 |
رواية اغتصاب شرعى الجزء الثاني الفصل الثالث عشر
شهاب يجلس في الجنينة داخل فيلته يدخن سيجارة ويشرب فنجان من الشاي ثم تأتي اليه سها اخته ويبدوا انها منزعجة
سها .. صباح الخير يا شهاب
شهاب .. صباح النور يا نور عين شهاب من جوا .. نمتي كويس ؟
سها .. لا انا منمتش خالص !!
شهاب .. ليه يا حبيبتي ؟!
سها .. انت اللي بيحصل ده مش هيضيع ممتاز ؟!
شهاب .. اها .. عشان كده منمتيش!! قلقانه علي حبيب القلب
سها .. جاوب يا شهاب من فضلك
شهاب .. لا يا حبيبتي .. ممتاز مش هيضيع ولا حاجة .. انتي مش قلتي عايزاه يجي لحد عندك راكع ويطلب منك السماح ؟!
سها .. ايوه .. دي امنية حياتي .. بس انا حاسة ان احنا كده بنورط ممتاز وممكن يتسجن في الاخر ويضيع مستقبله
شهاب .. وماله .. عادي جداا
سها .. عادي ازاي ؟! شهاب احنا ما اتفقناش علي كده ؟!
شهاب ينظر في ساعته .. ياااه انا اتأخرت اوي ع الشغل .. يلا يا حبيبتي اشوفك بالليل باي ..
يقبلها في خدها وينصرف ورد فعل علي وجه سها
ونذهب الي ممتاز الذي فقد وعيه بعد اصابته بطلق ناري في قدمة اليسري من مجهولين اثناء توقفه بالسيارة في مكان مهجور بعد ان اجبروه من النزول منها وقاموا بالاعتداء عليه .. وبعد ان استعاد وعيه وجد نفسه داخل غرفة نوم بدأ ينظر الي المكان في دهشة .. لا يعرف اين هو .. توجد علي الحائط مجموعة من الصور لفتاه عشرينية جميلة تظهر في بعضها ببدلة رقص وبجواره علي الكوميدينو صورة لنفس الفتاه ومعها طفلة صغيرة حوالي ٥ سنوات .. شهاب يرفع الغطاء من علي قدمه فيجدها ملفوفه في قطن وشاش فيندهش ويدرك ان هناك من اسعفه وربما اخرج تلك الرصاصة من قدمه وفجأة تدخل الفتاه التي رأها في الصور وهي تحمل صينية من الطعام .. تنظر اليه وتفرح عندما تراه قد استعاد وعيه والفتاه تدعي ساندي ..
ساندي .. صباح الخير ..
تضع صينية الفطار علي الطربيزة وتقترب منه وهي تقول
ساندي .. حمد الله ع السلامة ..
ثم تستشعر حرارة جسدة بيدها وتقول
ساندي .. الحمد لله السخونية نزلت .. نفطر بقي ؟!
ثم تنهض وتحضر صينية الطعام وتضعها امام ممتاز وممتاز ينظر اليها في دهشة ويسألها قائلا
ممتاز .. انتي مين ؟!
ساندي .. انا ساندي .. بص انا عاوزاك تاكل الاكل دا كله .. اوك ؟ .. لازم تاكل كويس عشان جرحك يخف
ممتاز .. هو انتي اللي عملتي كده ؟!( يقصد لف الجرح بالشاش والقطن )
ساندي .. ايوه .. انا خرجتلك الرصاصة وعقمت الجرح كويس .. متخافش انا كنت بشتغل ممرضة ٣ سنين في قسم الحوادث .. وياما طلعنا رصاص من جتت بني آدمين .. هههههه
