رواية قلوب ارهقها نبضها الفصل الخامس والعشرون بقلم نرمين قدري
مروة ما قدرتش تتحكم في أعصابها قدام استفزاز فاطمة قامت جيبها من شعرها علي الارض
قربت ندي و مسك يخلصوا فاطمة من مروة
مروة/ بعصبية ابعدي منك ليها علشان بطنكم انا كافيله بيها هي كان لازم يتعمل معاها كده علشان تبطل تستفزنا
فاطمة بصراخ مش حعدهالك يا مروة والله ماحعدعالك
دخل عليهم ماجد لقي فاطمة علي الارض و مروة فوقها وبتعضها ابتسم بفرحة
ماجد / بنت يا مروة بتعملي ايه يا مصيبة الناس عاوزينك برا قومي اعدلي نفسك ولما ترجعي كملي
قلها وجرا
بصت ندي ومسك لبعض ومقدروش يمسكوا الضحك
قامت فاطمة تعدل من هدومها وبصت ليهم بكره شديد
خرجت مروة علي استحياء خبطت ودخلت
اشجان / اهي عروستنا جت تعالي يا مروة ما تتكسفيش سلمي علي مامت يوسف
والده يوسف / بسم الله مشاء الله تعالي يا حببتي اقعدي جانبي
جلست مروة بجوار ولدت يوسف وهي ناظرة في الأرض وجهها احمر من الكسوف
ونظرات يوسف ليها كلها عشق واعجاب
بيجاد / حس أن يوسف حيكشفهم ها يا جماعة علي بركة نقرأ الفاتحة أهي العروسة جت
يوسف/علي بركة الله خير البر عاجله
محمود/ انتم مستعجلين ليه مش لما تاخد راي العروسة الاول
بيجاد/ رد بسرعة انا وماجد دخلنا سألنها ووافقت
ماجد/ اه انا سالتها تاني وانا رايح اجبها من جوا يلا بقي يا حاج خلينا نفرح
محمود متردد بين العريس ده والعريس اللي جيباه فاطمة وفي نفس الوقت مش عاوز يزعل فاطمة
اشجان لاحظت تردده لحقت موقف بسرعة
اشجان /سمعونا زغروطه يلا ونقرا الفاتحة يلا ياحاج
محمود بصلها نظرة تهديد ثم قال علي بركة الف مبروووك
قروا الفاتحة و أطلقت اشجان زغاريط الفرح وهي لا تبالي بنظرات محمود
وفي داخل حضنت مسك وندي نفسهم من الفرحة وبصوت لفاطمة بشماته
فاطمة/ بصوت مسموع. حنشوف مين حا يضحك في الاخر و سابتهم وما شت
خرجت ندي ومسك عند مروة كان العريس مشي
استعجبوا من منظر مروة كانت بتبكي بشده وبيجاد واخدها في حضنه
ندي / في ايه يا جماعه ايه اللي حصل مش خلاص قريتوا الفاتحة
محمود/اه بس انا مش موافق علي العريس ده
فاطمة جايبة عريس احلي منه ومن عيله
ندي/ اوعي يكون شريف اللي كانت بتقول عليه جوا
مسك / بالهوي اللي متجوز اتنين واللي اكبر منها ده
اشجان/ وغلاوة النبي ما يحصل ولو حا تقف علي طلاقي منك يا محمود ايه هي فاطمة عملالك ايه انا مش فاهمة
ماجد/بابا حرام تدمر حياه مروة كفايا انا حرام بجد واللهي حرام
محمود/ يعني اجوزها لواحد طمعان فيها و ثروتها
بيجاد/ هو اي حد احنا بنختارو يبقي طمعان فينا واللي بتختارهم هما اللي حلوين انت كده حدمر مروة
خرجت مروة من حضن بيجاد و بشجاعة كاملة
مروة /بابا انا حمضي لحضرتك عن تنازلي عن كل حقي في أي حاجة هنا ووعد مني مش حاخد حتي معايا شنطت هدومي بس مش حا رمي نفسي في جوازه دي ولو علي موتي انا مش حتجوز شريف
محمود / انتي بتتحديني ولا ايه طايب يمين تلاته حاتتجوزيه ورجلك فوق رقبتك
ماجد/ لا عاش ولا كان اللي يتحداك بس اللي حضرتك عاوزة ده ميرضيش ربنا يعني مروة تسيب معيد في الكليه و من عيله كبيرة ومرتاح مديا علشان تتجوز واحد متحوز غيرها اتنين واكبر منها بعشرين سنه ايه الميزة اللي فيه
محمود/ حيسهل شغل المينا بتاعنا كله وحيخش من وراه فلوس كتير وشغلنا حا يكبر وحيكون لينا اسم في السوق
مروة/ وانا الثمن صح احنا من امتي كنا بيع وشروة يا بابا انت ايه اللي حصلك أنت ما كنتش كده انتا كنت تتمنلنا الرضا نرضي احنا كنا كل حياتك ايه يا بابا اللي غيرك كده ايه اللي قاسي قلبك علينا احنا بنحبك ليه كده وانهارت في بكاء حاد
اشجان / بجد يا محمود انت اتغيرت كتير قوي أنا نفسي مش عارفاك
كل ده وفاطمة واقفة تتفرج عليهم من بعيد بعين شامته وفي سرها ولسة انتم شوفتم حاجة
فلاش باااااك
فاطمة / بت يا قمر خوديني عند الشيخة اللي رحتلها علشان تخلفي
قمر/ ليه يا فاطمة ما انتي ربنا كرمك عاوزاها ليه طا
فاطمة /ما لكيش صالح وصليني بيها بس
قمر /قومي معايا ربنا يكفينا شرك شكلك مش رايحلها في خير ابدا
فاطمة ضحكت ضحكة صفرا تخوف
وصلت فاطمة وقمر عند شيخة
فاطمة/ ليكي في الأعمال ولا ايه
الشيخة موزة / بخبث عيب عليكي ده اكل عيشي
فاطمة/انا عاوزة اعمل لحد ما يسمعش غير كلامي انا ويكون تحت طوعي و بس
الشيخة موزة/ جوزك ولا ايه يا بت
فاطمة/ جوزي مين ده اللي حعمله عمل هو بيحل ولا بيربط انا حعمل العمل للي في اديه قرار كل حاجة عاوزه خاتم في صباعي كده
شهقت الشيخة بالهوي انتي عاوزة تعملي عمل العمده لا طلبك مش عندي ده لو صله خبر حا يقطع خبري انا
فاطمة/ما تخفيش ما حدش حيعرف و حدفعلك الضعف
لمعت عيون الشيخة من الطمع و عملت العمل للعمده وقد كان
باااااك
محمود /انا ما تغيرتش بس انا عاوز مصلحت بنتي
اشجان /ومصلحتها مع المتجوز ده
محمود / خلص كلام مش عاوز كلام كتير وكلامي هو اللي حا يمشي
مروة /تمام يابا وسابته وماشت
نظر له بيجاد وماجد وأمجد نظرات لوم وعتاب ومشوا
اجتمع الاخوات التلاته في اوضة امجد واتفقوا علي شيء وعزموا عليه
وفي صباح اليوم التالي استعدو جميعهم للسفر الي الإسكندرية
محمود/ علي فين العزم كلكم كده
امجد / مسك وندي حجزنلهم عند دكتور علشان نطمن عليهم و ماجد راجع شغله
محمود/ و مروة ايه لازمتها معاكم خلوها يمكن العريس يجي يشوفها
بيحاد/لا أنا عاوزها معايا علشان مسك تعبانه ولما نرجع يبقي يجي عريس يشوفها
مروة لسة حتتكلم نظر لها بيجاد نظرة سكتتها
محمود/تمام بس اعملوا حسابكم حترجعوا من السفر حتجوز مروة لشريف علي طول
امجد/ اللي تشوفوا يا حاج اهي بنتك وانت ادري بمصلحتها مننا
والتفت نظر لإخوانه يلا علشان نلحق وقتنا
خرجوا كلهم ومروة دموعها موقفتش
قسموا نفسهم علي عربيات
وفور وصولهم اقترح عليهم بيجاد
بيجاد/ايه رايكم ننزل تشوف مول كبير علشان البنات تشتري فساتين علشان كتب كتاب ماجد
ندي / احلي بيجاد ده ولا ايه
مسك/ امشي ابت انا بس اللي اقول احلي بيجاد ده ولا ايه
بيجاد /ياسلام ياختي منك ليها امشي ابت انتي وهي قدامي انا حامسك ايد المزة بتاعتي و احلي فستان ليها
ابتسمت مروة شبه ابتسامة معلش انا مش عاوزة فساتين انا حاحضر بأي حاجة معلش مليش مزاج
بيحاد/ والله ما يحصل لو ما اشترتيش معاهم هما كمان مش حيشتروا
مسك /يلا يامروة بقي ونبي ونبي علشان خاطري انا بجد نفسي في فستان جديد قوي
مروة ابتسمت علي طفوليتها و اومات برأسها موافقة
ذهبوا جميعا للتسوق
اختار بيجاد فستان مروة بنفسة
مروة /بيجو فستان ده مبالغ فيه قوي هو انا العروسة
بيجاد/وانا عاوزك اجمل من العروسة فيها حاجة دي
اتطلق امجد صافرة اعجاب بفستان مروة
امجد/ اووووووو روعة بجد حلو. قوي
بيجاد / هو فين ماجد انا بقالي ساعة مش شايفة
ندي/ دخل المحل معانا وشكله ما عرفش يخرج
خرج ماجد من المحل وفي ايده فستان زفاف
امجد و بيجاد أطلقوا صافرة معا
بيجاد/ يا ماجد يا جااااامد
ماجد/بس بقي ناس بتتفرج علينا انهدو
روحوا كلهم الفندق واستعدو لكتب الكتاب نزلت ثلاث بنات وهما في قمة الجمال
بيجاد نظر لمسك نظره اعجاب شديده وكاد يأكلها بعينيه
مسك /بيجاد بطل تبصلي كده بقي
بيجاد/ ابص براحتي انتي حببتي وروحي ازاي اشوف جمال ده كله وممليش عيني منه مشاء الله حورية نزله من سما بحبك يا مسكي
دخل ماجد في نص بنهم معلش لو فيها اساءه ادب ممكن تأحلو النحنحة دي لما تروحوا العروسة بقالها ساعة مستنياني
بيجاد/ أتصدق انت عيل فصيل صحيح هو انت ودتلها الفستان أمتي
ماجد /الصبح لما طلعتوا تناموا انا رحتلها وعجبها جدااا
امجد /طب ايه مش يلا
ركبوا العربيات واتجهوا علي قاعة أفراح كبيرة
مروة اده هو الفرح في قاعة ولا في شقة عروسة كل ده كتب كتاب علي ضيق امال لو و سعت منك كنت عملت ايه عزمت البلد كلها
دخلو القاعة وكانت غاية في جمال
جلس ماجد بجوار المأذون وتم كتب كتابة علي هند
ثم جلس ماجد وأمامة يوسف
صعقت مروة فور رؤيتها ليوسف
ذهب إليها بيجاد وماسكها من أيدها
مروة / بيجاد يوسف بيعمل ايه هنا وليه قاعد مع الماذون انا مش فاهمة حاجة
بيجاد / يلا تعالي يا اجمل عروسه شوفتها في حياتى يلا يا قلب اخوكي من جوا
دمعت عيون مروة وهي مش مصدقه وقف بجوارها مشت مروة مع بيجاد قام ماجد اول ما وصلت حضنها وتجمع حولها اخواتها التلاته كلهم معاها ايد واحده حضنوها جامد
مروة من مفجاءة مش مصدقه نفسها جلس ماجد وعنية مدمعة وحط يده في يد يوسف
فلاش باااااك
تجمع بيجاد وماجد و امجد في اوضة امجد
بيجاد/انتم عاجبكم اللي ابوكم ده بيعملوا حايضيع مستقبل مروة
ماجد/ طبعا مش حنقف نتفرج لما البت تضيع وتتحول ضحيه أخري من ضحايا ابونا
امجد/ايه اللي في دماغكم
بيجاد وماجد /حتجوزها يوسف
امجد/ينهار اسود ازاي دي
بيجاد/مسك التليفون واتصلت ليوسف
بيجاد/الو أيوة يوسف
يوسف /خير يا بيجاد مروة كويسة اصل بكاملها مش بترد عليا هو في ايه
بيجاد/ يوسف انت شاري مروة لحد فين
يوسف/ بعمري كله لابعد حد ممكن تتصورة بس في ايه انا بدأت اقلق كده
بيجاد/بص بابا معترض علي جوازه ومصمم يجوزها اكبر منها بعشرين سنة علشان شغل بنهم
يوسف/انا كنت حاسس ان الحاج مش حيوافق عليا
بيجاد/مش هي دي مشكلتنا دلوقتي انت شاري مروة ولا ايه
يوسف/ افديها بروحي ودمي يا بيجاد و هي عارفه كده كويس
بيجاد/يعني مش حا يجي اليوم اللي اندم ان انا سلمتهالك بايدي
يوسف/ عمرك ما حتندم و اوعدك وعد راجل بس انا بردو مش فاهم حاجة
بيجاد /بكرة كتب كتابك علي مروة ودخلتك جاهز ولا ايه
يوسف/جاهز ولا مش جاهز اجهز انا من دلوقتي حنزل افرش شقة من كله
بيجاد/حتلحق يا يوسف
يوسف /الفلوس بتصنع المستحيل يا بيجو
باااااك
تم كتب كتاب يوسف علي مروة
قام ماجد باسها من راسها واخدها من أيدها سلمها لعريسها
ماجد/يوسف مروة عملت علشانك المستحيل ياريت تشبها موقفها ده مروة ضحت بحاجات كتير علشان تبقي معاك كفابا أنها مش حتقدر تسافر البلد تاني انت حتبقي ابوها وأخوها وسندها في الدنيا بيجاد اخد عليك وعد راجل انك حتاحافظ عليها اتقي الله فيها يا يوسف هي ملهاش غيرك بعد ربنا
يوسف /اقسم لك يا ماجد اختك حاتفضل ملكة متوجة علي عرش بيتي ما تخافيش يا ماجد اختك في عنيا وعهد الله ما تخاف عليها
ماجد.مروة انتي بداتي حياة جديدة حافظي عليها وخالي بالك منها علشان مش حاعرفي ترجعي في كلامك تاني ابوكي مش حيسامح
بيجاد/ ما خلاص بقي ياعم ميجو عروستك مستنياك بقااا افرحواااا يلا
بدأت الحفلة والكل فرحان
مسك ميلت علي عطر في اذونها
مسك/ عطر انا حامل
التفت ليها عطر و في عينيها فرحة شديده وحضنتها جاامد
عطر /الف مبروووك يا قلبي الف مبروووك فرحتلك كاني انا اللي حامل خالي بالك علي نفسك قوي
مسك ربنا يستر بس قلبي مش مطمن يا عطر خايفة قوي منهم
عطر/ليه يا قلب اختك حصل ايه
قطع كلامهم بيجاد حط ايده علي كتف مسك هو القمر ممكن ينزل من سما ويجي يقعد مع العبد الغلبان ده شوية ولا ايه
مسك /عيوني وروحي أنا معاك في كل وقت يا حبيبي
عطر اخلع انا احسن الحب ولع في ذره
بيجاد/هو علي طول مولع علي فكرة
عطر انت حتقولي تحت السرير عندنا في البلد يشهد
بيجاد /هههههههههههه يااااه انتي لسة فاكرة
مسك/ اده بقا هو انت نسيت يا خسارة يارتني صورتك فيديو علشان افكرك
بيجاد /ضم مسك هو انت اقدر انسي يا قلبي من جوا
عطر ربنا يهنيكم ويبعد عنكم الشيطان والعين ويكمل حملك علي خير يا حببتي
بيجاد/عقبالك يارب يا عطر لما ربنا يكرمك
عطر يارب حروح انا احسن محمد عمتا يبصلي من صبح
انتهي الفرح علي خير وودع بيجاد وأمجد العرسان
مسك يوسف ايد مروة و ماجد ايد هند لبيداؤ حياه جديدة مغمور بالحب
دخلت مروة بيتها الجديد وهي فرحتها مكسورة
يوسف /حبيبت قلبي مالها دموعها محبوسة ليه
مروة/كان نفسي قومي امي تشوفني بالابيض يا يوسف
جاء صوت من وراها ومين قالك اني مش حشوفك
مروة ماما مش معقول عرفتي تيجي ازاي
اشجان/ينفع يكون فرح بنتي الوحيدة ومحضرش
حضنتها اشجان والدموع علي خدها منه لله الي كان السبب
يوسف /ماما انهاردة فرح مش عاوزين عياط متقول حاجة يا عن بيجو
بيجاد يلا يا ماما علشان نلحق ارجعك قبل ما حد يحس بينا
اشجان يوسف مروة امانه في رقبتك حافظ عليها يا بني هي دلوقتي ملهاش غيرك انت دنيتها كلها دلوقتي
يوسف/ما تخفيش مروة في عنيا يا امي
ودعت اشجان مروة و عينيها كلها دموع
بيحاد /ماما انا عاوز اقولك علي حاجة و عاوزك تكوني هادئة
اشجان خير يا بيجاد قلقتني في ايه
بيحاد/بصراحة اصل ماجد اتجوز انهاردة.
خبطت اشجان علي صدرها يالهوي ايه بتقول ايه ماجد اتجوز علي فاطمة انت عارف لو فاطمة عرفت حتعمل ايه
بيجاد/,تعمل اللي تعملة هو البني ادم حبعيش كام مرة وماجد مش عايش يا امي هو بابا الله يسامحه السبب
فاطمة و اللي اتجوزها دي شكلها ايه
بيحاد تحبي تشوفيها
فاطمة طبعا مش لازم اعرف مرات ابني
بيجاد هو ساكن هنا مع مروة في نفس العمارة في شقة اللي تحت
فاطمة تمام تعالي معايا
بيجاد ماما ونبي ابقي هاديه علشان خاطري البت ملهاش زمب
خبط بيجاد علي ماجد
فتح ماجد /هو ده وقت تيجي في يا زفت وسع بيجاد وكانت وافقة وراه اشجان
ماجد/ماما اتفضلي يا ست الكل اهلا وسهلا البيت اتملا بركه خشي يا امي
دخلت اشجان تتلفت حول منها
ماجد دقية واحده ابلغ هند انك هنا
دخل ماجد علي هند وكانت لسة بالفستان
ماجد/هند تعالي ماما برا عاوزة تتعرف عليكي
هند/هي مامتك عارفت أمتي
ماجد/ مش عارف تعالي بس وبعدين نتكلم
خرجت هند وكان علي وشها بشاشة وقبول راحت لحد اشجان بابتسامة وطت باست رأسها
هند/اهلا وسهلا حصلتنا اللي بركة يا ماما
ارتاحت اشجان بشكل هند وبساطتها حضتنها وقالتها الف مبروووك يا بنتي ماجد ربنا عوض. بيكي
وطي بيجاد علي ماجد
اللي يسمعك و انت بتفتح الباب وتقولي ده وقت تيجي في يا زفت يقول انك مقطع السمكة و ديلها و عروسة لسة بالفستان يا خبتك يا خبتك لتكون فاطمة ناستك يعني ايه جواز
ماجد/اتلم ياض احسلك
اشجان انتم بتتودودا بتقولوا ايه
بيجاد بضحك لا ابدا بقوله الف مبروووك يا عريس وغمز لبيجاد
اشجان يلا بينا علشان متتاخرش
ماجد/ اقعدي شوية يا امي
بيجاد/لا ما ينفعش أنا عاوز اىوحها قبل ما حد يصحي انا عملت قرد علشان اعرف اجبها لولا البت روحية ما كنتش عرفت تيجي
ماجد/عملت ايه يا مصيبة
