رواية السعادة الفصل الثانى بقلم ليل ادم
زين : طبيخك قمر قمر أهو أنا مش فارس قلبي إلا الثقه اللي انتي فيها يابت أنا لو جبت طفل عارفه يعني اي طفل يعني لسه ميعرفش يعني اي أستطعام وداق أكلك هيقول جااااي
ملك : على فكره كل الستات كانت كده بس للاسف هما معاهم رجاله تصبر عليهم لحد ما يتعلموا إنما أنا معايا راجل قهرني مش مديني فرصه
زين : من عيني بس أنا الوقتي اعمل اي أنا بموت يابنت الجزمه
ملك : اي الشنطه السوده دي ياض يا زين
زين : أنا أعرف سيبي ايدي افتحها اشوف فيها اي
ملك : ليكون فيها قنبله
زين : هو اللي زايك ينفع يموت الموته دي ويبقا شهيد مثلاً اللي زايك لازم ربنا يعملها كفته ومن غير ملح كمان علشان اللي يحطها في بوقه يتفهه
ملك : افتح افتح يارب تفرقع في وشك
زين : الله اكبر اي كل الفلوس دي
ملك : ينهار اسود اي ده كله
زين : ( رفع الشنطه ) امشي بسرعه اعملي عبيطه
ملك : ليكون مقلب من بتاع النت ونتفضح أستنا نسأل مين صاحب الشنطه وناخد منهم جايزه البرنامج أقل حاجه تلات اربع تلاف جنيه
زين : طب تمام خليكي انتي هنا شوفي المسابقه دي عبال ما اطلع أنا
ملك : استنا يا صايع أنا طالعه معاك
زين : والفضيحه
ملك : انت اللي شايل الشنطه مش أنا
زين : سيبي ايدي هو أنا هجري الله يحرقك
ملك : أطلع بقا و انجز
بعد الصعود إلى المنزل
ملك : تفتكر اللي اخد العفش ساب الفلوس دي
زين : هو انتي وعفشك يابنت مفتاح تستهلوا ربع المبلغ ده خليني ساكت ل وربنا أطلقك
ملك : اه ما خلاص بقا معاك فلوس حقك تقولي هطلقك بس خلي بالك أنا ليا النص يا عنيه
زين : أتكتمي صوت امك عالي الجيران كلها سمعت صوتنا
ملك : أتكتمت
زين : أنا هنزل اجيب لقمه وطالع علشان اعرف أفكر
ملك : اه هات لقمه روشه كده
زين : وحيات امك ل تكلي من العك اللي عملتيه جوه ده علشان تعرفي أن الله حق
ملك : كده يا زين اهون عليك تاكل من غيري
زين : لا طبعا يا قلب زين هو أنا اقدر اعمل حاجه من غيرك يا حبيبتي
ملك : ربنا يخليك ليا يارب يا عمري كله
زين : ويخليكي ليا يا ست البنات
ملك : والله بحبك اوي يا واد يا زين
زين : وأنا والله يا قلب زين انتي
باب الشقه بيخبط
زين : مين اللي جاي الوقتي ده
ملك : مش قولتلك يا زين شكله مقلب وهنتفضح
زين : الله يحرقك حتت بومه
ملك : أنا اللي بومه ولا انت اللي راجل معندكش ضمير ولا ذمه
زين : هو أنا كنت سرقهم يا بنت الجزمه
ملك : افتح افتح عايز تنزل جري تشتري أكل بفلوس حرام
زين : ياوليه انتي مش كنتي هتموتي وتكلي اكله روشه معايا الوقتي
ملك : افتح افتح مش هرد عليك
زين : اهدا ياعم (وبيفتح الباب شاف ظابط ومعاه عساكر خاف )
ملك : في اي
الظابط: الفلوس فين
زين : والله يا باشا الفلوس كلها اهي
ملك : (بتعيط من الخوف) و الواد ده معاه ٣٠٠ جنيه خدهم يشتري اكل
زين : أنا
ملك : اه والله
زين : يابنت مفتاح
الظابط: هاتوا الشنطه وهات الاتنين دول ع القسم
بعد الوصول إلى القسم
ملك : الله يخربيتك قولتلك بلاش
زين : يابنت الجزمه وضحي بلاش اي بالظبط الناس هتقول اني سرقتهم
الظابط: كفايه انت وهيا انتوا اي مبتفصلوش بقالكم ساعه نازلين شتيمه في بعض وجعتوا دماغ اهلي
زين : ياباشا وربنا احنا لقينا الشنطه دي في الشارع
ظابط المباحث: ياض بطل كدب اعترف خدتها اذاي بلاش انت اعترفي انتي مش انتي كنتي معاه
ملك : لا وربنا كنت معاه فين
زين : يابنت الجزمه هو أنا لقيت الشنطه دي لوحدي
ملك : لا كنت معاك
زين : أما اي وربنا ما كنت معاه
ملك : ما بيقولك كنت بتسرقها هو أنا أعرف انت سرقتها ولا لأ
زين : أنا أسرق يابنت مفتاح
الظابط: بسسسسس اي يخربيتكم
باب المكتب بيخبط
الظابط: ادخل
الأمين : الكاميرات يا محمد بيه
الظابط: شغل خلينا نخلص من ولاد الكلب دول
بعد تشغيل الفيديو
زين : اهو انا اهو شوف لقيتها فين
ملك : وأنا كمان اهو
الظابط: طب هو مش اللي يلاقي حاجه يسأل عن صاحبها
ملك : قولتله والله بس هو علشان راجل معندوش ضمير مسمعش كلامي
زين : أسألها كده والنبي كانت عايزه اي قبل ما حضرتك تدخل علينا
الظابط: كنتي عايزه اي
ملك : مفيش مكنتش عايزه
زين : لا والله ل تقول
ظابط المباحث: قولي خلينا نخلص
ملك: (بصوت واطي) اكله روشه
ظابط المباحث: (بصوت عالي) بتقولي اي
ملك : اكله روشه
ظابط المباحث: خمس ثواني اللي هلمح خياله منكم هنا اقسم بالله هحبسه
زين: لا على أي ياله يا كرش
ملك : ياله يا نحس
بعد الخروج من القسم
زين : أنا يابنت الجزمه تطلعيني معنديش ضمير ولا ذمه قصاد الناس
ملك: أعمل اي خوفت منهم
زين : يعني تخافي تروحي ملابساني انا انتي عبيطه
ملك : خلاص بقا يا زين اللي حصل
زين : امشي والله منا واكل هنام كده
ملك : واللي يأكلك وفراخ مشويه
زين : منين بس يا فقر
ملك : طب تعالي وربنا ل أكلك بره كمان
زين : لا وربنا أنا مش قادر أمسح المحل على اخر الليل
ملك : تمسح مين أتلهي تعالي ادخل
زين : يا زفته الطين رايحه فين
ملك : اقعد بس كده و أطلب متقلقش
زين : اطلب اي انتي مجنونه
العامل : تحت امرك يا فندم تأمر ب اي
زين : مش عارف والله (وبص ل ملك )
ملك : هات لنا فرخه مشويه حلوه كده. وطبق كفته حلو
زين : ها لا بلاش كفته كفايه الفرخه (وبيلطم)
ملك : روح انت معلش بعد اذنك
العامل : تحت أمركم
زين : فراخ وكفته يا ظالمه ورب الكعبه ما هضرب لوحدي
ملك : مد ايدك تحت التربيزه
زين : ليه
ملك : هات ايدك
زين : هو ده وقت رومانسيه الله يقطعك
ملك: يا عم رومانسيه اي مد ايدك
زين : اهو
ملك : خود
زين : ( بص في أيده لقي فلوس كتير ) اي ده يابنت الجزمه كل دي فلوس سرقها مني
ملك : أتلهي انت لقي تاكل
زين : أما جبتي الفلوس دي منين
ملك : لما روحت تفتح الباب خدت الفلوس دي من الشنطه عارفاك مش هتريح قلبي وتديني حاجه خدتهم قولت أبرچت على نفسي
زين : يخربيتك ايدك اسرع من نقار الخشب
العامل : الاكل يا فندم تطلب حاجه تانيه
زين : اه هات سلطه بقا وروق علينا
بعد الانتهاء من الاكل والخروج من المطعم
زين : أول مره تعملي حاجه حلوه في حياتك
ملك : بس مش كده حرام يا زين الفلوس دي كده مسروقه لاني عارفه أن الفلوس دي ليها صاحب حرام صح
زين : حرام اي دا مبقاش حرام يابنتي دا بقا كفر
ملك : لا ياعم تعالي نرجع الفلوس ل صاحبها
زين : وربنا ما هرجع القسم انتي مسمعتيش الظابط قال لو لمح حد فينا هيعمل في اي
ملك : وبعدين
زين : أنا عارف صاحب الفلوس بكره أن شاء الله يكون رجع بيته نروح نديله فلوسه و نقوله أتعشينا ب الباقي
ملك : صح ولو نشف دماغه على الألف جنيه اللي أتعشينا بيهم أنا ممكن أتكلم مع ام احمد تديني النفر الأول في الجمعية وترميله فلوسه في وشه محدش اجدع منك يا زيونتي
زين : وحدي الله بس وأبلغي ريقك أنا سامعك بتقولي ام احمد واول نفر صح
ملك : صح يا حبيبي
زين : نهار أبوكي ازرق هو أنا مش بقالي سبع شهور بدفع الجمعيه دي
ملك : يالهوي هو أنا مقولتلكش اني كنت بشتري بيهم بادي اسبلاش
زين : بادي مين ياروح امك
