رواية السعادة الفصل الرابع بقلم ليل ادم
بعد النزول من منزل الحج مجدي
زين : فضيحه لو خدتك معايا مكان تاني ابقي تفي على خلقتي
ملك : اه انت كل ما نروح مكان ترجع تقولي كده نفسي مره تكمل حلوه للآخر يعني تعمل الحلو كله والآخر تجيب رمل ترميه
زين : بلا حلو بلا وحش خليتي شكلي وحش قصاد الراجل
ملك : انت زعلان مني بجد
زين : انتي شايفه اي
ملك : لا والله ما بهزر انت بجد زعلت
زين : اه طبعاً يا ملك عيب يعني تخلي شكلي وحش قصاد الراجل
ملك : (مسكت ايد زين ووقفت ) طب تعالي نرجع اقوله اني كدابه وكنت بهزر
زين : يا سلام
ملك : اه والله أنا اعمل اي حاجه بس متزعلش مني
زين : ( بيضحك) اعملك اي بس يا بنت الجزمه مبعرفش ازعل منك تعالي خلينا نمشي
ملك : يعني مش زعلان
زين : ولو زعلان ياسطا ما أولع
ملك : لا بعد الشر عليك يا زين دا انت النص اللي يخص يا قلبي
زين : الله الله بقيتي حته مني و بتتكلمي شبهي أنا فخور بيكي
ملك : لا عيب عليك أنا جامده برضوه
زين : طبعاً جامده كفايه النص اللي يخص ده اوعي خليني افتح
ملك : أفتح ياعم البرند بتاعك
زين : سبحان الله بفتح المحل روحي بتروح كده ونفسي بيضيق وبحس اني عايز أعيط
ملك : ليه بس ما المحل حلو وجميل اهو يا زين
زين : ما حلو اه بس فاضي مفيش في إلا أم طاقمين كل مليكان لبس طقم أنا مش فاهم لو دخل زبون عجبه طقم أقلع المليكان أنا بقا
ملك : مش دي الفكره
زين : أما اي يا فرهوده
ملك : تخيل زبون يدخل يقولك أنا عايز التيشرت ده والبنطلون من على المليكان التاني
زين : مش هبعلوا حاجه هو علشان يلبس يقلع الاتنين
ملك : أطلبلي ياله بقا كوكتيل النهارده الحاله فل اهو و ماشيه و معاك فلوس
زين : كوكتيل مره واحده
ملك : ياسيدي هاته صبح وليل هو أنا قولت لأ
زين : ورب الكعبه ما خسارة فيكي يا بت يا لوكه خد يا محمد
محمد: صباح الفل اجيب الاسطباحه
زين : لا غير بقا هات اتنيل كوكتيل
محمد : نعم
زين : اتنين كوكتيل ياض مالك في اي
محمد : ليه كده يا بطل هو الشاي قالك حاجه
زين : روح يابن الجربوع هات الكوكتيل بدال ما أسحبه منك وأبعت سعد يعمله
محمد : لالالا يعني يوم ما تبقا فيها كوكتيل تبعت سعد وانا اعرفك بقالي تسع سنين مبتشربش فيهم غير شاي وسادة
زين : أبقا هاته بلبن وهات معاك كحك ياض اجري امشي
محمد : بركاتك يا دكتوره
ملك : ربنا يخليك يا محمد
زين : هو صحيح اي حوار دكتوره اللي ماسكهولك الواد ده
ملك : مفيش ياعم كان عنده برد قولتله على اسم علاج من ساعه ما خف وهو دماغه والف جزمه اني دكتوره
زين : قرده من يومك
ملك : قلب القرده اوعا اخد كرسي
زين : لا الجو برد خليكي انتي قاعده جوه المحل أنا هقعد بره
ملك : شوف الحنيه يخربيتك بحبك
زبون: السلام عليكم
زين : وعليكم السلام خدي الكرسي ده أترمي بره الوقتي نشوف أكل عيشنا
ملك : وربنا راجل غبي
الزبون: أنا عديت عليك من اسبوع تقريباً على نفس التيشرت ده قولتلك هاخد لفه وراجع
زين : ينهار اسود بقالك اسبوع بتلف
الزبون : اعمل ياعم ما انت غالي اوي
زين : الله يكرمك والله انت اللي غالي خد وخلي علينا اخويا اللي بيلبس مش حد غريب
الزبون : حبيبي تسلم آخره كام طب
زين : ياعم مش هنختلف ( وحط التيشرت في شنطه ) أمسك
الزبون: ها كام برضوه مقولتيش
زين : ياعم أنا مش هقولك هاخد فلوسك كله أنا هاخد نص مالك
الزبون: (بيضحك ) ياعم كله حلال عليك تحت رجلك
زين : لا ياعم هات ٣٠٠ وربنا يعوض علينا اخويا اللي بيلبس بقولك
الزبون : ياعم انت مش قولت المره اللي فاتت ٢٥٠ جنيه الوقتي تقولي ٣٠٠
زين : ياعم لما انت عارف سعره ليه روحنا وجينا في الكلام هتموت دايخ
الزبون: خد ياعم ٢٣٠ اهم
زين : ياعم يعني انت دفعت ٢٣٠ والعشرين جنيه هيا اللي عملت عجز في بنك النقد الدولي
الزبون: ياعم احنا بتوع بعض
زين : خلاص ياعم ماشي هنلاقيها في حاجه تانيه
ملك : الكوكتيل جه
زين : تعالي ادخلي ما الراجل خرج
ملك : خود
زين : اللي كنت خايف منه حصل
ملك : من اي
زين : المليكان قلع والجو تلج
ملك : ما بقولك اي
زين : قولي
ملك : هات اجيب شبسي
زين : يابت هو انتي مش هتكبري
ملك : ياعم خلاص مش عايزه
زين : لا ياستي على اي شربتي الكوكتيل
ملك : اه
زين : ارمي الكبايه بره قبل ما الواد محمد يرجع يقفش حقهم وتعالي نقفل المحل حلو كده النهارده تعبت شغل
ملك : تعبت اي يا زين احنا مقعدناش نص ساعة
زين : يابت يابخت من زار وخفف أمشي قبل ما الواد يطب علينا دا كوكتيل يخربيت كرشك اللي مضيعني ده
بعد الخروج من المحل
ملك : طب مش احنا معانا فلوس
زين : اه الحمد لله
ملك : تعالي ننزل بورسعيد نجيب شويه لبس تعرضهم
زين : وأنا اللي قولت هتقولي ندفع حق الكوكتيل
ملك : ياعم ما كده كده هتدفعه هو محمد هيسيبك
زين : لا يا حبيبتي دا تمن الاستشاره اللي خدها منك لما كان تعبان
ملك : يخربيتك دا انت رهيب
زين : والله فكره حلوه ممكن ننزل بورسعيد فعلاً
ملك : يابني عيب عليك هو أنا عمري هقولك فكره وحشه
زين : و بالمره بقا هدخلك عند عمك ابو سمره عليه طاجن جمبري يا لهوي يا مستهوي
ملك : هو ده الكلام ياله بينا
زين : الوقتي
ملك : اه على طول كده خلينا ننجز
زين : ياله بينا نروح نركب
بعد الوصول إلى بورسعيد
ملك : الله البلد حلوه اوي
زين : اه يا بنتي دا لسه كمان هخدك على البحر بقا ونشرب القهوه هناك
ملك : لا نجيب الأول الشغل بتاعنا بعدين نعمل اللي انت عايزه
زين : هنمشي بالحاجات اذاي يا هبله
ملك: عادي بقا منا معاك
زين : هو أنا عارف اعمل حاجه في حياتي غير علشان انتي معايا يا لوكه
ملك : ربنا يخليك ليا يا زين عارف احلي حاجه فيك اي
زين : عيوني
ملك : لأ
زين : سناني
ملك : لأ وبطل هزار
زين : خلاص قولي بس طولي في المدح أنا بحب المدح اوي
ملك : لا والله بجد احلي حاجه فيك انك بتتعامل معايا على اني بنتك و صاحبتك و اختك و على طول معاك حاسه اني لسه طفله
زين : لا وربنا ل تشربي حلبسه
ملك : ياض هقع سيب ايدي
زين : يابت اجري الجري نص الجدعنه
ملك : طب أمسك بقا الشنطه دي
زين : اهو
ملك : اجري بقا وحصلني ( وبتضحك وزين بيجري وراها لحد السوق لشراء الملابس)
زين : تعالي بقا جمبي هنا علشان الدنيا زحمه هنا
ملك : الله المحل ده في لبس حلو تعالي
زين : تعالي اهو حته في القريب بدال ما ندخل الزحمه دي كلها
زين : السلام عليكم
صاحب المحل: وعليكم السلام أتفضلوا أتفضلوا
زين : يزيد فضلك يا حج
صاحب المحل: لهجتك كده قهراوي
زين : حصل
صاحب المحل: خير
زين : عايز اخد منك باله مشكله أكل فيها عيش وخليك معايا أنا علشان عينك سارحه شمال ويمين تعالي جمبي هنا يا بنتي
ملك : الله مالك يا زين ايدي وجعتني
صاحب المحل: أنا هعمل معاك فوق فوق الصح لجل البنت اللي معاك
زين : الله يكرمك بس دي مراتي وحد الله في قلبك كده و أقضي معايا من غير ما تشركها في القصه
صاحب المحل: ياعم مالك هو أنا قولتلك حاجه
زين : ياعم ماشي تعالي ننقي يا بنتي
ملك : أنا هاخد الصف ده وانت خليك في الصف ده
زين : ماشي بس خليكي قصاد عيني علشان صاحب المحل ده مش تمام
ملك : على نفسه
زين : وحش ياض ياله روحي
وبدأ فعلاً زين في جانب وملك في جانب آخر كل واحد منهم يختار
صاحب المحل: سيبك من الحاجات دي خليكي في الحاجات اللي جوه سعره قريب ورزقها واسع
ملك : بعد اذنك بس ملكش دعوه
صاحب المحل: ( مسك ايد ملك ) بقولك شوفي بس كده
زين : ( شد ملك وراه ) مش قولتلك عينك السارحه دي مش مريحاني وضرب صاحب المحل قصاد الناس في السوق وبدأ يتلم على زين بعض البائعين
