 |
رواية اغتصاب شرعى الجزء الثاني الفصل السابع عشر
السابع عشر والثامن عشر
رواية اغتصاب شرعي
البارت السابع عشر من الجزء الثاني
عوض جالسا امام المستشار ايمن خطاب وكيل النيابة يرتجف من الخوف
الوكيل مندهشا .. متخفش يا عوض اتكلم .. قول قتلت سيد وابنه حسن ازاي ؟!
عوض .. هاتكلم يا باشا وهاقول كل حاجة لأني خلاص تعبت من عذاب الضمير اللي بيأنب فيا ليل ونهار ومخليني مش عارف اعيش زي مخاليق ربنا !! وعمال يقولي حرام عليك يا عوض فيه ست هتروح ظلم في حاجة هي ما عملتهاش !!
الوكيل .. طب اتكلم وريح ضميرك .. انا سامعك اهوه
عوض .. بص سعتك انا بصراحة كنت علي علاقة ببنت اسمها بثينة توفيق
الوكيل .. مين بثينة توفيق ؟!
عوض .. دي البنت اللي قتلت سعتك وبيقولوا ان اللي قتلها واحد ظابط اسمه ممتاز !! عشان كان عايز يخليها تروح تتنازل عن بلاغ كانت عاملاه ضده انه عدم لا مؤاخذه خطفها واغتصبها عشان عايز يجبرها تروح تقول ان هي اللي قتلت قاسم مش سارة يس صحبتها
الوكيل .. سارة يس دي بنت الحاج يس اللي امها زينب المتهمه حاليا بقتل حسن ابن سيد جوز بنتها ؟!
عوض .. ايوه .. بالظبط كده يا باشا .. بس الحقيقة بقي مش زينب هي اللي قتلت حسن .. انا اللي قتلته هو وابوه
الوكيل .. وقتلتهم ليه بقي وازاي ؟!
عوض .. ما انا جاي لسيادتك في الكلام يا باشا.. بثينة دي الله يرحمها بقي كان مشيها مش تمام .. والحته كلها كانت عارفة كده علي فكرة .. عدم لا مؤاخذة كانت ماشية مع طوب الارض ومنهم الحاج سيد وابنه حسن الله يرحمهم
الوكيل .. انا عرفت معلومة زي دي فعلا ان المرحوم سيد كانت بيتردد علي شقتها دايما .. بس بالنسبة لأبنه حسن معنديش اي معلومات تقول انه كان علي علاقة بيها ؟!
عوض .. لا سعتك كان علي علاقة بيها وكان بيروح عندها كتير وكان دايما بيتخانق معاها كمان
الوكيل .. وبيتخانق معاها ليه ؟!
عوض .. عشان مكنش راضي عن علاقتها بأبوه وكان عايزها تقطع علاقتها بيه بأي طريقة
الوكيل .. ليه ؟! .. كان بيحبها مثلا ؟!
عوض .. يحب ايه يا باشا ؟! الناس دي عدم لا مؤاخذة متعرفش يعني ايه حب ؟! دي ناس لا عندها لا قلب ولا دين !!
الوكيل .. اومال كان عايزها تقطع علاقتها بأبوه ليه ؟!
عوض .. اهوه نوع من الانانية وحب الامتلاك .. من الاخر كده مكتش عايز حد يقرب منها غيره
الوكيل .. طب ما كان اتجوزها احسن ؟!
بثينه .. يا باشا لا سيد ولا ابنه حسن بتوع جواز !! عدم لا مؤاخذة انا كنت شغال مع الحج سيد حوالي ١٥ سنه وعرفت كل حاجة عنه تقريبا .. هو مش بيتجوز غير بس اللي مبيقدرش يطولهم .. اكيد حضرتك فاهم قصدي طبعا ؟!
الوكيل .. اه .. كمل
عوض .. وابنه عدم لامؤاخذة صورة طبق الاصل من ابوه ..فعلا زي ما المثل بيقول ذاك الخثيث من ذاك الواطي !! دا وليعوذبالله مخلاش واحدة من نسوان ابوه والا ولف عليها !!.. شفت فجور اكتر من كده سعتك ؟!
الوكيل .. كمل يا عوض
عوض .. حاضر سعتك .. المهم انا الحج كان بيبعتني اودي طلبات لبثينه ومرة ورا مرة استلطفنا بعض وفجأة وبدون مقدمات حبينا بعض وقررنا اننا نتجوز !!
الوكيل .. وبعدين ؟
عوض .. وبعدين هي كلمت الحج سيد الله يرحمه وقالتله ان هي خلاص قررت تتوب عن الطريق البطال وهتتجوز عشان نفسها يكون عندها اسرة وبيت وعيال وكده .. المهم سألها مين العريس قالتله عوض اللي شغال معاك هو سمع اسمي من هنا ووشه جاب الوان وركبه يجي مليون عفريت وقام نازل فيها ضرب بدون سبب وقالها انسي حكاية الجواز دي تماما انتي الحته بتاعتي ومحدش هيقدر يقرب منك غيري وقام سايبها وماشي وجه بعدها المحل وقام متخانق معايا خناقة لرب السما !! بعدها قام طاردني وقاطع عيشي وانا اللي كنت دراعة اليمين ١٥ سنة !!
الوكيل .. كمل يا عوض
عوض .. انا صعبت عليا نفسي بصراحة .. بقي تبيعني بالسرعة دي يا حج سيد وانا اللي كنت شغال معاك زي الطور في الساقية ولا عمري مليت ولا كليت ولا شكيت حتي من الشغل !! دا عدم لا مؤاخذة الاسم والسمعة والمحلات اللي كانت معاه بسببي انا .. بسبب نباهتي ودماغي اللي كانت ممشية الشغل زي الساعة .. المهم روحت البيت وقلت نصيبي معاه لحد كده ماليش عيش معاه تاني .. وياريته سكت !! قام مسلط ابنه حسن عشان يجيب معاه اتنين صيع من اصحابه ويضربوني في قلب شقتي قدام مراتي وعيالي وكل ده عشان فكرت بس اهوب ناحية الجو بتاعة .. مع ان بثينه من حقها تتوب وترجع عن السكة اللي هي فيها وتتجوز وتتستت زي اي ست .. لكن الحج وابنه بسلامتهم استكتروا عليها التوبة دي ولما كانت بتسأله وتقوله انت مش عاوزني اتوب ليه ؟! هو انت عايزني افضل طول عمري ماشية معاك في الحرام ؟! كان يرد عليها بكل سخرية وسفالة ويقلها توبة مش مكتوبالك يا بثينه !! المهم ورغم اللي عملوه فيا هو وابنه انا مابعدتش عن بثينه بالعكس .. اتمسكنا ببعض اكتر من الاول لحد ما فكرنا اننا نتخلص منهم عشان نعرف نتجوز ونعيش مع بعض في سلام
الوكيل .. عملت ايه بقي يا عوض ؟!
عوض .. هاقول لسيادتك انا عملت ايه بالظبط ..
ونذهب الي ممتاز حيث اخبرته ساندي بالحقيقة
ممتاز .. معقول شهاب كان جوزك انتي ؟!
ساندي .. عقد الجواز العرفي في ايدك واظن انت عارف خط نسيبك كويس !! حتي الشهود اتنين من اصحابه ممكن تسألهم
ممتاز .. طب وطلقك ليه وليه ما اتجوزكيش رسمي من البداية؟! وليه خبي حكاية جوازه منك ؟!
ساندي .. زمان شهاب واصحابة كان بيجوا يسهروا في الكازينو اللي انا شغالة فيه .. مرة والتانية ودخلت دماغ نسيبك .. كان مفكر اني عشان رقاصة هبقي فريسة سهلة ليه !!
في الاول طلب اننا نتقابل واتقابلنا فعلا عشان اعرف هو عايز مني ايه بالظبط وليه بيطاردني في كل مكان لحد ما اتخنقت منه بصراحة ؟!
قام قايلي وبكل بجاحة انه عينه مني ونفسه انه يكون بينا علاقة !! ولما سألته ايه هي نوع العلاقة دي اللي هو عايزها تكون بينا ..
قالي بكل سفالة اني اكون عشيقته !!
انا اتضايقت جدا انه شايفني بالصورة دي وقلت جايز يكون معاه حق ما انا رقاصة والناس فاكرة ان الرقاصة دي انسانه رخيصة وسهله واي حد ممكن يطولها ويرميلها في الاخر شوية فلوس !!
لكن انا مكنتش من دول وعمري ما هكون منهم ..
انا لما اشتغلت رقاصة اشتغلت المهنه دي عشان بحبها ..
صح بقي غلط الناس شايفاها مهنه مش كويسة كل ده مش مهم عندي ..
بس المهم اني بشتغل حاجة انا بحبها وطول عمري ملتزمة بالبدلة وبالتعليمات اللي قالت عليها شرطة السياحة والاداب .. يعني من الاخر رقاصة محترمة ..
علي الاقل قدام نفسي ..
شهاب بقي لما لقيني مش من اياهم قام جايبها بطريقة تانية ..
قال ايه عايز يتجوزني بس عرفي مش رسمي وبكده قدر برضوا يطولني ..
بس المرة ده بصورة شرعية !! .. انا رفضت لأني كنت عارفة ان دي مجرد حيلة منه عشان ينول غرضه مني مش اكتر .. لكن هددني اني لو موافقتش هيأذيني وهيقطع عيشي من الكازينو اللي انا شغاله فيه ومش هيخلي اي كازينو تاني يقبل يشغلني .. وصاحب الكازينو كمان قالي ده ممكن يلبسك قضية وتقضي كام سنة جوة السجن !!
وده بقي باشا وايديه طايلة ..
انا بصراحة قلقت ووافقت انه يتجوزني مع اني كنت عارفة ومتأكدة ان ده اغتصاب شرعي !!
ومرت الايام وفجأة لقيت نفسي حامل في ندي بنتي ..
عرفته اني حامل وقلتله انه يتجوزني رسمي ..
لقيته اتنرفز جدا وقالي ان انسي موضوع الجواز الرسمي دا خالص ..
واني لازم انزل البنت ..
وفجأة لقيته اختفي من حياتي وكنت بحاول اتصل بيه مكنش بيرد عليا ..
عرفت وقتها انه كده خلاص اخد غرضه مني واني مش هقابلة تاني !! ..
انا قلت لنفسي مش مشكلة ما انا كنت عارفة من البداية ان ده هايحصل في يوم من الايام ..
بس بصراحة مهانش عليا اني انزل البنت معرفش ليه حبيت اتحفظ بيها ؟!
جايز اكون حبيت شهاب وقتها وقلت ان البنت دي حته منه وهتفكرني بيه ؟!
مش عارفة بصراحة انا كنت بفكر ازاي وقتها ..
ومرت الايام وولدت ندي ..
معرفش ايه اللي خلاني وقتها اتصل بشهاب واقله اني انا ولدت بنتك ؟!
جايز كنت عايزاها تتكتب بأسمه بدال ما الناس تقول عليها بنت حرام ..
لقيته اتعصب عليا وقالي انا مش قلتلك تنزليها ؟!
وقام جاي جري ع البيت ..
انا فكرته هايئذي البنت .. لكن لقيته شالها بكل حب وضمها لحضنه وكأنه كان فرحان بيها اوي !! ..
انا استغربت علي رد فعله ده بصراحة مكنتش اعرف انه شيطان وكان ناوي ع الغدر ..
قالي وقتها كويس انك ماسمعتيش كلامي ونزلتي البنت انا فرحان بيها اوي يا ساندي !! انا صدقته بصراحة وقلت يمكن لما شالها علي ايديه قلبه رق
راح وجه وقالي انا سجلتها بأسمي ..
بس انا ماشفتش وقتها شهادة ميلادها ..
بعدها رجع ودنا تاني بس طلب مني ما اقولش لحد انها بنته لحد ما يظبط الدنيا عنده في البيت ووقتها هايتجوزني رسمي وهايعلن للعالم كله اني انا مراته ودي بنته من صلبه ..
انا كنت بصدقة في كل كلمة كان بيقولها مكنتش عرفة ليه مصدقاه بالسهولة دي ؟!
جايز لأني حبيته فعلا وكنت بتمني اني اعيش حياتي معاه ..
ومر اربع سنين من عمر البنت في خلال الفترة دي بقي يقلل زيارته لينا بحجة انه مشغول في الشغل وكده ..
وقتها انا بدأت افقد الامل انه هايوفي بوعده ويتجوزني فعلا علي ايد مأذون ..
قلت لنفسي لو عايز يعمل كده فعلا اللي مخلية منتظر السنين دي كلها ؟!
قررت وقتها اني اعيش لبنتي وبس وما افضلش عايشة علي امل مش هيتحقق !!
اتصلت بيه وقلتله اني عايزة شهادة ميلاد البنت عشان عايزة ادخلها حضانه ..
قالي ماشي هاجيبهالك ومكنش بيحصل وكل مرة يقلي كده ومكنش بيسأل فيا لحد ما اكتشفت في الاخر انه انسان كداب ومسجلش البنت بأسمه ولا حاجة وان البنت اصلا ملهاش شهادة ميلاد !!
وقتها كنت هاتجنن وسألته انت ازاي تعمل حاجة زي دي ..
وطول الفترة دي كنت مخبية البنت عن عيون الناس زي ما طلب مني علي امل انها هتظهر في يوم من الايام قدام العالم كله والناس تعرف انها بنت شهاب ..
راح قالي وقتها بقي انتي عايزة يكون ليكي بنت مني انا ؟!
هو انتي نسيتي انتي مين وانا مين ؟!
شوفي اي حد تاني واكتبيها بأسمه !!
سمعت الجملة دي وكنت هانفجر من الغيظ ..
رحت رديت عليه وقلتله البنت مش هتتكتب بحد غير بأسم ابوها وانا هاعرف اثبت انها بنتك كويس ..
واني ناوية ارفع قضية نسب في المحكمة ..
راح قافل السكة بعدها جه عندي وضحك علي عقلي كالعادة وقام اخد البنت من حضني وخرج بيها ومن ساعتها ماشوفتهاش تاني ولما سألته بنتي فين ؟!
قالي ادعيلها بالرحمه !!
عرفت انه قتلها المجرم ..
ولما قلتله اني هابلغ النيابة ..
قالي لو عملتي كده هتبقي اذيته نفسك واهلك معاكي وانتي عارفة انا ممكن اعمل فيكم ايه !!
انا ميهمنيش نفسي بس خفت علي ابويا وامي واخواتي لا يعمل فيهم حاجة ..
واحد هان عليه بنته وقتلها اكيد مش هيفرق معاه اي حد تاني !! ومن ساعتها وانا جوايا نار وعايزة انتقم منه بأي طريقة .. انا اعرف عنه حاجات توديه في ستين داهية .. وعلي فكرة كل هو اللي ورا كل اللي بيحصلك ده
ممتاز .. انا عارف ومتأكد ان هو السبب في كل اللي بيجري ده .. ده وصلت بيه السفالة انه خطف اختي نور وصورها صور مش كويسة عشان يكسرني
ساندي .. وانت صدقت الكلام ده ؟!
ممتاز .. يعني ايه ؟!
ساندي .. اختك نور باعتك من زمان وشغالة لصالح شهاب ضدك
ممتاز .. انتي بتقولي ايه ؟!
ونذهب الي مازن وكيل النيابة حيث يجلس مع النقيب سالم في مكتبه
مازن .. فعلا المسدس طلع مسدس ممتاز الميري والطلقة المعثور عليها هي فعلا خرجت من المسدس بتاعة .. واثار الدم اللي ع الارض هي اثار دم ممتاز !!
سالم .. يعني ممتاز فعلا كان عند شهاب في الفيلا وكان عايز يقتله ؟!
مازن .. انا مش عارف ليه ممتاز بيعمل كده ؟! ده كده بيعقدها علي نفسه اكتر !! انا غلطان اني وثقت فيه وسيبته يمشي من هنا انا كان المفروض احبسة !!
سالم .. انت عارف سيادتك ان الجثة اللي قلتلك عليها دي طلعت جثة مين ؟!
مازن .. جثة مين ؟!
سالم .. جثة ام بثينه !!
مازن .. معقول ؟!
سالم .. ايوه .. واكتشفنا ان الجثة فيها اثار طعنات كتير واضح انها طعنات سكين !!
مازن .. ودي مين اللي قتلها دي كمان ؟!
سالم .. لحد الان لسة منعرفش .. لا وايه لقيناها مدفونة في حتة ارض ملك فتحية هاشم طليقة سيد النص جوز سارة يس !!
مازن .. ايه ده ؟! معقول تكون فتحية هي اللي قتلتها ؟!
سالم .. او حد تاني قتلها ودفنها في ارض فتحية عشان تلبس هي الجريمة !!
مازن .. طب وايه الدافع للقتل ؟!
سالم .. لو قلنا فتحية هي اللي قتلتها دا احتمال ضعيف جدا لأن مفيش دافع وري القتل لأن مفيش اي علاقة تربطهم ببعض .. انا ارجح ان حد قتلها ودفنها في ارض فتحية عشان يبعد الشبهه عنه ؟!
مازن .. طب مين هو وقتلها ليه واشمعني يدفن الجثة في ارض فتحية بالتحديد ؟!
سالم .. مش عارف بصراحة .. انا حاسس اني واقف لغز كبير اوي ومتعقد كمان !!
مازن .. طب اسمع دي بقي .. واحد جالي هنا وقالي ان اللي قتلت قاسم تبقي بثينة مش سارة
سالم .. طب وايه دليلة ع الكلام ده ؟!
مازن .. سابلي الفلاشة دي وقالي جواها الدليل .. ف انا قلت لما تيجي نتفرج عليها سوا
سالم .. طب هات سيادتك كده
ويأخذ سالم الفلاشة ويقوم بوضعها داخل شاشة العرض وعندما يبدأ العرض يفاجأ مازن وسالم انه عبارة عن فيلم كارتون توم وجيري فيندهشا بشدة
سالم .. هو ده الدليل سيادتك ؟! دا فيلم كارتون !!
مازن غاضب بشدة .. هو البني ادم ده هايهرج ولا ايه ؟! مش عارف ان دي نيابة ؟! دا انا ممكن البسة قضية اوديه في ستين داهية !!
ثم يمسك بالمحمول ويتصل ب تامر لترد امه وهي تنوح وتبكي
مازن .. هو مش ده تليفون تامر برضوا يا حاجة ؟!
ام تامر .. ايوا يابني هو ده تليفونه
مازن .. طب ممكن اكلمه ؟!
ام تامر .. تكلمه ازاي بقي يابني ؟! ما خلاص تامر ابني مات !!
مازن .. مات ؟!
ام تامر .. ايوه .. ضربته عربية انهارده الصبح ومات في وقتها .. يا حسرة قلبي عليك يا بني
مازن يغلق الخط وينظر ل سالم وهو يقول
مازن .. الولد مات في حادثة عربية !!
رد فعل علي وجه سالم
ونذهب الي شهاب الذي يجلس في غرفته ماسكا فلاشة في يده وينظر اليها وهو مبتسما ثم يضحك ساخرا .. هههههههه
