رواية السعادة الفصل الثالث بقلم ليل ادم
ملك : خلي بالك انت أن شاء الله كده اعمل حسابك تجيب انتريه و عفش بدال اللي اتسرق
زين : قولي يارب
ملك : لا منا مش هعيش اللي باقي من عمري في اوضه النوم انت لازم تشوف حل يا زين
زين : حاضر هشوف حل علشان كده كده انا مش هطيق اقعد في وشك كده طول الليل والنهار الأول لما كان في عفش كنت بستخبا من خلقتك شويه في اوضه الأطفال المطبخ الحمام إنما كده بقيت مضطر أترمي في وشك هنا سيبي أم البطانيه الجو تلج
ملك : يا حبيبي انت بردان
زين : اه والله الجو تلج البطانيه مش عامله حاجه وانتي لفه نفسك ولا كأنك متكفنه
ملك : أستنا اخدك في حضني
زين : خدك حنش وسعي كده. رجلك تلج انتي من امتا خدتيني في حضنك
ملك : وحيات امك سيب رجلي جسمك دافئ
زين : اوعي بقولك كتفتيني دا انتي بومه
ملك : أتخمد راجل غبي
زين : غبي غبي بس ابعدي عني
ملك : احسن برضه تصبح على خير
زين : وانتي من أهله يا اختي
ملك : من أهله
زين : اه أما اقولك اي
ملك : زمان كنت بتقولي وانتي من أهلي
زين : يقطع زمان ويقطعك ويقطع صوباعي اللي كتب اسمه جمب اسمك هو أنا لو كنت بفهم زمان كنت قولتلك وانتي من أهلي أديكي بقيتي من أهلي ياختي نامي كتك الارف
ملك : أتخمد لسانك متبري منك نام نام
في اليوم التالي
ملك : زين يا زيونتي يا زينت الرجال
زين : اي يا ملك في اي
ملك : اصحا خلينا نرجع فلوس الناس
زين : هيا الساعه كام
ملك : تسعه
زين : لا الراجل زمانه نام
ملك : وانت عرفت منين
زين : طبيعي يا ملك هو مش انسان
ملك : اه قول كده بقا
زين : اقول اي
ملك : قول أن الفلوس أحلوت في عينك ومش عايز ترجعها ل صاحبها
زين : لمي نفسك
ملك : لم انت نفسك وقوم خلينا ننزل نفطر ونروح للراجل ونرجع المحل نشوف أكل عيشنا
زين : وسعي وسعي دا انتي بومه
ملك : شطور يا ككوتي
زين : أنا مش ككوت حد
ملك : احسن برضوه
زين : ولبسه كمان دا انتي صاحيه من بدري
ملك : بقالي ساعه كده تقريبا
زين : مش عارف انام طول الليل
ملك : مش عارف تنام يا راجل دا انا صحيت بسبب صوت شخيرك خليني ساكته
زين : يابنت الجزمه كنت عايز اعمل عميق وراجل بتاع تفكير
ملك : ياله ياله
زين : اغسل وشي طيب هنزل كده
ملك : لا اغسل وشك يا ككوتي وعهد الله قمر قمر قمر غسلت وشك مغسلتش وشك حتت بسبوسه كده
زين : والله ما في بسبوسه وانتي موجوده ياحته قشطه انتي
ملك : يارب اجعله قرد في عيون كل الحريم إلا أنا أشوفه حلو كده على طول
زين : قرد
ملك : بدعيلك ياض
زين : اه طب تمام يارب أجعلها خنزيره في عيون كل الرجاله إلا أنا أفضل شايفها حتت قشطه بالعسل كده
ملك : هو في راجل يملأ عين لوكه غيرك يا زيونتي
زين : ياله ننزل
بعد النزول
زين : بقولك اي أنا جعان
ملك : وأنا برضوه
زين : أنا عارف أنه مينفعش بس أنا جعان اوي
ملك : اه أنا عارفه برضوه أنها مش فلوسنا بس مش هينفع
زين : يالهوي لو كان ينفع كنت خدتك ودخلنا عند عمك سعيد احلي فطار
ملك : اه بقا وطعميه سخنه وشويه الفول والبطاطس يااااااااه
زين : لا واي كمان بقا بيعمل بيتزا بالطعميه
ملك : لا متقولش
زين : اه والله
ملك : بيعملها اذاي دي يا زيونتي
زين : لا والله متعرفيش
ملك : لا
زين : تعالي المحل اهو اوريهالك من بعيد حتى
ملك : ماشي تعالي
زين : عم سعيد عم مطاعم مصر
سعيد : صباح الفل يا زين
زين : ملك عايزه تشوف البيتزا بتاعتك
سعيد : اعملك احلي بيتزا
زين : أعملي اه منا كده كده
ملك : (قطعه كلام زين ) يعملك اي مينفعش فلوس الناس
سعيد : عايزها كام بيضه يا زين
ملك : أربعه ياعم سعيد
زين : الله ما كان مينفعش
ملك : هو أنا قولت حاجه منا بقول مينفعش
زين : طلب فول كبير ياحج سعيد
ملك : بقولك اي مجتش في كمان ٢٠٠ جنيه نفطر ونروح نقوله لي عندنا ١٢٠٠ جنيه
زين : هينفع
ملك : خلاص بقا هنعمل اي
زين : بطاطس بقا ياعم سعيد وروق على الكلام
سعيد: تحت امرك يا حبيبي
بعد الأكل
ملك : جميل جدا اي ده حتت بيتزا من الاخر
زين. : افتحي بوقك خدي الحته دي موووت
ملك : يالهوي عليك يا ككوتي ربنا يخليك ليا مش حرمني من حاجه
زين : هعمل اي بس حنيت قلبي مضيعاني
ملك : ياله بقا نروح للراجل
زين : نشرب القهوه طب
ملك : لأ كفايه كده جمعية ام احمد كلها على بعضها اربع تلاف جنيه
زين : يابنت مفتاح
ملك : في اي
زين : مش كانت خمسين ألف
ملك : انت عبيط يا زين عايز تدفع ١٠٠ كل جمعه وتاخد خمسين ألف جنيه ليه هو اللي هيقبضها كان ياجوج و مأجوج
زين : أنا قولت مدخله خمسين ألف واحد
ملك : هيا لو مدخله خمسين ألف واحد وخدت من كل واحد ١٠٠ جنيه تتقبص خمسين ألف
زين : اه
ملك : الشارع اللي وراه انت كنت في مدرسه اي
زين : بتتريقي عليا يا بنت مفتاح
ملك : خلاص بقا احنا في الشارع
زين : لينا بيت يلامنا يا بنت الجزمه.
ملك : أنا رجلي وجعتني ياعم هو الراجل ده ساكن فين
زين : ما وصلنا خلاص هو قاعد في البيت ده
ملك : طب كويس ياله نطلع
زين : بوقك ميتفتحش أنا هسستم الراجل فهمتي
ملك. : فهمت خبط على الباب بقا
باب الشقه اتفتح
الشغاله : مين
زين : لو سمحت حج مجدي هنا
الشغاله: اه موجود اقوله مين
زين : قوليله ناس معاها امانه ليك
الشغاله : لحظه واحده
ملك : خشي طب رجلي وجعتني من الوقفه
زين : أنا قولت اي
ملك : ما انت كل ما تشوف واحده بيضه تتنحنح وأنا مبحبش كده
زين : كلبه حقيقي كلبه
الشغاله : حج مجدي بيقولك اتفضل
ملك : وأنا أن شاء الله أترمي بره
زين : ياريت والله
ملك : لا يا حبيبي رجلي على رجلك
زين : الكوتش أبيض
ملك : أنا اللي بغسل مش انت امشي
الحج مجدي: انتو مين
زين : أنا زين ودي مراتي ملك احنا اللي لقينا الشنطه امبارح بتاعت الفلوس
الحج مجدي: اه اه ربنا يوفقكم يارب أتفضلوا اقعدوا
زين : يزيد فضلك يا حج والله
الحج مجدي: خير يا ابني أومر
زين : امبارح بعد ما رجعنا البيت لقينا الفلوس دي وقعت من الشنطه بتاعت حضرتك عندنا احنا قولنا نيجي لحضرتك تاخد فلوسك
الحج مجدي: ايوه يابني الله يكرمك بس اي الفكه دي كلها وفلوس فضه كمان أنا فلوسي كانت مجمده
زين : معلش يا حج والله احنا بس خدنا منك الف جنيه جبنا شويه حجات والصبح واحنا جايين ليك ركبنا مواصلات والباقي معاك اهو
ملك : وأن شاء الله يا عم مجدي أنا داخله جمعية
زين : هشسش اسكتي ماله هو ومال القصه الحزينه اللي هتحكيها دي
ملك : متزعقليش
زين : لا خلي بالك هديكي مليون قلم
ملك : والله
زين : وحيات امك
حج مجدي: (بيضحك) بس بس انتوا الاتنين أنا لا عايز الف جنيه ولا عايز الفلوس دي خود دول حلاوه ما رجعت فلوسي
زين : يعني دول كده بتوعنا
ملك : بتوعي أنا اللي خدتهم من الشنطه مليش في
زين : يابت اسكتي خدتي اي هتفضحينا
الحج مجدي: يا حبيبي سيبها تتكلم براحتها دي زاي بنتي خد دول كمان
زين : الله يكرمك يا حج دول كتير اوي
الحج مجدي: علشان تبقا اخدت العشره في المئه من الفلوس
ملك : شوفت الحلال بيعمل اي والله كان عايز ينام صحيته بالعافيه
زين : يخربيت امك اسكتي اي الصراحه اللي بقيتي فيها دي
الحج مجدي: (بيضحك) انت شغال اي يا زين
زين : أنا راجل اعمال حره
الحج مجدي: ماشاء الله وبتتاجر في اي
زين : ملابس
الحج : مورد يعني
زين : لا عندي براند عالمي
الحج مجدي: براند اي ده
زين : ها اسمه اااااا اه مفتاحكوا
الحج مجدي: (بيضحك) اي الاسم ده ياابني
ملك : هنلبخ يا أبن حميده
زين : يابنت مفتاح جالك قلب تقولي اسم ابويا كده
ملك : وخلي بالك يا حج مجدي كل كلامه ده كدب احنا عندنا محل ملابس اقسم بالله مبنقعض في احنا الاتنين لو هو دخل أنا بقعد في الشارع ولو أنا دخلت هو يقعد في الشارع علشان المكان ضيق
الحج مجدي: ولو دخل زبون
زين : بنطلع بره أنا وهيا ارتحتي كده ياله نمشي ياله بقولك
الحج مجدي: رايح فين بس
زين : اشوف حالي بقا ياله نهارك سعيد
الحج مجدي: مفيش كرت ليك طب
زين : دا من عيني هاتي كارت يا بومه
ملك : ممعيش لا استنا كان في واحد في الشنطه اه خد اهو
زين: شايله شنطه ليه أصلا وانتي ممعكيش اتنين جنيه
ملك : حطا فيها الاسبلاش بتاعي
زين : اه فعلاً شحاته بس ريحتك حلوه
الحج مجدي: لا انتوا بجد مسخره أنا عمري ما ضحكت كده
زين : ياله كسبنا فيك ثواب
ملك : ياله نمشي
زين : اه ياله بينا سلام يا حج مجدي
الحج مجدي: سلام
