رواية شمس تتحدي الغيوم الجزء الثاني (للعشق كلمته الاخيرة) الفصل الثالث عشر
يقف مع المهندسين والعمال يشرف على الديكورات بتلك المستشفى
يجدها قادمه نحوه:صباح الخير يا علي
على :صباح الفل يا ست الكل
نادين :إيه الأخبار طمني
على :خلاص اسبوع بالظبط وحتبقى المستشفى زي العروسه
نادين :والعروسه نفسها العريس يحس بيها بدل ماهو شاغلها وتاعب قلبها كده
على :هو مين ده بس اللي يقدر يتعب قلبك ياباشا ده الف واحد يتمنوا اشارة منك
نادين :بس انا قلبي مش عاوز غير واحد وبس ياعلى
على:نادين انا عاوز اقولك على حاجه
نادين :فى ايه ياعلى هو يزيد فيه حاجه
على:يزيد خطب يانادين وحيتجوز بعد شهرين
نادين :يزيد خطب ازاي وامتى لا مش ممكن
على :خطوبته كانت اول امبارح خطب البشمهندسه إيمان اللي معانا فى الشركه
نادين :ايه خطب ايمان طب وانا ده انا كنت منتظرة انه يطلبني للجواز وكنت بصبر نفسي واقول انه مأجل الموضوع بس عشان وفاة مراته لكن الموضوع طلع مش كده خالص ورايح يخطب طب انا انا اعمل إيه دلوقتي
على :نادين انتي عارفه الجواز قسمه ونصيب
وان شاء الله ربنا حيبعتلك اللي يستاهلك لكن يزيد انسيه خالص
نادين :انساه انسى يزيد طب ازاي
عن اذنك ياعلي
على:رايحه فين يانادين
نادين :رايحاله ياعلى افهم منه ازاي ده حصل وليه عمل فية كده
يحاول على تهدئتها ولكن بلا فائده فقرر الاتصال على يزيد ليعلمه بما حدث
بعد قليل من الوقت تقف امام منى لتدخلها له
تدخل عليه المكتب وهي تحاول التماسك وتظهر عكس ماتبطنه
يزيد :اهلا يانادين اتفضلي
نادين :مبروك عالخطوبه يايزيد طب مش كنت تعزمنا يابشمهندس
يزيد :الله يبارك فيكي يا نادين اصلنا عملنا حاجه عالضيق خالص مانتي عارفه الظروف
نادين :ظروف ظروف ايه بقى وهو انت مادمت قررت انك ترتبط يبقى
فارقه معاك ظروف
يزيد :نعم نادين افتكر ان دي حاجه خاصه بية
نادين :يزيد هو انا زعلتك فحاجه خليتك تقرر انك ترتبط
يزيد :ليه بتقولي كده يانادين احنا بيننا كل احترام وود
نادين :انا بحبك يايزيد بحبك وكنت مستنيه اللحظه اللى تطلبني فيها للجواز اقوم اتفاجئ انك خطبت واحده غيري
يزيد :نادين انتي اي راجل فى الدنيا يتمناكي
نادين :بس انا متمنتش غيرك يايزيد
يزيد عشان خاطري اديني فرصه ادخل حياتك واوعدك اني حخليك اسعد انسان فى الدنيا
ماهو مش معقوله تسيبني انا عشان خاطر واحده زي دي
يزيد :نادين من فضلك انا مراعي الأصول لحد دلوقتي لكن اكتر من كده مش حسمحلك
نادين :طب قوللي ايمان فيها إيه أحسن مني اختارتها وفضلتها علية انا ليه
يزيد :مش انا اللي اختارت ايمان انها تكون زوجه لية
قلبي هو اللى اختارها عارفه ليه عشان انا بحبها
نادين :لاء يايزيد انا متاكده انك مش بتحبها واكيد انت خطبتها عشان الولاد صح ماهي متنفعش تكونلك اكتر من مربية للأطفال واكيد هما فى البيت اللي ضغطوا عليك صح يايزيد
يزيد :لا مش صح يانادين انا صحيح عارف ان ايمان حتكون انسب حد للأولاد وحكون مطمن عليهم وهي معاهم لكن السبب الرئيسي فى اختياري ليها هو اني فعلا بحبها
نادين انا عمري ماوعدتك بشئ يخليكى تتعلقي بية كده
وانا محبش اني اشوف الدكتورة نادين فى موقف زي ده ادامي انتي أكبر من كده بكتير
انتي الف واحد يتمناكي يانادين
نادين :صح معاك حق انا فعلا اكبر من اني اتحط فموقف زى ده وانا متاكده انك حتفوق لنفسك قريب اوى وواثقة انك حترجع تقوللي انك كنت غلطان فى اختيارك وانك عاوزني انا واني انا المناسبه ليك مش هيا
انا ماشيه يايزيد ماشيه ومتاكده انك حترجعلي
تخرج نادين بينما يحدث يزيد نفسه:هو انا صدر مني موقف ايه يخليها تيجي وتقول اللي قالته ده
ده حتى يوم ماوافقت على طلبها اننا نتقابل وده بعد الحاح منها فهمتها اني صعب اني ارتبط بحد
هو انا كنت ناقصها دي كمان
🌹🌹🌹🌹🌹🌹
تتصل على ابنها فلقد مر يومان دون ان تعلم عنه شيئا وهى معتاده ان يتصل بها يوميا فأين هو
تسمع الهاتف يرن دون ان تجد ردا وها هو الخط يفتح ولكن باتيها صوت غير صوته :انتي مين ياحبيبتي انا عاوزة حسن ابني اكلمه
ماسه :انا ماسه ياطنط ازي حضرتك
سماح:ماسه ازيك ياماسه عامله ايه امال فين حسن مردش علية ليه
ماسه :حسن بس تعبان شويه والتليفون معايا انا برد على المكالمات
سماح :حسن تعبان ابني تعبان ماله فيه إيه طمنيني يابنتي الله يخليكي
ماسه :اطمني خير والله متقلقيش هو واخد دور برد بس
سماح :دور برد من نومته عريان ومن غير غطى مع اني منبهه عليه يتغطى كويس
بس لاء هو حتى لما بيكون عنده برد بيكلمني ماسه انتي بتكدبي علية حسن ماله يالهوي هو انا ابني حصلله حاجه وانتي مش عاوزة تقوليلي
ماسه :والله ابدا ياطنط حسن بخير
سماح :طب وغلاوة امك وابوكي عندك لتقوليلي حسن ماله
ماسه :حاضر ياطنط حقولك هو اصل الصراحه يعني
سماح :عمل حادثه يالهوي ابني حصلله حاجه
ماسه :حادثة ايه بس ياطنط افهميني حضرتك حسن عرف ان ايمان اتخطبت اغمى عليه وجبناله الدكتور وهو قال عنده صدمه عصبيه ونفسيته تعبت ولازم نبعد عنه اى خبر مش كويس
فعشان كده انا اللي برد على تليفوناته
سماح :ايمان اتخطبت بسرعه كده طب كانت استنت شويه يمكن كانوا رجعوا لبعض ياحبيبي ياابني ولما انت بتحبها كده سيبتها ليه بس
ماسه انا عاوز اجي لابني الله يخليكي انا مش حقدر اقعد هنا وانا مش عارفه ابني فيه إيه
ماسه :متقلقيش والله ياطنط انا مش سايباه انا جمبه دايما
سماح :ربنا يسترها معاكي يارب بس انا عاوزة اجي ياماسه قوليلي اركب ايه واللا اقول لحد يمشي ازاي واجيلكم
ماسه :ههههه والله دمك عسل هو احنا فى الشارع اللي وراكم ياطنط حتقولي للسواق امشي يمين وبعدين شمال
احنا بيننا وبينكم سفر
بصي مفيش مشكله حضرتك تنورينا والله
انا ححجزلك فى الطيارة وابعتلك تذاكر السفر
سماح :طيارة طيارة ايه دي اللي عاوزاني اجي فيها ليه هو انا مستغنيه عن عمري ده انا لسه فعز شبابي
اركب حتة حديده طايرة فى الهوا لاوانا عارفه نفسي مسعوده وتروح الطيارة واقعه فى البحر ويقعدوا بقى يدوروا علية ياشماتة ابو العيال فية
اخرتها اموت ومحدش يلاقيني والسمك يقزقز فية
ماسه :هههههه طيارة ايه بس اللي حتقع فى البحر دى ياطنط انتي بتقولي ايه بس متخافيش مش حيحصل حاجه
سماح :لا وربنا ابدا مااحط رجلي فيها ال طيارة ال ده انا لما كنت بروح لحسن واركب الاسانسير كنت بتشاهد على روحي
اقوم اركب طيارة ده انا بخاف من الكلب يطلعلي اسد
ماسه :هههههههه طب خلاص متزعليش نفسك بصي انا حبعتلك عربيه لحد البيت تجيبك لحد هنا وانتي قاعده مستريحه
سماح :روحي ربنا يريح قلبك هو انتي امك اسمها ايه
ماسه :اشرقت
سماح :اشرقت دي مين سميه الالفي يعني
ماسه:سميه الالفي ازاي مش فاهمه
سماح:سميه الالفي اللى كانت فى مسلسل اللي بنى بنى مصر كان فى الاصل حلواني علشان كده مصر ياولاد حلوة الحلوات
والله مافيها ريحة الحلاوة بلا هم
المهم يعني كانت بقى بتتكلم عن ايام الملك ولما كانوا ياعيني الناس مش لاقيين ياكلوا اوم ايه بقى كانت سميه الالفي اميرة كده وبتحب عبده الحامولي واللا هو اللي كان بيحبها واللا مانا فاكرة بس كان اسمها اشرقت
هي اتجوزت ابوكي وخلفوكي واللا ايه
ماسه :انا مش فاهمه حاجه بس ماما مكنتش ممثله
سماح :ياحبيبي ياحسن يابني تصدقي نسيت كنت بسال عن اسم امك ليه
اه افتكرت روحي ياماسه يابنت اشرقت ربنا يكرمك ويسعدك يارب ويوعدك بابن الحلال اللي يريح بالك
ماسه :ميرسي ياطنط
خلاص اجهزي حضرتك واونكل وعلى بكرة حبعتلك العربيه لحد البيت
سماح :اونكل مين ياحبيبتي
ماسه:اونكل جوز حضرتك بابا حسن مش هو حيبجي معاكي
سماح:ياخي جلته جية تريحني منه بلا هم اذا كنت انا عاوزة اطفش منه اقوم اجيبه معايا ده انا ماصدقت حاجي افك عن نفسي يومين تقوليلي هاتيه وده ان شاء الله حييجي يعمل ايه يفرش عالشط وينام ويشخر بقى ويعمل سيمفونية العزف المنفرد بتاعته اللي بتصحي الاموات من نومتهم عشان
مصر تنفضح ادام السياح لا ياحبيبتى انا حجيبله حبيبته بسمه بابنها وباللي فبطنها تيجي تانسه
ماهما فقر شبه بعض البؤساء واجي انا بقى افك عن نفسي شويه واطمن عالواد ياحبيبي ياحسن
ماسه :حضرتك تنوري ياطنط شرم حتنور
سماح :ان شالله تنستري ياماسه يا بت أشرقت يارب
❤️فى مساء اليوم التالي تقف ماسه فى انتظارها حيث اعلمها السائق بقرب وصولهم
تجدهم قد وصلوا تقبل عليهم لتسلم عليها فتاخذها سماح بالاحضان :ماسه ازيك ياحبيبتي عامله ايه فين حسن
ماسه :اهلا ياطنط ازي حضرتك شرم نورت حسن بيتمشى شويه عالبحر انا مقولتلوش ان حضرتك جايه عملتهاله مفاجأه
طنط ايه الشنط دي كلها
سماح :مانتي قلتيلي الواد تعبان فانا بقى عملت شوية اكل كده للواد يروموا عضمه
ماسه :ايوة بس المشوار طويل واكيد الاكل باظ
سماح :ليه هو انا هبله واللا ايه ده انا حطاهم فى التلاجة اهيه
ايوة ماهو لما حسن كان بييجي هنا كنت بعمله اكل واحطله فيها وكمان ابوه لما كان بيحب يصطاد كان بياخد معاه الصندوق ده عشان السمك ميبوظش فانا بقى حطيت فيهم الأكل
ماسه :وحضرتك تاعبه نفسك ليه بس ماهنا فى كل حاجه
سماح :لا ده انا عاملاله محشي ورقاق وجايباله بط وفراخ بلدي وجايبه معايا كمان ملوخيه عندكم مخرطه عشان اخرطها طب ده انا حعملكم شوية ملوخيه
وجايبه حاجات كتير حتعجبك اوى
ماسه :طب تعالي ياللا بينا
اسلام من فضلك الشنط دي تطلع كلها على جناح الاستاذ حسن
بينما كان هو جالسا على تلك الرمال التي طالما سهر عليها وقضى عليها معظم الليل وهو يتحدث اليها فى الهاتف
شارد فى ذكرياته مع الماضي يتذكر من يوم رآها أول مرة وكيف اعجب بها وبشخصيتها المرحه تذكر يوم خطبتهم ليلة زفافهم
تذكر انهم منذ تقابلا لم يتعرضا لمشكله واحده فقط المشكله الوحيده التى تعرضا لها هي تلك المشكله التي انهت كل ماكان بينهما
يلعن ذلك النصيب الذي فرق بينهما
فلم يكن يظن فى يوم من الأيام ان تنتهي علاقتهما بتلك الطريقه
لم يشعر سوى بحرارة الدموع وهي تهبط على وجنتيه
بينما هو شارد فى تلك الذكريات اذ به يسمع صوتها فينتبه لذاك الصوت الذي يعلمه جيدا ولكن ماالذي اتى بها الى هنا
يلتفت سريعا فيجدها مقبله عليه فيجري عليها ولا بجد نفسه سوى ملقيا بنفسه فى احضانها تلك الاحضان التي مهما كبرنا لا نشعر بالامان الا ونحن غارقون بحنانها
ماما حبيبتي وحشتيني ايه انتي ازاي جيتي هنا وايه اللي جابك حد حصلله حاجه بابا كويس بسمه وبسنت فيهم حاجه
سماح :كلهم زي القرود انا جايه عشانك ياقلب امك سمعت انك مضايق شويه قلت اجي افرفشك حبه
حسن :ياحبيبتى يا ماما ربنا يخليكي ليا ومنحرمش منك يارب شرم كلها نورت
سماح وهي تنظر للسائحات:ماهي منورة لوحدها يابني
يالهوي ده ايه دول
هما معندهمش هدوم يلبسوها واللا ايه يابني
يادي العيبه هما ازاي ماشيين كده مش مكسوفين
حسن :هههههه لا ياماما هما متعودين على كده ده شئ عادي بالنسبه لهم
سماح :لا عادي ده ايه هما بس تلاقيهم مفيش حد قاللهم كده عيب
استنى بس
انتي ياحلوة انتي
السائحه:? do you speak to me
سماح:هو انتي مش لاقيه حاجه مقاسك هنا ياحبيبتي ده انتي لابسه حاجات تلبس عيله عندها خمس سنين
السائحه: ldont understand? you
سماح :والله انتي شكلك بتستعبطي تعالي معايا
حسن يابني تعالى ورينا الاماكن اللي بتبيع لبس هنا تجيبلها حاجه يابني تستر بيها نفسها وتاخد ثواب
حسن :يالهوي l, am so sorry
ماما حرام عليكي بلاش فضايح مع السياح هما كده مش بتشوفيهم فى الأفلام الاجنبيه
سماح :مش افلام يابني لكن دول بجد وبحق وحقيقي
حسن :لاء ياستي هما كده ده بالنسبه لهم مش عيب متشغليش بالك بيهم
سماح:والرجاله بيشوفوهم عادي كده
ده احنا عندنا لما واحده تكون لابسه حاجه ضيقه شويه واللا قصيرة نص الشارع يمشي وراها
حسن :لا ياستي احنا متعودين عليهم كده وبقى شئ عادي بالنسبه لنا
سماح :اوعى ياحبيبي الشيطان يضحك عليك كده واللا كده يجيلك ايدز يابني وانا معنديش غيرك ياضنايا
حسن :لا اطمني على ابنك ياام حسن ده انا تربية ايدك
بس انتي بردو مقلتليش جيتي هنا ازاي
سماح وهي تنظر لماسه التى اقتربت منهم:قلقت عليك وكنت عاوزه اجي اطمن عليك ياحبيبي
ماسه حبيبة قلبي بعتتلي عربيه لحد باب البيت
حسن :معقوله ياماسه
ماسه :ايه رأيك فى المفاجأه الحلوة دي
حسن :احلى مفاجأة طبعا
بس مكنتيش تعبتي نفسك ياماما
سماح :تعبت نفسي ده ايه هو انا عندي اغلى منك وبصراحه بقى كنت عاوزة اغير جو
حسن :ده انتي حتنبسطي اوى بس مش كنتي جبتي بابا معاكي يغير جو
سماح :وانا حنبسط ازاي بقى لو ابوك معايا بقولك ايه انا عاوز أنسى يابني
حسن :ههههههه حبيبتي ياماما
سماح :انت شكلك هفتان ياحبيبي ياللا بينا عاوزة ااكلك بايدي
ماسه :ياللا بينا انا بلغتهم يجهزوا الغدا
سماح :غدا ده ايه ياللا ااكله الاكل اللي انا حايباهولك
فى داخل الفندق وقد صعدت سماح للغرفه واحضرت المحشي والعلب والممبار والبط والرقاق
حسن :ماما ايه اللي انتي جايباه ده ماالامل هنا ياما
سماح :لا انا بقرف محبش اكل غير من ايدي
اقعدي ياماسه كلي ياقلبي خدي صوباع ورق العنب ده وقوليلي رايك
ماسه :واو delicious
سماح :لا والله معملتوش يابنتي ده لحمه والا فراخ
حسن :ههههههه لا ياماما هي قصدها ان الاكل لذيذ وحلو
سماح :بألف هنا ياحبيبتي
خد ياحسن ياحبيبي كل الممباره دي من ايدي
حسن :الله تسلم ايدك ياست الكل
كانت تضع له الطعام فى فمه وكانت ماسه تأكل وهي معجبه بالاكل جدا
حلو اوي ياطنط بس دسم اوي
سماح :هو فى احلى من الاكل الدسم اللي متغرق فى السمنه البلدي
تجد بعض السياح يتشممون الروائح وينظرون إليهم
سماح :بقولك ايه ياحسن السياح اللي جانبنا دول عينهم حتطلع عالاكل خليهم يبجوا ياكلوا معانا يابني
حسن :ايه الكلام ده ياماما
سماح:وفيها ايه يابني اكله هنيه تكفي مية خليك انت
حسن:يالهوي الحقيني ياماسه
ماسه :"هههههههه بصراحه مامتك ملهاش حل
الحق دي جابتهم وجت
سماح :اقعدوا اقعدوا ده انتوا نورتونا والله خدي ياحبيبتي كلي كلي
حسن :ماما دول مش متعودين عالاكل ده دول ممكن يحصلهم حاجه يرفعوا علينا قضيه
سماح :اسكت انت بس خدي البدنجانه دي ياحبيبتي والله انا حبتكم كده لله فى لله
ماسه :ههههههه هو حضرتك لحقتي ياطنط
السائحه:حلوة كتير ايه دي
سماح:ده محشي ورق عنب وكرنب وكوسه وبدنجان وممبار تاخدي ممبارايه
السائح:لا لا ده في دهون كتير
سماح :ياخويا صللي عالنبي ده السمنه الصناعي بتاعتكم هي اللي حتموتنا خد حتة الرقاق دي
السائح:واو حلو اوى
سماح :كلوا كلوا ياعيني ده انتوا شكلكم جايين من مجاعه هو انتوا تهتوا هنا ومش عارفين ترجعوا بلدكم واللا ايه
حسن :تايهين حرام عليكي ياماما
سماح :بص بقى احنا اكلنا مع بعض عيش وملح ولازم اكلمك وأنصحك مش عيب لما تسيب مراتك تمشي عريانه كده فوسط الناس يقولوا عليك ايه مركب اريال وتخللي الناس تطمع فيها
السائح:احنا صحاب مش جوز وجوزة
سماح:مش متجوزين يعني ماشيين مع بعض فى الحرام يافضيحتي وانتي ياللي تنقصف رقبتك مش خايفه اهلك يعرفوا ويقتلوكي
ماسه :هههههههه هههههههه لا وربنا حموت مش قادرة ياحسن
حسن :اعمل ايه بس ياربي ماما انا بقول كفايه كده وياللا نطلع نستريح شويه
سماح :نطلع فين بس يابني مش لما نشوف حل للمصيبه ده احنا لازم نخليهم يصلحوا غلطتم ونجوزهم واللا انت عاوز بوليس الآداب يبجي وبشمع الفندق بالشمع الأحمر
حسن :احمر ايه واصفر ايه بس قومي حرام عليكي حتشيلليني
ماسه انا حاخد ماما ونطلع نرتاح شويه ياللا ياماما
سماح :انا طالعه مع ابني ياخواجه بصوا انا مش حسيبكم غير لما اخليك تعقد عليها رسمي
كلوا كلوا متتكسفوش
ماسه :هههههههه هههههههههه
😎فى داخل الجناح
سماح :بت حلال اوي ماسه دي
حسن :مش عارف من غير وجودها جمبي كنت عملت ايه
سماح:خلاص يابني انسى وأبدا حياتك من اول وجديد وانساها بقى
حسن :مش قادر ياماما مش قادر
سماح:ماهو كده البني ادم مبيحسش بقيمة الحاجه غير لما بتروح من إيده
حسن :مش عارف مفكرش فيها غصب عني صورتها مبتروحش من قدام عينيه
سماح :وهي تستاهل الصراحه هو كان في حد زي ايمان الله يهنيكي ياحبيبتي ويكتبلك الخير يارب
بص ياحسن اوقات يابني ربك بيريد انك تنطق كلمه من غير قصد عشان هو ده القدر المكتوب عليك والمكتوب ممنوش مهروب
انت ياحبيبي السكينه كانت سارقاك مكنتش قادر تفكر
بس خلاص يابني اللى حصل حصل تقدر تقوللي مهما زعلت او ضايقت نفسك حتستفاد ايه
هى وخلاص اتخطبت وحتتجوز يبقى انت كمان تركز بقى وتشوف حالك انت كمان
وبعدين تعالى هنا هو انت سيبتها ليه مش عشان الولاد يبقى تشوفلك بنت حلال كده تتجوزها وتجيب منها الولاد اللي نفسك فيهم واللا هو كان هبل وخلاص
حسن :مش قادر ياماما مش قادر
سماح :مش قادر على ايه ياخيبتك فولادك ياسماح هو انا ربنا واكسني فى الراجلين اللي عندي ليه
على رأي المثل قسموا الاكوام قلت ده كومي
قالولي خايبه
قلت من يومي
وانا خيبتي كبيرة فيك وفابوك حتشلوني انتوا الاتنين
يجدون طرقا على الباب يفتح الباب:ماسه
ماسه بفرحه شديده:حسن مامي وبابي وياسين جايين بعد يومين خلاص
حسن :بجد الف حمد الله عالسلامه
ماسه :الله يسلمك ياحسن
طنط سماح حضرتك حتنبسطى اوى مع مامي وحتحبيها اوي
سماح :ربنا يجيبهم بألف سلامه ياحبيبى
عدى اليوم وحسن وماسه مشغولين فى الشغل وسماح نزلت واتكلمت مع السياح منهم اللي بيتكلم عربي بسيط اتكلموا معاها وضحكوا معاها ومنهم طبعا اللي مكنوش فاهمين ولا كلمه من اللي بتقولها
فى اليوم التالي
سماح :ماسه
ماسه :ايوه ياطنط
سماح :فين المطبخ بتاعكم
ماسه :حضرتك عاوزة حاجه
سماح :ايوة عاوزة اخرط الملوخيه اللي انا حايباها وعاوزه اعملها
ماسه :ملوخية ايه بس اللي عاوزه تخرطيها ياطنط
هنا فى المطبخ في ناس بتعمل اكل شرقي وبيعملوا ملوخيه يبقى تتعبي نفسك ليه
سماح :لا وهما يعرفوا يشهقوا شهقة الملوخيه بتاعتي واللا ايه
دخليني المطبخ انتي وملكيش دعوة
ماسه :طب ثواني
تذهب لحسن:حسن الحقني
حسن :ايوة ياماسه
ماسه:طنط عاوزة تدخل المطبخ تعمل الملوخيه اعمل ايه
حسن :ياربي انا حتشل وربنا دخليها ياماسه دخليها سببيها تعمل اللي هى عاوزاه
تدخل سماح المطبخ وتسلم على كل الموجودين وتقوم بخرط الملوخيه وطبعا وهي بتخرط الملوخيه اتعرفت على كل العمال وعرفت قصة حياتهم كمان
وبعد ماخلصت الملوخيه وعملتها اصرت على ماسه وحسن انهم يدخلوا المطبخ وياكلوا مع العمال
فى المطبخ عشان يبقى عيش وملح
وكانت ماسه مبسوطه جدا بيها وبوجودها وروحها الجميله
اللى جمعت بين كل الموجودين
❤️❤️❤️❤️❤️❤️
لقد حان الوقت للعوده لأرض الوطن بعد ان اطمئنوا على سلامة طفلهما بشكل نهائي
يحمل طفله وهو سعيد بأن الله منحه الطفل الذي تمناه سنوات طويله
يستقبلهما حسن وماسه
حسن وهو يحمل ياسين:بسم الله ماشاء الله تبارك الرحمن فيما خلق
الف حمد لله على السلامة مصر نورت
عمار :الله يسلمك ياحسن
ماسه وهي تحتضن امها:مامي وحشتيني اوى
أشرقت :انتي اللي وحشتيني اكتر ياروح مامي طمنيني عليكي عامله ايه
ماسه :كويسه يامامي
ثم ياخذها عمار فى احضانه:ماسه حبيبتي وحشتيني اوى
ماسه:حضرتك وحشتني اكتر يابابي
تاخذ ياسين من حسن:ياسين حبيبي وحشتني اوى نورت بلدك ياحبيبي
يذهبوا جميعهم الى الفندق فيجدون سماح جالسه فى انتظارهم
حسن :اعرفكم بماما
يسلمان عليها بينما تحمل الصغير:بسم الله ماشاء الله ربنا يخللي يارب
عقبالك ياحسن ياحبيبي لما اشيل ولادك يارب
يحلسون جميعهم يتعارفون وبتحدثون
طبعا تشرقت وسماح اندمجوا جدا فى الكلام مع بعض
عمار قعد مع حسن يراجع معاه الشغل ويطمن وماسه كانت شايله اخوها وفرحانه بيه اوى
اما اشرقت وسماح فضلوا يتكلموا على موضوع ايمان وحسن واخدوا على بعض اوي وروحهم الحلوة اتقابلت
وقضوا اليوم كله سوالحد ماقرروا يطلعوا يستريحوا من تعب السفر
وقرروا انهم يقعدوا فى الفندق لحد ماالفيلا يروحها العمال وينضفوها كويس
🌹فى داخل الجناح
عمار:يااه انا مش مصدق ان ياسين خف خلاص
أشرقت :الحمد لله ياحبيبي ربنا يخليه يارب
فرحان اوى كده ياعمار
عمار:يااه يااشرقت انا حاسس اني اتولدت من اول وجديد كان نفسي اوى فولد يشيل اسمي
أشرقت :ربنا يخليك ليه ياحبيبي وتربيه وتعلمه وتشوفه احسن واحد في الدنيا كلها
عمار :يارب ياحبيبتي يارب
أشرقت :مامت حسن دي ست سكر زى العسل
عمار:ايوة فعلا طيبه اوى وتحسيها بتتكلم بتلقائيه
أشرقت :عمار احنا حننزل اسكندريه امتى
عمار:انا كلمت يزيد وباركتله وهو قاللي انهم حيكتبوا الكتاب بعد سنوية مراته الله يرحمها
فاحنا حننزل ان شاء الله نحضر كتب الكتاب ونبارك لعمر على ولاده
أشرقت :تمام ياحبيبي
بس حسن صعبان علية اوى شكله متاثر جدا
عمار :نصيبهم كده ياحبيبتي وياعالم ربنا شايلهم ايه
😎فى اليوم التالي
تجلس اشرقت وسماح على الشاطئ
سماح:تصدقي انا نفسي اكل رنجه
أشرقت :تعرفي اني بحبها اوى بس مااكلتهاش من سنين
سماح:لا انا مقدرش على بعادها يالهوي ده كله الا الرنجه متعرفيش المحلات اللي بتبيع الرنجه هنا
أشرقت :ايوة طبعا عارفاها
طبعا سماح واشرقت مضيعوش وقت وراحوا محل بيبيع رنجه ومش بس كده دول طلبوا من الراجل يفتحها وينضفها ويعمللهم سلطة رنجه بالبصل والفلفل وجابوا عيش
وخدوها وراحوا ياكلوها عالبحر وحطوا البصل الأخضر والبيبسي
💙طب بزمتكم انا ينفع اشوفهم بياكلوا رنجه واقف اتفرج عليهم كده ده انا ممكن اتشل فيها صح يا Naglaa A. Amer ياحبيبتي ده كله الا الرنجه
بعد اذنكم ياجماعه انا رايحالهم
الله البحر شكله حلو اوى المية جميله عندك حق والله ياسماح ايه السياح السايحين دول يخرببيتهم هما مالهومش اهل يسالوا عنهم
ازيكم ياحبايبي عاملين ايه
اشرقت:عبير مش معقول ايه المفاجاة الحلوة دي
💙
مانا قلت مش معقوله مجيش اقولكم حمد الله على السلامة
أشرقت :الله يسلمك ياقلبي شرم نورت والله
💙حبيبتي منورة بيكم ازيك ياسموحتي
سماح:وحشاني والله يابيرو مش كنتي تقولي انك جايه كنا جينا سوا بدل مانا طول الطريق بكلم نفسي وربنا واعدني بسواق اخرس
💙انا مكنتش عامله حسابي اني جايه والله بس بصراحه لما لقيتكم حتاكلوا رنجه مقدرتش قلت لازم اجي اكل معاكم
أشرقت :ايوة بقى خللي القعده تحلو ياللا بينا
حسن:ايه اللي بيحصل ده رنجه عالشط السياح حيطفشوا حرام عليكم
💙طب سلم قول اي حاجه
حسن :عبير انتي جيتي امتى
وبعدين انا اصلا زعلان منك
💙ياخي اتنيل هو انت ليك عين تزعل مش انت اللي اتسرعت وسيبتها
حسن :مش عارف عملت كده ازاي
💙خلاص بقى متقرفناش
الله ايه الرنجه العسل دي هاتي حتة بصل ياسماح
سماح:خدي يابيرو بالف هنا وشفا
💙اشرقت عاوزه اشوف ياسين قبل ماارجع
أشرقت :حسن روح هات ياسين من ماسه
حسن :لا وربنا انتوا التلاته حتشللوني ياناس كده مينفعش في سياح
💙على اساس اننا حاطين مخدرات
امشي يابني طريقك اخضر بقولك ايه ظبط امورك معايا عشان اظبطلك الدنيا بدل وربي لخللي الكل يفرح وانت تفضل قاعد كده تبكي على ليلاه
حسن :لا وعلى ايه الطيب احسن
💙ناس تخاف متختشيش
سموحتي جوزك عامل ايه
سماح:ياختي افتكريلنا حاجه عدله قطيعه
💙قطيعه تقطعهم كلهم ياحبيبتي
ملكيش دعوة بينا انتي ياشوشو احنا اصلنا خيبتنا واحده
انما انتي بقى وعمار عصافير كناريا
أشرقت :عمار ده اخلى حاجه حصلتلي فحياتي
💙سماح ناوليني شوية بيبسي ابلع يااختي بلاهم
كلي ياشوشو ياحبيبتي
أشرقت :هههههه مانا باكل اهوهبصي استني لما ييجي عمار وتسلمي عليه
💙لا يا شوشو مش حينفع انا يادوب ارجع بسرعه اروح لقدري
اللي مستنيني شكرا ياحبايبي عالاكله الحلوة دي سلمولي على ماسه القمر وقولولها عبير بتسلم عليكي
ياللا سلام
حسن :استني انا جبتلك ياسين
💙ياخلاثي عالعسل ياناس ايه الولاداللي بالالوان الطبيعيه دي
مش كنت جبتلك ادهم يشوفك ويلعب معاك
الف سلامه عليك ياحبيبي ربنا بحميك يارب
خللي بالك من الولد ياشوشو ياللا سلام
🍎انبسطت اوي سماح بالقعده فشرم وقعدتها ساعدت حسن انه يخرج من ازمته شويه
وكمان عمار ماسابهوش لحظه وبدا ينشغل فى الشغل ويحاول يبعد تفكيره عن اي حاجه تفكره بايمان
وكانت ماسه بتتعامل معاه بشكل كويس وبتحاول متجيبش سيرة اي حاجه تضايقه
اما اشرقت برغم فرق التفكير بينها وبين سماح بس حبتها جدا وحبت بساطتها وتلقائيتها فى الكلام
وكانوا تقريبا بيقضوا معظم اليوم سوا وطبعا القعده ماخلتش من الكلام على بسمه وجوزها
اللي كان بتخللي اشرقت تموت من الضحك
أشرقت :ههههههههههه طب وهي ليه استعجلت مش كانت استنت لما ابنها يكبر شويه
سماح:متخلفه تقولي ايه قلتلها يابناي ابنك لسه صغير تقوللي اصل أحمد بيحبني اوي ياماما وعاوز يجيب ولاد كتير
اقولها مانتي لو جبتي ولاد ورا بعض حتتعبي ومش حتقدري تهتمي لنفسك وممكن هو يلعب بديله
تقوللي اطمني ياماما احمد مالوش ديل
أشرقت :هههههههههه والله انتوا ملكمش حل انتي شوقتيني اشوفها
سماح :متشوفيش وحش ياحبيبتي
😑😑😑😑😑😑😑😑😑
بعد مرور عدة أيام
تجلس قرفصاء تضع رأسها على ركبتيها وهي تبكي بشده
تقترب منها احدى النساء :ايه يا حلوة مالك بس بتعيطي ليه
انتي عملتي مصيبه ايه رمتك هنا
قتلتي واللا سرقتي واللا تكوني استغفر الله العظيم اداب ياقلبي
مياده وهي ترفع رأسها :انا معملتش حاجه انا بريئه والله انا مش فاهمه حاجه
المرأه :هههههههههه الكل بيقول كده فى الأول بمرة تتعودي ويجيلك تناحه
مياده :لاء انا بريئه معملتش حاجه انا لازم اخرج من هنا
المرأه :معاكي فلوس
مياده :لا ممعييش
المرأه :اللي ممعهوش ميلزموش ياحلوة
يفتح العسكري الزنزانه :مياده السيد توفيق
مياده:ايوة انا
العسكري :تعالي معايا جايلك زيارة
