رواية شمس تتحدي الغيوم الجزء الثاني (للعشق كلمته الاخيرة) الفصل الثاني عشر
من أذنب ذنبا عليه تحمل نتائج فعلته ومن أخطأ فليتحمل عقاب القدر له
فقد منحنا الله ووهبنا نعمة العقل وميزنا به عن سائر المخلوقات لا لنتزين به وإنما لنستعين به فى امور حياتنا
فعندما نعطله عن التفكير ونجعل انفسنا عبيدا لاهوائنا ومطامعنا الشخصيه فلنتحمل اذن توابع كل مافعلناه ونحصد ماجنيناه
❤️تفتح الباب وهي فى أبهى حلتها لاستقباله فكم سعدت عندما علمت بمجيئه اليها دون الحاح منها كعادتها:معقوله المفاجأة الحلوة دي
مالك ياحبيبي فى حاجه
آدم :مياده انا واقع في مشكله ومحتاجك تخلصيني منها
انجى :انا عينيه ليك ياادم قول ياحبيبي حصل إيه
ادم:اوعديني الاول انك مش حتزعلي مني
انجى :انا مش ممكن اقدر ازعل منك ابدا قول بقى قلقتني
ادم:مياده
انجى:مياده مالها مياده
آدم :حاولت تقرب مني الفترة اللي فاتت ورمت شباكها علية
وانا ضعفت يامياده غصب عني بس انا بعديها قلتلها مش عاوز اشوف وشك تاني فحياتي وعشان تسيبني وتبعد عنى كتبنلها شقه باسمها بصيت لقيتها بتقوللي انها حامل وكمان بتهددني انها تروح تقول لأهلي ولو هي فعلا قدرت توصل لأهلي حتبقى مصيبه وكل حاجه حتروح مني
انجى:ايه الكلام اللي انا بسمعه ده معقوله اللى انت بتقوله ده يعني انت ومياده الكلبه كنتوا مع بعض وبتستغفلوني
وطبعا اكيد كنت لما بكلمك ومتردش كنت بتبقى فحضنها يامعلم مش كده
اتاريك بعد ماكنت بتكلمني كل يوم وتتلهف على شوفتي بقيت بتتهرب مني ومبتوافقش اننا نتقابل كل مرة غير بعد إلحاح مني
انا كان قلبي حاسس ان فى واحده تانيه انما تكون مياده اهي دي اخر حاجه كانت ممكن تيجي فبالي امال لو مكنتش محذراها وقايلالها انت بالنسبه لي
وياترى بقى مستغفلني بقالكم اد إيه وانا زى الهبله عملتوني كبري.
ادم :انجي انا عارف انك حتزعلي مني بس انا
انجي :انت انت ايه عندها ايه الحيوانه دي اديتهولك اكتر من اللي انا اديته
ده انا كنت بتمنى الرضا ترضى عمرك مافكرت تعرض علية الجواز وسايب علاقتنا كده وانا موافقه ومستنيه لحد ماتجيلي وتقوللي خلاص ياانجى مش عاوز غيرك
مش قادر استغنى عنك
تقوم تيجي تقوللي انا غلطت مع مياده وحملت مني وعاوزك تخلصيني منها
وفاكرني بقى الهبله اللي حتاخدك فحضنها وتعيط وتقولك حاضرياحبيبي من عينيه مش كده
ليه شايفني هبله واللا مختومه على قفايا ان شاء الله
انت كنت مبسوط معاها ومقضيينها لكن لما اتفاجئت بحملها افتكرتني مش كده غير كده كان زمانكم مع بعض وانا ولا على بالك
آدم :انجي حبيبتي ارجوكي متزعليش مني بس ساعديني وانا حعملك كل اللي تطلبيه بس انا مش عارف اخلص منها ومن اللي فبطنها انا مش حينفع امشي فمحاكم وقواضي واثبات نسب انتي عارفه مركزي ازاي وبعد كده انا تحت امرك
انجى :ماشي يامياده اما عرفتك مقامك كويس
ماشي ياادم انت اتجوزتها عرفي حصل واللا محصلش ومتنكرش لاني مش حصدقك ماهو مش معقول هي حتسلملك نفسهاكده أكيد كتبتوا ورقه عرفي والشقه كانت مهرها
آدم :ايوة حصل ياانجي بس مش عارف ازاي
انجي :والورقه فين
آدم :انا اخدت الورقتين وقطعتهم
انجي :والشقه لسه باسمها واللا اخدتها منها
ادم:باسمها
تمام انا حخلصك منها ومن اللي فبطنها بس بشرط
آدم :شرط ايه
انجي:حنتجوز ياادم
ادم: هاتي ورقه وقلم ونكتب ورقتين حالا
انجى :ههههههه نكتب ايه ياحبيبي لا انا مش حتجوز غير رسمي عند مأذون قلت إيه
آدم :ايوة بس
انجي :ولا بس ولا مبسش هو ده اللي عندي والا اتصرف انت مع نفسك
واللي يحضر العفريت يتعلم ازاي يصرفه ولو معرفش يصرفه يتحمل اذاه
ادم :ماشي يا انجي موافق خلصيني منها وبعديها نتجوز
انجي :نتجوز الاول لكن مش بعد مااخلصك منها تقوللي امك فى العشه واللا طارت
انا انا مش هبله ياروحي
آدم :ماشي ياانجي ياللا بينا على اقرب مأذون بس بشرط الموضوع يخلص فى اسرع وقت
انجي: ده بقى تار بيني وبينها وانا مستعجله اكتر منك وهو اسبوع واحد وحتسمع كل خير
😎😎😎😎😎😎😎😎
يرجع من عمله وهو يحمل بعض الحلوى لطفلته الصغيرة
يطرق الباب فتقوم لتفتح له:عصام تعالى ياحبيبي
عصام :عامله ايه يانيرة
نيرة:الحمد لله بخير والله
عصام :فين دارين هي لسه نايمه
نيرة :لاء هو بص حقولك بس متقلقش يعني
عصام :فى ايه يادارين انتي قلقتيني
نيرة :سلمى اخدتها عند الدكتور
عصام :اخدتها عند الدكتور ليه هي دارين تعبانه
نيرة :صحت من النوم دافيه شويه قلت لسلمى نستنى شويه نديها خافض ونشوف بس هي مرضيتش واخدتها ونزلت
عصام :وفين الدكتور ده
بعد قليل من الوقت يصل لعيادة الدكتور يبحث بعينيه
فيجدها جالسه وابنته مختبئه فى احضانها وكانما هي مصدر حمايتها الذي تكتسب منه الأمان
عصام :سلمى
سلمى :عصام انت إيه اللي جابك مكنتش تعبت نفسك
عصام :طمنيني عليها ياسلمى هي تعبانه اوى
سلمى :متقلقش خير ان شاء الله هي دافيه شويه بس انا قلت اجيبها للدكتور نطمن اكتر
عصام :طب هاتيها عنك
سلمى :لاء هي نايمه سيبها عشان متقلقش وتعيط
يسكت عصام حتى تنادي الممرضه عليهم ليدخلوا
يقفان بجوار الدكتور وهو يكشف عليها
عصام :طمني يادكتور البنت مالها
الدكتور :عندها احتقان فى الزور
اطمنوا مالكم ياجماعه قلقانين كده ليه البنت كويسه والله دي حاجه بسيطه
شكلكم عرسان جداد ودي اول بيبي ليكم
لما تجببوا بقى ولاد تانيين حتبقوا هاديين وواخدين الامور ببساطه اكتر من كده بكتير
كانت سلمى خجله من كلام الدكتور بينما عصام كان ينظر لها دون التفوه بكلمه
الدكتور وهو جالس على مكتبه:القمر اسمها ايه
عصام :دارين عصام ابراهيم
الدكتور :بصي يامامت دارين انا كتبتلها مضاد حيوي حتاخده كل ١٢ ساعه
والدوا ده ٣مرات فى اليوم
وتجيبهوها ان شاء الله بعد ٣ايام اشوفها
سلمى :شكرا لحضرتك يادكتور
دارين: ماما
الدكتور :بسم الله ماشاء الله زي القمر ليكم حق تقلقوا عليها كده ربنا يخليهالكم يارب
عصام :شكرا يادكتور
يأتي عصام ليحملها فترتمي بنفسها على سلمى:ماما ماما
الدكتور :هههههه احنا نتعب ونشتغل عشانهم وهما فى الاخر ولاءهم كله لماماتهم
عصام وهو ينظر لسلمى :على اد حبهم ليهم وخوفهم عليهم يستاهلوا طبعا
ينصرف عصام وسلمى
عصام :تعبناكي معانا ياسلمى
سلمى:إيه اللي انت بتقوله ده ياعصام تعب ايه اللي بتتكلم عنه هو انت معتبرني غرببه عنكم
عصام :غريبه ده ربنا وحده العالم انتي أيه عندنا انا مقصدش والله بس قصدي انك تعبانه معاها فى البيت وبرة البيت
سلمى :وانا مشتكتلكش ياعصام اللي بينى وبين دارين محدش ليه دعوة بيه
عصام :ماشي ياستي اطلع منها انا يعني
سلمى:ايوة انا وبنتي محدش ليه دعوة بينا واديك شفت الدكتور بنفسه شهد اني أمها واللا حضرتك عندك اعتراض
عصام :عندي اعتراض ده ايه طبعا انتي أمها اللى تعبت فى تربيتها ربنا يخليكي ياسلمى يارب
سلمى :ربنا يخليلي دارين حبيبتي
💙ده انت بارد وربنا ايه ده لوح تلج تقول ايه البنت اكتر من كده يالهوي ده انت حتشلني
جتكم الهم عالم فقر
😎😎😎😎😎😎😎😎
يريد التحدث إليه ولا يعرف من أين وكيف يبدأ معه الحديث فهو ليس ابن عمه وانما اخوه الذي يكن له كل حب
علي انا عارف إنك أكيد زعلان مني
على :يزيد انت بتقول ايه انا ازعل منك انت طب ازاي ده احنا اخوات اتربينا وكبرنا سوا
عارفين بعض كويس اكتر من اي حد فى الدنيا
عارف اد ايه انت كريم مع اختي اد ايه حبيتها واخلصت ليها برغم تقصيرها معاك اللي كان غصب عنها
استحملتها وجيت على نفسك كتير عشان متحسسهاش انها اقل من اي ست فى الدنيا
كنت معيشها ملكه وكنت جايبلها الدنيا تحت رجليها
وخلاص هي راحت ويبقى من الظلم اننا نحكم عليك تعيش بقية عمرك من غير حد فحياتك يايزيد
انت تستاهل انك تحب تاني وتعيش يايزيد
وتبقى انانيه مننا لو طلبنا منك ان تعيش على ذكرى اختنا
وبصراحه انت كمان أحسنت الاختيار ايمان فعلا أنسب واحده ليك وللولاد وانا حبقى مطمن وقلبي مرتاح وهي معاهم
توكل على الله يايزيد واذا كان على عهد معلش متزعلش منها هي لسه صغيرة ومش مستوعبه بكرة تعرف ان ده فعلا القرار الصح
ثم يقوم ويفتح ذراعه له فيرتمي يزيد فى احضانه فيطبطب على على ظهره والدموع تنهمر من عينيه :ألف مبروك يا يزيد الف مبروك ياحبيبي ربنا يكمل فرحتك على خير يارب
يزيد :ياحبيبي ياعلي ربنا يخليك لية يارب
على :ويخليك لينا ياابوعشق
يااه دي ايمان حتقلب البيت السيرك القومي
يزيد :ههههههه بابا بيقوللي حتملى البيت فرحه وسعاده
على:دي مش بعيد تتزحلق على الدرابزين دي ملهاش حل
ربنا يعينك عليها قى المجنونه دي
يزيد :هههههه هي مجنونه بس حنينه وطيبه أوي
على :انت حتقوللي دي تربيتنا ربنا يهنيكم يارب
وربنا يرحمك ياعاليا يارب
يزيد :يارب ربنا يرحمها ويغفرلها ويجعلها من أهل الجنة يارب
😎😎😎😎😎😎😎
تجلس أمام قبرها والدموع تنهمر من عينيهاوتتحدث إليها :وحشتيني اوى ياعاليا وحشتيني ياحبيبتي
هي ليه الناس بتتغير كده معقوله دي انتي تتنسي بالسرعه دي
بقى ده يزيد اللي قعد شهرين قافل على نفسه بعدك ده انا قلت انه مش ممكن حيقبل ان غيرك يدخل حياته
طب لو عاوز يتجوز كان يستنى شويه طيب مستعجل اوي كده ده انتي لسه مكملتيش سنه ياحبيبتي
انا منكرش ان ايمان طيبه وبتحب ولادك اوى وبتعاملهم احسن معامله وانا شفت ده بعيوني بس مش قادرة اتقبل فكرة انها حتاخد مكانك ياحبيبتي وتنام على سريرك وولادك يقولولها ياماما
😢حتتقبلي ياعهد والأيام كفيله انها تخليكي تتقبلي ياحبيبتي
تلتفت للصوت :ابيه على انت عرفت ازاي اني هنا
على :عشان انا اخوكي على اللى رباكي وكبرك وعارف بتفكري ازاي
عهد مش عاوزك تبقي انانيه ياعهد فحبك لأختك
عهد :غصب عني ياابيه على والله غصب عني
على وهو يمسح لها دموعها:ولما تبقى اختك هي اللي وصته يتجوز انتي تزعلي ليه
حقك تفرحي انه اختار الست الصح اللي حتحب ولاد اختك وتربيهم وتحبهم وتحافظ عليهم
مسئولية الولاد مسئوليه كبيرة محدش حيقدر يتحملها ياحبيبتي وهي ربنا يعينها يارب
وبكرة لما تشوفيها وهي ماليه حياة ولاد عاليه حب انتي نفسك حتكوني مبسوطه
عهد ياللا بينا بنتك زمانها بتعيط وعاوزاكى
يقرأ الفاتحه لأخته ويدعو لها الله ويأخذ عهد ويمشيان
😒😒😒😒😒😒😒😒
تجلس معها فى بيت أهلها تتحدث إليها
مالك ياايمان فهميني ياحبيبتى عاوزة ايه
إيمان :انا خايفه اكون استعجلت فقراري ياشمس
خايفه اظلم يزيد معايا انا مشاعري متلغبطه ومكدبش عليكي انا لسه حب حسن جوايا
مكنتش عاوزة ارتبط بحد وانا لسه قلبي متعلق بحب حد تانى
شمس :اطمني ياايمان متقلقيش ياحبيبتي يزيد عقله كبير وفاهم كل حاجه وحيقدر يحتويكي كويس ومعاه حتحسي بالأمان وعمرك ماحتندمي على اختيارك
والايام كفيله انها تنسيكي ياحبيبتي كل اللي فات وبعدين حنروح بعيد ليه مانا مثال حي قدامك أهوه
وشفتي انا كنت بحب عصام اد ايه وحصللي ايه لما سابني ودلوقتى انا فين انا قلبي وحبي ومشاعري كلها مع عمر
واللي فات مات خلاص وكأنه مكنش فى من أساسه
حاولي تنسي وتدي لقلبك الفرصه انه يحس باللي بيحبه
ايمان :تفتكري يزيد بيحبني فعلا ياشمس
شمس :صدقيني لو قلتلك اني حسيت بحبه ليكي ومش من دلوقتى
حسيت باهتمامه بيكى ولهفته وخوفه عليكي هو ممكن يكون هو نفسه مكنش حاسس بده ولا يعرف اصلا انه بيحبك
لكن انا عاوزاكي تطمني يزبد بيحبك وحيسعدك
إيمان :يعني البشمهندس يزيد اللى انا كنت بتعامل معاه مدير وموظفه حنبقى انا وهو زوج وزوجه ازاي بس مش قادرة استوعب ده ياشمس صدقيني انتي فاهماني
شمس :فاهماكي ياقلب شمس وهو كمان فاهمك وحيراعي كل حاجه يزيد ده غير اي حد فى الدنيا وانتي حتعرفي ده بنفسك لما تعاشريه
يابت امال لو مكنتيش انتي وهو فاهمين بعض كويس كنتي عملتي ايه
حنبقى مع بعض يمونتي حتعيش مع بعض فبيت واحد يابت يالهوي انا مش قادرة أصدق حموت من الفرحه معقوله دي انا وانتي حنبقى فبيت واحد ناكل ونشرب ونصحى وننام ونخرج ونربي ولادنا وكل ده مع بعض يااه على حكمة ربنا
افرحي بقى وحياتي عندك تفرحي ياايمان
عاوزة الفرحه تدخل قلبك بقى ده انتي العسل بتاعنا ياموني
إيمان :نفسي افرح ياشمس
شمس :بكرة ان شاء الله كلنا جايين ومعانا شبكتك ياقمر وحتفرح وحنهيص والزغاريط حتملى البيت
لووووووولي لوووووووولي
سناء :زغروتك حلوة يااموله بس بالراحه شويه عشان اللي فبطنك ياحبيبتي
امل :واحنا عندنا اغلى من البشمهندسه ايمان عشان نزغرطلها ونفرح بيها
شمس :قمر ياايمان ياحبيبتي الله اكبر عليكي
ايمان :يعني حعجبه ياشمس
شمس :ده انتي تعجبي الباشا ياباشا
تدخل عليها امها :ياللا ياايمان الجماعه وصلوا
تأخذها شمس ويخرجان فتجد يزيد وهاله وشاكر وعمر والصغار ومعهم
تسلم عليهم وتجلس بجوار يزيد
يزيد :ألف مبروك يا إيمان
إيمان :الله يبارك فيك
عمر :مبىوك ياموني البيت حينور بوجودك
ايمان :ربنا يخليك ياعمر
عشق:إيمي حبيبتي انا مبسوطه اوي انك حتيجي تعيشي معانا على طول وحنلعب سوا
إيمان :نلعب ده ايه عيب احنا ناس كبيرة ال نلعب ال انتي عاوزاهم يضحكوا علينا ويقولوا علينا مجانين
ده احنا حنقلبلهم البيت السيرك القومي
الجميع :هههههههه
شاكر :ألف مبروك يابنتي ربنا بهنيكم يارب
إيمان :ربنا يخليك ياعمى
هاله :حبيبتي ياموني ألف مبروك يا قلبي
إيمان :الله يبارك فيكي يا طنط
يزيد وهو يهمس لعمر :هو على مش حييجي ياعمر
عمر :معلش يايزيد متزعلش منه هو والله بيعتذرلك وبيقولك معلش مش حيقدر يحضر عشان عهد وان شاء الله حيكون موجود هو ومروة فى الفرح بس هما مش عاوزين يسيبوا عهد لوحدها
يزيد :انا ازعل منه انت بتقول إيه بس ياعمر
قضوا وقت جميل فى بيت اهل ايمان ومع اهلها لحد ماعدى الوقت
وقرر شاكر انه ياخد هاله وعمر وشمس والولاد ويمشوا
يزيد :عمى لو سمحت انا بستئذنك عاوز اخد ايمان ونقعد فمكان ساعه وارجعها
والدها:اتفضلوا ياحبيبي ربنا يهنيكم يارب
يخرجون جميعهم من البيت
والدتها:يامانت كريم يارب شفت كرم ربنا ياابو ايمان
والدها:ملك الملوك اذا وهب لا تسئلن عن السبب
🌺🌺🌺🌺🌺🌺🌺
بعد مرور القليل من الوقت يجلسان فى أحد الفنادق
يزيد :تعرفي انك حلوة أوي
إيمان :انا حلوة بجد
يزيد :انتي مش حلوة وبس انتي اجمل ست فى الدنيا كلها
إيمان :لاء مش معقوله كتير علية الكلام الحلو ده
يزيد :مفيش حاجه تكتر عليكي ياايمان
ايمان انا عاوز اقولك حاجه عشان انا فاهم اللي بيدور فبالك كويس
احنا اتفقنا اننا حنداوي جروحنا سوا
وحنطبطب على بعض كل واحد فينا جواه نغصه
انا تعبان ببعد عاليا عني وانتي تعبانه من فراقك عن حسن
بس الفرق بيننا إني انا راجل والراجل يقدر يتكيف بسرعه مع اي وضع لكن الست اكيد مشاعرها بتغلب عليها
وعشان كده انا عاوزك تطمني جوازنا حيكون بداية حياة مابيننا ممكن تعتبرينا أصدقاء بنعرف بعض واحده واحده وصدقيني انا عمري ماحجبرك على حاجه انتي مش عاوزاها خدي وقتك للاخر لحد ماتحسي انك اتطمنتيلي
إيمان :انا بجد مش عارفه اقولك ايه انت اعظم انسان شفته فحياتي
يزيد :اهم حاجه عاوزك تثقي فية ياايمان وفحبي ليكي
إيمان :وانا واثقه فيك يايزيد وربنا يقدرنى واكون عند حسن ظنك فية
يزيد :ان شاء الله يا ايمان
🌺🌺🌺🌺🌺🌺🌺
في صباح يوم جديد يقوم عمر بدور ام العروسه ويقوم بتوزيع الحلوى على الموظفين ابتهاجا بتلك المناسبه الجميله
والكل يبارك ويهنئ ويشاركهم الفرحه
🌺بينما كان حسن يمارس العمل فى الفندق وبجانبه ماسه التي قررت الا تفتح معه سيرة ايمان مرة اخرة وتساعده على تجاوز محنته بخير وسلام
فجأة يعلن هاتفه عن اتصال:ازيك ياعصام فينك يابني
عصام :حسن لو لسه بتحب ايمان الحق اتصرف بسرعه قبل ماتروح منك ايمان اتخطبت ليزيد
وقع الخبر عليه وقع الصاعقه:ايمان اتخطبت
عصام :ايوة ياحسن وعمر بيوزع الحاجه الحلوة بنفسه
حسن :ربناةيهنيها ياعصام ايمان تستاهل كل خير
عصام :ايه اللي انت بتقوله ده هو ده اللي ربنا قدرك عليه
حسن :معنديش حاجه تانيه اقولها ياعصام
انا مشوفتش معاها غير كل خير ولازم اتمنلها الخير مع السلامه ياعصام
ماسه :حسن معقوله اللي سمعته ده ايمان اتخطبت ليزيد
لم تسمع صوته بل سمعت صوت ارتطامه على الأرض وقد فقد وعيه
وتجمع الكل عليه لايفاقه مما تعرض له
