رواية ڤيمبو الفصل الخامس
أسر: أبخازيا ايه المكان ده اول مره اسمع عنه
ـ ما هو مش موجود هنا
أسر: قصدك أننا هنسافر يعني
ـ لا برضو
أسر: ماجد انت اتخبط في دماغك صح
ـ انا عارف ان كلامي غريب بس اكيد مش غريب اكتر من الي احنا فيه
أسر: قصدك الي انا فيه
ـ طيب الي انت فيه المهم دلوقتي احنا لازم نروح هناك
أسر: طيب هناك فين فين أبخازيا دي هي اكيد مش هنا في مصر لأني عمري ما سمعت عنها وانت قولت مش هنسافر يبقى هي فين انت قصدك كافية جديد فتح يعني
ـ ياربي افهم بقى أبخازيا دي مش كافية دي مملكه هي موجودة في عالم هيرملڤن
أسر: عالم ايهههه !! انت متخلف يبني
ـ انا مش متخلف خد إقرأ ده و لما تفهم كل حاجه ابقى تعالى الاوضه بتاعتي نتفق على كل حاجه
(نفس اليوم بليل )
ـ ادخل ايه لحقت تقرأ الكتاب
أسر: قرأت باختصار
ـ اممم قولت لي طيب فهمت حاجه
أسر: اه بس هنروح ليه و ازاي
ـ هنروح علشان حاجات كتير منها نعرف ايه الي بيحصل ده و ازاي دي بقى انا هقول ليك شايف الخريطة دي
أسر: اه ملها
ـ يبني انت غبي يا ربي هتشلني بص الخريطة دي هتوصلنا للمكان الي هنقدر نروح منه لعالم هيرملڤن و من العالم ده هنقدر نروح مملكه أبخازيا
أسر: طيب ما تقول كده من الاول بس.......
ـ بس ايه تاني
أسر: بس انت متأكد من وجود العالم ده اصلا و ماما هنقول ليها ايه
ـ بص هو مش متأكد اوي الصراحه و موضوع ماما ده سيبه عليا انا عارف هقول ليها ايه
أسر: طيب هنروح امتى
ـ يومين كده اكون ظبط كل حاجه و اقول ل ماما اي حاجه علشان نعرف نروح
أسر: تمام ماشي
(بعد يومين)
أسر: ماجد ماجد انا جهزت كل حاجه وانت عملت ايه
ـ تمام وانا كمان
أسر: طيب هنتحرك امتى
ـ كمان ساعتين
أسر: ماشي
(بعد ساعتين)
ـ يلا يا أسر هنتأخر
أسر: حاضر جاي اهو
ـ باي يا ماما احنا نازلين
الام: مع السلامه يا حبيبي قبل ما تركبوا الطياره كلمني
ـ ماشي يا ست الكل
أسر: طياره ايه انت قولت ل ماما ايه بالظبط
ـ قولت ليها أن احنا مسافرين بره مصر علشان نغير جو
أسر: ياسلام و ماما وفقت بسهوله كده
ـ عيب عليك انا ماجد برضو
أسر: ماشي يا عم ماجد يلا بينا
ـ (نزلنا من البيت و اتحركنا في اتجاه محطة القطار وركبنا قطر القاهره)
أسر: احنا رايحين فين
ـ رايحين القاهره
أسر: اوباااا اهرامات و كده
ـ احنا فعلا رايحين الاهرامات بس مش علشان نتفرج عليها
أسر: اصلا طيب رايحين نعمل ايه
ـ انت غبي يبني ما احنا رايحين علشان بوابه عالم هيرملڤن انا كده اتأكد انك مقرأتش حاجه
أسر: لا والله قرأت بس باختصار يعني عرفت ايه هو العالم ده و بس معرفش بقى مكان البوابه ديه فين
ـ اه قولت لي
أسر: طيب انا هنام شويه عقبال ما نوصل
ـ انت مش بتشبع نوم
أسر: يعم فكك تصبح على خير
ـ وانت من اهل الخير
(أسر نام و قعدت افكر في الي احنا هنعمله و هل فعلا هنلاقي البوابه دي ولا كله كلام كتب و تخاريف ولو لقيناها ايه الي هيحصل و هنعمل ايه وقف القطر عند اخر محطه و هي القاهره عده كل الوقت ده وانا بس بفكر المهم أننا وصلنا)
ـ أسر اصحى يلا
أسر: ايه وصلنا
ـ اه يلا علشان ننزل
أسر: طيب ماشي
أسر: احنا هنعمل ايه دلوقتي
ـ هنروح نرتاح في اي حته و تاني يوم نروح نشوف البوابه
أسر: ماشي تعالى نشوف الفندق ده
ـ (روحنا الفندق حجزنا غرفتين ليوم واحد)
(تاني يوم)
ـ (اخدنا حاجاتنا و روحنا الاهرامات اول ما وصلنا)
أسر: تصدق اكتر من خمس مرات اروح القاهره ( الجيزه) ولا مره شوفت الاهرامات بس بصراحه هي تحفه
ـ فعلاً تستحق أنها تكون من عجائب الدنيا السبع
أسر: و البوابه دي هتكون الثامنه لو لقيتها
ـ يا ربي على التفائل
أسر: ياعم بهزر عادي
ـ طيب يا خفيف خلينا ندور كويس بس من غير ما حد ياخد باله
(عدت ثلاث ساعات واحنا بندور على البوابه)
أسر(بتعب): انا تعبت بجد مش قادر اكمل خلينا نكمل بكره
ـ لا بكره ايه احنا لازم نخلص الموضوع ده انهارده
أسر: اشمعنا يعني مش هتفرق
ـ لا فرقت علشان انهارده ليله اكتمال القمر الاحمر
أسر: يعني ايه
ـ يعني البوابه هتفتح انهارده بس ولو معرفناش ندخلها انهارده لازم نستنى ١٠سنين كمان
أسر: ايههه!!! لا خلاص انا هدور اهو
ـ ايوه شاطر كده
(بعد ساعتين كمان و بجد تعبنا اوي اكتر من خمس ساعات بندور على بوابه و الله اعلم هي اصلا موجوده ولا لا) فجأه.......
أسر: اهي يا ماجد اهي البوابه اهييي
ـ وطي صوتك هي فين
أسر: اهي قدامك
ـ ايوه هي دي عاش عليك يا أسر
أسر: عيب عليك هو انا اي حد ولا ايه
ـ المهم دلوقتي هات الكتاب
أسر: خده اهو
ـ فتحت الكتاب على الصفحة الي فيها الكلام الي هيفتح البوابه حطيت ايدي على البوابه وأسر عمل شبهي و بدأت أقرأ بصوت عالي شويه والي حصل...........
