رواية مصير مجهول الفصل التاسع
فريده بعدت عن راضى لما لقته مش فى حالته الطبيعيه و بتحاول تتصل على البرنس تليفونه مقفول .. طول الوقت بتحاول وتحاول بس مفيش فايده بردو تليفونه مقفول ...
انتهى اليوم وفريده وراضى ما داقوش طعم النوم ابدا وطول الوقت مليكا بتطارد فريده حتى وهى صاحيه خلاص حاسه انها ها تتجنن بدأت تفكر فى زمن فااات مليكا فعلا وثقت فيها جدا جدا استمرت علاقتهم مع بعض 3 سنين وهما طبيعين جدا مع بعض ومليكا سابت ادره الشركه او الفرع الرئيسى لفريده عشان هى تتفرغ لابحاثها وشغلها .. وفى يوم مليكا فجائتها انها ها تسافر رحله هى وشمس لوحدهم
فلااااش باااك
***********
مليكا : حبيبتى يا ديده ها اتقل عليكى
فريده بأبتسامه : لا يا قلبى اوعى تتأخرى علينا بس .
مليكا : لا مش ها اتاخر ها نغير جو انا وشمس ونرجع على طول
فريده : تروحى وترجعى بالسلامه يا حبيبتى وفعلا مليكا سافرت .. وفى اليوم الا مليكا سافرت فيه فريده راحت الفيلا .. عم عبده ازيك يا راجل يا طيب
عم عبده : الله يسلمك يا ست فريده .. انتى ماتعرفيش ان الست سافرت انهارده
فريده : عارفه بس انا نسيت خالص اديها اوراق مهمه ولازم تمضى عليها وهى عامله توكيل عام لكامل فا هو يمضيلى على الورق
عبده : طيب يا ست هانم انا ها اطلع ابلغه عشان ينزلك
فريده قعدت ومستنيه كامل الا نزل بعد شويه لابس ترنج رياضى وواضح انه واخد شاور ونازل بكل نشاط .. بتبص له بنظارات اعجاب شديده
كامل : اهلا يا ديده .. تعالى المكتب
فريده بأبتسامه : انت تؤمر
كامل ضحك : لا مش قصدى .. بس عشان امور الشغل ماحبش اتكلم فيها قدام حد .. تعالى ودخلو المكتب مع بعض
فريده راحت وقفت قدام كامل وساكته وبتفرك فى ايديها جاامد
كامل : ايه مالك فى حد دايقك والا فى ايه .
فريده قربت عليه بجراءه ولفت ايديها حوالين رقبته وبتتكلم بسرعه .. كامل انا بحبك ومش قادره اخبى اكتر من كدا
كامل بعدها عنه وبعصبيه : ايه الا بتقوليه دا
فريده قربت عليه تانى ومسكته جااامد : زى ما سمعت .. بحبك ومش قادره امنع نفسى عنك طول ما انت قدام عينى ومكملتش وزقها بقوته
كامل بتحذير : على الله تتكرر تانى .. انا لولا حب مليكا ليكى انا كنت اتصرفت معاكى تصرف تانى خالص فاهمه كنت فاكرك اعقل من كدا
فريده : فين العقل وانت بتحب شخص قدام عيونك طول الوقت وكمان انا حاسه انك بتبادلنى اعجابى وحبى ليك
كامل : لا فوقى مفيش واحده تملى عينى غير مليكا ولو عاملتك بإحترام وفسرتيه على مزاجك دى مشكلتك و مش من حقك تحبينى انتى بتخونى مليكا وحبها ليكى
فريده : دى حاجه ودى حاجه يا كامل .. انت من حقك تتجوز اربعه .. وانا من حقى احب واتحب وغصب عنى حبيتك و بكدب بحب مليكا وشمس وحبك عمره ما ها يغير دا
كامل : الا انتى بتعمليه خيانه فى حق مليكا .. وحتى لو ها اتجوز او اطفاص تانى لايمكن اختارك انتى واسبب لها جرح عمرها ما ها تنساه ابدا فاهمه .. وسابها وخرج على برا ...
فريده بكره وحقد بعد ما كامل خرج : اه هى من حقها الفلوس والحب والولاد .. وانت بتستكتر عليا نفسك .. والله لو ما رجعت لعقلك لاندمك يا كامل حتى لو عليها
**********
باااااك
فريده : مش سايبنى لا حيه ولا ميته .. ايه ها تفضلى ورايااا .. انا مخنتوكش انتى الا عملتى فى نفسك كدا .. حببتينى فى كامل من كتر كلامك وحبك فيه وفى اخلاصه .. واد ايه بيعاملك برقه ولا يمكن يزعلك وفى الاخر انتى الا اختارتى طريقك انا ايه ذنبى .. ومش انا الا قتلتك ولا دمرت عيلتك يا مليكا مش انا .. انتى الا دمرتيها بأننيتك .. عايزا تكوشى على اى حاجه وكل حاجه عشان اسمك يبقى فى العالى فوووق .. واحنا نفضل تحت .. طول عمرنا حتى بعد ما بقى معايا فلوس .. معايا فتافيتك والبواقى بتاعتك ... فضلت على الوضع دا بتكلم نفسها وبتفتكر حاجات وبتحاول تخلى مسئوليتها من كل حاجه وبترميها وبتقنع نفسها ان مليكا السبب فى كل حاجه من الاول
***********
عدى يوم تااانى بدون اى جديد وشمس بدأت تتدرب مع خالد وسعيد وكريم هى وهبه .. وحازم وضعه سئ جدا وبيسوء أكتر بسبب رفض راضى انه يخرجه .. بدء يهل الليل والامور مش هاديه عند فريده تماما خصوصا ان البرنس اختفى ودا زود قلقها وشكوكها .. وفى لحظه النور قطع
فريده فى المكتب هى وراضى و بعصبيه : انتو يا بهايم .. شوفو النور
راضى : اسكتى يا فريده وقام براحه وبيفتح نور التليفون ونازل البدروم يتاكد ان حازم موجود والا فى حد هو الا بيعمل كدا .. وفى لحظه واحد قرب عليه من وراه وضربه بعزم ما فيه وقعه .. راضى اترمى على الارض وبيتوجع وبيمد ايده يحسس عشان يشوف التليفون واخيرا لقاااه فتح الكشاف وبيبص حواليه مفيش اى حد ولا اثر لأى حاجه .. بيقوم واتجه ناحيه البدروام لقى الباب مفتوح وحازم مش موجود .. طلع جرى وبجنون يدور على فريده لقاها مع الحرس وبيشوفو محول الكهربا الا مش عايز يشتغل هو كمان ..
راضى بنهجه : اخوكى .. اخوكى فين ..اخوكى هرب وضربنى وفى اللحظه دى النور رجع لوحده وكلهم بيبصو لبعض فى حالة رعب وعدم فهم
فريده جريت على البدروم لقت الحبل مفكوك ومفيش حد طلعت جرى وبتدور على اخوها ملوش اى اثر ..
راضى : اخوكى بيلعب بينا .. هو اخوكى
فريده : فكر يا غبى حازم فاقد الوعى مربوط ومقفول عليه .. مين الا فتح له وفكه .. اكيد حد تانى راحو يفرغو الكاميرات قبل قفل النور وبعده ومفيش اى حاجه ظهرت نهائى وفجأه جتلهم مكالمه من فرنكو
الحوار مترجم
************
فريده بتحاول تدارى خوفها : اهلا فرنكو
فرنكو : كيف حدث كل هذا
راضى : كيف عرفت
فرنكو : هل تعتقدون انكم لستم مراقابون .. انتهت مليكا وانتهت ابنتها .. وزوجها هرب يا اغبياء والوقت يمر والبحث لم يظهر بعد
راضى : البحث انتهى بأنتهاء مليكا ها تستفادو منه ايه
فرنكو : انتم العرب أغبياء .. دائما تثبتو ذلك لنا بسهوله .. فى حاله ظهور هذا البحث للناس فإنها خساره كبيره لنا نحن .. وبتحذير ساتدفوعون ارواحكم تمن لفشلكم
فريده بخوف : فرنكو احنا نفذنا كل المطلوب البحث مش قادرين نوصله ابدا .. شكله كان كذبه
فرنكو : الم اقول لكم انكم اغبياء .. البحث ليس كذبه ومليكا تخلصنا منها قبل مناقشه البحث بأسبوع واحد .. هناك بحث ويجب أن يظهر وبعصبيه عولم
فريده هزت راسها هى وراضى وفرانكو قفل الخط
راضى بجنون : يعنى حتى مش هانعرف نهرب منهم .. عارفين كل حاجه بتحصل هنا
فريده : اتهد بقى .. اكيد عارفين هو كلامه صح هما مش اغبيا زينا وبيحسبو اى حاجه وبيستغلونا وبيستغبونا احنا وبندم فات اوانه .. حازم صح ياريتنى ما اشتركت معاكم .. تعالى نقلب كل الفيلا يمكن نلاقى البحث وننفد بجلدنا من هنا .. وبدئو يدور فى الفيلا تانى هما والرجاله .. بعد ما مشو عم عبده الوحيد الا باقى من الخدم القدام
************
شمس بتتدرب مع خالد فى مكان واسع جدا بهمه غير طبيعيه ... وهبه .. كريم وسعيد غلبو معاها ومجنناهم
خالد بيقرب بإيده : اضربى بقوه اكبر .. انتى ممتازه
شمس جررريت ورفعت رجلها جااامد ولفتها من فوق راس خالد وبالرجل التانيه لفتها عكسى وضربته فى كتفه وقعته
شمس واقفه بتتنطط وبتشاور بإيديها : ياله قوووم
خالد بضحكه : انتى شريره وغلوله
شمس بضحكه اكبر وبتهز راسها : نصيبك بقى اعمل ايه .. واول ما قام ما ادتوش فرصه وضربته فى وشه وهو صدها وبتضرب ضربات متتاليه وهو بردو بيصدها
خالد بيزعق : انتى مش محتاجه تدريب .. انا الا محتاج ازود لياقتى عشان اتعامل معاكى
شمس بصوت أعلى : أجمد يا بطل .. انا محتاجه اكتر من كدا بكتير
نروح لاتنين تانين .. وواحده قاعده جمبهم بتتأوه
سعيد قاعد على الارض مربع رجله وقدامه كريم وبيبصو لبعض وبيضحكوووو
هبه قاعده وماسكه ايديها وبتعيط عياط مصطنع : ايدى يا وحوووش .. يا حيطه صد منك له وبترفع ايديها لفوووق وبتنطرها جاامد .. ايدى .. ايدى
سعيد : احنا عملنا حاجه ولا عارفين ندربك .. كل الا عملتيه ادتينى بالبوكس وانتى الا قاعده تعيطى
هبه بعياط وبترفع راسها وتنزلها وبتشاور على نفسها : ايوا انا انسان رقيق .. انا كان مالى انا ومالكم ومال المجنونه دى
كريم : اجمدى يا شيخه وقومى خلينا نعلمك حاجه تنفعك
هبه قربت عليه وضربته جاامد فى صدره : انت تسكت خالص ومره واحده رفعت ايديها وفتحت بوئها ومبرقه جااامد ... اه ايدى التانيه .. اه اتكسرت الهى تتكسر ياكريم
كريك بيضحك جااامد هو وسعيد : انا مالى انا جيت جمبك ما انتى فافى قوووى بسكوته
هبه بتهز راسها بتأكيد وبطريقه مضحكه : ايوا انا فافى بسكوته رقيقه انت صح وبتفهم .. وبترفع راسها .. يارب خلصنى منهم يارب
سعيد بيقوم هو وكريم ؛ طيب كدا بقى مفهاش تمرين
هبه بصوت عالى : لا .. انت مش شايف وبتشاور على شمس .. ست فرقع لوز عماله تتنطط ازاى ولازم اتنطط زيها وبعياط وبتشاور على رقبتها والا ها تروح رقبتى
شمس وقفت وبتحى خالد
خالد بأبتسامه : المفروض انا الا احيكى
شمس : ما تقولش كدا انا استفدت منك كتيررر يا بطل . . بعد اذنك .. وبعدت وجابت تليفونها لقت عليه رنات .. اتصلت هى : ايه الاخبار
مجهول : لازم تيجى حالا
شمس : طيب تمام ها اكون عندك بس اخلع منهم
مجهول : اتصرفى وفى ظرف نص ساعه تكونى عندى وقفل
