رواية شمس تتحدي الغيوم الجزء الثاني (للعشق كلمته الاخيرة) الفصل التاسع عشر
نائمه فى الفراش بينما تجلس أمها بجوارها. تمسك بيديها وتقبلها :حبيبة قلبي الف حمدالله على سلامتك يانور عينيه
ماسه: الله يسلمك يامامي هو انا لسه عايشه مموتش
اشرقت: الف بعد الشر عنك ياقلب مامي انتي بخير ياحبيبتي
ماسه:انا شفت الموت بعنيه يامامي
وقلت خلاص انا بموت وبعد كده مش فاكرة حاجه هو انا طلعت ازاي من الميه يامامي
اشرقت: حسن رمى نفسه وراكي فى الميه ياماسه وهو اللي انقذك
ماسه: حسن هو اللي انقذني معقوله دي مع ان حضرتك كنتي لسه بتقوليلي ان حسن لو شافني بغرق حيقف يتفرج علية وعمره ماحيمدلي ايه وينقذني ابدا
اشرقت: ماسه ممكن متتكلميش ياحبيبتي انتي لسه تعبانه لما تقوميلي بالسلامه حنتكلم كتير
ماسه:فين بابي
اشرقت: بيتكلم مع الدكتور برة
ماسه: وياسين اخويا فين انا عاوزاه
اشرقت: ياسين مع حسن من وقت مااطمنا انك بخير وهو مسابهوش لحظه
ماسه: عاوز يبقى اب غصب عنه غريزة الابوة عنده عاليه اوي ومش قادر يسيطر على نفسه فيها
قوليلي يامامي هى دايما الست هي اللي بتضحى بس والراجل دايما اناني مبيفكرش غير فسعادته
اشرقت: لا طبعا ياحبيبتي مش دايما فى ست انانيه وفى ست بتضحي والعكس صحيح
ماسه:مامي مش كاميليا بنت طنط فريده اطلقت من جوزها عشان مبيخلفش
اشرقت: ايوة اتطلقت منه برغم انهم اخدين بعض بس على فكرة المشكله مكنتش عند حد فيهم هما الاتنين كانوا طبيعيين جدا لكن مينفعش يجيبوا اولاد الا اذا كل واحد فيهم ارتبط بحد تاني
ماسه: ليه يامامي سابته مع انها كانت بتحبه اوي وكان المفروض انها تكمل معاه حياتها فى اى ظرف
اشرقت: عشان كاميليا كان نفسها اوي تكون ام وكان عندها استعداد تضحي باي شئ الا احساسها بالامومه
ماسه:وانفصلوا يامامي وكاميليا اتجوزت وجابت بنت وهو كمان اتجوز واللي اعرفه انه جاب ولد صح يامامي
اشرقت: ايوة صح ياماسه و كل واحد فيهم كمل حياته بشكل كبيعي جدا بعيد غن التاني وأسس لنفسه حياة جديده وعيله مبسوط معاها
ماسه:يبقى فين المشكله انا عاوزة اعرف منكرش يامامي اني اتضايقت من حسن وزعلت منه انه ساب ايمان واعتبرت ان دي انانيه منه
لكن لما فكرت لقيت ان ده حقه واحد نفسه يبقى اب ومراته مش حتقدر تحققله الامنيه دي
وعلى فكرة يامامي حسن مطلقش ايمان غير بعد اصرار منها حتى بابي كلمها وحاول يقنعها وهي كانت عند موقفها وانا لما نزلت اسكندريه
كلمتها وحاولت اصلح بينهم لكن هي قفلت كل الأبواب فوشه
مامي انا مش بدافع عن حسن ومش بقول كده عشان زي ماحضرتك بتفكري اني عاوزة ارتبط بيه لا والله يامامي انا بس بوضح لحضرتك حاجه ممكن تكون غايبه عنك
احنا مش بنختار يامامي احنا ربنا بيوفقنا للي فيه الصالح لينا انا اتعلمت فدورات علم النفس ان احيانا الانسان بينطق بكلمه بتتكتب قدر عليه
وسبحان الله ربنا كان ليه اراده فكده عشان ايمان تتجوز يزيد وتربيله ولاده
يعني مش حرام لما ايمان تاسس لنفسها حياة جديدة وحسن نحكم عليه بالاعدام ليه عمل ايه لكل ده
أشرقت :ماسه ياحبيبتي انتي لسه تعبانه ومش عاوزاكي ترهقي نفسك فى الكلام ماسه انتي لو كان حصلك حاجه انا كنت حموت ياقلب مامي
ممكن بقى عشان خاطري ترتاحي شويه
ماسه :انا فعلا محتاجه ارتاح يامامي
تتركها امها وتخرج لتتركها تستريح ولكن كيف لها أن تستريح وهي متعبه وقلبها عاشق له نعم فهو مازال له السطوة على قلبها حتى وان كانت خائفه من نتيجة هذا الحب الا إنها ليس بيدها شئ سوى الرضا بما سيكتبه القدر لها
💕تجلس بخارج الغرفه فتجد حسن مقبل عليها وهو حامل ياسين تنظر له وكانما تراه لاول مرة ماكل هذا الحب الذي يحمله لوليدها يحمله وكانه قطعه منه يلاعبه ويضحك معه وكأنه تربط بينهم صلة رحم الهذا الحد يسيطر عليه احساس الابوة الهذا الحد يريد ان يصبح ابا
واذا كان هذا حاله وهو يحمل طفلا غريب عنه لاتربط به اي صله فكيف سيصبح حاله اذا كان يحمل طفلا من لحمه ودمه
حسن وهو يجلس بجوارها :ماسه عامله ايه دلوقتي
أشرقت :الحمد لله بخير
تمد يديها لتأخذ ياسين :هاته عنك تعبناك معانا
حسن :لا والله ده ربنا العالم ياسين عندي ايه ده حته من قلبي
أشرقت :ياااه ياحسن للدرجه دي بتحب الاطفال
حسن :اوي وكل حلمي فى الدنيا يكون عندي طفل انا مش عاوز لامال ولا جاه ولا اي حاجه كل اللي نفسي فيه اكون اب مسئول عن اولاد اتعب واشقى عشانهم نفسي اسمع كلمة بابا
أشرقت :والاحساس ده مسيطر عليك لدرجة انك تفرط فمراتك حبيتك بسببه
حسن :مدام اشرقت انا عارف كويس اوي انك متضايقةمني ومش طايقاني كمان بسبب موضوع انفصالي عن ايمان
أشرقت :الموضوع مش كده ياحسن بصرف النظر عن حبي لايمان لكن انا مستغربه ازاي الحب يهون عليك اوي كده ازاي تعاقبها على حاجه غصب عنها نفترض كنت انت اللي طلعت مبتخلفش هل هي كانت حتسيبك ياحسن
ليه ماوقفتش جمبها ليه مااخدتش بايدها ليه ليه سيبتها فاحزانها لوحدها وانت قررت تنهي العلاقه بالسهوله دي
حسن :لا والله انا مش وحش كده متظلمنيش ارجوكي انا صحيح اتفاجئت بخبر انها مش حتقدر تخلف لكن اقسم بالله العظيم انا ماخطر على بالي اني ممكن اسيبها او اتخللى عنها ايمان هي اللي اصرت وصممت على الطلاق انا يمكن غلطتي الوحيده اني طاوعتها واني المفروض مكنتش حققتلها رغبتها بسرعه كده
حاولت اتصل بيها كتير اتكلم معاها لكن مفيش فايده هي رفضت اى كلام
ايوة انا نفسي اكون اب مبنكرش لكن ده عمره ماكان ممكن يحصل على حساب ايمان
وربنا يعلم اني كنت بتقطع من جوايا ازاي على بعدها عني واتعذبت اد ايه بخبر خطوبتها وجوازها
لكن خلاص حعمل ايه اللي حصل حصل
ودلوقتى انا بقيت بحاول مافكرش فيها نهائي لان اخلاقي متسمحليش افكر فى ست متجوزه
أشرقت :خلاص ياحسن عالعموم ده موضوع انتهى خلاص وربنا يكتبلك الخير ويحققلك اللي نفسك فيه
حسن :كل واحد فينا جواه أمل عايش عشانه ممكن يتحقق وممكن ميتحققش لأن ادام ارادة ربنا محدش يقدر يعمل حاجه
🌹يجدون عمار مقبلا عليهم ومعه مروان الذي ماان اتصل عليه ليعلم موقفهم من طلبه واخبره عمار بما حدث اتى سريعا للاطمئنان عليها
:سلام عليكم ياجماعه
حسن واشرقت:وعليكم السلام ورحمة الله وبركاته
مروان:الف حمد الله على سلامة ماسه
أشرقت :الله يسلمك يامروان
مروان:هو انا ممكن ادخل اطمن عليها ده بعد اذنكم طبعا
أشرقت :اه طبعا يامروان بس ثواني اشوفها صاحيه واللا نايمه
تخرج اليه وتدعوه للدخول
مروان:ألف حمد الله على سلامتك ياماسه
ماسه:الله يسلمك يامروان
مروان:عامله ايه طمنيني عليكي
ماسه :انا كويسه الحمد لله والله
مروان:طيب الحمد لله انا والله اول ماباباكي قاللي وانا قلقت عليكي جدا حتى بابا وماما كانوا عاوزين ييجوا يطمنوا عليكي بس انا قلتلهم يستنوا لما ترجعي البيت بالسلامه عشان تبقى الفرحه فرحتين فرحة رجوعك بالسلامه وفرحة خطوبتنا ان شاء الله
ماسه :خطوبتنا
مروان:مش احنا حنتخطب ياماسه واللا القمر عنده اعتراض علية
ماسه:مروان انت شاب ممتاز واي بنت فى الدنيا تتمناك لكن انا
مروان :انتي ايه ياماسه
ماسه:انا والله مش بفكر فموضوع الارتباط دلوقتى خالص
مروان :ممكن اعرف سبب رفضك لية ياماسه من غير ماتقدمي حجج
واعذار
ماسه :مروان انا اسفه معنديش حاجه اقولها غير اني بعتذرلك
مروان:فى حد تاني فحياتك
ماسه:افتكر ان دي حاجه تخصني
مروان :تمام الرساله وصلت ياماسه انا كان يشرفني طبعا اني ارتبط بيكي لكن مادام قلبك متعلق بحد تاني يبقى كرامتي متسمحليش افرض نفسي عليكي وانتي مشاعرك مع حد تاني اتمنالك حياة سعيده بامر الله
ماسه :مروان انت بجد انسان جميل اوي وان شاء الله ربنا حيحققلك كل اللي تتمناه وتلاقي الحب الحقيقي اللي يحققلك السعاده
مروان :وانتي كمان جميله اوي ياماسه واتمنالك حياه سعيده طبعا
كان املي اني انا اللي احققلك السعاده دي لكن خلاص مفيش مشكله وارجوكي لو احتاجتي اى حاجه متتردديش انك تكلميني
وتعتبريني صديق ليكي
ماسه:وانا يشرفني اني اكسب صديق زيك يامروان
مروان :تمام انا حستئذن والف سلامه عليكي
ماسه :الله يسلمك يا مروان
يخرج اليهم:ألف حمد الله على سلامة ماسه واشوف وشكم على خير
عمار :رايح فين يامروان
مروان:رايح اجهز نفسي عشان مسافر أن شاء الله
عمار :بس احنا لسه مخلصناش كلام
مروان وهو ينظر لحسن :ماسه قالت كل حاجه خلاص وانا بحترم صراحتها بجد بحييك على تربيتك ليها ربنا يوفقها سلام عليكم
يجد حسن نفسه يبتسم تلقائيا ويشعر بالسعاده فى قرارة نفسه من رفض ماسه لمروان
نعم فلقد بدات تسيطر عليه احاسيس ومشاعر جديده ناحيتها فهي لم تعد له الاخت الصغيرة بل اصبح يغار عليها
فكم كان متضايق ومروان عندها بالداخل يريد ان يقتحم عليهم الغرفه ليعرف بماذا يحدثها فماذا يعني ذلك الا انه يحبها و يغار عليها من غيره
🌹🌹🌹🌹🌹🌹🌹
جالسه فى بيت ابيها فى حجرة اختها لتطمئن عليها:عامله ايه يا حبيبتي
رنا:الحمد لله ياشمس انا كويسه والله
شمس :الحمد لله ياحبيبتي وبكرة تنسي كل اللي حصل وتفتحي صفحه جديده مع الدنيا
رنا:بكرة وهي اللي زيي حيبقى عندها امل يكون فى بكرة انا خلاص ياشمس كتبت نهايتي بدري اوي
شمس :اوعى تقولي كده انا كنت زيك فيوم من الايام وحسيت وقتها ان الدنيا ملهاش اي لزمه وقدرت أقف على رجلي من تاني وانسى كل اللي حصللي
ورنا عوضني باحسن ماكنت بحلم وبتمنى ربك بيعوض يارنا
رنا:شمس انتي كنتي مخطوبه يعني كنتي لسه عالبر لكن انا دخلت البحر وغرقت جواه
ياشمس انا اتجوزت ياشمس واتبهدلت وكمان اللي محدش يعرفه ومقولتوش غير فى السفارة عشان يجبروه على انه يطلقني اني كنت حامل ياشمس وحصللي اجهاض يعني انا اتمرمطت بما فيه الكفايه
وخلاص مبقاش عندي رغبه فاي حاجه فى الدنيا
شمس :حيعدي كله بيعدي ياحبيبتي خللي ثقتك فربنا كبيرة واوعي تيأسي من رحمة ربنا ابدا
وحتنسي وبكرة تقولي شمس قالت
رنا:ونعم بالله بس حنسى ازاي ياشمس وانا قاعده هنا مبخرجش نهائي ومفيش فحياتي غير الذكريات السوده اللي بفتكرها
شمس:تخرجي وتنزلي وتشتغلي وانتي حتنسي
رنا:اشتغل وانا حشتغل ايه وفين
شمس :تشتغلي عندنا فى الشركه ايه رايك
رنا:بجد ياشمس ياريت
شمس :خلاص تمام انا حرتب كل حاجه مع عمر والبشمهندس يزيد واقولك
رنا:ربنا يخليكي لية يااحلى اخت فى الدنيا كلها انا ازاي كنت حارمه نفسي منك ياحبيبتي انا اسفه ياشمس حقك علية
انا شفت فحضنك حنيه مشوفتهاش من اخواتي اللي متربين معايا تحت سقف بيت واحد
شمس :انتي اختي ياعبيطه ومهما حصل بيننا احنا اخوات
تحتضنها شمس بكل حب فتفتح نجوى عليهم الباب :ربنا يخليكم لبعض يارب
رنا:ماما شمس حتخليني اشتغل معهم فى الشركه
نجوى: تشتغلي تشتغلي ازاي يارنا انتي عاوزة التاس تقطع فسيرتنا يابنتي
شمس :ايه الكلام اللي بتقوليه ده ياطنط
نجوى:اختك متطلقه ياشمس والناس مبترحمش يابنتي ومبتسيبش حد فحاله وحيفضلوا يتكلموا عليها فى الرايحه والجايه ويقولوا اتطلقت وبقت تروح وتيجي على راحتها
شمس :مايتحرقوا الناس وهو من امتى الناس مبتتكلمش سيبي اللي يتكلم يتكلم محدش ليه حاجه عندنا مادمنا متاكدين اننا صح ومبنعملش حاجه غلط يبقى ملعون ابو الناس
وهما الناس دول بردو مش هما اللي وقوعكم فى الجوازه الزفت دي
والناس دول بقى عملولكم حاجه وبنتكم متبهدله ومش عارفين تجيبوها بلاش الكلام اللي ملوش لزمه ده
رنا يومين وحتنزل الشركه وان شاء الله حتقف على رجليها من تاني وربنا حيعوضها عن اللي حصللها
نجوى:ربنا يعوضها خير يارب ويكرمك ياشمس يارب ويخليلك ولادك ياحبيبتي
شمس :يارب ياطنط يارب
🌹🌹🌹🌹🌹🌹
تصعد على الدرج وتطرق على الباب عدة طرقات متتاليه ولكن لا من مجيب
تجد الشقه المقابله لهم تفتح:مياده
مياده:طنط هما بابا وماما مش بيفتحوا ليه
الجارة :انتي متعرفيش انهم مشيوا
مياده :مشيوا من امتى
الجارة :مشيوا من كام يوم كده اه صحيح حتعرفي ازاي وانتي كنتي فى السجن بس انتي خرجتي ازاي دول بيقولوا انهم قبضوا عليكي وانتي لامؤاخذه ربنا يستر على وليانا يارب
مياده:انا بريئه وانا خرجت عشان انا بريئه ومعملتش حاجه
الجارة :جايز بردو ماهو ياما فى السجن مظاليم عالعموم اهلك مشيوا ماهم مبقوش عارفين يرفعوا راسهم بين الناس بعد ماجت صاحبتك وقالتلهم ونزلت الشارع وعملتلك زفه وعرفت الناس كلها انك كنتي ماشيه فى الحرام
ومحدش يعرف راحوا فين
بالتذن ياحبيلتي مش حقدر اقف اتكلم معاكي اصلك بقيتي شبهه وانا عندي بنات واخاف على سمعتهم
تغلق الباب فى وجهها فتجلس مياده على السلم وهي تبكي على حالها وماوصلت اليه ثم تقوم وتنزل وهي لا تعلم ماذا ستفعل والى من ستلجا ولكن لابد وان تواجه الدنيا وتبدا من جديد
ولكن هي اصبحت وحيده بلا اب او ام او اسرة ليس معها سوى ذكريات تحمل لها الاهات والالام التي تسببت فيها لنفسها
🌹🌹🌹🌹🌹🌹🌹
بعد مرور يومين تدخل الشركه وهي لاتعرف ماذا ستفعل ولكن مسلمه امرها لربها
استقبلتها ايمان :رنا اهلا ياحبيبتي اتفضلي الشركه نورت
رنا:منورة بيكي ربنا بخليكي يارب
إيمان :بصي بقى يابطه انا حعلمك الشغل اللي حتشتغليه مع رامي
عشان انا خلاص فاضللي يومين وماشيه
رنا :ماشيه رابحه فين
ايمان:صاحب الشركه حيرفدني اهئ اهئ
رنا:حيرفدك ليه انتي عملتي حاجه
إيمان :وغلاوتك ماعملت حاجه ده انا غلبانه والله وبنت ناس
رنا:طب حتدوري على شغل فمكان تاني
إيمان :لا مانا حشتغل عند صاحب الشرمه فبيته
رنا:حتشتغلي فبيته ازاي يعني
ايمان:حشتغل مراته ههههههه بزمتك فى شغلانه احسن من كده
رنا:هههههه عسل والله ياايمان اه صحيح انا غبيه اوي نسيت انك ايمان صاحبة شمس وهي فعلا قالتلي انك اتجوزتي المدير ربنا يهنيكي يارب
إيمان :عقبالك يروني
رنا:لاعقبالي ايه حرام عليكي انا اخدت نصيبي خلاص
إيمان :كلنا قلنا كده فى الأول وبعد كده فرحنا بعوض ربنا لينا
واطمني الشركه دي وشها حلو اوي على كل اللي بيدخلوها محدش دخلها وخرج منها مكسور الخاطر كل اللي دخلوها ربناكرمهم
ماعدا واحده بس هي اللي خرجت منها بفضيحه بجلاجل
رنا:فضيحه ياساتر ليه عملت ايه
ايمان:فكك فكك ربنا يجعل كلامنا خفيف عليهم المهم تعالي بقى اعرفك على زميلك فى العمل
وافهمك شويه فى الشغل وهو حيكمل معاكي الباقى
تدخل معها المكتب :رامي اعرفك بزميلتك الجديده حيكون شغلها معاك من اول النهارده
رامي:اهلا وسهلا اانا رامي
رنا:اهلا بيك وانا رنا
ايمان:وانا حقولكم انا رايحه اشوف جوزي ياحلوين على ماتتعرفوا عالمكان سوت
♥️تدخل مكتبه:يزبد يايزيد
يزيد :احنا قلنا ايه
إيمان :اه صحيح نسيت سي يزيد ماشي
يزيد :ايمان
إيمان :"خلاص متزقش ياباشا يابرنس
يزيد :ههههههه نعم ياقلب البرنس
إيمان :مش عارفه بس فى فكرة طقت فى راسي وعاوزه انفذها ونكمل سلسلة مدرسة العشاق بتاعتنا اللي اسسناها سوا
يزيد :مش فاهم تقصدي ايه
ايمان:اقصد رامي ورنا اخت شمس
يزيد :مالهم يخرببيت سنينك وانتي ايه عرفك انهم حينفعوا لبعض
إيمان :عيب عليك ده انا ايمان اللي بفهمها وهي طايرة اول ماصاحبك شافها تنح لها
وبعدين ظروفهم زي بعض هما الاتنين منفصلين يعني ماجمع الا اما وفق ايه رايك بقى فدماغ مراتك
يزيد :انتي حتقوليلي على دماغ مراتي بس خلاص ياحبيبتي فاضلك يومين وحتبقي برة الشركه حتنفذي مخططك ازاي
إيمان :عيب عليك انا حتصرف انت نسيت واللا ايه
يزيد :انسى علي يدي ده احنا دافينوه سوا
إيمان :مع برسيل
يزيد :مفيش مستحيل
يزيد وايمان :ههههههههه
♥️♥️♥️♥️♥️♥️♥️
فى اليوم التالي فى المساء تدخل عليه الغرفه:يزيد انت لسه صاحي
يزيد :كنت بقرا الورد بتاعي
إيمان :ربنا يتقبل يارب
يزيد :اللهم امين كنتي فين ده كله
إيمان :اقولك ومتضايقش
يزيد :انا عمري مااتضايق منك ابدا ياموني
إيمان :ربنا يخليك ليا يا رب
بصراحه اصل عشق كانت قاعده فاوضة مامتها الله يرحمها اصل انس قاللها تقرالها كل يوم قبل ماتنام سورة يس
وطلبت مني اقعد معاها شويه وبعد كده فتحتلي دولابها وفرجتني على لبسها اللي كانت بتلبسه وبصراحه استغربت أوي
يزيد :واستغربتي ليه بقى
إيمان :اصل عاليه مكنتش محجبه ومع ذلك مفيش فى دولاب خروجها حاجه قصيرة ولا ضيقه ولا حتى حاجه بكم قصير بالعكس دي حاجتها كلها محترمه اوي ميفرقش عن اي واحده محجبه
يزيد :عاليه طول عمرها لبسها محترم فعلا وهي والله كانت ناويه عالحجاب من قبل وفاتها وفعلا يوم الولاده لبست الطرحه وهي رايحه المستشفى وقالت خلاص انا نويت اتحجب ولو ربنا اراد لية اني اقوم بالسلامه مش حقلعها تاني
إيمان :يعني عاليه اتوفت وهي محجبه
يزيد :ايوة
إيمان :الله تصدق فرحتني اوي
يزيد :وانتي ياايمان مش فدماغك تتحجبي
ايمان :انا بصراحه مفكرتش فموضوع الحجاب قبل كده وطول عمري انا وشمس مفيش واحده فينا جابت للتانيه سيرة الحجاب بس بحب المحجبات اوي وبحب اتعامل معاهم اوي بحسهم احسن مني
يزيد :خلاص ادعي ربنا انه يهديكي لطاعته وان شاء الله حتلاقي نفسك اتحجبتي وبقيتى زي مابتتمني
ايمان :يارب اللهم اهدني فيمن هديت
يزيد :طب مش حننام بقى عندنا شغل الصبح يااستاذه
إيمان :اه والله معاك حق ياللا ننام تصبح على خير
يزيد :ايمان هو انا ممكن اطلب منك طلب
إيمان :عينيه ليك يايزيد
يزيد :ممكن تنامي فحضني محتاج احضنك وانا نايم
إيمان :يزيد انت جوزي وليك الحق انك تطلب اللي انت عاوزه من غير استئذان
يزيد :انا حقي اه اطلب منك الحاجات اللي زي الاكل والشرب واللبس لكن المشاعر دي مبتتطلبش ياايمان دي بتتحس وصعب على اي حد انه يطلبها
إيمان :معاك حق يايزيد وعلى فكرة بقى انا نفسي انام فحضنك اوي
يزيد :بجد ياايمان
ايمان:وجد الجد بس يارب دراعك ميوجعكش اصل راسي تقيله
يزيد :هههههه على قلبي زي العسل
ياخذها فى حضنه
تستسلم للنوم فى احضانه نعم ولنا لا وهي معه تشعر باحساس الأمن والسكينة تشعر بأنه سندها فى هذه الحياة
بينما هو لم يزر النوم عينيه طوال الليل غير مصدق نفسه ان حبيبته نائمه بين احضانه
متى ملكتي قلبي ايتها المرأة متي احتليتي احاسيسي ومشاعري
منذ متى وانتي تسري فى وجداني فلقد أصبحتي تجرين فى وريدي مجرى الدم متى سيشعر قلبك بقلب يذوب شوقا اليكي يذوب عشقا فى هواكي كيف لي ان انتزع من بداخلك غيري كيف لي ان اصبح كل حياتك كما انكي كل حياتي
ظل طوال الليل مستيقظا لم ينم سوى دقائق معدوده حتى اتى الصباح ليعلن عن ميلاد يوم جديد
♥️فى داخل الشركه
يزيد:النهارده اخر يوم ليكي فى الشركه يازوجتي العزيزة
إيمان :تمام ياافندم
يزيد :ممكن حضرتك تعدي عالحسابات تاخدي كل مستحقاتك الماليه وفى مكافئه عملتهالك نظير خدماتك معانا خلال السنوات الماضيه
إيمان :ده على اساس اني جمعه الشوان وحتقوللي نشكركم على حسن تعاونكم خلال السنوات الماضيه
اهئ اهئ يعني خلاص استغنيتم عن خدماتي بالشركه يابشمهندس
يزيد وهو يقترب منها :احنا استغنينا عن خدماتك بالشركه لكن وجودك فحياتنا منقدرش نستغنى عنه ابدا ياست الكل
صحيح الشركه حتخسرك لكن بيتك وولادك حيكسبوا امهم حبيبتهم اللي حتربيهم وتعتني بيهم كويس
إيمان :ده اكيد طبعا انا ولادي وبيتي عندي بالدنيا كلها هي دي مملكتي الحقيقيه
طيب انا حروح بقى اخد اشيائي وعاوزة اسلم على كل الموجودين واشوف تخطيطاتي وصلت لفين
يزيد :ههههههه ماشي ياموني ربنا يستر من تخطيطاتك دي ياقلبي
تذهب الى المكتب فتجدهما يعملان فى صمت
إيمان :ايه ده انتوا بتعملوا ايه
رامي:بنشتغل يابشمهندسه فى حاجه
إيمان :بتشتغلوا يادي النيله شغل ايه وبتاع ايه شكلكم حتخلوا شكلي وحش قدام يزيد ويقول علية اني خلاص راحت علية
رامي بقولك ايه
رامي :نعم يابشمهندسه
إيمان :بص مكان المكتب ده مش عاجبني عاوزاه يبقى جمب مكتبك
رنا:ليه ياايمان هو مكانه كده كويس
إيمان :بس اسكتي جتك خيبه فخيبتك ده انا بعمل كده عشانك ياهبله
رنا:بتقولي حاجه ياايمان
ايمان:بقول كلامي يتنفذ ياجماعه اعملوا اللي بقول عليه كل واحد قاعدلي فحته ودول حيجيبوا عيال ازاي قصدي حيتكلموا مع بعض ازاي يادي النيله عليه سوري يابيروانا بوظت الدنيا وحبوظلك الروايه
💙تبوظيلي ايه ياقلبي لا ياموني اطمني ده كله الا انتي ياحبي
بس يافالحه بدل مانتي عاملالي فيها مديرة مدرسة الحب روحي شوفي البرنس بتاعك اللي انتي معذباه ده كفايه عليه كده حرام عليكي الراجل استوى ياغلسه
إيمان :حاضر والله اهوه انا اصلا خلاص بقيت بحبه اوي وحسه معاه باحسيس عمري ماحستها قبل كده
💙بجد يابت ياايمان
ايمان:اه والله يابيرو يزيد ده حاجه كده مش موجوده فى الزمن ده بجد انا بشكرك اوي انك خليتيني اتجوزه
💙والله انا لو علية كان نفسي اتجوزه انا بس حعمل ايه ابخات
ايمان :بتقولي حاجه يابيرو
💙حبيبتي ياموني بدعيلك ياقلبي ربنا يهنيكم ويسعدكم ياللا روحي شوفي طيرك قبل مايطلعله ريش ويطير سلام يابطتي
😒يوشك اليوم على الانتهاء وتذهب ايمان الى كل الاقسام لتسلم على الجميع
😒 تدخل إليه فيرحب بوجودها:اهلا وسهلا يانادين اتفضلي عامله ايه
نادين :انا كويسه جدا المهم انت عامل ايه انا جايه اطمن عليك
يزيد :انا بخير الحمد لله
نادين :بخير واللا عامل نفسك بخير
يزيد :انا مش فاهم تقصدي ايه
نادين :اقصد انك أكيد بعد مرور اكتر من شهر على جوازك من اللي اسمها ايمان دي اكيد طبعا اتأكدت انك كنت مخطئ فى اختيارك ليها
وانها ماتصلحش تكون مراتك يايزيد مش كده لأن مش دي اللي تليق بيك وتقدر تظهر معاها فى المجتمعات الراقيه
يزيد :انتي ازاي تتكلمي عن مراتي بالشكل ده ومين اللي سمحلك انك تدخلى فحياتي كده
انا مراتي شرف لية اني اتجوزتها قبل مايكون شرف ليها
وانا اصلا اللي اتجايلت عليها انها توافق لانها غاليه وغاليه اوي
مبتفرضش نفسها ولا مشاعرها على حد عندها عزة نفس وكرامه
نادين:انت تقصد ايه بكلامك ده انت بتهينني عشان واحده زي دي
يزيد :الواحده دي تبقى مراتي واللي كرامتها من كرامتي ولو حد فكر يجيب سيرتها بكلمه انسفه من على وش الأرض
دكتورة نادين انا كل اللي كان بيني وبينك المستشفى وافتكر انها خلصت خلاص وسلمناها ليكي على اكمل وجه
وبكده يبقى كل اللي بيننا انتهى ومفيش اي داعي لتواجد حضرتك بالشركه هنا تاني
نادين :انت بتطردني يايزيد بتطردني عشان بكشفلك الحقيقه اللي غايبه عنك وانك المفروص اسمك يرتبط باسم اللي تناسبك اللي ترفعك لفوق مش تنزلك لتحت
😑تفتح عليهم الباب فجأة وتقف امامهم:دكتورة نادين مش معقول وانا بقول الشركه كانت منورة وفجأة النور راح منها ليه
اه والله اصل احيانا الجماد بيحس اكتر من الانسان
بس بجد والله انا مكسوفالك اوي شكلك وحش مش معقوله دكتورة نادين بجلالة قدرها بنت الحسب والنسب تقف كده تذل نفسها قدام حد عشان يرضى عنها
معقوله دي طب مستنيه يقولك ايه اكتر من كده وبعدين مانتي كنتي قدامه لوعاوزك ماكان خدك
هو صحيح انتي مركز وقيمه واهل ونسب وحاجه كده اخر كلام بس القلب ومايريد بقى ويزيد حبيبي قلبه مش عاوز غيري مش كده يازيزو
تنظر لهم بغضب شديد وتخرج سريعا من المكان وهي تشعر بالخزي من نفسها
بينما هو :ايمان انا
تضع يدها على فمه:هششششش متتكلمش انا سمعت كل حاجه
انا كنت جايةاسلم على منى ملقتهاش على مكتبها والباب كان موارب وسمعت كل حاجه
يزيد :انا اسف على الكلام اللي قالته انا لولا انها ست كنت ضربتها بالقلم
إيمان :سيبك منها انا حبيبي ميعتذرش ابدا
يزيد :ايمان انتي قلتي حبيبي
ايمان:ايوة حبيبي وروح قلبي ونور عينيه
يزيد :ايمان مش معقوله بجد ياايمان بجد انتي بتحبيني من امتى ياايمان
ايمان :من وقت ماحسيت معاك بالامان والحب من وقت ماحسيتك اهلي ودنيتي وسندي وكل مالية
انت حبيبي بحبك يايزيد
حبي وعشقي ليك هو اللي نطق كلمته الاخيرة وقال يزيد حبيبي
يحملها يزيد ويلف بها فى المكتب غير مصدق نفسه انه اخيرا سمع منها تلك الكلمه التي كان يتمناها
ايمان :هههههههه
يزيد :بحبك ياايمان بحبك ممكن بقى توافقي نقضي شهر العسل
اللي اجلناه من يوم جوازنا
إيمان :طبعا موافقه
بس انا متغاظه منها اوي بت الجذمه دي
يزيد :صحيح انتي ازاي مسكتي نفسك كده ده انا قلت انك حتجيبيها من شعرها زي ماكنتي بتعملي فمياده
ايمان :حبيبي وقتها انا كنت موظفه وممكن تجازيني لو غلطت لكن انا دلوقتى مراة يزيد صاحب الشركه اللي اي فعل اعمله ممكن يسئ ليه ولسمعته وانا مستعده استحمل اي شئ الا ان حاجه تسيئلك ياحبيبي
يزيد :بحبك ياايمان
ايمان:بموت فيك ياقلب ايمان
