رواية قلوب ارهقها نبضها الفصل الثامن والعشرون
فاطمة يا ولاد ال.. ماشي يابنت كلاف البهايم يا انا يا انتي و حيات ولادي ما انتي مطوله هنا يومك قرب قوي يا بنت كلاف البهايم يا انا يا انتي و حا تشوفي فاطمة حتعمل ايه فيكي بس الصبر حلو كله بالصبر يا مسك الزفت وحيات عيالي لا اطلعك من هنا تكلمي نفسك وبكرة تقولي فاطمة قالت
طلعت مسك علي فوق بدون أن تتكلم مع أي حد لامحها بيجاد وهي طالعة علي فوق بعصبية
وشاف ندي و هي خارجة من المطبخ و عمالة تضحك قرب بيجاد من ندي
بيحاد \ انتم اتجننتم صح مسك طالعة متعصبة وانتي خارجة من مطبخ ميته من الضحك في ايه
قربت ندي منه خش ارمي نظرة علي المطبخ بس براحة مد بيجاد رأسة من باب المطبخ وفجاءة انفجر من الضحك مقدرش يتحكم في نفسة كانت فاطمة من راسها لرجليها كلها ملوخية
التفت فاطمة ناحية صوت بيجاد وهو بيضحك
فاطمة / بغضب شديد بيجاد عجبك اللي مراتك عملته ده اقسم بالله ما هعديهلها بس الصبر حلو انا حوريها فاطمة ممكن تعمل ايه
بيجاد/فاطمة اتكلمي عدل يعني ايه مش هتعديهلها
فاطمة / يعني انت عاجبك اللي عملته فيا ده
ندي/ انتي اللي استفذتيها يا فاطمة بكلام وكنتي شايفة شكلها انها كانت متعصبة وعلي آخرها بس انتي فاضلتي تستفزني فيها بردو خلاص بقى اخدتي نصيبك انتي اللي. جبتية لنفسك من الاخر كده
بيجاد /خلاص بقي طلما انتي اللي غلطتي ما ترجعيش تشتكي
فاطمة / حانشوف كلام ده يرضي أبا الحاج و لا لاء
بيجاد/ بطلي بقا هيافا اوف
وبص لندي وغمز لها بس المهم يعني احنا حناكل ايه الملوخية كده بح في اكل و لا اجيب رغيف و اغمس من علي فاطمة
ندي حتموت من ضحك دخل امجد خير ايه صهله دي صوتك مسمع لآخر ... وقطع كلامة سلاما قولا من رب رحيم ايه الشيء ده مين دي
ندي خلاص مش قادرة وقعت علي الأرض من كتر الضحك
بيجاد/ ماتاخدش في بالك دي فاطمة بلملوخية
امجد /مافهمتش بردو يعني بدل الارانب بلمولخية كده
بيجاد / مافهمتش ايه فاطمة بس عاملة ماسك ملوخية مافهومة اهيه
امجد /اااه ماسك ملوخية وده بيجلب الحبيب و لا بيعمل ايه
ندي /كفايا بقي حموت من الضحك
فاطمة وقد تملكها غضب السنين وبصوت عالي/ااايه بس خلاص خلصنا بقااا بس يكون في علمك يا بيجاد مش حعديها لمرأتك بس انا قرصتي و القبر يا بيجاد
بيجاد عطها ظهرة كأنها ما بتتكلمش و بص لندي
بيجاد /ندي اطلعي لمسك علشان زعلانه مني طيبي خاطرها
ندي / اخدت بالي وهي في مطبخ كانت متعصبة جدااا والدموع في عينها هو ايه اللي حصل مزعلها قوي كده
بيجاد/ اصل مسك عاوزه تخش امتحانات السنه دي وانا مش عاوز
ندي /برافوا عليها بيعجبني أسرارها جدا رغم الظروف اللي بتمر بيها مافيش حاجة بتوقفها عن مستقبلها
بيجاد/ و انا اللي كنت متعشم تطلعي تعقليها و تقنعيها تأجل السنة دي
ندي/ بتعجب اعقلها عن ايه يا بيجاد انت عارف. مسك عملت ايه علشان توصل لكده ولا ايه اللي عاشته علشان توصل لاخر سنة عاوزني بعد كل ده اروح اقولها ارمي كل سنين العذاب دي ورا ضهرك و ما تخشيش الامتحان انت بتهزر مش من حق أي حد مهما كان يحرمها من حلمها ده
انت جربت يعني ايه في عز البرد تطلع على السطح تذاكر علشان محدش يحس بيك وأنها تحرم نفسها من كل حاجة علشان تشتري كتاب او انك تتزلل لصديق علشان مرجع أو مذكرة علشان ماعاكش فلوس تاخد قرص في الماده جربت احساس انك تجيب مجموع كلية هندسة و تتنازل و تخش تجارة علشان الظروف اجبرتك علي كده حاسيت مدي القهر اللي عاشته و انت عاوز بكل بساطة هي تتنازل علي كده بسهولة لا يا بيجاد ما تبقاش اناني انا عارفة انك بتحب مسك و خايف عليها بس اللي انت حتعملوا فيها حيموتها من جوا بلاش علشان خاطري سبها تخش الامتحانات ايه اللي حايحصل
بيجاد انا خايف عليها تتعب في اللجنه و لا يحصلها حاجة لقدر الله
امجد/يعني اللجنه دي في صحرا يا بيجاد ماهي حاتبقي وسط ناس وانت استناها تحت لو اقدر الله حصل اي حاجة حتقدر تلحقها
بيجاد/ انتم ده رايكم شايفين كده
ندي /طبعا هو ده الصح حرام عليك لما بعد التعب ده كله تحرمها من أبسط حقوقها
بيجاد / ماشي يا جماعة ربنا يخليكم ليا أنا حاطلع أراضيها وانتي يا ندي شوفلنا حاجة نأكلها بدل ملوخية
ندي / هههههههههههه ماشي
طلع بيجاد فتح باب الاوضة ودخل لقاها قاعده و دموعها علي خدها
بيجاد/ مسكي قلبي خلاص بقا علشان خاطر بيجو حبيبك بقا
رفعت مسك عينيها وبصت له و ولم ترد عليه
شدها بيجاد لحضنة حقك عليا يا قلب بيجاد من جوا يا روح بيجاد خلاص يا قلبي انا وافقت تخشي الامتحانات
مسك /بصوت عياط بجد وافقت اخش الامتحانات
بيجاد/ اه بس بشرط
مسك / وانا موافقة علية
بيجاد/ مش لما تعرفي ايه هوا شرط يمكن ما يعجبكيش
مسك/ انا موافقة علي اي حاجة تخليني ما تخلاش عن الحلم اللي قاعدت عمر بحاله احارب علشانه حتى لو حاكل مع فاطمة في طبق واحد حتنازل و اعملها
بيجاد/و انا استحالة اخليكي تتنازلي عن حلمك ده ومش حا قبل غير بامتياز فاهمة
حضنته مسك جامد ودفنت وشها في صدره
مسك / انا بحبك قوي قوي يا بيجو بجد بحبك بعشقك
طلعها بيجاد من حضنة الا قوليلي صحيح ايه اللي عملتي في فاطمة ده منظرها كان مسخره
مسك / يلا رزقها بقي هي اللي لعبت في عداد عمرها بنت حلال و تستاهل اللي جرالها شخصية مستفزه علشان تحرم تستفزني تاني معرفش ماجد استحملها كل ده ازاي
بيجاد/ هههههههههههه هههههههههههه بس شكلها مسخرة و البت ندي مافصلتش ضحك عليها وقاعدت تصورها وتانبة تتنطط زي كره الكفر فاتك تشوفي المنظر
خبط الباب ودخلت ندي
ندي/ ابتسمت لما شافت وش مسك وعرفت أن بيجاد راضها
ندى/ يلا الغدا جهز انزلوا بقا
بيحاد/ ايه عرفتي تلمي الملوخيه من علي فاطمة
ندي /هههههههههههه لا عملتكم بامية
بيجاد/ نزلين حالا وراكي
ندي /لا يلا قدامي بقي أنا حموت من جوع انا حامل يا ناس
مسك /هههههههههههه يلا يا بيجو بقا
نزلوا كلهم سوا وهما بيضحكوا كل ما يفتكروا شكل فاطمة
اشجان/ خير يا اولاد ما ضحكونا معاكم في ايه ربنا يسعد ايامكم يارب
امجد / مافيش يا امي كل خير بس بيجاد كان مزعل مسك و بيصالحها
جلسوا كلهم علي سفرا ومش قادرين يرفعوا عنيهم علي فاطمة و كاتمين الضحك
فاطمة بتستحلف ليهم من جواها و الغيظ حايموتها
محمود / شكلك عامل كده يا فاطمة
بيحاد./ سبق قبلها هو انت ما عرفتش يا حاج اصل فاطمة وهي في مطبخ اتزخلقت حله الملوخيه وقعت عليها
محمود / اخدت الشر وراحت
امجد/ بضحك مكتوم مين فاطمة
محمود / فاطمة مين حله الملوخيه
و في اسكندريه
عطر / محمد انا عاوز.ه اروح لدكتور علشان اعرف اتاخرنا ليه
محمد باستغراب / اتاخرنا علي ايه مش فاهم
عطر/حا يكون علي ايه علي الحمل طبعا انت مش واخد بالك ولا ايه
محمد/ افندم هو مين اللي اتاخر انتي عارفه احنا بقلنا اد ايه متجوزين
عطر/ عارفه عارفه احنا داخلين علي اربع شهور متجوزين وما حصلش حمل انا خايفة لأكون مش بخلف
محمد / لا حولا ولا قوه الا بالله انتي مجنونه يا بنتي من أربع شهور يبقي اتاخرنا استهدي بالله وخشي ذاكري امتحاناتك خلاص قربت
عطر / محمد انت حا تتجوز عليا صح علشان انا مش بخلف قولي ونبي انا مش حا ستحمل تعمل معايا كده
محمد/ عطر هي الحالة جت صح اتجوز عليكي ايه يا هبله قبل ما تكوني مراتي انتي بنت عمي وبنت عمري وحببتي انا اللي ماربيكي علي ايدي يا عطري انتي حلم حياتي ياما كنت بحلم أمتي حا يجي اليوم اللي يجمعني بيكي تحت سقف واحد يا عطر انا بحبك حتي لو ربنا ما كرمناش و ما اردش لنا الخلفة من اصله حا نرضي بقضاء ربنا واعيش معاكي العمر كله
عطر / بعياط هو ممكن ما جبش عيال خالص صح انا اكيد مش بخلف
محمد / الله ما طولك ياروح يا بت أنا بقول لنفرض حا نعترض علي حكمة ربنا و لا ايه انهدي بقي و اعقلي كده و استهدي بالله خشي صلي وادعي ربنا يكرمك
عطر / يعني انت حا تفضل تحبني يا محمد العمر كله
محمد /عمري كله فداكي يا عطر انتي بنت قلبي وحب طفوله وحب عمري ربنا يباركلي فيكي يا حبيبتي
وعند العرسان نزلوا كلهم يفطروا برا وهما مبسوطين جدا واخدوا كتير من الصور. الذكري
قاعدت مروة علي بحر تبعت الصور لمسك وندي
يوسف / حبيب قلبي بيعمل ايه
مروة / ببعت الصور علي تليفون مسك علشان يتفرجوا عليها
ماجد تعالو بقي هنا قاعدين عندكم بتعملوا ايه
وفجأة رن تليفون ماجد
ماجد/ الو أيوة يا بيجو. ايه الوضع عندك أبوك هدا
بيحاد/يعني بس مش عاوز يسمع سيرة مروة خالص ومراتك صراحة إشعال ذاتي ما تتوصاش عماله تشعللها
ماجد / انت حا تقولي ربنا يهدلها نفسها
والتفت ماجد وهند و يوسف علي صوت ضحك مروة بصوت عالي
هند / في ايه ما ضحكيني معاكي
مروه/ ماجد تعالي كده اتفرج
ماجد ثواني يا بيجو لما اشوف المفعوصة عاوزه ايه عمالة تضحك شكل جواز جنها
راح ماجد عندها خبر يا بنتي في ايه
فرجته علي صورة فاطمة بلمولوخيه ندي صورتها وبعتتهلها
ماجد/ينهار اسود ايه اللي عمل فيها كده
مروة / زي عادتها استفزت مسك و حظها الاسود أن مسك كانت متخانقة مع بيجاد و متعصبة جدااا
ماجد / هههههههههههه احسن بس فاطمة مش حاتعديها لمسك خالي بالك
بيجاد / هههههههههههه هي صورة وصلتلكم ندي دي مشكله و فاطمة تعمل اللي تعملة بقا المهم انكم كويسين واختك عاملة ايه مبسوطه
ماجد/ اه جدا الخمد لله
بيحاد /ربنا يسعدها
وفي البلد قاعده مسك وندي جانب بعض بيتفرجوا علي صور اللي بعتها مروة و مع صور صورة لماجد وهند
ندي ومسك باصوا لبعض ولونهم اتغير
لاحظت فاطمة تغير و شهم كانت حتموت وتتفرج علي صور
مسك بسرعة ماسحت الصورة وبعت لمروة ماتبعتش تاني
علشان متراقيبن
فاهمت مروة وقفلت الموبايل
ماجد/ خلاص قاعدتي علي كل الاخبار
مروة / طبعا بس بابا لسة زعلان قوي و شكله كده مش حا يرضي عني
ماجد / كله بالصبر يا مروة سبيها للأيام. وكله بيتعالج متقلقيش
مروة / يارب يا ماجد يارب واللهي يوسف حد كويس قوي بجد
ماجد كل شيء قسمة ونصيب الحمد لله أن ربنا جمعكم يا حببتي
مرت الايام وجه معاد امتحانات مسك
بيحاد / ها يا مسك جاهزة علشان اوصلك يلا بقي اطلعي من الحمام حنتاخر
مسك/ طلعت مسك وبدأت بطنها تكبر والحمل يبان عليها و بخوف بلا يا بيجاد جاهزة
حضنها بيجاد ليطمأنها
بيجاد/ ممكن بقي ما تتوطريش انتي قدها و شطورة وذاكرتي كويس
نزلت مسك وهي ماسكة ايد بيجاد
ندي كانت في شهر التاسع وتعبانة
مسك / ندي امسكي نفسك علي ما اخلص اوعي تعمليها وانا بمتحن
ندي/ بضحك هههههههههههه ماشي يا مسك ححاول
فاطمة خرجت من مطبخ وعمالة تبصلهم بغل
فاطمة / هي ابله تلميذة اخيرا حاتمتحن ولا زي قلته انا مش عارفه ايه لازمة وجع القلب ده ولا هي مصاريف وخلاص
طلع محمود علي صوتها من اوضة المكتب
محمود/ علي فين عصبح كده بدري
بيجاد/ مسك عندها امتحان ورايح معها
محمود / وايه لازمته افهم نعطل اشغالنا و مصالحها علشان انت تويها الامتحان اللي مالهوش لازمة من اصله
خالي مراتك تطلع على فوق وبلاش هبل بلا امتحانات بلا كلام فارغ ناقصنا احنا شهادات لتكون فا كره انك حاتسبها تشتغل يلا فض المولد ده و هات اخوك وتعالى علي مكتب علشان تشتغل عندك.سفر لألمانيا وحتقعد ست شهور هناك علشان تطمن علي المكن الجديد قبل ما يتصدر عندنا
بيحاد/ ست شهور يعني مش حا حضر مسك لما تولد
محمود/ و انت حا تعملها ايه هي أول ست حتولد
بيحاد / معلش يا بابا تأجل كلام لما ارجع من امتحان مسك
محمود/بردو مصمم توديها
كل ده ومسك ساكته كل اللي شغلها موضوع سفر بيجاد
بيجاد معلش انا وعدتها وهما كلهم اسبوع وتخلص امتحانات
يلا يا مسك بينا اتاخرنا قوي ماشت مسك مع بيجاد من غير. كلام
بيحاد القمر بتاعي ماله بس
مسك / بيجاد انت بجد ممكن ما تحضرش الولاده بتاعتي
بيحاد / سبيها علي ربنا يا مسك نخلص بس من امتحاناتك و ربنا ييسر الحال
عدت امتحانات مسك بسرعة بين شد وجذب و خوف
وجاء معاد ولادت ندي
ندي / مسك لو جرالي حاحة بنتي أمانة معاكي خالي بالك عليها يا مسك
مسك / بس يا ندي ما تقوليش كده ربنا يقومك بسلامة يارب
ولدت ندي بنوته زي القمر سماها امجد لوچين و كانت فرحة للبيت كله
بداو يجهزو اسبوع البنوتة وحضروا كل مستلزمات السبوع
سمعت مروة بمعاد السبوع من ماجد
مروة ماجد خدني معاك ونبي احضر سبوع بنت امجد و اشوفها
ماجد بلا يا مروة الزعل وحش علشانك و انتي حامل رد فعل بابا مش متوقع
مروة مش حا قدر يا ماجد بجد مش قادرة
يوسف / ولو قلتلك علشان خاطري انا بلاش
ماجد/ اسبوعين كده ندي تشد حيلها واخلي امجد يجبها ويجي تشوفي النونو. وتقعدي معاه زي ما انتي عاوزة ايه رايك
استلمت مروة قدمهم وراجعت في كلامها ولكن دموعها موقفتش
وصل ماجد البلد ومعاه هدايا كتير
دخلت علي ندي و عطاها هدية مروة و كانت سلسة دهب لنونو وهو كان جايب اسورة دهب هديته
فرحت ندي للهدايا ولكنة لاحظ دموع في عيون مسك
بص ماجد لا امجد وغمزله عليها
شاورله امجد يخرج يتكلم برا
ماجد/ مالها مسك يا امجد فاطنة بردو مزعلها
امجد/ لا الموضوع اكبر من كده بيجاد لازم يسافر المانيا الصبح
ماجد / و اية المشكله هو بيجاد اول مرة يسافر ما هي عارفه ان شغل بيجاد كله سفر
امجد/ بس المرة دي غير بيجاد لازم يقعد ست شهور هناك كده مش حيقدر يحضر ولاده مسك
ماجد/ اووووو عندها حق صعبة قوي صراحة
امجد / عارف وملهاش حل متقفله
ماجد/ هو بيجاد فين دلوقتي
امجد/ فوق بيحضر الشنط علشان طالع مطار كمان ساعتين السفر بكرة بدري
ماجد/ الله يكون في عون مسك البت دي حظها علطول كده ربنا يعنها بقي
نزل بيجاد وفي ايده شنطة السفر و عنيه كلها حزن
دخل في حصن ماجد
بيجاد/ ماجد انت اخويا الكبير. ومسك امانه في رقبتك انت أسألك عليها قلبي واجعني مش عارف ليه حاسس ان في حاجة كبيرة حا تحصل
ماجد/ وحد الله كده يا بيجو هو انت اول مرة تسافر في ايه بس نزلت مسك من عند ندي ومش قادرة تتحكم في دموعها
مسك / خلاص يا بيجاد حتتوكل علي الله
بيجاد / اه يا مسك يادوب علي ما اوصل المطار
انهارت مسك و اترمت في حضن بيجاد
