رواية حاقدة الفصل الرابع 4 بقلم ايمان مرسي

ألو أمال أنا عايزاكى ضرورى تتصلى لماما تقوللها إنى هجيلك حاسة إنى مخنوقة 

مالك ياقلبى فى ايه 

مشاكل فى البيت 

ذهبت إلى بيت آمال لاستطع أخذ خصلة من شعرها لأنها فى الجامعة ترتدى الحجاب وعندما رجعت كنت أفكر فى المهمة الأكبر كيف سأحصل على شىء يخص أكرم ؟؟

أكرم تعالى بسرعة عند مبنى الكلية 

فى إيه مالك 

تعالى بس

قطعت ملابسى قطع كبير ووكلمت آمال استنجد بها لتتصرف ودخلت مرحاض الجامعة انتظرهاوتوصلنا لفكرة أن تأتى بجاكت أكرم وهذا من تدبيرى 

مالك فى إيه 

هات الجاكت بتاعك لو سمحت 

أنت عايزة تعيشى جو الرومانسية الفاكس دا طب استنى الدنيا تمطر

تمطر إيه ورومانسية ايه دى أميرة هدومها من فوق انقطعت ولازم ندريها عشان تعرف تخرج من الحمام دى محبوسة بقالها أكتر من ساعة 

بجد طيب هديه مفيش مشكلة 

حصلت على بغيتى بكل ذكاء لكن يجب أن يكون بداخل الجاكت أى شىء يخصه حتى إذا كان منديل ورقى ولو لم أجد سأخترع حيلة أخرى أخذت منها الجاكت واستئذنت قبل أن يتذكر أى شىء بداخله وذهبت إلى منزلى لافتش فيه لكن للأسف لم أجد شىء أبدا

عاصفة من الأفكار راودتنى كلها لاتصلح يجب أن أحصل على ما أريد قبل يوم الخميس موعدى معه واليوم الثلاثاء تبقى يومان لا أريد أن أظهر أمامه إنى عجزت عن فعل هذا الشىء البسيط ،الجاكت معى لكن بالتأكيد سيسأل عنه ولن أجد حجة لاختفائه ماذا أفعل ،قررت أخيرا أن أذهب اليوم بدلا من الخميس ليفعل ما يريده من الجاكت ويعطينى أياه ربما تنجح هذه المحاولة ،لكن يوجد مشكلة الآن الساعة العاشرةوأمى لن تتركنى أخرج إلا فى حالة واحدة وهى الموت ماذا أفعل كيف اتصرف ؟؟

ماما أنت لسة صاحية 

أه مستنية أبوكى يتصل أصله هيبات فى الشغل وعايزة أطمن عليه ومتصلش ومحرج عليا أكلمه عشان مشغول 

طيب أنا عندى صداع جامد أووى هنزل الصيدلية اللى تحت البيت أجيب برشام 

لا طبعا ابعتى خالد

يا ماما خالد صغير وممكن الصيدلى ميدهوش برشام كمان والدنيا ليل 

خلاص خلاص انزلى بي خديه معاكى 

حاضر 

خالد أخى الصغير عنده خمس سنوات أعتقد إنه أمه لأنى من ربيته ماما لم تتدخل فى تربيته إلا إذا أرادات السيطرة واعطاء الأوامر هو يحبنى جداا أعطيته نقود ليشترى حلوى ودخلت أنا الصيدلية مسرعة واشتريت المنوم 

ممكن اعرف المنوم دا ينفع لطفل خمس سنين 

لا طبعا أنا فاكرك واخداه لحد كبير 

أه لماما بس أخويا مغلبنا فى النوم فعايزة تجربه

لا أوعى تعملى كدا أبدااا دا خطر عليه ولو مش دلوقتي على المدى البعيد يقصر عليه

شكرا أكيد مش هدهوله خلاص

صعدت إلى منزلى أنا وخالد 

مين قالك تجبيله حلويات 

هو شبط ياماما 

يعنى روحتى معاه ولا سبتيه يروح يشترى لوحده

لا روحت مش كدا يا لولو 

اه ياماما مش سبتنى

دلفت إلى المطبخ قائلة لأمى فى غير مبالاة حتى لا تشك 

أعملك حاجة تشربيها معايا

ياريت لو كوباية شاى كدا تفوقنى لغاية ما بابا يتصل 

من عنيا 

أمى نامت وبقى خالد معى فى الغرفة لا يريد النوم  يجب أن أفعل أى شىء لينام الوقت يمر سأعطيه نصف قرص المنوم لن يفعل شىء من مرة واحدة كما قال الصيدلى ..نعم نعم مرة واحدة لا تضر وبالفعل أذبته فى العصير وشربه واتجهت أنا مباشرة إلى الدكتور ..وكانت المفاجأة عظيمة 

أزاى مفيش دكتور هنا أنا متأكدة

يابنتى الله يرضى عنك الدنيا ليل أمشى أحسن أطلبلك البوليس دكتور نفسى إيه بس هى ناقصة جنان 

كان هذا كلام البواب الغريب أنى فى المرة السابقة لم يكن هناك بواب لكن هذا هو العنوان وهى نفس العمارة أنا لست مجنونة بالتأكيد