رواية شمس تتحدي الغيوم الجزء الثاني (للعشق كلمته الاخيرة) الفصل الحادي عشر
أصبح الحب يملاء حياتهم وبات العشق سيد قلوبهم لقد أنعم الله عليهم بذاك الحب ليذيقهم شهد الحياة ويتذوقون عسلها ولن يستطيع الدهر تفريق بينهم فلقد تعاهدا الا يفرقهما سوى الموت
وتوج القدر حبهما وخلده باولادهما الذين ملئوا حياتهما حبا واحساسا اخر يجعل للحياه هدف ومعنى
ينزلان على الدرج وكل منهما يحمل طفلا على ذراعه فشمس تحمل أدهم وعمر يحمل هلا التي امتلكت قلبه ومشاعره
هاله :اهلا اهلا بحبايبي الصغيرين
تمد يدها لعمر لتأخذ هلا
شاكر :لا ياحبيبتي خدي انتي أدهم حبيبك واديني انا هاله حبيبة قلبي
عمر:الحقي ياماما هاله الصغيرة اكلت الجو من هاله الكبيرة
هاله :على قلبي زي العسل
شاكر :اطلع منها ياحشري
هاله وهي تاخذ أدهم من شمس:ادهوم حبيب تيته عامل إيه ياروحي
تذهب شمس تجاه عاليا وسليم اللذان يجلسان فى مشايتهما وتقبلهم:الولاد ماشاء الله شكلهم حلو اوى ربنا يحميهم يارب
شاكر :يارب ربنا يحميهم ويبارك فيهم كلهم يارب
عمر:امال فين الاميرة عشق مش موجوده يعني
هاله :علي جه اخدها عشان تقضي اليوم عندهم النهارده
عمر:مش حتغدونا النهارده واللا ايه ياجماعه انا جعان اوي امال فين الباشا بتاعنا مش شايفه يعني
هاله:بياخد دش ونازل ياحبيبي على ماتكون السفرة اتحضرت
ينزل اليهم بعد مرور القليل من الوقت عابس الوجه يبدو الحزن على وجهه
يلقى عليهم التحيه ويقبل الاطفال جميعهم ثم يجلس على كرسيه ليشاركهم الطعام دون التفوه بكلمه واحده كان الجميع يتحدث الا هو
شاكر:مالك يايابني فى حاجه
يزيد :حاجه حاجة إيه لا مفيش أنا كويس
شاكر :اخبار الفرع الجديد ايه
يزيد :خلاص يابابا قرب يخلص ان شاء الله
هاله:شمس تصدقي اني مااخدتش بالي من وقت مانزلتم انك لابسه لبس خروج هو انتي خارجه ياحبيبتي
شمس :أيوة ياماما رايحه ازور خالتو بس قبل مااروحلها حعدي على ايمان الأول
عند ذكر اسمها التفت لها يزيد تلقائيا
ثم عاد للنظر فى الطبق مرة اخرى
شاكر وهو ينظر ليزيد :هي فين صحيح ياشمس هو احنا زعلناها فحاجه واللا ايه بقالها مده مبتجيش خالص
شمس :لا طبعا يابابا بالعكس ايمان بتحبكم كلكم اوى وانا والله مش عارفه مالها كل مااسالها مالك فيكي ايه مبتجيش عندنا ليه تقوللي مفيش تعبانه شويه فانا قلت لازم اروحلها بقى واعرف ايه حكايتها بالظبط
يزيد وهو يترك الطعام من يديه :متتعبيش نفسك فى التفكير ياشمس صاحبتك عاوزة تهرب
شمس :تهرب تهرب ازاي يعني مش فاهمه
يزيد :ايمان طلبت مني النهارده اشوفلها عقد عمل فى اى دوله عربيه
عمر :ايه الكلام ده يايزيد معقوله وانتي ياشمس كنتي عارفه حاجه زى دي
شمس :انا لا وربنا ابدا مااعرف هي ايمان اتجننت واللا ايه ازاي تفكر انها تسافر معقوله دي لا طبعا انا مش حسمحلها بحاجه زي دي تسافر ازاي يعني
وليه تسافر كل ده عشان اللي حصل بس هي كانت بقت كويسه وكانت بتيجي وبدات تخرج وتضحك فى ايه لاء اكيد حاجه حصلت
عمر تعالى الله يخليك وديني حالا عند ايمان
هاله :طب كملي اكلك الاول ياشمس انتي بترضعي ياحبيبتي
شمس :انا خلاص مش عاوز اكل انا عاوزة اروح لايمان
تأخذ أدهم من هاله وعمر ياخذ هلا من أبيه :ياللا ياستي معلش ياجماعه
هاله:ياحبيبتي ياايمان ايه اللي حصل يايزيد يابني هو انت زعلتها فحاجه فى الشغل
يزيد :انا لا وربنا ياماما انا اتفاجئت وهي بتطلب مني الطلب ده ومش عارف اعمل إيه
يقف شاكر:يزيد انا عاوز اقعد معاك شويه
هاله حبيبتي انا حاخد يزيد معايا الأوضة شويه خللي بالك من الولاد
فهمت هاله انه يريد الانفراد بابنه :حبايب قلبي ياللا حنلعب سوا اتفضلوا ياحبيبي
يصعد شاكر ويزيدالى الغرفه
يجلس شاكر على المقعد الموجود بالغرفه ويطلب من يزيد أن يجلس أمامه
يزيد :اؤمرني يابابا
شاكر :الأمر لله وحده هو القادر على كل شئ يحي ويميت وهو على كل شئ، قدير
يزيد انت عارف ان أبوك ملوش فى اللف والدوران
يزيد :خير يابابا فى إيه اتكلم حضرتك
شاكر :قللي يابني انت عاوز تتجوز
يزيد :اتجوز انا مش فاهم هو حضرتك جايبلي عروسه واللا ايه
شاكر :احنا لو عاوزين عروسه حتلاقي بدل العروسه الف واظني محدش يحلم انه يناسب عيلة المهدي وخصوصا لما يكون كبيرهم يزيد المهدي فخر عيلة المهدي كلها
لكن المهم انت يايزيد عاوز مين
يزيد :انا انا مش عاوز حد يابابا انا بعد عاليا خلاص قلبي انقفل ومش ممكن يتفتح تاني لحد انا كل اللي عاوزه اربي ولادي وبس واحافظ على الامانه اللي سابتهالي اللي النظرة من عينيهم بالدنيا ومافيها
شاكر :يزيد انا حقولك كلمتين وتسمعهم يابني وفى الاخر حتقوللي حاضر يابابا
يزيد :اتفضل يا بابا انا سامع حضرتك
شاكر :انت يوم ماجيت كلمتني عن عليا وقلتلي انك عاوز تخطبها انا الدنيا مكنتش سايعاني من الفرحه وده اصلا كان املي وانت عارف الاسباب كلها انت فى الاول كنت متجوزها كده وخلاص لكن هي بحبها واحتوائها ليك وخوفها عليك قدرت تستحوذ على عقلك وقلبك ومشاعرك
وانا متاكد انك كنت بتحبها وبتراعي ربنا فيها واكرمتها وعيشتها ملكه وعمرك ماحسستها انها أقل من اي ست فى الدنيا برغم اننا كلنا عارفين انك معشتش معاها حياتك بالشكل اللي كنت بتتمناه
انا راجل يابني زيك وفاهم يعني ايه إحساس الراجل لما يكون ليه احتياجات ومراته مش قادرة تلبيله احتياجاته
وهو بييجي على نفسه وبيبكت مشاعره عشان ميحسسش الطرف التاني بالعجز
عيشتوا مع بعض أجمل أيام حياتكم وكنت بتاخدها وبتفسحها وبتسفرها وعمرك ماقصرت فحقها ساعدتها تبقى زوجه وام
وهي كانت عارفه ياحبيبتي إنها كانت مقصرة فحقك وده كان تاعبها نفسيا اوي ولما أراد إنها تفارقنا كانت راضيه ومبسوطه بالسنين اللي عاشتها معاك وفحضنك
انت مقصرتش معاها يايزيد انت اكرمتها وهي عايشه واحترمت ذكراها وهي ميته حزنت عليها وبكيت عليها من قلبك وكلنا عارفين ده وهي كمان عارفه ده
ووصيتها ليك انك تعيش وتحب وترتبط متحرمش نفسك من الحياة
مفيش حاجه اسمها حعيش لولادي ولادك ربنا يخليهوملك يارب
وتكبرهم وتخليهم احسن الناس لكن انت من حقك الحياة
يزيد يابنى انا راجل زيك لما والدتك ربنا توفاها ربنا يعلم حزنت عليها اد إيه لأنها كانت ونعمه الزوجه ونعم الأم
قلت زيك كده فى الاول انا حعيش عشان اربيكم معرفتش يابني والله ماقدرت سبحان الله الست ممكن تكتفي بولادها عن الدنيا كلها ربنا خلقها كده انما الراجل ميقدرش احتياجه لست فحياته تحس بيه وتهتم بيه وتكون انيسه اهم عنده من احتياجه للناس والسلطه والمال ومن حاجات كتير اوى
فضلت مستحمل وصابر لحد ماعمك الله يرحمه هو بنفسه اللي فاتحني فموضوع الجواز ده برغم ان والدتك كانت قريبتنا وتعز عليه لكن الحي ابقى من الميت يابني
والحمد لله ان ربنا قدرني اني اجيبلكم الام اللى تحتويكم وتعوضكم الحب والحنان اللى اتحرمتم منه
وفكرك يعني انا لما هاله دخلت حياتي انا كده خلاص نسيت امكم اقسم بالله ماحصل امكم انا عمري مانسيتها ولا قصرت فحقها لاوهي عايشه ولا بعد موتها
انا مبتكلمش اه مش عشان حاجه لكن عشان مشاعر هاله لان اي ست فى الدنيا اكتر حاجه توجعها انك تجيب سيرة مراتك اللي قبلها تدب الغيرة فقلبها دي طبيعة البشر يابني
لكن امكم حتفضل عايشه جوايا وازاي اصلا انساها وهي اللى جابتلي راجلين وبنت بارة بية
عملتلها بدل العمرة مرة واتنين وعشرة وحجتلها وعملتلها صدقه جاريه وكل اللي ربنا بيقدرني عليه
ودلوقتى جه الدور عليك يابني انت كمان
يزيد :حضرتك تقصد ايه يابابا
شاكر :اتجوز يايزيد
يزيد :اتجوز انا اتجوز بعد عاليا لا مش ممكن استحاله اقدر ادخل حياتي ست غيرها.
شاكر :متكابرش يايزيد اتجوز يابني محدش حيزعل منك يايزيد محدش حيقولك ازاي اتجوزت واحده غير عاليا
يزيد انا دايما اقول محدش فى البيت ده طالعلي غيرك محدش بيفهمها وهي طايرة غيرك ياحبيبي
انت خايف من علي وعهد انهم يزعلوا لو ارتبطت انا عارف ومتنكرش ده والا انا اللي حزعل منك
لا ياحبيبي مش دي اخلاق ولاد عمك ومتقلقش انا اللي حتكلم معاهم لكن انا بامرك ولازم تنفذ طلبي والا حكون مش انا اللي مش راضي عنك
يزيد :ايه الكلام اللي حضرتك بتقوله ده بس يابابا
بابا الله يخليك انا اسف والله انا عمري مارفضتلك طلب بس الطلب ده مش حقدر عليه اتجوز انا اتجوز بعد عاليا طب ازاي حقدر اتجوز واعاشر ست تانيه غير عاليا
لا انا مش متخيل حاجه زي دي مفيش ست تقدر تاخد مكان عاليا ابدا استحاله
شاكر :مفيش حد بياخد مكان حد يابني كل واحد بتكونله مكانته بعيد عن التاني
و لما تكون الست دي انت بتحبها حيبقى ليها اكيد مكانه كبيرة اوي ويمكن كمان مع الوقت تحتل قلبك كله
يزيد :ست بحبها ومين دي الست اللي ممكن احبها بعد عليا يابابا
شاكر :ايمان يايزيد
يزيد :إيمان
شاكر :أيوة إيمان يايزيد تنكر انك بتحبها
يزيد :بابا حضرتك بتقول ايه انا بحب ايمان هههههه لا طبعا استحاله
شاكر :طب وبتبعد عينيك عني ليه وانت بتتكلم هاه خايف عينيك تفضحك بس حتفضحك ادام مين ادام اكتر واحد بيحبك فى الدنيا اكتر واحد يتمنى يشوفك سعيد ومتهني فحياتك
ايوة انت بتحبها يايزيد ومش حتقدر تكدب علية وتقوللي لاء
الحب مش عيب ولا حرام يابني مادمت مبتعملش حاجه غلط
يزيد :بابا حضرتك فاهم غلط انا مبحبش
شاكر :بتحبها ورحمة امك الغاليه بتحبها وقلبك بيصرخ بحبها وعبنيك بتلمع اول مااسمها بييجي على لسان حد بتنكر ليه
مادام تحب بتنكر ليه ده اللي يحب يبان فعنيه
انت تقدر تضحك باي كلمتين على اى حد فى الدنيا كلها الا انا عيب عليك ده انت ابن ابوك ياولد
فكرك انا مش حاسس بيك ولا بمشاعرك ناحيتها فكرك مش حستش بلهفتك عليها يوم ماشمس قالت انها رايحالها البيت عشان عندها مشكله وقت ماقررت الطلاق
فكرك محستش بيك وانت كل شويه تسرح وتفكر فيها ده انت اكتر من مرة تغلط فى اسم اختك واسم مراة اخوك وتناديهم باسمها
فكرك محستش بيك الصبح وشفت الفرحه فعنيك لما شمس قالتلك بعد ما ماسه مشت انها حكتلها انها حاولت ترجع ايمان لحسن وهي رفضت
واللا فرحتك وانت شايف حب عشق ليها نسيت لما عشق كانت عاوزة تسمي عليا على اسمها
واللا حزنك النهارده وانت بتتكلم عن رغبتها فى السفر
انا لو محستش بده كله ابقى ماستاهلش اكون ابوك اللي رباك وكبرك لحد مابقيت البشمهندس يزيد
بتكدب ليه على نفسك وعلية بتنكر ليه مشاعرك ناحيتها مستخسرها فيها ولا فنفسك يابني
انتوا الاتنين تستاهلوا كل خير وتستاهلوا تكملوا حياتكم سوا مش احنا اللي بنخطط ونرتب ربك هو اللي قادرعلى كل شئ هو الي بيالف القلوب وهو اللي بيسبب الاسباب
فوق ياحبيبي قبل ماتضيع من ايدك وفجأة تلاقيها مع حد تاني ووقتها حتندم بجد وعمرك ماحتعوضها
اصلك حتعوض فيهاايه واللا ايه
حتعوض ادبها واخلاقها واللا حتعوض خفة دمها وروحها الحلوة طب حتعوض جدعنتها مع عمر وشمس من اول ماكانت بتوفق بينهم لحد موضوع البت اللي اسمها مياده وان لولاها كان بيتهم اتخرب
متستغربش يايزيد اوعى تفتكر اني اطرش فى الزفه لا ده انا قاعد هنا وعارف دبة النمله
واللا حتعوض حبها لولادك وخوفها عليهم دي يابنتي ماكنتش بتسيبهم غير على عينها
طب حتقدر تقنع عشق بحد غيرها دي عشق بتموت فيها
دي عشق كانت بتغيظ بيها نادين يوم ماكانت هنا وهي اصلا كانت لسه متجوزة مابالك دلوقتى
وانا متاكد ان اهلها هما اللي غصبوا عليها انها متجيش هنا ايوة طبعا انت فاكرني مش فاهم واللا ايه وبصراحه عندهم حق مانت عارف يابني محدش بيسيب حد فحاله
وهي عشان اخلاقها العاليه مقالتلكش حاجه
واللا حتعوض بياضها وحلاوتها دي شبه البطه هههههه
يزيد :انت بتعاكسها يابابا
شاكر :يسلام عالغيرة اللي حتنط من عينيك امال حتستحمل تشوفها مع حد تاني غيرك ازاي
بص يابني متفتكرش اني خلاص نسيت الغاليه ومبقاش فارق معايا غيابها خلاص وبقى كل اللي شاغلني سعادتك وبس
لا والله ربنا وحده العالم حزني عليها اد ايه وعمر قلبي ولا عنيه ماحتبطل تبكي عليها
لكن دي كانت رغبتها قبل رغبتي. الله يرحمك يا بنت اخويا ياغاليه
ايمان انت محتاجها يايزيد انت محتاج حضنها محتاج ضحكتها وروحها الحلوة
كل واحد فيكم حيكمل التاني حتلاقي نفسك معاها
انت حتعيش معاها الحياة اللى اتحرمت منها حترجعلك شبابك وتملى حياتك فرح وهنا
وولادك محتاجينها ياحبيبي عمرهم ماحيلاقوا ام احن منها عليهم ام تحبهم بجد تراعيهم وتخبيهم فرموش عينيها
ده لما عاليا سخنت مرة شالتها وجرت بيها عالدكتور وكانت بتعيط كانهاامها
شمس اديك شايف بقت مش قادرة على ولادها ربنا يعينها يارب
وعهد ربنا يخليلها بنتها
واختك مروة مشغوله بولادها وبكرة تخلفلها كمان عيل واللا اتنين يهدوا حيلها
ووالدتك كفايه عليها انا واحنا بنكبر مبنصغرش يابني والولاد محتاجين صحه
اتجوز ايمان يايزيد اتجوز ايمان وحتدعي لابوك انه حققلك اللي قلبك بيتمناه
يزيد :ايوة يابابا بس
شاكر :مبسش هي كلمه ومش حتتنى
يزيد :بس ازاي افكر فحاجه زي دي وعاليه مكملتش سنه
شاكر :مفيهاش مشكله يابني ممكن تتموا الحواز بعد سنه
يزيد :بس ايمان ممكن متوافقش
شاكر :انت عليك تفاتحها بس وسيب الباقي على ابوك
يزيد :عهد مش حتوافق يابابا وانا ميهونش علية زعلها وعلى كمان انت عارف علاقته بعاليه كانت ازاي
شاكر :ودول كمان سيبهم علية
يزيد :كل ده حيبقى عليك يابابا ده كتير اوى
شاكر :مفيش حاجه تكتر عليك ياحبيبي ده انت ابني الكبير يايزيد واول فرحتي ياضنايا
انت عارف يايزيد انت يوم ماامك ولدتك الدنيا ماكنتش سايعاني من الفرحه
كنت حاسس كأني اتولدلي عمر تاني
يومها كنت محتار اسميك إيه
عمك اول ماشافك قاللي ربنا يزيد ويبارك
قلت يزيد
خلاص يبقى اسمه يزيد
وربنا زادكم وجه عمر وجت مروة ومليتوا علية حياتي ده انا اديكم عمري ياحبايبي وانا راضي ومبسوط وفرحان انا عايش بيكم وليكم ياحبايبي ربنا يخليكم لية يارب
يحتضنه يزيد :ويخليك لينا بابابا ياحبيبي وميحرمناش منك يارب وتعيش وتفرح باحفادك وتشوف عشق وانس وهما فى الكوشه
شاكر :يارب يايزيد ده كل أملي في الدنيا وبدعي ربنا ميستكترش علية اشوف اللحظه دي
🌹خرج يزيد من اوضة باباه ودخل اوضته والفرحه مش سايعاه
بس اول مادخل وشاف صورة عاليه ادامه لقى الدموع نازله من عينيه :لا انا مش حقدر انفذ لبابا اللي عاوزه
مش حقدر ارتبط بحد غيرك ياعاليا انا صحيح بحب ايمان حبتها امتى مش عارف ولا عارف ازاي دخلت قلبي
بس غصب عني حبيتهاسامحيني ياعاليا سامحيني ارجوكي حقك علية
🌹🌹🌹🌹🌹🌹🌹🌹
فى المساء
تعود شمس واطفالها ويبدو على وجهها الحزن
طبعا لأنها لقت ايمان حالتها النفسيه زفت ومصممه على قرارها
وحكت لهاله وهي بتعيط ومش متخيله ان صاحبتها الوحيده تسافر وتسيبها ابدا
اما شاكر بقى مضيعش وقت وهو دلوقتى فى بيت علي ومروة
بابا حبيبي ده ايه المفاجأة الجميله دي مش معقول تكون جاي مخصوص عشان تاخد عشق
شاكر :لا مانا عرفت ان عهد هنا قلت اجي اشوفها وحشتني هي ومرام العسل
مرام :حبيبي ياعمو ربنا يخليك لينا يارب
شاكر :ويخليكم لية ولولادكم وميحرمكمش من حياتكم ابدا يارب
اوحش حاجه فى الدنيا انها تفرق بين اتنين خصوصا لو كانوا بيحبوا بعض
عهد :ايوة ياعمو زي مافرقت بين عاليا اختي وابيه يزيد
شاكر:بس ربك بيعوض يابنتي
علي:خير ياعمي انا حاسس ان المقدمه دي وراها حاجه
شاكر :طول عمرك بتفهمني ياعلي
عهد علي انا جاي طالب منكم طلب وكلي أمل انكم متكسفونيش ومتكسروش بخاطري
على:ياخبر ياعمي ماعاش ولا كان اللي يكسر بخاطرك ده انت ابونا اللي ربانا وكبرنا طلباتك سيف على رقبتنا كلنا
حضرتك تؤمر واحنا ننفذ
شاكر :انا جاي استئذنكم واطلب موافقتكم ان يزيد يتجوز
عهد :ايه ابيه يزيد يتجوز يتجوز إزاي يعني واحده تانيه تيجي تاخد مكان عاليا اختي وتنام على سريرها وولادها يقولولها ماما
لا لا انا مقدرش اوافق لا ياعمي الله يخليك لا والله ماحقدر استحمل اشوف واحده غير اختي في البيت لا والنبي عشان خاطري ياعمي لو لية خاطر عندك بلاش يزيد يتجوز
على:عهد
يزيد من حقه يرتبط ياعهد حرام علينا لما نحرمه من حقه فى الحياة يزيد اكرم اختي وهي عايشه وحزن عيها بعد موتها ودلوقتى من حقه انه يعيش مش من العدل اننا نعيش ونفرح ونتمتع باحضان حبايبنا وهو يبقى محروم من ده انتي عمرك ماكنتي ظالمه ياعهد ازاي عاوزة تظلمي يزيد اللي طول عمره بيحبك وبيخاف عليكي من الهوا الطاير
عهد :انا مبظلمش حد يا أبيه علي لكن غصب عني والله غصب عني مش بايدي
ثم ترتمي فحضن عمها:انا اسفه ياعمي اسفه حقك علية والله مقصدش اجي عليه او احرمه من حقه لكن صعب علية اوي اشوف واحده تانيه مكان اختي
مش حقدر اتحمل حاجه زي دي والله مش حقدر
شاكر :عاليا موجوده فقلوبنا ياعهد عاليا موجوده بنفس ولادها معانا اللي خلف مماتش ياعاليه
وعاليا سايبالنا تلت ولاد طول الوقت حيفكرونا بيها
متعيطيش ياحبيبتي والله ياعهد دي وصيتها ليزيد انه يتجوز ويعيش حياته ويفرح
عهد :ربنا يرحمك ياعاليا ربنا يرحمك ياحبيبتي
ثم تتركهم وتصعد لغرفتها لتبكي
علي :متزعلش منها ياعمي
شاكر :انا ازعل من عهد بردو ياعلي
على :انا حتكلم معاها وانا متأكد انها حتفهم وحتقدر
شاكر :ان شاء الله يا علي
😒😒😒😒😒😒😒😒😒😒 يأتي صباح يوم جديد يحمل الأمل والتفاؤل للبعض والحزن والآلام للبعض الآخر
يتحدث اليها فى امور تخص العمل بالفنادق
ماسه انا عاوز اشرب حاجه ماتيجي نرتاح شويه
ماسه :ماشي ياحسن
يجلسان فى الريسيبشن ليشربان القهوة سويا
حسن :مالك ياماسه
ماسه :مالي ازاي يعني مش فاهمه
حسن :من وقت ماركبنا الطياره امبارح لحد دلوقتي وانتي متغيرة حسك فى حاجه شاغلاكي او مضايقاكي
ماسه :لا ابدا ياحسن مفيش والله بس يمكن زعلانه عشان كان نفسي اوي اوفق بينكم وارجعكم لبعض وماقدرتش
حسن :ماسه من فضلك ممكن متتكلميش فى الموضوع ده تاني
ماسه :معقوله ياحسن معقوله انت اللي بتقول كده
فين الحب اللي كان بينكم معقوله راح كده بالسرعه دي
ده انا كنت بشوفك بنفسي وانت سهران كل ليله تكلمها كنت بشوف الفرحه فعنيك لما بتيجي سيرتها
فاكر لما قلتلي انك بعد الجواز حتسيب شرم وتنزل اسكندريه عشان مش حتقدر على بعادها فين ده كله راح فين ده كله ياحسن
حسن :موجود ياماسه حبي لايمان لسه موجود بس للاسف ولسوء حظنا انه اتعرض لموجه عاليه قوي وانا كنت اضعف من اني اقف قدامها واواجهها بكل قوة
ضعفت ادامها واستسلمت مقدرتش اقاومها وبعد ماالموجه هدت دورت عليها ملقتهاش الموج بعد بيننا وفرق مابيننا ملحقتش امسك بايدها
دورت عليها تاني لكن هي رفضت ياماسه
ماسه انا طلعت لايمان بعد مامشيتي انتي ويزيد ايوة والله طلعتلها مقدرتش اكون عارف انها موجوده ومشوفهاش والله ماقدرت طلعت وحاولت اتكلم معاها حاولت اخليها تسامحني ونفتح صفحه جديدة لكن هي رفضت رفضت تماما ياماسه
اوعي تفتكري اني فرحان ومبسوط ببعادها عني لكن خلاص حعمل ايه طيب بايدي ايه اعمله
عارف اني استعجلت عارف اني مااتمسكتش بيها بالقدر الكافي وغلطت فحقها وحق نفسي بس والله العظيم حاولت اقسم بالله حاولت والله حاولت طب اعمل ايه المفروض اعمل ايه اكتر من كده قولولي
ماسه :حسن ارجوك اهدى مش كده انا مقصدش
حسن :انتوا كلكم فاكرني وحش كلكم جايين علية كلكم فاكرين اني الخاين اللي باع حبها وموقفش جمبها فازمتها وماخدش بايدها
والله ابدا انا عمري ماكنت كده ابدا ولا عمري جه فبالي اكون كده
كل اللي حصل ده كان بدون ترتيب مني انا نفسي مش عارف ده حصل ازاي انا فجاة لقيت كل حاجه انتهت فغمضة عين
انا حبيتها والله حبتها هي اتهمتني اني محبتهاش وماما وانتي وكلكم اتهمتوني بده
لكن والله ابدا انا حبيتها وكنت بغير عليها وبخاف عليها ومتمنتش غيرها فحياتي
بس حعمل ايه القدر كتب علينا الفراق حعمل ايه
طلعتلها اتكلمت معاها كنت حبوس ايدها عشان تديني فرصه نبدا من تاني وننسى كل اللي حصل هي اللي رفضت وقالتلي خلاص
طب اعمل ايه اولع فنفسي عشان ترتاحوا كلكم
ماسه :حسن انا اسفه خلاص باحسن
اهدى من فضلك
يتركها ويخرج خارج الفندق يصرخ باعلى صوته على شاطئ البحر ليخرج مابه من غضب لعله يرتاح قليلا
مما الم به من احزان وآلام
😥😥😥😥😥😥😥😥😥😥
تجلس تنتظر عودته فى اى لحظه فهي لم تتوقع جراء فعلتها تلك
سمعته يفتح الباب جرت عليه بلهفه:حبيبي انت جيت انا كنت عارفه اني مش حهون عليك تبعد عني وتسيبني
آدم :عملتي إيه
مياده:معملتش حاجه
آدم :يعني كلمتي بردو متنفذتش
مياده:ادم مش حينفع والله ادم انا بحبك ومش حيهون علية افرط فحته منك
آدم :وانا ايه اللي يضمنلي انه مني اساسا
مياده :ادم ايه اللي انت بتقوله ده حرام عليك انت مش عارف انا مين
آدم :والله انا اللي اعرفه انك واحده ضحكت على اهلها وخانتهم واللي تضحك على اهلها وتخونهم ممكن تضحك علية عادي وتخوني كمان
مياده :ادم انت عارف اني عملت كده عشان بحبك ياادم وانا عمري ماخنتك ابدا
ادم :يابنتي انتي حتستعبطي علية حب ايه ياام حب انتي اللي زيك لايعرف يعني ايه حب ولا شرف
واللا نسيتي اللي عملتيه مع صاحب الشركة اللي كنتي شغاله فيها ههههههههه اصل حبيبتك مياده حكتلي كل حاجه عنك وعن كل اللي عملتيه
وازاي طلعت جدعه معاكي وشغلتك عندي عشان صعبتي عليها بس انتي طول عمرك طماعه كنتي فاكرة نفسك ايه حتضحكي على ادم الديب
بصي بقى ياحلوة من اللحظه دي انتي مش فحياتي خلاص ومش عاوز اشوف وشك تاني
مياده :نعم لا ده انا اروح فيك فداهيه انا حامل منك واللي فبطني ابنك سواء بمزاجك او غصب عنك وانا مش، حسكت اه مش انا اللي اتاخد لحم واترمي عضم وحتشوف مياده حتعمل ايه
ادم:ههههههههه
مياده:اضحك براحتك انا معايا عقد الجواز اللي حيثبت نسب الطفل ليك وحيتكتب على اسمك
ادم :متاكده انه معاكي
مياده:ايوة متاكده
ادم:ههههههه مش بقولك لسه معرفتنيش انا اخدت الورقه من شنطتك وقطعت الورقتين خلاص
وابقي وريني شطارتك بقى
مياده :وانا مش حسكت ياادم وحروح لاهلك واقولهم على كل حاجه
آدم :طب ابقي وريني الشطارة يامياده هههههه
سلام ياحلوة بصي انتي تحمدي ربنا عالشقه دي شقه مكنتيش تحلمي تسكني فيها والله هي خسارة فيكي بس انا ماتعودتش اشتري حاجه ببلاش صحيح انتي رخيصه اوي بس ياللا اصلي قلبي طيب
سلام يا قطه
❤️❤️❤️❤️❤️:
يومان يمران على الجميع دون اى جديد
تدخل عليه المكتب :صباح الخير يا بشمهندس
يزيد :صباح النور يا إيمان
إيمان :بشمهندس حضرتك وعدتني حترد علية وفات يومين مفيش جديد
يزيد :ارد عليكي فايه
إيمان :موضوع السفر يابشمهندس
مش قلت لحضرتك هو حضرتك نسيت
يزيد وهو يتحرك من مكانه ويقف امامها وجها لوجه:انا عمري مانسيت حاجه طلبتيها مني ياايمان
وعالعموم هو موجود ياايمان مش محتاج ادور عليه
إيمان :بجد وحضرتك كلمته
يزيد :هو عارفك ياايمان وعاوزك مش فى الشغل بس لاء عاوزك فحياته كلها
إيمان :نعم حضرتك بتقول ايه حياة مين اللي عاوزني فيها انت بتهزر يابشمهندس ومين ده حضرتك بتتكلم عن مين
يزيد :انا بتكلم عن حد انتي عارفاه كويس جدا عارفاه اكتر من نفسه اكتر حد فاهمك وفهماه محتاجك اوي فحياته ياايمان حياته مش، حتكمل غير بوجودك فيها
إيمان :مين ده اللي بتتكلم عنه
يزيد :تقبلي تشاركيني حياتي ياايمان تقبلي تبقي سندي فى الدنيا تقبلي حبي ليكي وخوفي من بعدك عني
تقبلي تكملي الناقص فحياتي
تقبلي تتجوزيني ياايمان
كانت ايمان مصدومه مما تسمع اهو حقا حقيقه امامها ام حلما
لم يستطع فمها النطق بحرف كانت واقفه غير مدركه ماقاله لها تنظر بجوارها بالتأكيد يتحدث لشخص اخر غيرها من هي ليطلبها للزواج ولما هي تحديدا هل اشفاقا على حالها
لا لا فبالتاكيد لا يريدها سوى مربيه لاطفاله كما قالت لها امها ان من سيتقدم لها سيكون من اجل الاولاد فقط فلم يعد لديهامايجعل رجل يسعى للارتباط بها
يزيد :ايمان مالك ياايمان سكتي ليه ردي علية ياايمان
إيمان :ايه هو حضرتك بتكلم مين
يزيد بابتسامه:بكلمك انتي ياموني تقبلي تتجوزيني
لم تستطع السيطرة على دموعها اكثر من ذلك انهمرت فى البكاء اخذت تبكي بشده
يزيد :ايمان ايمان بتعيطي ليه ياايمان
انا اسف لو كنت ضايقتك بطلبي بس انا قلت اللي انا عاوزه ياايمان
ايمان:عاوزه عاوز ايه عاوز خدامه لولادك صح وانا طبعا انسب واحده للدور ده مش كده
طبعا مانا مطلقه مبخلفش يعني مش حيكون ورايا حاجه غير اني اكون بيبي سيتر بس مش كده
يزيد :ايمان ايه الكلام اللي بتقوليه ده هي دي وجهة نظرك فية
إيمان :امال ايه هاه عندي ايه انا يخليك تفكر ترتبط بية انا لا مال ولا حسب ولا نسب عشان تفكر ترتبط بيها ايه اللي يخللي البشمهندس يزيد صاحب الشركات يرتبط بواحده من رعاع القوم زيي
يزيد :انتي ازاي تقولي على نفسك كده انتي اغلى من كده بكتير
إيمان :ههههههه لا وربنا شوف ازاي يعني انت عاوز تفهمني انك بتفضلني على دكتورة نادين الدكتورة بنت عضو مجلس الشعب بنت البهوات والبشوات والنسب الرفيع ليه وعشان ايه
يزيد :عشان بحبك
إيمان :حضرتك بتقول ايه
يزيد :بقول بحبك بحبك ياايمان انا بحبك والله العظيم بحبك حبيتك امتى معرفش دخلتي قلبي واحتليته امتى مش عارف كل اللى عارفه حاجه واحده بس انك احلى حاجه فحياتي واني مش حقدر اكمل حياتي من غير وجودك فيها
منكرش اني عاوزك تكوني ام ولادي وده مش عشان تبقي البيبي سيتر بتاعتهم زي مابتقولي لاء لاء ده عشان الحب اللي مالي قلبك ناحيتهم حب عشق وتعقها بيكي ورغبتها فانك تكوني معانا على طول
والسبب الاقوى من كل ده اني انا اللي محتاجك ياايمان محتاج حبك محتاج حنانك محتاجك تقفي جمبي تاخدي بايدي
إيمان :اقف جمب مين انا خلاص مبقتش قادرة أوقف نفسي اصلا انا تعبت خلاص تعبت من كل حاجه
حواليه انا اسفه يا بشمهندس انا اسفه بجد انا برفض طلبك انا
خلاص قلبي انكسر ومعدش جواه اي حب ولا احتواء يقدمه لحد شوف حياتك مع حدغيري لكن انا لاء، لاء
ثم تتركه وتخرج سريعا من المكتب ومن الشركه كلها
[
يجلس على احد المقاعد بالمكتب غير مدرك ماحدث لم يتوقع نهائيا ردها بهذا الشكل اهل هو أخطأ التعبير عن مشاعره ام هي اصبحت محطمه لدرجة انها لم تعد متقبله اي شئ
اتصل بوالده واخبره برفضها له
💙اكس اكيوز مي بقى ياجماعه الراجل تعبان نفسيا لازم ندخله كده نهديه بكلمتين اه مينفعش بردو نسيب المز ده زعلان كده
يزيد يايزيد زيزو ياقمر انت
يزيد وهو يرفع راسه :عبير انتي جيتي
ميهونش علية اشوفك زعلان كده ومجيلكش ياقمر
يزيد :ليه خليتيها ترد علية بالشكل ده
💙معذورة ياعمنا يادي النيله علية يعني عيب لما تيجي منك ياابو المفهوميه
واحده لسه خارجه من ازمه عاطفيه وحسه بجرح عميق جواها
عاوزها اول ماتقولها عاوز اتجوزك تاخدك بالاحضان ده ايه ده ياربي
❤️يزيد :يعني انتي قصدك ايه يابيرو
💙قصدي انها حتهدى وحتروق وحتحلو ياقمر
❤️يزيد :طب اعمل ايه دلوقتى
💙انت متعملش حاجه خالص سيب شاكر هو اللي حيعمل كل حاجه وحيظبطلك الدنيا كلها
❤️يزيد :بجد يابيرو
💙جد الجد طبعا عيب عليك يابني ده انا اللي طالع عيني فام الروايه دي
تصدق وتامن بالله
❤️لا اله الا الله
💙انا من الساعه سبعه وانا بكتب فى الحلقه دي وكل شويه اللي يرن واللي عاوز ياكل واللي عاوز يشرب واللى عاوز يغير البامبرز وانا عماله اجري اعملهم الحاجه وارجع تاني بص صامده كالجبال عندي كل اصرار وعزيمه انزل البارت الليلادي
فاهدى كده علية عشان مقلبش عليك
يزيد :لا حاضر والله
صحيح دي اول مرة تشرفيني فى الشركه تشربي ايه يابيرو ياعسل
💙هاتلي كابتشينو يروق دمي
❤️ههههههه ايمان قدامي ياناس قلت مجانين زي بعض اقسم بالله
💙ماشي اضحك على راحتك يابرنس
💜 بعد الظهيرة فى منزل ايمان💜
تجلس امها وابيها يتحدثان اليهما:نورتوا البيت والله ياجماعه دى ايمان وربنا على طول تحكيلنا عنكم
هاله :ابمان دي حبيبتنا
شاكر :اولا انا بجد بشكركم من كل قلبي على حسن تربيتكم لبنتكم وخوفكم عليهاوثانيا بقى انا جاي اطلب ايد ايمان لابني يزيد
ينظر كل منهما للاخر بدهشه
والدها :حضرتك عاوز البشمهندس يزيد يتجوز بنتي ايمان
شاكر :ايوة طبعا انا عارف انكم اكيد طبعا حتكونوا مضايقين بسبب اولاده بس نوعدكم والله ان ايمان حتعيش عندنا ملكه وكل طلباتها أوامر
والدها:حضرتك بتقول ايه بس ده شئ، يشرفنا طبعا
ام ايمان نادي بنتك تيجي تسلم عالناس
تدخل امها لها:بت ياايمان انتي يازفته قومي
إيمان :ايوة ياماما
مامتها:الحاج شاكر ومراته برة يابت الهبله قومي بسرعه
إيمان :حاضر يا ماما
ترتدي ملابسها وتخرج اليهم وترحب بهم فهي تكن لهم كل حب وموده
هاله :موني احنا جايين نطلبك ليزيد ايه رايك ياقمر
إيمان :انا اسفه ياطنط هاله مش حينفع
والدها :بنت بتقولي ايه
إيمان :بقول لاء يابابا حضرتك مستغرب ليه مش ده كان خوفك انت وماما اني اتجوز واحد عاوزني بيبي سيتر لولاده اتضايقت ليه دلوقتى واللا انتم عاوزبن تخلصوا مني وخلاص
هاله :ايمان ياحبيبتي انتي عارفه ان محدش حيحس بيكي غيري لأني اتعرضت لنفس موقفك ده فيوم من الأيام
وكانت جوايا نفس المخاطر دي لكن الكرم والمشاعر الجميله اللي عشتها فبالبيت ده خلتني احس اني ملكه وام حقيقيه
ويزيد بيحبك حب حقيقي ياايمان وعمره ماحيظلمك ابدا
شاكر:حاج بعد اذنك ممكن تاخد المدام وانتي ياهاله معلش حبيبتى قومي معاهم انتي كمان وسيبوني مع ايمان شويه
والدها:طبعا حضرتك قومي ياام ايمان اتفضلي حضرتك تعالوا نقعد فى البلكونه شويه دي هواها بحري وجميل
شاكر :انا مش عاوز اضغط عليكي ياايمان ولا اجبرك على حاجه انتي مش عاوزاها زي مايزيد ابني
انتي كمان بنتي اسمحيلي اتكلم معاكي كلمتين ولو مااقتنعتيش تاكدي ان محدش حيفتح معاكي سيرة الموضوع ده تاني
إيمان :اتفضل حضرتك
شاكر :طبعا انتي فاكرة اننا عاوزينك تتجوزي يزيد عشان نخلص من حمل ومسئولية ولاده ونرميها عليكي مش كده
إيمان :والله أبدا ياعمي حضرتك متعرفش غلاوة عاليه وسليم وعشق ايه عندي
لكن انا من يوم مااتطلقت وماما مفيش على لسانها غير محدش حيعبرك محدش حيجيلك ولا حيرضى بيكي غير مطلق وساحب فايده عيلين عشان تربيهمله
خلاص الاحساس ده بقى جوايا دايما اني قيمتى كلها انحسرت فى اني ابقى بيبي سيتر مش اكتر فاهمني حضرتك
شاكر :فهمك والله العظيم فهمك بس اللي انا عاوز افهمهولك ان يزيد بيحبك ياايمان ولما قالك بحبك مكدبش عليكي يزيد بيحبك صدقيني. ايمان يزيد محتاجك اوى وانتي محتاجاه متنكريش انتوا الاتنين جواكم جرح كبير من الم الفراق محدش حيقدر يطيب جروحكم غيركم ومفيش حاجه حتقدر تنسيكم غير وقفتكم مع بعض وحبكم لبعض
انا مبفرضش عليكي حبه بس اديه فرصه ايمان انا مش حعرفك على يزيد ده انتي عافاه وحافظاه اكتر من اى حد فى الدنيا
ده عاليا كانت احيانا بتغير من قوه علاقتكم ببعض
عشق بتحبك اوي ياايمان ومحتاجاكي فحياتها محتاجه ايمان الحنينه الطيبه اللي حتبقى صاحبتها وامها واختها
وعمرها ماحتكون مراة ابوها عاليا وسليم محتاجين ام ليهم بدل امهم اللي مشافوهاش هما مش حيعرفوا غيرك حتبقي انتي امهم وكل حياتهم
طب بزمتك ترضى ان واحده زي اللي اسمها نادين دي تلف عليه وتاخده
ايمان :ده انا كنت اقتلها
شاكر :يبقى تاخديه انتي حيسعدك والله حيسعدك وحيهنيكي
وحيعوضك عن كل حاجه شفتيها فحياتك وانا متاكد انك حتنوري بيتنا وحتمليه ضحك وشقاوة وبهجه وكفايه انك حتبقي مع صاحبتك على طول ومفيش حاجه حتفرق بينكم
شوفتي القدر ياايمان شمس تسيب خطيبها عشان تتجوز عمر وانتي تسيبي جوزك عشان تتجوزي يزيد وفى الاخر يجمعكم سقف بيت واحد
وافقي ياايمان وافقى وعلى ضمانتي والله ماحتندمي
💙
وسع انت كده شويه يااونكل شاكر من فضلك
💔شاكر :مين حضرتك
💙يالهوي الحقيني ياايمان ده مش عارفني
💝إيمان :ههههه معلش يابيرو دي الكاتبه عبير سليم اللي بتكتب الروايه دي ياعمى
💔
[ شاكر :والله العظيم طب عقلي الهانم بقى محدش غيرك حيعرف يقنعها
💙ايه ده انتوا جايبين معاكم شيكولاته سويسري انتوا ناويين على شللي بقى يعني ابنك يعزم الحربايه على استاكوزا وانتوا جايبين شيكولاته سويسري
وانا كل املي في الدنيا اني استمتع بواحده كادبري لوحدي من غير ماحد يشاركني فيها
الصبر من عندك يارب ايمان بقولك ايه انا تعبت خلاص من العالم دي
💔 بقولك ايه يزيد بيحبك مش عاوزك لاخدامه لولاده ولا للجيران عاوزك انتي ياحماره ياهبله بيحبك يامتخلفه حيعيشك ياعبيطه
ويبسطك ويفرحك هو محتاجك وانتي محتاحاه ماتقرفيناش بقى والا وربي لحجوزه لنادين وهي اصلا حتموت عليه
يالهوى دي حتولع فى الدنيا لما تعرف انه فضلك عليها مش بعيد تولعلكم فى الشركه
هاه ياهانم قلتي ايه
💖إيمان :مش عارفه والله ياعبير
💙طب بصوا بقى انا حاخد شوية شيكولاته مندول اكلهم انا والولاد على ماتفكري براحتك تمام ولما توصلي لحل قوليلي بقى اقوله للغلابه اللي مش راضيين يناموا ومسنتنيين البارت دول
💔شاكر :بيرو انا ابعتهالك احد عندك ياقمر
💙لاء شكرا متتعبش نفسك ياعسل كفايه العشرة دول على مااخرج من الروايه واروحلهم يكونوا صفصفوا على اتنين واحده لريماس وواحده لمحمد وحشيل كمان واحده لدودو
شاكر :طب وباباهم
💙نايم اسكت خليه نايم مش عاوزاه يحس بية اني لسه قاعده بكتب ده على اخره
ياللا بقى حسيبكم لازم ارجع للولاد ادهم صحا من النوم وعاوز يغير البامبرز
سلام ياحلوين
وانتي ياقلبي قومي كده خدي راحتك فى التفكير من غير ضغط نفسي
من غير ضغط ده ايه دي شمس مسابتهاش لحظه
❤️❤️❤️❤️❤️: بعد مرور يومين فى الصباح
يجلس فى مكتبه يحاول ان يركز فى عمله بلافائده كلما فتح ورقه راها امامه قرر غلق الاوراق وارجاع راسه للخلف واغماض عينيه
فجاة سمع صوت الباب وهو يفتح وصوت خطوات قادمه ناحيته :صباح الخير
يزيد وهو يعتدل سريعا :صباح النور
ايمان:احمممم انا موافقه
يزيد وهو ينتفض من مكانه:ايه قلتي ايه
إيمان :انا موافقه
يزيد :موافقه على ايه بالظبط
إيمان :موافقه نتجوز
