رواية حاقدة الفصل الخامس
طب بص ياحج أنا زى بنتك اطلع معايا أتأكد بنفسى
وأنا اضمن منين إن اسيب العمارة من هنا واطلع معاك ويدخل حرامى انت بتعملى عليا فيلم يابت انت
لا والله ولا فيلم ولا حاجه طب ابعت معايا حد وخليك انت
كلام معقول
تعالى يا رامى يابنى اطلع معاها لما نشوف أخرتها
صعدت إلى الشقة هو نفس الباب لكن هذه المرة مغلق ومكتوب عليه المهندس حاتم السيد
طرقته على استحياء فتحت لى امرأة بدينة نظرت إلى بحدة ووجهت كلامها إلى رامى
مين دى يا رامى
أنا جاية اسئل عند دكتور أمراض نفسية اسمه أسامة عبد الخالق
إيه يا رامى هو أبوك كبر وخرف ومش عارف يحرس العمارة من الاشكال دى ولا إيه
أصل ..لم تعطيه فرصة ليتكلم وأغلقت الباب بعنف
لو أبويا عرف انى سبتك تخبطى على الناس فى ساعة زى دى مش هيحصل كويس عجبك كدا
أنا أسفة بس...
هو أنت مريضة نفسية يعنى ولا مالك
لا لا أنا تمام جدا بس
أنت لسة هتبسبسى هو أنت مفيش حد من أهلك بيسأل عنك الساعة واحدة بعد نص الليل
لا أصل...أبويا وأمر ماتوا ومليش حد عن اذنك بقا
لا أعرف لماذا أخترعت هذه الكذبة الحمقاء
عن اذنك ايه انت زى اختى أنا هوصلك
لا مينفعش شكرا
ماشى بس ربنا يسترها معاك بقا الدنيا ليل
هو ممكن يحصل حاجه
الله اعلم
طيب وصلنى لمكان ما هركب وأمشى على طول
ماشى بس اسبقينى على أول الشارع عشان أبويا ممكن يقتلنى فيها
أوصلنى رامى وكانت فى عينيه نظرة لم أراها من قبل ظل معى إلى أن أطمئن على لا أعرف لماذا ؟؟لكنه كان ودود جدا معى أحسست نحوه بأنجذاب شديد لكن كان يشغلنى شىء أخر ما حدث معى كيف لم أجد الطبيب أو الساحر ؟؟ أين ذهب وبالطبع أول شىء فعلته عند عودتى إنى أرسلت له رسالة
ممكن أعرف ازاى اروح العنوان مافيش العيادة سخرتها هى كمان
قرأ الرسالة ولم يرد
بعد خمس دقائق أرسل إلى رابط فتحته وكانت المفاجأة
أنا فين
فى العيادة
إيه اللى بيحصل أنا ازاى جيت عندك وازز..أنااا
هشش أنت أولى تجيلى من غير معاد أزاى طوعتك نفسك تعملى كدا
أنااا ..أنااا كنت
بصى يا أميرة أنا مبهزرش أنت دلوقتى تحت سبطرتى وأنا قلبتى وحشة تنفذى اللى بقوله بالحرف لا تزودى ولا تنقصى أنا مش دجال ولا مشعوذ من بتوع البخور والدخان والجن والعفاريت ولا لابسلك جلبيةولا بقرالك الكف أنا أقدر أدخل جوة دماغك أعرف فيها إيه فبلاش تلعبى بالنار أنت اخترتى طريق كملى للآخر
هو أنا غلطت فى إيه بس
غلطتى
غلطة كبيرة غلطة صغيرة اسمها غلطة
وفجأة ....
