده بعياط وبتخبط على وشه : حازم قوم يا حازم .. انت سامعنى ... وبصوت عالى يا ابن ال... يا راضى وبتحاول تقوم حازم مش عارفه ابدا مش مستجيب معاها .. لقت راضى داخل عليها هجم وبصوته كله
راضى : كنت عارف انك مش ها تسمعى الكلام ومسك فريده من دراعها جااامد وبيشدها على برا قومى ياله قدامى
فريده بصوت يخوف : شكلك عايز تموت يا راضى .. نسيت نفسك ونسيت مين الا شغال مع مين
راضى : يا روح ما بعدك روح يا فريده .. انتى كدا بتغلطى غلط كبير انتى مش قده .. ودلوقتى مفهاش مين الا شغال عند مين
فريده وهى راضى بيشدها جااامد على برا وبصوت عالى جدا : راضى دا حازم لا يمكن ها يبعنا كدا ها يموت ياغبى .. ولو جراله حاجه مش ها يكفينى احرقكم كلكم
راضى : لحد ما نعرف مين الا بيلعب بينا مش ها انفذ ليكى امر واحد قدامى
وقفل على حازم تانى وخدها وطلع من المكان وبدء يتعامل معاها بعنف نوعا ما
