رواية حاقدة الفصل السابع
أنت بنت غلبانة أخرك تدفعيلى الف الفين تلاتة أنت وأخذ نفسا طويلا مكملا أنت عارفة أنا أقل زبون عندى بيدفع كام ؟؟ بلاش أنت عارفة أنا زباينى يبقوا مين؟؟ كل اللى فوق فوق أووى فوق ما تتصورى عارفة أنت الناس اللى بيلبسوا بدل ووراهم بوديجاردات والسيجار فى أيدهم وبيتنكوا ويدوسوا على خلق الله دول بقا بييجوا لغاية عندى وبيبقوا زى الكلاب بيتمسحوا فيا
مش أنت قولتلى قبل كدا أنك ملكش فى الجن والعفاريت وأنك مش دجال أمال ازاى بقا مانت بتعمل شغل دجالين أهو ودم وسحر
الشيطان ..شيطان العصر الحديث هو العلم ،الجن اللى يقدر يحرك الناس زى ماهو عايز هو العلم
علم إيه اللى محتجله دم بشرى
لا الدم البشرى دا سبوبة كدا اتطلبت منى لراجل من الكبار وأنا أخترتك تجبيلى الطفل دا عشان أكمن أخوك فى نفس السن وكمان بصراحة مليش فى الدم فهمتى بقا اخترتك ليه
أخويااا!! أنت مجنون أنا مقدرش أعمل كدا
مش لازم هو حد من صحابه ،الجيران أى طفل أنت حرة
ولو منفذتش اللى بتقوله هتعمل إيه يعنى
جربى وأنت تعرفى
أنا مش موافقة ولو على رقبتى
خلاص المقابلة أنتهت بس متزعليش منى....
انفعلت عليه وخرجت ولم أجد أى شخص بالخارج هذه فرصة جيدة لأصور المكان بالخارج يجب أن أفهم ما أنا فيه ومن هذا الشخص صورت غرفة الاستقبال دخلت المطبخ والحمام وصورتهم صورت السلم والباب واليافطة حتى باب العمارة صورته لأثبت على الأقل لنفسى إنى لست مجنونة
اعتذر عن التأخير
بعد عودتى من عنده نمت كما لو لم أنم من قبل...
نويت طوى هذه الصفحة من حياتى ،قررت أن أتصل بآمال لأخرج معها كان عندى شعور بالندم سرعا ما انتهى وتملكنى شعور آخر عندما رأيتها أمامى ،آمال جميلة أنيقة لم يتغير شىء فيها لا يوجد على وجهها أى لمحة حزن لم تبهت كما توقعت أو ظهر السواد تحت عينيها من السهر لا شىء هى بخير وأنا أوقعت نفسى فى فخ ...
آمال أنت كويسة ياروحى
أه جداا يمكن أكتر من الاول
طب الحمدلله بس أكيد فى سر
ولا سر ولا حاجة هو إيمان بقضاء ربنا والنصيب
بعد مرور أكثر من شهر جائتنى رسالة على موبايل من رقم مجهول أنت اللى قتلتى آمال وعندى الأدلة الكافية
قتلت؟؟
أنا أقتل مستحيل ،أصدق أى شىء إلا إنى أقتل ومن قال أن آمال قتلت قيدت الحادثة انتحار
فلاش باك
بعد أن رأيت آمال بهذا الشكل زال من عندى كل أحساس بالوجع أو الندم هى بخير وأنا لم أذهب إلى هذا المكان مرة أخرى وقررت البعد فترة من الوقت عن آمال وعن بعض الناس المقربين إلى أن انعزلت عن العالم لم يكن ندما ولكن كنت أحقر مما أتصور كنت أرغب فى أن أكون أنا الساحرة لا يسيطر على أحد ولا يتحكم فى أحد أشتريت كتب عن السحر والجن والأعمال قمت بكل شىء ممكن أن تتخيله كنت أذبح قطط لاستعمل دمها فى اتصالى بالعالم الآخر دخلت القبر ونبشت جثث الموتى جربت أشياء كثيرة ولم أفلح فى الأمر وفى يوم ما أتصلت والدة آمال منهارة لتخبرنى أنها ماتت منتحرةبالطبع كان السبب معروف لدى الجميع لقد عاشت طبيعية أمام الجميع وفى قلبها نار إلى أن قررت الانتحار وجدتها أمها فى الحمام قد قطعت شرايين يدها ونزفت حتى الموت
بالتأكيد الساحر هو من أرسل هذه الرسالة يقصد أنى السبب لأنى فرقت بينها وبين أكرم لكن هذه التهمة لن تأخذ بها المحكمة فيفعل ما يشاء لن أقتل طفل صغير مهما حدث
بعدها بيومين أرسل صورة بها آمال وأنا بجوارها وهى تنزف كيف ؟؟؟ أنا لم أقتلها ،انهرت من البكاء على نفسى هذه الصورة دليل قوى على إنى قتلتها لكن أنا متأكدة إنى لم أقتلها
بعدها بعشر دقائق أرسل إلى
مش قولتلك إنك هتندمى أنا طبعا ممكن أمسح الصورة من عندى لكن تنفذى أوامرى غير كدا هتشوفى كل اللى حواليكى بيموت بإيدك
تم أعطائى موعد أخر وذهبت إليه وأنا لا أعرف ما الذى ينتظرنى
أنا عايزة أعرف أنا إللى قتلت آمال ؟؟
أيوة طبعا
أزاى دا حصل
مش قولتلك إنى متحكم فيك
بتتحكم فيا أزاى
مش موضوعنا دلوقتى أنا عندى مهمة جديدة لازم تخلص هتدخلى تربة مع راجل كبير فى السن وفى المركز كمان هيحط عمل فى الجثة أنت هتبقى مرافقة ليه بس دا كل دورك متهيألى مفيش أسهل من كدا
مرافقة وعمل !!
أصله قلبه ضعيف بيخاف
وبالنسبة للعلم
الناس الكبيرة مبتقتنعش غير بكدا لازم يترعبوا عشان يحسوا إنى عظيم
هو أنت مين بالضبط؟؟
أنا الساحر
يعنى بتاع أعمال ولا علم
وهيفرق معاك
أه
علم ،عندى قوة بقدر أخلى اللى ادامى تحت سيطرتى
قوة إيه
ملكيش إنك تفهمى أنت تنفذى وبس
بدأت حياتى طور جديد كنت أفعل كل ما يؤمرنى به ،حاولت أن أفهم ما يفعله لكنه دائما كان حريص ودقيق لا يجعلنى أعرف عنه شىء كنت وقتها قد نسيت الصور التى صورتها فى عيادته إلى أن حدث ما كنت أظنه لن يحدث
خالد أخى بدأ يتوه طول الوقت يريد النوم دايخ ومهزوز كنت الوحيدة التى تعرف السبب كنت أحاول منع أمى بأن تأخذه للطبيب خوفا من أكتشاف أمرى فأنا أصبحت ملزمة بالخروج كل يوم لا استطيع الفرار مللت ما أفعله واستحقرته لكن حياتى أصبحت الثمن إن رفضت أى من طلباته
طمنى يا دكتور ابنى فى إيه
ضربات قلبه سريعة جدا ومش لاقى سبب واضح
يعنى إيه مفيش سبب واضح
يعنى التحاليل ورسم القلب مش مبين سبب
طب والحل أنا حاسة ابنى متغير
هكتبله على علاج وإن شاء الله خير
لم يعرف أحد حتى الآن ما أفعله وإنى السبب فيما يحدث لخالد قلبى يؤلمنى عليه ،قررت أن أتوقف من أعطاءه المنوم لعله يعود كما كان ولكن كل يوم يمر أحتاج أن أخرج يجعلنى أتراجع عن هذا القرار ،بدأت أمى تشك فيما يحدث بعد أن لاحظت نومها الكثير هى أيضا..كنت أضع المنوم فى الأكل الذى تصنعه بنفسها حتى لا تعرف لكن نظراتها لى أكدت إنها تعرف ما أفعله أصبحت مجرمة أخى يضيع أمام عينى استعابه لكل شىء قل ،أبى كما هو لا يشعر بنا أحسست إنه سعيد جدا بموضوع نوم أمى الدائم الذى أراحه من الاسئله والاتصال للأطمئنان عليه بيتنا ينهار بالتأكيد لم أعد أهتم بدراستى ولا أذاكر قررت أن أنتحر لأتخلص مما أنا فيه دخلت حجرتى لأفعل مثلما فعلت آمال وفجأة سمعت صريخ
ماما فى إيه
أخوكى بيموت ألحقينى
