رواية مغرور احب ملتزمة الفصل الثامن
فى الزفاف
كان الزفاف يقام فى قاعتين منفصلتين قاعة للنساء وأخرى للرجال..... أقارب جنى كانو فى قمة الفضول من هذا الوضع فإنهم لم يعهدو زفافا مثل هذا، لا توجد اغانى ولا رقص وا ايا من تلك الافكار الى تحدث فى افراح هذه الايام فقد كان الزفاف قمة فى البساطه اغانى بالدف جميلة جداً والعروس لا تضع ايا من مساحيق التجميل فهى لا تحتاج لها فالمطلوب منها ان تتزين لزوجها فقط لا ان تعرض نفسها كالدمية، فهى تعلم مدى كونها غالية لا ترضى لنفسها هذه المهزلة ولن توصل نفسها لهذا الرخص.........
جورى ذهبت لجنى التى تجلس فى مكانها بفرحه
جورى: مبارك ي جنوجون
جنى: الله يبارك فيكى ي جنى، مبارك ليكى كمان
جورى: الله يبارك فيكي ي قلبى ♥️
سارة جاءت بتأفف عندهما
جورى: مالك ي سارة
سارة بحنق: ضربت خناقة مع واد كده اول القاعه
جورى: عملتى ايه
سارة وهى تحكى لهم الموقف
فلاااش 🎬
سارة كانت تتقدم لداخل القاعه المخصصة للنساء كانت تمشى بسرعه وهى تتكلم فى هاتفها مع بسمة ولم تنظر لطريقها حيث كان هناك شاب يركن سيارته وكادت ان تدعسها
سارة بغضب: متحاسب يسطا الله
الشاب نزل من السيارة: انتى الى ماشية من غير متبصى حضرتك ماشية ازاى او فين
سارة: اولا انت الى غلطان، لازم تخلى بالك ان ده مش الطريق بتاع حضرتك عشان تعلم الناس تمشى فيه ازاى وبعدين بص قدامك انت وسايق كان ممكن تخبطنى ي جدع
الشاب: متراعى الفاظك ي انسة يسطا ويجدع انا اسمى زياد واسف لو ازعجت حضرتك
سارة بغيظ: ملكش دعوة بالفاظى ولا هتعلمنى اكلم ازاى، وبعدين باسم حضرتك انا جاية اتعرف عليك وخلاص ي عم فكك بقا ومش عايزة اسفك ولا حاجه خليهولك
وتركته وذهبت
قعد زياد يضع يد على الاخرى ويقول: ي بت المجنونه، ايه الهبل ده
ثم دخل الى سيارته وركنها ودخل الى القاعه المخصصة للرجال.....
،،اند فلااش..
سارة: هو ده الى حصل
جنى بضحك: ي سارة انتى طلعتى مجنونه، بس بصراحه غلطانه
جورى: جنى معاها حق انتى غلطانه
سارة بتفكير: غلطانه فى ايه؟
جورى: مكانش ليه داعى تتخانقى معاه كان عديتى الموضوع، الحمد لله انه طلع شخص كويس ومش عملك حاجه. انتى لازم تعدى وكمان تحافظى على نفسك يمكن يكون شخص مش كويس فيعمل فيكى حاجه انتى بتسمعى عن حالات البنات الى بيموتو وكل واحده حادثة شكل فاحنا نخلى بالنا من نفسنا كويس
سارة: معاكى حق، سورى ي جماعه مش هتكرر
جنى: ي عينى الواد المسكين الى خد التهزيق 😂
سارة: خلاص بقا ي جنى فكك
جنى: فكيتنى ياختى
جورى: ثوانى مراد بيرن عليا
جنى: تلاقيه بيقولك تعالى عشان تمضى الورق ي جميل
جورى ردت على مراد وفعلا قالها تيجى عشان يتمم عقد قرانها على عمر
ذهبت جورى وأخذت معها صديقتها سارة لانها كانت متوترة للغاية.......
فى مكان ما فى القاعه....
كان يجلس المأذون وبجواره عمر وصديقه زياد وعلى الجانب الاخر يجلس والد جنى ووالد جورى ويقف مراد بجوارهم......
جاءت جورى وسارة
سارة: يخربيت الاحراج
جورى: فى ايه مالك
سارة: الواد الى هزقته من شوية
جورى بضحك: احسن عشان يمكن تتلمى شوية
سارة: انا ماشية
جورى امسكتها: على فين ياختى وهتسبينى لمين؟
ي ندلة
سارة: خلاص ياختى هعقد وامرى لله
جورى: اعصرى على نفسك لمونه
سارة: عصرت يلا
مراد بص لقى جورى جاية
مراد: عروستنا وصلت اهى
جاءت جورى بخجل وتمشى بجوارها سارة التى لم ينزل زياد عينه عنها
عمر ضرب زياد بخفة: اتلم
زياد: الحق ياض البت المجنونه الى قولتلك عليها مش شوية هيا ياض الى هزقتنى
عمر: مين فيهم المنتقبة
زياد: لأ التانية
عمر: اها ده صاحبة جنى ، معليش ي زياد شكلها كلها شلتهم كده
كان عمر بيفتكر لما جورى هزقته فى المطعم 😂
زياد: عليا البتاع من بتاعه ما انا سايب حقى
عمر بضحك على صديقه: تكونش حبتها ياض
زياد بنفى: لا ي عم احب مين؟
عمر: كذاب 🤥
زياد: لأ
عمر: قر اعترف
زياد:قولت لأ يعنى لأ
عمر بشك: مصيرك فى يوم تقع زى وقعتى بس مش احلى منها
زياد بضحك على صديقه الذى تغير كليا عندنا احب.....
كانت جورى فى وقتها تمضى على عقد القران ☺️
واخيرا تم عقد قرانهم
وانشغل الكل بالقاء المباركات لجورى وعمر ولم ينتبهو لزياد الذى كان يتكلم مع سارة
زياد: يسطا مش كده
سارة بحرج: احم احم انا اسفه لحضرتك جدا بعد اذنك وذهبت وتركته
ظل واقف هو بصدمة لم يتخيل ان تعتذر له بهذه السهولة وبكل هذا اللطف فقد ظن انها تدفعه بالكلام ولكن خاب ظنه هذه المرة
استأذن عمر ليأخذ جورى ليتكلمو سوياا
أمسك يد جورى وسط ذهول الجميع وصدمة جورى واستأذن منهم وذهب........
فى احد المقاهى القريبة من القاعه كان يجلس عمر وجورى.......
عمر: ازيك ي جورى
جورى: بخير الحمدلله وانت عامل ايه
عمر: بخير الحمدلله
ثم صمتا قليلا وقطع ذلك الصمت سؤال جورى
جورى: انا عايزة اسألك سؤال
عمر: اتفضلى
جورى: يعنى بصراحه انت ليه لما سافرت مقولتش وكمان اختفيت فترة ومسألتش قصدى يعنى اننا كنا محددين الفترة عشان ناخد على بعض ونعرف أفكار بعض بس انت مجيتش غير مرتين
مرة الرؤية الشرعية والمرة التانية لما جيت عشان تحدد كتب الكتاب
عمر وقد فهم مقصدها: اقول الصراحه يعنى
جورى: ايوة ولا شئ الا الصراحه
قالتها بطريقة كوميدية مما جعلهما يضحكان
عمر بابتسامه وقد أمسك كف يدها: بصراحه ي جورى يوم الرؤية الشرعية انتى صدمتينى بالكلام الى قولتيه والى عجبنى فيكى بجد انك قولتيه وكل حاجه بدليل وانا مكنتش اعرف اى حاجه عن ده وحسيت قد ايه انا بعيد عن ربنا ومعرفش حاجه وده حاجه خلتنى بجد ازعل من نفسى جامد وبعدها جاتنى رحلة عمل فى تركيا فرحت هناك وبجانب الشغل انا كنت بتعلم بردو عن امور دينى وبحضر خطب دينية حتى انى بدات احفظ القرآن هناك بجد حسيت بطعم غريب وحسيت انى نظرتى اختلفت كليا للحياة، ده غير الى حصل انى لقيت فى كل خطوة بخطوها فى القرب من ربنا بلاقى تغير حلو وحتى كمان لقيت بركة فى الشغل بتاعى الحمد لله على كل حال ولما رجعت كنت عايز اقابلك وقابلتك وحسيت انك لاحظتى التغير بتاعى ولما قلعتى النقاب حسيت انك موافقة وده شى اسعدنى جدا ربنا يديمك فى حياتى ي جورى
جورى بحب: ربنا يثبتك ي رب ثم أكملت بخجل: ويديمك ليا ي رب
عمر: جورى
جورى: اي
عمر: بحبك
جورى ببلاهه وصدمة: ها
عمر: بقولك بحبك
جورى بخجل: أحبتك الجنة وخالقها وعباد خالقها
عمر: نعم ياختى لى شايفانى جنى قدامك
جورى بضحك: وانا قلت حاجه ي سى عمر
عمر: بقولك بحبك، بحبببببككك
جورى: خلاص خلاص فضحتنا، وانا كمان
عمر بمكر: انتى كمان ايه
جورى بخجل: بحبك
عمر: قوليها تانى.
جورى: خلاص ي عمر بقا كسفتى
عمر: أحلى عمر ده ولا ايه
جورى: الى تشوفه
عمر: ربنا يديمك ليا ي روحى
جورى: ويديمك ليا يارب..
عمر: مش نطلب بقا
جورى: يلا
......ونسيبهم بقاا
بعد انتهاء زفاف مراد وجنى وتوديع جنى ذهب كل منهم لشقته....
فى شقة مراد
مراد باس راس جنى وقالها: ربنا يباركلى فيكى ي طفلتى، يا احلى حاجه فى حياتى ويقدرنى واسعدك دايما يارب ويديمك فى حياتى
جنى حضنته: ويديمك ليا ي حبيبى ويقدرنى اكون ليك زوجه صالحه زى مبتتمناها وناخد بايد بعض للجنة
مراد: آمين يا رب، روحى ي حبيبتى غيرى فستانك وتوضأى عشان نصلى
جنى: حاضر
ونسيبهم بقااا♥️♥️
......................
كان عمر يفكر بأن يعد مفاجأه لجورى
عمر: اممممم، لقتهااا
