رواية السعادة الفصل السادس بقلم ليل ادم
ملك : بقولك اي صحيح لقيت دي هنا في الصاله
زين: اي دي
ملك : فلاشه
زين : منا عارف بس بتعمل اي هنا دي مش بتاعتي
ملك : ولا بتاعتي اكيد يعني
زين : ( حط ايده علي رقبه ملك ) بت الفلاشه دي جات هنا منين أنطقي
ملك : والله ما خدت باللي منها إلا بالصدفة
زين : ايوه أحكي علشان أفهم
ملك : خدت من جيبك شويه فكه صغننين
زين : يخربيت امك وبعدين
ملك : مفيش بحط الفلوس في شنطتي لقيت فيها حاجه ناشفه بشوف اي ده لقيتها الفلاشه دي
زين : الله طب جت منين دي
ملك : بيت الزواحف بتاعنا ده مفيش في اي حاجه نشوف الفلاشه دي عليها أي واحنا نفهم
زين : خلاص أنا هشوف الموضوع ده
ملك :ماشي
زين : فين الفلوس اللي خدتيها من جيبي
ملك : باح الفل
زين : باح الزفت هاتي فلوسي
ملك : خد دا انت راجل بخيل
زين: وانتي وليه حراميه
ملك: كده يا زين أنا حراميه
زين : بس حراميه حلوه كده وحتت قشطه في نفسك
ملك : المهم افطر بقا علشان النهارده عايزه نروح ل بابا علشان كان تعبان امبارح
زين : خلاص أسبقيني على هناك عبال ما أفتح ساعتين كده واجي يكون ابوكي صحي من النوم
ملك : اي ده هتروح لوحدك
زين : مش انتي رايحه عند بابا بتقولي
ملك : اه
زين : خلاص بدال ما نقفل المحل اليوم كله
ملك : خلاص بس اوعا تشرب كوكتيل من غيري
زين : لا طبعا مقدرش
ملك : انت رايح فين أفطر كويس الأول يا حبيبي
زين : الحمد لله تمام اوي كده هاتي بوسه وانتي حلوه كده على الصبح
ملك : باح الخير باح الفل
زين : خلاص خلاص مش عايز
ملك : نفسي افهم باح الخير بتضايقك في اي
زين: بحس أنها كمين
ملك : واحد يقول ل مراته كمين
زين : سلام يابت
ملك : سلام
زين : سلام
بعد الوصول إلى المحل
القهوجي: ينفع النصب ده ياعم زين
زين : هو أنا جيت جمبك على الصبح ولا هو رمي جتت
القهوجي: اتنين كوكتيل اي انت بتنسا بسرعه
زين : خلاص ياعم روح هات شاي وتعالي اخر النهار خد حسابك
القهوجي: اه أجي آخر النهار تكون قفلت صح وبكره يجيب بكره وعلى كده لحد ما الفلوس تموت
زين : ألهي تولع يا بعيد لحقت تحفظ الخطه
القهوجي: سبع سنين بتعمل فيا نفس الحركه وزعلان اني خدت باللي دا انا لو حسبتك بالورقه والقلم هخد منك المحل ده
زين: عينك على المحل علشان كده مفيش لا حد داخل ولا خارج ياللي تتشل المهم
القهوجي: مفيش اهم من ٦٠ جنيه اللي عندك يا عم زين
زين : أتنيل أهم امسك
القهوجي: دي عشرين جنيه فين الباقي
زين : لا منا مش نازل على الصبح من بيتي معايا ٦٠ جنيه أنا لو معايا المبلغ ده مكنتش نزلت نهارك أزرق ياعم
القهوجي: ماشي بس تعترف انك عليك فلوس
زين : أقر و أعترف ياعم أخلص بقا واسمع عايز منك اي قبل ما أنسا
القهوجي: عايز اي يا عم زين
زين : عايز اللاب بتاعك ربع ساعة
القهوجي: أشمعنا
زين : معايا فلاشه عليها شغل عايز اتفرج عليه قبل ما ادفع فلوسه
القهوجي: خلاص ماشي تعالي خدو
زين: تعالي ياعم
في جانب آخر
ملك : ألف سلامه عليك يا حبيبي
الأب: الله يسلمك عامله اي وزين عامل اي يا حبيبتي
ملك : الحمد لله تمام والله يا حبيبي
الأب: يعني لو مكنتش اتصل بيكي ولا تسألي
ملك : مقدرش دا انت حته من قلبي ياعم مفتاح
الأب: زين فينه
ملك : زمانه جاي
الأب: وعامل معاكي اي
ملك : الحمد لله والله يا بابا زين ده ربنا كرمني بي
الأب: مع اني كنت قلقان منه لأنه بيهزر كتير بس خيب كل توقعاتي هتلاقي فلوس تحت مخدتي هتيها وتعالي
ملك : حاضر
في جانب آخر
القهوجي: شغال اهو لو حصله حاجه انت حر
زين : بس يا فقر وسع كده وسع
زين : ( دخل المحل ) أفتح ياعم للاب خلينا نشوف الفلاشه دي عليها أي وبتاعت مين علشان اعرف بنت الجزمه دي خديتها من مين
في جانب آخر
ملك : خد يابابا
الأب: أمسكي الفلوس دي خليها معايا
ملك : ليه كده يابابا هو أنا طلبت حاجه من حضرتك ولا شكلي يقطع القلب ولا اي(وبتضحك)
الأب: متوجعيش قلبي خدي الفلوس دي قبل ما زين يجي ويعمل شبوره
ملك : معلش يا حبيبي علشان خاطري متزعلش مني بس أنا عارفة أن زين هيزعل اوي لو خدت الفلوس دي علشان خاطري بلاش
الأب: هو هيعرف منين يا هبله ولا أنا هقوله ولا انتي تقوليله
ملك : لا يا بابا أنا مش بحب كده ولا حضرتك ربتنا على كده أنا مقدرش اغلط في غياب زين عارف لو موجود أنا ممكن اعمل اي حاجه أن شالله حتي أمد ايدي أخدهم بس طالما زين مش هنا مينفعش اعمل اي حاجه هو بيكرهه أو بيزعل منها وبصراحه يعني ربنا يبارك فيه مش مخليني محتاجه اي حاجه لو طلبت نجمه من السماء هيطلع يجيبها والله يا بابا
الأب: ربنا يبارك فيه ويفضل حنين عليكي كده أنا حبيت زين لجل كلامك عليه أنا اللي يحب ابني أحبه واللي يكره ابني أكرهه
ملك : ربنا يخليك ليا يا حبيبي
الأب : عملتي اي في العفش اللي أتسرق ده
ملك : اهو هنبتدي نشتري من الأول
الأب: لا والله
ملك : اه والله
الأب: ربنا يرزقكم يارب طب مش محتاجه اي حاجه
ملك : ربنا يخليك لينا يا حبيبي
الأب: بقولك اي بما انك هنا لوحدك قبل ما جوزك يجي افتحي الدولاب هتلاقي ورق كتير هاتيه
ملك : الورق ده
الأب: ايوه هاتيه
ملك : اتفضل
الأب: اتفضلي يا ستي
ملك : اي دي
الأب: الورقه بتاعت القايمه اللي ماضي عليها زين طالما الحاجة أنسرقت يبقا خلاص خليها عندك
ملك : بس زين مطلبهاش
الأب: جائز يكون مكسوف خليها معاكي طلبها أديهاله
ملك : حاضر يا حبيبي اللي تشوفه
باب الشقه بيخبط
ملك : اهو زين وصل ثانيه افتح الباب وراجعه
