رواية سحر أسود الفصل الخامس بقلم ليل ادم
خالد بيه: يابني منا جاي معاك سيب ايدي
يوسف : اتفرج
خالد بيه: اي ده
محمد بيه: مين حط صوره الوزير على العروسه بالشكل ده
الدكتور رجب: وليه حاتط العروسه هنا بالظبط
خالد بيه: حد عنده تفسير علمي للموضوع ده
الدكتور رجب: أصل مش معقول يكون عمل
محمد بيه: وبعدين العروسه بعيده عن البرج اوي معقول يكون عمل مثلاً
خالد بيه: ما تتكلم يا يوسف انت بتلف حوالين نفسك وساكت ليه
يوسف : العروسه دي محدش حطها هنا بعد اذنك يا دكتور رجب المكبر لحظه
الدكتور رجب: اتفضل
محمد بيه: هو بيعمل اي مش ناقصه جنان وغموض يا خالد
الدكتور رجب: خلي بالك لو سمع كلمه جنان دي هيمشي ولو مشي لو قعدت هنا مليون سنه ما هنفهم حاجه
يوسف : العروسه دي وقعت من فوق البرج
محمد بيه: وجت المسافة دي كلها اذاي يا دكتور
يوسف: سرعه الرياح يا حضرة الظابط ( وحط العروسه في شنطه ) أنا عايز جثه العميد و عايز اي جثه ماتت بنفس الشكل عايزهم في المشرحه
خالد بيه: مينفعش في اتنين أدفنوا
يوسف: يطلعوا يا خالد بيه دا كلام فصل مفيش في تهريج
الدكتور رجب: أنا جاي معاك
يوسف: من فضلك يا دكتور رجب سبني مع الجثث لوحدي محتاج اتكلم معاهم شويه
محمد بيه: أنا ماشي يا خالد بعد اذنكم
يوسف : محمد بيه لو فضلت في القضية دي مش شغال عليها
محمد بيه: هو مجنون ولا اي ده هو بيقول اي
يوسف: لما يقبل شرطي انت عارف مكاني يا خالد بيه بعد اذنك يا دكتور رجب
دكتور رجب: يا يوسف اقف بس بكلمك
في جانب آخر
خالد بيه: لي بس كده يا محمد اهو حط نفسه معاك اعمل اي أنا الوقتي
محمد بيه: ياعم دا عيل مجنون هيا كانت ناقصه سيبه يغور في داهيه
خالد بيه: اذاي بس يا محمد منا فضلت اقولك اتعامل معاه بطريقه احسن من كده أنا ما صدقت وافق بس انت دوست عليه اوي بصراحه
محمد بيه: يعني انت شايف آن العيل ده هيعمل حاجه
خالد بيه: على الأقل ياخد فرصه احنا في عرض اي حد يقول اي حاجه أنا متأكد أن يوسف الحد ده علشان خاطري يا محمد سيب يوسف ياخد فرصته كامله
محمد بيه: خلاص يا خالد أنا بره الليله دي لحد ما يفشل وتعرف اني كنت على حق تمام
خالد بيه: ولو كلامك حصل وعد مني السكه اللي تقول عليها همشي فيها
محمد بيه: تمام اللي تشوفه يا خالد
في جانب آخر
على: ما لبثت إلا يوماً وتم توظيفي في نفس البنك وفي مكان اكبر مما كنت احلم به وبدأت الحياه ترجع اجمل من سابق عصرها وهناك تقابلت مع صافي السكرتيره الخاصه بي قمه في الجمال والاناقه والروعه انجذبت لها من أول لقاء وبدأ ما بيننا حب خفي كلا الطرفين يحب الآخر ولكن لا يصرح أحدا منا بحبه للآخر وفي يوم من الأيام طلبت من صافي أن تأتي معي الي منزلي وكنت فعلاً احتاج إلى وجودها في تغير بعض اثاث منزلي وتبديل الأماكن وكنت احتاج لمسه ابداع منها واثق في ذوقها لابعد الحدود مما رأيت من كمال الاناقه والروعه في ملابس صافي
في جانب آخر
خالد بيه: أنا عملت كل اللي قولت عليه بل ريقي بقا قول اي حاجه
يوسف: اقولك حاجه ممكن تقول عليا مجنون
خالد بيه: ما انت كده كده مجنون يا يوسف انت هتحور
يوسف : لا دي اخر حاجه بقا
خالد بيه: قول
يوسف: الناس دي كانت مسحوره
خالد بيه: يعني اي
يوسف : هقولك شوف العروسه اللي لقيتها تحت البرج حوالين رقبه العروسه بصمات واضحة جدا كان حد ماسك العروسه من رقبتها ومش ماسكه خفيفه لأ دي فضلت في أيده اكتر من عشر دقائق يعني لو حسبت الوقت الزمني ( وقام وقف يمثل الجريمة) الساحر أو الشخص اللي حاتط الصورة على العروسه فتح باب عربيته نزل على رجله حط ايده علي رقبه العروسه وطلع بيها لحد ما وصل لآخر طابق ومن فوق رما العروسه ومع سرعه الرياح وصلت للمكان اللي كنا في لما ترجمت ده مع الفيديو بتاع يوم الافتتاح لقيت أن الوزير كان بيبعد حاجه عن رقبته محدش شايف الحاجة دي وفضل يطلع يطلع لحد ما وصل اخر طابق ومن هناك رما نفسه
خالد بيه: لا استنا لحظه الراجل بتاع القطر كان عمال يبعد نفس الشيء عن نفسه
يوسف: ما برضوه نفس الشيء وزود على كل ده الست دي
خالد بيه: مالها
يوسف: الست دي لحظه الموت مظهرش عليها اي علامات عنف وده كلام دكتور رجب مكتوب عندي هنا في الملف
خالد بيه: حصل
يوسف: بس بعد الدفن و اختلاط جسم الست مع تراب القبر شوف كده حوالين الرقبه
خالد بيه: في علامات خنق يعني مش البخار ذاي ما قال الدكتور رجب
يوسف: إنما الراجل ده بقا مفيش اي علامات على رقبته إنما طريقه الطعن وسرعه الطعن بتقول أن الشخص ده كان تحت تأثير قوة خارقة مش قوه بشريه لأن الإنسان مننا لو شاف الدم بيحصل لي عمليه هياج والعقل بيبعت إشارات لكل أطراف الجسم انها تشتغل على سد مكان النزيف إنما المنظر اللي قصادي ده مش طبيعي
خالد بيه: يعني افهم من كده أن في شخص واحد ورا الأربع جرائم
يوسف. : والشخص ده ساحر ولو كلامي صح يبقا عليك انك تراقب موقع الجريمة كويس جدا
خالد بيه: تفتكر أنه ممكن يظهر
يوسف : على الأقل في أول جريمه والتانيه علشان يتأكد أن سحره ماشي صح
خالد بيه: كلام منطقي بس اعرفه اذاي ده
يوسف: والله دي حاجه بتاعت حضرتك بس على العموم الشخص ده هيكون متقرر في الفيديوهات يعني عايز قوه ملاحظه شديدة منك
خالد بيه: أنا رايح مكتبي أتمنا نلحق الشخص ده قبل ما المصيبه تكبر ونفقد ناس تانيه كتير
في جانب آخر
صافي : بيتك ضلمه اوي ليه كده افتح الانوار افتح الشبابيك خلي هوا البيت يتجدد
على: لالا خلي كل حاجه مكانها تشربي اي الأول
صافي: مش عايزه اتعبك معايا
على: تعبك راحه قولي انتي بس
صافي: يبقا عصير
على: لحظه يكون عندك ( ودخل المطبخ)
صافي: ( عمري ما دخلت مكان وكان قلبي مقبوض للدرجة دي ريحه المكان غريبه المكان شكله مرعب مظلم موحش لابعد الحدود و في عز ما كنت مرعوبه وجدت غرفه مقفوله فيها اصوات غريبة قولت اكيد ده صوت راديو أو تليفزيون بس الغريب أن الغرفه دي كان فيها خيال كبير جدا لا يمكن يكون ده حجم انسان الرعب تملك مني لدرجه اني عايزه اهرب من البيت لكن تسمرت مكاني واول ما خرج علي جريت عليه قولتله) الاوضه دي فيها حاجه غريبه
على: حاجه اي لا مفيش حاجه هنا أنا مش عايز اعمل حاجه جوه الاوضه دي الشغل كله في الاوضه بتاعتي و الصاله إنما غرفه الأطفال لأ وممنوع حد يدخل الغرفه
صافي: أنا عايزة انزل من هنا
على: مالك يا صافي في اي
صافي: أنا مرعوبه علشان خاطري نزلني من هنا (وبدأت تبكي )
على: ( اضطرت افتح باب الغرفه ل صافي وكنت أعلم جيداً اني مش سايب اي اثر لأي حاجه جوه الغرفه ) تعالي ادخلي مفيش حاجه يا بنتي خالص
صافي : العروسه دي شكلها مرعب اوي هيا عامله كده ليه
على: فين العروسه دي
صافي : ( أشاره تحت المكتب) اهي
على: ( قفل باب الغرفه ) دي لقيتها في البيت هنا تعالي ياله مش كنتي عايزه تنزلي
صافي: اه اه نزلني من هنا
على: تعالي ننزل
في جانب آخر
خالد بيه: تقريباً دي المره العشرين اشوف الفيديوهات دي لدرجه اني شغلت الفيديوهات كلها في وقت واحد صحيح كلام يوسف الأقرب للعقل لكن فين الساحر ده او الشخص اللي يقصده يوسف المفروض أنه يظهر فعلاً زاي ما قال يوسف حتى يطمئن على سحره هتجنن مش عارف اوصل ل اي حاجه
في جانب آخر
على: ( بعد ما نزلت صافي ورجعت البيت تاني لقيت حارسي الشخصي في انتظاري وكان شكله غاضب جدا جدا)
على: انت خنت العهد اللي بنا انت فضحت امري أنا متأكد انك انت اللي طلعت العروسه من مكانها
الحارس الشخصي: الآن وبعد ما علمت صديقتك سري عليك أعداد عروسه لها
على: ( بصدمه كبيرة) لا لا معرفتش حاجه أنا بحبها اوي مينفعش أعمل معاها كده
الحارس الشخصي: عليك أن تختار بين حارسك الشخصي وبين صديقتك امامك فرصه واحده كي تثبت ولائك لي
