رواية سحر أسود الفصل العاشر 10 بقلم ليل ادم


 

رواية سحر أسود الفصل العاشر  بقلم ليل ادم


وفجأة انقطع النور عن القسم 

خالد بيه: ( حسيت ايد حد على كتفي لفيت وشي لقيت خيال اسود كبير مرعب جدا نفس الخيال اللي كان واقف في شباك مكتبي و ايد سحبت حاجه من جمبي ) 

خالد بيه: محمد انت فين 

محمد بيه: اهدا يا خالد سيب سلاحك محدش يضرب نار 

خالد بيه: أنا مش ماسك السلاح أصلا ( وفجأة سمعت صوت ضرب نار ولما اشتغل النور كان محمود سايح في دمه على الأرض وعلى قاعد مكانه ولا كأن في حاجه بتحصل حوالين منه ) 

محمد بيه: الإسعاف بسرعه 

خالد: أنا مضربتش نار يا محمد والله ما أنا 

محمد بيه: اهدا يا خالد وسيب سلاحك 

خالد: ياحبيبي سلاحي مكانه ( وبمد ايدي اخد سلاحي من مكانه مكنش موجود لقيته في الأرض تحت رجلي ) 

وجت الإسعاف خدت محمود على المستشفى وكانت حالته خطيرة وشكلي داخل على فصل من العمل ربنا يستر 

محمد بيه: انت ضربت نار ليه يا خالد 

خالد : والله ما ضربت نار يا محمد انا كنت شايف خيال كبير واقف ورا ضهري مخدتش باللي إلا وحاجة بتنسحب جمبي ندهت عليك حصل اللي حصل 

محمد بيه: يارب محمود يطلع منها على خير 

خالد: كل ده بسبب الكلب ده 

محمد بيه: خالد كفايه لحد كده استاذ علي اتفضل ارجع بيتك من فضلك ولو في حاجه جديده في التحقيقات هترجع تاني 

على: محدش يجي بيتي إلا ومعاه إذن نيابة غير كده اتصل بيا وأنا اجي رقمي عندكم كده كده يعني 

خالد بيه: غور من وشي 

على: هغور بس انت مش عارف ولا فاهم انت عملت اي في حق نفسك 

خالد بيه: قولتلك عايزه راجل يقف في وشي 

على: (ابتسامة كلها غلا وخرج من المكتب على منزله ) 

علي : ( قدرت اوصل لكل حاجه محتاجها من خلال الحارس الشخصي وبدأت مع زوجه خالد و زوجه محمد علشان أفصلهم عن بعض وعملت لكل واحده منهم عروسه بس مش بالموت علشان كنت متأكد أن لو حد منهم مات حياتي هتقلب جحيم ) 

في جانب آخر 

محمد بيه: ألو 

الأمين سعيد: تحت امرك يا محمد بيه 

محمد بيه: محمود عمل اي 

الأمين : خرج من العمليات الحمد لله الدكتور قال الطلقه جمب قلبه مفيش قلق على حياته 

محمد بيه: الحمد لله 

خالد بيه: طمني يا محمد حصل اي 

محمد بيه: جمب قلبه الحمد لله تمام جت على خير 

خالد بيه: الحمد لله يارب ما يكون حد خد خبر 

محمد بيه: أنا نازل رايح المستشفى لو حد سأل هقول كنا في مهمه وحصل اللي حصل اتفقنا 

خالد بيه: تمام تمام بس يارب تعدي على خير للآخر 

تليفون خالد بيه بيرن 

محمد بيه: رد على تليفونك ياعم 

خالد بيه: دي المربيه بتاعت بنتي خليها بعدين لما افضا 

محمد بيه: ياعم دي نازله رن رد افهم في اي انت شايف الظروف اللي احنا فيها 

خالد بيه: اه والله عندك حق (ورد على المكالمه) ألو 

اسماء : استاذ خالد حضرتك فين 

خالد: في الشغل مالك بتتكلمي كده ليه 

اسماء: مدام غاده يا خالد بيه عماله تضرب رأسها في الحيطه وتقول كلام غريب و البنت مرعوبه قافله عليها باب الاوضه ومش عارفه اعمل اي مع مدام غاده أنا خايفه اوي تعالا بسرعه والنبي 

خالد بيه: اقفلي اقفلي ( وقام خد سلاحه ومفتاح العربيه وخرج جري من المكتب وطلع وراه محمد بيه) 

محمد: يا خالد قولي في اي 

خالد: ابن الكلب بدأ في السحر بتاعه ومراتي شكلها عايزه تعمل في نفسها حاجه 

محمد بيه: اركب بسرعه اركب 

خالد بيه: كلم مراتك يا محمد متجيش معايا شوف مراتك فيها حاجه ولا لا 

محمد بيه: لا هكلمها وانا معاك 

خالد: محمد اسمع كلامي الواد ده مش هيسكت ( و ساب محمد وخد العربيه وراح على بيته) 

محمد بيه: ألو اميره انتي كويسه 

اميره : أنا مش اميره 

محمد بيه: انت مين ياض وجبت التليفون بتاع مراتي منين 

اميره : مش يمكن اكون عندها في البيت مثلاً 

محمد بيه: وحيات امك لو مراتي ولا مرات خالد حصل معاهم اي حاجه مش هيكفيني عمرك كله 

انقطع الاتصال خد محمد بيه عربيته ورجع بيته بسرعه 

في جانب آخر 

على: ( كده فرقت التلاته يوسف في حته و خالد في حته و محمد في حته الأمين لو مات يبقا أنا ارتحت من خالد خالص أما محمد هو اللي هيقتل يوسف بأيده 

خدت عروسه وعليها وش محمد بيه والقيت عليها الطلاسم كامله وبدأت في خطتي نزلت خدت عربيتي تجاه المستشفى اللي يوسف موجود فيها وكان معايا سكينه اول ما الطريق فضي امامي أخرجت السكينه و كأن العروسه هيا اللي ماسكه السكينه واقتربت من غرفت يوسف فتحت الباب كان نايم على السرير فاقد الوعي وبدأت في رسم طريقه موت يوسف على ايد محمد بيه) 

في جانب آخر 

خالد بيه: غاده اهدي انتي مالك 

اسماء: علي كده بقالها اكتر من ساعتين 

خالد بيه: (منظر غاده مرعب جدا جدا أول مره اشوف غاده بالمنظر ده الدم مالي وشها من كتر خبط دماغها في الحيطه بتقول كلام غريب غير مفهوم وبسرعه بتشاور على كل مكان في الشقه الرعب كتف جسمي كله مش عارف اعمل اي لقيت نفسي بفتح القرآن في البيت كله والصوت عالي جدا شويه شويه كانت بتهدا وتقعد مكانها بس مش بتتكلم عماله تبكي و مرعوبه مش عايزه تقول حصل اي او شافت اي وفجأة تليفوني رن كانت مرات محمد أول مره تتصل بيا من فتره طويله جدا رديت عليها ) 

خالد: ألو 

اميره : خالد الحق محمد خد سكينه من المطبخ ونزل جري شكله يخوف ومش عارفه هو رايح فين 

خالد: اقفلي يا اميره اقفلي 

خالد : أسماء القرآن مفتوح محدش يقفله اي حاجه كلميني أنا لازم انزل حالا في مصيبه هتحصل لو فضلت هنا 

اسماء: تحت امرك يا خالد بيه 

خالد: ( نزلت كنت عمال اتصل على محمد مش عايز يفتح قولت اكيد راح ل علي بس ليه واخد سكينه معاه كل ده هفهمه لما امسك محمد طلعت على بيت علي كان محمد لسه موصلش فكرت اطلع فوق استنا محمد قلقت يطلع من اي مكان تاني ويقتل علي ويضيع نفسه ركبت الاسانسير طلعت بي وفجأة وقف بيا ولقيت النور عمال يقطع ويجي ويقطع ويجي في ثواني

 كنت سامع صوت نفس حد جمبي سامع صوته مش قادر امسك نفسي حاسس اني هموت هنا وفجأة سمعت صوت بيقولي جاي هنا تعمل اي مش قولت محدش يجي بيتي مبقيتش عارف اعمل اي بقيت ادوس على كل زراير الاسانسير عايز اي حد ينجدني وفجأة النور رجع من الرعب اللي كنت في وقعت على الأرض وباب الاسانسير بيتفتح ) 

علي: جاي هنا ليه 

خالد بيه: هو انت يابن الكلب يا شيطان ( عبال ما كملت كلامي كان اختفي من قصاد عيني خرجت من الاسانسير مفيش اي وجود ل علي ولقيت تليفوني رن اتصل من المستشفى اللي فيها يوسف ) 

خالد بيه: ألو 

العسكري: خالد بيه محمد بيه هنا ومعاه سكينه وداخل من باب المستشفى محدش قادر عليه تعالي بسرعه 

خالد: اوعا يدخل على يوسف لو دخل هيقتل يوسف الو الو 

( انقطع الخط نزلت خدت عربيتي وجريت على مستشفى يوسف ولجل حظ يوسف أن بيت علي قريب جدا جدا من مستشفى اللي فيها يوسف عبال ما وصلت كان محمد دخل غرفه يوسف لسه هيطعن يوسف ضربته بالنار في ايده وقعت منه السكينه جريت عليه خدته في حضني وقعدت بي على الأرض ندهت الحراسه كله مرعوب من المشهد محدش مستوعب اي اللي بيحصل مبقيتش عارف اعمل اي لدرجه اني تمنيت لو القضيه تنسحب مني انا بخسر كل اللي حواليه ومش عارف الحق حد منهم إلا بعد مصيبه ومتأكد أن علي عايز يخليني اوصل الحاله دي

 للأسف علي اقوي مننا كلنا اكيد في طريقه تانيه اقدر اوقف خطوره الكلب ده من غير ما يحصل مصائب اكتر من كده 

الأمن: خالد بيه بعد اذنك الإدارة عايزه حضرتك تحت في مكتب الأمن 

خالد: خلي محمد بيه معاك كلبش أيده لحد ما اعرف في اي 

الأمن: تحت امرك يا فندم 

في جانب آخر 

خالد بيه: تحت امرك يا فندم 

سمير بيه : ( مدير أمن المستشفى لواء سابق ) ممكن اعرف تفسير الكلام ده 

خالد بيه: كلام اي 

وفجأة لقيته فتح فيديو من كاميرات مراقبه المستشفى لقيت نفسي ظاهر في الفيديو معايا عروسه وداخل المستشفى قبل دخول محمد ب ساعه ونص وطلعت سكينه وماشي وسط المستشفى ببحث عن غرفه يوسف 

سمير بيه : هو اي المنظر ده 

خالد بيه: والله ما أنا انا اخر مره جيت هنا كان من اسبوع تقريباً 

سمير بيه: يعني ده حد شبهك مثلاً 

خالد بيه: منا مهما اتكلم حضرتك مش هتصدق بس والله دا علي مش أنا 

سمير بيه: على مين سلامه عقلك يا حضرة الظابط
تعليقات



×
insticator.com, 6ed3a427-c6ec-49ed-82fe-d1fadce79a7b, DIRECT, b3511ffcafb23a32 sharethrough.com, Q9IzHdvp, DIRECT, d53b998a7bd4ecd2 pubmatic.com, 95054, DIRECT, 5d62403b186f2ace rubiconproject.com, 17062, RESELLER, 0bfd66d529a55807 risecodes.com, 6124caed9c7adb0001c028d8, DIRECT openx.com, 558230700, RESELLER, 6a698e2ec38604c6 pmc.com, 1242710, DIRECT, 8dd52f825890bb44 rubiconproject.com, 10278, RESELLER, 0bfd66d529a55807 video.unrulymedia.com, 136898039, RESELLER lijit.com, 257618, RESELLER, fafdf38b16bf6b2b appnexus.com, 3695, RESELLER, f5ab79cb980f11d1