رواية واهتز عرش الجبال عشقا الفصل الحادى عشر 11 بقلم لولا نور

* يجلس رامز علي البار في احدي النوادي الليلية المعتاد السهر فيها يتجرع كأس المشروب خاصته علي دفعه واحده عله يطفيء نيرانه المشتعله داخل صدره، فكل مخططاته انهارت فجأه وتسربت ديالا من بين يديه كالماء وهو الذي كان يظن انه محكم سيطرته عليها...

* اطلق سبه نابيه وهو يتوعدها هي ووالدها بالهلاك....

* هتف الرجل الذي جلس بجانبه دون ان يشعر رامز بوجوده: براحه علي نفسك يا نجم مفيش حاجه تستاهل تحرق في نفسك علشانها...

* التفت رامز اليه رامقاً اياه من اعلي الي اسفل متفحصاً هيئته وتابع: مش شغلك يا نجم وبلاش تتحشر في اللي مالكش فيه...

* ابتسم الرجل نصف ابتسامه وارتشف من كاسه رشفه صغيره وتابع بغموض: ليه بس الوش الخشب ده ، انا عاوز مصلحتك !!

* نظر له رامز باستخفاف وتابع بقنوط: وفر نصايحك لنفسك انا عارف مصلحتي كويس..

* هتف الرجل بغموض اكتر: شكل الموزه منفضالك اليومين دول علشان كده متضايق...

* نظر له رامز بحنق: وفهمتها لوحدك ؟؟، 

ثم قام من علي كرسيه ينوي المغادره فمسك الرجل يده وتابع : اقعد بس عاوزك في كلمتين ما يبقاش خلقك ضيق كده...

* هتف رامز بحنق بعدما جلس مره اخري: 

ما تيجي كده سكه ودوغري وتقول اللي عندك علشان فعلاً انا خلقي ضيق ومش ناقص خنقه ....

* اعتدل الرجل في جلسته تابع : هاجي لك سكه ودوغري لاني عاوزك في حوار هتطلع منه بمصلحه تعيشك ملك ...

* تابع رامز باهتمام : تمام رسيني علي الحوار هو حد يكره الخير ...

* تحدث الرجل بجديه محذراً : هقولك بس لو في حرف من اللي هقوله خرج برانا احنا الاتنين ساعتها ماتلومش الا نفسك لان كده هتزعلني وانا زعلي وحش اوي...

* اومأ رامز ساخراً: ماشي يا عم ربنا ما يجيب زعل وبعدين انت بتتعامل مع رامز الاشقر مش مع مره...

* هتف الرجل مؤكداً : تمام وعلشان انت رامز الاشقر انا جيت لك ...

هما كلمتين مالهمش تالت، عزيز الجبالي عاوزه يجي زاحف علي بوزه وده مش هيحصل الا عن طريق بنته اللي هي برضه صاحبتك....

* نظر له رامز بتفاجيء من طلبه ولكنه تابع مستفهماً :  ايه اللي بينك وبين عزيز الجبالي  يخاليك عاوز تجيبه عن طريق بنته انا علي حسب معلوماتي انه رجل دبلوماسي مسالم وفي حاله ومالوش عداوات...

فانا عاوز افهم ايه الحوار بالظبط علشان اعرف هقدر اساعدك ولا لاء...

*هتف الرجل مؤكداً: مفيش حاجه اسمها هقدر اساعدك ولا لا، انا لما اختارتك ، اختارتك علشان متاكد انك هتنفذ اللي انا عاوزه ، وعلشان مطولش عليك ، في حاجه مهم مع عزيز الجبالي تخص ناس مهمين اوي ومش عارفين يوصلوا لها ،دورنا في كل مكان ممكن موصلناش لحاجه ،حاولنا نوقعه اكتر من مره مالوش سكه ، فمفيش حل قدامنا ان احنا نجيبه الا عن طريق بنته وعرفنا ان هي صاحبتك وانكم بتحبوا بعض ، بس اللي مستغرب له اختفاءها المفاجئ هي وابوها ، دورنا عليهن في كل مكان فص ملح وداب فقلنا ان انت الوحيد اللي تقدر توصلنا ليهم ...

* تجرع رامز ما في كاسه دفعه واحده وتابع: والمطلوب؟؟

* هتف الرجل كاذباً: تجيب لنا بنته لحد عندنا تشرفنا يومين تلاته معززه مكرمه لحد ما تدلينا علي مكان ابوها وساعتها هنصفي حسابنا معاه ونسيبها ..

* هتف رامز بحقاره: حلو ، وانا بقي نصيبي كام في المصلحه دي، ما هو انا اكيد مش هعمل كده لله وللوطن يعني...

* ابتسم الرجل بانتصار فهو اختار الشخص المناسب لتنفيذ مهمته القذره: خمسه مليون اخضر عداً ونقداً ...

* لمعت عين رامز بجشع وتابع: ده واضح ان الحاجه دي غاليه اوي علشان عاوزين تدفعوا فيها المبلغ ده...

* تحدث الرجل محذراً: مالكش فيه ، ومتحاولش تعرف ايه هي الحاجه دي علشان هتتأذي ، تنفذ المطلوب منك تاخد عرقك لا اكتر ولا اقل ...

* المهم دلوقتي انت عارف مكان عزيز الجبالي وبنته فين ولا لاء ، لانهم مش باينين اليومين دول وكمان مش بشوف بنته معاك زي الاول ، هو انتوا فركشتوا ولا ايه؟؟

* اجابه رامز كاذباً : فركشنا مين يا عمنا.  ديالا متقدرش تبعد عني ، هي بس زعلانه مني شويه بس متخافش اخوك مسيطر ، وقريب اوي هترجع لي ، هما بس مسافرين عند ناس قرايبهم في الصعيد وراجيعن قريب ...

* هتف الرجل متسائلاً باهتمام: حلو الكلام فين في الصعيد...

* اجابه رامز بغموض: وانت تفرق معاك في ايه ، انت اللي ليك ان اجيب لك ديالا لحد عند علشان توصل لابوها ، سبني بقي ادورها في دماغي كويس واظبطها صح علشان اخاليها ترجع بسرعه من الصعيد واخلص لك المصلحه بتاعتك وكل واحد ياخد اللي ليه ...

* هتف الرجل مؤكداً : حلو الكلام ، اتفقنا ، سجل رقم موبايلي عندك علشان نكون مع بعض علي تواصل وتبلغني بتحركاتك اول باول ، ومش هاكد عليك السريه التامه وسرعه التنفيذ علشان الناس اللي فوق بالهم مش طويل وعاوزين ينجزوا في الحوار في اسرع وقت ...

* اومأ له رامز وهو يمد يده يصافحه بعدما سجل رقم هاتفه :اتفقنا ....!!!!!

............

* هتفت ديالا بعصبيه وهي تحادث صافي في الهاتف: انتي بستهبلي يا صافي لسه مروحتيش المطار ...

* اجابتها صافي وهي تجر حقيبتها تخرج من باب منزلها في القاهره: انا مستنيه الاوبر اهو قدامه خمس دقايق ويوصل حتي خرجت استناه باره الفيلا علشان متاخرش عليه ، اهدي انتي بس وانا ساعتين بالكتير وهكون قدامك...

* هتفت ديالا بعصبيه طفيفه: ماشي بس انجزي لاني مش عارفه الم حاجه في الشنط حاسه اني تايهه ومش هلحق انقل حاجتي كلها ...

* اجابتها صافي بمهادنه: هنلحق بس انتي بطلي توترك ده ، اهدي واسترخي كده علي ما اوصلك ، يالا باي دلوقتي شكل الاوبر وصل ....

* همت صافي بالتحرك ولكن لم تكن تلك السياره التي تقلها ولكن وجدت رامز يترجل من سيارته....

* نفخت خديها بملل هتفت بسماجه: افندم يا رامز ايه اللي جابك قدام بيتي../

* نظر رامز الي حقيبتها وتابع: علي فين العزم ياتري ، اكيد رايحه لديالا مش كده..

* تحدثت صافي بجديه: رامز من فضلك انسي ديالا وطلعها من دماغك خلاص اللي كان بينكم انتهي وكل واحد راح لحاله ، ديالا دلوقتي مكتوب كتابها وفرحها كمان كام يوم...

* هتف رامز مستعطفاً اياها: مستحيل اللي بيني وبين ديالا ينتهي ، انا بعشقها مقدرش اعيش من غيرها ، انا عارف ان انا غلط ومستعد ادفع تمن غلطتي اي حاجه الا ان ديالا تبعد عني ، ارجوكي ساعديني اني اوصل لها واصلح غلطتي...

* تخدثت صافي بحنق: يا ابني انت ما بتفهمش ، بقولك ديالا اتكتب كتابها يعني متجوزه، غلطه ايه اللي عاوز تصلحها انا مش فاهمه....

* تابع رامز استعطافه لها رغم غيظه منها: لسه في امل انتي بتقولي كتب كتاب يعني تقدر ترجع فيه ،وبعدين انا اصلاً مش مصدق حوار جوازها ده انا عارف ان ديالا زعلانه مني مش اكتر مش ممكن يكون قلبها قسي عليا للدرجه دي وتعاقبني بجوازها زي ما بتقولوا ...

علشان خاطري يا صافي اديني فرصه وخالينا اكلمها او بصي ايه رايك اجي معاكي واعمل لها مفاجأه واصالحها، انا واثق ان دودي اول ما تشوفني هتنسي كل اللي مزعلها مني وتفتكر حبي ليها وبس...

* هتفت صافي صارخه فيه بجنون: انت مجنون يا ابني تيجي معايا فين ، انت مش عارف جوزها دي يبقي مين ولا لو سمع بس ان في رجل عاوز يكلم مراته ممكن يعمل فيه ايه ....

* هتف رامز ساخراً : ليه متجوزه خُط الصعيد ولا ايه...

* سخرت صافي مثله وتابعت: حاجه زي كده ، نصيحه مني ابعد عن ديالا يا رامز احسن لك لانك لو قربت منها انت اللي هتتأذي مش هي ، ودلوقتي بقي عن اذنك الاوبر وصل ...

ثم تحركت من امامه وركبت في السياره وهو ينظر اليها بحقد شديد ولكنه قرر ان يسير خلفها حتي يصل الي ديالا كنزه الثمين ....

* توجه نحو سيارته ولكن قبل ان يستقلها وجد سياره دفع رباعي تقف بشكل عكسي امام سيارته ونزل منها اربع رجال ضخام الجثه ....

*هتف رامز وهو يفتح باب سيارته: مش وقفه دي يا رجاله، عجله ورا كده علشان عاوز امشي...

* هتف احدهم بغلظه: ولو ما مشتش هتعمل ايه يا حيلتها...

* صفق رامز باب سيارته بقوه هاتفاً بغضب: حيلتها ده هعلم علي امك يا روح امك..... ثم عاجله بلكمه في وجهه تصدي لها الرجل علي الفور ثم تكالبوا عليه اربعتهم وابرحوه ضرباً ووضعه في سيارتهم وفروا مسرعين...

* بعد بعض كان رامز يجلس علي كرسي مقيداً من يديه وقدميه وحوله الاربع رجال الضخام ...

* رفع راسه عندما استمع الي صوت كعب حذاء نسائي يطرق علي الارض...

هتف مذهولاً عندما عرفها : انتي !!! انتي تعملي فيا انا كده ، بعتالي شويه بلطجيه تضربني يا سوزي!!!!

* هتفت سوزي بشماته: دي قرصه ودن صغيره يا بيبي ، تمن اللي عملته فيا وتمن الورقتين اللي انت قطعتهم ...

*هتف رامز متالماً : وارتحتي كده دلوقتي ، خلاص اخدتي بتارك ، قولي لهم بقي يفكوني وسبيني امشي ...

*اطلقت سوزي صوت معترض من حنجرتها: توء توء توء..عاوز تمشي بسرعه كده ، مش قبل ما اخد منك اللي انا عوزاه...

* ثم اشارات الي الرجل الواقف بجانبها: الورق يا متر ...

* اخرج الرجل ورقتين من حقيبته الجلديه واعطاهم لها ...

* افتربت سوزي من رامز واسندت يديها علي كتفه وهي تميل عليه تريه فحوي الورقتين: شوف يا بيبي ، هتمضي علي الورق ده هتخرج من هنا حبايب والدنيا بيس...مش هتمضي يبقي هخاليهم يتسلوا عليك لحد ما تقول حقي برقبتي وهتمضي برضه...

* نظر رامز للورق بين يديها متسائلاً: ورق ايه ده...

* دي عقد جواز بدل اللي انت قطعته هتمضي عليه زي الشاطر والمتر هيسجله في المحكمه علشان يبقي عقد جواز رسمي مش عرفي، وده وصل امانه بخمسه مليون جنيه علشان لو فكر شيطانك يوزك ويخاليك تطلقني او تنكر ابنك اللي في بطني...

* ضحك رامز عالياً ثم قام بسبها سبه نابيه وقحه جعلت وجهها يربد بغل وهي تسمعه يقول باهانه: ده عندها ، اعلي ما في خيلك اركبيه ....

* اعتدلت سوزي في وقفتها وتابعت: وماله يا رامز هركب اعلي خيلي واوريك ، بس نصيحه مني بلاش تشتري عداوتي بدل ما اروح لحبيبه القلب واسمعها صوتك الحلو وانت بتعترف بيه انك بتضحك عليها وبتوهمها بالحب بس علشان توصل لفلوسها ...

* ثم اخرجت هاتفها وشغلت احدي التسجيلات التي سجلتها له سابقاً وهو في غمره نشوته معها ....

* كز رامز علي نواخذه بحنق وتابع: بقي كده يا سوزي يتضربيني في ضهري وانا مطمن لك ...

* ضحكت سوزي بخلاعه وتابعت: الحال من بعضه يا بيبي ومبروم علي مبروم ما يرولش... انا كنت بامن نفسي علشان كنت عارفه انك هتغدر بيا ، وانا زيك بالظبط فيا كل العبر اللي في الدينا بس بحبك وانا مش بسيب حاجه بحبها ...

هتمضي ولا لا يا بيبي...

* نظر لها رامز والرجال حولها ولنفسه المقيده امامها وبحسبه بسيطه وجد انه يجاريها فيما تريد حتي يتمكن من الوصول الي ديالا وتنفيذ مخططه وبعدها سيتخلص منهم جميعاً ...

* ماشي يا سوزي هاتي الورق علشان امضيه....

..................................

...................................................."روايه واهتز عرش الجبل عشقاً" روايه بقلمي انا لولا نور ، مسجله ياسمي ممنوع النشر والنقل او الاقتباس ومن يفعل ذلك يعرض نفسه للمسالة القانونيه...

...............................................

*هتفت صافي بارهاق هي تغلق سحاب اخر حقيبة من حقائب ديالا: اخيراً خلصنا ، كده كل حاجه تمام ومل شنطه مكتوب عليها فيها ايه علشان واحنا بنفضيهم نبقي عارفين كل واحده فيها ايه...

* تحدثت ديالا بشك: يعني متاكده ان كل حاجه كامله ومفيش حاجه ناسينها هنا ولا هنا ..

* اجابتها صافي وهي تتثائب: لا مفيش واتهدي وخالينا ننام بكره ورانا يوم طويل العفش هيوصل وهنفرش حاجتك كمان...

* تحدثت ديالا مؤكده: ايوه عندك حق بكره يوم طويل ....

صمتت لثواني واستدارت تنظر الي صافي الغافيه وتابعت: تفتكري يا صافي اللي انا عملته ده صح ، وقرار جوازي من جبل صح..

* فتحت صافي نصف عين وتابعت: دودي حبيبتي انتي بقيتي مرات جبل رسمي وفرحك بعد خمس ايام ولسه بتسالي...

* هتفت ديالا بتخبط: مش عارفه بس مشاعري متلغبطه ، ساعات بحس ايه اللي عملته في نفسي ده ، مش دي الحياه اللي كنت  سماها لنفسي وساعات بحس نفسي طايره من علي الارض وانا مع جبل وساعات بخاف من اللي جاي ، فهماني...

* تحدثت صافي بتعقل: فهماكي يا دودي، واللي انتي فيه ده شيء طبيعي علشان كل حاجه جت بسرعه ، وفعلاً حياه جبل غير حياتك بس الي مخليني واثقه انك اختارتي صح هو حب جبل ليكي...

* سالتها ديالا مستفهمه: تفتكري فعلاً جبل بيحبني ولا مجرد اعجاب وهيروح مع الوقت..

* نفت صافي براسها: لا طبعاً ، انتي مش بتشوفي شكله بيبقي عامل ازاي وانتي قدامه ، بحس انه عاوز يخفيكي عن العالم كله وكل تصرف اتصرفه معاكي من يوم ما عرفك بياكد انه بيحبك ونصيحه مني بلاش تحطي جبل في مقارنه مع رامز او مع اي حد من اللي نعرفهم لان جبل غيرهم ، جبل راجل بجد ....

* نفت ديالا حديثها: انا مش بقارنه برامز او بغيره هو فعلاً مختلف عنهم انا بس بقولك اللي جوايا...

* سالتها صافي : الاهم من ده كله انتي حبيتي جبل ولا لاء...

* شردت ديالا في جبل وتصرفاته معها واحساسها وهي بين يديه وغيرتها عليه فلمعت عينيها بحب وتابعت بابتسامه حلوه: شكلي كده حبيته ...* 

* تحدثت صافي بجديه: طالما حبتيه يبقي طلعي الكلام الفاضي ده من دماغك وعيشي حياتك مع الانسان اللي انتي بتحبيه واللي انا واثقه ان هو كمان بيحبك ، وخالي بالك في كتير عاوزين جوازكم يفشل واولهم مرات اخوه ومراته اللي انا مش مصدقه وش الطيبه اللي لبساه ده ....

* نفت ديالا برفض: حرام عليكي ورد دي طيبه وغلبانه اوي ...

* حدثتها صافي منهيه النقاش: انا قلت لك احساسي وخلاص ... ثم اولتها ظهرها وغطت في النوم سريعاً ، تاركه ديالا تفكر في حديثها .......

........

* في اليوم التالي ، كانت سرايا العلايلي تعج بالكثير من العمال اللذين ينقلون الأغراض القديمه ويقوموا بتركيب الأغراض الجديدة....

* تحدثت هند بحقد الي عمتها: يعني يا عمتي غيرتوا عفش السرايا كلاته چت علي اوضتي انا ومغيرتوهاش...

* ارتشفت الحاجة جليله من فنجان قهوتها وتابعت: فين عفش السرايا كلاته اللي اتغير ده ، چبل غير عفش چناحه علشان عروسته وغير كمان چناح ورد يعني غير اللي يخصه ، وانا فوت چناحي لچميله ولازمن يچي لها عفش چديد علشان هي كمان عروسه ، انتي بقي عفشك يتغير ليه هو انتي عروسه وانا معلمش؟؟؟

* وبعدين ما هو چبل جاب اوضه چديده لچابر عاوزه ايه تاني...

* ثم نظرت لها بقوه وتابعت: نفسي ترضي باللي في يدك يا هند وما تطلعيش للي في يد غيرك علشان ربنا يرضاكي...

* كتمت هند حنقها وتابعت: ما انا راضيه بحالي اهو هو انا كنت اعترضت...

* امرتها عمتها في حزم: جومي شوفي ولدك وراعيه بدل ما انتي مهملاه لكل واحده في الدار شوي تاخد بالها منيه وانتي عماله ترغي علي الفاضيه والمليانه ....

* قطع رد عند علي عمتها وصول ديالا وصافي اليهم ..

* القت ديالا وصافي السلام عليهم فقابلتهم الحاجه جليله بالترحاب: يا مرحب يا مرت الغالي نورتي دارك يا بتي ...

كيفك يا صافي يا بتي عامله ايه...

* اجابتها صافي باحترام: الحمد لله ، اخبار حضرتك ايه...

* الحاجه جليله: بخير يا بتي في نعمه الحمد الله ...

ثم تحدثت الي ديالا الجالسه بجانبها: وين حاچتك اومال ؟؟؟

* اجابتها ديالا برقه: الغفر بيحطوها في العربيات وزمانهم جايين ...

انا قلت اسبق علشان اشوف العفش علشان اكون واقفه مع العمال وهما بيفرشوه...

* تحدثت هند بخبث: لسه عفشك متفرش اللي بيتفرش العفش الچديد بتاع چناح ورد بس ، ما هو چبل غير لها فرش چناحها هي كمان معلوم لازمن يعدل بيناتكم ....

* نظرت صافي الي ديالا بعني " قلت لك" 

فتابعت ديالا بابتسامه واسعه: اه ما انا عارفه جبل قالي انه غير لورد العفش بتاعها وعلي فكره انا مش مضايقه دي حاجه تبسطني ان جبل بيحب ورد وبيخاف علي احساسها ...

* كتمت هند حنقها وتابعت: يا حظك يا واد خالي مرتاتك بيحبوا بعض، الله يهنيكم ..

* استاذنت ديالا من حماتها: عن اذنك يا ماما الحاجة انا هطلع فوق اشوفهم عملوا ايه عن اذن حضرتك ، يالا يا صافي ....

* صعدت ديالا الدرج الي اعلي حيث جناحها ، فقابلت ورد في الطابق الثاني حيث يقع جناحها، فهتفت تحادثها بابتسامة: اخبارك ايه يا ورد وحشاني ، مبروك يا ستي علي العفش الجديد تتهني بيه....

* اجابتها ورد بجمود لاحظته ديالا: الله يبارك فيكي ، ومبروك ليكي انتي كمان..

* تسالت ديالا مستفسره عن حالتها : مالك يا ورد انتي تعبانه ولا ايه؟؟

* اجابتها ورد بنفس الجمود : لاه مش تعبانه ...

* اقتربت منها ديالا وربطت علي ذراعها باخوه: الحمد الله حبيبتي، لو عاوزاني اساعدك في حاجه قولي ، انا مش ورايا حاجه ...

* اجابتها ورد باقتضاب: شكراً ...

* شعرت ديالا بالاحراج من طريقتها معها واستاذنت منها وصعدت الي اعلي تحت نظرات ورد الحانقه....

* تحدثت صافي بهمس الي ديالا: مالها دي ؟؟

* اجابتها ديالا بجهل: معرفش جايز في حاجه مضيقاها ومش عاوزه تقول...

* دلفت ديالا الي جناحها فوجدت العمال يقومون بادخال الاثات ،وجبل يقف معهم يتابعهم باهتمام ...

* رائحه عطرها الذي يميزه من بين الاف الروائح اخترق رئتيه، فرفع راسه ناحيه باب الجناح وجدها تقف عند مدخله مع صديقتها ....

*كز علي نواخذه بغضب ، ماذا يفعل معها حتي يداري جمالها عن الاعين...

* لما عليها ان تكون جميله وساحره وتخطف دقات قلبه في كل مره يراها وكانها المره الاولي التي يراها ....

* رغم احتشام ملابسها الا ان الملس والطرحه الموضعه علي راسها الا انه زادها جمالاً وسحراً فوق جمالها ...

* لمح احد العمال ياتي من خلفها ينوي الدخول الي الداخل وقبل ان يتفوه بحرف هدر صوته عالياً : ادخل من الباب التاني ..

اومأ له العامل بطاعه وتحرك حيث اشار له.

* ولكن ذلك الوحش وحشها الوسيم اقترب منها وقبض علي كف يدها الصغير الذي اختفي داخل كف يده الكبير وجرها خلفه الي غرفه الرياضه خاصه...

تحت نظرات صافي المستغربة!!  

* اغلق الباب عليهم ووقف قبالتها يشرف عليها بطوله الفارع هاتفاً من بين اسنانه المطبقه: جولي لي اعمل وياكي ايه ، انا يا بت الناس مش منبه عليكي رچلك متخطيش باره الباب لحد ما العمال يخلصوا وانا بنفسي هاچي اخدك تشوفي الحاچه بعد ما خلصت حصل ولا لاه...

* هتفت ديالا بوداعه: حصل بس انا بصراحه مقدرتش وجيت علشان اشوفهم بيعملوا ايه بدل ما يعملوا حاجه مش عجباني ...

* كتم جبل غيظه منها وتابع: ما يهببوا اللي يهببوه ، وبعدين ابجي عدلي الحاجه علي كيفك من تاني ايه المشكله ، لكن ازاي لا من تعانديني وخلاص وتحرجي دمي...

* هتفت ديالا بتمرد: هو في ايه لكل ده الله ، محصلش حاجه يعني حاجتي ومن حقي افرشها بطريقتي ما تبقاش عصبي كده...

*استغفر جبل في سره وتابع : صبرني ياربي ، حاضر مش هبجي عصبي طول ما انتي زينه وبتسمعي الكلام ..

ودلوقت خاليكي اهنيه علي ما يخلصوا وبعدين ابقي اعملي اللي انتي عاوزاه ...

* هتف ديالا برفض: نعم ، هتحبسني هنا انا عاوزه اقف مع العمال باره...

* نظر لها بخطوره فتراجعت الي الخلف وتابعت بجبن: مش هقف اوي يعني هبص من بعيد بس...

* كتم جبل ضحكته علي ملامحها الساحره الجميله وتابع: برضك لاه ، هتفضلي اهنيه مجفول عليكي الباب ويا صاحبتك واما يغوروا من اهنيه ابجي اطلعي ....

* زمت شفتيها كالاطفال فكانت شهيه لعينيه: طب انزل تحت اقعد مع ماما الحاجه.

* هتف جبل برفض: لاه خاليكي اهنيه جاري لجل ما جلبي يبجي مطمن ...

* ثم مال عليها مقتنصاً شفتيها المزمومه في قبله سريعه وتابع: بلاش تزمي خشمك اكده علشان بيجنني...

ثم تركها وخرج تنظر في اثره بغيظ..

* حدثتها صافي عندما وجدت ملامح الغيظ والضيق باديه عليها : مالك هو عمل حاجه تزعلك...

* هتفت ديالا بحنق : لا ابداً حابسني هنا بس لحد ما العمال يخلصوا ...

* ضحكت صافي بمرح وتابعت: بيغير عليكي يا دودي ، يالا خالينا العب شويه رياضه علي التريدميل دي علي ما يخلصوا....

* بعد عده ساعات دلف جبل الي الداخل فوجدها تناظره بغضب وعينيها الرماديه التي يعشقها تود الفتك به ...

* استاذنت منهم صافي وتركتهم بمفردهم .

* اقترب منها جبل علي مهل ممتعاً عينيه بالنظر اليها والي جسدها المهلك لرجولته بعد ان خلعت عنها الملس وظلت بتلك البدله الرياضيه التي تفصل جسدها بشكل اثار مشاعره بشده...

* هتف جبل بحنو: لساتك زعلانه ؟؟

* انفجرت فيه ديالا بغضب: زعلانه ، وانت يهمك زعلي في ايه وانت حابسني هنا بقالي اكتر من خمس ساعات ومش هاين عليك تخاليني اطلع اشوف حاجتي يا جاحد...

* تابع جبل بالامبلاه: والله اللي غلط يتحمل نتيجه غلطه..

* نظرت له بغضب: ماشي يا جبل انا غلطانه ومش عاوزه اشوف حاجه وانا ماشيه دلوقتي ومش عاوزه منك حاجه...

* امتدت يدها تجذب الملس ترتديه الا انه جذب يدها وسحبها نحوه بقوه فارتطمت في صدره العضلي واغلق يديه عليها محاصراً اياها داخل احضانه...

* هتف جبل بتيه وهو يتشرب حلاوه ملامحها: حوليها تاني...

* هتفت بحنق وهو تحاول جاهده فك ذراعيه الفولاذيه حولها : اوعي كده سبني...

وبعدين ايه اللي افوله تاني ده ...

*تابع بنفس الهمس: حولي چبل تاني بحب اسمع اسمي منيكي بتجوليه بطريجه بتخالي مخي بيبقي هيشت مني...

* نظرت له بحنق وهتفت يدلال غير مقصود: توء مش هقول ...انا زعلانه منك...

* جبل وهو يقرب وجهه منها اكتر: وانا مجدرش علي زعلك يا مهرتي...

* تابعت ديالا بدلال : يا سلام واللي عملته من شويه ده يبقي ايه...

* اجابها بهمس امام شفتيها التي تشعل نيران صدره: تبجي غيره ، اني بغير عليكي وانتي خابره زين ...

مش بيجولوا غيره الراچل نار في مراچل وانا غبرتي عليكي واعره جوي يا مهرتي..

* مش ببقي طايق حالي وانا عارف ان في رچل غيري هيسمع صوتك وانتي بتتحدتي ، هيشوف حسنك وده اللي مجبلهوش واصل...

*نظرت ديالا الي عينيه وهاله كم المشاعر العاصفه داخلها وتابعت: جبل انت بتحبني؟؟

* اجابها جبل بصدق: لو غيرتي عليكي حب يبقي انا مهوس بيكي مش بس بحبك ، لو الاحساس اللي عم بحس بيه اول ما عيني تنضرك ورحفه جلبي او ما اسمع صوتك او اشم ريحتك حب يبقي انا بعشجك مش بحبك ...

* لو منايا انك تكوني چوات حضني ومتفارجنيش واصل وجتتي اللي يتتنفض لما تجولي اسمي حب يبقي انا متيم بيكي مش بس بحبك يا مهره الچبل ...

* هذه المره اقتربت منه ديالا ونظرت داخل عمق عينيه وتابعت : انت لما قلت لي الاول انك عاوز تتجوزني وانا كنت برفض ساعتها قلت لي جمله انا مش نسياها وفكراها لحد دلوقتي...

قلت لي لو انا مخالتكيش تعشقيني يبقي لك الكلام ...

انا عاوزه اقولك انك خاليتي اعشقك بكل نبضه في قلبي ليك ...

* جبل انا بحبك ... 

* تأوه جبل بخفوت ودقات قلبه الهادره وصل صداها الي ديالا القابعه داخل احضانه وتابع: وانا عشجتك من اول لحظه غميتي فيها چوات حضني....

انتي الست الوحيده اللي جدرتي تهزي عرش الجبل بعشقه ليكي يا چميله الوحش.

ثم افترس شفتيها في قبله كاسحه مغلفه بطعم الاعتراف بالعشق..

الفصل الثانى عشر من هنا