رواية اغتصاب شرعى الجزء الثاني الفصل الثاني عشر
نور تستعيد وعيها وتنظر لتجد ابوها وامها واخوها ممتاز
ممتاز .. نور .. فوقي !! نور
نور .. ممتاز !!
ممتاز .. ايوا يا نور انا ممتاز اخوكي .. قليلي يا نور ايه اللي حصل معاكي بالظبط ؟! اتكلمي
الاب .. بالراحة عليها يابني !!
ممتاز .. اتكلمي يا نور .. مين اللي بهدلك وقطع هدومك بالشكل ده ؟!
نور تنظر الي نفسها ويبدوا انها تذكرت ما حدث لها فشرعت في البكاء وعندما يراها ممتاز تبكي يدرك ان نور قد تعرضت للأذي بمعرفة شهاب
ممتاز .. انتي بتعيطي ليه ؟!
نور تبكي ولا تجيب ..
ممتاز .. قولي يا نور بتعيطي ليه ؟!
نور ما زالت تبكي ولا ترد علي ممتاز .. ممتاز يُخرج من جيبة الصور التي قاما البلطجية بتصويرها ل لأخته ويعرضهم عليها .. نور الي الصور فتنهار وتقول ..
نور .. لا .. لا .. لا .. انا اتبهدلت يا ممتاز ..
ممتاز .. شهاب خطفك .. صح ؟! انطقي !!
نور .. معرفش .. معرفش
ممتاز .. طب قوليلي ايه اللي حصل .. اتكلمي يا نور
الاب مندهشا .. هو في ايه ؟! ايه اللي حصل يا بنتي ؟!
نور ما زالت تبكي بحرقة بل يعلوا صوت بكائها
الام .. في ايه يا ممتاز ؟! اختك مالها ؟!
ممتاز غاضب بشدة .. الكلب الجبان !! وحيات امه لأدفعه التمن غالي ..
ثم يهرول مسرعا والام تنادي عليه
الام .. ممتاز .. استني يا بني رايح فين ؟!
الاب يجلس بجوار ابنته علي السرير ويقول لها
الاب .. نور .. مالك يابنتي في ايه ؟! فهمينا ايه اللي حصل ؟!
ونذهب الي فتحية ام حسن زوجة سيد حيث باعت قطعة ارض كانت بأسمها كتبها لها سيد بيع وشراء منذ سنين اثناء ما كانت في عصمة سيد قبل طلاقها .. فتحية داخل قطعة الارض تتحدث مع الشاري الجديد ويدعي الحج سعيد
فتحية .. ايه يا حج .. عجبتك الارض ؟
سعيد .. الا عجبتني !! دي حاجة فوق الوصف .. جميلة جدا بصراحة
فتحية .. يعني اشتريت خلاص ؟
سعيد .. بإذن واحد احد اشتريت يا حجة ام حسن .. بس ليا رجاء بعد اذنك
فتحية .. ايه يا حج ؟
سعيد .. تهاودي في السعر شوية .. المبلغ اللي سيادتك طالباه عالي اوي !!
فتحية .. بالعكس .. دا السعر اللي ماشي دلوقتي وانت راجل في السوق وعارف الاسعار كويس يا حج سعيد ..
سعيد .. ايوا عارف .. بس انا معاملتي مش زي الغريب طبعا !! اكيد ليا اكرامية ولا ايه يا ام حسن ؟!
فتحية .. والله يا حج سعيد ...
سعيد .. بقلك ايه يا ام حسن .. متكسفنيش اومال .. طب وحيات المرحوم لا تهاودي في السعر شوية
فتحية .. حلفتني بالغالي .. ماشي يا حج سعيد هنزل في المتر الف جنيه عشان خاطر المرحوم ابني اللي انت حلفتني بيه
سعيد .. طب لو قلتلك وحيات المرحوم سيد ؟!
فتحية تغضب عند سماع اسم سيد .. هازود الفين جنيه كمان علي سعر المتر!!
سعيد .. ايه ؟! .. لا علي ايه .. خلينا في المرحوم حسن احسن .. الف رحمه ونور عليك يا حسن يابني .. طيب يا حاجة انا اشتريت الارض خلاص .. نقرا الفاتحة بقي بالصلاة ع النبي ..
ونذهب الي ممتاز الذي ذهب بسيارته مسرعا الي فيلا شهاب وعند وصوله يلاحظ وجود سيارات شرطة تحيط بالمكان
ممتاز .. اه يا ندل .. نفدت من ايدي انهارده !! بس هتروح مني فين انت والحرباية اختك ..
ثم ينطلق بالسيارة دون ان يلاحظه احد
وفي داخل الفيلا نري سها في غرفتها تبكي ويبدوا انها قد تعرضت لأعتداء حيث نري ملابسها ممزقة وكدمات وجروح متفرقة في وجهها وجسدها وبجوارها يقف شهاب وامامها مازن وكيل النيابة والنقيب سالم
مازن .. اهدي يا مدام سارة عشان افهم منك ايه اللي حصل بالظبط
شهاب .. اللي حصل انا قولتهولك !!
مازن غاضب ويبدوا انه لا يريد ان يستمع الي شهاب..
مازن .. من فضلك يا سيادة النقيب انا عايز اسمع اللي حصل منها هي شخصيا !!
شهاب ينظر ل مازن نظرة ذات معني ثم يقول لأخته بنبرة فيها غضب
شهاب .. اتكلمي يا سارة وقوليلة ايه اللي حصل
سارة .. انا كنت قاعدة هنا ع السرير الساعة كانت حوالي ١٢ ونص بعد نص الليل وفي التوقيت ده متعودة اني اقرا شوية في المجلات وانا بشرب النسكافية بتاعي .. فجأة لقيت ٣ دخلوا عليا الاوضة كانوا ملثمين .. قاموا هاجمين عليا .. واحد منهم كان جامد اوي .. ده اللي مسكني وكتفني بالحبل ده وحط لزق علي بقي عشان ما اصرخش وفضل يضرب فيا اوي بالبنيات في وشي وفي جسمي وبالمطوة اللي كانت معاه فضل يجرح في جسمي وقالي .. لو عملتي اي حركة او صوت هادبحك !!
بعد كدا جم الاتنين التانين فضلوا يقطعوا في هدومي والجامد ده قام مطلع كاميرا وقعد يصور كل حاجة بتحصل ..وكانوا عايزين ......
سها تبكي بشدة
مازن .. كانوا عايزين ايه يا مدام سها ؟!
شهاب .. ما انا قلت لسيادتك انهم كانوا عايزين يغتصبوها !!
مازن .. من فضلك انا عايز اسمع منها هي كل حاجة
شهاب .. وهي صعب عليها تنطق كلمة زي دي .. من فضلك يا مازن باشا قدر الموقف اللي اختي فيه !!
سها.. ايوا يا فندم زي ما قال شهاب كده .. كانوا عايزين يغتصبوني
مازن .. وبعدين .. ايه اللي حصل ؟!
سها .. وهما بيحاولوا انهم يعملوا كده فجأة دخل شهاب واتعامل معاهم ولولا ان جه في الوقت المناسب كان زمانهم اتمكنوا مني المجرمين !! الصدمة بقي ان واحد منهم وهو بيتخانق مع شهاب .. شهاب شال الحاجة اللي كان مغطي بيها وشه .. اكتشفت انه ممتاز طليقي!!
مازن .. تقصدي الرائد ممتاز
سها .. ايوه هو الندل الواطي !! كان جاي وجايب معاه شوية مجرمين عشان يغتصبوني ويصوروني كمان !!
مازن .. اها .. وبعدين ؟
سها .. لما لقي مش قادر علي شهاب .. قام مطلع مسدسة وضرب علي شهاب رصاصة مجتش فيه .. وجت في الفاظة دي دشتشتها ميت حته زي ما انت شايف .. حتي الرصاصة علمت في الحيطة هناك اهه .. كان عايز يقتل شهاب اخويا عشان انقذني من ايديهم المجرمين !!
مازن .. وبعدين ؟
سها .. شهاب لما لقيه طلع مسدسة وكان يقتله بالفعل .. شهاب هو كمان طلع مسدسه عشان يدافع عن نفسه وعني .. ولما ممتاز لقي نفسي مش قادر علي شهاب واللي كانوا معاه جريوا !! قام هو كمان جري فراح شهاب ضارب علي رجلية نار عشان يوقفه .. وبالفعل الرصاصة جت في رجليه والدم بتاعه اهوه ع الارض زي ما حضرتك شايف .. بس ممتاز موقفش كمل جري بس وهو بيجري والمسدس بتاعه وقع منه
مازن .. دا مسدسه الميري !!
شهاب .. ايوا مسدسه الميري .. وعلي فكرة انا كان ممكن اقتله والحق هيكون معايا لأني في موضع دفاع عن النفس .. بس انا مارضتش .. لأني عايزة يتحاسب بالقانون علي كل الجرايم اللي عملها
مازن ينظر ل سالم وكأنه يستنكر ما حدث ويقول ..
مازن .. ليه بس كده يا ممتاز .. ليه ؟!
شهاب ينظر ل سها وهو يبتسم ابتسامه معناها الغرور والانتصار وسها تبادله نفس الابتسامة ..
ونذهب الي الحج سعيد الذي ارسل المعدات لحفر الارض التي اشتراها من فتحية .. حيث العمال يعملون في الارض لتهيئتها للبناء .. ثم يأتي اليه المقاول وهو يصرخ قائلا
المقاول .. الحق يا حج سعيد .. الحق يا حج !!
سعيد .. في ايه يا شاكر ؟! بتصرخ ليه كده ؟!
المقاول شاكر .. العمال وهما بيحفروا الارض لقيوا جثة ؟!
سعيد مصدوم بشدة .. جثة !! يا ساتر يارب .. تعالي وريني .. يادي اليوم اللي مش فايت يا اولاد !!
ونذهب الي ممتاز الذي يجلس داخل سيارته في مكان بعيد وقد حل ظلام الليل .. يدخن سيجارة ويستمع الي اغنية حزينة ل مصطفي كامل ويبدوا انها اغنية اقوي من الايام ..ثم يُخرج مسدسه من جيبة ويضعه فوق تابلوه السيارة .. ولكن يلاحظ شئ غريب عندما ينظر الي المسدس ..
ممتاز .. ايه ده ؟! المسدس ده مش بتاعي ؟! اومال المسدس بتاعي راح فين ؟!
وفجأة يهجم اثنان ملثمين علي ممتاز ويخرجوه من السيارة بالقوة ويصيبوه بطلق ناري في قدمه اليسري ......؟؟؟!!
