رواية حاقدة الفصل السادس
وفجأة وجدت نفسى فى حجرتى كما كنت وأمامى اللاب توب سرت قشعريرة فى جسدى وأول مرة أحس بالضعف كنت اعتقد أنى سأكون قوية وسأسيطر عليهم ولكنى أوقعت نفسى فى فخ ولا أفهم ما أنا فيه ..
أميرة أنت مروحتيش الكلية
لا يا ماما تعبانة
هو انا نمت ازاى امبارح
نمت على الكنبة من التعب
طب أخوكى راح الحضانة
لا
أزاى ميرحش انت بتعوديه على الفشل كدا ماصدقنا يتعود عليها ايه الاستهتار دا
خلاص بقا ياماما أنا تعبانة
لم أذهب للجامعة اليوم ولن أذهب غدا إلى أن أعرف حقيقة ماأنا فيه
مر يومان ولم أنم إلا ساعات معدودة ،جاء يوم الخميس أخيرااا وانتظرت رسالته لتأكيد الموعد وجاء التأكيد ،كان يجب أن أخرج فعلت ما فعلته من قبل ووضعت المنوم لأمى وخالد سأذهب وأنهى كل شىء اليوم
أهلا أميرة خمس دقايق وتدخلى
ممكن سؤال ؟؟
ممنوع
ايه اللى ممنوع
الأسئلة
طيب ..
أنسة اتفضلى انتظرى دورك
دخلت عليه وكان بنفس الهدوء
أهلا ميرا ها جبتى المطلوب
أه بس عندى سؤال ...
هو اللى حصل دا تفسيره أيه؟؟
أنت لسة زعلانة بقا عشان اتعصبت عليك
أنا مش زعلانة ولا حاجه أنا عايزة أفهم أزاى بتقدر تشيل كل حاجة من العيادة وبتكون بيت عادى وكمان محدش يعرف عن العيادة حاجة وأدينى جيت لنفس العمارة انهاردة ولقيتك وكل شىء طبيعى ومفيش البواب ولا ابنه اللى قبلنى أرجوك ريحنى
هو ينفع يعنى يا ميرا حد يزور حد من غير معاد يعنى أنا أجلكم فجأة كدا البيت من غير معاد !! أكيد ميصحش يعنى
إيه اللى بتقوله دا أنا بت....
خلينا فى المهم جبتى المطلوب
أه لكن مش هينفع أسيب الجاكت هنا لازم أرجعه
نظر إلى ولم يرد وبعد ثوانى مد يده وأخذ الجاكت وخصلة الشعر ودخل حجرة صغيرة ملحقة بحجرة الكشف ثم خرج إلى بعد نصف ساعة معه الجاكت أعطانى إياه قائلا
بكرة هتلاقى طلبك اتنفذ وتجيلى بعد يومين
كمان فى حاجة كنت هنساها إيه هى خدى الورقة دى اكتبيلى أكونت صحبتك وأكونت حبيبها
ليه
هاااا من غير اسئلة
خرجت من عنده وأدركت أنه لامفر يجب أن أدفع الثمن لكن ما هو لا أعرف هل سيطلب نقود أم شىء آخر؟!
عدت إلى منزلى وأنا سعيدة جداا رغم الرعب الذى عايشته لكنى يجب أن أفرح ولن تكون هذه إلا بداية سأطلب منه كل شىء أريده .. وصدق وعده فى اليوم التالى كلمتنى آمال باكية
أميرة أنا وأكرم اتخانقنا وسبنا بعض
ليه إيه اللى حصل
قالى كلام مينفعش يتقال
يعنى قال إيه فهمينى
قالى مستحيل أجوز واحدة زيك واعتبرى أن اللى قولته محصلش
إزاى دا يا بنتى أكيد لحظة زعل
لا مش للحظة زعل ولا حاجة
خلاص أنا هكلمه
لا خلاص أنا مش عايزاه
بس نفهم
أنا مخنوقة ممكن تجيلى
كلمى ماما أحكلها اللى حصل عشان توافق
هكلمها
انتصرت !
القوة الحقيقية فى السحر ستجعلك تفعل ما تريد
بعد يومين ذهبت إلى موعدى لأعرف ما الخطوة القادمة دخلت عليه والسعادة تملئنى الله يحبنى جداا لأنى عرفت الطريق إليه
أهلا أميرة
أنت بجد عندك قوة غير طبيعية من يوم وليلة قدرت تغير كل حاجة
خليكى معايا هتكسبى
طيب إيه المطلوب منى بعد كدا
بصى يا ميرا أحنا نفذنا طبعا اللى طلبتيه يبقى أنت كمان هتنفذى لينا طلب
إيه هو
دم
مش فاهمة
حاجة بسيطة أحنا عايزين دم بشرى لطفل خمس سنين
يعنى إيه بردو يعنى أسحب دم من طفل خمس سنين
حلوة تسحبى دم دى
عايزين دم بشرى لجثة طفل يا ميرا بس يكون طازة
لا أنت بتقول إيه أنا هبلغ عنكم
تبلغى عن مين بقا والبوليس هييجى فين ؟؟
أنت أكتر واحدة عارفة أنه هييجى يلاقى شقة المهندس ولا إيه وهتطلعى مجنونة وبتخرفى
أنت عايزنى أقتل ؟!! فى مقابل أنك فرقت بين صحبتى وحبيبها أنا لو كنت روحت لاأى دجال كان عمل كدا وخد فلوس وخلصت
نصيبك وقعك فى سكتنا بقا معلش
أنا لا يمكن أعمل كدا
لا هتعملى كدا
ولازم دا يحصل فى أول يوم من الشهر العربى
أنا ممكن أديك فلوس
كام بقا مليون مثلا
نعم!!
