رواية السعادة الفصل الخامس بقلم ليل ادم
بعد وصول الشرطة
ظابط المباحث: خد هنا كفايه دوشه انت مش شايفني بتكلم
زين (واخد ملك ورا ضهره ووقف يكلم ظابط المباحث) حضرتك أنا مش عامل دوشه أنا جاي اشتري لبس للمحل بتاعي الراجل العره ده شد مراتي من أيديها عايز يدخل بيها مكتبه ينفع
صاحب المحل: كداب دا كان عايز يسرقني
ملك : انت اللي كداب
زين : اسكتي خالص
ملك : (بخوف ) حاضر معلش
زين : مالك في اي متخافيش
ظابط المباحث: هاتوا البطايق
طلع كل واحد منهم البطاقه ملك
ظابط المباحث: يعني انت سايب القاهره وجاي تعمل مشاكل هنا
زين : يا باشا أنا ولا عملت مشاكل ولا غيره الراجل ده عايز يتعدى على مراتي أسيبه
ملك : لأ
زين : روحت مديله
ملك : مش وقته ياعم انت كمان
ظابط المباحث: نتصالح ياعم الحج ولا تحب نروح القسم
صاحب المحل: لا مش هتصالح حتت عيل يمد ايده علينا في بلدنا يا قاسم بيه
ظابط المباحث: خلاص فك يابني الكاميرات دي تعرف أن كان حرامي ولا المعلم اللي غلطان
صاحب المحل: يابيه كاميرات اي انت مكدبني ومصدق حتت عيل هلفوت
زين : سامع طول لسانه يا باشا
ظابط المباحث: يا حج علي نتصالح هنا ولا ناخد الكاميرات ونروح القسم
صاحب المحل: خلاص يا قاسم بيه من أجلك انت بس
قاسم بيه: لا يا حبيبي مفيش حاجه اسمها من اجلي عايز تروح القسم ياله بينا والبوكس وقف
زين : باشا بعد اذنك مراتي مش هتركب بوكس
ظابط المباحث: اسكت انت
صاحب المحل: خلاص مفيش حاجه يا قاسم بيه الموضوع منتهي
ظابط المباحث: تمام كل واحد على شغله يا جدعان هو في اي للزحمه دي
صاحب المحل: ( بصوت واطي ل زين ) وحيات امك ما هحلك
زين : انت هلس ولا تعرف تعمل حاجه (وبيضحك)
ظابط المباحث: اركب انت ومراتك ياله
زين : باشا ليه في اي ما الموضوع أتلم
ظابط المباحث: اركب أطلعك من هنا مش هيسيبك
ملك : ايوه يا زين الظابط معاه حق
ظابط المباحث: الظابط
زين : معلش يا باشا والله متخلفه
ملك : هو أنا قولت اي غلط
زين : أركبي بلا وكسه
بعد الوصول إلى محطه يركب منها زين الي القاهرة
ظابط المباحث: من هنا على بيتكم الراجل ده مش كويس وأنا مش اول مره احضر ليه مشكله زاي كده بس للاسف كل مره اجي يكون ضارب الراجل ومراته اول مره اجي يكون مضروب
زين : شوفتي حتى الحكومه بتشكر في شجاعتي
ظابط المباحث: شكلك متخلف وأنا غلطان اني بتكلم معاكم اركب العربية علشان تمشي
زين : اركبي
ملك : بتزعق ليه طب
زين : (ذق ملك جوه العربية) شكرا يا قاسم بيه معلش تعبت حضرتك معايا اي حاجه في القاهره كلمني بقا إحنا مش غرب عن بعض
قاسم بيه: ماشي يا عم زين توصلوا بالسلامه
بعد طلوع العربية من الموقف
ملك : بس اي ده يا زيونتي مكنتش اعرف انك بروسلي
زين : لا خلي بالك سيبك من الهزار ده كله أنا معاكي مستعد أحرق الأرض واللي ماشي عليها بس محدش يرفع عينه فيكي
ملك : ربنا يخليك ليا يارب يا حبيبي ( وحطت راسها على كتف زين )
زين : (لف دراعه حولين ملك )
السائق: لو سمحت يا جماعه ده ميكروباص مينفعش كده نزل ايدك يا صاحبي
زين : ياعم دي مراتي في اي مالك
واحد من الركاب : لالالا مفيش واحد بيحب مراته بعد الجواز ( وبيضحك)
زين : ليه بس كده يا حج منا بحب مراتي اهو
الراكب : يبقا متجوز من قريب أصبر شويه تقدم وانت مش هطيق قعدتها
ملك : (لسه هتتكلم حط زين ايده علي بوقها )
زين : يابت أسكتي ناخد عين
ملك : اه والله شكله راجل كبير بس عينه مدوره
زين : والله عندك حق يابا بيقولك خمسه وعشرين في المئة نسبه الطلاق تصدق
الراكب : خمسه وعشرين بس
زين : ما في خمسة وعشرين كمان عايزين يطلقوا بس خايفين من الدهب والعفش والقائمة والسجن
الراكب: وفي كمان خمسه وعشرين عايشين علشان الأولاد
زين : كده فاضل عشرين كمان دول بقا خايفين يطلقوا بسبب كلام الناس
الراكب: كده فاضل خمسة
زين : لا دول نصاره معندهمش طلاق ( وبيضحك)
ملك : وانت من انهي خمسه وعشرين يا زين
زين : اللي خايفين يتحبسوا
ملك : طب عدي يومك ها عدي يومك
زين : خلاص في اي بقلق لما تعيدي الجمله كده
ملك : أنا جعانه
زين : وأنا
ملك: هتأكلني اي
زين : لا بقا احنا ننزل نشتري أكل ونرجع البيت
ملك : كان نفسي ناخد معانا اي حاجه للمحل بعد المشوار ده كله
زين : ياستي الحمد لله انها جت على كده بعدين كده كده انا طالع تاني بس لوحدي
ملك : طالع فين
زين: اجيب لبس من السوق اللي كنا في
ملك : لا والله ابدا مفيش مرواح هناك تاني
زين : لا أي بس دا فرق اسعار رهيب يابنتي
ملك : والله لو طلعتك هنا هترجع معاك ملايين لا يعني لأ انت عندي اهم من فلوس العالم كله
زين : لا بقا كده كتير تعالي في حضني بعد اذنك ياسطا معلش (وبيضحك)
بعد الوصول إلى المنزل
ملك : البيت ماشاء الله فاضي على السيراميك
زين : اه والله حاجه توجع القلب قصه حزينه
ملك : لو كانت الست بنت الجزمه دي قد كلامها وكانت أدتني المليون دولار وربنا كنت عملت عمايل
زين : اه كنتي أكلتي بيهم طبعاً
ملك : بكلمك جد والله كنت هغير حياتك
زين : ما انتي غيرتي حياتي يابت يا لوكه وربنا
ملك : بجد يا زين
زين : اه والله بجد يا قلب زين هو أنا كنت أتخيل اني اعيش على البلاط كده إلا لما دخلتي حياتي برجلك الشمال يا عمري
ملك : ولا أتلم
زين : مش عارف ما تيجي تلميني
ملك : لم ايدك ناكل الأول
زين : لا تعالي لميني الأول
ملك : لا نأكل الأول
زين : (رفع ملك على أيده ) لميني الأول وبعدين ناكل
ملك : الاكل هيبرد بقولك
زين : كرش كرش يعني
في اليوم التالي
ملك : ككوتي يا ككوتي
زين : في اي
ملك : باح الخير يا حلوه باح الخير يا جميله
زين: ( قام مندهش لم جسمه في بعضه ) في مصيبه صح حصل اي
ملك : قوم يا قلبي نشوف شغلنا
زين : ماشي بس مالك انتي بتتكلمي كده ليه ومال وشك بيضحك ليه انتي حطالى سم في الاكل صح
ملك : لا طبعاً يا عمري
زين : وربنا ما هاكل انتي عاملالي حاجه
ملك : واد انت هو ولا عاجبك كده ولا كده اعملك اي
زين : لا مش لدرجه باح الخير وباح الفل هو أنا اهبل انتي وربنا عامله مصيبه يا حطه سم في الأكل
