 |
رواية اغتصاب شرعى الجزء الثاني الفصل السادس عشر
رواية اغتصاب شرعي
عم سعيد ماثلا الان امام وكيل النيابة للتحقيق معه ويبدوا انه يرتجف من الخوف ..
الوكيل .. اهدي كده يا عم سعيد واحكيلي اللي حصل من البداية
سعيد .. يا بيه انا اللي عندي قلت في محضر البوليس !!
الوكيل .. بس انت هنا في النيابة ولازم اسمع منك الكلام ده تاني ..
سعيد .. يا بيه انا اشتريت حتة الا رض من واحدة اسمها فتحية هاشم مرات الحاج سيد النص الله يرحمه
الوكيل .. سيد النص ده تاجر الادوات الصحية اللي مات مقتول في ظروف غامضة ؟!
سعيد .. ايوه .. هو ده .. الف رحمه ونور عليه
الوكيل .. ودي صورة عقد البيع ؟
سعيد .. ايوة سعتك والعقد متسجل في الشهر العقاري كمان مالوش اسبوع !! تاني يوم ما اشتريتها علطول .. ولما جيت احفر لقيت الجثة دي مدفونة في قلب الارض فأتصلت بالبوليس علطول .. لكن انا ماعرفش جثة مين دي ؟! اسألوا صاحبة الارض عنها !! لكن انا مالي تحققوا معايا ليه ؟!
الوكيل .. لازم نحقق معاك لأن انت دلوقتي مالك الارض ومسئول عنها مسئولية كاملة
سعيد .. بس انا محطتتش رجلي فيها غير مرتين بس .. مرة لما اتفرجت عليها وكان وقتها الست فتحية موجودة معايا والمرة التانية لما بدأت شغل فيها وبعدين سيادتك واضح من شكل الجثة انها متحللة يعني مدفونة في الارض دي بقالها زمن ؟! يعني من قبل ما اشتريها بكتير اوي .. يبقي المفروض دلوقتي اللي تسأل عنها الست فتحية هاشم مش انا لأنها هي المالك اللي قبل مني وباعلي الارض
الوكيل .. تمام .. تمام .. اكتب عندك .. قررنا نحن ايمن خطاب رئيس النيابة اخلاء سبيل المدعو سعيد قنديل بضمان محل اقامته وقد نبهنا عليه بعدم مغادرة القاهرة الا بعد الرجوع الينا وبإذن منا كما امرنا بضبط واحضار السيدة فتحية هاشم وذلك للمثول امامنا صباح باكر واقفل المحضر في ساعته وتاريخه ..
ونذهب الي ممتاز الذي اقتحم المطبخ علي ساندي اثناء اعدادها للطعام ..
ومعه مسدسة دون ان تشعر به ثم يلف ذراعه حول رقبتها ويصوب مسدسه في اتجاه رأسها قائلا
ممتاز .. لا شاطرة !! عرفتي تمثلي دورك كويس اوي ؟!
ساندي مندهشة .. دور ايه ؟! انت ماسكني ليه كده ؟! سيبني لو سمحت
ممتاز .. اي حركة هفرتك دماغك .. فاهمه ؟! بقي بتعملي تمثيلية عشان توقعيني في الفخ يا شاطرة ؟!
ساندي .. فخ ايه انا مش فاهمه حاجة ؟!
ممتاز .. الفخ اللي نصبتيه ليا انتي وشريكك الحقير !!
ساندي.. فخ ايه وشريك ايه ؟! وضح كلامك من فضلك
ممتاز .. اتنين ملثمين يطلعوا عليا وانا في مكان محدش يقدر يوصله غيري ويخرجوني من العربية ويضربوني بالنار في رجلي ويجروا من غير حتي ما يسرقوا اي حاجة بعدها اغيب عن الوعي عشان اصحي الاقيني هنا عندك ولما اسألك انا جيت هنا ازاي تقليلي اصل انا كنت معدية بالصدفة ف لقيتك مغمي عليك ومضروب برصاصة في رجليك فأخدتك وشلت الرصاصة عشان انقذك من الموت!! ..هي دي الحكاية اللي انتي عايزاني اصدقها .. لكن الحقيقة بقي ان انتي وشريكك السافل الجبان جايبيني هنا عشان ناصبيلي فخ .. عشان تكملوا مسلسل القذارة اللي انتوا بتعملوها معايا .. لكن يمكرون ويمكر الله والله خير الماكرين .. ربنا اراد يكشفك قدامي ويفضح لعبتكم الوسخة ؟!
ساندي .. انت بتتكلم عن ايه بالظبط ؟! شريك مين وفخ مين اللي ناصبينهولك ؟!
ممتاز يُظهر لها الصورة التي عثر عليها والتي تجمعها بأبنتها وشهاب
ممتاز .. بتكلم عن ده .. مش ده شريكك برضوا ؟! ولا انتي مجرد شغالة بس لحسابه
ساندي .. اها .. وانت الصورة جبتها ازاي ؟!
ممتاز .. مش انا اللي جبتها يا روح امك .. هي اللي جت لحد عندي عشان تفضحك قدامي !! انطقي لأقتلك .. ايه علاقتك بالحيوان ده اللي في الصورة ؟! وناويين تعملوا ايه تاني بالظبط .؟! اتكلمي ؟!
ساندي .. طب ممكن تهدي وتسيبني وانا هافهمك كل حاجة ؟!
ممتاز .. اتكلمي بقلك انا خلقي خلاص بقي في مناخيري !!
ساندي .. خلاص هاتكلم وهاقولك كل حاجة .. بس اهدي من فضلك
ممتاز .. اتكلمي
ساندي .. دا لا شريكي ولا انا شغالة لحسابة ولا اي حاجة من اللي في دماغك دي خالص !!
ممتاز .. اومال الصورة اللي بتجمعكم مع بعض فوتوشوب يعني ؟! انتي لسة هتخدعيني تاني ؟!
ساندي .. انا مش بخدعك ومش بكدب عليك صدقني !! انا فعلا كنت اعرفة زمان لكن اقسملك اني بقالي اكتر من ٣ سنين مفيش بيني وبينه اي علاقة
ممتاز .. وكانت ايه نوع العلاقة اللي بينكم زمان ؟ عشيقك ؟!
ساندي .. الله يسامحك .. هو انا عشان رقاصة تبقي اخلاقي مش كويسة يعني ؟!
ممتاز .. انطقي ايه نوع العلاقة اللي كانت بينك وبين الحيوان ده ؟!
ساندي .. جوزي وابو ندي بنتي .. ارتحت ؟!
ممتاز مندهشاً بشدة .. جوزك ؟!
ونذهب الي نور شقيقة ممتاز التي تحاول الاتصال ب شهاب منذ ايام ولكن لا يرد عليها واخيرا رد عليها في تلك المكالمة
نور .. الو .. انت فين يا شهاب ؟!
شهاب .. ازيك يا نور اخبارك ايه ؟!
نور .. اخباري زفت وطين !! رد علي سؤالي كنت فين الفترة اللي فاتت دي كلها ؟! ومش بترد ليه علي تليفوناتي ؟!
شهاب .. ايه يا بنتي الدخلة دي ؟! بالراحة عليا اومال ؟!
نور .. رد يا شهاب ؟!
شهاب .. كنت مشغول .. في ايه بقي ؟!
نور .. يا سلام .. عبيطه انا بقي وهاصدق انك كنت مشغول فعلا ؟! ولو كنت مشغول زي ما بتقول .. مفيش دقيقة لقيت نفسك فاضي فيها تعبر الكلبة اللي بترن عليك بقالها كام يوم زي المجنونة ؟!
شهاب .. مالك يا نور بتكلميني ليه بالطريقة دي ؟!
نور ..لأنك مصدرلي الطرشة يا شهاب بقالك كام يوم ومش عايز ترد عليا ولا حتي تطمني عليك ؟!
شهاب .. وانا اصدرلك الطرشة ليه بس يا حبيبتي ؟!
نور .. اسأل نفسك ؟! مع اني بعمل المستحيل عشان ارضيك .. دا انا وقفت في وش اخويا عشانك وبنفذ كل اللي بتطلبه مني بالحرف الواحد ولا نسيت انا عملت ايه بالظبط ؟!
شهاب .. لا منسيتش .. ومقدر كل اللي انتي عملتيه عشاني .. بس انا فعلا كنت مشغول عشان كده مكنتش قادر اكلمك الفترة اللي فاتت !! صدقيني يا نور انا مينفعش يعدي يوم من غير ما اشوفك او حتي اسمع صوتك .. ده انا بعشقك عشق مالوش حدود
نور .. صدقني مش حاسة بكده خالص ؟! بالعكس حاسة انك بتستغل حبي ليك كوسيلة عشان تضر بيها ممتاز مش اكتر !!
شهاب .. لا يا نور .. احساسك ده مش صح بالمرة !! انا فعلا بكره ممتاز لدرجة العمي لكن في نفس الوقت بحبك انتي لدرجة الجنون .. فاهمه يعني ايه بحبك لدرجة الجنون ؟!
نور .. وانا كمان يا شهاب بحبك اكتر مما تتصور .. اكتر من الجنون نفسه
شهاب .. عارف يا حبيبتي عارف صدقيني
نور .. طيب انا عايزة اشوفك انهارده
شهاب .. حاضر هاحاول يا حبيبتي
نور .. لا مش هتحاول انا لازم اشوفك انهارده يعني لازم اشوفك انهارده .. فاهم ؟!
شهاب .. حاضر يا نور هنتقابل انهارده اوك
نور .. بحبك
شهاب .. وانا كمان بحبك
نور .. باي
شهاب .. باي
وبعد ان يغلق الخط يحدث نفسه قائلا بسخرية واضحة
شهاب ..هههههه ... مع السلامة... حبيبتي قال ؟! دا انا مكرهتش حد في الدنيا قدك انتي واخوكي !!
ونذهب الي سارة حيث بعد ان عاد ابيها الي المنزل تغيرت احواله تماما وظل حزينا مهموما لا يتكلم ولا يأكل
سارة .. احضرلك العشا يابابا ؟!
يس .. لا يابنتي ماليش نفس
سارة .. وبعدين معاك بقي .. انت من ساعة ما رجعت من برة اخر مرة خرجت فيها وانت متغير خالص !! فيه ايه ؟!
يس مرتبك .. هيكون فيه ايه يعني ؟! اكيد حزين ومضايق عشان امك وعشانك انتي كمان .. هو انتوا اللي بيحصلكم دا شوية يا بنتي ؟!
سارة .. تصدق يابابا .. ماما وحشتني اوي
يس .. ووحشتني انا كمان والله
سارة .. بص هو عندك حق في انك تكون مضايق ومخنوق كمان .. بس يابابا انت لازم تاكل عشان متتعبش ولا انت نسيت انك عندك ضغط وسكر ؟!.. بابا انا مش هاستحمل ان حاجة تحصلك انت كمان ؟! ارجوك انا خلاص قربت انهار بجد من كل اللي بيحصل ده ؟! فأرجوك عشان خاطري تحاول بكل الطرق انك تفضل جمبي ومتسبنيش ابدا .. انا مبقاش ليا حد في الدنيا غيرك
يس تدمع عيناه وسارة تلاحظ ذلك
سارة .. بابا انت بتعيط ؟!
يس .. وانا كمان يا بنتي ماليش حد في الدنيا غيرك انتي وامك .. سامحيني يابنتي
سارة .. اسامحك علي ايه ؟!
يس .. علي كل اللي حصلك بسببي .. انا عارف اني ظلمتك كتير وياما كنت قاسي عليكي
سارة .. يابابا ان مش زعلانه منك لأني عارفة ومتأكدة انك لما جوزتني ل سيد كان كل همك مصلحتي زي ما كل اب في الدنيا يهمه مصلحة بنته .. مش كده ولا ايه ؟!
يس ينظر اليها وهو ما زال يبكي
سارة .. يا بابا بطل عياط بقي !! لأحسن وربنا اعيط انا كمان
يس .. تعالي في حضني يا سارة
ثم يحضن ابنته بكل حب للمرة الاولي في حياته وسارة تشعر بذلك فتستعجب
يس .. انا بحبك اوي يا بنتي صدقيني
سارة .. عارفة والله .. وانا كمان بحبك يا بابا
الاب ينهار من البكاء مما يثير دهشة سارة فتترك حضنه قائلة
سارة .. في ايه يا بابا مالك ؟!
يس .. اصل ....
وفجأة يرن المحمول الخاص ب يس والمتصل شهاب فيرتبك يس
يس .. اااا .. سارة .. ممكن تعمليلي كباية شاي ؟!
سارة .. حاضر .. بس كل لقمة الاول !! انت ما اكلتش حاجة من الصبح!!
يس .. لا اصل انا حاسس بصداع جامد دلوقتي ومحتاج اشرب كباية شاي ضروري ..
سارة .. حاضر .. اروح اعملك الشاي
وبعد ان تنصرف يرد علي شهاب قائلا
يس .. الو ...
ونذهب الي عوض الذي ذهب الي النيابة العامة لمقابلة السيد المستشار رئيس النيابة ايمن خطاب والذي يتولي التحقيق في قضية مقتل حسن .. عوض يدخل مكتب المستشار ويبدوا انه في حالة هلع تام
الوكيل .. خير يا عوض .. عايز تقابلني بخصوص ايه ؟!
عوض .. يائب
الوكيل .. حقيقة ايه يا
عوض .. انا اللي قتلت المرحو سيد النص وابنه حسن كمان
الوكيل .. , ؟؟!!
