رواية سحر أسود الفصل التاسع بقلم ليل ادم
بعد السيطرة على يوسف طلب خالد بيه الإسعاف تاخد يوسف ولما وصلت راح خالد بيه ومحمد بيه مع يوسف الي المستشفي
الدكتور: خير مفيش حاجه كلها حروق سطحية
خالد بيه: الحمد لله
محمد بيه: خالد الواد ده مش هينفع يفضل ماشي وسط الناس كده
خالد بيه: اعمل اي بس يا محمد ابن الكلب عامل حساب كل حاجه
محمد بيه: الواد ده هيشتغل علينا واحد واحد خلي بالك احنا في خطر
خالد بيه: هو ده اكتر حاجه قلقان منها
في جانب آخر
على: ( طالما كده كده رايح يبقا اخد في وشي اللي اقدر عليه ونزلت اشتريت عرائس جديده وطلعت بيها المقابر وبدأت في تخريم العرائس ودفن دم فاسد بين الثقوب و القيت الطلاسم وعملت فيها نفس الشيء اللي عملته قبل كده و رجعت البيت منتظر لحظه ما اسمع الحارس الشخصي وهو بيقولي روح هات العرائس)
في جانب آخر كان وصل خالد بيه و محمد بيه الي القسم
خالد بيه: امين محمود
الأمين : تحت امرك يا فندم
خالد بيه: عايز فيديوهات الحوادث اللي حصلت الأربعة بس مش الحادث نفسه أنا عايز الشارع من بره حوالين المكان اللي تم في الحادث
الأمين : تحت امرك يا فندم
محمد بيه: تاني يا خالد
خالد: محمد المره اللي فاتت أنا كنت بشوف حد شكله ملفت للنظر حوالين مكان الحادث ومكنتش عارف اوصل ل حاجه المرادي أنا بدور على علي مكان الحادث فهمت أنا عايز اي
محمد بيه: تفتكر هو بالغباء ده
خالد بيه: مش غباء يا محمد هو ذاي ما يوسف قال علي محتاج يتأكد أن السحر بتاعه جاب نتيجه علشان كده لازم يروح بنفسه مكان الحادث
محمد بيه: لو حصلت دي تبقا بجد في الجون
في جانب آخر
علي :(مع دخول نص الليل كان ميعاد اني اروح اجيب العرائس وفعلاً دخلت جبتهم ورجعت البيت بيهم وبدأت في البحث ورا خالد ومحمد عايز اوصل لبيت كل واحد منهم قوه خالد ومحمد ويوسف أنهم مع بعض انما لو قدرت أشتت كل واحد منهم في بيته وعياله واللي بيحصل فيهم وقتها هكون اقوي منهم )
الحارس الشخصي: كون حذر سوف يأتي اليك خالد في اي وقت
علي: ليه هو في حاجه حصلت
الحارس الشخصي: اكمل ما انت في ولا تخاف من اي شئ أنا معك
في جانب آخر
خالد بيه: اقف هنا يا امين محمود
محمد بيه: في اي يا خالد كل شويه اقف هنا اقف هنا
خالد بيه: اهدا بس يا عم محمد ( وقام وقف قصاد الشاشه) اعملي زوم على العربية دي كده
الأمين محمود: اهو
محمد بيه: ينصر دينك هات وشه ابن الكلب ده
الأمين : اهو
خالد بيه: هاتلي بقا فيديو حادث القطار كده من بره المحطه
الأمين: اهو
محمد بيه: احنا عرفنا شكل العربية هات عايزك بقا تعملي عرض لكل كادر لوحده ويكون سريع علشان نلحق وقتنا مفيش وقت
خالد بيه: الله ينور عليك يا محمد انت صح أبدا يا محمود
محمود: تحت امرك يا فندم
خالد بيه: أنا حاسس اني هشوفه في كل الفيديوهات
محمد بيه: و حاسس ليه اقف هنا يا محمود اهو ابن الكلب ومعاه عروسه في أيده اتفرج
خالد بيه: بس ده قبل الحادث مش بعده
محمد بيه: استنا تابع يا معلم بقا اللي هيحصل علشان صاحبك المجنون شكله كان على حق
خالد بيه: يابن الجزمه رما العروسه تحت القطر بنفس الطريقة هات الحادثه يا محمود هات الحادثه
محمود: تحت امرك يا فندم
بعد عرض الحادث
محمود: مش معقول اعوذ بالله هو في كده دا الراجل عمل نفس اللي عمله الساحر بالحرف كأنه مشهد تمثيلي
خالد بيه: محمود قطع الفيديوهات كلها قوم يا محمد تعالي نجيب ابن الكلب ده بسرعه قبل ما يعمل في يوسف مصيبه تانيه
محمد بيه: محمود ارجع كلم المستشفى نزل حراسة مشددة على يوسف محدش يسيبه لوحده لو داخل الحمام يدخل معاه عسكري
الأمين محمود: تحت امرك يا فندم
محمد بيه: ياله
في جانب آخر
الحارس الشخصي: عليك أن تتجهز للقاء
علي: لقاء اي مش فاهم
الحارس الشخصي: بعض المتاعب قادمه تحلي بالجهل عنها قدر المستطاع
علي: ( عرفت أن خالد جاي قومت خفيت كل حاجه وجهزت نفسي وفتحت باب منزلي وكنت جالس في انتظار خالد بيه و محمد بيه اول ما سمعت صوت دق نعال على سلم المنزل وضعت ساق على ساق وجلست على كرسي في وجهه باب منزلي )
خالد بيه: (بصوت واطي) باب الشقه مفتوح
محمد بيه: ادخل على طول عليه خلينا نشوف بيعمل اي
خالد بيه: ( تفاجات من منظر علي قاعد على كرسي رجل على رجل ولا همه اي حاجه كأنه عارف أننا طالعين عنده )
علي: مكانك يا خالد بيه انت استأذنت مين قبل ما تدخل بيتي
خالد بيه: انت مستني حد
علي: معاك إذن نيابة تفتش البيت
خالد بيه: لا عايزك انت عندي في القسم مش عايز أفتش التفتيش ده بعدين
علي : أنا لبس ومستني كنت عارف انك جاي
خالد بيه: طب ياله
على: ياله
بعد النزول إلى الشارع قبل ركوب سيارة الشرطة
محمد بيه: عربيتك دي يا علي بيه مش كده
على: متغلاش عليك لو نفسك فيها
محمد بيه: لا تمام اركب
على: وماله
اثناء الطريق وكان على في النص ما بين خالد بيه و محمد بيه
خالد بيه: عرفت منين اني جاي يا علي
علي : مش أنا ساحر ذاي ما انت بتقول
محمد بيه: يعني انت معترف انك ساحر
علي: انت اي رايك لو عايزني ساحر أنا ساحر عايزني مدير بنك أنا. مدير بنك
خالد بيه: لما نروح القسم احكم انت بنفسك
علي: يوه نرجع تاني للكلام الخايب انت مش عارف بتعمل اي وانت مش عارف بتسوي اي ما تريح دماغك يا خالد بيه أنا لو ساحر كنت ولعت فيك
خالد بيه: دي مش عايزه ساحر يا علي
علي: أما عايزه اي
خالد بيه: عايزه راجل يقف قصادي وش ل وش وقتها و غلوت اللي راحوا ل اجعل منه حطب
علي: خلاص طالما مش خايف مني و شايف نفسك جامد اوي كده خايف مني لي وكل شويه رايح جاي على بيتي
خالد بيه: انزل علشان تعرف أنا جيبك ليه هنا
علي: خلينا معاك للآخر
بعد طلوع الثلاثه مكتب خالد بيه
خالد بيه: لا اقعد اقعد مطولين مع بعض
علي: أدي قعده
خالد بيه: شغل يا امين محمود
الأمين محمود: تحت امرك يا فندم
وفجأة انقطع النور وحصل رعب في مكتب خالد بيه ورفع كل واحد منهم سلاحه خوفاً من سحر علي
خالد بيه: هو فين افتح الكشاف بسرعه يا امين
أول ما اتفتح الكشاف لف الأمين محمود المكتب كله مفيش اثر ل على كأنه مكنش معاهم من الأساس
محمد بيه: راح فين هو فين يا خالد
خالد: بلغ أمن البوابه محدش يطلع من القسم ( وفجأة النور رجع وكان علي جالس مكانه يبتسم بصوت عالي جدا جدا ومخيف)
خالد بيه: (اقترب من علي حط السلاح في رأسه) انت فاكر اني كده هخاف منك يا ملعون
علي: هو أنا عملت حاجه أنا قاعد في مكاني انتوا مرعوبين و عمال تجري ب الكشاف شمال ويمين انت و صاحبك
محمد بيه: ولا انت مكنتش في المكتب معانا
علي: ده كلام يا جدعان يعني دي بقا مش عايزه ساحر دي عايزه جن
خالد بيه: افتح الفيديوهات يا محمود
الأمين محمود: تحت امرك يا فندم
خالد بيه: (بص ل علي) تقفل النور تقفل المحافظة مش هسيبك ابدا انت فاهم
علي: هو أنا قولتلك سبني شغل يا امين محمود خلينا نشوف الفيلم ده آخرته اي
محمد بيه: شغل يا محمود في اي
محمود: والله الفيديوهات دي كانت شغاله مش عارف اي حصل بص حضرتك مفيش حاجه عايزه تشتغل كأن الفيديو اتمسحت
خالد بيه: ( بصوت عالي) يعني اي اتمسحت هو أنا مش كنت فاتح الفيديوهات دي قبل ما اروح اجيبه
محمود: والله ما جيت جمب حاجه
علي: اهدا بس يا خالد بيه شوف كده يمكن يكون في عطل ولا حاجه
خالد بيه: وكتاب الله ما هسيبك ولا هترجع بيتك انت هتفضل معايا هنا
علي: بتهمه اي بقا
خالد بيه: من غير تهمه واللي تعرف تعملها أعمله
علي: لا بلاش علشان أنا أعرف اعمل كتير اوي وانت عارف
خالد بيه: بتهددني يا ابن الكلب انت
علي: (نظره غلا وصوت مغير ) ليه كده أنا غلطت في ابوك
محمد بيه: (برعب بص ل خالد ينبه أن علي شكله اتغير )
وفجأة انقطع النور تاني عن القسم
