رواية شمس تتحدي الغيوم الجزء الثاني (للعشق كلمته الاخيرة) الفصل الثامن عشر
يجلسون على مائدة الافطار ياكلون طعامهم فى سكون تام ولكن قرر عمار ان يقطع هذا السكون:ماسه ياحبيبتي
ماسه :نعم يابابي
عمار :ممكن اعرف ايه رايك فطلب مروان
ماسه :بابي انا مش عاوزة ارتبط دلوقتى
أشرقت :ممكن نعرف السبب حضرتك واللا ايه رايك
ماسه:عشان دي حياتي الشخصيه يامامي وانا اللي لية حق اني اختار عاوزاها ازاي
أشرقت :وانتي عاوزاها ازاي حضرتك
ماسه :مامي ممكن اعرف حضرتك بتكلميني كده ليه هو انا قلت حاجه غلط
أشرقت :هو انتي قلتي حاجه صح اساسا يعني ايه مش عاوزة ترتبطي هو في بنت تبقى مش عاوزة ترتبط
ماسه :مامي في إيه هو حضرتك عاوزة تخلصي مني خلاص زهقتوا مني
عمار:لا ياحبيبتي ايه الكلام ده هو احنا عندنا اغلى منك يا حبيبة قلبي
هي مامي بس عاوزة تطمن عليكي وبعيد احنا شايفين ان مروان شاب ممتاز تتمناه اي بنت
ماسه :بس انا مش البنت اللي بتتمناه
عمار :ليه فهميني اقنعيني ياماسه
ماسه :انا مش عاوزه ارتبط دلوقتى بابابي انا لسه بتعلم الشغل وعاوزة يبقى عندي خبرة فيه واساعد حضرتك لكن الارتباط حيعطلني عن احلامي اللي عاوزة احققها
أشرقت :وانا مش مقتنعه بكلامك ده وانتي عارفه واحنا كلنا عارفين ان مش ده السبب الحقيقي لرفضك لمروان
ماسه :هو في ايه يامامي هو حضرتك عاوزة تقولي ايه وتقصدي ايه
أشرقت :عاوزة اقولك ان اللي فدماغك نجوم السما اقربلك منه واعملي حسابك حتى لو رفضتي مروان بردو مش حسمحلك انك ترتبطي بحسن ياماسه انتي فاهمه
ماسه :وهو إيه اللي جاب سيرة حسن دلوقتى يامامي
وليه حضرتك واخده منه موقف كده وبعدين رفضي ملوش علاقه بحسن
أشرقت:خلاص قوليلي سبب واحد يقنعني برفضك لمروان
ماسه :مش عوزاه هو بالعافيه
عمار :اشرقت من فضلك كفايه لحد كده
ماسه قومي دلوقتى وحنكمل كلامنا بعدين
ماسه :عن اذنكم انا رايحه الفندق
تخرج ماسه وتتركهم
عمار:فى ايه يااشرقت ينفع كده بردو من امتى وانتي بتتعاملي معاها بالشكل ده
أشرقت :عمار متشلنيش يعني انت عاوز تفهمني انك مش عارف ان وجودحسن هو السبب الرئيسي فرفضها لمروان
عمار : معرفش يااشرقت واللى انا اعرفه ان ماسه من وقت ماسافرت امريكا وهي اتغيرت وتفكيرها بقى ناضج بشكل كبير ولدرجه كافيه تخليني اثق فيها
ومش كده بالراحه شويه انتي كده حتخليها تنفر منك حتى لو كنتي عاوزة مصلحتها بردو مش بالشكل ده يااشرقت
أشرقت :غصب عني ياعمار انا بتمنى لبنتي احسن حاجه فى الدنيا
عمار :طب ممكن تهدي شويه وبالراحه
أشرقت :حاضر ياعمار اما اشوف اخرتها ايه
🌺تعمل فى الفندق وهي مقطبة الجبين عابسة الوجه
حسن :ماسه مالك فى حاجه
ماسه :حاجه حاجة ايه لا مفيش حاجه
حسن :صحيح مش كنتي قايلالي ان مروان كان عندكم امبارح كان فى حاجه واللا زيارة عاديه
ماسه :طلب ايدي من بابي
حسن :انتي بتقولي ايه طلب ايدك يعني ايه طلب ايدك يعني عاوز يتجوزك
ماسه :هو اللي بيطلب ايد واحده بيكون عاوز ايه طبعا عاوز يتجوزني ياحسن
حسن :وانتي قلتي ايه وافقتى ياماسه وافقتي ترتبطي بيه
ماسه :انا لسه مش عارفه انا من رايي اني اتعلم الشغل لكن مامي موافقه عليه وعاجبها
حسن:يعني انتي ممكن توافقي ياماسه ممكن تتجوزي مروان
ماسه :حسن مالك فى ايه هو يهمك اوي انك تعرف رأيي
حسن :ايوة طبعا يهمني ياماسه
ماسه انتي متعرفيش انتي بقيتي ايه بالنسبه لي انا بجد مبقتش بتخيل حياتي من غيرك
ماسه :تقصد ايه بالكلام ده ياحسن
حسن :
ماسه :اقصد أقصد اني مش عاوزك تبعدي مش مروان ده كل شويه فبلد حتفضلي طول عمرك تتنقلي بين البلاد
ماسه :يعني هي دي كل مشكلتك عادي مانا ممكن اشرط عليه إني مسافرش معاه وافضل هنا فمصر
حسن :طيب مانتي اهوه محدده موقفك وموافقه
ماسه :لسه ياحسن لسه انا بفكر بصوت عالي
حسن :ماشي ياماسه على راحتك دي حياتك ومشيها بالشكل اللي يريحك
يتركها ويمشي بينما اخذ يحدث نفسه :هو فى ايه مالك ياحسن حاسس انك متلغبط ومتضايق
🌹أيوة انا فعلا متضايق انا مقدرش انكر ان وجود ماسه فحياتي بقى شئ، مهم جدا بالنسبه لي انا بقيت بستمد القوة من وجودها جمبي
وجودها فرق فحياتي بشكل كبير
😑حسن انت بتحبها؟
🌹بحبها انا بحب ماسه لا مش معقول طبعا ماسه دي اختي الصغيرة انا اكبر منها ب١٣ سنه ححبها ازاي بس
بس انا معاها مبحسش بفرق السن ده خالص بالعكس انا احيانا كتير بحسها اكبر مني بتفكيرها
يمكن فعلا قبل ماتسافر كنت بحسها طفله اوي لكن من وقت مارجعت وانا حاسس انها حد تاني خالص
بس معقوله احساسي بيها يكون حب لا مش ممكن طبعا
😑امال ايه سر تفكيرك فيها باستمرار وليه بتضايق لما بتشوف حد بيكلمها وليه اتضايقت لما عرفت ان مروان اتقدملها وفوق كل ده انت مش ملاحظ انك بطلت تفكر فايمان ومبقاش حد فبالك غير ماسه
🌹مش عارف معنديش تفسير للكلام ده انا فعلا بتضايق لما بشوفها بتضحك مع حد او اشوف نظرة إعجاب فعيون حد ليها
ومنكرش اني حسيت اني مخنوق لما عرفت ان مروان ده اتقدملها بس مش حب اكيد مش حب
💙انت يابني ادم انت
مين عبير مش معقوله من وقت مااكلتي الرنجه مع ماما واشرقت وانا معرفش عنك حاجه رحتي فين
💙رحت فداهيه بعيد عنك جالي برد جامد وبقالي كام يوم تعبانه وماصدقت بدأت افوق قلت اجيلك عشان بصراحه مخنوقه منك
مخنوقه مني انا ليه بس هو انا عملت حاجه
💙يالهوي انت حتشلني حرام عليك ده القراء كلهم مش طايقينك وعاوزين يولعوا فيك من وقت ماسيبت ايمان
💔طب انا ذنبي ايه بس مش انتي اللي خلليتيني اعمل كده وبعدين انا كنت متلغبط مكنتش عارف افكر وفكرة اني اعيش عمري كله من غير مايكون عندي ولاد فكرة صعبه اوي والله
وانا فعلا نفذتلها طلبها بس حاولت كتير وهي مرضتش واتجوزت خلاص طب ايه يعني انتوا حكمتوا علية بالاعدام خلاص يعني محدش بيغلط
طيب ماعصام ساب شمس وعذبها وسامحوه اشمعنى انا جايين علية أوى كده
💙عشان دي ايمان ياحبيبي موني عسل الروايه
ومع ذلك انا عارفه اني قرائي قلبهم ابيض وطيبين بس انت لازم تعمل حاجه تخلليهم يرضوا عنك ويدعولك بدل مابيدعوا عليك
💔لا والنبي الله يخليكم متدعوش علية انا غلبان والله
💙طب ممكن بقى حضرتك تقوللي وضعك مع ماسه ايه بالظبط
مش عارف انا حاسس ناحيتها باحاسيس جديده بس مش قادر احدد ايه هي بس اللى انا حسه اني مش عاوزها تبعد عني ابدا
💙حسن خللي بالك ماسه مش ايمان خالص
💔انتي بتخوفيني ليه بس
💙انا مش بخوفك انا بفهمك بس الوضع كويس
💔ماشي ياعبير
💙ماشي يافالح سلام ابقى سلملي على سماح وحشتني بقالي كتير معرفش عنها حاجه
يوصل والله عادي اهي قاعده تتناقر مع بابا وبسمه وكل شويه تندب حظها بس كل شويه تسألني عن ماسه حبتها أوي
💙ست بتفهم والله ماسه طيبه يا حسن نقيه بيور بس مش غبيه وبتعرف تقدر الامور بشكل كويس
ولما بتحب بتخلص فى حبها وعمرها مابتشيل كراهيه فقلبها لحد
ماسه بتدي اكتر مابتاخد بس زيها زي اى واحده فى الدنيا عاوزة ومحتاجه اللي يحتويها ويهتم بيها وبمشاعري ويضحي بروحه عشانها مش اللي طول الوقت محسسها انها سد خانه
💔سد خانه
💙ايوة ياحسن ماسه مش سد خانه ده اللي لازم تفهمه كويس دي ماسه الكاشف ياحبيبي
يعني اللي يرتبط بيها لازم تكون نمبر وان فحياته ياريت تكون الرساله وصلت
💙ماشي ياحسن ياللا سلام
♥️♥️♥️♥️♥️♥️♥️
فى مطار برج العرب يتحدثان إلى بعضهما يعني انت حتحصلني امتى ياادم
ادم :مش عارف ياانجي حظبط بس شغلي واحصلك المهم انتي بس تلحقي تركبي الطيارة بسرعه قبل مايقبضوا عليكي
انجى:ادم اوعى تتاخر علية انا معرفش هناك اي حد ومش حقدر اتواصل مع اي حد ولا حقدر اسحب فلوس من البنك انا دلوقتى مليش غيرك
آدم :متخافيش يامراتي ياحبيبتي ياللا مع السلامه خدي بالك من نفسك على مااجيلك
انجى :اول مااوصل حكلمك
آدم :وانا حستنى تليفونك على احر من الجمر ياللا بينادوا على طيارتك بسرعه ياللا
تذهب انجي لركوب الطياره بينما يحدث نفسه:مع السلامه يامياده حتوحشيني يا غاليه
😒بعد مرور عدة ساعات
تتصل عليه لتخبره بسلامة وصولها:طمنيني ياقلبي وصلتي
انجى :ايوة ياحبيبي وصلت بس حسه اني تايهه مش عارفه انا فين ولا حروح فين ولا حعمل ايه
آدم :لا مينفعش كده ده انتي لازم تتشطري وتعرفي كل حاجه امال حتعملي ايه بعد كده ده انتي المشوار قدامك طويل
عاوزك بقى تعيشي حياتك وتعتبري البلد بلدك
انجى : مانا حستناك لحد ماتيجي
آدم :اجي هههههه اجي فين ياماما انتي صدقتي اني ححصلك انتي هبله واللا عبيطه
انجي :ادم انت بتقول ايه مش احنا اتفقنا
آدم :اتفقنا ورجعت فكلامي بمزاجي عشان تبقي تعرفي تهدديني ياللا بقى وريني شطارتك عاوز اشوف حتعملي ايه ولو جدعه فكري بس ترجعي مصر تاني عشان يتقبض عليكي وتترمي فى السجن
وخللي بالك موضوع مياده ده حيفتح عليكي ابواب جهنم باعمالك المشبوهه
بصي بقةياحلوة انا كنت معاكي لما كنتي بتنفعيني ويستفيد منك لكن دلوقتى انتي خلاص بح مفيش انتي اصلا بقيتي شبهه وانا محبش اربط نفسي واسمي بواحده زيك
انجى :لاء ياادم ارجوك متسيبنيش انا حضيع هنا انا مش عارفه حعمل ايه لوحدي ادم انت لو اتخليت غني انا حوديك فداهيه
آدم :انتي لسه ليكي عين تتكلمي انتي خلاص بقيتي كارت محروق روحي بقى دوريلك على مكان تمسحي بلاطه واللا تغسليلك شوية اطباق
واللا اقولك بصي شوفيلك نايت كلب واشتغلي فيه وانتي استاذه ورئيسة قسم حتنفعي اوي فى الشغلانه دي هههههه هههههه
ماهو كل اناء ينضح بما فيه ومن حفر حفرة لاخيه وقع فيها والظاهر ان الشغلانه اللي دبستي مياده فيها حتشتغليها انتي يابرنسيسه
انجى :اه ياواطي ياحقير ماشي ياادم مسير الايام حتجمعني بيك وساعتها حصفي حسابي معاك بقى بعد مااعمل كل ده عشانك تندل معايا كده بس وحياتك لخليك تندم ياادم
آدم :ههههههه عاوز انا اشوف الندم ده صحيح نسيت اقولك حاجه انتي طالق تمام ياحلوة
مع الف مليون سلامه وياريت مسمعش صوتك تاني لأن بصراحه ميشرفنيش اعرف ناس زباله كده زيك
ثم يغلق الهاتف فى وجهها
تعاود انجى الاتصال مرة واتنين وعشرة فلايرد عليها
تقف وهي تتلفت حولها لا تعلم ماذا ستفعل والي أين ستذهب وحتى مامعها من اموال لن يكفيها اكثر من عدة ايام
تحاول ان تتحرك بحثا عن النجاة وعن أي شخص يساعدها فى ذلك المكان الذي حتى لن تعرف كيف ستتعامل معهم فهي لاتجيد التحدث باللغه الفرنسيه
💙اسيبك انا بقى ياقلبي واشوف الناس اللي تهمني
😎😎😎😎😎😎😎😎
تدخل عليهم مساءفتجدهماجالسين فى انتظارها:مساء الخير
عمار:مساء النور ياحبيبتي رايحه على فين ياماسه
ماسه:طالعه اوضتي يابابي
عمار:ماسه انا ومامي قاعدين مستنيينك من بدري
ماسه:بابي انا اقلت اللي عندي ومعنديش كلام تاني اقوله بعد اذنكم
اشرقت:شايف بتتكلم ازاي طبعا مش بعيد تكون اتكلمت معاه وضحك عليها بكلمتين
عمار: اشرقت مينفعش كده انا عاوز اعرف ليه الموقف العدائى اللي واخداه من حسن ده
مانتي كنتي بتعزيه وبتحترميه وبتثقي فيه حتى لما طلبتي اني اسافرلك انتي اللي شجعتيني اني اطلب من حسن يخللي باله من الشغل
اشرقت: ايوة فعلا انا كنت بعزه وبحترمه جدا وربنا يعلم حسن كان عندي ايه وكنت بعتبره اخ لية لكن اللي عمله مع ايمان ضايقني منه
حسسني اد ايه هو بياع وغدار وملوش امان انت مكنتش شايف كان بيحبها ازاي وجه مع اول مشكله باعها فثانية
عمار:لا يااشرقت مش دي الحقيقه انا بنفسي كلمت ايمان اول المشكله وايمان هي اللي اصرت على الطلاق
وحسن مكنش فباله خالص موضوع الطلاق ده
صحيح هو غلط لانه متمسكش بيها لكن هي كمان اصرت و بعدين غريبه اوي على اساس انك لما حصلتلي الحادثه بتاعتي انتي مهربتيش وسيبتيني لوحدي
اشرقت: ايوة انا فعلا هربت ياعمار لكن ده لانك كنت مستسلم لاحزانك لكن ماطلبتش الطلاق
وهو كان ممكن أوي يعمل كده كان ممكن يسيبها شويه تهدى وبعد كده يرجعوا يتكلموا مش يبيعها فأول محطه
لاء وهي ياحبيبتي تشكرلي فيه وتقوللي انها كانت سعيده معاه والمصيبه ان الهانم بنتك الظاهر انها كلنت مكشوفه اوي وايمان كانت عارفه انها بتحب حسن ال ايه بتوصيتي عليهم
وتقوللي اديهم فرصه مع بعض انا بجد عمري ماشفت حد كده ازاي بعد كل ده اقدر اامن له وارجع احترمه واقدره
عمار:ايمان قالت كده لانها انسانه جميله ومتسامحه ومتصالحه مع نفسها جدا وراضيه لكل اللي حصل
واحنا كمان لاوم نكون متصالحين مع نفسنا بالشكل الكافي
اشرقت عشان خاطري خدي بنتك فحضنك حسسيها بحبك ليها قويها
اشرقت: حرام عليك ياعمار كل ده ومش بحبها دي بتتي ونور عينيه ده انا اخدتها وسافرت اخر الدنيا عشان انسيها نقوم نرجع لنقطة الصفر
مش حرام لما ترفض واحد زي مروان عشان حسن
عمار:أشرقت مروان شخص ممتاز لكن مش لماسه
اشرقت: ليه ان شاءالله
عمار:هو مروان بيشتغل ايه يااشرقت
اشرقت: واقف فى اشارة المرور بيبيع مناديل
عمار:ماشي يابتاعة المناديل يااشرقت مروان كل شويه فبلد وانتي ممكن تقعدي بالسنين متشوفيش بنتك
حتقدري متشوفيهاش بالشكل ده والمشكله الحقيقيه مش فكده المشكله فياسين صحيح ربنا شفاه وعفا عنه لكن بردو هو صغير ومحتاج اخته جنبه دي اخته الوحيده وادارة الفنادق اللي بقت بتساعدني فيها
اشرقت بلاش كرهك لحسن يعميكي عن انك تشوفي الامور بشكل اوضح
اشرقت: عمار انا مبكرهش حسن والله مابكرهه انا بس اتضايقت منه
عمار:اشرقت احنا محتاجين كلنا نغير جو ممكن انا حاخدك انتي وياسين وماسه ونطلع باليخت جوة البحر نريح اعصابنا شويه ونهدى كده ماشي
اشرقت: ماشي ياعمار
عمار:تمام انا حطلع لماسه اطمن عليها
يفتح باب غرفتها فيجدها جالسه فى الفرانده:حبيبة قلب بابي قاعده لوحدها ليه
ماسه:بابي اتفضل مش عاوزة يحصل مشاكل تاني مع مامي
عمار:ماسه انتي عندك شك فحب مامي ليكي وخوفها عليكي
ماسه: لا طبعا يابابي انا عارفه مامي بتحبني اد ايه وانا بحبها جدا
عمار:وحسن بتحبيه بردة
ماسه:معرفش يابابي والله معرفش انا منكرش اني كنت بحبه ومكنتش بتمنى غيره لكن بعد تخلليه عن ايمان لسبب خارج عن ارادتها خفت منه
وفى حاجات كتير اختلفت جوايا ناحيته لكن بردو مش قادرة ابعد نفسي عنه ولا قادرة اسيبه لوحده
حسه ان فى حاجه بتشدني ليه تعرف يابابي ان ايمان نفسها وصتني عليه وحلفتني اني مسيبهوش ومتخلاش عنه
واكدتلى ان حسن معايا حيلاقي الحب الحقيقي
وحبنا لبعض حيكونله الكلمه الاخيرة وانا محتارة أوي يابابي ومش عارفه اعمل ايه
عمار:متعمليش حاجه ياحبيبتي سيبيها على ربنا واللي عاوزه هو اللي حيكون
مفيش حاجه بتحصل غير بإرادة ربنا وحده بلاش ترهقي نفسك فى التفكير وانتي حتلاقى كل حاجه ماشيه حسب ترتيب القدر
ماسه:انا بحبك اوي يابابي
عمار:وانا بموت فيكي ياقلب بابي
🌺🌺🌺🌺🌺🌺🌺🌺🌺🌺فى صباح يوم جديد تفتح الباب لتاخذها منه:حبيبتي يادودي صباح الفل
عصام:هي بس اللي حبيبتك
سلمى:بس بقى متكسفنيش
عصام:وانا بموت فيكي وانتي مكسوفه
علاء وهو خارج من الحمام:ماتدخل ياعم بدل ماالجيران يتفرجوا عليكم
عصام: لا مفيش وقت انا لازم انزل اشوف موضوع برج العرب ده
علاء:ربنا يدبرلك امرك يارب
عصام:انتي رايك ايه ياسلمى
سلمى:اعمل اللي انت شايفه صح ومتقلقش من اى حاجه
عصام: حرجع متاخر كل يوم وحكون راجع تعبان ومرهق ممكن معرفش اخرجك او افسحك غير كل فترة
سلمى:ههههههه ده على اساس انك شايفني كل يوم فمول
خروج ايه بس ياعصام انا اهم حاجه عندي اخد بالي من دارين واراعيها اهتم ببيتي واكلك وكل حاجتك واوفرلك الجو الهادي اللي يعوضك عن تعب الشغل
اما الخروج كفايه علية اوي مرة كل شهر ناخد دارين نفسحها ونرجع
وممكن نطلع كلنا مصيف للساحل أو مطروح اسبوع كدةاللا حاجه فى الصيف
اكتر من كده يبقى طمع
عصام: ربنا يباركلي فيكي يارب واطمني ان شاء الله المنصب اللي حاخده فى الفرع الجديد حيخللي مرتبي وحوافزي تزيد وان شاء الله حجيبلك كل اللي نفسك فيه
سلمى:انا كل اللي نفسي فيه اننا نكون مع بعض وربنا يديم علينا الستر والصحه وراحة البال
عصام : ياحبيبتي ياسلمى ربنا يخليكي لينا يارب :علاء
انت يابني رحت فين
علاء:كنت بلبس رايح لبناتي الحضانه اطمن عليهم
عصام:هما حييجوا امتى ان شاء الله
علاء:والله مش عارف بس الدكتور كان قايللي خلاص هانت يارب اروح يدوهوملي نفسي اخدهم فحضني بقى عاوز اعوض بيهم عمري اللي فات
عصام:ربنا يطمن قلبك عليهم يارب
علاء:يارب ياعصام يارب
عصام:ايوة عشان انتوا تاخدوا بناتكم واحنا كمان ناخد بتتنا ونقفل على نفسنا بابنا بقى
علاء:ان شاء الله ياعصام
عصام:طيب ممكن بقى بعد ماالبنات يرجعوا بالسلامه نحدد معاد الفرح ونحجز المكان اللي حنعمل فيه الفرح
سلمى: لا مكان ايه احنا حنعمل حاجه عالضيق
عصام:ضيق ده ايه لاطبعا احنا حنعمل فرح وحتلبسيلي فستان فرح وحعملك احلى فرح انا حاسس ان انتي أول فرحتي ومعاكي ببدا حياتي من اول وجديد
علاء: سبحانك ياربي هو انت معندكش وسط ياتبعد ياتدلق
ياللا يابني اتكل على الله حتتاخر على شغلك
وانتي ياحبيبتي ادخلي بالبنت متوجعوش دماغي عالصبح
عصام: هههههه ماشي يابو البنات
علاء:ربنا يخللي البنات يارب
🌺🌺🌺🌺🌺🌺🌺🌺
يعود من العمل حيث تاخر فى العمل وطلب من سيف ان يقوم بتوصيلها فى طريقه
يدخل الفيلا فيسمع الأصوات والضحكات العاليه فيعرف انها هي بالتاكيد ومن غيرها التى تملاء البيت ضحكات نابعه من القلوب
بتعملوا ايه النهارده بتزرعوا برضوا
عشق:لاء يابابي انا قلت لايمي عاوزه مانجه وهي طلعت تجيبلي
ايمان:انا هنا يايزيد
يزيد:يادي النيله عليكي وعلى يزيد انتي حتجنيني وربنا ولما تقعي دلوقتى وتنكسر رقبتك
ايمان:ما يقع الا الشاطر يابرنس وبعدين انا طلعت على السلم وحنزل عليه
امشى انت بس وانا حوريك الشطارة خد القف المانجايه دي
يزيد:ههههههه مجنونه وربنا خدي ياست عشق اتفضلي المانجايه اهيه
على جوة ياللا وانتي ياهانم اتفضلي انزلي واللا حاخد السلم وامشي واسيبك متعلقه هنا
ايمان:: لا والنبي خلاص انا نازله اهوه امسكلي السلم وحياتك احسن اقع
يزيد: انا ماسكه اهوه اتفضلي ياللا
تضع قدها على السلم لتنزل وعندما تقترب من النزول يحرك السلم لها
فتهتز ويختل توازنها:يالهوى الحقني يايزيد
يزيد:ههههههه مش كنتي عامله نفسك طرزان
لم يشعر بنفسه الا وهي تقع عليه فيختل توازنه بها فيقعان معا
فتجد نفسها فوقه وهو اسفلها :ههههههه هههههههه
يريحها جانبا ولكن لم يتركها بعد فما زالت فى احضانه تلاقت عيونهم التي اصبحت يملؤها العشق
لم يشعرا الا وشفاههما تعلن عن استسلامها واعلانها بدء حربها واصرارها على الانتصار لهذا الحب الذي له القدرة على اذابة الجليد
قبلة طويله وضعت فيها كل معاني الحب والاشتياق
لم يفيقا من قبلتهما الا على صوت عشق وهي تتحدث اليهم من بعد: نزلتي ياايمي
تبتعد عنه سريعا وهي تشعر بالحرج الشديد ف تقوم سريعا لتعدل من هيئتها وتجري سريعا حتى انها لم تتحدث لعشق
عشق:بابي ههههههه انتوا وقعتم انت هدومك كلها ورق شجر يابابي
يزيد: هو اتتي حد مسلطك على ابوكي يابنتي ياللا بينا ياهانم
💙ههههههه بصراحه انا اللي مسلطاها اصل لسه مجاش الاوان يازيزو ياقمر يخرببيت جمال امك
🌺تدخل غرفتها وتغلق خلفها الباب وهي تنهج وكانها كانت فى سباق مع الزمن تضع يديها على شفاهها تتلمسها وكانما تستشعر بتلك القبله لم تصدق نفسها بعد هل قام يزيد بتقبيلها ايعقل ذلك ان يزيد قبلها احساس انتابها لم تعرف تفسيره بعد شعور بالحب والاحتواء
بينما فى الاسفل يدخل فيجد شاكر جالسا واضع ياسين على قدميه يلاعبه:يزيد حمد الله على السلامة يا حبيبي
يزيد :الله يسلمك يا بابا
شاكر:ايه ده هو انت كنت بتاكل فراوله واللا إيه
يزيد :فراولة ايه بس يابابا اللي حاكلها واحنا فى الصيف
عشق :لاء ياجدو ده بابي وايمي وقعوا عالارض
شاكر :اه قلتلي بقى يبقى كلت فراوله واللا ماكلتش
هاله :بس بقى ياشاكر اطلع ياحبيبي غير هدومك على مااخوك ومراته ينزلوا عشان نتغدا
شاكر :ربنا يهنيكم ويسعدكم يااولادي يارب
🌺🌺🌺🌺🌺🌺🌺🌺
مع صباح يوم جديد يتجهون جميعهم الى الشاطئ حتى يستقلوا اليخت المخصص لهم لقضاء يوم جميل بعيد عن صخب الحياة
حسن:صباح الخير ياجماعه
عمار:صباح الفل ياحسن
حسن:هو فى حاجه
عمار:لا ابدا ده انا حاخد الولاد بس يقضوا يوم فى البحر
حسن:تروحوا وترجعوا بالف سلامه
عمار:بقولك ايه ماتيجي معانا
حسن:لا بلاش خليكم على راحتكم
عمار:فى ايه ياعم هو انت غريب ياللا ياللا انا عاوزك معانا
تصل اشرقت اليه حيث كانت تتحدث لاحدى الاشخاص بينما كانت ماسه تحمل اخيها والذى ما ان راهم حسن حتى اقبل عليها لياخذه منها : ياسين حبيبي صباح الفل
اشرقت وقد وصلت لهما دون علم منها من الذي اصر على حسن الحضور:صباح الخير ياحسن
حسن:صباح النور
عمار:ياللا ياجماعه اليخت جاهز والسواق جه ومستعد
يصعدون جميعهم ويبدا اليخت فى التحرك داخل البحر الاحمر
كان الجو جميلا وممتعا جلس عمار مع حسن فى الدورالعلوي وبينهم ياسين يلاعبونه ويضحكون سويا على حركاته الجميله
عمار:سبحان الله ياحسن انت مهما تحب حد وتقول عليه زي ابني مش زي مايكون ابنك ابدا الضنا ده حاجه تانيه خالص
حسن:ربنا يخليهولك يارب وتفرح بيه هو واخته
عمار:يارب ياحسن نفسي قلبي يطمن على ماسه اوي متعرفش ماسه دي عندي ايه الدنيا كلها كوم وهي كوم تاني خالص
وحسن: لو سمعتك مدام اشرقت حتغير
عمار:اشرقت دي حبيبة قلبي
وحسن:بس تعرف ياسين بقى شبهك اوي
عمار:الحمد لله مطلعش حلو زي مامته كانت البنات حتجري وراه هههههههه
بينما كانت ماسه تقف بالاسفل وهي شارده تنظر للبحر هائمه فى افكارها
اشرقت وهي تأتي وتقف بجانبها:اللي واخد عقلك ياقلب مامي
ماسه: شايفه البحر يامامي شكله يخوف اوي تحسيه بينادي على اي حد عشان يغرقه
اشرقت:البحر غدار ياماسه وملوش امان يشدك ليه من غير ماتحسي
تدخلي بارادتك وانتي فاكرة ان فحضنه حتلاقي الامان وبعد كده تكتشفى انه كان بيستدرجك عشان يغرقك وكل ماتحاولي تقاوميه تلاقي تفسك بتغرقي اكتر واكتر
ويااما تضيعي ويااما تخرجي منه بس بعد مايكون خسرك حاجات كتير اوي
ماسه: ايه داعي الالغاز دي كلها يامامي ماتقولى حضرتك تقصدي ايه
اشرقت: ممكن افهم ايه اللي خلاكي تطلبي من حسن انه ييجي معانا
ماسه:انا مقلتش لحسن حاجه انا اتفاجئت بيه جاي معانا واكيد بابي هو اللي قالله يامامي
اشرقت: والله طيب ماشي ممكن بقى تطلعي اللي جواكي وتفهميني انتي عاةوة ايه
ماسه:انا مش عاوزة حاجه يامامي ومش فاهمه حضرتك ليه بقيتي بتكرهيه اوي كده كل ده عشان ساب ايمان
غريبه اوي ماحضرتك سيبتي بابي سنين طويله واللا نسيتي
اشرقت: انتي اتجننتي انتي بتقارني بيننا وبينه انتي عقلك ده فيه ايه
ماسه انتي عارفه كويس أوي ان رفضي لحسن مش لشخصه وان ربنا يعلم اني بعزه
ماسه: لكن عشان موضوعه هو وايمان خلاص بقى حسن فنظر حضرتك مجرم يستحق الشنق فميدان عام
اصلنا خلاص بقينا كلنا ملايكه مبنغلطش وهو بقى اللي غلط وارتكب جريمه فحق البشريه
اشرقت:افهمي ياغبيه الموضوع مش غلطه ده واحد غدر بمراته حبيبته رماها فوسط البحر وكل ده عشان سبب ملهاش فيه ازاي تديله الامان
تفتكري لو حصل معاكي نفس الموقف كنتي حتقولي اللى قلتيه ده
طيب ماباباكي طول عمره نفسه فولد وعاش سنين محروم منه والمشكله كانت عندي هل راح اتجوز علية
هل سابني ماهو صبر وحمد ربنا عليكي لحد ماجه ياسين
اللي بيحب حد يابنتي ميقدرش يسيب ايده وهي محتاجاه فوقي ياماسه فوقي من الوهم ده حسن ده حيغرقك وعمره ماحيمدلك ايده ويتقذك ده واحد اناني مبيفكرش غير فسعادته هو وبس ويوم ماحتقعي وتغرقي هو اول واحد حيتخللى عنك وحيسيبك تصارعي الامواج لحد ماتغرقي
ماسه:ماشي يامامي عن اذنك
اشرقت وهي تشدها من ذراعها:تعالي هنا اقفى ادامي وكلميني زي مابكلمك
ماسه وهي منفعله:مش خلاص حضرتك قلتي كل اللي عاوزاه عازه مني إيه تانى سيبيني بقى
تسحب يديها من يد امها بالقوة وهي ترجع للوراء ففي لحظه فغمضة عين تسقط ماسه فى الماء مع صرخه قويه من اشرقت جعلت حسن وعمار يقومان سريعا على صرخات اشرقت التي تعلن عن وقوع ماسه فى الماء
لم يشعر حسن بنفسه الا وهو يقفز خلفها سريعا وقد غاصت فى الماء فى وسط البحر
حاله من الرعب والفزع سيطرت على عمار واشرقت وخوفهما من فقدان ابنتهما
اشرقت:يارب بنتي ياعمار بنتي حتروح منى ياعمار ماسه ياماااسه
يصعد بها وهي فاقده للوعي يقذف اليه طوق النجاه ويسحباها للاعلى
يقوم حسن بالضغط على بطنها لاخراج الماء بلا فائده
انهيار تام يسيطر على الجميع رهبه وخوف شديد من فقدها لا تستجيب ساكنةتماما
يحاول حسن ولا فائده:ماسه ماسه فوقي ابوس ايدك
يحاول ان يشفظ الماء الذي اخترق رئتيها بفمه قبلة الحياة نعم هي قبلة الحياة فهي التي بامكانها العوده للحياة مرة اخرى
كحه شديده تخرج الكثير من الماء من فمها تعطيهم الامل بانها مازالت على قيد الحياة
تصل شرطة البحر والتي طلبها السائق سريعا يتم حملها سريعا الى المستشفى
حالة خوف شديده حيث انها كانت مازالت فى مرحلة الخطر
دقائق تمر واشرقت فى حالة انهيار شديده تلطم على وجهها انا السبب انا السبب كانت ماشيه سابتني وكانت ماشيه ياريتني ماكنت سحبتها تاني من ايدها وقلتلها تستنى لو حصللها حاجه انا حموت نفسي
عمار:اهدي يااشرقت اهدي ياحبيبتى ان شاء الله ماسه حتبقى كويسه ان شاء الله ياحبيبتي
كان يحتضتها وهما يبكيان بشده على ابنتيهما
بينما كان حسن متخذا جانبا وحده وهو يبكى خوفا من ضياعها منه
فلقدشعر اثناء نزوله وراءها فى الماء بان روحه تائهه ويبحث عنها
شعر بالرهبه والخوف الشديد من فقدانها خوف لم يشعر به اثناء فقدانه لزوجته
شعور مختلف احساس لم يشعر به من قبل دموع تنهمر على وجهه بشده لم يستطع السيطرة عليها
اهل من الممكن ان يفتقدها هل من الممكن ان يخسرها لا الا هي
يخرج الدكتور فيسرعون اليه:اطمنواياجماعه الحمد لله بخير
بس هي حتفضل تحت الرعايه نطمن على عضلة القلب والرئه
اشرقت: يعني بتتي حتعيش يادكتور
الدكتور:ان شاء الله حمد الله على سلامتها
اشرقت لحسن:انا متشكرة اوي ياحسن انا مش عارفه اشكرك ازاي انت لو مكنتش معانا كانت ماسه راحت وجودك معانا هو اللي انقذها
انا حفضل طول عمري مديونالك بروحي ياحسن
انا اسفه ياحسن اسفه
