رواية شمس تتحدي الغيوم الجزء الثاني (للعشق كلمته الاخيرة) الفصل الرابع عشر
هل مازرعناه يستحق كل ذاك العقاب؟ هل يستحق أن نجني كل تلك الاشواك؟
لما نسلم أنفسنا للشيطان ثم ندعو الله ان يقف بجانبنا وينجينا مما اوقعنا انفسنا به؟
لما لا نتذكر الله الا وقت الشدائد فقط ولكن فى لحظات الفرح ننساه سبحانه وتعالى؟
ولكنه هو القادر على كل شيء هو العالم باحوال عباده
فإن الله يستر على العبد مرة ومرة حتى اذا اخذه اخذه اخذة عزيز مقتدر
ها هي تبكي على حالها لا تعلم كيف وصلت الى ماهي فيه وماالذى اتاها الى هنا
اهي فى مكان واحد مع المجرمين واللصوص فلم يصل لتفكيرها فى يوم من الأيام ان يحدث لها ماهي فيه
يمسكها العسكري لترى من الذي اتى إليها
:انجي الحقيني ياانجي
انجى :اهدي ياقلبي مالك في إيه وايه اللى حصل بالظبط
مياده :انا مش عارفه حاجه ولا فاهمه اى حاجه مش انتي اتصلتي علية عشان تقابليني
انجى:وبعدين حصل ايه
مياده :بعد ماسيبتك وروحت اول مافتحت الشقه لقيت ناس معرفهومش أول مره اشوفهم والله وشكلهم مريب وفاوضاع قذرة وفى خمور وحاجات تانيه كتيرة انا مش عارفه هما مين ولا دخلوا الشقه ازاي
وقبل مااستوعب اى حاجه
لقيت البوليس جه وجابني هنا وانا مش فاهمه حاجه خالص
انجي :مش فاهمه حاجه ازاي بس هي الشقه دي مش شقتك بردو واللا ايه
مياده :ايوة شقتي بس انا معملتش حاجه
انجى:وجيبتيها منين الشقه دي ياقلبي
مياده :ايه اه اشتريتها
انجي :هههههههه والله ده انتي لو قعدتي تحوشي مرتبك العمر كله مش حتعرفي تجيبي شقه زي دي
بقى كده بردو يامياده تطلعي قواده وبتجيبي البنات والرجاله فى الشقه استغفرالله العظيم
معقوله تطلعي بالاخلاق دي انا بجد مش قادرة أصدق
مياده وهي منهاره :لا والله العظيم انا ماعملت حاجه ولا اعرف حاجه
انا بريئه والله صدقيني ياانجي
انجي:بريئه ازاي بس يامياده ده كل اللي اتقبض عليهم فى الشقه عندك قالوا انك انتي اللي كنتي بتجيبيهم وبتجيبيلهم الرجالة
دول خرجوهم من الشقه بالملايات ياقلبي
والشقه باسمك كمان يعني القضية لابساكي لابساكي واقل حاجه حتاخدي خمس سنين دي شبكة دعارة ياقلبي وانتي بتديريها
مياده وهي تلطم على وجهها:يالهوي يامصيبتي لا ده انا اموت نفسي اهون علية من حاجه زى دي ابوس ايدك ياانجي ابوس ايدك أبوس رجلك متسيبينيش اقفي جمبي
ساعديني الله يخليكي
انجى :مانا طول عمري واقفه جمبك ياحبيبتي
ومستعده اقف معاكي بس بشرط متكدبيش علية وتحكيلي كل حاجه
مياده:طب انا محتاجه اكلم ادم
انجي:ادم وانتي عاوزة تكلميه ليه
مياده:عشان ييجي يقف جمبي انا محتاجاه جمبي هو عارف كل حاجه وحيقوللهم اني معملتش حاجه
انجي :وهو ادم إيه اللي حيعرفه كل حاجه عنك يامياده
مياده:ماعشان هو اللي جابلي الشقه
انجي:ادم اللي جابلك الشقه ليه مش فاهمه
مياده :انجي الله يخليكي اتصليلي بيه وبعد كده حفهمك كل حاجه
انجي:ريحي نفسك ياقلبي ادم مش موجود ادم سافر
مياده :سافر مسافر فين
مياده:وانتي مالك مسافر فين اما عجيبه هو فى واحده بتشتغل عند حد تسأل راح فين وجه منين
بس مقلتليش بقى الشقه دي جابهالك بمناسبة ايه وياترى اللي فبطنك ده كمان ليه علاقه بيه بردو
مياده انا وقفت جمبك كتير اوى
وياما ساعدتك
وفى الاخر عملتي ايه مش عضيتي الايد اللى اتمدتلك حصل واللا محصلش يامياده
مياده:انا انا والله
انجي وهي تصفعها على خدها:
ياحيوانه ياسافله
بقى انا اديكي الامان وتصعبي علية
واشغلك عنده امال لو مكنتش فهمتك من اول يوم وقلتلك ان ادم ده يخصني بتاعي أنا خط احمر اوعي تفكري تقربي منه
وحذرتك
وقلتلك انك مشوفتيش غيرخيري لكن لو فكرتي تقللي باصلك معايا حتكونى حفرتي قبرك بايديكي بامياده
وتبقي جنيتي على نفسك
رحتي لفيتي عليه لحد مااتجوزتيه كنتي فاكرة انك حتقدري تاخديه مش كده
انتي دقتي عسلي وجه الوقت اللي تشربي فيه سمي
وتشوفي الوش التاني اللي حذرتك منه
مياده :انا مليش ذنب والله ده هو اللي فضل يلف علية لحد ماخلاني وافقت واتجوزته عرفي انا قلتله لاء بلاش انجي حتزعل لكن هو مكنش هامه صدقيني انا اتضحك علية
انجي :هههههههه ياعيني شوف ازاي
مياده :اقفي جمبي الله يخليكي وساعديني اخرج من هنا وانا حعيشلك خدامه تحت رجليكي بس خرجيني من هنا ابوس ايدك
انجى :مياده انتي اغبى واحده شفتها فحياتي انتي مسالتيش نفسك انا عرفت ازاي انك هنا
انا اللي جايباكي هنا ياحلوة كل اللي حصل ده بترتيب مني أنا
كل الشهود اللي شهدوا عليكي دول انا اللي دافعالهم
ثم تخرج لها عقد الجواز :شايفه ده عارفه ده ايه ده التمن اللى آدم دفعهولي عشان اخلصه منك
ادم اتجوزني رسمي هاه رسمي ياحلوة على ايد مأذون مقابل اني اخلصه منك
وانتي خلاص انسي انك تخرجي من هنا الجريمه لابساكي لابساكي كل الشهود ضدك
لاء ونسيت كمان اقولك اني حخرج من هنا على اهلك الناس الطببين الغلابه عشان يعرفوا ان بنتهم الشريفه العفيفه االي مفهماهم انها مسافرة ياعيني طلعت قواده
وعندها شبكة دعاره وفضحتهم
لاء وكمان حامل فى الحرام والفضيحه حتبقى على كل لسان تخيللي انتي بقى لما كل الناس تعرف
ومش بعيد يجيبوكي فبرنامج خلف الاسوار ههههههههه
مياده:لا والنبي الله يخليكي كفايه اللي انا فيه بلاش اهلي انتي عارفه اني كنت متجوزاه
انجى :اثبتي ياحلوة لو شاطرة اثبتي
اللي يمسك النار بتحرقه يامياده وانا حذرتك دوقي بقى ياحلوة
سلام يامزة ولو اني اشك انك حتبقى مزة بعد كده
مياده:متسببينيش ياانجي انا عارفه اني غلطت فحقك بس خلاص والله ماحعمل كده تاني
سامحيني ياانجى خرجيني الله يخليكي
مش انا صاحبتك نسيتي ياانجي
انجي :صاحبتي ده ايه انتي نسيتي نفسك واللا ايه ياماما
ده انا كنت بشحتك هدومي يامعفنه وكنت بعطف عليكي ياواطيه بس حنقول ايه الواطي حيفضل واطي
سلام ياحلوة
تتركها انجي وتخرج بينما يأخذها العسكري على الحجز مرة اخرى
تدخل الحجز وهي فى دنيا اخرى لا تدري ماذا حدث اهو كابوس نعم بالتأكيد كابوس ليس الا
بينما يجلس بعيدا عنها المسجونات اللاتي قبض عليهم فى شقتها
تذهب اليهن لتتحدث اليهن:الله يخليكم انتوا عارفين اني بريئه قولولهم الحقيقه انا مستقبلي حيضيع
احداهن:نعم ياحبيبتي انتي عاوزانا نشهد زور لا ده كله الا الكدب
مياده :حرام عليكم هو انتوا شفتوني قبل كده واللا تعرفوني مش انجي هي اللي زقتكم علية ودفعتلكم حرام عليكم
احداهن:انجي مين يادالعدي اللي بتتكلمي عنها احنا لانعرف انجى ولا غيره انتي حتستعبطي واللا ايه
مش انتي اللي كنتي بتجيبينا عندك فى الشقه وتضحكي علينا بقرشين وتلهفي الباقي
مياده وهي تهجم عليها:اه يابت ال........ منكم لله حتضيعوا مستقبلي
ربنا ينتقم منكم
فيتكالبون عليها جميعهم ويطيحون بها ضربا فى كل انحاء جسدها وهي تصرخ بشده ولا احد يدافع عنها
حتى وجدوها غارقه فى دمائها
وفتح العسكرى الباب على الاصوات ولم ينطق احد بمن فعل ذلك
تم نقلها الى مستشفى السجن فاقده للوعي فى حاله خطرة وهي بين الحياة والموت
بعد مرور عدة ساعات تفيق فتجد نفسها في مكان لا تعرفه
معلق بيدها محلول وتشعر بآلام فى بطنها
تسأل الممرضه :انا فين
الممرضه :انتي فمستشفى السجن ياحبيبتي حمد الله على سلامتك وربنا يعوض عليكي
مياده :يعوض علية ازاي هو انا حصللي ايه
الممرضه :انتي حصلك اجهاض وفقدتي الجنين
تبكي مياده:ابني مات منك لله ياادم منك لله ياانجي ربنا ينتقم منكم
بس انا اللي استاهل كان لازم افهم ان معرفتي بناس زى دى حتكون اخرتي سوده اهئ اهئ
يمر اليوم عليها وهي فى الفراش منتظرة ماسيحدث لها
فى اليوم التالي تفتح اعينها لتنصدم بوجود أبيها وامها امامها
ابهذه السرعه نفذت انجى تهديدها واحضرت ابي وامي لرؤيتي بتلك الهيئه
والدها: هو ده السفر اللي انتي مسافراه يامياده
فى السجن وياريتك مسجونه فقتل واللا سرقه والله كان حيبقى اهون عندي من اني اشوفك مسجونه فى
قضية اداب هي وصلت للشرف يامياده
ليه حرام عليكي ليه تعملي فينا كده ده احنا طول عمرنا عايشين وراسنا مرفوعه تقومي تحطي راسنا فى الوحل بالشكل ده
احنا بسبب عملتك السوده دي حنسيب بيتنا اللي عيشنا فيه طول عمرنا
ونروح اي مكان ندارى فيه من عيون الناس وكلامهم
ليه ليه حرام عليكي ليه ثم يقوم عليها ويحاول ضربها فتمنعه امها:سيبها هي خلاص مبقتش بنتنا اللي ربيناها وعلمناها وصرفنا عليها دم قلبنا لحد مابقت بشنهندسه اد الدنيا وفى الاخر بقت مرميه فى السجن مع الحراميه وقتالين القتله
ليه عملنا فيكي ايه اذيناكي فايه عشان تأذينا بالشكل ده
هي حصلت للحرام يامياده وكمان كنتي حامل فى الحرام ده انتي الموت ليكي رحمه
مياده وهي منهارة :بريئه والله العظيم انا بريئه انا كنت متجوزه والله كنت متجوزه انا معملتش حاجه حرام
واللي جاتلكم وبلغتكم باللي حصللي هي اللى رمتني هنا جابت ناس يشهدوا علية زور انا بريئه انا صحيح غلطت وطمعت بس انا بريئه صدقيني ياماما
والدتها:متقوليش ماما دي تاني انتي بالنسبه لنا خلاص متي فاهمه يعني ايه متي
واياكي تورينا وشك تاني حد الله بينا وبينك تتحرمي علينا ليوم الدين
طول عمرك طماعه ودايما باصه للي فايد غيرك طول عمرك متنمرده على عيشتنا مع اننا مقصرناش معاكي كنا بنديكي اكتر من اخواتك
صحيح البطران اخرته قطران
وانتي اتبترتي عالعيشه لحد مااديكي اهوه خسرتي كل حاجه نفسك وسمعتك وشهادتك وخسرتينا معاكي روحي ربنا ينتقم منك حسبي الله ونعم الوكيل فيكي
ليه معيشتيش زى ماكل الناس عايشه مااتجوزتيش ليه واحد من الناس المحترمين اللي اتقدمولك
بس ازاي وتعيشي عادي ازاي ويبقى عندك شقه صغيرة ازاي
مبسوطه دلوقتى فرحانه باللي انتي فيه حرمتينا من اننا نشوفك زي ماكل اب وام بيشوفوا بنتهم وهي فايد عريسها ورافعه راسهم للسما
رحتى لفيتي على حل شعرك ليه ليه
حرمتي ابوكي من انه يحط ايده فايد عريسك ويسلمك ليه
حرمتي اخوكي من انه يرقص معاكي ومع عريسك ويوصلك لبيتك
اخوكي ياضنايا يابني اخوكي اللى مش عارفه حقولله ايه لما يرجع الاسبوع الجاي من شغله
حنقولله اختك ماتت ماتت ياحبيبي ماتت
طب حاجتك اللي كنت بشتريهالك من وانتي عيله صغيرة واشيلهالك اعمل فيها ايه اديها لمين
واقول الطقم ده اشيله لمياده والمفرش ده لمياده والكاسات دي لمياده
واتاريكي مستغفلانا كلنا ومنيمانا كنتي فاكرة ان ربنا حيسيبك تطيحي كده من غير مايعاقبك طب اديكي اهوه مرميه على سرير والسجانين حواليكي
وبكرة تترمي بين اربع حيطان ولو لقيتي سرير تنامي عليه يبقى كرامه وبكرة تمسحي حمامات السجن
وتطلعي متعرفيش حتى تقفي فمحل تبيعي عيش ضيعتي نفسك وضيعتينا معاكي
منك لله يامياده منك لله يابتي قلبي وربي غضبانين عليكي ليوم الدين
عوض علينا يارب
العوض من عندك انت يارب
حسبي الله ونعم الوكيل فيكي يامياده
ياللا بينا ياحاج ياللا بينا نمشي احنا خلاص بتنا اللي شقينا عليها وقصرنا فحق أخواتها عشانها ماتت خلاص
تقوم مياده من الفراش وتمسك بهما فتطيحها امها فتقع ارضا فتشدها من قدميها :ماما متسيبونيش ياماما متتخلوش عني انا بريئه
والله العظيم بريئه انا غلطت لكن معملتش حاجه صدقوني ياماما بابابا صدقوني انا بريئه
ولكن لا احد يسمع صراخها فلقد تركاها وذهبا وفوضا امرهما لله
فما اصعب من ذلك الموقف ان يجد الأب والأم تعبهما طوال السنين وحرمانهما من كل متع الدنيا لاسعاد اولادهم قد ذهب هباء
بينما هي ظلت تبكي وتبكي على حالها ولا تعلم ماذا تفعل فى تلك المصيبه التي حلت بها والتي حتما ستودي بها الى الجحيم
يارب ساعدني يارب اقف جمبي يارب انا عارفه اني عصيتك كتير وكنت وحشه اوى وعمري مااتمنيت الخير لحد يارب اقف جمبي
انت العالم يارب اني بريئه وعالم اني معملتش حاجه محدش راضي يقف جمبي او يساعدني ابويا وامي اتبروا مني وجوزى دفع فلوس لصاحبتي عشان تخلصه مني
وانا استاهل ايوه والله عارفه اني استاهل الحرق بالنار
وعارفه ان طمعي هو اللي رماني هنا بس انا طمعانه فكرمك يارب يارب
اخذت تبكي وتبكي حتى صعب حالها على الموجودين ولكن ليس بايديهم شئ سوى تنفيذ التعليمات
😒😒😒😒😒😒😒
فى داخل الفيلا
تجلس إيمان مع الصغار فى غرفتهم وهم جالسين بجوارها تطعمهم
الطعام وهي تغريهم بالالعاب لتتمكن من اطعامهم:هم هم ياللا يالولي ايوه شطورة لولي
ياللا ياسولي هم هم سولي حبيبي اكل
هيييه تجلس إليهم والدنيا لا تسعها من الفرحه انها أصبحت هي المسئوله عنهم مسئوليه كامله
تفتح عشق عليهم الباب فتجدهم جالسين فى الأرض فتجلس لجوارهم:ايمي انا زعلانه منك
إيمان :الاميرة عشق زعلانه مني انا لا ده انا ممكن اموت فيها
عشق :بعد الشر عنك ياايمي متقوليش كده انا بحبك وعاوزاكي تعيشي على طول بس انتي النهارده من ساعة ماجيتي قاعده مع لولي وسولي ومش قعدتي معايا خالص
إيمان :امممممم مش انا لما جيت كنتي بتكتبي الهوم وورك بتاعك صح واللا انا غلطانه
عشق :ايوة صح
إيمان :وانا قلتلك انا حطلع اقعد مع اخواتك وبعد ماياكلوا ويغيروا حنزل ونلعب سوا صح واللا انا غلطانه
عشق :صح ياايمي
إيمان :طيب وانتي دلوقتى لما دخلتي مش شفتيني لسه باكل اخواتك صح واللاغلط
عشق :صح ياايمي يبقى انا اللي غلطانه
إيمان :خلاص انا بقى اللي زعلانه ولازم تصالحيني
عشق :انا اسفه ياايمي انا بحبك اوى
إيمان :طب تعالي بقى وانا حضربك عشان متقوليش زعلانه مني تاني
تاخذها فى حضنها وتعاكسها بالقبلات و بالاحضان وعشق
تضحك بشكل هيستيري حتى ان الصغار كانوا يضحكون بشده على ضحك اختهما
فتح الباب عليهم وعلى اصوات ضحكاتهم ليراهم جميعا فى الارض والاكل بجانبهم وهم مرتدين البافتات حتى لا تتسخ ملابسهم وايمان تهدهد عشق وتعاكسها
فرح من قلبه وبشده:الهذا الحد اولاده سعداء وهي معهم الهذا الحد عشق تحبها
عشق:بابي جه بابي جه وقامت سريعا وارتمت باحضانه بابي يابابي تعالى العب معانا ياللا ياايمي اعملي لبابي زى ماكنتي بتعمليلي عشان يضحك زيي
فتشعر ايمان بالاحراج الشديد وتعدل من ملابسها وهيئتها:يزيد حمد الله على السلامة
يزيد :الله يسلمك ياايمان الولاد شكلهم تاعبينك اوى
إيمان :ياريت كل التعب يبقى كده ده هما اللي مهونين علية كل حاجه واحلى وقت هو اللى انا بقضيه معاهم
يزيد :ربنا يخليكي ليهم ياايمان
ايمان :ويخليك ليهم يارب
طب مش ياللا ننزل ماما بتقولك العشا جاهز
إيمان :لاء عشا ايه انا اتاخرت ولازم اروح
يزيد :لا شكلك كده عاوزة حماتك تزعل منك
إيمان :لا ده كله الا ماما هاله
يزيد :يبقى ياللا بينا وانا حوصلك البيت متقلقيش
ايمان:ماشي
ثم تعطيه سليم:شيلني يابابي ياللا
يزيد وهو يقبله:حبيب بابي ياناس
ثم تحمل هي عاليه حبيبة قلبها:ياللا بينا
ينزلان وكل منهما يحمل طفلا بينما تنزل عشق امامهما فيسعد شاكر لرؤيته لهم بهذا الشكل فهم اسرة حقا من يصدق انها ليست امهم يحمد الله على حسن اختيارهم لها ويدعو الله ان تظل محبتهم فى قلبها لا تتبدل يوما
شاكر :اهلا اهلا بالابطال اديني عاليا ياايمان
ايمان:خد ياجدو
لا تعرف ايمان اين ستجلس فتلك اول مرة ستتناول معهم الطعام بعد خطبتها ليزيد وايضا يزيد كان متوتر لا يعلم اين يجعلها تجلس خاصة فى وجود عشق
ولكنهم يتفاجئون بعشق وهي تقول لها:اقعدي جمب بابي ياايمي
تجلس ايمان بجوار يزيد فى ذلك المكان الذي كانت عاليه دائما تجلس به فلم يشعر يزيد سوى بدمعه هاربه من عينيه
تشعر ايمان به وكيف لا تشعر وقد كانت عاشقه وتعلم جيدا حال العشاق
تجد نفسها تلقائيا تطبطب على يديه وكانما تكسبه القوة:ممكن قبل مانبدا العشا نقرا الفاتحه لعاليه الله يرحمها
ماهذا الذي تفوهت به الهذا الحد شعرت بي وما بداخلي كم انكي رائعه ايتها المراة يامن تشعر بمن حولها
فأنتي لستي خفيفة الظل وحسب وانما تشعرين بمن حولك وتشاركيهم مايشعرون به
تثبتين لي انني كنت محق كل الحق فى حبي لكى
رفع شاكر وهاله وهي وعشق ويزيد ايديهم جميعا لقراءة الفاتحه لها
ثم بداوافى تناول الطعام فى جو من المرح احدثته ايمان حتى كانوا يضحكون وبشده على ماتحكيه من مواقف
هاله:طب وايه المشكله بس ياموني مادامت هي عاجباه
إيمان :هو المشكله يا ماما انه مبيختارش غير اللى اكبر منه وياريتهم اكبرمنه بسنه واللا اتنين لكن ده بيحيبهم اكبر منه بعشر سنين او اكتر كمان
ماما تقولله انا عاوزة اعرف انت ايه السر فانك مبيعجبكش غير الستات الكبار انت ايه حكايتك يابني
يقوللها انا مبحبش البنات الصغيرين بحسهم هبل انما الكبار بيكونوا عاقلين وراكزين
واول امبارح عزم الست دي عندنا فى البيت عشان ماما وبابا يتعرفوا عليها
هاله:وبعدين عجبتهم
إيمان :والله العظيم هي شكلها طيبه ومحترمه بس المشكله انها جايه وجايبه معاها تلت ولاد وقالت دول ولادها من طليقها وانها حتتجوز هما معاها وياكده يامفيش جواز
شاكر :طب والله ست محترمه
إيمان :فعلا والله يابابا وبابا كمان قال كده وعجبت بابا جدا وقالله اعمل اللي يريحك
لكن ماما بقى بعد مامشت فضلت تصوت وكانت حتلم الشارع علينا وتقولله واحنا لما نروحلك فى الصباحيه حنقولك ازاي صباحيه مباركه ياعريس
لا واحنا نروحلك ليه اصلا انت تسيب ولادها يباتوا عندنا عشان تاخدوا راحتكم ياعريس الهنا
وياترى بقى يوم الفرح ولادها هما اللي حيمسكولها الشمع
واحنا مش محتاجين فرقه ده ولادها يقوموا بالفرقه لوحدهم
وفضلت تعيط طول الليل وتقول ياوكستك فابنك الوحيد ياماجده
شاكر:مين ماجده دي مامتك
إيمان :ايوة مامتي اسمها ماجده وبابا بيقوللها ماجي واول مايقوللها ياام أيمن نعرف انه زعلان منها فحاجه
الكل يضحك على كلامها فلقد كانت هي القائمه بدور المتحدثه وهم فقط المستمعون حتى تنتبه لذلك:ايه ده انا رغايه صح واكيد صدعتكم بكلامي
يزيد :بالعكس ياايمان انتي كلامك ميتبشعش منه
هاله :صدعنا ده ايه ياريت الصداع كله كده
يدخلان باطفالهما على اكتافهما :ياسلام ياسلام متجمعين عند النبي ان شاء الله
شاكر :اللهم امين ايه رايكم صحيح ياولاد انا عاوز اخدكم كلكم باولادكم ونطلع حج ان شاء الله
يزيد :يا ريت والله يابابا
شمس وهي تقبل ايمان:وايمان حتعمل احلى جو للحجاج
يجلس عمر وشمس وينظر شاكر لاحفاده ويحمد الله:سبحان الله ماكنش فى البيت غير عشق بس
دلوقتى بقى البيت مليان ولاد ربنا يخليهم يارب ويبارك فيهم ويخللي ولاد مروة وعهد ربنا يحفظهم جميعا
يزيد :ربنا يخليك لينا يابابا وتفرح بيهم يارب
شاكر :ربنا يخليكم انتم لولادكم ياحبايبي يارب
هاله:شفت ياشاكر أدهم بقى شبهك اوى ازاي
شاكر :الحمد لله ان ربنا نصرني وحد من الولاد طلع شبهي
هاله :خالتك عامله ايه ياشمس
شمس :الحمد لله والله ياماما انا كنت قلقانه عليها اول مااتجوزت وكنت خايفه عليها اوى من الوحده
لكن سبحان الله ربنا بعتلها امل وابنها مش مخليين عندها فراغ نهائي ودلوقتي لما بنكون عندها بقين حسين اننا فمدرسه وانا بقيت مطمنه عليها اوي
امل بتحبها وواخده بالها منها اوي ربنا يكملها على خير ويقومها بالف سلامه
هاله:ربك بيقطع من هنا ويوصل من هنا ربنا يديم بينهم المحبه
عمر :يزيد بكرة ان شاء الله كريم حييجي عشان ديكورات الجناح بتاعكم ياعرايسنا الحلوين
يزيد :ايمان عاوزك تكوني موجوده عشان تختاري الألوان اللي تحبيها
إيمان :اختار انت يايزيد انا واثقه فذوقك
يزيد :وانا عاوزك انتي اللي تختاري بنفسك الديكورات
إيمان :حاضر يايزيد
🌺🌺🌺🌺🌺🌺🌺🌺
فى صباح يوم جديد تجري على الشاطئ بالملابس الرياضيه لتستنشق ذلك الهواء العليل فتتفاجا به أمامها :مروان ازيك عامل إيه
مروان :تمام انتي عامله ايه
ماسه :بخير والله انا كنت فاكراك سافرت
مروان:لاءانا اخدت اجازة تعبت من الشغل وقلت اريح يومين هو انتي متعوده كل يوم الصبح تجري عالبحر
ماسه :ايوة بحب اجدد نشاطي
مروان :فعلا الجري الصبح بحسه بيديني طاقه اني اكمل بقية اليوم
يجدون من يقترب منهم وهو يجري هو الاخر :صباح الخير
ماسه :صباح النور ياحسن
حسن :مروان مش كده
مروان :وانت حسن صح صباح الخير
حسن :صباح النور ازيك
مروان:تمام ماتيجوا نفطروا سوا
ماسه:تعالى اتفضل انت معانا مامي وبابي مستنييني
مروان:باباكي فعلا وحشني اوى
ماسه :خلاص اوكيه ياللا بينا
ياللا ياحسن
يتحركون ليصلوا الى الفيلا حيث عادوا الى فيلتهم واستقروا بها
حسن بمجرد رؤيته لياسين لايرى شيئا حوله يأخذه سريعا ويظل يهدهده وهو فرح به بشده ينسى معه كل الامه التى مازال يشعر بها
عمار :ازيك يا مروان عامل ايه والبشمهندس عبد الغفار اخباره إيه
مروان :بخير والله بيسلم على حضرتك
أشرقت :وماما بقالي فترة طويله مشوفتهاش
مروان :كانت مسافرة ولسه راجعه
أشرقت :يبقى لازم تجيلهم وتيجوا تسهروا معانا
مروان :اكيد طبعا
ينظر تجاه ماسه فيجدها مندمجه مع حسن وياسين وهما يلاعبانه وتحاول وضع الطعام فى فمه الصغير ويضحكان على منظره
يتناول الفطور معهم ثم يستئذن
عمار :محترم اوى مروان
أشرقت :شكله معجب بماسه
عمار :اه اخدت بالي بس هي مش مهتميه نهائي
أشرقت :تفتكر لسه جواها حاجه ناحية حسن
عمار :بصي عليها وانتي تعرفي
كانت ماسه تضحك مع حسن وهما يلاعبان ياسين
أشرقت :بس انا مش حابه حاجه زى دي ياعمار
عمار :ولا انا ياحبيبتي سيبيها على ربنا محدش عالم بكرة فى ايه
ربنا يكتبلها الخير يارب
أشرقت :يارب ياحبيبي يارب
🌺🌺🌺🌺🌺🌺🌺🌺
يذهب إلى اخته فى بيتها ليطمئن عليها:عامله ايه ياقلبي
عهد :مرام هدت حيلي والله ياابيه طول الليل ارضع فيها لما تعبت خلاص
على :ياروحي ربنا يخليها يارب طب وفين سيف مش قايم معاكي بالواجب واللا إيه
عهد :لا والله ده طول الليل شايلها وعمال يلف بيها فى الشقه ويحكيلها قصة حبنا من اول مارجع من السفر لحد يوم فرحنا قالي يعني هى فاهماه
على:هههههههه هو أصله بيحبها اوي
عهد:ياربي ده مجنون بيها مبيستحملش عليها الهوا جيجننوني هما الاتنين
على:عهد حبيبتي عمك بيقولك وحشتيه اوى نفسه يشوفك ياعهد
عهد :هو كمان وحشني اوى والله بس مش قادرة والله ياابيه علي
على:ده بقى واقع ياحبيبتي ولازم نرضى بيه وبعدين انتي لو شفتي فرحة عشق حتتقبلي الموضوع
عهد :وده اللي مضايقني اكتر ياابيه انا مش قادرة استوعب هما ازاي متكيفين مع الوضع كده عادي وكأن اللي ماتت دي مكنتش مةجوده اصلا
ازاي عشق تنسى مامتها بسرعه كده وترمي نفسها فحضن ايمان ازاي
عمى اللي كان روحه فيها الله يرحمها يروح يخطبله بنفسه طب راح فين حزنه عليها
ابيه يزيد ينساها بسرعه كده ورايح يتجوز ويبدا حياة جديده
ومتقوليش لسه جواه متقنعنيش ان وهو نايم فحضن ايمان حيكون لعاليا مكان جواه
هي راحت ياحبيبتي خلاص راحت ومبقاش ليها اى اثر جواهم
على :ماتبقيش اسيه كده ياعهد الحياة مبتقفش عند حد واللي حصل قضاء وقدر لازم نرضى بيه
عهد بنتي واختي و حبيبتي صاحبة القلب الطيب لازم ترجع تاني
واكيد عاليا دلوقتى زعلانه منك انك مش بتشوفي ولادها
حبك لاختك ووفائك ليها الحقيقي انك تروحي لولادها تطمني عليهم مش تبكي عليها وبس
فين وجودك فى حياتهم ياعهد دي انتي خالتهم الوحيده
متبقيش تزعلى بقى لما تمدي ايدك عشان تشيلي حد فيهم ويعيط وميرضاش يروحلك وقتها انتي حتزعلي وحتحسي انهم شفينك غريبه عنهم
وتبقي زيك زي اي حد غريب حتفرحي كده ياعهد
عهد كتب كتاب يزيد وايمان بعد يومين وكلنا حنحضر كتب الكتاب وحنشارك يزيد ولو مجيتيش براحتك مش حلومك بس انا متأكد ان عاليا حتكون زعلانه منك
يزيد يستحق انه يفرح ياعهد وانا فهمتك كتير وتعبت من كتر مااتكلمت معاكي متخليش حبك لاختك ينسوكي اللي يزيد معاشهوش وهو معاها وانه كان راجل ومستحمل
وكان وفي ليها طول ماهيا عايشه ومش المفروض انه يترهبن بعدها
وانتي مبقيتيش صغيرة انتي كبرتي واتجوزتي وفاهمه قصدي كويس انا حسيبك لقرارك وتأكدي ان دي اخر مرة حتكلم معاكي فى الموضوع ده
عهد :ااااه ياحبيبتي ياعاليا وحشتينى اوى
😢😢😢😢😢😢😢😢😢
تنزل الخادمه بالشنط استعدادا للسفر
ايه ياماسه مش ناويه تغيري رأيك وتيجي معانا
ماسه :مش حقدر والله يابابي مش، حينفع كلنا ننزل نحضر كتب كتاب ايمان ويزيد ونسيب حسن هنا لوحده حرام ده ممكن يحصلله حاجه
حضرتك مشوفتوش وقت ماعرف انهم اتخطبوا ده اغمى عليه وتعب أوي
عمار :ماسه هو انتي لسه بتحبي حسن
ماسه :مش عارفه يابابي انا مبقتش قادرة احدد مشاعري تجاهه بس اللى حسه بيه اني مش حقدر اسيبه لوحده فموقف زى ده
عمار :وانا حسيبك على راحتك ياماسه لأني متأكد انك كبرتي وعقلتي ومش حتعملي غير الصح
ماسه :ياحبيبي يابابي ان شاء الله حكون عند حسن ظنك فية
تنزل اشرقت وهي تحمل ياسين فتذهب معهم ماسه لتوصيلهم للمطار وتوديعهم
بعد مرور بعض الوقت يصلون للاسكندريه ويجدون عمر فى انتظارهم الذي اصطحبهم الى الفيلا
وطبعا رحبوا بيهم جدا واشرقت قدمت هدايا للولاد الصغيرين كلهم عليا وسليم وادهم وهلا
وكانت الهدايا حلوة اوي وسالوا عن ماسه وعدم حضورها
وهما برروا الموقف بان فى شغل لازم تقعد تشوفه
لكن يزيد اذكى من كده وفهم انها مش عاوزة تسيب حسن لوحده فموقف زى ده
قضوا وقت جميل معاهم وكانوا فرحانين بياسين وان ربنا تمم شفاه على خير
واشرقت اتكلمت كتير مع هاله وشمس حبيبتها وكانت مشتاقه اوي انها تشوف ايمان
😢يجلس أمام قبرها ويتحدث إليها :وحشتيني اوى ياحبيبتي انا جاي اقولك اني بكرة حتجوز ايمان
انا مش عارف انتي زعلانه واللا فرحانه
بس اللي عاوزك تتأكدي منه اني منسيتكيش وعمري ماحقدر انساكي ابدت
وازاي اقدر انساكي وانتي بتجري فدمي وولادنا قدام عيوني عليا بقت حته منك يا عاليا
متزعليش مني ياعليا انا حبتها والله ماعرف ده حصل امتى ولا ازاي كل اللى اعرفه اني حبتها ومقدرتش اتحمل فكرة انها تسافر وتغيب عني
سامحيني ياعاليا انا عارف ان ده مش من حقى وان المفروض محبش حد غيرك بس القلوب مش بايدنا لكن اوعدك ياعليا اوعدك اني عمري ماحنساكي ولا انسى حبي ليكي وحتفضلي جوايا العمركله
كانت الدموع تغرق وجهه وهو يتحدث اليها لم يستطع السيطرة على تلك الدموع
حتى سمع ذلك الصوت الذي اتى من خلفه : متأكد انك مش حتنساها ياابيه
يلتفت لصاحبة الصوت :عهد انتي هنا من امتى
عهد :من وقت ماكنت بتعترف ليها انك حبيت إيمان
يعني مش كفايه ان حضرتك حتتجوز كمان جاي تقهرها وتعرفها انك حبيت ايمان وان الموضوع مش مجرد انك متجوزها عشان تربي الولاد وبس ليه كده ياابيه ليه حرام عليك هي عاليا تستاهل منك كده
يزيد :عهد انتي ايه اللي بتقوليه ده عهد انتي مش فاهمه حاجه انا بعترف لعاليا بحبي لايمان لأن محدش يعرف عاليا قدى ولا حد حيحس بية فى الدنيا دي كلها زيها هيا
عاليه مكنتش بالنسبه لى مجرد زوجه لاء دي كانت اختي وحبيبتي وصاحبتي عاليا ماتت بجسدها اه لكن روحها حواليه وعمري ماحنساها ابدا ولا حتطلع من جوايا انا حبيت ايمان صحيح مبنكرش وهي تستاهل الحب ده لكن ده مش معناه اني نسيت عاليا
عاليا حتفضل مراتي حبيبتي ام ولادي اللي بدعي ربنا انه يجمعني بيها فى الاخرة
عهد انتي حبيتي عمر واتعذبتي فحبك ليه وعمرك ماكنتي متخيله ان حيبجي يوم وتحبي حد غيره وحصل وحبيتي سيف وبقى هو كل دنيتك ونسيتي عمر تماما عارفه ليه لان قلوبنا ملناش سطوه عليها وهي اللي بتحب من غير استئذان
أنا ربنا العالم اني بتعذب فبعادها عني وناري عيها مبردتش
وكان املي فى الدنيا ان عاليه تفضل عايشه ومنورة حياتي
لكن حنعمل ايه ودي ارادة ربنا ولقيت نفسي بحب ايمان بحب خوفها وحنيتها على ولادها بحب طيبتها واحساسها باللي حواليها هي كمان مدبوحه ومجروحه اتطلقت عشان سبب ملهاش دخل فيه انا محتاجلها وهي محتاجاني احنا الاتنين محتاجين نخفف عن بعض ونشيل الحزن من جوه قلوبنا
عهد انا ربنا العالم بحالي ايه فبعد عاليه عني وعالم اد ايه انا بتقطع بس حعمل ايه ياعهد لو انتي تعبانه
وحسه ان جوازي من ايمان حيكون خداع لذكرى اختك انا مستعد أوقف كل حاجه واعتذر لايمان
عهد :لاء ياابيه لاء، ايمان تعبت بما فيه الكفايه مينفعش نكمل عليها هي انجرحت لما جوزها سابها ومن حقها تفرح وانت كمان ياابيه من حقك تفرح انا اسفه ياابيه انا اسفه
يحتصنها يزيد وتبكي فى احضانه حقك علية ياابيه انا عمري ماحكون وحشه واطلب منك حاجه زى دي سامحني بس غصب عني والله انا جوايا نار مش عاوزة تهدى ولا تنطفى مش قادرة اتخيل ان حتيجي واحده تاخد مكان اختي تنام على سريرها وفحضن جوزها وولادها يقولولها ياماما حقك علية انا عارفه انك استحملت مرضها ومن حقك تعيش التمسلي العذر
يزيد :ياعبيطه ده انتي بنتي ده احنا كلنا مربيينك ياهبله
وبعدين اوضة عاليا محدش حيدخلها بعدها ياعهد
عهد :بجد ياابيه
يزيد :ايوة والله انا فتحت اوضتين تانيين على بعض وعملتهم جناح
لكن عاليا محدش حياخد مكانها ابدا وحتفضل اوضتها زى ماهي
عهد عاليه حتفضل جوانا ياعهد حتفضل عايشه بوجود ولادها
وبعدين كده بردو متجيش تشوفي ولادها انتي لو شفتي عاليا دلوقتى حتلاقي نفسك بتشوفي اختك فيها
لقد استطاع يزيد ان يحتويها ويفهمها جيدا ويخرج ما بداخلها من احزان على اختها
لقد صفت القلوب واعلنت عن اسباب احزانها لتستطيع فتح طريق جديد للسعادة
💔لقد ان الاوان لاعلانهم زوجه وزوجا يجتمع كل أفراد الأسرة لمشاركتهم لهذه المناسبه
فلقد تم اختيار احد الفنادق للاحتفال بكتب الكتاب فى حفل ضيق لم يتعدى اهله وأهلها
حيث كانت متالقه بفستانها الوردي الجميل وهو متالق كالبدر ليلة تمامه ببدلته السوداء التى أظهرت وسامته
تم الانتهاء من عقد القران وتقديم التهاني لهم من الجميع
والآن قرروا العوده معهم الى البيت فهم اتفقا على الا يتما شهر العسل الا عندما يتاكدان من كونهما يبدان ممارسة حياتهما كاي زوج وزوجه طبيعيبن
يدخلان الجناح المخصص لهما
يزيد :ايمان خدي راحتك انا حروح اطمن على الولاد وارجع تكوني غيرتي
ايمان:ماشي
تقوم باستبدال ملابسها حيث ترتدي بيحامه من الستان وردية اللون
يدخل يزيد فيتفاجا بها بتلك الملابس فيحاول ان يسيطر على مشاعره تجاهها
نعم ولما لا وهو كأي رجل طبيعي يود ان يقضي ليلته وهو فى احضان زوجته وخاصة اذا كان يعشقها
ولكنه لابد وان يكون على عهده معها بأنه لن يفرض سيطرته عليها الا عندما يشعر برغبتها فى ذلك فيكفيه الآن انها اصبحت زوجته تعيش فى كنفه تحت عينيه لن تحاول الهروب بعد اليوم هذا كل مايريده الان اما بعد فكل شئ، سياتي فى وقته المحدد بامر الله
🌺🌺🌺🌺🌺🌺
فى الصباح تجلس معهما ليتناولا وجبة الفطور يريد التحدث اليها ولا يعرف من اين يبدأ الحديث ولكن كفى فلا بد من وضع حد لهذا الأمر
سلمى
سلمى :ايوه ياعلاء
علاء :اعملي حسابك فى ناس جايين بكرة عندنا
سلمى :ناس مين ياعلاء
علاء :شاب كويس ومامته جايين يتقدموا ان شاء الله
سلمى :يتقدموا لمين
علاء :لية ياسلمى جايين يتقدمولي
انتى حتهزري مانتي فاهمه قصدي
سلمى :ايوه بس انا مش عاوزة اتجوز ياعلاء
علاء :ليه ناويه تترهبني ان شاء الله
نيرة :علاء مينفعش كده بالراحه شويه
علاء :امال ازاي يانيرة انتي مش سامعه بتقول ايه يعني ايه مش عاوزه تتجوزي ده ليه أن شاء الله ده كل اللي فسنك اتجوزوا وخلفوا وفتحوا بيوت انتي بقى حتفضلي قاعده كده لحد امتى لحد ماالقطر يفوتك وتلاقي نفسك لوحدك مفيش حد جمبك
فوقي ياسلمى فوقي بقى من الاوهام اللي معيشه نفسك فيها انا خلاص تعبت وجبت اخري ومش حصبر عليكي اكتر من كده
سلمى:خلاص زهقت مني ياعلاء وبقيت حمل عليك عاوز تخلص منه طيب متجيش على نفسك ولا تجيب اخرك انا حاخد بعضي وارجع بيتنا تاني اعيش فيه
علاء :انتي غبيه ازاي تقولي كده انتي مش عارفه انتي ايه عندي سلمى انا خايف عليكي ياحبيبتي خايف العمر يجري بيكي وانتي عايشه فى الاوهام عاوزك تفوقي ياسلمى حرام تضيعي عمرك كده
انا لو شايف ان فى امل كنت قلتلك استني وشجعتك لكن انا شايف ان مفيش اي امل ليه تستني
ليه متعيشيش وانتي فى ادامك فرص كتير حلوة
الشاب اللي متقدملك كويس جدا ووضعه كويس واهله ناس طيبين ادي لنفسك فرصه ياسلمى متقفليش مشاعرك على حد هو مش حيفكر فيكي
ماتقولي حاجه يانيرة ساكته ليه اخوكي قالك حاجه بخصوص سلمى قالك انه بيحبها وحيتقدملها قولي
لو قلك انا مستعد اقولها تستناه لكن ماتفضلش تبني احلام فى الهوا وخلاص.
تسكت نيرة ولا ترد
سلمى :خلاص ياعلاء انا تحت امرك
فى اللي انت عاوزه
