رواية اغتصاب شرعى الجزء الثاني الفصل الحادي عشر
يس مصدوما بشدة .. لا مؤاخذة يا باشا .. سيادتك بتقول ان البصمات اللي ع السكينة .. بصمات زينب مراتي ؟!
الوكيل .. ايوا .. بالظبط كدا ؟!
يس .. ازاي يا باشا ؟!
الوكيل .. ازاي دي بقي .. تقولهالنا زينب مراتك ولا ايه ؟! ع العموم انا امرت بالقبض عليها عشان اعرف منها الحقيقة ايه بالظبط ؟!
يس .. ايوا بس سيادتك انا زينب مراتي عمرها ما تعمل حاجة زي ابدا !! دي اصلا بتخاف تدبح فرخة .. تقوم تقتل عدم لا مؤاخذة ؟!
الوكيل .. وماله ياما ناس ملهاش في الطور ولا في الطحين وبقوا سفاحين !!
يس .. ماشي سعتك .. بس انا زينب مراتي هتقتل حسن ابن سيد ليه ؟!
الوكيل .. ما هو دا اللي انا عايز اعرفة منها يا حج يس.. عامةً هي علي وصول دلوقتي .. بس علي الله تعترف علطول بالحقيقة ومتتعبنيش معاها
رد فعل علي وجه يس ..
ونذهب الي ممتاز الذي وصل منزل والده .. وعندما يدخل الشقة تراه امه فتفرح فرحا شديدا
الام .. ممتاز !! .. ابني حبيبي .. انت كنت فين يا ممتاز ؟! وايه اللي انا سمعته ده ؟! انت فعلا قتلت البنت اللي اسمها بثينه ؟!
ممتاز .. انا مقتلتش حد يا ماما !! كل اللي بيتقال دا كدب وتلفيق !!
الام .. اومال ليه مازن بيقول انك قتلتها بعد ما خطفتها وكمان عذبتها عشان تجبرها تتنازل عن القضية اللي كانت رفعاها ضدك !! الكلام ده حصل فعلا يا ممتاز ؟!
ممتاز ..لا يا امي .. انا معرفش البنت دي اصلا !! دي انسانه حقيرة والكلب اللي اسمه شهاب هو اللي مسلطها عليا !! عشان يدمر مستقبلي
الام .. ايوه يا حبيبي .. بس مازن بيقول ان الطب الشرعي اثبت انك فعلا عذبت البنت دي !! وكمان .... !! ( الام لم تستطيع اكمال الجملة فتسكت برهه ويبدوا انها متأثرة وحزينة جداً ثم تكمل حديثها قائلة ) ليه يابني تعمل كدا وتضيع مستقبلك ؟! كل دا عشان خاطر البنت المجرمة دي اللي اسمها سارة ؟!!
ممتاز .. البنت المجرمة اللي انتي بتتكلمي عنها دي طلعت بريئة يا امي زي ما كنت متوقع .. بثينة حكيتلي علي كل حاجة وكانت رايحة تقول الكلام دا في النيابة بس للأسف اتقتلت قبل ما تروح وتقول الحقيقة ؟!! وبعدين مش وقت الكلام دا خالص .. فين نور ؟
الام .. اختك نور من ساعة ما عرفت باللي حصل وهي مش طايقة تكلم حد ..علطول حزينة ولا راضية تاكل ولا تشرب ولا حتي بتكلم حد
ممتاز .. يعني هي في اوضتها دلوقتي ولا فين ؟!
الام .. لا في المستشفي .. هو في ايه يا ممتاز ؟! مالها نور ؟!
ممتاز .. طب موبيلها مقفول ليه ؟!
الام .. لا يا حبيبي نور مش قافلة الموبيل ولا حاجة !! هي بس غيرت نمرتها بسبب الرسايل والمكالمات الزفت اللي بتجيلها من ساعة اللي حصل !!
ممتاز .. طب رني عليها يا ماما
الام .. طب هي ايه الحكاية يابني طمني ؟!
ممتاز .. رني عليها يا امي من فضلك
الام .. حاضر
الام تحاول الاتصال ب نور وتفاجئ بأن التليفون مغلق
الام .. مقفول !! اكيد في مكان مفيهوش شبكة
ممتاز .. لا يا امي .. نور اتخطفت !!
الام .. ايه ؟! اتخطفت ازاي ؟!
ممتاز .. ايوه .. الكلب اللي اسمه شهاب خطف نور وحابسها عنده في الفيلا دلوقتي ؟!
الام .. وانت عرفت ازاي ؟!
ممتاز .. عرفت زي ما عرفت بقي !! ياويلك مني يا شهاب انت واختك الملعونة !!
ثم ينوي المغادرة .. ولكن فجأة ينادي عليه ابوه قائلا
الاب .. ممتاز .. استني عندك !!
ممتاز يقف ثم يستدير لمواجهة ابيه
الاب .. انا عايز افهم ايه اللي بيحصل بالظبط ؟!
ممتاز .. مش وقته يابابا .. انا لازم انقذ نور من ايدين الحقير اللي اسمه شهاب
الاب .. انا عمري ما كنت اتصور في يوم الايام ان ابني ممتاز رجل الشرطة النبيل مثال الشرف والامانة والاخلاق اللي بيدافع عن الحق دايما يتحول في يوم من الايام ل مجرم فظيع بالشكل ده !! .. انا فعلا مصدوم بجد .. ليه يابني تعمل في نفسك وفينا كده ؟! احنا عمرنا ما اسأنا ليك لما تسئ لنفسك ولينا بالشكل ده؟!!
ممتاز .. صدقني ياوالدي انا كنت ومازلت محافظ ع القسم اللي انا اقسمته لما اتخرجت من كلية الشرطة .. وهفضل لحد ما اموت محافظ عليه وهفضل ابنك اللي دايما بتتباهي بيه في اي مكان ..
الاب .. ازاي ... ؟! وايه اللي بيحصل دا معناه ايه ؟!
ممتاز .. دي ضريبة ابنك بيدفعها عشان وقف في وش الظلم دفاعا عن الحق !! والايام هتثبتك اني ما زلت متمسك بالمبادئ والقيم اللي حضرتك ربتنا عليها .. بعد اذنك
الام .. ممتاز .. استني يابني رايح فين ؟!
ممتاز .. رايح انقذ اختي يا امي من ايد السفاح اللي اسمه شهاب !! بس انا فيه سؤال محيرني ومش لاقي له اجابة ؟! .. هو ليه شهاب بيكرهني بالطريقة الفظيعة دي ؟! معقول طلاقي من اخته سبب الكره والبغض والغل اللي جواه من ناحيتي ؟! ولا فيه سبب تاني .. ؟!
الاب ينظر بعيدا بعد ان قال ممتاز تلك الكلمات وكأنه يهرب من مواجهة عيناي ابنه ويبدوا انه يُخفي بداخلة امر ما .. وفجأة تفتح نور باب الشقة .. فيراها الجميع وينظرون اليها في دهشة .. فتنظر هي الاخري اليهم في حزن شديد وعينان باكيتان .. ملابسها ممزقة ويبدوا عليها الارهاق .. ولم تلبث الا ان تسقط مغشيا عليها ؟؟!!
