رواية السعادة الفصل الاول بقلم ليل ادم
زين : ماشاء الله عليكي يا ملك سنه جواز اقسم بالله كرهت صنف الحريم كله
ملك : دا انت حفيت علشان تتجوزني
زين : كنت حمار وجحش هو في واحد عاقل يعمل في نفسه كده
ملك : خلاص يا اخويا نطلق
زين : قولي ل ابوكي يفكه من النفقه والعفش والكركيب اللي مصمم ياخد مني مليون جنيه بسببهم مليون جنيه يا شويه صيع يا حراميه ليه كنتي جايبه اي علشان تكتبوا عليا مليون جنيه دا انا لو خدتك عند بتوع أعضاء مش هاخد علي اعضائك مليون جنيه يابنت الجزمه
ملك : أن شالله انت وتقطعني ليه يا حبيبي انا لسه صغيره
زين : حبك برص يا حتت جله شايله جله دا أكل يرضى مين ياناس اتجوز واحده متعرفش تسلق بيضه
ملك : ماله الأكل ما حلو اهو
زين : طبعاً حلو رد متوقع منك هو انتي بتعرفي تسطتعمي حتا
باب الشقه بيخبط
زين : وسعي اقوم افتح كتك وكسه
ملك : روح يارب يطلع حرامي يضربك بحاجة على دماغك خلينا نخلص
زين : برطمي برطمي
ملك : أن كان عاجبك
زين : لا بقا وديني منا سايبك
ملك : ( بتجري من زين وزين عمال يجري وراها في الشقه )
باب الشقه بيخبط
ملك : اهدا الباب عمال يخبط
زين : غوري روحي افتحي
ملك : انت الراجل افتح انت
زين : وانتي اي أن شاء الله ست
ملك : وست الستات كمان يا حبيبي
زين : حبك برص اهدا ياعم ياللي على الباب مستعجل على اي كنت داخل متحف اللوفر ( وبيفتح الباب)
المندوبه : مساء الخير
زين : مساء الورد مين
المندوبه : أنا اميره
زين : طبعاً اميره أما بومه شبه اللي جوه دي
المندوبة: نعم
ملك : مين اللي وقفه معاك دي اوعا أما اشوف
المندوبة: حضرتك استاذه ملك مفتاح عبد اللطيف مفتاح
ملك : اه اه خلاص لازم الإسم كامل
زين : (بيضحك) مش مصدقه أنها ملك مفتاح خدي أبوها جربيه في اي باب لو فتح يبقا هيا مفتحش يبقا مش هيا
ملك : سم
المندوبة: مبروك حضرتك كسبتي جائزه في اليانصيب
زين : يانصيب مين
ملك : مش فاهمه حاجه
المندوبة: ممكن ادخل طب تفهموا جوه
زين : اتفضلي وسعي كده من فوق كتافي عايز افهم
ملك : هتوقعني حاسب
المندوبة: حضرتك اشتركتي في لعبه على الانترنت من أربع شهور
ملك : اللي هيا اي علشان أنا مشتركه في كذا لعبه
زين : وأنا أقول النت كل اسبوع يخلص ليه يابنت مفتاح
المندوبة: استني بس لحظه ( وفتحت التليفون) مش دا ايميل حضرتك
زين : هيا بنت مفتاح
ملك: اه أنا
المندوبة: تمام حضرتك كسبتي معانا مليون دولار
زين : ياروح قلبي
ملك : الوقتي روح قلبك دا انا هعلمك الأدب بس اصبر نفهم
المندوبة: حضرتك تقدري تيجي معايا السفارة تستلمي فلوسك
زين : امتا
ملك : وانت مالك انت
المندوبة: وبعدين وجعتوا قلبي
ملك : امتا طب
المندوبة: حالا قومي العربية جاهزة تحت
زين : لحظه وهكون لبس
ملك : منا بقالي ساعه بقولك انزل هات عيش
زين : هجبلك فرن عيش ياوش الخير انت
ملك : وسع كده مش عارفه أطلع لبس
زين : خلاص خليكي اروح أنا بدالك
ملك : ليه كنت انشليت أنا
زين : بعد الشر عليكي يا قلبي ياله انا لبست هخرج اقعد مع المندوبه لحد ما تنجزي
ملك : لا استنا بس أنا البس ونخرج سوا
زين :: يا سلام دا عيني أنا قاعد اهو البسي براحتك خالص
ملك : تفتكر نعمل اي بالفلوس دي كلها
زين : أول حاجه نشتري شقه حلوه كده من بتاعت الناس المرتاحه وبعد كده
ملك : بعد كده هو لسه في بعد كده انت مش كنت هتموت ونطلق الوقتي ماشاء الله الحماس قتلك
زين : أنا قولت كده
ملك : اه وربنا
زين : دا شطان يا لوكه انتي تصدقي اني اقول عليكي كده
ملك : يا راجل دا انت من ربع ساعة كنت كاره الصنف كله بسببي
زين : طبعاً علشان الصنف كله مفيش في واحده تشبهك
ملك : اه صدقتك أنا كده سبني ألبس علشان نطلع للست اللي بره دي
زين : بقالك ساعه انجزي من أولها الغرور هيخدك يا فنانه
ملك : خلاص أتهد كفايه تريقه أنا جاهزه
زين : بقالها ساعه قصاد المرايا والآخر شكلها يسد النفس كتك البلاء و البلا
ملك : انت قولت اي
زين : بقول بسم الله ماشاء الله حتت قمر ياله بينا يابنت الحج مفتاح
ملك : ولا ابويا لأ
زين : بلا بويا بلا معجون امشي ( و بيفتح باب الغرفه لقي الشقه على الأرض وكل حاجه في الشقه مسروقه )
زين : اي ده
ملك : ينهار اسود العفش فين
زين : انتي عملتي الفيلم ده كله علشان تسرقي العفش وتحبسيني يابنت مفتاح
ملك: ( بتصوت)
زين : وربنا ل أطلقك انتي فقر من يومك أتصلي على أبوكي
ملك : ابويا ليه انا مش عايزه من خلقتك ياله على المأذون ياللي تتشك
زين : ياله ياللي تنشلي
ملك : اقفل باب الشقه
زين : هيا بقا فيها حاجه يابنت الجزمه
ملك : اوضه النوم تتسرق يا موكوس
زين : اه صحيح ادي الباب امشي قدامي كتك الارف
بعد الوصول إلى المأذون
المأذون : لا إله إلا الله مش هنخلص من الاتنين دول
زين : لالالا ياشيخ محمد خلصني أنا اللي بقولك خلص المرادي مفيش رجوع
المأذون : وانتي يابنتي
ملك : لو انا فعلاً بنتك فكني من المجنون ده
المأذون : خلاص ماشي أرمي عليها اليمين وخلصوني
زين : ارمي ياعم هو أنا هتهدد
ملك : ارمي ارمي ما انت عمرك ما حبتني أصلا
زين : أنا
ملك : اه
زين : وربنا ابدا انتي عارفه أنا بحبك بس بتكدبي
ملك : علشان كده جاي تطلقني
زين : أطلق اي بس يا ملك هو أنا أعرف اعيش من غيرك ما انتي عارفه
ملك : والله يا زين ولا أنا أقدر أعيش من غيرك حقك عليا يا حبيبي
زين : متعيطيش بقا بضايق لما تعيطي
المأذون : ياجماعه لما انتوا كده كل اسبوع تيجوا تتصلحوا عندي ليه
زين : ياعم دي بنتي دي مش مراتي أطلق اي
ملك : وانت عمري وقلبي وكل حاجه في حياتي والله يا زين
زين : خلاص يا مولانا فك الموضوع ده أنا مش هطلق
المأذون: ياعم منا عارف من الأول وربنا اجري امشي
زين : ياله يا لوكه
ملك : ياله يا قلب لوكه
بعد الخروج من عند المأذون
زين : الله يحرقك بوظتي الأكل وأنا جعان اوي
ملك : معكش فلوس طب
زين : أربعين جنيه أول عن اخر
ملك : أنا معايا عشرين جنيه
زين : جبتيها منين دي
ملك : يا زين هو أنا بقولك معايا الف جنيه دول عشرين جنيه
زين : معلش برضوه لازم اسأل
ملك : سرقتهم من جيبك وانت نايم امبارح
زين : يارب أنا مش مسامح هاتي العشرين جنيه خلينا نجيب حاجه بطني وجعتني من الجوع
ملك : هات على قدك أنا هاكل من البيت
زين : هو اللي انتي عامله دا اسمه أكل يابنت مفتاح
ملك : أما اسمه اي يا زين
زين : اقسم بالله أكل مال اليتيم ارحم من العك اللي انتي عامله بقا أنا أحط المعلقه في البطاطس علشان أقطعها أحطها في الرز تنط في وشي
ملك : تفهم انت اي في الاكل الچوسي
زين : ياست الكل يا غلطت عمري انا زهقت أكل چوسي نفسي أكل أكل عادي من بتاع امي و أمك أنا نفسي أكل أصلا
ملك : المهم هنعمل ايه في المصيبه بتاعت العفش
زين : أكل وأن شاء الله هتصرف تعالي ندخل السوبر ماركت
ملك : تعالي
بعد ما زين طلب العشاء
زين : الحساب كام كده
صاحب المحل : ٥٥ جنيه
زين : الحمد لله أتسترت
ملك : طب ياله طب أنجز بتفتش في اي
زين : الفلوس
ملك : مالها
زين : مش لقيهم يخربيت امك انتي سرقتيني وأنا صاحي
ملك : وربنا ابدا ما خدت حاجه
صاحب المحل: يا استاذ بعد اذنك عندي ناس تانيه
زين : طب معلش بس هاخد لفه وراجع لك تاني
صاحب المحل: تاخد لفه اي هو أنا ببيع هدوم دا أكل متنجز يا استاذ
زين : (بص ل ملك) اقوله اي ياللي منك لله
ملك : جرا اي ياعم فلوسه وقعت هيعملك اي يعني ياله يا زين نطلع ناكل في البيت
زين : ينهار اسود على الكسوف منك لله يا بعيده كنت استري عليا
ملك : ياعم ما انت شايف الراجل مش عايز يمشي من قصادك ولا عايزك تمشي وبعدين ما الأكل في البيت
زين : كان اغما عليكي ولا راحت عليكي نومه قبل ما تعملي كده في الفرخه ياللي تنشلي
ملك : بلا دوشه دا طبيخي قمر قمر قمر
